tulunews

ಜೀರ್ಣೋದ್ಧಾರೊಗ್ ಕಾತೊಂದುಂಡು ಯರುಕೋಣೆ ಬ್ರಹ್ಮಬೈದರ್ಕಳ ಕೋಟಿ ಚೆನ್ನಯ ಬೊಕ್ಕ ಪಂಜುರ್ಲಿ ಗರೋಡಿ

Apr 28, 2022

ಮಣ್ಣ್ ದ ಗೋಡೆದ ಗರೋಡಿಗ್ ನವೀಕರಣದ ಯೋಗ

ನಮ್ಮ ತುಳುನಾಡ ದೈವಾರಾಧನೆಲೆಡ್ ಗರೋಡಿ ಒಂಜಿ ಪ್ರಧಾನವಾಯಿನ ಪಾತ್ರನ್ ವಹಿಸೊಂದ್ಂಡ್. ಇಂಚಿನ ಮಸ್ತ್ ಗರೋಡಿಲು ಉಂಡು. ಅಂಚಿನ ಪಿರಾಕ್ ದ ಗರೋಡಿಲೆಡ್ ಒಡಿಪು ಜಿಲ್ಲೆ ಬೈಂದೂರ್ ತಾಲೂಕ್ ದ ಹೇರೂರು ಗ್ರಾಮದ ಯರುಕೋಣೆದ ಪೂಜಾರಿ ಇಲ್ಲ್ ಕೈತಲ್ ಇಪ್ಪುನ ಗರೋಡಿಲ ಒಂಜಿ. ಈ ಗರೋಡಿ ಪಿರಾಕ್ ದ ಅಂಚನೆ ಮಸ್ತ್ ಶಕ್ತಿಯುತವಾದ್ಂಡ್. ಈ ಪಿರವು ನಮ್ಮ ಪೆರಿಯೆರ್ ಮಣ್ಣ್ ದ ಗೋಡೆ, ಸುಂದರವಾಯಿನ ಓಡು, ಮಲ್ಲ ಮಲ್ಲ ಬಿಂಬಲು, ಆಕರ್ಷಣೀಯವಾದ್ ಇಪ್ಪುನ ಶಿಲೆತ್ತ ವೆಂಕಟರಮಣ ಮೂರ್ತಿ, ಇಂಚ 50ರ್ದ್ ಲ ಮಿತ್ತ್ ಸಾನಿಧ್ಯಲು ಇಪ್ಪುನ ಗರೋಡಿನ್ ನಿರ್ಮಿಸಾದ್, ಪೂಜೆ ಪುನಸ್ಕಾರನ್ ಮಲ್ತೊಂದ್ ಬೈದೆರ್. ಪೂರ್ವ ದಿಕ್ಕ್ ಡ್ ಇಪ್ಪುನ ಗರೋಡಿ ಉಂದಾದಿತ್ತ್ ದ್, ಸುಮಾರ್ ರಡ್ದರೇ ಶತಮಾನದ ಇತಿಹಾಸ ಇಪ್ಪುನ ಗರೋಡಿ ಉಂದಾತ್ಂಡ್. ಕಾಲ ಪೋಯಿಲೆಕ್ಕನೇ ಮಣ್ಣ್ ದ ಗೋಡೆಲು ಅಂಚನೆ ಓಡು ಪೂರ ಹಾಳಾದಿತ್ತ್ ದ್, ಪುಂಚ ಬುಲೆದ್, ಕೆಲವು ಬಿಂಬಲು ಮುಚ್ಚಿದ್ ಪೋತ್ಂಡು. ಇತ್ತೆ ಗರೋಡಿ ಪೂರ ಹಾಳಾದಿತ್ತ್ ದ್, ಪೂಜೆ, ಪುನಸ್ಕಾರ ಮಲ್ಪರೆ ಪೋಡಿಗೆ ಆಪಿಲೆಕ್ಕ ಆತ್ಂಡ್. ಅಂಚಾದ್ ಈ ಗರೋಡಿನ್ ನವೀಕರಣ ಮಲ್ಪರೆ ನಿಶ್ಚಯ ಮಲ್ತೆದೆರ್.

