Tulu News

ಮಾ. 26ಕ್ಕ್ 5ನೇ ವರ್ಷದ ಕುಡ್ಲ ಕಂಬುಲದ ಗೌಜಿ

Mar 14, 2022

ದಕ್ಷಿಣ ಕನ್ನಡ ಜಿಲ್ಲೆದ ಕುಡ್ಲ ಪೇಂಟೆದ ಬಂಗ್ರಕೂಳೂರ್ ದ ಗೋಲ್ಡ್ ಫಿಂಚ್ ಸಿಟಿತ್ತ ರಾಮ-ಲಕ್ಷ್ಮಣ ಜೋಡು ಕರೆಟ್ಟ್ 5 ನೇ ವರ್ಷದ ಕುಡ್ಲ ಕಂಬುಲ ಉಚ್ಚಯ ಉಂದುವೇ ಬರ್ಪಿನ ಮಾರ್ಚ್ 26ನೇ ಸನಿಯಾರ ನಡಪರೆ ಉಂಡು.

ಕಾಂಡೆ 8.30 ಗಂಟೆಗ್ ದಿ. ರತ್ನ ಮಾಧವ ಶೆಟ್ಟಿ ವೇದಿಕೆಡ್ ಕಂಬುಲದ ಉದಿಪನ ಆಯರೆ ಉಂಡು. ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರಡಿ ಕ್ಷೇತ್ರದ ಅಧ್ಯಕ್ಷೆರ್ ಕೆ.ಚಿತ್ತರಂಜನ್ ಉದಿಪನ ಮಲ್ಪರೆ ಉಲ್ಲೆರ್. ಕುಡ್ಲದ ಕರಾವಳಿ ಕಾಲೇಜ್ ದ ಸ್ಥಾಪಕಾಧ್ಯಕ್ಷೆರ್ ಆಯಿನ ಎಸ್.ಗಣೇಶ್ ರಾವ್ ಗುರ್ಕಾರ್ಮೆ ಒಯಿಸೊನರೆ ಉಲ್ಲೆರ್.

ಕದ್ರಿ ಯೋಗೇಶ್ವರ ಮಠತ್ತ ಪೀಠಾಧೀಶೆರ್ ಶ್ರೀ ರಾಜಯೋಗಿ ನಿರ್ಮಲ್ ನಾಥ್ ಜಿ ಮಹಾರಾಜ್, ಕುಡ್ಲ ರಾಮಕೃಷ್ಣ ಮಠತ್ತ ಶ್ರೀ ಸ್ವಾಮಿ ಏಕಗಮ್ಯಾನಂದಜಿ ಮಹಾರಾಜ್, ಕಾವೂರು ಆದಿಚುಂಚನಗಿರಿ ಶಾಖಾ ಮಠತ್ತ ಅಧ್ಯಕ್ಷೆರ್ ಡಾ. ಶ್ರೀ ಧರ್ಮಪಾಲನಾಥ ಸ್ವಾಮೀಜಿ, ಗುರುಪುರ ವಜ್ರದೇಹಿ ಮಠತ್ತ ಶ್ರೀ ರಾಜಶೇಖರಾನಂದ ಸ್ವಾಮಿಲು ಅಂಚನೇ ಮಸ್ತ್ ಮಲ್ಲ ಮಲ್ಲ ಬಿನ್ನೆರ್ ಈ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್.

ಮಾರ್ಚ್ 27ಕ್ಕ್ ಕಾಂಡೆ 8 ಗಂಟೆಗ್ ಗೆಂದಿನ ಸ್ಪರ್ದಿಲೆಗ್ ಇನಾಮು ಕೊರ್ಪಿನ ಲೇಸ್ ನಡಪರೆ ಉಂಡು ಪಂದ್ ಕಂಬುಲ ಸಮಿತಿದ ಅಧ್ಯಕ್ಷೆರ್ ಕ್ಯಾಪ್ಟನ್ ಬ್ರಿಜೇಶ್ ಚೌಟ ಬೃಜೇಶ್ ಚೌಟ ತೆರಿಪಾದೆರ್.

Mangalore Kambala- On March 26th

The fifth annual ” Kambala” of Mangalore at Goldfinch city’s Rama Lakshmana Jodukere on Saturday March 26th.

The Kambala will be inaugurated by K.Chittaranjan the president of Kankanady Garadi at 8.30 a.m. The program will be presided by S.Ganesh Rao the founder of Karavali group of institutions.

The guests of honour are Sri Rajayogi Nirmal nath Ji Maharaj from Kadri Yogeshwar Mutt, Sri Swami Ekhagambanandaji Maharaj from Ramakrishna Mutt, Rajashekar Nanda Swamiji from from Gurupur Vajradehi Mutt, Mangalore branch president of Adichunchana Giri Mutt Kavoor Dr Sri Dharmapal nath Swamiji and many other dignitaries are expected to be the part of this programme.

The closing ceremony and prize distribution will be on 27th March at 8 a.m said Captain Brijesh Chowta the president of Kambala samiti.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಒಡಿಪು ಜಿಲ್ಲಾ ಮಟ್ಟದ ತೋಟಗಾರಿಕಾ ಬೊಕ್ಕ ಭತ್ತದ ಕೃಷಿ ಪಂಥಡ್ ಒಂಜೇ ಪೊರ್ತುಡು ರಡ್ಡ್ ಇನಾಮು ಪಡೆಯಿನ ರಾಯಲ್ ರತ್ನಾಕರ್‌ ಡಿ. ಶೆಟ್ಟಿ

Mar 14, 2022

ಒಡಿಪು ಜಿಲ್ಲಾ ಮಟ್ಟದ ತೋಟಗಾರಿಕಾ ಬೊಕ್ಕ ಭತ್ತದ ಕೃಷಿ ಪಂಥಡ್ ಒಂಜೇ ಪೊರ್ತುಡು ರಡ್ಡ್ ಇನಾಮು ಪಡೆದ್ ಪ್ರಶಸ್ತಿ ಪುರಸ್ಕೃತ ರೈತೆರ್ ಪಂದ್ ಪುದರ್ ಪಡೆದ್ ಗಣರಾಜ್ಯ ಉಚ್ಚಯ ದಾನಿ ಒಡಿಪು ಅಜ್ಜರಕಾಡು ಚಾವಡಿಡ್ ನಡತಿನ ಜಿಲ್ಲಾ ಮಟ್ಟದ ಲೇಸ್ ಡ್ ಉಸ್ತುವಾರಿ ಸಚಿವೆರ್, ಶಾಸಕೆರ್ ಜಿಲ್ಲಾಧಿಕಾರಿ, ಜಿಲ್ಲಾ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಬೊಕ್ಕ ಕೃಷಿ ಅಧಿಕಾರಿಲೆನ ಮುತಾಲಿಕೆಡ್ ಪ್ರಶಸ್ತಿ ಪುರಸ್ಕೃತೇರಾಯಿನ , ನಮ್ಮ ಮಾರ್ಗದರ್ಶಕೆರಾಯಿನ, ರಾಯಲ್ ರತ್ನಾಕರ್‌ ಡಿ. ಶೆಟ್ಟಿ ಇರೆಗ್ ಟೈಮ್ಸ್ ಆಫ್ ಕುಡ್ಲ ತುಲು ಪತ್ರಿಕಾ ಕೂಟ ದ ಪರವಾದ್ ಎಡ್ಡೆಪ್ಪುಲು.

