Tulu News

10 th annual blood donation camp organised by ” Tulu paterga , Tulu oripaga” association “ತುಳು ಪಾತೆರ್ಗ ತುಳು ಒರಿಪಾಗ” ಕೂಟದಕ್ಲೆರ್ದ್ 10ನೇ ವರ್ಷದ ನೆತ್ತೆರ್ ಉಂಬೊಲಿ ಶಿಬಿರ

ತುಳು ಪಾತೆರ್ಗ ತುಳು ಒರಿಪಗ ಕೂಟದಕ್ಲೆರ್ದ್ 10 ನೇ ವರ್ಷದ ನೆತ್ತರ್ ಉಂಬೊಲಿ ಶಿಬಿರ ದುಬೈದ ರಕ್ತದಾನ ಕೇಂದ್ರದ ಹೆಡ್ ಕ್ವಾರ್ಟರ್ಸ್ ಡ್ ನಡತ್ಂಡ್‌.

ಈ ಪೊರ್ತುಡು ನೆತ್ತ ಅಧ್ಯಕ್ಷೆರ್ ಪ್ರೇಮಜಿತ್ ಸತೀಶ್ ಪೂಜಾರಿ, ಮನೋಜ್ ಕುಲಾಲ್, ಬಾಲಣ್ಣ, ರಾಧಾಕೃಷ್ಣ, ಹೇಮಚಂದ್ರ, ಅನಿಲ್ ರಾಜ್, ಶೋಭಿತ ಪ್ರೇಮಜೀತ್ ಭಾಗ್ಯ ಕೋಟ್ಯಾನ್ ಬೊಕ್ಕ ಸದಸ್ಯೆರ್ ಇತ್ತೆರ್. ಅಂಚೆನೆ ನೆತ್ತೆರ್ ಕೊರಿಯೆರೆ ಬತ್ತಿನಕ್ಲೆಗ್ ಸ್ಕಾಟ್ ಬೇಡರ್ ಸಂಸ್ಥೆ ಟಿ-ಶರ್ಟ್ ಕೊರ್ದು ಪ್ರೋತ್ಸಾಹ ಮಲ್ತ್ಂಡ್.

Bunts Sangha Mumbai -A staratgic meeting conducted to discuss about Borivali educational institutions ಬಂಟರ ಸಂಘ ಬೊಂಬೈ-ಬೊರಿವಲಿ ಶಿಕ್ಷಣ ಯೋಜನೆದ ಇಸೇಸ ಸಭೆ, ಸ್ನೇಹ ಸಮ್ಮೇಳನ

ಶಿಕ್ಷಣ ಯೋಜನೆಗ್ ಪರಿಸರದ ಸಮಾಜ ಬಾಂಧವೆರ್ ಕೈಜೋಡಿಸಾವೊಡು: ಚಂದ್ರಹಾಸ ಕೆ. ಶೆಟ್ಟಿ

ಮೀರಾರೋಡ್: ಬಂಟರ ಸಂಘ ಬೊಂಬೈ ನೆತ್ತ ಬೊರಿವಲಿ ವಿದ್ಯಾಸಂಸ್ಥೆ ಯೋಜನೆದ ಪೊಲಬುದ ಸಭೆ ಫೆ. 4 ಕ್ ಸೃಷ್ಟಿ ಕಾಂಪ್ಲೆಕ್ಸ್ ದ ಕಲ್ಪತರು ಕ್ಲಬ್ ಹೌಸ್ ಡ್ ನಡತ್ಂಡ್.