ಈ ಪಿರವು ಒವ್ ಸಂಪ್ರದಾಯಡ್ ಸೇವೆಲು ನಡತ್ತೊಂದ್ ಇತ್ತ್ಂಡೊ ಕಾಲಕ್ರಮೇಣ ಕೆಲ ಪೂಜೆಲು ಉಂತುನ್ಡಲ ಮುಖ್ಯವಾಯಿನ ಸೇವೆಲು ಸರಳವಾದ್ ವಿಧಿಪೂರ್ವಕವಾದ್ ಅನುಷ್ಠಾನ ಆವೊಂದ್ ಬೈದ್ಂಡ್. ಈ ಗರೋಡಿನ್ ನಂಬಿನ ಕುಟುಂಬಲು ಕೆಲವೆರ್ ಮಾತ್ರ ಇಪ್ಪುನಿ. ಬೊಕ್ಕ ಅಕುಲ್ ಮಾತ ಆರ್ಥಿಕವಾದ್ ದುಂಬು ಇಪ್ಪಂದಿನ ಕಾರಣ ಜೀರ್ಣೋದ್ಧಾರ ಕಾರ್ಯಗ್ ದುಂಬು ಪೋಯರೆ ಧೈರ್ಯ ಯಾರಿಜಿ. ದಾದಾಂಡಲ ಪ್ರಯತ್ನ ಮಲ್ತ್ ದ್, ಜೀರ್ಣೋದ್ಧಾರ ಮಲ್ಪೊಡ್ ಪನ್ಪಿನ ದೃಢ ಸಂಕಲ್ಪರ್ದ್ ಭಕ್ತೆರ್ ಸಾಕಾಯ ಕೊರ್ದ್ ದೇವತಾ ಕಾರ್ಯನ್ ಪೂರ್ಣ ಮಲ್ಪಿನ ಬಗೆಟ್ಟ್ ನಿಕ್ಲೆಡ ಸಕಾಯನ್ ಕೆನೊಂದುಲ್ಲ.

ಜೀರ್ಣೋದ್ಧಾರದ ಸುರುತ್ತ ಹಂತವಾಯಿನ ಗರೋಡಿದ ಬೇಲೆನ್ ಎಂಚ ಮಲ್ಪೊಡು ಪಂದ್ ಮಸ್ತ್ ಗರೋಡಿಲೆನ್ ತೂದ್ ಬೊಕ್ಕ ಧಾರ್ಮಿಕ ಮುಖಂಡೆರ್ನ ಸಲಹೆ ಸೂಚನೆನ್ ದೆತೊಂದ್, 2019ನೇ ಫೆಬ್ರವರಿ 2 ತಾರೀಕ್ ಗ್ ಆರೂಢ ಪ್ರಶ್ನೆ ದಿಯರೇ ಚಿಂತನೆ ಮಲ್ತೆರ್. ಪ್ರಶ್ನೆಡ್ ತೆರಿದ್ ಬತ್ತಿಲೆಕ್ಕ 2020 ನೆ ಇಸ್ವಿ ಮೇ 11ಕ್ಕ್ ನಾಗನ ಆರಾಧನೆ, ಮಹಾಗಣಪತಿ ಹೋಮ, ಮೃತ್ಯುಂಜಯ ಹೋಮ ಇಂಚಿತ್ತಿನ ಪೂಜೆ, ಹೋಮ ದೇವೆರ್ನ ಆರಾಧನೆನ್ ಮಲ್ತೆರ್.

ಜಗತ್ತ್ ಗ್ ಬತ್ತಿನ ಕೋವಿಡ್ 19 ಸೀಕ್ ರ್ದ್ ಮಸ್ತ್ ತೊಂದರೆ ಆಂಡಲಾ ಸರ್ಕಾರದ ನಿಯಮನ್ ಪಾಲಿಸಾವೊಂದ್, ದೈವಶಕ್ತಿದ ಅನುಗ್ರಹಟ್ಟ್ ಸರಳವಾದ್ ಮಾತ ಕಾರ್ಯಕ್ರಮನ್ ವಿಧಿ ವಿಧಾನರ್ದ್ ಮಲ್ತೆರ್. ಎಡ್ಡೆ ಇಂಜಿನಿಯರ್ ನೀಲನಕ್ಷೆ ಬೊಕ್ಕ ಅಂದಾಜು ಕರ್ಚಿದ ಪಟ್ಟಿ ತಯಾರ್ ಮಲ್ತೆರ್. ಪೊಸ ಗರೋಡಿ ಕಟ್ಟಾವರೆ ಸುಮಾರ್ 1 ಕೋಟಿ 50 ಲಕ್ಷ ಕಾಸ್ ಬೋಡಿತ್ತ್ ದ್, ಮಾತ ಭಕ್ತಾಭಿಮಾನಿಲು ತನು-ಮನ-ಧನತ್ತ ಸಾಕಾರನ್ ಕೊರ್ದ್, ಎಂಕ್ಲೆಗ್ ಮಾತ ಕ್ಷೇತ್ರಾದಿ ಶಕ್ತಿಲು ಆಯುಷ್ಯ, ಆರೋಗ್ಯ, ಸಂಪತ್ತ್ ಕೊರಡ್ ಪಂದ್ ಯರುಕೊಣೆ ಶ್ರೀ ಬ್ರಹ್ಮಬೈದರ್ಕಳ ಕೋಟಿ ಚೆನ್ನಯ ಬೊಕ್ಕ ಪಂಜುರ್ಲಿ ಗರೋಡಿದ ಜೀರ್ಣೋದ್ಧಾರ ಸಮಿತಿದ ಸೇವಾಕರ್ತೆರ್ ದೇವೆರ್ಡ ಪ್ರಾರ್ಥನೆ ಮಲ್ತೊಂದೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಮಾರ್ಚ್ 27 ಲೆರ್ದ್ ಏಪ್ರಿಲ್ 3 ಮುಟ್ಟ ಕುಂಪಲದ ಶ್ರೀ ಬಾಲಕೃಷ್ಣ ಮಂದಿರಡ್ ಅಖಂಡ ಭಜನಾ ಸಪ್ತಾಹ

Mar 16, 2022

ಕುಡ್ಲದ ಕುಂಪಲ ಶ್ರೀ ಬಾಲಕೃಷ್ಣ ಮಂದಿರ(ರಿ.) ಮುಲ್ಪ ಮಾರ್ಚ್ 27 ಲೆರ್ದ್ ಏಪ್ರಿಲ್ 3 ಮುಟ್ಟ ಅಖಂಡ ಭಜನಾ ಸಪ್ತಾಹ ನಡಪರೆ ಉಂಡು.

