Tulu News

2024ನೇ ಇಸ್ವಿದ ಮಕರ ಸಂಕ್ರಾಂದಿಗ್ ಅಯೋಧ್ಯೆ ರಾಮ ಮಂದಿರ ಪೂರ್ಣ: ಪೇಜಾವರ ಶ್ರೀ

Jul 5, 2022

ಕುಡ್ಲ: ಅಯೋಧ್ಯೆಡ್ ಶ್ರೀ ರಾಮ ಮಂದಿರ ನಿರ್ಮಾಣ ಕಾರ್ಯ 2024 ಇಸವಿದ ಮಕರ ಸಂಕ್ರಾಂದಿಗ್ ಮುಗಿಯರೆ ಉಂಡು ಪಂದ್ ರಾಮಮಂದಿರ ಟ್ರಸ್ಟ್ ದ ಪೇಜಾವರ ಮಠಧೀಶ ಶ್ರೀ ವಿಶ್ವ ಪ್ರಸನ್ನ ತೀರ್ಥ ಸ್ವಾಮಿಲು ತೆರಿಪಾದೆರ್.

ಕುಡ್ಲದ ಕದ್ರಿದ ಮಂಜು ಪ್ರಸಾದಡ್ ಪೇಜಾವರ ಮಠತ್ತ ಪಟ್ಟದ ದೇವೆರ್ನ ತುಲಾಭಾರ ಬೊಕ್ಕ ಗುರುವಂದನಾ ಕಾರ್ಯಕ್ರಮಡ್ ಪಾತೆರ್ನ ಆರ್, ಅಯೋಧ್ಯೆಡ್ ರಾಮಮಂದಿರ ಕಟ್ಟುನ ಬೇಲೆ ಭಾರೀ ಬೇಗಡ್ ಸಾಗೊಂದ್ ಉಂಡು. 2024 ತ್ತ ಮಕರ ಸಂಕ್ರಾಂತಿದ ಉತ್ತರಾಯಣದ ಪರ್ವಕಾಲಡ್ ಶ್ರೀ ರಾಮ ಪ್ರತಿಷ್ಠೆ ಆಯರೆ ಉಂಡು ಪಂದ್ ತೆರಿಪಾಯೆರ್.

Ayodhya Rama Mandir construction to be completed by 2024 Makara Sankranti: Pejawar Shree

Mangalore: Sri Pejawar Mutt Sri Vishwa Prassanna Thirtha Swamiji who is a member of Rama Mandir Trust said that the construction of the temple at Ayodhya will be completed by 2024 Makara Sankranti.

He was speaking at a programme at Kadri Manju Prasad in Mangalore and said that the work at the temple site is moving fast and they hoped that the consecration of Sri Ram may be held around Makara Sankranti 2024

ಉಳ್ಳಾಲದ ದೇವಿಪುರ, ಕೋಟೆಕಾರ್ ಡ್ ಇಲ್ಲದ ಉಲಾಯಿ ಪೊಗ್ಗಿನ ಬೊಲ್ಲದ ನೀರ್

Jul 5, 2022

ಉಳ್ಳಾಲ: ದ.ಕ ಜಿಲ್ಲೆಡ್ ಭಾರೀ ಬರ್ಸ ಬರೊಂದಿತ್ತ್ ದ್, ಉಳ್ಳಾಲ ತಾಲೂಕ್ ದ ಮಸ್ತ್ ಜಾಗೆ ನೀರ್ ಡ್ ಮುರ್ಕುದು ಪೋತುಂಡು. ಕೆಲವು ಇಲ್ಲದ ಉಲಾಯಿ ನೀರ್ ಪೊಗ್ಗುದ್oಡ್.

ಉಳ್ಳಾಲ ತಾಲೂಕ್ ದ ತಲಪಾಡಿ, ದೇವಿಪುರ, ಕೋಟೆಕಾರ್ ವೈದ್ಯನಾಥ ನಗರದ ಮಸ್ತ್ ಇಲ್ಲ್, ಅಂಚೆನೆ ಮಾರ್ಗ ನೀರ್ ಡ್ ಮುರ್ಕುದು ಪೋತುoಡು.

