Tulunaad

ದೇವಸ್ಥಾನ ತೆರವು ಮಲ್ಪುನ ಬಗ್ಗೆ ಸರಕಾರದ ನಡೆ ಖಂಡಿಸಾದ್ ಹಿಂದೂ ಸಂಘಟನೆರ್ದ್ ಪ್ರತಿಭಟನೆ

ಕುಡ್ಲ : ಮೈಸೂರು ಪುರಾತನ ದೇವಸ್ಥಾನ ದ್ವಂಸ ಬೊಕ್ಕ ರಾಜ್ಯೋಡು ದೇವಸ್ಥಾನಲೆನ್ ತೆರವು ಮಲ್ಪುನ ಸರಕಾರದ ನಡೆನ್ ವಿಶ್ವ ಹಿಂದು ಪರಿಷತ್ ಬಜರಂಗದಳ ಖಂಡಿಸಾದ್ ಪೇಂಟೆದ ಕದ್ರಿ ಮಲ್ಲಿಕಟ್ಟೆ ದ್ವಾರದ ಕೈತಲ್ ಸೆ.16 ಕ್ಕ್ ಪ್ರತಿಭಟನೆ ಮಲ್ತೆರ್ .

ಮೈಸೂರುದ ನಂಜನಗೂಡು ತಾಲೂಕಿನ ಆದಿಶಕ್ತಿ ಶ್ರೀ ಮಹದೇವಮ್ಮ ಭೈರವೇಶ್ವರ ಪುರಾತನ ದೇವಸ್ಥಾನನ್ ಬಲವಂತಡ್ ಪುಡಾತ್ ಪಾಡಿನ ಈ ಕೃತ್ಯನ್ ಅಂಚನೇ ರಾಜ್ಯೋಡು ದೇವಸ್ಥಾನಲೆನ್ ತೆರವು ಮಲ್ಪುನ ಸರ್ಕಾರದ ನಡೆನ್ ಖಂಡಿಸಾಯಿನ ವಿಶ್ವ ಹಿಂದು ಪರಿಷತ್ ಬಜರಂಗದಳ ತಕ್ಷಣ ಸರಕಾರ ದೇವಸ್ಥಾನಲೆನ್ ತೆರವು ಮಲ್ಪುನ ನಿರ್ಧಾರನ್ ಪಿರ ದೆಪ್ಪೊಡು ಪಂದ್ ಅಗ್ರಹ ಮಲ್ತೆರ್.

ಬ್ರೈಟ್ ಗ್ರೂಪ್ ಫ್ರೆಂಡ್ಸ್ (ರಿ.)ಸೂಡ ಮೆಕ್ಲೆನ ಮುತಾಲಿಕೆಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜ ಕೊಟ್ಯ

ಸೂಡ : ಬ್ರೈಟ್ ಗ್ರೂಪ್ ಫ್ರೆಂಡ್ಸ್ (ರಿ.)ಸೂಡ, ಜನನಿ ಮಹಿಳಾ ಮಂಡಳಿ ಮೆಕ್ಲೆನ ಮುತಾಲಿಕೆಡ್ ಕರ್ನಾಟಕ ತುಲು ಸಾಹಿತ್ಯ ಅಕಾಡೆಮಿ, ಜೈ ತುಳುನಾಡ್ (ರಿ.) ಕಾರ್ಲ ಎಗ್ಗೆ ಒಟ್ಟು ಸೇರಿಗೆಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜ ಕೊಟ್ಯ ತೇದಿ 26/9/2021 ನೆ ಐತಾರ ಬೊಲ್ಪುಗು 10 ಗಂಟೆಗ್ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆ ಸೂಡ ಡ್ ನಡಪರೆ ಉಂಡು.

ಲೋಕಾಯುಕ್ತ ಇಲಾಖೆದ ಡಿ.ವೈ.ಎಸ್.ಪಿಯಾದ್ ಅಧಿಕಾರ ಸ್ವೀಕಾರ ಮಲ್ತಿನ ಇನ್ಸ್ಪೆಕ್ಟರ್ ಚೆಲುವರಾಜ್

ಬಂಟ್ವಾಳ: ಪೋಲೀಸ್ ಇನ್ಸ್ಪೆಕ್ಟರ್ ಚೆಲುವರಾಜ್ ಮೇರ್ ಡಿ.ವೈ.ಎಸ್.ಪಿಯಾದ್. ಪದೋನ್ನತಿ ಆದ್ ವರ್ಗಾವಣೆ ಯಾತೆರ್ .ಲೋಕಾಯುಕ್ತ ಇಲಾಖೆದ ಡಿ.ವೈ.ಎಸ್.ಪಿ.ಯಾದ್ ಕೋಡೆ ಬೆಂಗ್ಳೂರುಡು ಅಧಿಕಾರ ಸ್ವೀಕಾರ ಮಲ್ತಿನ ಆರ್ ದ.ಕ.ಉಡುಪಿ ಬೊಕ್ಕ ಕಾರವಾರ ಮೂಜಿ ಜಿಲ್ಲೆಡ್ ಕರ್ತವ್ಯ ಮಲ್ದೆರ್ .

ಕುಡ್ಲದ ಡಿ.ಸಿ.ಐ.ಬಿ.ಡ್ ಇನ್ಸ್ ಪೆಕ್ಟರ್ ಆಯಿನ ಚೆಲುವರಾಜ್ ಮೇರ್ ಇಂಚೋಗು ಬಂಟ್ವಾಳ ನಗರ ಪೋಲೀಸ್ ಠಾಣೆ ಮೇಲ್ದರ್ಜೆಗೆ ಏರಿನ ಪೊರ್ತುಡು ಬಂಟ್ವಾಳ ನಗರ ಪೋಲೀಸ್ ಠಾಣೆಗೆ ಪೋಲೀಸ್ ಇನ್ಸ್ ಪೆಕ್ಟರ್ ಆದ್ ವರ್ಗಾವಣೆ ಆತೆರ್ .