Tulu News

Four persons arrested in connection with the murder of Sharath Shetty ಕಾಪು ಶರತ್ ಶೆಟ್ರೆನ್ ಕೆರ್ತಿನ ಕೇಸ್ ಡ್ 4 ಜನ ಆರೋಪಿಲು ಅರೆಸ್ಟ್

ಕಾಪು: ಪಾಂಗಾಳಡ್ ಡಿ.5 ಕ್ಕ್ ಶರತ್ ಶೆಟ್ರೆನ್ (39) ಕೆರ್ತಿನ ಕೇಸ್ ದ 4 ಜನ ಆರೋಪಿಲೆನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.

ಕುಳಾಯಿದ ದಿವೇಶ್ ಶೆಟ್ಟಿ (20), ಲಿಖಿತ್ ಕುಲಾಲ್ (21), ಕುಡ್ಲದ ಆಕಾಶ್ ಕರ್ಕೇರ (24) ಬೊಕ್ಕ ಪ್ರಸನ್ನ ಶೆಟ್ಟಿ (40) ಈ ಕೇಸ್ ಡ್ ಅರೆಸ್ಟ್ ಆಯಿನಕುಲು ಪಂದ್ ತೆರಿದ್ ಬೈದ್ಂಡ್. ಬೊಕ್ಕ ‌ಒಡಿಪು ಎಸ್ಪಿ ಕಚೇರಿಡ್ ಲೆತ್ತಿನ ಸುದ್ದಿಗೋಷ್ಠಿಡ್ ಒಡಿಪು ಜಿಲ್ಲಾ ಪೊಲೀಸ್ ಅಧೀಕ್ಷಕೆರ್ ಅಕ್ಷಯ್ ಹಾಕೇ ಮಚ್ಚೀಂದ್ರ ಮೇರ್ ಕೇಸ್ ದ ಬಗೆಟ್ ಪೊಲಬು ಕೊರಿಯೆರ್.‌ ದಿವೇಶ್ ಬೊಕ್ಕ ಲಿಖಿತ್‌ ನ್ ಇನಿ ಒಡಿಪುದ ಕೋರ್ಟ್ ಗ್ ಹಾಜರ್ ಮಲ್ಪೆರೆ ಉಂಡು. ಆಕಾಶ್ ಬೊಕ್ಕ ಪ್ರಸನ್ನ ಶೆಟ್ಟಿನ್ ಎಲ್ಲೆ ಕೋರ್ಟ್ ಗ್ ಹಾಜರ್ ಮಲ್ಪೆರೆ ಉಂಡು ಪಂದ್ ಪಂಡೆರ್.

Four persons arrested in connection with the murder of Sharath Shetty

Udupi: Four persons accused in the murder of Sharath Shetty (39) were arrested.The incident had taken place in Pangala on December 5th.

February 18 th: ” Hasiru Bettada Odeya” devotional song series on Lord Ayappa Swamy released ಫೆ.18: ‘ಹಸಿರು ಬೆಟ್ಟದ ಒಡೆಯ’ ಅಯ್ಯಪ್ಪ ಸ್ವಾಮಿನ ಭಕ್ತಿ ಸುಗಿಪು ಬುಡುಗಡೆ

ಶ್ರೀ ಸಿದ್ಧೇಶ್ವರ ಅನ್ನದಾತ ಅಪ್ಪಾಜಿ, ಐಲೇಸಾ ದಿ ವಾಯ್ಸ್ ಆಫ್ ಓಷನ್, ಬೀಡು ಫೌಂಡೇಶನ್, ಬೊಂಬೈ ಬೆಂಗ್ಲೂರ್ ನೆತ್ತ ಒಟ್ಟುಸೇರಿಗೆಡ್ ಶಿವರಾತ್ರಿದ ನಿಲೆಟ್ಟ್ “ಹಸಿರು ಬೆಟ್ಟದ ಒಡೆಯ” ಪನ್ಪಿನ ಅಯ್ಯಪ್ಪ ಸ್ವಾಮಿನ ಭಕ್ತಿ ಗೀತೆ ಫೆ.18 ಸನಿಯಾರ ಬೊಂಬೈದ ಶ್ರೀ ಸಿದ್ಧೇಶ್ವರ ದೇವಲ್ಯದ ಅಪ್ಪಾಜಿ ಬೀಡು ಮಧುಸೂದನ ಮಿಲ್ಸ್ ದ ಚಾವಡಿಡ್ ಬುಡುಗಡೆ ಆವೆರೆ ಉಂಡು.