ಮಾಡೂರು ಕೈತಲ್ ಕರೆಂಟ್ ದ ಕೇಬಲ್ ಲೈನ್ ದ ‌ಮಿತ್ತ್ ಮರ ಮಗ್ ರ್ದ್ ಬೀರಿರ್ದ್ ದೇರಳಕಟ್ಟೆ ಮುಟ್ಟ ಗಾಡಿ ಪೋಯರೆ ಬಂಗ ಆವೊಂದುಂಡು. ಅಂದಾಜಿ 25 ವರ್ಷರ್ದ್ ಬೊಕ್ಕ ದೇವಿಪುರದ ಮಾರ್ಗ ನೀರ್ ಡ್ ಮುರ್ಕುದಿನಿ ಪಂದ್ ಹಿರಿಯೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಒಡಿಪು ಜಿಲ್ಲೆದ ಶಾಲೆ, ಕಾಲೇಜಿಗ್ ಇನಿ ರಜೆ

Jul 5, 2022

ಒಡಿಪು : ಭಾರೀ ಗಾಳಿ ಬರ್ಸದ ನಿಲೆಟ್ಟ್ ಜಿಲ್ಲೆದ ಮಾತಾ ಶಾಲೆ, ಕಾಲೇಜ್ ಗ್ ಇನಿ (ಜು.5) ಜಿಲ್ಲಾಧಿಕಾರಿ ರಜೆ ಕೊರ್ತೆರ್.

ಶಾಲೆದ ಜೋಕುಲೆನ ಜಾಗ್ ರ್ತೆದ ನಿಲೆಟ್ಟ್ ರಜೆ ಕೊರ್ತ ಪಂದ್ ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ. ಆದೇಶಡ್ ತೆರಿಪಾದೆರ್.

ನನಲ ರಡ್ಡ್ ದಿನ ಕರಾವಳಿ ಜಿಲ್ಲೆಡ್ ಭಾರೀ ಬರ್ಸ ಬರ್ಪಿನ ಬಗೆಟ್ಟ್ ಹವಾಮಾನ ಇಲಾಖೆ ಸೂಚನೆ ಕೊರ್ತುಂಡು. ಅವ್ವತ್ತಾಂದೆ ಸುಮಾರ್ 200 ಮಿ.ಮೀ. ಬರ್ಸ ಬರ್ಪಿನ ಸಾಧ್ಯತೆ ಉಂಡು ಪಂದ್ ತೆರಿದ್ ಬೈದ್ಂಡ್. ಜೋರು ಬರ್ಸ ಇತ್ತಿನೆರ್ದಾವರ ಜು.4 ಸೋಮಾರ ಹೆಬ್ರಿ ತಾಲೂಕುಗು ಮಾತ್ರ ರಜೆ ಕೊರ್ದಿತ್ತೆರ್.

ಬೊಲ್ಲೊಡು ಮುರ್ಕುಂಡು ಕುಕ್ಕೆ ಸುಬ್ರಮಣ್ಯ ಕ್ಷೇತ್ರದ ಮೀಪಿನ ಕಟ್ಟೆ

Jul 4, 2022

ಕರಾವಳಿ ಜಿಲ್ಲೆಡ್ ಭಾರೀ ಬರ್ಸ ಬರೊಂದಿಪ್ಪುನ ಕಾರಣ ನೇತ್ರಾವತಿ ಬೊಕ್ಕ ಕುಮಾರಧಾರ ಸುದೆತ್ತ ನೀರ್ ದ ಮಟ್ಟ ಎಚ್ಚ ಆತ್ಂಡ್.

ಕುಮಾರಧಾರ ಸುದೆಟ್ಟ್ ನೀರ್ ದ ಮಟ್ಟ ಎಚ್ಚ ಆಯಿನ ಪರಿಣಾಮ ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯದ ತೀರ್ಥ ಸ್ನಾನ ಮಲ್ಪುನ ಜಾಗೆ ನೀರ್ ಡ್ ಮುರ್ಕುದ್ ಪೋತುಂಡು.
ಮೀಪುನ ಜಾಗದಲ್ಪನೆ ದೇವೆರ್ನ ಕಟ್ಟೆಲ ನೀರ್ ಡ್ ಮುರ್ಕುದ್ ಪೋತುಂಡು. ಆಂಡ ಕ್ಷೇತ್ರಗ್ ಬತ್ತಿನ ಭಕ್ತಾದಿಲು ಉಂದೆನ್ ಲೆಕ್ಕಗ್ ದೆತೊನಂದೇ ತೀರ್ಥ ಸ್ನಾನ ಮಲ್ತೊಂದುಲ್ಲೆರ್.

The bathing ghat at Kukke Subramanya temple is under water !!

Heavy rains in the coastal districts has the two main rivers of the area Netravathi and Kumaradhara in spate.