ಮಾರ್ಚ್ 27ಕ್ಕ್ ಪುಲ್ಯ ಕಾಂಡೆ ಸೂರ್ಯ ಉದಯ ಆಪಿನಗ ಭಜನೇ ಸುರು ಆಯರೇ ಉಂಡು. ಮಸ್ತ್ ಮಲ್ಲ ಮಲ್ಲ ಬಿನ್ನೆರ್ ತುಡರ್ ಆರ್ಲಾದ್ ಈ ಭಜನಾ ಸಪ್ತಾಹನ್ ಉದಿಪನ ಮಲ್ತೆರೇ ಉಲ್ಲೆರ್. 8 ದಿನತ್ತ ಕಾಲ ನಡಪರೆ ಇಪ್ಪುನ ಈ ಭಜನಾ ಸಪ್ತಾಹಡ್ ಮಸ್ತ್ ಭಜನಾ ಮಂಡಿಲು ಪಾಲ್ ಪಡೆಯರೇ ಉಲ್ಲೆರ್. ಮಾತ ಭಕ್ತಾಧಿಮಾನಿಲು ದೇವರ್ನ ಸನ್ನಿಧಾನಗ್ ಬತ್ತ್ ದ್, ಈ ಭಜನಾ ಕಾರ್ಯಕ್ರಮಡ್ ಪಾಲ್ ಪಡೆಯೊಡ್ ಪಂದ್ ದೇವಲ್ಯದ ಆಡಳಿತ ಮಂಡಳಿದಕುಲು ಬಿನ್ನಾಪು ಮಲ್ತೆರ್.

Akanda Bajana Saptah week from March 27th to April 3rd at Sri Balakrishna Mandir (R) Kumpala Mangalore.

On the 27 th of March at dawn the Bajana Saptah will start at Balakrishna Mandir ; and will continue for the next 8 days. Many Bajana Mandals are expected to take part in the event.
The temple management has invited all devotees to come over and take part in this auspicious event.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಆನ್ ಲೈನ್ ಲೋನ್ ದ ಬಲೆಕ್ಕ್ ಬೂರಡೆ !

Jan 12, 2022

ಕುಡ್ಲ : ಸುರತ್ಕಲ್ ಸ್ಟೇಷನ್ ವ್ಯಾಪ್ತಿಡ್ ಸುಶಾಂತ್ (26 ವರ್ಷ ) ಪನ್ಪಿನ ಜವಣೆ ಜ. 10 ತಾರೀಕ್ ದಾನಿ ತಾನ್ ಬೇಲೆ ಮಲ್ಪುನ ಜಾಗೆಡ್ ಬಲ್ಲ್ ಪಾರ್ದ್ ತೀರ್ ಪೋಯಿನ ಘಟನೆ ನಡದ್ಂಡ್. ಆನ್ ಸಾಲದಕುಲು ಕೇಂಡೆರ್ಡ ಯಾನ್ ಸೈತ್ ದೆ ಪಂದ್ ಪನ್ಲೆ ಪಂದ್ ಸುಶಾಂತ್ ಡೆತ್ ನೋಟ್ ಬರೆದ್ ದೀದಿತ್ತೆರ್.

ಒಡಿಪುಡು ಇಂಚೊಗು ನಡತಿನ ಇಂಚಿನನೇ ಘಟನೆ ಸೇರ್ದ್ ಆನ್ ಲೈನ್ ಸಾಲೊಗು ಜೂವ ದೆತ್ತೊನೊಡಾಯಿನ ರಡ್ಡನೆ ಪ್ರಕರಣ ಉಂದು.

ಉಂದೆನ್ ಗಂಭೀರವಾದ್ ದೆತೊನಿನ ಪೊಲೀಸ್ ಇಲಾಖೆದಕುಲು ನನ ಇಂಚಿನ ಘಟನೆ ನಡಪರೇ ಬಲ್ಲಿ ಪನ್ಪಿನ ನಿಲೆಟ್ಟ್ ಕಟ್ಟ್ ನಿಟ್ಟ್ ದ ಕ್ರಮ ದೆತೊನುನ ನೆಲೆಟ್ಟ್ ಜನಕ್ಲೆಗ್ ನೆತ್ತ ಬಗ್ಗೆ ಎಚ್ಚೆರ್ಗೆ ಕೊರ್ತೆರ್.