ಈ ಬುಡುಗಡೆ ಲೇಸ್ ದ ಗುರ್ಕಾರ್ಮೆನ್ ಬೊಂಬೈ ಅಪ್ಪಾಜಿ ಬೀಡುದ ಸಂಸ್ಥಾಪಕೆರ್ ರಮೇಶ್ ಗುರುಸ್ವಾಮಿ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಬೆಂಗ್ಲೂರ್ ದ ಸಾಹಿತಿ ಶಾಂತಾರಾಮ್ ಶೆಟ್ಟಿ ಬರಿಯೆರೆ ಉಲ್ಲೆರ್. ಗೌರವ ಉಪಸ್ಥಿತಿಡ್ ಬೆಂಗ್ಲೂರ್ ರಿಲಯನ್ಸ್ ರಿಟೇಲ್ ಪ್ರಬಂಧಕೆರ್ ಗೋಪಾಲ್ ಪಟ್ಟೆ ಉಲ್ಲೆರ್. ಬೊಂಬೈ ಮಾಟುಂಗ ರಾಜಮಣಿ ಗುರುಸ್ವಾಮಿ ಭಕ್ತಿ ಗೀತೆನ್ ಬುಡುಗಡೆ ಮಲ್ಪುವೆರ್. ಬೊಕ್ಕ ಆಶೀರ್ವಚನನ್ ಬೊಂಬೈ ಇನ್ನಂಜೆ ಚಂದ್ರಹಾಸ ಗುರುಸ್ವಾಮಿ ಕೊರಿಯೆರೆ ಉಲ್ಲೆರ್. ಈ ಲೇಸ್ ಗ್ ಮಾತೆರ್ಲಾ ಬರೊಡು ಪಂದ್ ಬೊಂಬೈ ಶ್ರೀ ಅಪ್ಪಾಜಿ ಬೀಡು ಫೌಂಡೇಶನ್ ದ ಆಡಳಿತ ವಿಶ್ವಸ್ಥೆರ್ ಶಾಂಭವಿ ಆರ್ ಗುರುಸ್ವಾಮಿ, ಅಧ್ಯಕ್ಷೆರ್ ಸಂತೋಷ್ ವಿ. ಶೆಟ್ಟಿ, ವಿಶ್ವಸ್ಥೆರ್, ಪದಾಧಿಕಾರಿಲು, ಕಾರ್ಯಕಾರಿ ಸಮಿತಿ, ಮಹಿಳಾ ವಿಭಾಗ ಬೊಕ್ಕ ಟೀಂ‌ ಐಲೇಸಾ, ಐಲೇಸಾ ದಿ ವಾಯ್ಸ್ ಆಫ್ ಓಷನ್ ದ ಸ್ಥಾಪಕಾಧ್ಯಕ್ಷೆರ್ ರಮೇಶ್ಚಂದ್ರ ಲೆಪ್ಪೋಲೆಡ್ ತೆರಿಪಾದೆರ್.

