Udupi

ರಹಸ್ಯ ಮಾಹಿತಿ ಸೋರಿಕೆ ಆರೋಪಡ್ ಪತ್ತ್ ಎಪ್ಲಿಕೇಶನ್ ನಿಷೇಧ ಮಲ್ತಿನ ಗೂಗಲ್

ನವದೆಹಲಿ: ಗ್ರಾಹಕೆರ್ನ ರಹಸ್ಯ ಮಾಹಿತಿ ಸೋರಿಕೆ ಅರೋಪದ ನೆಲೆಟ್ಟ್ ಪತ್ತ್ ಅಪ್ಲಿಕೇಶನ್ ನ್ ಗೂಗಲ್ ನಿಷೇಧ ಮಲ್ದುಂಡು .

ರಾಡಾರ್ ಕ್ಯಾಮೆರಾ, ಎಐ ಮೊಅಸಿನ್ ಟೈಮ್ಸ್, ವೈಫೈ ಮೌಸ್ (ರಿಮೋಟ್ ಕಂಟ್ರೋಲ್ ಪಿಸಿ), ಆಪ್‌ಸೋರ್ಸ್ ಹಬ್‌ ದ ಕ್ಯೂಆರ್ ಬೊಕ್ಕ ಬಾರ್‌ಕೋಡ್ ಸ್ಕ್ಯಾನರ್, ಕಿಬ್ಲಾ ಕಂಪಾಸ್ (ರಂದಾನ್ 2022), ಸಿಂಪಲ್ ವೆದರ್ ಬೊಕ್ಕ ಕ್ಲಾಕ್ ವಿಜೆಟ್, ಹ್ಯಾಂಡ್ ಸೆಟ್ ನೆಸ್ಟ್ ಎಸ್ಸೆಮ್ಮೆಸ್ -ಟೆಸ್ಟ್ ವಿದ್ ಎಂಎಂಎಸ್, ಸ್ಮಾರ್ಟ್‌ಕಿಟ್ 360, ಫುಲ್ ಕುರಾನ್ MP3 – 50+ ಲ್ಯಾಂಗ್ವೇಜಸ್ & ಟ್ರಾನ್ಸ್ ಲೇಷನ್ ಆಡಿಯೋ ,ಬೊಕ್ಕ ಆಡಿಯೋ ಸ್ಟೆರಾಯ್ಡ್ ಆಡಿಯೋ ಸ್ಟುಡಿಯೋ ಡಿಎ ಡಬ್ಲ್ಯು -ಇಂಚಿನ ಅಪ್ಲಿಕೇಶನ್ ನ್ ಗೂಗಲ್ ನಿಷೇಧ ಮಲ್ದುಂಡು .

Google prohibits ten applications for leakage of confidential information.

New Delhi : Google has prohibited ten applications on allegations of leakage of confidential information.

Rader camera, AI Moasin times, Mouse( remote control pc) , QR of upsource hub and bar code scanner, Kibla compass (randan2022) , simple weather and clock vijet,
Handset nest sms- test with mms, smartkit360, full kuran MP3-50+, language and translation audio, stared audio studioDAW were the applications prohibited by Google.

ಗುಜರಾತ್ ಡ್ ಪತ್ತೆ ಆಂಡ್ ಸುರುತ ಕೋವಿಡ್ XE ರೂಪಾಂತರ

ವಡೋದರಾ,ಏಪ್ರಿಲ್ 09 : ಗುಜರಾತ್‌ಡ್ ಕೊರೊನಾ ಸೋಂಕುದ ಪೊಸ ರೂಪಾಂತರಿಯಾಯಿನ XE ತಳಿ ಪತ್ತೆ ಆತುಂಡು ಪಂದ್ ಆರೋಗ್ಯ ಸಚಿವೆರ್ನ ಮೂಲ ತೆರಿಪಾದುಂಡು.