ಬಂಟರ ಸಂಘದ ಅಧ್ಯಕ್ಷೆರ್ ಚಂದ್ರಹಾಸ ಕೆ. ಶೆಟ್ಟಿ, ಪದಾಧಿಕಾರಿಲು ಬೊಕ್ಕ ಪ್ರಾದೇಶಿಕ ಸಮಿತಿದ ಪದಾಧಿಕಾರಿಲು ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್. ಸಭೆತ ಅಧ್ಯಕ್ಷತೆನ್ ಒಯಿಸೊನ್ನ ಚಂದ್ರಹಾಸ ಕೆ. ಶೆಟ್ಟಿ ಮೇರ್ ಪಾತೆರ್ದ್, ಮಸ್ತ್ ಕೋಟಿ ರೂ.‌ ಬಿಲೆಟ್ ಸುರು ಆವೆರೆ ಇಪ್ಪುನ ಬೊರಿವಲಿ ಶಿಕ್ಷಣ ಸಮುಚ್ಚಯದ ಕಜ್ಜ ಆಯಿನಾತ್ ಬೇಗಡೇ ನಡಪುಂಡು. ಸಮಾಜ ಬಾಂಧವೆರ್ ಇತ್ತೆ ನೆರವುದ ಸ್ಪಂದನೆ ಕೊರೊಂದು ಉಲ್ಲೆರ್. ಅತ್ತಂದೆ ಈ ಪರಿಸರಡ್ ಇಪ್ಪುನ ದಾನಿಲು ಬೊಕ್ಕ ಸಮಾಜ ಬಾಂಧವೆರೆನ ಸಹಕಾರನ್ ಸಂಘ ಬಯಸೊಂದು ಉಂಡು. ಈ ಯೋಜನೆಡ್ ಬರ್ಪುನ ಆದಾಯನ್ ನಮ್ಮ ಸಮಾಜ ಬಾಂಧವೆರೆನ ವಿದ್ಯಾಭ್ಯಾಸಗ್, ಸಮಾಜ ಚಟುವಟಿಕೆಲೆನ ಸಕಾಯಗ್ ಗಲಸೆರೆ ಆಪುಂಡು ಪಂದ್ ಪಂಡೆರ್. ಬೊಕ್ಕ ಬೊರಿವಲಿ ಶಿಕ್ಷಣ ಯೋಜನೆದ ಬಗೆಟ್ ಸಂಪೂರ್ಣ ಪೊಲಬುನ್ ಸಭೆಗ್ ತೆರಿಪಾಯೆರ್.

ಬಂಟರ ಸಂಘದ ಉನ್ನತ ಶಿಕ್ಷಣ ಸಮಿತಿದ ಉಪ ಕಾರ್ಯಾಧ್ಯಕ್ಷೆರ್ ಕಿಶೋರ್ ಕುಮಾರ್ ಕುತ್ಯಾರ್ ಮೇರ್ ಪ್ರಸ್ತಾವಿಕ ಪಾತೆರ್ದ್, ಬಂಟರ ಸಂಘ ಬೊಂಬೈ ನಮ್ಮ ಮೀರಾಭಯಂದರ್ ಪ್ರಾದೇಶಿಕ ಸಮಿತಿಗ್ ಕರಿನ 13 ವರ್ಷೊರ್ದಿಂಚ ಒವು ಮಾತ ರೀತಿಡ್ ಪರಿಸರದ ಸಮಾಜ ಬಾಂಧವೆರೆಗ್ ಆರ್ಥಿಕವಾದ್ ಸ್ಪಂದಿಸಾದ್ಂಡ್ ಪಂದ್ ವಿವರವಾದ್ ಸಭೆಗ್ ತೆರಿಪಾಯೆರ್. ಪ್ರಾದೇಶಿಕ ಸಮಿತಿದ ಕಾರ್ಯಾಧ್ಯಕ್ಷೆರ್ ಶಿವ್ ಪ್ರಸಾದ್ ಶೆಟ್ಟಿ ಮೇರ್ ಬತ್ತಿನ ಬಿನ್ನೆರೆನ್ ಎದ್ಕೊಂದು ಪಾತೆರ್ದ್, ಪೊಸತಾದ್ ತಯಾರ್ ಆವೊಂದು ಇಪ್ಪುನ ಸಂಘದ ಶಿಕ್ಷಣ ಸಂಕೀರ್ಣ ಯೋಜನೆದ ಮುಖೇನ ನಮ್ಮ ಸಮಾಜದ ಕಲ್ಪಾರ್ಥಿಲೆಗ್ ಬೊಕ್ಕ ಬಾಂಧವೆರೆಗ್ ನನತ್ ಎಚ್ಚದ ಸೌಲಭ್ಯಲು ತಿಕೊಡು. ಅಂಚನೆ ನಮ ಮಾತ ಇಂಚಿನ ಮಲ್ಲ ಕಜ್ಜದ ಯೋಜನೆಗ್ ಸ್ಪಂದಿಸಾವೊಡು ಪಂದ್ ಪಂಡೆರ್. ಬೊಕ್ಕ ನಮ್ಮ ಪ್ರಾದೇಶಿಕ ಸಮಿತಿದ ವತಿರ್ದ್ ಆಯಿನಾತ್ ಸಕಾಯ ಮಲ್ಪುವ ಪಂದ್ ಭರವಸೆ ಕೊರಿಯೆರ್.