Feb 25: Sri Jarandaya Dhumavathi Youth club, Kolachikambala to conduct the 14 th annual samuhika Shri Satyanarayan Pooja ಫೆ.25: ಕೊಳಚಿಕಂಬುಲ ಶ್ರೀ ಜಾರಂದಾಯ ಧೂಮಾವತಿ ಯೂತ್ ಕ್ಲಬ್‌ ದ 14ನೇ ವರ್ಷದ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ

ಮುಲ್ಕಿ: ಕೊಳಚಿಕಂಬುಲ ಶ್ರೀ ಜಾರಂದಾಯ ಧೂಮಾವತಿ ಯೂತ್ ಕ್ಲಬ್‌ ದ 14ನೇ ವರ್ಷದ ಮಹಾಶಿವರಾತ್ರಿದ ಲೆಕ್ಕೊಡು ಸಾಮೂಹಿಕ ಸತ್ಯನಾರಾಯಣ ಪೂಜೆ ಫೆ.25 ಸನಿಯಾರ ಕೊಳಚಿಕಂಬುಲ ಶ್ರೀ ಜಾರಂದಾಯ ಧೂಮಾವತಿ ದೈವೊಲ್ಯದ ಚಾವಡಿಡ್ ನಡಪರೆ ಉಂಡು.

ಬಯ್ಯಗ್ ಧರ್ಮ ಸಭೆ ನಡಪರೆ ಉಂಡು. ಈ ಲೇಸ್ ದ ಗುರ್ಕಾರ್ಮೆನ್ ಮುಲ್ಕಿ ರಾಷ್ಟ್ರೀಯ ಬಿಲ್ಲವ ಮಹಾಮಂಡಲದ ಅಧ್ಯಕ್ಷೆರ್ ಡಾ.‌ ರಾಜಶೇಖರ್ ಕೋಟ್ಯಾನ್ ಒಯಿಸೊನ್ವೆರ್. ಉದಿಪನನ್ ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ ಮಲ್ಪೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಮುಲ್ಕಿ ನಗರ ಪಂಚಾಯತ್ ಉಪಾಧ್ಯಕ್ಷೆರ್ ಸತೀಶ್ ಅಂಚನ್ ಬಾಳೆಹಿತ್ಲು, ಸದಸ್ಯೆರ್ ಯೋಗೀಶ್ ಕೋಟ್ಯಾನ್ ಚಿತ್ರಾಪು, ಬಾಲಚಂದ್ರ ಕಾಮತ್, ಅತಿಕಾರಿಬೆಟ್ಟು ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಮನೋಹರ್ ಕೋಟ್ಯಾನ್, ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಅರ್ಚಕೆರ್ ನರಸಿಂಹ ಭಟ್, ಪತ್ರಕರ್ತೆರ್, ರಂಗಕರ್ಮಿ ಪರಮಾನಂದ ಸಾಲ್ಯಾನ್ ಬರಿಯೆರೆ ಉಲ್ಲೆರ್. ಬೊಕ್ಕ ಕಾರ್ನಾಡ್ ಧರ್ಮಸ್ಥಾನದ ಅರ್ಚಕೆರ್ ಸದಾನಂದ ಪೂಜಾರಿ, ಕೊಳಚಿಕಂಬುಲ ಶ್ರೀ ಜಾರಂದಾಯ ಮಹಿಳಾ ಮಂಡಳಿದ ಅಧ್ಯಕ್ಷೆರ್ ಲತಾ ಶೇಖರ್, ರಾಷ್ಟ್ರಮಟ್ಟದ ಕಬಡ್ಡಿ ಕ್ರೀಡಾಪಟು ಶಶಾಂಕ್ ಆಚಾರ್ಯ ಮೊಕ್ಲೆಗ್ ತಮ್ಮನ ನಡಪರೆ ಉಂಡು. ರಾತ್ರೆ ಪೊಂಜೋವ್ ಬೊಕ್ಕ ಜೋಕುಲೆರ್ದ್ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಬೊಕ್ಕ ಪರಮ ಪದ್ಮ ಕಲಾವಿದೆರೆರ್ದ್ ಶಿವ ಪುರ್ಸಾದ ಬಬ್ಬರ್ಯೆ ತುಳು ನಾಟಕ ನಡಪರೆ ಉಂಡು. ಈ ಲೇಸ್ ಮಾತೆರ್ಲಾ ಬತ್ತ್ ದ್ ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಅಧ್ಯಕ್ಷೆರ್, ಸದಸ್ಯೆರ್, ಗುರಿಕಾರೆರ್, ಕೊಳಚಿಕಂಬುಲ ಶ್ರೀ ಜಾರಂದಾಯ ಧೂಮಾವತಿ ಸೇವಾ ಸಮಿತಿ, ಮಹಿಳಾ ಮಂಡಳಿ, ಯೂತ್ ಕ್ಲಬ್, ಬೊಂಬೈ ಸಮಿತಿ, ದುಬೈ ಸಮಿತಿ ಲೆಪ್ಪೋಲೆಡ್ ತೆರಿಪಾದೆರ್.