ಮಾರ್ಚ್ 11 ಕ್ಕ್ ವಡೋದರಾ ನಗರದ ಗೋತ್ರಿ ಪ್ರದೇಶದ 60 ವರ್ಷದ ವ್ಯಕ್ತಿಗ್ ಕೋವಿಡ್ ಬೈದುಂಡು , ಐರ್ದ್ ಬೊಕ್ಕ ಐತ ಮಾದರಿನ್ ಜೀನೋಮ್ ಪರೀಕ್ಷೆಗ್ ಕಡಪಾದ್ ಇತ್ತೆರ್ . ಪರೀಕ್ಷಾ ಫಲಿತಾಂಶ ಅರೆಗ್ XE ರೂಪಾಂತರದ ತಳಿಯು ಪತ್ತೆಯಾಯಿನೆನ್ ತೆರಿಪಾದುಂಡು.ಆ ನರಮಾನಿ ಪರ ರಾಜ್ಯೊಗೂ ಪೋತುಜೆರ್ ಪಂದ್ ಈ ಪೊರ್ತುಡು ತೆರಿದ್ ಬೈದುಂಡು.

2050 ನೇ ಇಸವಿದ ಉಲಯಿ ಕಡಲ್ದ ಪಾಲ್ ಆಯೆರೆ ಉಂಡು ಕುಡ್ಲ.!!

ನವದೆಹಲಿ, ಎಪ್ರಿಲ್ 09: 2050ರ ಪೊರ್ತುಗು ಕುಡ್ಲ , ಮುಂಬೈ, ಕೊಚ್ಚಿ, ಚೆನ್ನೈ, ವಿಶಾಖಪಟ್ಟಣ ಸೇರಿನಂಚ ದೇಶದ ಕರಾವಳಿ ಭಾಗ ಕಡಲ್ ದ ಪಾಲ್ ಆಯರೇ ಉಂಡು ಪಂದ್ ವರದಿಯೊಂಜಿ ತೆರಿಪಾದುಂಡು .

ಆರ್‌ಎಂಎಸ್‌ಐ ಗ್ಲೋಬಲ್‌ ರಿಸ್ಕ್‌ ಮ್ಯಾನೇಜ್‌ಮೆಂಟ್‌ ಕಂಪನಿ ಈ ವಿಶ್ಲೇಷಣೆ ನಡಪಾದೆರ್.ವಿಶ್ವಸಂಸ್ಥೆದ ಹವಾಮಾನ ಬದಲಾವಣೆದ ಬಗ್ಗೆ ಅಂತರ ಸರ್ಕಾರ ಸಮಿತಿದ (ಐಪಿಸಿಸಿ) 2021 ವರದಿನ್ ವಿಶ್ಲೇಷಣೆ ಪ್ರಕ್ರಿಯೆಡ್ ಬಳಕೆ ಮಲ್ದೆರ್ .

ಚೆನ್ನೈ, ಮುಂಬೈ, ಕೊಚ್ಚಿ, ಕುಡ್ಲ , ವೈಝಾಗ್‌ ಬೊಕ್ಕ ತಿರುವನಂತಪುರ ಕರಾವಳಿ ಪೇಂಟೆ ನ್ ವಿಶ್ಲೇಷಣೆ ಮಲ್ದೆರ್. ಹೈ-ರೆಸಲ್ಯೂಷನ್‌ ಡಿಜಿಟಲ್‌ ರೂಪಡ್ ಭೂಪ್ರದೇಶದ ಮಾದರಿನ್ ಸೃಷ್ಟಿ ಮಲ್ತ್ , ಸಮುದ್ರ ಮಟ್ಟ ಏರಿಕೆ ಮುನ್ನೆಚ್ಚರಿಕೆಲೆನ್ ಆಧಾರ ಆದ್ ದೀಯೊಂದು ವಿಶ್ಲೇಷಣೆ ಮಲ್ದೆರ್ . ಐಪಿಸಿಸಿ ವರದಿದ ಪ್ರಕಾರ, 2050ಕ್ಕ್ ಭಾರತಗ್ ಸಮುದ್ರ ಮಟ್ಟ ಭಾರೀ ಜಾಸ್ತಿ ಆಯರೇ ಉಂಡು .