ಉಪ ಕಾರ್ಯಾಧ್ಯಕ್ಷೆರ್ ರತ್ನಾಕರ್ ಶೆಟ್ಟಿ ಮುಂಡ್ಕೂರು, ಜತೆ ಕಾರ್ಯದರ್ಶಿ ಮುಂಡಪ್ಪ ಪಯ್ಯಡೆ, ಬೊರಿವಲಿ ಶಿಕ್ಷಣ ಸಮಿತಿದ ಉಪ ಕಾರ್ಯಾಧ್ಯಕ್ಷೆರ್ ಬಾಬಾ ಮಹೇಶ್ ಶೆಟ್ಟಿ ಮೊಕುಲು ಪಾತೆರ್ದ್, ಯೋಜನೆನ್ ಆಯಿನಾತ್ ಬೇಗ ಸಮಯಡ್ ಈಡೇರಿಸಾಯೆರೆ ನಮ ಮಾತ ಸಹಕಾರ ಮಲ್ಪೊಡು ಪಂದ್ ಬಿನ್ನಾಪು ಮಲ್ತೆರ್. ಈ ಪೊರ್ತುಡು ಬಂಟರ ಸಂಘದ ಅಧ್ಯಕ್ಷೆರ್ ಚಂದ್ರಹಾಸ ಕೆ. ಶೆಟ್ಟಿ, ಉಪಾಧ್ಯಕ್ಷೆರ್ ರತ್ನಾಕರ ಶೆಟ್ಟಿ ಮುಂಡ್ಕೂರ್, ಪ್ರಧಾನ ಕಾರ್ಯದರ್ಶಿ ಡಾ. ಆರ್. ಕೆ. ಶೆಟ್ಟಿ, ಜತೆ ಕೋಶಾಧಿಕಾರಿ ಮುಂಡಪ್ಪ ಎಸ್. ಪಯ್ಯಡೆ, ಶಿಕ್ಷಣ ಸಮಿತಿದ ಉಪ ಕಾರ್ಯಾಧ್ಯಕ್ಷೆರ್ ಮಹೇಶ್ ಎಸ್. ಶೆಟ್ಟಿ, ಕಾರ್ಯದರ್ಶಿ ಪ್ರಭಾಕರ್ ಶೆಟ್ಟಿ ಬೋಳ, ಸ್ಕೂಲ್ ಎಂಡ್ ಎಸ್ಟಾಬ್ಲಿಷ್ ಮೆಂಟ್ ಉಪ ಸಮಿತಿದ ಸಂಚಾಲಕೆರ್ ನಿತ್ಯಾನಂದ ಹೆಗ್ಡೆ, ಪ್ರಾದೇಶಿಕ ಸಮಿತಿದ ಕಾರ್ಯಾಧ್ಯಕ್ಷೆರ್ ಶಿವ್ ಪ್ರಸಾದ್ ಶೆಟ್ಟಿ, ಸಂಚಾಲಕೆರ್ ಗಿರೀಶ್ ಶೆಟ್ಟಿ ತೆಳ್ಳಾರ್ ಇತ್ತೆರ್. ಬೊಕ್ಕ ಸಂಘದ ಪೊಸ ಯೋಜನೆಗ್ ಸುರುತ ಅನುದಾನ ಮಲ್ತಿನ ಕಾಶಿಮೀರಾ ಭಾಸ್ಕರ್ ಶೆಟ್ಟಿ ಮೆರೆಗ್ ತಮ್ಮನ ಮಲ್ತೆರ್. ಸಭೆಟ್ ಮೀರಾಭಯಂದರ್ ಪ್ರಾದೇಶಿಕ ಕಾರ್ಯಕಾರಿ ಸಮಿತಿದ ಪದಾಧಿಕಾರಿಲು, ಪರಿಸರದ ಬಂಟ ಸಮಾಜದ ಗಣ್ಯೆರ್ ಪಾಲ್ ಪಡೆದಿತ್ತೆರ್. ಪಾಲ್ ಪಡೆಯಿನ ಪರಿಸರದ ಮಹಾದಾನಿಲು ಸಂಘದ ಈ ಮಲ್ಲ ಯೋಜನೆಗ್ ಕಾಸ್ ದ ಸಕಾಯ ಮಲ್ಪುನ ಬಗೆಟ್ ಭರವಸೆ ಕೊರಿಯೆರ್. ವಿಜಯ್ ಶೆಟ್ಟಿ ಮೂಡುಬೆಳ್ಳೆ ಪ್ರಾರ್ತನೆ ಮಲ್ತೆರ್. ಕಿಶೋರ್ ಕುಮಾರ್ ಕುತ್ಯಾರ್ ಲೇಸ್ ದ ಸುಧಾರಿಕೆ ಮಲ್ತೆರ್. ಕಾರ್ಯದರ್ಶಿ ರವೀಂದ್ರ ಶೆಟ್ಟಿ ಕೊಟ್ರಪಾಡಿಗುತ್ತು ಸೊಲ್ಮೆ ಸಂದಾಯೆರ್. ಲೇಸ್ ದ ಅಕೇರಿಗ್ ವನಸ್ ದ ವ್ಯವಸ್ಥೆ ಇತ್ಂಡ್.