ಕಿನ್ಯ ಗ್ರಾಮದ ಕಿನ್ಯಗುತ್ತು ಧರ್ಮದೈವಲೆನ ಚಾವಡಿಡ್ ಶ್ರೀ ಮಲರಾಯ ಬಂಟ ಬೊಕ್ಕ ಪರಿವಾರ ದೈವಲೆನ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ

Mar 14, 2022

ಕುಡ್ಲ, ಮಾ.14: ಕಿನ್ಯ ಗ್ರಾಮದ ಕಿನ್ಯಗುತ್ತು ಧರ್ಮದೈವಲೆನ ಛಾವಡಿದ್ ಶ್ರೀ ಮಲರಾಯ ಬಂಟ ಬೊಕ್ಕ ಪರಿವಾರ ದೈವಲೆನ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ ಬೊಕ್ಕ ಗ್ರಾಮ ದೈವಲಾಯಿನ ಕಿನ್ಯ ಬೆಳರಿಂಗೆ ಶ್ರೀ ಮಲರಾಯ, ಧೂಮಾವತಿ ಬೊಕ್ಕ ಬಂಟ ದೈವಲೆಗ್ ಧರ್ಮನೇಮ ಮಾ.23-27 ಮುಟ್ಟ ವರ್ಕಾಡಿ ಬೀಡು ಬ್ರಹ್ಮಶ್ರೀ ಶ್ರೀ ದಿನೇಶ್ ಕೃಷ್ಣ ತಂತ್ರಿಲೆನ ಮುತಾಲಿಕೆಡ್ ತಲಪಾಡಿ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಪ್ರಧಾನ ಅರ್ಚಕೆರ್ ಆಯಿನ ಶ್ರೀ ಗಣೇಶ್ ಭಟ್ ಉಪಸ್ಥಿತಿಡ್ ನಡಪರೆ ಉಂಡು.

ಕಾರ್ಯಕ್ರಮಲು:

ತಾ. 23-03-2022ನೇ ಬುಧವಾರ
ಕಾಂಡೆ 10-56ಗ್: ಗೊನೆ ಮುಹೂರ್ತ

ತಾ.24-03-2022ನೇ ಗುರುವಾರ
ಬಯ್ಯ 4.30 ಗ್: ಆಚಾರ್ಯಾದಿ ಋತ್ವಿಜರೆನ್ ಎದ್ಕೊನುನ, ಸ್ವಸ್ತಿ ಪುಣ್ಯಾಹ ವಾಚನ, ಸಪ್ತ ಶುದ್ದಿ, ಪ್ರಾಸಾದ ಶುದ್ದಿ, ವಾಸ್ತು ಪೂಜೆ, ವಾಸ್ತು ಹೋಮ, ವಾಸ್ತು ಬಲಿ, ರಾಕ್ಷೋಫ್ನ ಹೋಮ, ದೈವಲೆನ ಆದಿವಾಸ, ಪ್ರಸಾದ ಕೊರ್ಪಿನ ಲೇಸ್

ತಾ.25-03-2022ನೇ ಶುಕ್ರಾರ
ಸ್ವಸ್ತಿ ಪುಣ್ಯಾಹ ವಾಚನ, ಗಣಯಾಗ, ಕಲಶ ಪ್ರತಿಷ್ಠೆ, ಪ್ರತಿಷ್ಠಾ ಪ್ರಧಾನ ಹೋಮ
ಕಾಂಡೆ 9-56ತ್ತ ವೃಷಭ ಲಗ್ನದ ಶುಭ ಮುಹೂರ್ತಡ್ ಶ್ರೀ ಮಲರಾಯ, ಬಂಟ ಅಂಚನೆ ಪರಿವಾರ ದೈವಲೆನ ಪುನರ್ ಪ್ರತಿಷ್ಠಾ ಅಂಚನೆ ಕಲಶಾಭಿಷೇಕ, ನಾಗತಂಬಿಲ, ದೈವಲೆಗ್ ಪರ್ವ, ಪ್ರಸಾರ ವಿತರಣೆ, ನುಪ್ಪು ಸೇವೆ.

ತಾ.26-03-2022ನೇ ಶನಿವಾರ
ಮಧ್ಯಾಹ್ನ 12-05ಕ್ಕ್ : ಚಪ್ಪರ ಏರಿಪಾವುನ
ಮಧ್ಯಾಹ್ನ 1 ಗಂಟೆಗ್: ನುಪ್ಪುಸೇವೆ
ಮಧ್ಯಾಹ್ನ 3 -7 ಗಂಟೆ ಮುಟ್ಟ: ಭಜನಾ ಕಾರ್ಯಕ್ರಮ
ರಾತ್ರಿ 7.30 ಗ್: ಸಾಂತ್ಯಗುತ್ತು ಭಂಡಾರ ಗುಡಿರ್ದ್ ದೈವಲೆನ ಭಂಡಾರ ಬರ್ಪಿನವು.

ತಾ.27-03-2022ನೇ ಐತಾರ ಕಾಂಡೆ 9 ಗಂಟೆಗ್ ಶ್ರೀ ಮಲರಾಯ ದೈವದ ನೇಮ.
ಮಧ್ಯಾಹ್ನ 1 ಗಂಟೆಗ್: ನುಪ್ಪು ಸೇವೆ
ರಾತ್ರಿ 7.30 ಗ್: ಶ್ರೀ ಧೂಮಾವತಿ ಬಂಟ ದೈವದ ನೇಮ
ರಾತ್ರಿ 9 ಗಂಟೆಗ್: ನುಪ್ಪು ಸೇವೆ

ತಾ.28-03-2022ನೇ ಸೋಮಾರ
ರಾತ್ರಿ 7 ಗಂಟೆಗ್: ಸಾಂತ್ಯ ಸಾಂತೊಳಿಕ ಕೈತಲ್ ಶ್ರೀ ಕೋಮರಾಯ ಬೊಕ್ಕ ಪರಿವಾರ ದೈವಲೆಗ್ ಕೋಲ ಬೊಕ್ಕ ನುಪ್ಪು ಸೇವೆ.

