Tulu News

First PUC results today ಇನಿ ಫಸ್ಟ್ ‘ಪಿಯುಸಿ’ ರಿಸಟ್ಟ್

ಬೆಂಗ್ಲೂರ್: ಕರ್ನಾಟಕ ಪದವಿ ಪೂರ್ವ ಶಿಕ್ಷಣ ಇಲಾಖೆ ಫಸ್ಟ್ ಪಿಯುಸಿ ವಾರ್ಷಿಕ ಪರೀಕ್ಷೆದ ರಿಸಟ್ಟ್ ನ್ ಇನಿ ಪ್ರಕಟಣೆ ಮಲ್ದ್ಂಡ್.

ಫಸ್ಟ್ ಪಿಯುಸಿ ಪರೀಕ್ಷೆ ಬರೆಯಿನ ಕಲ್ಪಾರ್ಥಿಲು ತನ್ನ ರಿಸಟ್ಟ್ ನ್ ಅಧಿಕೃತ ವೆಬ್ ಸೈಟ್ result.dkpucpa.com ಗ್ ಭೇಟಿ ಕೊರ್ದು ರಿಸಟ್ಟ್ ಪರಿಶೀಲನೆ ಮಲ್ಪೊಲಿ.

ಕಲ್ಪಾರ್ಥಿಲು ಈ ವೆಬ್ ಸೈಟ್ ಗ್ ಭೇಟಿ ಕೊರ್ದು ಓಪನ್ ಆಯಿನ ಪೇಜ್ ಡ್ ನೋಂದಣಿ ಸಂಖ್ಯೆ ಬೊಕ್ಕ ಪುಟ್ಟುನ ತಾರೀಕ್ ನ್ ಪಾಡೊಡು. ಅವೆರ್ದ್ ಬೊಕ್ಕ ‘Go’ ಪನ್ಪುನ ಲಿಂಕ್ ದ ಮಿತ್ತ್ ಒತ್ತುಂಡ ರಿಸಟ್ಟ್ ಪ್ರಕಟ ಆಪುಂಡು.

First PUC results today

Bangalore: The Karnataka pre University board declared the first PUC results today

Results can be got from the official website result.dkpucpa.com

Shivalinga Swamiji of Bidari Kalmutt no more ತಿಗಲೆ ಬೇನೆಡ್ ದೇವೆರೆ ಪಾದೊ ಸೇರಿಯೆರ್ ಬಿದರಿ ಕಲ್ಮಠದ ಶಿವಲಿಂಗ ಸ್ವಾಮೀಜಿ

ಬಾಗಲಕೋಟೆ: ಬಿದರಿ ಕಲ್ಮಠದ ಶಿವಲಿಂಗ ಸ್ವಾಮೀಜಿ (62) ಕೋಡೆ (ಮಾ.30) ರಾತ್ರೆ ತಿಗಲೆ ಬೇನೆಡ್ ದೇವೆರೆ ಪಾದೊ ಸೇರಿಯೆರ್.

ಬಾಗಲಕೋಟೆ ಜಿಲ್ಲೆದ ಜಮಖಂಡಿ ತಾಲೂಕ್ ದ ಬಿದರಿ ಗ್ರಾಮಡ್ ಶಿವಲಿಂಗ ಸ್ವಾಮೀಜಿ 1986 ಟ್ಟ್ ಬಿದರಿ ಮಠತ್ತ ಪೀಠಾಧಿಪತಿ ಆತೆರ್. ಅಂಚೆನೆ ಬಿದರಿದ ಕಲ್ಮಠ ಮೂಲ ಮಠ ಆತ್ಂಡ್. ಸವದತ್ತಿ, ಗುಲಗಾಲಜಂಬಗಿಡ್ ಶಾಖೆ ಮಠಲು ಉಂಡು.

Shivalinga Swamiji of Bidari Kalmutt no more

Bagalkot: Shivalinga Swamiji (62) of Bidari Kalmutt died of a heart attack on March 30th.

He was anointed as Swamiji of Bidari Kalmutt of Jamakandi in Bagalkot district in 1986.