ವರದಿ: ವೈ. ಟಿ. ಶೆಟ್ಟಿ ಪೆಜಮಾಡಿ

Bunts Sangha Mumbai -A staratgic meeting conducted to discuss about Borivali educational institutions

Members of the society must help out in this educational scheme – Chandrahas K Shetty

Meera Road: A meeting of the Bunts Sangha Mumbai, sub unit Borivali education scheme was held on February 4 th which was presided by Chandrahas K Shetty. Other office bearers and members of the sub units too participated in the program.

The much hyped upcoming project of educational institutions at Borivali is moving at a fast pace and will be inaugurated soon. Contribution from the community members are coming in and income from there project will help in providing educational aid to students from the community and such other social activities.

Kishore Kumar Kutyar secretary of Bunts Sangha, higher education Samithi spoke and said that for the past 13 years the Mira road Bhayandar unit was working for the upliftment of the community by interacting with the community members on a social and personal level.

Shivprasad Shetty the president of the sub unit welcomed the gathering and said that the new educational premises will help the students in the community and the society in a positive manner.

Members of the sangha and office bearers of the sub units participated and interacted with debates and discussions.

Feb 6: The Gram Panchayat Workers to Organize a State Level Agitation at Bangalore ಫೆ.6: ಬೆಂಗ್ಲೂರ್ ಡ್ ಗ್ರಾಮ ಪಂಚಾಯತ್ ನೌಕರೆರೆನ ರಾಜ್ಯ ಮಟ್ಟದ ಪೊರಂಬಾಟ

ಬೆಂಗ್ಲೂರ್: ಸಿ ಬೊಕ್ಕ ಡಿ ದರ್ಜೆದ ತಾನಮಾನಗಾದ್ ಬೊಕ್ಕ ಬೇತೆ ಮೂಲಭೂತ ಬೇಡಿಕೆಲೆನ್ ಈಡೇರಿಸಾವಂದಿನ ಬಗೆಟ್ ಫೆ.6 ಕ್  ಬೆಂಗ್ಲೂರ್ ದ ಪ್ರೀಡಂ ಪಾರ್ಕ್ ಡ್ ಗ್ರಾಮ ಪಂಚಾಯತ್ ನೌಕರೆರೆನ ರಾಜ್ಯ ಮಟ್ಟದ ಪೊರ್ಂಬಾಟ ನಡತ್ಂಡ್.

ಗ್ರಾಮೀಣಾಭಿವೃದ್ಧಿ ಬೊಕ್ಕ ಪಂಚಾಯತ್ ರಾಜ್ ಇಲಾಖೆ ಗ್ರಾಮ ಪಂಚಾಯತ್ ನೌಕರೆರೆಗ್ ಸರಿಯಾಯಿನ ತಾನಮಾನ ಬೊಕ್ಕ ಸವಲತ್ತ್ ಲೆನ್ ಕೊರಂದೆ ಕೇವಲ‌ ಕನಿಷ್ಠ ಸಂಬಳ ಕೊರ್ದು ಜೀತದಕಲೆಕ್ಕ ರಾತ್ರೆ ಪಗೆಲ್ ಬೆನ್ಪಾವೊಂದು ಉಂಡು. ಗ್ರಾಮ ಪಂಚಾಯತ್ ನೌಕರೆರೆನ ಸಮಸ್ಯೆಗ್ ಸರಿಯಾಯಿನ ಪರಿಹಾರ ಕೊರೊಡು ಪಂದ್ ಸಂಘಟನೆದ ಮುಖೇನ ನೇರವಾದ್ ಇಲಾಖೆದ ಸಚಿವೆರೆನ್ ಬೊಕ್ಕ ಅಧಿಕಾರಿಲೆನ್ ಭೇಟಿ ಆದ್ ಬಿನ್ನಾಪು ಸಂದಾಂಡಲ ಅಕುಲು ದಾಲ ಮಲ್ಪಂದಿನ ಬಗೆಟ್ ಡಿ. 19 ಕ್ ಬೆಳಗಾವಿಡ್ ಚಳಿಗಾಲದ ಅಧಿವೇಶನದ ಸುರುತ ದಿನ ಕೊಂಡಸ್ ಕೊಪ್ಪ ಮೈದಾನಡ್ ರಾಜ್ಯದ ಮಾತ ಗ್ರಾಮ ಪಂಚಾಯತ್ ಅಧ್ಯಕ್ಷೆರ್, ಪಂಚಾಯತ್ ಅಭಿವೃದ್ಧಿ ಅಧಿಕಾರಿಲು, ಮಾತ ಗ್ರಾಮ ಪಂಚಾಯತ್ ದ ಜನಪ್ರತಿನಿಧಿಲು, ಕಾರ್ಯದರ್ಶಿಲು ಬೊಕ್ಕ ಲೆಕ್ಕ ಸಹಾಯಕೆರೆನ ಬೆಂಬಲ ಬೊಕ್ಕ ಸಹಕಾರದೊಟ್ಟಿಗೆ ಸಾರ ಸಾರ ಸಂಖ್ಯೆಡ್ ಪೊರ್ಂಬಾಟ ಮಲ್ತೆರ್. ಆಂಡಲ ಸರಕಾರ ಸ್ವಂದಿಸಾದ್ ಇಜ್ಜಂಡ್. ನೆಕ್ಕ್ ಗ್ರಾಮ ಪಂಚಾಯತ್ ನೌಕರೆರ್ ಬೇಡಿಕೆನ್ 15 ದಿನತ ಉಲಯಿ ಈಡೇರಿಸಾವೊಡು ಬೊಕ್ಕ ಸಮಸ್ಯೆಲೆಗ್ ಪರಿಹಾರ ಕೊರೊಡು ಇಜ್ಜಿಂಡ.‌ ನೆಕ್ಕಾದ್ ಫೆ.6 ಕ್ ಪೊರ್ಂಬಾಟ ಮಲ್ಪುವ ಪಂದ್ ಬಿನ್ನಾಪು ಮಲ್ತ್ ದ್ ಇತ್ತೆರ್.‌ ಆಯಿನಂಚನೆ ಇನಿ ಬೆಂಗ್ಲೂರ್ ಡ್ ಪೊರ್ಂಬಾಟ ಮಲ್ತೆರ್.‌