ಸಾಂಸ್ಕೃತಿಕ ಕಾರ್ಯಕ್ರಮಲು:

ತಾ. 27-03-2022 ನೇ ಐತಾರದಾನಿ ಮಧ್ಯಾಹ್ನ 2.30 ರ್ದ್ 6.30 ಮುಟ್ಟ ಶ್ರೀ ದುರ್ಗಾಪರಮೇಶ್ವರಿ ಕಲಾ ಸಂಪದ ಕೇಶವ ಶಿಶು ಮಂದಿರ ಕಿನ್ಯಾ ಉಂದೆತ್ತ ಕಿನ್ಯ ಕಲಾವಿದೆರೆಡ್ದ್ ಯಕ್ಷ ಧ್ರುವ ಪಟ್ಲ ಶ್ರೀ ಸತೀಶ್ ಶೆಟ್ಟಿ ಬೊಕ್ಕ ತಲಪಾಡಿ ಶ್ರೀ ದೇವಿ ಪ್ರಸಾದ ಆಳ್ವ ಮುಕ್ಲೆನ ವಿಶೇಷವಾಯಿನ ಭಾಗವತಿಕೆಡ್ ಶ್ರೀ ಹರಿ ಲೀಲಾಮೃತಂ ಪನ್ಪಿನ ಯಕ್ಷಗಾನ ನಡಪರೆ ಉಂಡು. ಉಂದೆತ್ತ ನಿರ್ದೇಶನನ್ ಅಶ್ವಥ್ ಮಂಜನಾಡಿ ಮೇರ್ ಮಲ್ತ್ ದೆರ್.

ಮಾರ್ಚ್ 25ಕ್ಕ್ ಶುಕ್ರಾರದಾನಿ ಮಧ್ಯಾಹ್ನ 3 ಗಂಟೆಗ್ ತಲಪಾಡಿ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯರ್ದ್ ಪುದೆಕಾಣಿಕೆದ ಮೆರವಣಿಗೆ ನಡಪರೆ ಉಂಡು.

Mangalore ,March 14th: The Daivaradane of the deities associated with Kinya guttu will be held from March 23-27. It will be held at Varkadi beedu under the guidance of Sri Dinesh Krishna Tantri in the presence of the chief priest of Sri Durga parameshwari temple Talapadi.

The holy rituals will be conducted on all these days and on 27th there will be cultural programme; ie an Yakshgana performance ” Sri Hari Leelamrutam” from 2.30 p.m to 6.30 p.m.

On 25th Friday there will be a procession of “Hore Kanike ” from Sri Durga parameshwari temple Talapadi at 3p.m

The holy rituals will be conducted on all these days and on 27th there will be cultural programme; ie an Yakshgana performance ” Sri Hari Leelamrutam” from 2.30 p.m to 6.30 p.m.

On 25th Friday there will be a procession of “Hore Kanike ” from Sri Durga parameshwari temple Talapadi at 3p.m

ಕಿನ್ಯ ಬೆಳರಿಂಗ ಭಂಡಾರ ಇಲ್ಲಡ್ ಶ್ರೀ ಮಲರಾಯ, ಧೂಮಾವತಿ, ಬಂಟ ಪರಿವಾರ ದೈವಲೆನ ವಾರ್ಷಿಕ ನೇಮ

Mar 14, 2022

ಕುಡ್ಲದ ಕಿನ್ಯ ಬೆಳರಿಂಗೆ ಭಂಡಾರಾಮನೆತ್ತ ಶ್ರೀ ಮಲರಾಯ ಧೂಮಾವತಿ ಬಂಟ ದೈವಲೆನ ಚಾರಿಟೇಬಲ್ ಟ್ರಸ್ಟ್ (ರಿ.) ಮುಕ್ಲೆನ ಮುತಾಲಿಕೆಡ್ ಶ್ರೀ ಮಲರಾಯ, ಧೂಮಾವತಿ, ಬಂಟ ಪರಿವಾರ ದೈವಲೆನ ವಾರ್ಷಿಕ ನೇಮ ಉಂದುವೇ ಬರ್ಪಿನ ಮಾರ್ಚ್ 23, ಬುಧಾರ ಬೊಕ್ಕ ಮಾರ್ಚ್ 24 ಗುರುವಾರದಾನಿ ಕಿನ್ಯದ ಬೆಳರಿಂಗೆ ಭಂಡಾರ ಇಲ್ಲಡ್ ನಡಪರೆ ಉಂಡು.

ಮಾರ್ಚ್ 23 ಕ್ಕ್ ಕಾಂಡೆ ಜಾಗೆದ ಶುದ್ಧಿ ಬೊಕ್ಕ ಗಣಪತಿ ಹೋಮ ಅಂಚನೆ ಬಯ್ಯಗ್ 6 ಗಂಟೆಗ್ ಚಪ್ಪರ ಏರಿಸಾವುನ ಬೊಕ್ಕ 7 ಗಂಟೆಗ್ ಸಭಾ ಕಾರ್ಯಕ್ರಮ ಮಸ್ತ್ ಬಿನ್ನೆರ್ನ ಉಪಸ್ಥಿತಿಡ್ ನಡಪರೆ ಉಂಡು. ಕತ್ತಲೆಗ್ 9 ಗಂಟೆಗ್ ಭಂಡಾರ ಏರಿಸಾವುನ ಬೊಕ್ಕ ನುಪ್ಪು ಸೇವೆಲ ನಡಪರೆ ಉಂಡು.

ಮಾರ್ಚ್ 24ಕ್ಕ್ ಗುರುವಾರದಾನಿ ಕಾಂಡೆ 8 ಗಂಟೆಗ್ ಶ್ರೀ ನಾಲ್ಕೈತ್ತಾಯ ದೈವಗ್ ನೇಮ ಬೊಕ್ಕ ಶ್ರೀ ಮಲರಾಯ ಬಂಟ ದೈವಲೆಗ್ ನೇಮ, ಗಂಧ ಪ್ರಸಾದ ಕೊರ್ಪಿನ ಬೊಕ್ಕ ಮಧ್ಯಾಹ್ನ ನುಪ್ಪು ಸೇವೆ ಉಂಡು.

ಕತ್ತಲೆಗ್ 8 ಗಂಟೆಗ್ ಶ್ರೀ ಧೂಮಾವತಿ ಬಂಟ ದೈವಲೆಗ್ ನೇಮ ಅಂಚನೆ ಗಂಧ ಪ್ರಸಾದ ಬೊಕ್ಕ ನುಪ್ಪು ಸೇವೆಲ ಆಯಿಬೊಕ್ಕ ಭಂಡಾರ ಜಪ್ಪರೆ ಉಂಡು.

ಮಾತ ಭಕ್ತಾಭಿಮಾನಿಲು ಈ ಲೇಸ್ ಗ್ ಬತ್ತ್ ದ್ ದೈವದ ಕಾರ್ಯಕ್ರಮಡ್ ದೈವದ ಗಂಧಪ್ರಸಾದ್ ಸ್ವೀಕರಿಸಾದ್ ದೈವದ ಕೃಪೆಗ್ ಪಾತ್ರರಾವೊಡ್ ಪಂದ್ ಆಡಳಿತ ಮಂಡಳಿದಕುಲು ಬಿನ್ನಾಪು ಮಲ್ತ್ ದೆರ್.

The Dhumavati Bunta Charitable trust , Mangalore will hold the annual rituals of Malaraya, Dhumavati and Parivar Banta on Wednesday the 23rd of March and Thursday the 24th at Belaringay Bandara house at Kinya.

There will be a social gathering on 23rd evening were many dignitaries are expected.