ಈ ಪ್ರಕರಣಡ್ ತಾನ್ ಡೆತ್‌ನೋಟ್‌ಡ್ ಸಾಲ ಮಲ್ದೆ ಪಂದ್ ಸುಶಾಂತ್ ಬರೆತೆರ್.
ಆನ್‌ಲೈನ್ ಲೋನ್ ಆ್ಯಫ್‌ ದಕುಲು ಕಿರಿಕಿರಿ ಮಲ್ದೆರ್, ಈ ಬಗ್ಗೆ ಸುರತ್ಕಲ್ ಠಾಣೆಡ್ ಮೊ.ನಂ 04-2022 ಕಲಂ 306,384 ಐಪಿಸಿ ಬೊಕ್ಕ 66 ಸಿ ಬೊಕ್ಕ 66 ಡಿ ಐಟಿ ಆಕ್ಟ್ ನೇ ದ ಅಡಿಟ್ ಪ್ರಕರಣ ದಾಖಲ್ ಮಲ್ದೆರ್ .

ಲೋನ್ ಆ್ಯಫ್ ಸುರುಟ್ಟು ಚೈನಾ ಆ್ಯಪ್ ಸುರು ಆತಿನವು , ನ್ಯೂಯ್ದ ಲೋನ್ ಆ್ಯಫ್ ಪನ್ಪಿನ ಆ್ಯಪ್ ಲಾ ಚಾಲನೆಡ್ ಇತ್ತ್oಡ್ ಆಂಡ ಆ ಆ್ಯಪ್‌ನ್ ಇನ್‌ಸ್ಟಲ್‌ ಮಲ್ಪುನಗ ಬತ್ತಲೆ ಫೋಟೋನ್ ಪಡೆಯೊಂದು ಇತ್ತುಂಡು , ಒಂಜಿ ವೇಳೆ ಸರಿಯಾದ್ ಲೋನ್ ಕಟ್ಟ್ ಜಿಂಡ ಬೇತಕ್ಲೆಗ್ ಕಡಪಾವ ಪಂದ್ ಪೋಡಿಗೆ ಕಟ್ಟಾವೊಂದು ಇತ್ತೆರ್ .

ಭಾರತೊಡು ಸುಮಾರ್ 600ರ್ದ್ ಜಾಸ್ತಿ ಲೋನ್ ಆಫ್‌ ಉಂಡು , ನೆಕ್ಕ್ ಒವ್ವೆ ರೀತಿಡ್ ಆರ್‌ಬಿಐರ್ದ್ ಮಾನ್ಯತೆ ಇಜ್ಜಿ . ಉಂದು ಮಾತಾ ಪ್ಲೇಸ್ಟೋರ್‌ಡ್ ಡೌನ್‌ಲೋಡ್ ಮಲ್ಪುನ ಆ್ಯಪ್‌, ಇನ್‌ಸ್ಟಲ್‌ ಮಲ್ಪುನಗ ಮಸ್ತ್ ರೀತಿದ ಅನುಮತಿನ್ ಕೇನುoಡು . ಉದಾರ್ಮೆಗ್ ಕಾಂಟಾಕ್ಟ್, ವಿಡಿಯೋ ಫೋಟೋ ಕ್ಯಾಮರ, ಇಂಚ ಅನುಮತಿ ಕೇನುoಡು. ಮಾತೆಕ್ಕ್ ಲಾ ಎಸ್ ಎಸ್ ಪಾರ್ದ್ ಇನ್ಸಸ್ಟಾಲ್ ಮಲ್ತಿ ಬೊಕ್ಕ ಎಲ್ಯ ಪಣವು ಪಂಡ ರೂ 3000/- ಅತ್ತುಂಡ 5000/- ಕಾಸ್ ಕೊರ್ಪೆರ್ . ಐರ್ದ್ ಬೊಕ್ಕ ಸಾಲನ್ ಪಿರ ಕೊರ್ನಗ 30 ರ್ದ್ 60 % ಬಡ್ಡಿನ್ ಪಾರ್ದ್ ಸಾಲ ಮನ್ನ ಮಲ್ಪರೆ ಪನ್ಪೆರ್ ಒಂಜಿ ವೇಳೆ ಕುಡ ಮನ್ನಾ ಮಲ್ತಿಜಿಂಡ ಅಕ್ಲೆನ ಕಂಟಾಕ್ಟ್ ನಂಬರ್ ಗ್ ಪೋನ್ ಮಲ್ತ್ ಲೋನ್ ಪಡೆಯಿನಕ್ಲೆನ ಬಗ್ಗೆ ಪನ್ಪ ಪೋಟೋ , ವಿಡಿಯೋ ನ್ ಸಾಮಾಜಿಕ ಜಾಲಾತಣಡ್ ವೈರಲ್ ಮಲ್ಪುವ ಪಂದ್ ಪೋಡಿಪಾವೆರ್ . ಬೊಕ್ಕ ಕ್ರೆಡಿಟ್ ರೇಟ್ ಕಮ್ಮಿ ಆಪುಂಡು ನಿಕ್ಲೆನ ಮಿತ್ತ್ 420, ಚೀಟಿಂಗ್ ಕೇಸ್ ಪಾಡುವ ಪಂದ್ ಪನ್ಪೆರ್ . ಕೆಲವೊರ ಕೇಸ್ ದಾಖಲಾತ್ಂಡ್ ಪಂದ್ ನಕಲಿ ಎಫ್‌ಐಆರ್‌ ಕಡಪಾವೆರ್ . ನನ ನಿಕ್ಲೆಗ್ ದುಂಬುಡು ಒವ್ವೆ ಬ್ಯಾಂಕ್ದ ಸಾಲ ತಿಕ್ಕುಜಿ ಪಂದ್ ಪೋಡಿಗೆ ಕಟ್ಟಾವೆರ್.