Special rituals of ” Kodimara” at Sri Subramanya temple Thokuru ಫೆ.12: ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯಡ್ ಕೊಡಿಮರನ್ ಎಣ್ಣೆಡ್ ಪಾಡುನ ಕಜ್ಜ

ಹಳೆಯಂಗಡಿ: ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯಡ್ ಪೊಸ ಕೊಡಿಮರತ್ತ ಮರನ್ ಎಣ್ಣೆಡ್ ಪಾಡುನ(ತೈಲಾಧಿವಾಸ) ಬೇಲೆ ಫೆ.12 ಐತಾರ ಬೊಲ್ಪುಗು 9.5 ಕ್ ನಡಪರೆ ಉಂಡು.

ಕೊಡಿ ಮರಕ್ ಐತಾರೊರ್ದು ಬುಡಂದೆ ಶುದ್ಧ ಎಡ್ಮೆದ ಎಣ್ಣೆನ್ ಗಲಸುನೆರ್ದಾವರ ಭಕ್ತೆರ್ ಸೇವಾ ರೂಪೊಡು ಎಡ್ಮೆದೆಣ್ಣೆ ಸಂದಾವರೆ ಅವಕಾಶ ಉಂಡು. ಪಿದಯಿರ್ದ್ ಕನತಿನ ಎಣ್ಣೆ ಪಾಡರೆ ಅವಕಾಶ ಇಜ್ಜಿ. ದೇವಲ್ಯಡ್ ರಸೀದಿ ಬರೆಪಾದ್ ಎಡ್ಮೆದೆಣ್ಣೆ ದೆತೊಂದು ಕೊಡಿ ಮರಕ್ಕ್ ಪಾಡೊಲಿ.
ಈ ಮುಖೇನ ದೇವೆರೆನ ಸೇವೆ ಮಲ್ತ್ ದ್ ಶ್ರೀ ಸುಬ್ರಹ್ಮಣ್ಯ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಜೀರ್ಣೋದ್ಧಾರ ಸಮಿತಿ ಅಂಚೆನೆ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Ikala Bava ” Kanthabare- Budabare” Kambala List of winners ಐಕಳ ಬಾವ “ಕಾಂತಾಬಾರೆ-ಬೂದಬಾರೆ” ಕಂಬುಲಡ್ ಗೆಂದಿನ ಎರ್ಲೆನ ಪೊಲಬು

ಪುಗರ್ತೆದ ಐಕಳ ಬಾವ “ಕಾಂತಾಬಾರೆ-ಬೂದಬಾರೆ” ಜೋಡುಕರೆ ಕಂಬುಲ ಕೂಟಡ್ ಒಟ್ಟು 189 ಜತೆ ಎರುಕ್ಕುಲು ಪಾಲ್ ಪಡೆತ್ಂಡ್.