On the 24th ; customs and rituals associated with Dhumavati daivya will be held in the morning with holy prasad in the end.

All management has requested all devotees to take part in the rituals and seek blessings of the divine.

ದೇವಂದಬೆಟ್ಟು ಶ್ರೀ ಲಕ್ಷ್ಮೀ ವಿಷ್ಣುಮೂರ್ತಿ ದೇವಲ್ಯಡ್ ಮಾದರಿ ಬ್ರಹ್ಮಕಲಶ; ಸ್ವಯಂಸೇವಕೆರ್ನ ಸೇವೆಗ್ ಮಾನಾದಿಗೆ ಮಲ್ತಿನ ಪ್ರಮುಖೆರ್

Mar 14, 2022

ಬಂಟ್ವಾಳ, ಮಾ.14: ನಮ್ಮ ನಿರೀಕ್ಷೆರ್ದ್ ಲ ಎಚ್ಚಾದ್ ದೇವಂದಬೆಟ್ಟು ಬ್ರಹ್ಮಕಲಶ ಎಡ್ಡೆ ರೀತಿಡ್ ನಡತ್ಂಡ್. ಮಾತ ವಿಭಾಗಡ್ ಲ ಸ್ವಯಂ ಸೇವೆಕೆರ್ ಪಾಲ್ ಪಡೆದ್ ಬೇಲೆ ಮಲ್ತ್ ದೆರ್ ಪಂದ್ ವ್ಯವಸ್ಥಾಪನ ಸಮಿತಿದ ಅಧ್ಯಕ್ಷೆರ್ ರಮೇಶ್ ಉಪಾಧ್ಯಾಯ ತೆರಿಪಾಯೆರ್.

ದೇವೆರ್ನ ಅನುಗ್ರಹ ಇಜ್ಜಂದೆ ಒವ್ವೆ ರೀತಿದ ಬೇಲೆ ಆಯರೇ ಸಾಧ್ಯ ಇಜ್ಜಿ. ಮಾತ ಬೇಲೆ ಸಾನಿಧ್ಯದ ದೇವೆರ್ನ ಅನುಗ್ರಹಡ್ ನಡತ್ಂಡ್ ಪಂದ್ ಶಿವರಾಮ ಶಿಬರಾಯ ಪಂಡೆರ್.

ಬೇತೆ ಬೇತೆ ವಿಭಾಗಡ್ ಸ್ವಯಂ ಸೇವಕೆರ್ ಮಲ್ತಿನ ಸೇವೆನ್ ಗುರ್ತಿಸಾದ್ ಸಂಚಾಲಕೆರ್ ಆಯಿನ ತೇವು ತಾರಾನಾಥ ಕೊಟ್ಟಾರಿ ಎಡ್ಡೆಪ್ಪುನ್ ಬಯಕೆರ್. ಮಾತ ರೀತಿದ ಸಭೆನ್ ಮಲ್ತ್ ದ್ ಅವ್ವೆನ್ ಚರ್ಚಿಸಾದ್ ಅಗತ್ಯವಾಯಿನ ಕಾಮಗಾರಿನ್ ಮಲ್ತ್ ದ ಪಂದ್ ಬ್ರಹ್ಮಕಲಶ ಸಮಿತಿ ಅಧ್ಯಕ್ಷೆರ್ ಆಯಿನ ಸದಾನಂದ ಶೆಟ್ಟಿ ಪಂಡೆರ್.

ಗೌರವಾಧ್ಯಕ್ಷೆರ್ ನವೀನ್ ಚಂದ್ರ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಗಣೇಶ್ ಸುವರ್ಣ ತುಂಬೆ,ಅರ್ಚಕೆರ್ ರಾಧಾಕೃಷ್ಣ ಕಡಂಬಳಿತ್ತಾಯ, ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ಸತೀಶ್ ಶೆಟ್ಟಿ ಮೊಡಂಕಾಪು, ದಿವಾಕರ್ ಶೆಟ್ಟಿ ಕುಪ್ಪಿಲ, ಪುರುಷೋತ್ತಮ್ ಕೊಟ್ಟಾರಿ, ಅಮಿತಾ ವಿಶ್ವನಾಥ್ ದಾಸರಕೋಡಿ, ಉಮಾ ಲಿಂಗಪ್ಪ ತುಂಬೆ, ಪ್ರಮುಖೆರ್ ಆಯಿನ ಜನಾರ್ಧನ ಸಾಲ್ಯಾನ್ ಮುಂಡಾಜೆ, ಜ್ಯೋತಿಂದ್ರ ಶೆಟ್ಟಿ ಸೇರಿನಂಚನೆ ಮಸ್ತ್ ಜನ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಎಲ್ಲೆರ್ದ್ ಮಾರ್ಚ್ 13 ಮುಟ್ಟ ಮೂಲ್ಕಿಡ್ ರಾಜ್ಯಮಟ್ಟದ ಕೃಷಿ ಮೇಳ

Mar 10, 2022

ಕುಡ್ಲ, ಮಾ.10: ರಾಜ್ಯಮಟ್ಟದ ಕೃಷಿ ಮೇಳ ಎಲ್ಲೆರ್ದ್ ಮಾರ್ಚ್ 13 ಮುಟ್ಟ ಮುಲ್ಕಿ ಕೈತಲ್ ದ ಕೊಲ್ನಾಡ್ ಡ್ ಮುಲ್ಕಿ- ಬೆದ್ರ ಶಾಸಕೆರ್ ಉಮಾನಾಥ್ ಕೋಟ್ಯಾನ್ ಮೆರ್ನ ಮುತಾಲಿಕೆಡ್ ನಡಪರೆ ಉಂಡು.

ಈ ಬಗೆಟ್ಟ್ ಕೃಷಿ ಮೇಳದ ಸಂಚಾಲಕೆರ್ ಆಯಿನ ಡಾ. ಅಣ್ಣಯ್ಯ ಕುಲಾಲ್ ಉಳ್ತೂರು ಮೇರ್ ಕುಡ್ಲದ ಪತ್ರಿಕಾಭವನಡ್ ಗುರುವಾರ ನಡತಿನ ಪತ್ರಿಕಾಗೋಷ್ಠಿಡ್ ಮಾಹಿತಿ ಕೊರಿಯೆರ್. ಇಡೀ ಜಿಲ್ಲೆ ಮಾತ್ರ ಅತ್ತಂದೆ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆದ ಕಾಸರಗೋಡು, ದಕ್ಷಿಣ ಕನ್ನಡ, ಒಡಿಪು ಅಂಚನೇ ಉತ್ತರ ಕರ್ನಾಟಕದ ಒಟ್ಟುಗು ಮಲೆನಾಡ್ ದ ಜಿಲ್ಲೆಯಾಯಿನ ಶಿವಮೊಗ್ಗ, ಚಿಕ್ಕಮಗಳೂರು, ಮಡಿಕೇರಿ, ಹಾಸನರ್ದುಲ ಭಾರೀ ಮಲ್ಲ ಮಟ್ಟ್ ಡ್ ಕೃಷಿಕೆರ್, ಜವನ್ಯೆರ್, ಉದ್ಯಮಿಲು ಈ ಕೃಷಿಮೇಳಡ್ ಪಾಲ್ ಪಡೆಯರೆ ಉಲ್ಲೆರ್. ಕೃಷಿಗ್ ಸಂಬಂಧಿಸಾದ್ 15 ಜನ ಸಾಧಕ ಕೃಷಿಕೆರೆನ್ ಮಾನಾದಿಗೆ ಮಲ್ಪರೆ ಉಂಡು.