ಸಾರ್ವಜನಿಕೆರ್ ಇಂಚಿನ ಲೋನ್‌ ಆ್ಯಪ್‌ನ್ ಡೌನ್‌ಲೋಡ್ ಮಲ್ಪರೆ ಬಲ್ಲಿ . ಇಂಚಿನ ಒವ್ವೆ ಆ್ಯಪ್ ಡೌನ್‌ಲೋಡ್‌ ಮಲ್ತುಂಡಲ ನಿಕ್ಲೆನ ಕಾಂಟ್ಯಾಕ್ಟ್, ವಿಡಿಯೋ, ಪೊಟೋಸ್ ತೂಯೆರೆ ಅನುಮತಿನ್ ಕೊರಿಯೆರೆ ಬಲ್ಲಿ . ಒವ್ವೆ ಲೋನ್ ಆಪ್ ನ್ ಇನ್ ಸ್ಟಲ್ ಮಲ್ಪುನಗ ಎಸ್ ಎಸ್ ಪಂದ್ ಮಾತೆಕ್ಕ್ಲಾ ಅನುಮತಿ ಕೊರ್ದು ಬಂಗಡ್ ಬೂರೊಚ್ಚಿ . ಮಸ್ತ್ ಕಮ್ಮಿ ಕಾಸ್ ಕೊರ್ದು ಜಾಸ್ತಿ ಬಡ್ಡಿ ಸಮೇತ ದೆತೊನುನು ಒಂಜಿ ವೇಳೆ ಲೋನ್ ಕಟ್ಟೆರೆ ಆಯಿಜಿಂಡ ನಿಕ್ಲೆನ ಮೊಬೈಲ್‌ಡ್ ಉಪ್ಪುನ ಮಾತಾ ಮಾಹಿತಿನ್ ದೀಯೊಂದು ಪೋಡಿಗೆ ಕಟ್ಟಾವುನ, ಬ್ಲಾಕ್‌ಮೇಲ್ ಮಾಡಿ ಹಣವನ್ನು ವಸಲು ಮಲ್ತ್ ಕಾಸ್ ದೆತೊನುನ ಇಚಾರಡ್ ಜನಕುಲು ಜಾಗ್ರತೆಡ್ ಉಪ್ಪೊಡು ಪಂದ್ ಪೊಲೀಸ್ ದಕುಲು ಮಾಹಿತಿ ಕೊರ್ತೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ದೈವರಾಜ ಶ್ರೀ ಕೋಟೆದ ಬಬ್ಬುಸ್ವಾಮಿ ದೈವಸ್ಥಾನ : ವರ್ಷದ ಉಚ್ಚಯ

Jan 4, 2022

ಬಿಜೈ : ದೈವರಾಜ ಶ್ರೀ ಕೋಟೆದ ಬಬ್ದುಸ್ವಾಮಿ ದೈವಸ್ಥಾನ ಬಿಜೈ ಕಾಪಿಕಾಡ್ಡ್ ತಾರೀಖ್ 07-01-2022 ರ್ದ್ 10/1/2022 ತಾರೀಖ್ ಮುಟ ವರ್ಷದ ನೆಮೋಚ್ಚಯ ನಡಪರೇ ಉಂಡು.