ಕನೆಪಲಯಿ: 3 ಜತೆ
ಅಡ್ಡಪಲಯಿ: 7 ಜತೆ
ಬಲ್ಲ್ ದ ಮಲ್ಲ: 21ಜತೆ
ನಾಯೆರ್ ದ ಮಲ್ಲ: 23 ಜತೆ
ಬಲ್ಲ್ ದ ಎಲ್ಯ: 26 ಜತೆ
ನಾಯೇರ್ ದ ಎಲ್ಯ: 109 ಜತೆ ಇತ್ತ್ಂಡ್.
ಗೆಂದಿನಕ್ಲೆನ ಪೊಲಬು:
ಕನೆಪಲಯಿ:-
ಬೇಲಾಡಿ ಬಾವ ಅಶೋಕ್ ಶೆಟ್ಟಿ
ಪಲಯಿ ಮುಟ್ಟಿನಾರ್: ತೆಕ್ಕಟ್ಟೆ ಸುಧೀರ್ ದೇವಾಡಿಗ
(6.5 ಕೋಲ್ ನಿಶಾನೆಗ್ ನೀರ್ ಪಾಡಿನಾರ್)
ಅಡ್ಡ ಪಲಯಿಡ್:
ಸುರುತ ಇನಾಮು: ಬೋಳಾರ ತ್ರಿಶಾಲ್ ಕೆ ಪೂಜಾರಿ “ಬಿ”
ಪಲಯಿ ಮುಟ್ಟಿನಾರ್: ಬೈಂದೂರು ಮಹೇಶ್ ಪೂಜಾರಿ
ರಡ್ಡನೇ ಇನಾಮು: ಮೋರ್ಲ ಗಿರೀಶ್ ಆಳ್ವ
ಪಲಯಿ ಮುಟ್ಟಿನಾರ್: ತೆಕ್ಕಟ್ಟೆ ಸುಧೀರ್ ದೇವಾಡಿಗ
ಬಲ್ಲ್ ದ ಮಲ್ಲ:
ಸುರುತ ಇನಾಮು: ಕೊಳಚ್ಚೂರು ಕೊಂಡೆಟ್ಟು ಸುಕುಮಾರ್ ಶೆಟ್ಟಿ “ಬಿ”
ಗಿಡತಿನಾರ್: ಬಜಗೋಳಿ ಜೋಗಿಬೆಟ್ಟು ನಿಶಾಂತ್ ಶೆಟ್ಟಿ
ರಡ್ಡನೇ ಇನಾಮು: ಎರ್ಮಾಳ್ ರೋಹಿತ್ ಹೆಗ್ಡೆ “ಎ”
ಗಿಡತಿನಾರ್: ಬೈಂದೂರು ವಿಶ್ವನಾಥ್ ದೇವಾಡಿಗ
ಬಲ್ಲ್ ದ ಎಲ್ಯ:
ಸುರುತ: ಬೆದ್ರ ಹೊಸಬೆಟ್ಟು ಏರಿಮಾರು ಬರ್ಕೆ ಚಂದ್ರಹಾಸ ಸಾಧು ಸನಿಲ್ “ಎ”
ಗಿಡತಿನಾರ್: ಬೈಂದೂರು ವಿವೇಕ್ ಪೂಜಾರಿ
ರಡ್ಡನೇ ಇನಾಮು: ನಕ್ರೆ ಮಹೋಧರ ನಿವಾಸ ಇಶಾನಿ ನಾರಾಯಣ ಭಂಡಾರಿ “ಎ”
ಗಿಡತಿನಾರ್: ಬೈಂದೂರು ವಿಶ್ವನಾಥ ದೇವಾಡಿಗ
ನಾಯೇರ್ ದ ಮಲ್ಲ:
ಸುರುತ ಇನಾಮು: ಬೆಳ್ಳಿಪ್ಪಾಡಿ ಕೈಪ ಭರತ್ ಕೇಶವ ಮಂಕು ಭಂಡಾರಿ “ಬಿ”
ಗಿಡತಿನಾರ್: ಮಿಜಾರ್ ಅಶ್ವಥಪುರ ಶ್ರೀನಿವಾಸ್ ಗೌಡ
ರಡ್ಡನೇ ಇನಾಮು: ಇರುವೈಲು ಪಾನಿಲ ಬಾಡ ಪೂಜಾರಿ “ಬಿ”
ಗಿಡತಿನಾರ್: ಬೈಂದೂರು ವಿವೇಕ್ ಪೂಜಾರಿ
ನಾಯೆರ್ ದ ಎಲ್ಯ:
ಸುರುತ: ಕಾಂತಾವರ ಬೇಲಾಡಿಬಾವ ಅಶೋಕ್ ಶೆಟ್ಟಿ “ಎ”
ಗಿಡತಿನಾರ್: ನತೀಶ್ ಬಾರಾಡಿ
ರಡ್ಡನೇ: ವರಪಾಡಿ ಬಡಗು ಇಲ್ಲದ ದಿವಾಕರ ಚೌಟ
ಗಿಡತಿನಾರ್: ಪಟ್ಟೆ ಗುರುಚರಣ್ ಮೊಕುಲು ಕಂಬುಲ ಕೂಟಡ್ ಗೆಂದ್ ದ್ ಇನಾಮು ಪಡೆತೆರ್.