The raising waters of Kumaradhara river, has the holy bathing ghat under water The holy platform of the lord near the bathing ghat is immersed in water .
But devotees vising the temple are still taking the holy bath by the swollen river!!

ತುಳುನಾಡ್ ಒಕ್ಕೂಟದ ಕೂಡುಪಟ್ಟಾಂಗ: ಚಾವಡಿ ಕೂಟದ ಗುರ್ಕಾರೆ ಆದ್ ಶೇಖರ ಗೌಡತ್ತಿಗೆ ಕುಡೊರ ಆಯ್ಕೆ

Jul 4, 2022

ಬೊಲ್ತೇರ್ : ತುಳುನಾಡ್ ಒಕ್ಕೂಟ ಪದುಕೆರೆನ ಕೂಡು ಪಟ್ಟಾಂಗ ಶೇಖರ್ ಗೌಡತ್ತಿಗೆ ಮೇರ್ನ ಗುರ್ಕಾರ್ಮೆಡ್ ಬೊಲ್ತೇರ್ ಪೇಂಟೆಡ್ ನಡತ್ಂಡ್.

ಸಂಘಟನೆದ ಬೇತೆ ಬೇತೆ ಕೂಟೊಲೆಗ್ ಜಬದಾರಿದ ಪದುಕೆರೆನ್ ಈ ಪೊರ್ತಡು ಆಯ್ಕೆ ಮಲ್ತ್ಂಡ್.

ತುಳುನಾಡ್ ಒಕ್ಕೂಟ ಚಾವಡಿ ಕೂಟದ ಗುರ್ಕಾರ್ ಆದ್ ಶೇಖರ್ ಗೌಡತ್ತಿಗೆ ಉಬಾರ್ ಕುಡೊರ ಆಯ್ಕೆಯಾಯೆರ್. ಒತ್ತು‌ಗುರ್ಕಾರ್ ಆದ್ ಐಕಳಬಾವ ಚಿತ್ತರಂಜನ್ ದಾಸ್ ಶೆಟ್ಟಿ ಆಯ್ಕೆ ಆಯೆರ್. ಕಾರ್ಯಂತೆರಾದ್ ವಿನ್ಸೆಂಟ್ ಲೋಬೋ ಹಿರಿಯಾಜೆ, ಒತ್ತು ಕಾರ್ಯಂತೆರಾದ್ ಉಮೇಶ್ ಆಚಾರ್ಯ ಸವಣಾಲ್ , ಪಣವುದ ಪಾಲವೆರಾದ್ ಅರವಿಂದ್ ಪಂಡಿತ್ ಕುಡ್ಲ ಆಯ್ಕೆ ಆಯೆರ್. ತುಳುನಾಡ್ ಒಕ್ಕೂಟ ಕಾನೂನು ಕೂಟದ ಗುರ್ಕಾರ್ ಅದ್ ನ್ಯಾಯವಾದಿ ಸುರೇಶ್ ವಿ ಆಯ್ಕೆ ಆಯೆರ್.

ಕೂಡುಪಟ್ಟಾಂಗಡ್ ತುಳುನಾಡ್ ಒಕ್ಕೂಟ ಸಂಸ್ಥಾಪಕೆರಾಯಿನ ಶೈಲೇಶ್ ಆರ್. ಜೆ. ಬೊಕ್ಕ ಪದುಕೆರ್ ಪಾಲ್ ಪಡೆಯೆರ್.

ಆಸ್ಟ್ರೇಲಿಯಡ್ ಆಟಿಡ್ ಒಂಜಿ ದಿನ; ಜು.17 : ತುಳುಕೂಟ ಸಿಡ್ನಿ ಮುತಾಲಿಕೆಡ್ ಲೇಸ್

Jul 4, 2022

ಸಿಡ್ನಿ: ತುಳುನಾಡ್ ದ ಸಂಪ್ರದಾಯಿಕ ತೆನಸ್ ಲೆನ್ ಆಸ್ಟ್ರೇಲಿಯಾದ ಜನಕ್ಲೆಗ್ ಪಟ್ಟುನ ಬಗೆಟ್ “ತುಳು ಕೂಟ ಸಿಡ್ನಿ” ಜುಲೈ 17 ಕ್ಕ್ ಮಧ್ಯಾಹ್ನ 12 ಗಂಟೆಗ್ ಸಿಡ್ನಿದ ಆರ್ಕೇಡಿಯದ ಕಮ್ಯೂನಿಟಿ ಸೆಂಟರ್ ಡ್ “ಆಟಿಡ್ ಒಂಜಿ ದಿನ” ಲೇಸ್ ನಡಪರೆ ಉಂಡು.