ತಾರೀಖ್ 7/1/2022 ನೇ ಶುಕ್ರಾರ ಬೈಯ್ಯಗ್ 6.00 ಗಂಟೆಗ್ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ,
ರಾತ್ರಿ 8.00 ಗಂಟೆಗ್ ಶುದ್ದ ಹೋಮ, ರಾತ್ರಿ 8.30 ಗಂಟೆಗ್ ಪ್ರಸಾದ ಪಟ್ಟುನ ಲೇಸ್. ತಾರೀಖ್ 8-01-2022 ನೇ ಶನಿವಾರ ಕಾಂಡೆ 6.00 ಗಂಟೆಗ್ ಭಂಡಾರ ಏರೆರೆ ಬೊಕ್ಕ
ಬಬ್ಬುಸ್ವಾಮಿ ದೈವದ ದರ್ಶನ ಅಂಚನೆ ರಾತ್ರಿ 10.30 ಗಂಟೆಗ್ ದೈವರಾಜ ಶ್ರೀ ಬಬ್ಬುಸ್ವಾಮಿ ಬೊಕ್ಕ ತನ್ನಿಮಾನಿಗ ದೈವದ ನೆಮೋಚ್ಚಯ ನಡಪರೇ ಉಂಡು ಅಂಚನೆ ತಾರೀಖ್ 09.01.2022 ನೇ ಐತಾರ
ಮಧ್ಯಾಹ್ನ ಗಂಟೆ 12.00ಕ್ಕ್
ರಾಹು ಗುಳಿಗ ದೈವದ ನೆಮೋಚ್ಚಯ,ರಾತ್ರಿ 10.00 ಗಂಟೆಗ್ ಪಂಜುರ್ಲಿ ಬೊಕ್ಕ ಗುಳಿಗ ದೈವದ ನೆಮೋಚ್ಚಯ, ತಾರೀಖ್ 10.01.2022ನೇ ಸೋಮಾರ ದಾನಿ ಕಾಂಡೆ 7.00 ಗಂಟೆಗ್ ಭಂಡಾರ ಜಪ್ಪೆರೆ ಬೊಕ್ಕ ಪ್ರಸಾದ ಪಟ್ಟುನೆತ್ತ ಒಟ್ಟುಗು ಅನ್ನ ಸಂತರ್ಪಣೆ ನಡಪರೇ ಉಂಡು.

ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಹೊಸ ಸಂಜೆ ಕೂಟ ಕಾರ್ಲ ವತಿರ್ದ್ ಭಗವದ್ಗೀತೆದ 12 ನೇ ಅಧ್ಯಾಯದ ಸುರುತ್ತ 8 ಶ್ಲೋಕ ಬಾಯಿಪಾಠ ಪಂಥ

Jan 3, 2022

ಕಾರ್ಲ : ಹೊಸ ಸಂಜೆ ಕೂಟ ಕಾರ್ಲ, ರಶ್ಮಿ ಚಾರಿಟೇಬಲ್ ಟ್ರಸ್ಟ್ (ರಿ.) ಮೆಕ್ಲೆನ ಒಟ್ಟು ಸೇರಿಗೆಡ್ ಕಾರ್ಲ ಬೊಕ್ಕ ಹೆಬ್ರಿ ತಾಲೂಕು ಮಟ್ಟದ ಶ್ರೀ ಮದ್ ಭಗವದ್ಗೀತೆದ 12 ನೇ ಅಧ್ಯಾಯದ ಸುರುತ್ತ 8 ಶ್ಲೋಕ ಬಾಯಿಪಾಠ ಪಂಥ ನಡಪರೇ ಉಂಡು. ಪಂಥಗ್ ಪ್ರಾಯದ ಮಿತಿ ಇಜ್ಜಿ,ಗೆಂದಿನಕ್ಲೆಗ್ 5000 ಪಣವುದ ಇನಾಮು ಉಂಡು. ಪಂಥ ನಡಪುನ ಜಾಗೆ ಬೊಕ್ಕ ಪೊರ್ತುನು ಜನವರಿ 7 ತಾರೀಖ್ ಗ್ ತೆರಿಪಾವೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ರಾಜ್ಯಡ್ ಕೊರೊನಾ, ಒಮಿಕ್ರಾನ್ ಅಬ್ಬರ : ಎಲ್ಲೆ ಸಿಎಂ ಬೊಮ್ಮಾಯಿ ಮುತಾಲಿಕೆಡ್ ಮಹತ್ವದ ಸಭೆ

Jan 3, 2022

ಬೆಂಗ್ಳೂರು : ರಾಜ್ಯಡ್ ದಿನರ್ದ್ ದಿನಕ್ ಕೊರೊನಾ (corona), ಒಮಿಕ್ರಾನ್ (Omicron( ಸೋಂಕುದ ಪ್ರಕರಣ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ದುಂಬುದ ಕ್ರಮ ದೆತೊನುನ ಬಗ್ಗೆ ಎಲ್ಲೆ ಬೈಯ್ಯಗ್ ತಜ್ನೆರ್ನ ಒಟ್ಟುಗು ಮಹತ್ವದ ಸಭೆ ನಡಪಾಯೆರೆ ಉಲ್ಲೆರ್ ಪಂದ್ ಸಿಎಂ ಬಸವರಾಜ ಬೊಮ್ಮಾಯಿ ಪಂತೆರ್ .

ಸುದ್ದಿಗಾರೆರ್ನ ಒಟ್ಟುಗು ಪಾತೆರಿನ ಆರ್ , ರಾಜ್ಯಡ್ ಕೊರೋನ ತಡೆಕ್ ಬೋಡಾಯಿನ ಬೋಡಾಯಿನ ಕ್ರಮ ದೆತೊನೆರೆ ಎಲ್ಲೆ ಬೈಯ್ಯಗ್ ಮಹತ್ವದ ಸಭೆ ನಡಪಾಯೆರೆ ಉಲ್ಲೆರ್ .