2507 people arrested on a single day ಒಂಜೇ ದಿನ 2507 ಜನ ಅರೆಸ್ಟ್

ಕಾನೂನು ವಿರುದ್ಧದ ಬೇಲೆಡ್ ಪಾಲ್ ಪಡೆಯಿನಕ್ಲೆನ ಮಿತ್ತ್ ಕೇರಳ‌ ಸರ್ಕಾರ ಕಠಿಣ ಕ್ರಮ ದೆತೊಂದುಂಡು.

ಈ ಬಗೆಟ್ ಐತಾರ ಇಡೀ ರಾಜ್ಯದ 2507 ಜನನ್ ಅರೆಸ್ಟ್ ಮಲ್ದ್ಂಡ್. 3501 ಪ್ರದೇಶಡ್ ದಾಳಿ ಮಲ್ದ್ಂಡ್. 1673 ಕೇಸ್ ದಾಖಲ್ ಆತ್ಂಡ್ ಪಂದ್ ಪೊಲೀಸೆರ್ ತೆರಿಪಾದೆರ್. ರಾಜಬೂಡು ತಿರುವನಂತಪುರಂಡ್ 333, ಕಣ್ಣೂರು ಜಿಲ್ಲೆಡ್ 257 ಜನ ಅರೆಸ್ಟ್ ಆತೆರ್ ಪಂದ್ ವರದಿ ಆತ್ಂಡ್.

Bangalore Ring road to be named after Puneeth Rajkumar – minister Ashok ಬೆಂಗ್ಲೂರ್ ದ ರಿಂಗ್ ರೋಡ್ ಗ್ ಪುನೀತ್ ರಾಜ್ ಕುಮಾರ್ ಪುದರ್: ಸಚಿವೆರ್ ಅಶೋಕ್

ಮೈಸೂರ್ ರೋಡುರ್ದು ಬನ್ನೇರುಘಟ್ಟ ಮುಟ್ಟದ ಮಾರ್ಗಗ್ ಅಪ್ಪುನ (ಪುನೀತ್ ರಾಜ್ ಕುಮಾರ್) ಪುದರ್ ದೀಯೆರೆ ಒಪ್ಪಿಗೆ ತಿಕ್ ದ್ಂಡ್. ಎಲ್ಲೆ (ಫೆ.7) ಈ ಮಾರ್ಗ ಉದಿಪನ ಆಪುಂಡು ಪಂದ್ ಸಚಿವೆರ್ ಆರ್. ಅಶೋಕ್ ಮಾಹಿತಿ ಕೊರ್ತೆರ್.

ಅಪ್ಪುನ ನೆಂಪು ಏಪಲ ನಮ್ಮೊಟ್ಟಿಗೆ ಇಪ್ಪೊಡು ಪನ್ಪುನ ಕಾರಣರ್ದ್ ರಿಂಗ್ ರೋಡ್ ಗ್ ಪುನೀತ್ ಮೆರೆನ ಪುದರ್ ದೀವೊಂದು ಉಲ್ಲ ಪಂದ್ ಪಂಡೆರ್. ನೆತ್ತ ಉದಿಪನ ಲೇಸ್ ಎಲ್ಲೆ ಬಯ್ಯಗ್ 6 ಗಂಟೆಗ್ ಬೆಂಗ್ಲೂರ್ ದ ಪದ್ಮನಾಭ ನಗರಡ್ ನಡಪರೆ ಉಂಡು. ಉದಿಪನನ್ ಸಿ.ಎಂ ಬೊಮ್ಮಾಯಿ ಮಲ್ಪರೆ ಉಲ್ಲೆರ್.

Bangalore Ring road to be named after Puneeth Rajkumar – minister Ashok

The strech between Mysore road and Bannerghatta road will be named Dr Puneet Rajkumar road announced minister R Ashok.It will be inaugurated on February 7 th.

Cancer is increasing at an alarming pace in the state ರಾಜ್ಯಡ್ ಎಚ್ಚಾವೊಂದುಂಡು ಕ್ಯಾನ್ಸರ್ ಸೀಕ್ ದಕ್ಲೆನ ಸಂಖ್ಯೆ

ವರ್ಷೊರ್ದು ವರ್ಷಗ್ ಕ್ಯಾನ್ಸರ್ ಸೀಕ್ ದಕ್ಲೆನ ಸಂಖ್ಯೆ ಎಚ್ಚಾವೊಂದು ಉಂಡು ಪಂದ್ ಐಸಿಎಂಆರ್ ವರದಿ ತೆರಿಪಾದ್ಂಡ್.