ಆನಿ ತುಳುವೆರ್ ಸೇರೊಂದು ತುಳುನಾಡ್ ದ ತೆನಸ್ ಆಯಿನ ಕೋರಿ ಸುಕ್ಕ, ಕೋರಿದ ರೆಸ, ಕುಡುತ್ತ ಸಾರ್, ಕುಡು ಚಟ್ನಿ, ಪದೆಂಗಿ ಗಸಿ, ಕಡ್ಲೆ ಮನೊಲಿ, ಸೇಮಯಿದಡ್ಡೆ, ತಾರಾಯಿದ ಸಾರ್, ಪುಂಡಿ, ನುಂಗೆಲ್ ಚಟ್ನಿ, ಉರ್ಪೆಲ್ ಅರಿತ್ತ ವನಸ್, ಕಡ್ಲೆ ಬೇಳೆದ ಪಾಯಸ ಅಂಚನೆ ಮಸ್ತ್ ಬಗೆತ್ತ ಚೀಪೆ ತಿಂಡಿಲೆನ್ ತಯಾರ್ ಮಲ್ಪರೆ ಉಲ್ಲೆರ್.

ಸಿಡ್ನಿ ಸ್ಪೋರ್ಟ್ಸ್ ಕ್ಲಬ್ ಈ ಲೇಸ್ ನ್ ಅಟ್ಟಣೆ ಮಲ್ದೆರ್ ಪಂದ್ ತುಳು ಕೂಟ ಸಿಡ್ನಿ ಪ್ರಕಟಣೆಡ್ ತೆರಿಪಾದೆರ್. ಅವಕಾಶ್ ಚಂದ್ ಅಂಚನೆ ಸುಮೀತ್ ಪನ್ಪಿನ ರಡ್ಡ್ ಜನ, ತುಳುವೆರೆನ್ ಒಟ್ಟು ಮಲ್ಪುನ ನಿಲೆಟ್ಟ್ ಈ ಕೆಲಸ ಮಲ್ತೊಂದುಲ್ಲೆರ್.

Australia Tulukoota: ‘ Aateed Onji dina’ in Sydney on July 17th

Sydney: Tulukoota Sydney is organising ‘ Aateed Onji dina” to commorate the crusine of Tulunadu and to introduce to the younger generation growing up in Sydney to the food and flavours of their homeland.The food festival will be held on July 17th from 12 noon onwards at Arcadia Community center Sydney.

All tuluvas will come together to celebrate the food of their hometown which includes chicken sikka, horsegram(kudu) saar,samige, pundi, red rice meals and such other dishes unique to Tulunadu.

The program will be sponsered by Sydney sports club say sources from Tulukoota Sydney.Avkashchand and Sumith are taking the lead in bringing together the Tuluvas.

ಪುಗರ್ತೆದ ಮರವಂತೆ ಬೀಚ್ ಡ್ ಲೈಟ್ ಕಂಬ ಇಜ್ಜಿ, ಬೋಡಾಯಿನ ವ್ಯವಸ್ಥೆ ಇಜ್ಜಿ: ತೊಂದರೆ ಆಂಡ ಕೇನುನಕುಲೇ ಇಜ್ಜಿ

Jul 4, 2022

ಮರವಂತೆ: ಪುಗರ್ತೆದ ಮರವಂತೆ ಬೀಚ್ ನ್ ತೂಯರೆ ದೇಶ ವಿದೇಶರ್ದ್ ಮಸ್ತ್ ಪ್ರವಾಸಿಗೆರ್ ಬರ್ಪೆರ್. ಆoಡ ಪ್ರವಾಸಿ ತಾಣದ ಅಭಿವೃದ್ದಿ ಸೇರಿನಂಚನೆ ಜನಕ್ಲೆನ ಸುರಕ್ಷತೆಗ್ ಒವ್ವೆ ರೀತಿದ ವ್ಯವಸ್ಥೆ ಆವಡ್ ಇಜ್ಜಿ.