“ಕಲಾಭಿ” ಕಲಾ ಸಂಸ್ಥೆದ ಗೌರವ ಸಲಹೆಗಾರೆರಾದ್ ಪೆರಿಯ ರಂಗಕರ್ಮಿ, ಸಾಹಿತಿ ಡಾ. ನಾ. ದಾ. ಶೆಟ್ಟಿ

Dec 30, 2021

“ಕಲೆಗಾದ್ ಕಲಾವಿದೆ ಕಲಾವಿದಗಾದ್ ಕಲೆ” ಪನ್ಪಿನ ಧೈಯ ವಾಕ್ಯದ ಒಟ್ಟುಗು ಮೂಡುದು ಬತ್ತಿನ ಕಲಾಸಂಸ್ಥೆ “ಕಲಾಭಿ”ದ ಗೌರವ ಸಲಹೆಗಾರೆರಾದ್ ಪೆರಿಯ ರಂಗಕರ್ಮಿ, ಸಾಹಿತಿ, ವಿಮರ್ಶಕ ಡಾ. ನಾ.ದಾ. ಶೆಟ್ಟಿ ಮೆರೆನ್ ಮಾತೆರ್ನಲ ಅನುಮತಿದ ಒಟ್ಟುಗು ಆಯ್ಕೆ ಮಲ್ತೆರ್ .

ರಮೇಶ್ಚಂದ್ರ ಗೌರವಾಧ್ಯಕ್ಷೆರಾದ್ , ಸುರೇಶ್ ವರ್ಕಾಡಿ ಮೆರೆನ್ ಗುರ್ಕಾರ್ಲಾದ್ ಆಯ್ಕೆ ಮಲ್ತೆರ್ .

ಡಾ. ಮೀನಾಕ್ಷಿ ರಾಮಚಂದ್ರ ಒತ್ತು ಗುರ್ಕಾರ್ಲಾದ್ , ಶ್ರೀಮತಿ ರತ್ನಾವತಿ ಬೈಕಾಡಿ ಬೊಕ್ಕ ಶ್ರೀ ಸುಮನ್ ಕದ್ರಿ, ಕಾರ್ಯದರ್ಶಿಯಾದ್ ಶ್ರೀ ಉಜ್ವಲ್ ಯು.ವಿ. ಜತೆ ಕಾರ್ಯದರ್ಶಿಯಾದ್ ಶ್ರೀ ರವಿರಾಜ್ ಬೊಕ್ಕ ಶ್ರೀ ಸುಜಿತ್ ಕುಡ್ವ, ಕೋಶಾಧಿಕಾರಿಯಾದ್ ರಚನಾ ಆಚಾರ್ಯ, ಸದಸ್ಯೆರಾದ್ ಶ್ರೀ ಕಿರಣ್ ಕಲಾಂಜಲಿ, ವಿದುಷಿ ಲಾವಣ್ಯ ಸುಧಾಕರ್, ಶ್ರೀಮತಿ ಸವಿತಾ ಜೀವನ್, ಶಿಶಿರ್ ಜಿ ಶೆಟ್ಟಿ, ಐಸಿರಿ ಪಿ.ಕೆ, ಪೋಷಕ ಗುರ್ಕಾರ್ಲಾದ್ ಶ್ರೀಮತಿ ಬೊಕ್ಕ ಶ್ರೀ ಪ್ರಕಾಶ್ ಕುಮಾರ್, ಕಲಾಭಿದ ಪ್ರೊಡಕ್ಷನ್ ಮೇನೇಜರ್ ಆದ್ ಸಂಕೇತ್ ಉದಯಕುಮಾರ್, ಸಾಮಾಜಿಕ ಜಾಲತಾಣ ನಿರ್ವಾಹಕೇರಾದ್ ಸುಕೇಶ್ ಕೃಷ್ಣ, ಅಕ್ಷಯ್ ಎನ್. ಶೆಟ್ಟಿ., ವಿಷಯ ಬರಹಗಾರೇರಾದ್ ಶ್ರೀನಿಧಿ ಶೆಟ್ಟಿ ಬೊಕ್ಕ ಅಥಿಕ್ ಪೂಜಾರಿ, ಕಲಾಭಿ ಥಿಯೇಟರ್ ಮೇನೇಜರ್ ಆದ್ ಕಲಾವಿದೆ ತೃಷಾ ಶೆಟ್ಟಿ ಆಯ್ಕೆಯಾಯೆರ್ .

ಕುಡ್ಲದ ಮಾಲೇಮಾರ್‌ಡ್ ಉಪ್ಪುನ “ಕಲಾಭಿ” ಕಚೇರಿಡ್ ನಡತಿನ ‘ಕಲಾಭಿ’ ಕಲಾ ಸಂಸ್ಥೆದ ವರ್ಷದ ಮಹಾಸಭೆಟ್ ಪೊಸ ಕಾರ್ಯಕಾರಿ ಸಮಿತಿನ್ ಆಯ್ಕೆ ಮಲ್ತೆರ್ .