ಕರ್ನಾಟಕಡ್ ಕ್ಯಾನ್ಸರ್ ಕೇಸ್ ಲು 2 ವರ್ಷೊಲೆಡ್ ಹೆಚ್ಚಾಪುಂಡು ಪನ್ಪುನ ಮಾಹಿತಿ ಗೊತ್ತಾತ್ಂಡ್. 2025 ತ ಪೊರ್ತುಡು ಕರ್ನಾಟಕಡ್ ಕ್ಯಾನ್ಸರ್ ಕೇಸ್ 90000 ದಾತ್ ಎಚ್ಚಾಪುಂಡು ಪಂದ್ ಆಂಕೊಲಾಜಿಸ್ಟ್ ಡಾ.ಬಿ.ಎಸ್ ಅಜಯಕುಮಾರ್ ಪಂಡೆರ್. ‌2022 ಟ್ ಭಾರತಡ್ 14.61ಲಕ್ಷ ಜನಕ್ ಪೊಸತ್ತ್ ಕ್ಯಾನ್ಸರ್ ಬೈದ್ಂಡ್.

Cancer is increasing at an alarming pace in the state 

ICMR has reported that the number of cases of Cancer is increasing year by year.

Karnataka has recorded increasing numbers in the past two years.Oncologist Dr B S Ajay Kumar opined that the numbers could increase dramatically by 2025, with India recording 14.60 lakh cases in 2022.

Person accused and absconding in a ganja case arrested ಗಾಂಜಾ ಕೇಸ್ ಡ್ ದೆಂಗ್ ತಪ್ಪಾದ್ ಕುಲ್ದಿನಾಯೆ ತಿಕಿಯೆ

ಬೊಲ್ತೇರ್: ಗಾಂಜಾ ಕೇಸ್ ದ ಬಗೆಟ್ ಕೋರ್ಟ್ ಗ್ ಹಾಜರಾವಂದೆ ದೆಂಗ್ ದ್ ಕುಲ್ಲುದು ಇತ್ತಿನ ಆರೋಪಿನ್ ಬೊಲ್ತೇರ್ ಪೊಲೀಸೆರ್ ಮೂಡಿಗೆರೆ ತಾಲೂಕ್ ದ ಬಣಕಲ್‌ ಡ್ ಅರೆಸ್ಟ್ ಮಲ್ದೆರ್. ‌

ಅರೆಸ್ಟ್ ಆಯಿನ ಆರೋಪಿ ಅಂಜುಂಖಾನ್ (41) ಪಂದ್ ತೆರಿದ್ ಬೈದ್ಂಡ್.

Person accused and absconding in a ganja case arrested 

Beltangady: A person who was supposed to appear in court in connection with a ganja case was absconding.
Beltangady police arrested him at Mudigere.The accused has been identified as Anjumkhan(41).

Cine Artist B K S Verma is no more ಪುಗರ್ತೆದ ಚಿತ್ರ ಕಲಾವಿದೆರ್ ಬಿ.ಕೆ.ಎಸ್ ವರ್ಮಾ ನನ ನೆಂಪು ಮಾತ್ರ

ಪುಗರ್ತೆದ ಕಲಾವಿದೆ ಬಿ.ಕೆ.ಎಸ್ ವರ್ಮಾ (73) ತಿಗಲೆ ಬೇನೆಡ್ ಬೆಂಗ್ಲೂರ್ ದ ಖಾಸಗಿ ಆಸ್ಪತ್ರೆಗ್ ದಾಖಲ್ ಆಯಿನಾರ್ ಚಿಕಿತ್ಸೆ ಫಲಕಾರಿ ಆವಂದೆ ತೀರ್ ಪೋಯೆರ್.

ಕನ್ನಡಾಂಬೆ ಬೊಕ್ಕ ರಾಘವೇಂದ್ರ ಸ್ವಾಮಿ ಪಿಕ್ಚರ್ ಸೇರ್ದ್ ಮಸ್ತ್ ದೇವೆರ್ನ ಕಲಾಕೃತಿ ಮಲ್ದೆರ್. ಪರಿಸರ ಬೊಕ್ಕ ಸಾಮಾಜಿಕ ಸಮಸ್ಯೆಲೆನ್ ಕಲೆತ ಮುಖೇನ ತೂಪಾವೊಂದು ಇತ್ತಿನ ಮೇರ್ ಮಸ್ತ್ ಜನತ್ತ ಮೆಚ್ಚಿಗೆ ಪಡೆದಿತ್ತೆರ್.

Cine Artist B K S Verma is no more

Senior cine Artist B K S Verma (73) expired at a private hospital in Bangalore.

He had acted in many movies including Kannadambay and Raghvendra Swami .He was known for portraying environment and social issues through art.