ಒಂಜಿ ಕಡೆಟ್ಟ್ ಕಡಲ್ ನನೊಂಜಿ ಕಡೆಟ್ಟ್ ಸುದೆ. ಆಯಿತ್ತ ನಡುಟ್ಟ್ ಮಾರ್ಗ. ಮಾರ್ಗದ ಬರಿಟ್ಟೆ ಬರೊಂದಿಪ್ಪುನ ಕಡಲ್ ದ ಬಿರ್ಸ್ ದ ಸಿರೆಕ್ಕುಲು. ತ್ರಾಸಿ ಬೀಚ್ ರ್ದ್ ಮರವಂತೆ ಬೀಚ್ ಮುಟ್ಟ ಮಾರ್ಗಡ್ ಒವ್ವೇ ರೀತಿದ ಲೈಟ್ ಕಂಬ ಆವಡ್, ಹೈ ಮಾಸ್ಟ್ ತುಡರ್ ಆವಡ್ ನನಲ ಆತಿಜಿ. ಕತ್ತಲೆದ ಪೊರ್ತುಡ್ ಜನಕುಲೆಗ್ ಈ ಸಾದಿಡ್ ಪೋಯರೆ ಮಸ್ತ್ ಬಂಗ ಆವೊಂದುಂಡು.

ಬೀಚ್ ದ ಬರಿಟ್ಟ್ ಮಾರ್ಗದ ತುಡರ್ ಪಾಡೊಡ್ ಪಂದ್ ಆಲ್ಪದ ಜನಕುಲು ಕೆಂದೀತ್ತೆರ್. ಆಂಡ ಆಯಿತ್ತ ವ್ಯವಸ್ಥೆ ನನಲ ಆತಿಜಿ. ಬೀಚ್ ಗ್ ಬತ್ತಿನ ಜನಕುಲು ಒಲ್ಪ ಒಲ್ಪ ಗಾಡಿನ್ ಪಾರ್ಕಿಂಗ್ ಮಲ್ಪುವೆರ್. ಈ ಸ್ಥಿತಿ ಟ್ಟ್ ಮಲ್ಲ ಲಾರಿಲು, ಕಂಟೈ ನರ್ ಲು ಮಾರ್ಗಡ್ ಪೋಯರೆ ಬಂಗ ಅವೊಂದುಂಡು.

ತ್ರಾಸಿರ್ದ್ ಸುರು ಆದ್ ಮರವಂತೆ ಸಿಲ್ ಲ್ಯಾಂಡ್ ಮುಟ್ಟ ಬೀಚ್ ದ ಮಾರ್ಗದ ಬರಿಟ್ಟ್ ಗಾಡಿಡ್ ಪೋಪಿನಕ್ಲೆನ ಸುರಕ್ಷತೆದ ದೃಷ್ಟಿರ್ದ್ ಕರ್ಬದ ಸೇಫ್ ಗಾರ್ಡ್ ನ್ ಪಾಡ್ಂಡ ಗಾಡಿ ಅಜೆ ತತ್ತ್ಂಡ ಕಡಲ್ ಗ್ ಬೂರ್ ನೆನ್ ತಡೆಪೊಲಿ. ಉಂದೆರ್ದಾವರ ಜೀವ ಆಪಿನ ತೊಂದರೆ ನ್ ಲ ತಡೆಪೊಲಿ ಪನ್ಪಿನವ್ ಸಾರ್ವಜನಿಕೆರ್ನ ಅಭಿಪ್ರಾಯ.

ಬಂಟ್ವಾಳ: ಆಗಸ್ಟ್ 7 ಕ್ಕ್ ಬಂಟ್ವಾಳ ಸಂಘ ಬೆಳ್ಳೂರು ವಲಯದ ಮುತಾಲಿಕೆಡ್ ಆಟಿದ ಕೂಟ

Jul 4, 2022

ಬಂಟ್ವಾಳ ತಾಲೂಕ್ ದ ಬಂಟರ ಸಂಘ ಬೆಳ್ಳೂರು ವಲಯದ ಮುತಾಲಿಕೆಡ್ ತುಳುನಾಡ್ ದ ವಿಶೇಷ ಆಚರಣೆ ಆಯಿನ ಆಟಿದ ಕೂಟ ಲೇಸ್ ಆಗಸ್ಟ್ 7 ಕ್ಕ್ ಐತಾರ ಕಾಂಡೆ 10 ಗಂಟೆರ್ದ್ ಬಯ್ಯ 6 ಗಂಟೆ ಮುಟ್ಟ ಬೆಳ್ಳೂರ್ ದ ಶ್ರೀ ಕಾವೇಶ್ವರ ದೇವಲ್ಯದ ಜಾಗೆಡ್ ನಡಪರೆ ಉಂಡು.