ಈ ಕೃಷಿ ಮೇಳಡ್ ವಿಶೇಷ ಆಕರ್ಷಣೆ ಆದ್ ಶಾಲೆದ ವಿದ್ಯಾರ್ಥಿಲು ಅಂಚನೆ ಉದ್ಯಮಿಲು ಬರೊಂದುಲ್ಲೆರ್. ಸುರುತ್ತ ದಿನದಾನಿ ಕುಡ್ಲ ವಿಶ್ವವಿದ್ಯಾನಿಲಯ, ಶ್ರೀನಿವಾಸ್ ವಿಶ್ವ ವಿದ್ಯಾನಿಲಯ, ಯನಪೋಯ ವಿಶ್ವವಿದ್ಯಾನಿಲಯ, ನಿಟ್ಟೆ ವಿಶ್ವವಿದ್ಯಾನಿಲಯ ಮುಲ್ಪದ ಸುಮಾರ್ 3000 ವಿದ್ಯಾರ್ಥಿಲು ಈ ಮೇಳಡ್ ಕೃಷಿತ್ತ ಬಗ್ಗೆ ಚಿಂತನೆ ಮಲ್ಪರೆ ಉಲ್ಲೆರ್. ಅಂಚನೆ ಕುಡ್ಲದ ಪೊಲೀಸ್ ಕಮಿಷನರ್ ಎನ್. ಶಶಿಕುಮಾರ್ ಕೃಷಿ ಮೇಳದ ಸಂವಾದಡ್ ಪಾಲ್ ಪಡೆಯರೇ ಉಲ್ಲೆರ್ ಪಂದ್ ಪಂಡೆರ್.

ಕೃಷಿ ಮೇಳದ ಅಧ್ಯಕ್ಷೆರ್ ಆಯಿನ ವಿಜಯ ಶೆಟ್ಟಿ ಕೊಲ್ನಾಡು ಪಾತೆರ್ದ್,
ತೋಟಗಾರಿಕೆ ಬೊಕ್ಕ ಕೃಷಿ ಇಲಾಖೆದ ಫಲಪುಷ್ಪ ಪ್ರದರ್ಶನ, ಪೆತ್ತ ಕಂಜಿಲೆನ ಜಾತ್ರೆ, ಕೋರಿಲೆನ ಪ್ರದರ್ಶನ, ಜೋಕ್ಲೆಗಾದ್ ಜೈಂಟ್ ವ್ಹೀಲ್ ಅಂಚನೇ ಮಸ್ತ್ ರೀತಿದ ಮನರಂಜನೆದ ಗೊಬ್ಬುಲು ನಡಪರೆ ಉಂಡು. ಒಡಿಪು ಬೊಕ್ಕ ಕುಡ್ಲ ಜಿಲ್ಲೆದ ಮಾತ ಜನಪ್ರತಿನಿಧಿನಕುಲು, ಸರ್ಕಾರಿ ಅಧಿಕಾರಿಲು ಕೃಷಿ ಮೇಳಡ್ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಪ್ರಧಾನ ಕಾರ್ಯದರ್ಶಿ ಸಂತೋಷ್ ಶೆಟ್ಟಿ, ಸಂಚಾಲಕೆರ್ ಎ. ಕೃಷ್ಣ ಶೆಟ್ಟಿ ತಾರೆಮಾರ್, ಪ್ರಶಾಂತ್ ಜಿ.ಪೈ, ಇತ್ತೆರ್.

State level krishi mela from tomorrow till March 13th at Mulki

Mangalore, March 10: A state level Krishi mela will be held under the leadership of MLA Umanath Kotian at Kolnad near Mulki from tomorrow till March 13th.

Information regarding the mela was given at a press meet at Mangalore by Dr Annaya Kulal director of the mela.He said participants from all over the coastal districts including north kanara ,Coorg and districts of Malnadu will take part in the mela.Agriculturists, entrepreneurs , youth from educational institutionsand others will participate in the event. More than 3000 students from near by universities will hold talks and debates on farming and agriculture.15 achievers in the field of agriculture will be honoured.The police commissioner of Mangalore Sashi Kumar will participate in a talk show.

The President of the krishi mela Vijay Shetty said there will be a flower show by the hoticulture department, a cattle fair, poultry show entertainment for young children and such other activities.

Government officials and representatives from the coastal districts will take part in the fair .

ರಥಬೀದಿ ಕಾಲೇಜಿದ ಹಿಜಾಬ್ ಕೇಸ್ ದ ತನಿಖಾ ವರದಿ ಬೇಗೊಡೆ ಕೋರ್ಟ್ ಗ್ ಕೊರ್ಪ: ಎನ್ ಶಶಿಕುಮಾರ್

Mar 8, 2022

ಕುಡ್ಲ, ಮಾ.8; ಪೇಂಟೆದ ರಥಬೀದಿದ ದಯಾನಂದ ಪೈ-ಸತೀಶ್ ಪೈ ಸರಕಾರಿ ಪದವಿ ಕಾಲೇಜ್ ಡ್ ಹಿಜಾಬ್ ವಿವಾದಗ್ ಸಂಬಂಧಿಸಾದ್ ಸೆನ್ ಠಾಣೆಡ್ ಒಂಜಿ ಪ್ರಕರಣ ಸೇರಿನಂಚನೆ ಒಟ್ಟು ಮೂಜಿ ಕೇಸ್ ದಾಖಲಾದಿತ್ತ್ ದ್, ಕಾನೂನು ತಜ್ಞೆರ್ನ ಅಭಿಪ್ರಾಯ ಪಡೆದ್ ಪ್ರಕರಣದ ಸರಿಯಾಯಿನ ತನಿಖೆನ್ ಬೇಗೊಡೆ ಮಲ್ತ್ ದ್ ವರದಿನ್ ಕೋರ್ಟುಗು ಕೊರಿಯರೆ ಉಂಡು ಪಂದ್ ಪೊಲೀಸ್ ಆಯುಕ್ತೆರ್ ಎನ್.ಶಶಿಕುಮಾರ್ ಪಂಡೆರ್.