ಕಲಾಭಿರ್ದ್ ಪೊಸ ಪ್ರಯೋಗದೊಟ್ಟುಗು
ಆಯರೇ ಉಪ್ಪುನ ಗಣೇಶ ಮಂದಾರ್ತಿ ಮೆರೆನ ನಿರ್ದೇಶನದ ಬಹುನಿರೀಕ್ಷಿತ “ಮಮತೆಯ ಸುಳಿ” ಆಯಿನಾತ್ ಬೆಗೋಡೆ ರಂಗದ ಮಿತ್ತ್ ಪ್ರದರ್ಶನ ಕೊರಿಯೆರೆ ಸಭೆಟ್ ನಿರ್ಧಾರ ಮಲ್ತೆರ್ .ಕಲಾಭಿದ ಸ್ಥಾಪಕ ಪೋಷಕೆರಾಯಿನ ಶ್ರೀ ಉಮೇಶ್ ಬೊಕ್ಕ ಶ್ರೀಮತಿ ವೇದಾವತಿ ಉಮೇಶ್ ಪಾಲ್ ಪಡೆದಿತ್ತೆರ್ .

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲಡ್ ಜ.3ರ್ದ್ ಜೋಕ್ಲೆಗ್ ಕೋವಿಡ್ ಮರ್ದ್ – ಡಿ.ಸಿ ಡಾ| ರಾಜೇಂದ್ರ ಕೆ.ವಿ

Dec 30, 2021

ಕುಡ್ಲ : ಕುಡ್ಲಡ್ 15ರ್ದ್ 18 ವರ್ಷದ ಉಲಯಿದ 1,01,549 ಜೋಕುಲು ಉಲ್ಲೆರ್ ಅಕ್ಲೆಗ್ ಜ. 3ರ್ದ್ ಕೋವಿಡ್‌ ಮರ್ದ್ ಪಾಡೆರೆ ಪಟ್ಟಿ ತಯಾರಿ ಮಲ್ತ್ ಶಿಬಿರ ಮಲ್ಪರೆ ಜಿಲ್ಲಾಧಿಕಾರಿ ಡಾ| ರಾಜೇಂದ್ರ ಕೆ.ವಿ. ಮೇರ್ ಜಿಲ್ಲಾ ಆರೋಗ್ಯ ಬೊಕ್ಕ ಸಂಬಂಧಿ ಇಲಾಖೆದ ಅಧಿಕಾರಿಲೆಗ್ ನಿರ್ದೇಶನ ಕೊರ್ತೆರ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಮಹಾಗಣಪತಿ ಸೇವಾ ಟ್ರಸ್ಟ್ ವತಿಡ್ದ್ 11ನೇ ಯೋಜನೆ

Dec 28, 2021

ಮಹಾಗಣಪತಿ ಸೇವಾ ಟ್ರಸ್ಟ್ ತಂಡದ ವತಿಡ್ದ್ ಕಾರ್ಲ ತಾಲೂಕ್ ದ ಹಿರ್ಗಾನ ಗ್ರಾಮದ ಚಿಕ್ಕಲ್ ಬೆಟ್ಟು, ಪಡ್ಡಾಯಿಗುಡ್ಡೆ ಮುಲ್ಪ ಎಲ್ಯ ಇಲ್ಲಡ್ ಕೂಲಿ ಬೇಲೆನ್ ಮಲ್ತೊಂದ್ ಇಪ್ಪುನ
ಸುಮಿತ್ರಾ ಉದಯ ಮಡಿವಾಳ ಮುಕುಲು ಮಸ್ತ್ ಬಡವೆರಾದಿತ್ತ್ ದ್, ಆರ್ಥಿಕ ಪರಿಸ್ಥಿತಿ ಮಸ್ತ್ ಹದ ಗೆಟ್ಟ್ ದ್ ಪೊತುಂಡ್. ಅಂಚನೆ ಒಂಜಿ ಬಾಲೆದ ಆರೋಗ್ಯಡ್ ಲ ಏರು ಪೆರು ಆತ್ಂಡ್. ಮುಕ್ಲೆನ ಇಲ್ಲಗ್ ಮಹಾಗಣಪತಿ ಸೇವಾ ಟ್ರಸ್ಟ್ ತಂಡದಕುಲ್ ಭೇಟಿಯಾದ್ ಪರಿಸ್ಥಿತಿನ್ ಗಮನಿಸಾದ್ “ಮಹಾಗಣಪತಿ ಸೇವಾ ಟ್ರಸ್ಟ್” ತಂಡದ ಮುಖೇನ ಈ ಕುಟುಂಬಗ್ ಅಕುಲೆಡ್ದ್ ಆಪಿನಾತ್ ಸಾಕಾರನ್ ಮಲ್ಪರೆ ದುಂಬು ಬತ್ತ್ ದೆರ್. ಸಹೃದಯಿ ದಾನಿಲಾಯಿನ ನಿಕುಲ್ ಮಾತ ಉದಾರ ಮನಸ್ಸ್ ಡ್ ಈ ಕುಟುಂಬದಕ್ಲೇನ ಮೊನೆಡ್ ತೆಲಿಕೆನ್ ತೋಜಾವೊಡ್ ನಿಕ್ಲೆನ ಕೈಟ್ ಆಪಿನಾತ್ ಸಾಕಾರನ್ ಮಲ್ಪುಲೆ.