ರಾಮಕೃಷ್ಣ ತಪೋವನ ಪೊಳಲಿ ಮುಲ್ಪದ ಶ್ರೀ ವಿವೇಕಚೈತನ್ಯಾನಂದ ಸ್ವಾಮಿಲು ಲೇಸ್ ನ್ ತುಡರ್ ಅರ್ಲಾದ್ ಉದಿಪನ ಮಲ್ಪರೆ ಉಲ್ಲೆರ್. ವಾಮಂಜೂರು ಸೈಂಟ್ ಜೋಸೆಫ್ ಇಂಜಿನಿಯರಿಂಗ್ ಕಾಲೇಜ್ ದ ಉಪನ್ಯಾಸಕೆರ್ ಅಶ್ವಿನಿ ಶೆಟ್ಟಿ ಆಟಿ ಆಚರಣೆದ ಬಗೆಟ್ ಮಾಹಿತಿ ಕೊರಿಯರೆ ಉಲ್ಲೆರ್.

ಮಲ್ಲ ಬಿನ್ನೆರಾದ್ ಬಂಟ್ವಾಳ ಬಂಟರ ಸಂಘದ ಅಧ್ಯಕ್ಷೆರ್ ಚಂದ್ರಹಾಸ್ ಡಿ ಶೆಟ್ಟಿ, ಬಂಟರ ಸಂಘ ಬೆಳ್ಳೂರು ವಲಯದ ಗೌರವಾಧ್ಯಕ್ಷೆರ್ ರಘುನಾಥ ಪಯ್ಯಡೆ ಅಂಚನೆ ಕಾವೇಶ್ವರ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಆಯಿನ ರಘು ಎಲ್ ಶೆಟ್ಟಿ, ಸುಧಾಕರ್ ಪೂಂಜ, ಸಂತೋಷ್, ಕೆ.ಧನಂಜಯ ರೈ, ಪ್ರಕಾಶ್ ಆಳ್ವ, ಮಲ್ಲಿಕಾ ಶೆಟ್ಟಿ, ಸುಕೇಶ್ ಚೌಟ, ಸದಾನಂದ ಡಿ ಶೆಟ್ಟಿ ರಂಗೋಲಿ, ಚಂದ್ರಹಾಸ ಶೆಟ್ಟಿ ನಾರ್ಲ, ಚರಣ್ ಆಳ್ವ ಚಿಪ್ಪಾರು ಗುತ್ತು, ಪ್ರದೀಪ್ ಶೆಟ್ಟಿ ಬೆಳ್ಳೂರು, ಕೃಷ್ಣ ಪ್ರಸಾದ್ ರೈ, ಉಮಾನಾಥ ರೈ, ರಾಧಾಕೃಷ್ಣ ಆಳ್ವ, ಉಮೇಶ್ ಶೆಟ್ಟಿ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್.

ಮಸ್ತ್ ಕ್ಷೇತ್ರಡ್ ಸಾಧನೆ ಮಲ್ತಿನಕ್ಲೆಗ್ ಮಾನಾದಿಗೆ, ಜೋಕುಲೆಗ್ ಪ್ರತಿಭಾ ಪುರಸ್ಕಾರ, ಬೇತೆ ಬೇತೆ ರೀತಿದ ತುಳುನಾಡ್ ದ ಗೊಬ್ಬುಲು, ಆಟಿದ ವಿಶೇಷವಾಯಿನ ತೆನಸ್, ರಂಗ ಸುದರ್ಶನ (ರಿ.) ಸಸಿಹಿತ್ಲು ಮೊಕ್ಲೆರ್ದ್ ಬಂಟೆರೆ ಸಿರಿ ಭ್ರಾಮರಿ ಪನ್ಪಿನ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.

ಈ ಲೇಸ್ ಗ್ ಬಂಟರ ಸಂಘ ಬೆಳ್ಳೂರು ವಲಯದ ಅಧ್ಯಕ್ಷೆರ್ ಜನಾರ್ಧನ ಶೆಟ್ಟಿ ಕನ್ಯಬೆಟ್ಟು, ಗೌರವಾಧ್ಯಕ್ಷೆರ್ ರಘುನಾಥ ಪಯ್ಯಡೆ, ಉಪಾಧ್ಯಕ್ಷೆರ್ ಸಂಧ್ಯಾ ಡಿ. ರೈ ಕುಂದಬೆಟ್ಟು, ಪುಷ್ಪರಾಜ್ ಶೆಟ್ಟಿ, ಕಾರ್ಯದರ್ಶಿ ನರೇಶ್ ಕುಮಾರ್ ಶೆಟ್ಟಿ ಅಂಚನೆ ಸಮಿತಿದ ಮಾತ ಸದಸ್ಯೆರ್ ಮೋಕೆಡ್ ಎದ್ಕೊನುಂದುಲ್ಲೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಪರ್ಕಳ: ಮಾರ್ಗಡ್ ಪೊರೆಲ್ದ್ ಬೂರಿನ ಲಾರಿ