Kerala former CM Oommen Chandy hospitalised ಕೇರಳದ ಮಾಜಿ ಸಿಎಂ ಉಮ್ಮನ್ ಚಾಂಡಿ ಬೆಂಗ್ಲೂರ್ ದ ಆಸ್ಪತ್ರೆಗ್ ದಾಖಲ್

ಕೇರಳ: ಮಾಜಿ ಸಿಎಂ ಉಮ್ಮನ್ ಚಾಂಡಿ ಮೇರ್ ಹುಷಾರ್ ದಾಂತೆ ಬೆಂಗ್ಲೂರ್ ದ ಆಸ್ಪತ್ರೆಗ್ ದಾಖಲ್ ಆತೆರ್.

ನ್ಯುಮೋನಿಯಾ ಆಯಿನೆಕ್ಕ್ ಮೆರೆನ್ ತಿರುವನಂತಪುರಂ ಆಸ್ಪತ್ರೆರ್ದ್ ಬೆಂಗ್ಲೂರ್ ದ ಖಾಸಗಿ ಆಸ್ಪತ್ರೆಗ್ ಇಸೇಸ ಇಮಾನಡ್ ಲೆತೊಂದು ಪೋಯೆರ್ ಪಂದ್ ತೆರಿದ್ ಬೈದ್ಂಡ್.

Kerala former CM oommen Chandy hospitalised

He is said to be suffering from pneumonia and has been shifted to Bangalore from Thiruvananthapuram to Bangalore for further treatment.

“Nenapu” Tulu video song released ಬುಡುಗಡೆ ಆತ್ಂಡ್ ದುಬೈ ಡ್ ಶೂಟಿಂಗ್ ಆಯಿನ “ನೆನಪು” ತುಳು ವಿಡಿಯೋ ಸಾಂಗ್

ವಿ ಕೆ ಫಿಲ್ಮ್ಸ್ ಅರ್ಪಣೆ ಮಲ್ಪುನ ನೆನಪು ತುಳು ವಿಡಿಯೋ ಸಾಂಗ್ ವಿ ಕೆ ಫಿಲ್ಮ್ಸ್ ಯ್ಯೂಟ್ಯೂಬ್ ಚಾನೆಲ್‌ಡ್ ಫೆ‌.11 ಕ್ ಬುಡುಗಡೆ ಆತ್ಂಡ್.