ಆರ್ನ ಕಚೇರಿಡ್ ಅಂಗಾರೆ ಪತ್ರಿಕಾಗೋಷ್ಠಿಡ್ ಪಾತೆರ್ದಿನ ಆರ್, ಜೀವ ಬೆದರಿಕೆದ ವಿಷಯಗ್ ಸಂಬಂಧಿಸಾದ್ ಯಂಕ್ ಆವಡ್ ಅತ್ತ್ಂಡ ಠಾಣೆಗಾವಡ್ ಒವ್ವೆ ರೀತಿದ ದೂರು, ಸುದ್ದಿ ಬೈದಿಜಿ. ಆಂಡಲಾ ಮಾತ ವಿದ್ಯಾರ್ಥಿಲೆನ್ ರಕ್ಷಣೆ ಮಲ್ಪುನ ಕರ್ತವ್ಯ ಯಂಕಲ್ನ ಆದಿತ್ತ್ ದ್, ಈ ಬಗೆಟ್ಟ್ ಮಾಹಿತಿ ಪಡೆಯೊಂದ್ ಅಗತ್ಯ ಕ್ರಮ ದೆತೊನರೆ ಅಧಿಕಾರಿಲೆಗ್ ಸೂಚನೆ ಕೊರ್ಪೆ ಪಂದ್ ಆರ್ ಭರವಸೆ ಕೊರಿಯೆರ್.

ರಾಜ್ಯದ ಮಸ್ತ್ ಕಡೆಟ್ಟ್ ಹಿಜಾಬ್ ಅಂಚನೇ ಕೇಸರಿ ಶಾಲ್ ಲಡಾಯಿ ಸುರು ಆದ್ ಕುಡ್ಲ ಪೇಂಟೆಡ್ ಮಾತ ವಿದ್ಯಾರ್ಥಿ ಸಂಘಟನೆಲು, ಧಾರ್ಮಿಕ ಮುಖಂಡೆರ್, ಶಿಕ್ಷಣ ಸಂಸ್ಥೆಲು ಒವ್ವೆ ರೀತಿದ ಬೊಡ್ಚಾಂದಿನ ಘಟನೆ ನಡಪಂದಿಲೆಕ್ಕ ಸಾಕಾರ ಕೊರ್ತ್ಂಡ್. ಮಾ.3ಕ್ಕ್ ದಯಾನಂದ ಪೈ ಪ್ರಥಮ ದರ್ಜೆ ಕಾಲೇಜ್ ಡ್ ಹಿಜಾಬ್ ದ ಲಡಾಯಿಗ್ ಸಂಬಂಧಿಸಾದ್ ವಿದ್ಯಾರ್ಥಿನಿ ಒರ್ತಿಗ್ ಕಿರಿಕಿರಿ ಆತಿನ ವಿಷಯಗ್ ಸಂಬಂಧಿಸಾದ್ ಮಾ.4ಕ್ಕ್ ಬಂದರ್ ಠಾಣೆಡ್ ದೂರು ದಾಖಲಾತ್ಂಡ್. ಈ ಬಗೆಟ್ಟ್ ಕಾನೂನು ತಜ್ಞೆರ್ನ ಅಭಿಪ್ರಾಯನ್ ಪಡೆಯೊಂದ್ ಸೆಕ್ಷನ್ 324 ಅಂಚನೆ 504 ದ ಅಡಿಟ್ಟ್ ಪ್ರಕರಣ ದಾಖಲಾತ್ಂಡ್. ಘಟನೆಗ್ ಸಂಬಂಧಿಸಾದ್ ಕಾಲೇಜ್ ದ ಸಿಸಿಟಿವಿ ಫೂಟೇಜ್, ಶಿಕ್ಷಕ ವೃಂದದ ಹೇಳಿಕೆ, ಅಂಚನೆ ಬೇತೆ ಬೇತೆ ಸಾಕ್ಷಿದ ತನಿಖೆಗ್ ಸಹಕರಿಸಾದ್ ನೋಟಿಸ್ ಕೊರ್ದ್ ತನಿಖೆ ಮಲ್ತೊಂದ್ಂಡು. ಉಂದುವೇ ಪೊರ್ತುಡ್ ವಿದ್ಯಾರ್ಥಿ ಪಂಡಿನ ಪುದರ್ ದ ವಿದ್ಯಾರ್ಥಿನಿ ಮಿತ್ತ್ ಸಾಮಾಜಿಕ ಜಾಲತಾಣಡ್ ಬೊಡ್ಚಾಂದಿನ ಪೋಸ್ಟ್ ಲೆನ್ ಮಲ್ತ್ ದಿನ ಬಗೆಟ್ಟ್ ಸೆನ್ ಠಾಣೆಡ್ ದೂರು ಒಂಜಿ ದಾಖಲಾತ್ಂಡ್. ಉಂದುವೇ ಪೊರ್ತುಡ್ ಅವ್ವೆ ಕಾಲೇಜ್ ದ ವಿದ್ಯಾರ್ಥಿನಿ ಅಂಚನೆ ಬೇತೆ ವಿದ್ಯಾರ್ಥಿಲು ಸೇರ್ದ್ ಉಪದ್ರನ್ ಮಲ್ತ್ ದ್, ಕಾನೂನ್ ದ ರೀತಿಡ್ ಆಕ್ಷೇಪಾರ್ಹ ರೀತಿಡ್ ವರ್ತನೆ ಮಲ್ದಿನೆಕ್ಕ್ ದೂರು ದಾಖಲಾತ್ಂಡ್. ಈ ಮೂಜಿ ಪ್ರಕರಣಡ್ ಕಾನೂನು ತಜ್ಞೆರ್ನ ಅಭಿಪ್ರಾಯನ್ ಪಡೆದ್ ಪೆರಿಯ ಅಧಿಕಾರಿಲೆನ ಮೇಲ್ವಿಚಾರಣೆಡ್ ತನಿಖೆ ಆವೊಂದ್ಂಡು ಪಂದ್ ಪೊಲೀಸ್ ಆಯುಕ್ತೆರ್ ಎನ್.ಶಶಿಕುಮಾರ್ ತೆರಿಪಾಯೆರ್.

ಕುಡ್ಲಡ್ ಮಾಮಲ್ಲ ಉದ್ಯೋಗ ಮೇಳದ ಉದಿಪನ

Mar 3, 2022

ಕುಡ್ಲ,ಮಾ.3 :-ಕುಡ್ಲ,ಮಾ.3:- ಕೌಶಲ್ಯಾಭಿವೃದ್ದಿ, ಉದ್ಯಮಶೀಲತೆ ಬೊಕ್ಕ ಜೀವನೋಪಾಯ ಇಲಾಖೆ ಅಂಚನೆ ಕರ್ನಾಟಕ ಕೌಶಲ್ಯ ಅಭಿವೃದ್ಧಿ ನಿಗಮದ ಮುತಾಲಿಕೆಡ್ ಎ.ಜೆ. ಇನ್ಸಿಟ್ಯೂಟ್ ಆಫ್ ಎಂಜಿನಿಯರ್ ಅಂಡ್ ಟೆಕ್ನಾಲಜಿ ಕಾಲೇಜ್ ಡ್ ನಡತಿನ ಮಾಮಲ್ಲ ಉದ್ಯೋಗ ಮೇಳಗ್ ಉನ್ನತ ಶಿಕ್ಷಣ, ಮಾಹಿತಿ ತಂತ್ರಜ್ಞಾನ, ಜೈವಿಕ ತಂತ್ರಜ್ಞಾನ, ವಿಜ್ಞಾನ ಬೊಕ್ಕ ತಂತ್ರಜ್ಞಾನ, ಕೌಶಲ್ಯಾಭಿವೃದ್ಧಿ, ಉದ್ಯಮಶೀಲತೆ ಬೊಕ್ಕ ಜೀವನೋಪಾಯ ಇಲಾಖೆದ ಸಚಿವೆರ್ ಆಯಿನ ಡಾ. ಸಿ.ಎನ್. ಅಶ್ವತ್ ನಾರಾಯಣ್ ಮೇರ್ ಮಾ.3ಕ್ಕ್ ಗುರುವಾರದಾನಿ ಉದಿಪನ ಮಲ್ತೆರ್.