Jul 4, 2022

ಪರ್ಕಳ: ಪರ್ಕಳದ ಮಾರ್ಗಡ್ ಮಲ್ಲ ಕಂಟೇನರ್ ಒಂಜಿ ಡ್ರೈವರ್ ನ ಕೈ ತತ್ತ್ ದ್, ಇಲ್ಲದ ಬರೆಕ್ಕ್ ಪೊರೆಲ್ದ್ ಬೂರ್ದುಂಡು.

ಇನಿ ಕಾಂಡೆ ಪರ್ಕಳರ್ದ್ ಗೋವಾ ಕಡೆಕ್ಕ್ ಪೇಪರ್ ಪತೊಂದ್ ಪೋವೊಂದಿತ್ತಿನ ಕಂಟೇನರ್ ಶೆಣೈ ಕಂಪೌಂಡ್ ದ ಮಿತ್ತ್ ಬೂರ್ದ್oಡ್. ಆ ಜಾಗೆಡ್ ಸರಿಯಾಯಿನ ಸಾದಿದ ತುಡರ್ ದ ವ್ಯವಸ್ಥೆ ಇಜ್ಜಿ. ನಗರ ಸಭೆ ಪೂರ್ಣ ಪ್ರಮಾಣಡ್ ಸಾದಿದ ತುಡರ್ ನ್ ಸರಿ ಮಲ್ಪುನ ವ್ಯವಸ್ಥೆ ಮಲ್ಪೊಡು. ನೆರ್ದ್ ದುಂಬು ಅವ್ವೇ ಜಾಗೆಡ್ ಟ್ಯಾಂಕರ್ ಒಂಜಿ ಬೂರ್ ದಿತ್ತ್oಡ್. ಬೇತೆ ರಾಜ್ಯದ ಗಾಡಿದಕ್ಲೆಗ್ ಅಲ್ಒದ ತಿರ್ಗೋಸು ಬೇಗನೆ ಗೊತ್ತಾಪುಜಿ ಪಂದ್ ಕೈತಲ್ ದ ಜನಕುಲು ತೆರಿಪಾದೆರ್.

Parkala: Lorry topples onto the road

Parkala: A container lorry toppled onto the road and into the compound wall of a house after the driver loses control of the vehicle.

The container was transporting paper and was moving towards Goa and hit the wall of Shenoy compound.There is poor lighting in the place which has become a bane to drivers driving along the roads here.Many accidents are reported from this place as vehicles from other states frequent these roads. The public here have urged the authorities to consider this matter.

ಕಣಿಕ್ಕ್ ಬೂರಿನ ಬಸ್; ಶಾಲೆದ ಜೋಕುಲ್ ಸೇರ್ದ್ 16 ಜನ ತೀರ್ ಪೋಯೆರ್

Jul 4, 2022

ಹಿಮಾಚಲ ಪ್ರದೇಶದ ಕುಲುತ್ತ ಸೈನ್ಸ್ ಜಾಗೆಡ್ ಇನಿ ಕಾಂಡೆ ಖಾಸಗಿ ಬಸ್ ಮಸ್ತ್ ಗುಂಡಿ ಇತ್ತಿನ ಜಾಗೆಗ್ ಬೂರ್ದು ಶಾಲೆದ ಜೋಕುಲು ಸೇರಿನಂಚನೆ 16 ಜನ ತೀರ್ ಪೋಯೆರ್.

ಕಾಂಡೆ 8 ಗಂಟೆದ ಪೊರ್ತುಗ್ ಈ ಘಟನೆ ನಡತ್ ದ್oಡ್. ಬಸ್ ಟ್ಟ್ ಸುಮಾರು 45 ಜನ ಪ್ರಯಾಣಿಕೆರ್ ಇತ್ತೆರ್. ಅಯಿಟ್ಟ್ ಕೆಲವೆರ್ ಬಚಾವ್ ಆತೆರ್. 20 ರ್ದ್ ಲ ಎಚ್ಚದ ಜನಕ್ಲೆಗ್ ಪೆಟ್ಟಾತ್oಡ್.