ಈ ಸಾಂಗ್ ತುಳುನಾಡ್ ಸೇರಿನಂಚನೆ ದೇಶ ವಿದೇಶಡ್ ಭಾರೀ ವೈರಲ್ ಆವೊಂದು ಉಂಡು. ಫಾರೂಕ್ ಶೇಖ್ ಬೊಕ್ಕ ಫ್ಲ್ಯಾನಿ ಡಿ’ಸೋಜ ಅಭಿನಯ ಮಲ್ತಿನ ಈ ಪದ್ಯಗ್ ತುಳುನಾಡ್ ದ ಪುಗರ್ತೆದ ಗಾಯಕೆರ್ ರಕ್ಷಣ್ ಮಾಡೂರು ಸ್ವರ ಕೊರ್ತೆರ್.‌ ಸೌಮ್ಯ ಗಿರೀಶ್ ಆಚಾರ್ಯ ನಿರ್ಮಾಣ ಮಲ್ದೆರ್. ಸಾಹಿತ್ಯನ್ ವೆಂಕಿ ಎರ್ಮಾಳ್ ಬರೆತೆರ್.‌ ಬೊಕ್ಕ ಸಮಗ್ರ ನಿರ್ವಹಣೆನ್ ಮಲ್ದೆರ್. ದುಬೈ ರಾಷ್ಟ್ರಡ್ ಶೂಟಿಂಗ್ ಆಯಿನ‌ ಈ ಪದ್ಯದ ಶೂಟಿಂಗ್ ಬೊಕ್ಕ ಸಂಕಲನನ್ ಫ್ರಾಂಕ್ಲಿನ್ ರಾಡ್ರಿಗಸ್ ಸಿದ್ಧಕಟ್ಟೆ ಮಲ್ದೆರ್.‌ ಬೊಕ್ಕ ಗುಲಾಬಿ, ಭಾಸ್ಕರ ಆಚಾರ್ಯ, ಲಕ್ಷ್ಮೀ ವೆಂಕಟೇಶ್ ಆಚಾರ್ಯ, ಶರತ್ ಪುತ್ರನ್, ರಾಯನ್ ಕಾಸ್ಟಿಲೋನ್, ಯೋಗೀಶ್ ಆಚಾರ್ಯ, ದೀಕ್ಷಿತ್ ಪೊಳಲಿ, ಅಶ್ವಿನಿ ಪೆರುವಾಯಿ ಸಹಕಾರ ಕೊರ್ತೆರ್. ಉಂದು ಬುಡುಗಡೆ ಆಯಿನ ಕೆಲವೇ ದಿನಟ್ ಐನ್ ಸಾರರ್ದ್ ಎಚ್ಚ ತೂತೆರ್. ಅತ್ತಂದೆ ಭಾರಿ ಪುದರ್ ಪಡೆವೊಂದು ಉಂಡು.‌

“Nenapu” Tulu video song released

The song brought out by VK films has been released on February 11 th in V K films youtube channel.

Feb 19: Yuvavahini Bajape unit-9 th year “Padapradana” program ಫೆ.19: ಯುವವಾಹಿನಿ ಬಜಪೆ ಘಟಕದ 9 ನೇ ವರ್ಷದ ಪದಪ್ರದಾನ ಲೇಸ್

ಯುವವಾಹಿನಿ ಬಜಪೆ ಘಟಕದ 2023-24 ಸಾಲ್ ದ 9 ನೇ ವರ್ಷದ ಪೊಸ ಪದಾಧಿಕಾರಿಲೆನ ಪದಪ್ರದಾನ ಲೇಸ್ ಫೆ.19 ಐತಾರ ಮಧ್ಯಾಹ್ನ 3 ಗಂಟೆಗ್ ಬಜಪೆ ಬ್ರಹ್ಮಶ್ರೀ ನಾರಾಯಣಗುರು ಸಮುದಾಯ ಭವನಡ್ ನಡತ್ಂಡ್.