ಈ ಪೊರ್ತುಡ್ ಸಂಸದೆರ್ ಆಯಿನ ನಳಿನ್ ಕುಮಾರ್ ಕಟೀಲ್, ಶಾಸಕೆರ್ ವೇದವ್ಯಾಸ ಕಾಮತ್, ಡಾ. ವೈ. ಭರತ್ ಶೆಟ್ಟಿ, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ಮಟ್ಟಾರು ರತ್ನಾಕರ ಹೆಗ್ಡೆ, ಮೇಯರ್ ಪ್ರೇಮಾನಂದ ಶೆಟ್ಟಿ, ಮೀನುಗಾರಿಕೆ ಅಭಿವೃದ್ಧಿ ನಿಗಮದ ಅಧ್ಯಕ್ಷೆರ್ ನಿತಿನ್ ಕುಮಾರ್, ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ., ಎ. ಜೆ ಶಿಕ್ಷಣ ಸಂಸ್ಥೆದ ಗುರಿಕಾರೆ ಎ.ಜೆ ಶೆಟ್ಟಿ, ಹರಿಕೃಷ್ಣ ಬಂಟ್ವಾಳ, ಕಾರ್ಪೊರೇಟರ್ ಕಿರಣ್ ಕುಮಾರ್ ಕೌಶಲ್ಯಾಭಿವೃದ್ದಿ ಇಲಾಖೆದ ಹೇಮಚಂದ್ರ ಅಂಚನೆ ಮಸ್ತ್ ಬಿನ್ನೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

Job fair in Mangalore:
Mangalore March 03rd : Skill development and entrepreneurship with livelihood department and Karnataka Skill development department havee organised an Udyoga mela at AJ Institue of engineering and technology on March 3rd.
The mela was inaugurated by Dr C N Ashwath Narayan State minister for higher education,
IT and BT.
MP Nalin Kumar Kateel, MLA Vedavyasa Kamath, Dr Bharat Shetty, Karavali development authority president Mattur Rathnakar Hegde Mayor Premananda Shetty, Fisheries development Corporation Nithin Kumar DC Dr Rajendra K.V , A .J group of institutions president A.J Shetty and many other dignitaries participated in the program.

ಇನಿ ಕುಡ್ಲಗ್ ಬರ್ರೆ ಉಲ್ಲೆರ್ ಕೇಂದ್ರ ಸಚಿವೆರಾಯಿನ ನಿತಿನ್ ಗಡ್ಕರಿ

Feb 28, 2022

ಕುಡ್ಲ, ಫೆ.28: ಕೇಂದ್ರದ ರಸ್ತೆ ಸಾರಿಗೆ ಅಂಚನೆ ಹೆದ್ದಾರಿ ಖಾತೆ ಸಚಿವೆರಾಯಿನ ನಿತಿನ್ ಗಡ್ಕರಿ ಮೆರ್ ಇನಿ ಫೆ.28ಕ್ಕ್ ದಕ್ಷಿಣ ಕನ್ನಡ ಜಿಲ್ಲೆದ ಕುಡ್ಲಗ್ ಬರ್ರೆ ಉಲ್ಲೆರ್.

ಅರೆನ ಪ್ರವಾಸ ಕಾರ್ಯಕ್ರಮದ ವಿವರ ಇಂಚ ಉಂಡು

ಇನಿ ಮಧ್ಯಾಹ್ನ 3.45ಕ್ಕ್ ಕುಡ್ಲದ ಅಂತರಾಷ್ಟಿಯ ವಿಮಾನ ನಿಲ್ದಾಣಗ್ ಬತ್ತ್ ದ್ ಆಯಿಬೊಕ್ಕ 4 ಗಂಟೆಗ್ ಕುಲಶೇಖರದ ಕಾರ್ಡೆಲ್ ಹಾಲ್ ದ ಜಾಗೆಡ್ ಆಪಿನ ರಾಷ್ಟ್ರೀಯ ಹೆದ್ದಾರಿದ ಬೇತೆ ಬೇತೆ ಯೋಜನೆದ ಶಿಲಾನ್ಯಾಸ ಅಂಚನೆ ಲೋಕಾರ್ಪಣೆ ಸಮಾರಂಭಡ್ ಪಾಲ್ ಪಡೆಯರೇ ಉಲ್ಲೆರ್.

ಬಯ್ಯಗ್ 5.40ಗ್ ಬಿಜೈಡ್ ಇಪ್ಪುನ ಒಷನ್ ಪರ್ಲ್ ಇನ್ ಹೋಟೆಲ್‍ಡ್ ಕೆನರಾ ಚೇಂಬರ್ ಆಫ್ ಕಾಮರ್ಸ್ ಬೊಕ್ಕ ಇಂಡಸ್ಟ್ರೀಸ್ (ಕೆ.ಸಿಸಿ.ಐ) ಕರ್ನಾಟಕ- ಸದಸ್ಯೆರೆನ್ ಉದ್ದೇಶಿಸಾದ್ ಪಾತೆರ್ರೆ ಉಲ್ಲೆರ್. ಬಯ್ಯಗ್ 7 ಗಂಟೆಗ್ ಕುಡ್ಲದ ವಿಶೇಷವಾಯಿನ ವಿಮಾನದ ಮುಖೇನ ನಾಗಪುರಕಗ್ ಪೋಯರೆ ಉಲ್ಲೆರ್ ಪಂದ್ ಸಚಿವೆರ್ ನ ಕಾರ್ಯದರ್ಶಿ ಪ್ರಕಟಣಡ್ ತೆರಿಪಾದೆರ್.

ಫೆ.27 : ಹಿರಿಯಡ್ಕಡ್ ಕೈಪುಂಜಾಲು ಮೀನುಗಾರೆರ್ನ ಸಹಕಾರ ಸಂಘದ ಗ್ರಾಹಕೆರ್ನ ಸಮಾವೇಶ, ಪ್ರತಿಭಾ ಪುರಸ್ಕಾರ ಲೇಸ್

Feb 26, 2022

ಒಡಿಪು : ಕೈಪುಂಜಾಲು ಮೀನುಗಾರರ ಪ್ರಾಥಮಿಕ ವಿವಿಧೋದ್ದೇಶ ಸಹಕಾರ ಸಂಘದ ಆಶ್ರಯೊಡು ಗ್ರಾಹಕೆರ್ನ ಸಮಾವೇಶ ಅಂಚೆನೆ ಪ್ರತಿಭಾ ಪುರಸ್ಕಾರ ಪಟ್ಟುನ ಲೇಸ್ ಫೆ.27 ಐತಾರದಾನಿ ಮದ್ದೆಣ 3 ಗಂಟೆಗ್ ಹಿರಿಯಡ್ಕದ ಮಾಧವ ಮಂಗಲ ಸಭಾಭವನಡ್ ನಡಪರೆ ಉಂಡು.

