Sat. Nov 21st, 2026

water bottle

ಬಾಟ್ಲಿದ ನೀರ್ ತಯಾರ್ ಮಲ್ಪುನ 45 ಫ್ಯಾಕ್ಟ್ರಿಗ್ ರೈಡ್

ಬೆಂಗಳೂರು : ಆರೋಗ್ಯ ಸಚಿವೆರ್ ಯು.ಟಿ. ಖಾದರ್ ಮೆರೆನ ಆದೇಶದ ಮಿತ್ತ್ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆದ ಆಹಾರ ಸುರಕ್ಷತೆ ಬೊಕ್ಕ ಔಷಧ ಆಡಳಿತ ವಿಭಾಗದ ಅಧಿಕಾರಿಲು ಶುಕ್ರವಾರ ರಾಜ್ಯದ 45 ಪ್ಯಾಕೇಜ್ಡ್ ಪರ್ಪಿನ ನೀರ್‌ದ ಘಟಕಡ್ ರೈಡ್ ಮಲ್ತ್‌ದ್ ವಿಶೇಷ ತಪಾಸಣೆ ಮಲ್ದೆರ್.

ಈ ರೈಡ್‌ಡ್ 32 ಘಟಕದ ನೀರ್‌ದ ಮಾದರಿ ಸಂಗ್ರಹ ಮಲ್ತ್‌ದ್, ಸರ್ಕಾರಿ ಆಹಾರ ಪ್ರಯೋಗಾಲಯಲೆಗ್ ಪರೀಕ್ಷೆಗ್ ಕಡಪಾದೆರ್. ಕೆಲವು ಫ್ಯಾಕ್ಟ್ರಿಡ್ ಸ್ವಚ್ಛತೆ ಉಪ್ಪಂದಿನವು, ಸಿಬ್ಬಂದಿಗ್ ವೈದ್ಯಕೀಯ ಪ್ರಮಾಣಪತ್ರ ದಾಂತಿನವು ಇಂಚಿನ ಮಾತ ಪತ್ತೆ ಆತ್ಂಡ್. 24 ಯುನಿಟ್‌ಗ್ ನೋಟಿಸ್ ಜಾರಿ ಮಲ್ತ್‌ದೆರ್ ಪಂಡ್‌ದ್ ಸಚಿವೆರ್ ಎಕ್ಸ್ ‌ಡ್ ಪೋಸ್ಟ್ ಮಲ್ದೆರ್.

ನೀರ್‌ದ ಬಾಟಲಿಡ್ ಗೀಟ್‌ದ ಡಿಸೈನ್ ಇಪ್ಪುನು ನೆಕ್ಕ್ ಬೋಡಾದ್ !

ಬಿಸ್ಲರಿ ಅತ್ತ್ಂಡ ಬೇತೆ ರೀತಿದ ನೀರ್‌ದ ಬಾಟಲಿಡ್ ಗೀಟ್ ಪಾಡ್ದಿನ ಡಿಸೈನ್ ಇಪ್ಪುಂಡು. ಆಂಡ ಈ ರೀತಿದ ಡಿಸೈನ್ ದಾಯೆ ಮಲ್ಪುವೆರ್ ಪಂದ್ ಏರೆಗ್ಲಾ ಗೊತ್ತಿಜಿ!! ಮಸ್ತ್ ಜನ ಉಂದೆನ್ ಡಿಸೈನ್‌ಗಾದ್ ಮಲ್ತಿಪ್ಪುವೆರ್ ಪಂದ್ ಎನ್ನ್‌ದಿಪ್ಪುವೆರ್.

ನೀರ್‌ದ ಬಾಟಲಿದ ಪ್ಲಾಸ್ಟಿಕ್ ಗಟ್ಟಿ ಪ್ಲಾಸ್ಟಿಕ್ ಅತ್ತ್. ಬದಲ್‌ಗ್ ಲೊ ಕ್ವಾಲಿಟಿದ ಪ್ಲಾಸ್ಟಿಕ್‌ದ ಮುಕೇನ ನೀರ್‌ದ ಬಾಟಲಿನ್ ಮಲ್ಪುವೆರ್. ಇಂಚಾದ್ ಬಾಟಲಿಗ್ ಬಲ ಕೊರ್ಪಿನ ಸಲುವಾದ್ ಇಂಚಿನ ಗೀಟ್‌ಲೆನ್ ಪಾಡುವೆರ್. ಕಾಲಿ ಬಲ ಮಾತ್ರ ಅತ್ತ್ ಗ್ರಿಪ್‌ಗಾದ್‌ಲ ಇಂಚಿನ ಗೀಟ್‌ಲೆನ್ ಪಾಡುವೆರ್. ನೀರ್ ಪರ್‍ನಗ ಗ್ರಿಪ್ ಇಪ್ಪಡ್ ಪಂದ್‌ಲ ಬಾಟಲಿಗ್ ಗೀಟ್‌ನ್ ಪಾಡುವೆರ್.

You Missed