ಹಿಂದೂ ಮಹಾಸಾಗರದ ಉತ್ತರಡ್ 1874ರ್ದ್ 2004 ಮುಟ ಪ್ರತಿ ವರ್ಷ ಸಮುದ್ರ ಮಟ್ಟ 1.06ರ್ದ್ 1.75 ಮಿ.ಮೀ. ಜಾಸ್ತಿ ಆತುಂಡು . 1993-2017 ಇಸವಿ ಮುಟಲ ಪ್ರತಿ ವರ್ಷ 3.3 ಮಿ.ಮೀ ಜಾಸ್ತಿ ಆತುಂಡು . ಈ ಪ್ರಮಾಣ ನನ ದುಂಬು ಜಾಸ್ತಿ ಆಯರೇ ಉಂಡು ಮುಂಬೈಡ್ ಸುಮಾರು 998 ಕಟ್ಟಡ ಬೊಕ್ಕ 24 ಕಿ.ಮೀ. ಉದ್ದದ ಮಾರ್ಗಗ್ 2050 ಇಸವಿದ ಪೊರ್ತುಡು ಅಪಾಯ ಬರಿಯೆರೆ ಉಂಡು .

ದ್ವಿತೀಯ ಪಿಯುಸಿದ ಪರಿಷ್ಕೃತ ವೇಳಾಪಟ್ಟಿ ಪ್ರಕಟ

ಬೆಂಗ್ಳೂರು: ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷ ವೇಳಾಪಟ್ಟಿನ್ ಪಿಯುಸಿ ಬೋರ್ಡ್ ಪ್ರಕಟ ಮಲ್ದುಂಡು .

ನೆತ್ತ ಪ್ರಕಾರ ಏಪ್ರಿಲ್ 22 ರ್ದ್ ಮೇ 18 ಮುಟ ಪರೀಕ್ಷೆ ನಡಪರೆ ಉಂಡು . ಏಪ್ರಿಲ್ 22-ತರ್ಕಶಾಸ್ತ್ರ ,ವ್ಯವಹಾರ ಅಧ್ಯಯನ
ಏಪ್ರಿಲ್ 23-ಗಣಿತಶಾಸ್ತ್ರ, ಶಿಕ್ಷಣಶಾಸ್ತ್ರ
ಎಪ್ರಿಲ್ 25-ಅರ್ಥಶಾಸ್ತ್ರ
ಏಪ್ರಿಲ್ 26-ರಸಾಯನಶಾಸ್ತ್ರ, ಮನಶಾಸ್ತ್ರ,
ಏಪ್ರಿಲ್ 27-ತಮಿಳು, ತೆಲುಗು, ಮಲಯಾಳಂ ,ಮರಾಠಿ ,ಸಂಸ್ಕೃತ
ಎಪ್ರಿಲ್ 28-ಕನ್ನಡ, ಅರೇಬಿಕ್
ಮೇ 4-ಭೂಗೋಳಶಾಸ್ತ್ರ , ಜೀವಶಾಸ್ತ್ರ
ಮೇ 5-ಮಾಹಿತಿ ತಂತ್ರಜ್ಞಾನ
ಮೇ 6-ಇಂಗ್ಲಿಷ್
ಮೇ 10 -, ಭೌತಶಾಸ್ತ್ರ, ಇತಿಹಾಸ
ಮೇ 12-ರಾಜ್ಯಶಾಸ್ತ್ರ ,ಸಂಖ್ಯಾಶಾಸ್ತ್ರ
ಮೇ 14-ಸಮಾಜಶಾಸ್ತ್ರ, ಗಣಕ ವಿಜ್ಞಾನ
ಮೇ 17-ಲೆಕ್ಕಶಾಸ್ತ್ರ, ಗೃಹ ವಿಜ್ಞಾನ ಭೂಗರ್ಭಶಾಸ್ತ್ರ
ಮೇ 18-ಹಿಂದಿ
ಪರೀಕ್ಷೆ ನಡಪರೆ ಉಂಡು.