ಈ ಲೇಸ್ ನ್ ಬಜಪೆ ಏರ್ ಪೋರ್ಟ್ ಕಾರ್ ಚಾಲಕ- ಮಾಲಕೆರೆನ ವಿವಿಧೋದ್ದೇಶ ಸಹಕಾರಿ ಸಂಘದ ಅಧ್ಯಕ್ಷೆರ್ ಜಯಂತ್ ಸುವರ್ಣ ಅಂಬಾಳ್ ಉದಿಪನ ಮಲ್ಪೆರೆ ಉಲ್ಲೆರ್. ಗುರ್ಕಾರ್ಮೆನ್ ಬಜಪೆ ಯುವವಾಹಿನಿ ಘಟಕದ ಅಧ್ಯಕ್ಷೆರ್ ಉಷಾ ಶಿವಾನಂದ್ ಒಯಿಸೊನ್ವೆರ್. ಪದಪ್ರದಾನನ್ ಕುಡ್ಲ ಯುವವಾಹಿನಿ ಕೇಂದ್ರ ಸಮಿತಿದ ಅಧ್ಯಕ್ಷೆರ್ ರಾಜೇಶ್ ಬಂಟ್ವಾಳ ಮಲ್ಪೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಶ್ರೀ ಕ್ಷೇತ್ರ ಗೆಜ್ಜೆಗಿರಿ ಆಡಳಿತ ಸಮಿತಿದ ಕಾರ್ಯದರ್ಶಿ ಮೋಹನ್ ದಾಸ್ ಬಂಗೇರ ವಾಮಂಜೂರು, ಬಜಪೆ-ಕರಂಬಾರು ಬ್ರಹ್ಮಶ್ರೀ ನಾರಾಯಣ ಗುರು ಸೇವಾ ಸಂಘದ ಉಪಾಧ್ಯಕ್ಷೆರ್ ಜಗನ್ನಾಥ ಪೂಜಾರಿ ಬರಿಯೆರೆ ಉಲ್ಲೆರ್. ಗೌರವ ಉಪಸ್ಥಿತಿಡ್ ಕುಡ್ಲ ಯುವವಾಹಿನಿ ಕೇಂದ್ರ ಸಮಿತಿದ ಸಂಘಟನಾ ಕಾರ್ಯದರ್ಶಿ ಕಿಶೋರ್ ಕುಮಾರ್ ಸುರತ್ಕಲ್, ಲೇಸ್ ದ ಸಂಚಾಲಕೆರ್ ಯೋಗೀಶ್ ಪೂಜಾರಿ ಉಲ್ಲೆರ್ ಪಂದ್ ಯುವವಾಹಿನಿ ಬಜಪೆ ಘಟಕದ ಅಧ್ಯಕ್ಷೆರ್ ಉಷಾ ಶಿವಾನಂದ್, ಕಾರ್ಯದರ್ಶಿ ನಿಶಾಲ್ ಪೂಜಾರಿ, ನಿಯೋಜಿತ ಅಧ್ಯಕ್ಷೆರ್ ಮಾಧವ ಸಾಲ್ಯಾನ್, ಕಾರ್ಯದರ್ಶಿ ದೀಕ್ಷಿತ್ ಪೂಜಾರಿ, ಸಂಚಾಲಕೆರ್ ಯೋಗೀಶ್ ಪೂಜಾರಿ, ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

” Punchada Punya Prasada” Tulu devotional song series shooting concludes “ಪುಂಚದ ಪುಣ್ಯೊ ಪುರ್ಸಾದ” ತುಳು ಭಕ್ತಿ ಸುಗಿಪುದ ಶೂಟಿಂಗ್ ಮುಗಿತಲ

ದಯಾ ಕ್ರಿಯೇಷನ್ಸ್ ಅರ್ಪಣೆ ಮಲ್ಪುನ “ಪುಂಚದ ಪುಣ್ಯೊ ಪುರ್ಸಾದ” ಪನ್ಪಿನ ಶ್ರೀ ಕಾಳಿಕಾಂಬ ಅಂಜನೇಯ ದೇವಲ್ಯ ಕುಕ್ಕಾಜೆ ಕ್ಷೇತ್ರದ ತುಳು ಭಕ್ತಿ ಸುಗಿಪು ಪದ್ಯದ ಶೂಟಿಂಗ್ ಮುಗಿಂಡ್.