Bus falls into a ravine; 16 persons including school children dead

A private bus falls into a gorge in Kulavu area of Himachal Pradesh this morning that has left 16 persons including school children dead.

The incident occurred at 8a.m this morning.More than 45 persons were reported to be travelling in the bus.More than 20 people were badly injured.

M	T	W	T	F	S	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Tulu News

2024ನೇ ಇಸ್ವಿದ ಮಕರ ಸಂಕ್ರಾಂದಿಗ್ ಅಯೋಧ್ಯೆ ರಾಮ ಮಂದಿರ ಪೂರ್ಣ: ಪೇಜಾವರ ಶ್ರೀ

ಉಳ್ಳಾಲದ ದೇವಿಪುರ, ಕೋಟೆಕಾರ್ ಡ್ ಇಲ್ಲದ ಉಲಾಯಿ ಪೊಗ್ಗಿನ ಬೊಲ್ಲದ ನೀರ್

ಒಡಿಪು ಜಿಲ್ಲೆದ ಶಾಲೆ, ಕಾಲೇಜಿಗ್ ಇನಿ ರಜೆ

ಬೊಲ್ಲೊಡು ಮುರ್ಕುಂಡು ಕುಕ್ಕೆ ಸುಬ್ರಮಣ್ಯ ಕ್ಷೇತ್ರದ ಮೀಪಿನ ಕಟ್ಟೆ

ತುಳುನಾಡ್ ಒಕ್ಕೂಟದ ಕೂಡುಪಟ್ಟಾಂಗ: ಚಾವಡಿ ಕೂಟದ ಗುರ್ಕಾರೆ ಆದ್ ಶೇಖರ ಗೌಡತ್ತಿಗೆ ಕುಡೊರ ಆಯ್ಕೆ

ಆಸ್ಟ್ರೇಲಿಯಡ್ ಆಟಿಡ್ ಒಂಜಿ ದಿನ; ಜು.17 : ತುಳುಕೂಟ ಸಿಡ್ನಿ ಮುತಾಲಿಕೆಡ್ ಲೇಸ್

ಪುಗರ್ತೆದ ಮರವಂತೆ ಬೀಚ್ ಡ್ ಲೈಟ್ ಕಂಬ ಇಜ್ಜಿ, ಬೋಡಾಯಿನ ವ್ಯವಸ್ಥೆ ಇಜ್ಜಿ: ತೊಂದರೆ ಆಂಡ ಕೇನುನಕುಲೇ ಇಜ್ಜಿ

ಬಂಟ್ವಾಳ: ಆಗಸ್ಟ್ 7 ಕ್ಕ್ ಬಂಟ್ವಾಳ ಸಂಘ ಬೆಳ್ಳೂರು ವಲಯದ ಮುತಾಲಿಕೆಡ್ ಆಟಿದ ಕೂಟ

ಪರ್ಕಳ: ಮಾರ್ಗಡ್ ಪೊರೆಲ್ದ್ ಬೂರಿನ ಲಾರಿ

ಕಣಿಕ್ಕ್ ಬೂರಿನ ಬಸ್; ಶಾಲೆದ ಜೋಕುಲ್ ಸೇರ್ದ್ 16 ಜನ ತೀರ್ ಪೋಯೆರ್

You Missed

“ಕುಡ್ಲಡ್ ನೀರ್‌ದ ಸಮಸ್ಯೆ ಪರಿಹಾರಗ್ ತುಂಬೆ ಡ್ಯಾಮ್ ಎತ್ತರ ಮಲ್ಪಾಲೆ, ಕಡಲ್‌ದ ನೀರ್ ಶುದ್ದ ಮಲ್ಪಾಲೆ”

ಸೆ.27 : ಶಿವಾಯ ಫೌಂಡೇಶನ್(ರಿ) ವತಿರ್ದ್ ಶೈಕ್ಷಣಿಕ ಸಹಾಯ, ಪ್ರತಿಭಾ ಪುರಸ್ಕಾರ, ವಿದ್ಯಾ ಪ್ರೇರಣಾ 2026

ನಿಡ್ಲೆ ಗೋವಿಂದ ಭಟ್ರೆಗ್ ಮಂಡೆಚ್ಚ ಪ್ರಶಸ್ತಿ -2026

ಪಾವಂಜೆ ಜಂಕ್ಷನ್ ಡ್ ಬ್ಯಾರಿಕೇಡ್ ಗ್ ತಾಂಟಿನ ಮೀನ್ ದ ಲಾರಿ – ತತ್ತಿನ ಮಲ್ಲ ಅನಾಹುತ