ಕಾಪು ಶಾಸಕೆರ್ ಲಾಲಾಜಿ ಮೆಂಡನ್ ಲೇಸ್ ಉದಿಪನ ಮಲ್ಪುವೆರ್. ಕೈಪುಂಜಾಲು ಮೀನುಗಾರೆರ್ನ ಪ್ರಾ.ವಿ.ಸ.ಸಂಘದ ಗುರ್ಕಾರ್ಲು ಜನಾರ್ಧನ ಸಾಲ್ಯಾನ್ ಲೇಸ್ ದ ಗುರ್ಕಾರ್ಮೆ ಒಯಿಸೊನ್ವೆರ್.
ಮಲ್ಲ ಬಿನ್ನೆರಾದ್ ದ.ಕ. ಮೊಗವೀರ ಮಹಾಜನ ಮೊಗವೀರ ಸಂಘ(ರಿ) ಉಚ್ಚಿಲ ಉಂದೆತ್ತ ಅಧ್ಯಕ್ಷೆರ್ ಜಯ ಸಿ.ಕೋಟ್ಯಾನ್, ಬಜೆ ಮೆಲ್ಸಾಲು ಮೊಗವೀರ ಸಂಘ (ರಿ)ಹಿರಿಯಡ್ಕ ಅಧ್ಯಕ್ಷೆರ್ ರಾಜೇಂದ್ರ ಸುವರ್ಣ, ಹಿರಿಯಡ್ಕ ಮಾಧವ ಮಂಗಲ ಸಭಾಭವನದ ಅಧ್ಯಕ್ಷೆರ್ ಉದಯ ಬಂಗೇರ, ಮೊಗವೀರ ಯುವ ಸಂಘಟನೆ (ರಿ) ಹಿರಿಯಡ್ಕ ಎಗ್ಗೆದ ಅಧ್ಯಕ್ಷೆರ್ ವಿಜಯ ಮೆಂಡನ್ ಪಾಲ್ ಪಡೆವೆರ್ ಪಂದ್ ಸಂಘದ ಅಧ್ಯಕ್ಷೆರ್, ಆಡಳಿತ ಮಂಡಳಿ ಬೊಕ್ಕ ಸಿಬ್ಬಂದಿನಕುಲು ಲೆಪ್ಪೋಲೆಡ್ ತೆರಿಪಾದೆರ್.

Tulu News

ಮಾ. 26ಕ್ಕ್ 5ನೇ ವರ್ಷದ ಕುಡ್ಲ ಕಂಬುಲದ ಗೌಜಿ

ಒಡಿಪು ಜಿಲ್ಲಾ ಮಟ್ಟದ ತೋಟಗಾರಿಕಾ ಬೊಕ್ಕ ಭತ್ತದ ಕೃಷಿ ಪಂಥಡ್ ಒಂಜೇ ಪೊರ್ತುಡು ರಡ್ಡ್ ಇನಾಮು ಪಡೆಯಿನ ರಾಯಲ್ ರತ್ನಾಕರ್‌ ಡಿ. ಶೆಟ್ಟಿ

ಕಿನ್ಯ ಗ್ರಾಮದ ಕಿನ್ಯಗುತ್ತು ಧರ್ಮದೈವಲೆನ ಚಾವಡಿಡ್ ಶ್ರೀ ಮಲರಾಯ ಬಂಟ ಬೊಕ್ಕ ಪರಿವಾರ ದೈವಲೆನ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ

ಕಿನ್ಯ ಬೆಳರಿಂಗ ಭಂಡಾರ ಇಲ್ಲಡ್ ಶ್ರೀ ಮಲರಾಯ, ಧೂಮಾವತಿ, ಬಂಟ ಪರಿವಾರ ದೈವಲೆನ ವಾರ್ಷಿಕ ನೇಮ

ಎಲ್ಲೆರ್ದ್ ಮಾರ್ಚ್ 13 ಮುಟ್ಟ ಮೂಲ್ಕಿಡ್ ರಾಜ್ಯಮಟ್ಟದ ಕೃಷಿ ಮೇಳ

ರಥಬೀದಿ ಕಾಲೇಜಿದ ಹಿಜಾಬ್ ಕೇಸ್ ದ ತನಿಖಾ ವರದಿ ಬೇಗೊಡೆ ಕೋರ್ಟ್ ಗ್ ಕೊರ್ಪ: ಎನ್ ಶಶಿಕುಮಾರ್

ಕುಡ್ಲಡ್ ಮಾಮಲ್ಲ ಉದ್ಯೋಗ ಮೇಳದ ಉದಿಪನ

ಇನಿ ಕುಡ್ಲಗ್ ಬರ್ರೆ ಉಲ್ಲೆರ್ ಕೇಂದ್ರ ಸಚಿವೆರಾಯಿನ ನಿತಿನ್ ಗಡ್ಕರಿ

ಫೆ.27 : ಹಿರಿಯಡ್ಕಡ್ ಕೈಪುಂಜಾಲು ಮೀನುಗಾರೆರ್ನ ಸಹಕಾರ ಸಂಘದ ಗ್ರಾಹಕೆರ್ನ ಸಮಾವೇಶ, ಪ್ರತಿಭಾ ಪುರಸ್ಕಾರ ಲೇಸ್

You Missed

“ಕುಡ್ಲಡ್ ನೀರ್‌ದ ಸಮಸ್ಯೆ ಪರಿಹಾರಗ್ ತುಂಬೆ ಡ್ಯಾಮ್ ಎತ್ತರ ಮಲ್ಪಾಲೆ, ಕಡಲ್‌ದ ನೀರ್ ಶುದ್ದ ಮಲ್ಪಾಲೆ”

ಸೆ.27 : ಶಿವಾಯ ಫೌಂಡೇಶನ್(ರಿ) ವತಿರ್ದ್ ಶೈಕ್ಷಣಿಕ ಸಹಾಯ, ಪ್ರತಿಭಾ ಪುರಸ್ಕಾರ, ವಿದ್ಯಾ ಪ್ರೇರಣಾ 2026

ನಿಡ್ಲೆ ಗೋವಿಂದ ಭಟ್ರೆಗ್ ಮಂಡೆಚ್ಚ ಪ್ರಶಸ್ತಿ -2026

ಪಾವಂಜೆ ಜಂಕ್ಷನ್ ಡ್ ಬ್ಯಾರಿಕೇಡ್ ಗ್ ತಾಂಟಿನ ಮೀನ್ ದ ಲಾರಿ – ತತ್ತಿನ ಮಲ್ಲ ಅನಾಹುತ