ಈ ಪದ್ಯದ ಶೂಟಿಂಗ್ ದ ಉದಿಪನನ್ ಕುಕ್ಕಾಜೆ ಶ್ರೀ ಕಾಳಿಕಾಂಬ ಅಂಜನೇಯ ದೇವಲ್ಯದ ಧರ್ಮದರ್ಶಿಲು ಶ್ರೀಕೃಷ್ಣ ಗುರೂಜಿ ಮಲ್ತೆರ್. ನೆತ್ತ ಶೂಟಿಂಗ್ ಕುಕ್ಕಾಜೆ ಕ್ಷೇತ್ರಡ್ ಬೊಕ್ಕ ಪಿದಯಿ ಚಾವಡಿಡ್ ನಡತ್ಂಡ್‌. ನೆತ್ತ ಸಾಹಿತ್ಯನ್ ತುಳು ಕನ್ನಡ ಕಬಿ, ಸಾಹಿತಿ, ವಿಮರ್ಶಕೆರ್, ತುಳು ಸಾಹಿತ್ಯ ರತ್ನ, ರಾಜ್ಯ ಪ್ರಶಸ್ತಿ ಪುರಸ್ಕೃತೆರ್ ಕೆ.ಮಹೇಂದ್ರನಾಥ್ ಸಾಲೆತ್ತೂರ್ ಬರೆತೆರ್. ಸಂಗೀತನ್ ಪುರನ್ ಶೆಟ್ಟಿಗಾರ್ ಕೊರ್ತೆರ್. ಈ ಪೊರ್ತುಡು ರವಿ ಎಸ್ ಎಂ ಕುಕ್ಕಾಜೆ, ದಯಾನಂದ ಅಮೀನ್ ಬಾಯಾರ್, ಗಾಯಕಿ ಸಿಂಚನ ಗೌಡ, ಸುದರ್ಶನ್ ಟಿ ಬೊಕ್ಕ ಕೂಟದ ಸದಸ್ಯೆರ್ ಸತ್ಯಪ್ರಸಾದ್ ಕುಕ್ಕಾಜೆ, ದೇವಿಪ್ರಸಾದ್ ಕುಕ್ಕಾಜೆ ಬೊಕ್ಕ ತನುಷ್ ಪೆರುವಾಯಿ ಇತ್ತೆರ್.

Cine star R Madavan’s son Vedant wins five gold medals in ” Khelo India” ಚಿತ್ರನಟೆ ಮಾಧವನ್ ಮಗೆ ವೇದಾಂತ್ ಗ್ ಖೇಲೋ ಇಂಡಿಯಾಡ್‌ 5 ಬಂಗಾರ್ ದ ಪದಕ

ಬೊಂಬೈ: ತಮಿಳ್ ಚಿತ್ರನಟೆ ಆರ್ ಮಾಧವನ್ ನ ಮಗೆ ಈಜು ಪಟು ಆಯಿನ ವೇದಾಂತ್ ಮೇರ್ ಖೇಲೋ ಇಂಡಿಯಾ ಯಂಗ್ ಪಂತೊಡು 5 ಬಂಗಾರ್ ಬೊಕ್ಕ ರಡ್ಡ್ ಬೊಳ್ಳಿದ ಪದಕನ್ ಗೆಂದ್ ದೆರ್.

ಈ ಪೊಲಬುನ್ ಸಾಮಾಜಿಕ ಜಾಲ ತಾಣಡ್ ಮಾಧವನ್ ಪಾಡ್ದೆರ್.‌ ಅವ್ವತ್ತಂದೆ ಮಗಕ್ ಎಡ್ಡೆ ತರಬೇತಿ ಕೊರಿಯೆರೆ ಮಾಧವನ್ ಕುಟುಂಬದೊಟ್ಟಿಗೆ ದುಬೈಗ್ ಶಿಫ್ಟ್ ಆದಿತ್ತೆರ್.

Cine star R Madavan’s son Vedant wins five gold medals in ” Khelo India”

Mumbai: R Madavan’s son Vedant is a swimming champion and has won five gold medals in “Khelo India Young” compititions. He has also won two silver medals. R Madavan has shared the news in his social media handle.

Fire in Palace Grounds, Bangalore – Three cars burnt down ಬೆಂಗ್ಲೂರ್ ಅರಮನೆತ್ತ ಮೈದಾನಡ್ ತೂ: ಮೂಜಿ ಕಾರ್ ಭಸ್ಮ

ಬೆಂಗ್ಲೂರ್ ದ ಅರಮನೆ ಮೈದಾನಡ್ ತೂ ಪೊತ್ತ್ ದ್ 3 ಕಾರ್ ಭಸ್ಮ ಆಯಿನ ಘಟನೆ ಐತಾರ ನಡತ್ಂಡ್.

ಐತಾರ ಮಧ್ಯಾಹ್ನ ಅರಮನೆ ಮೈದಾನದ ಕೈತಲ್ ಇಪ್ಪುನ ಪಾರ್ಕಿಂಗ್ ಜಾಗೆಡ್ ತೂ ಪೊತ್ತ್ ದ್ಂಡ್ ಪಂದ್ ಅಗ್ನಿಶಾಮಕ ಬೊಕ್ಕ ತುರ್ತು ಸೇವೆ ಇಲಾಖೆದ ಅಧಿಕಾರಿಲು ತೆರಿಪಾದೆರ್. ಇಚಾರ ತೆರಿನ ಕೂಡ್ಲೆ ಜಾಗೆಗ್ ಬತ್ತಿನ ಅಗ್ನಿಶಾಮಕ ದಳತ ಸಿಬ್ಬಂದಿಲು ತೂ ತೆಕ್ಕಾದೆರ್. ಉಂದು ಸದಾಶಿವನಗರ ಸಂಚಾರ ಪೊಲೀಸ್ ಠಾಣೆದ ವ್ಯಾಪ್ತಿಡ್ ನಡತ್ಂಡ್.

February 18-24: Brahmakalash Abisheka at Sri Somanatheswara temple ,Kambettu, Mijar ಫೆ.18-24: ಮಿಜಾರು ಮಾಗಣೆ ಕಾಂಬೆಟ್ಟು ಶ್ರೀ ಸೋಮನಾಥೇಶ್ವರ ಗ್ರಾಮ ದೇವಲ್ಯಡ್ ಅಷ್ಟಬಂಧ ಲೇಪನ ಬೊಕ್ಕ ಬ್ರಹ್ಮಕಲಶಾಭಿಷೇಕ ಉಚ್ಚಯ

ಕುಡ್ಲ: ಮಿಜಾರು ಮಾಗಣೆ ಕಾಂಬೆಟ್ಟು ಶ್ರೀ ಸೋಮನಾಥೇಶ್ವರ ಗ್ರಾಮ ದೇವಲ್ಯಡ್ ಅಷ್ಟಬಂಧ ಲೇಪನ ಬೊಕ್ಕ ಬ್ರಹ್ಮಕಲಶಾಭಿಷೇಕ ಉಚ್ಚಯ ಫೆ.18-24 ಮುಟ್ಟ ನಡಪರೆ ಉಂಡು.

ಎಡಪದವು ನಡುಮನೆ ಗಣೇಶ ತಂತ್ರಿಲೆನ ಮುತಾಲಿಕೆಡ್, ವೆಂಕಟೇಶ ತಂತ್ರಿಲೆನ ದುಂಬತ್ತಿಗೆಡ್, ಬೊಕ್ಕ ಅರ್ಚಕೆರ್ ಶ್ರೀನಿವಾಸ ಭಟ್ ಮೆರೆನ ಪೌರೋಹಿತ್ಯಡ್ ವೈದಿಕ ವಿಧಿವಿಧಾನ ನಡಪರೆ ಉಂಡು. ಬೊಕ್ಕ ಪ್ರತಿದಿನಲ ಬೇತೆ ಬೇತೆ ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಮಾತೆರ್ಲಾ ಬತ್ತ್ ದ್ ಶ್ರೀ ಸೋಮನಾಥೇಶ್ವರ ದೇವೆರೆನ ಕೃಪೆಗೆ ಪಾತ್ರರಾವೊಡು ಪಂದ್ ಅಧ್ಯಕ್ಷೆರ್ ಡಾ.‌ಎಂ ಮೋಹನ ಆಳ್ವ ಮಿಜಾರುಗುತ್ತು, ಆಡಳಿತ ಮೊಕ್ತೇಸರೆರ್ ಅಶೋಕ ಶೆಟ್ಟಿ ಕಾಂಬೆಟ್ಟು, ಆಡಳಿತ ಮಂಡಳಿ, ಜೀರ್ಣೋದ್ಧಾರ ಸಮಿತಿ, ಬ್ರಹ್ಮಕಲಶ ಉಚ್ಚಯ ಸಮಿತಿ,‌ ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.