PUC pass students can apply for Vacancies in ISRO ಪಿಯುಸಿ ಆಯಿನಕುಲೆಗ್ ಇಸ್ರೋಡ್ ಉಂಡು ಬೇಲೆ

ಇಸ್ರೋಡ್ ಫೈರ್ ಮ್ಯಾನ್, ಡ್ರೈವರ್‌, ಡ್ರಾಫ್ಟ್ ಮನ್, ಟೆಕ್ನಿಷಿಯನ್ ಬೊಕ್ಕ ಟೆಕ್ನಿಕಲ್ ಅಸಿಸ್ಟೆಂಟ್ ಸೇರಿನಂಚೆನೆ 63 ಬೇಲೆ ಖಾಲಿ ಉಂಡು.

ಇಸ್ರೋಡ್ ಬೇಲೆ ಮಲ್ಪರೆ ಆಸಕ್ತಿ ಇಪ್ಪುನಕುಲು ಸಂಬಂಧ ಪಟ್ಟಿನ ಟ್ರೇಡ್ ಡ್ 12 ನೇ ಕ್ಲಾಸ್ ಅತ್ತಂಡ, ಡಿಪ್ಲೊಮಾ ಪಾಸ್ ಆದಿಪ್ಪೊಡು. ಅರ್ಜಿ ಪಾಡುನ ಅಭ್ಯರ್ಥಿಲು 18-25 ವರ್ಷದೊಲಯಿ ಇಪ್ಪೊಡು. ಅರ್ಜಿ ಸಂದಾಯೆರೆ ಏಪ್ರಿಲ್ 24 ಅಕೇರಿದ ತಾರೀಕ್ ಆತ್ಂಡ್.

PUC pass students can apply for Vacancies in ISRO

There is a call for 63 vacancies in ISRO for various posts for students who have passed PUC and diploma pass.age limit is 18-24 years. The last date to apply is April 24th.

April 8 th:Akhila Bharatha Tulu Okkuta -Mahakoota ” Permeda Tuluver” awards to be given-A C Bandari ಎ. 8 ಗು ತುಳು ಸಾಧಕೆರೆಗ್ “ಪೆರ್ಮೆದ ತುಳುವೆರ್” ಪ್ರಶಸ್ತಿ ಪಟ್ಟುನ ಲೇಸ್ : ಎ.ಸಿ. ಭಂಡಾರಿ

ಕುಡ್ಲ: ಡಾ. ಮೋಹನ್‌ ಆಳ್ವ ಮೆರೆನ ಸಹಕಾರಡ್, ಬೆದ್ರದ ಕನ್ನಡ ಭವನಡ್ ಎಪ್ರಿಲ್‌ 8 ಕ್ಕ್ ನಡಪರೆ ಇಪ್ಪುನ ಅಖಿಲಭಾರತ ತುಳು ಒಕ್ಕೂಟದ ಮಹಾಕೂಟ ಸಮ್ಮಿಳನದ ಮುಗಿತಲದ ಲೇಸ್ ಡ್ ಮಸ್ತ್ ಕಾಲರ್ದಿಂಚ ಒಕ್ಕೂಟಡ್ ತುಳು ಬಾಷೆ ಸಂಸ್ಕೃತಿದ ಅಭಿವೃದ್ಧಿದ ನಿಲೆಟ್ಟ್ ಭಾರಿ ಬೇಲೆ ಮಲ್ತಿನ ಸಾಧಕೆರಾಯಿನ ಸರ್ವೋತ್ತಮ ಶೆಟ್ಟಿ ದುಬೈ, ಶ್ರೀನಿವಾಸ್‌ ಮಂಕುಡೆ ಮೀರಜ್‌, ದಿವಾಕರ್‌ ಎಸ್. ಶೆಟ್ಟಿ ಸಾಂಗ್ಲಿ, ಎಂ. ರತ್ನಕುಮಾರ್‌ ಕುಡ್ಲ, ಡಾ. ಭಾಸ್ಕರಾನಂದ ಕುಮಾರ್‌ ಒಡಿಪು, ಧರ್ಮಪಾಲ ಯು. ದೇವಾಡಿಗ ಬೊಂಬೈ, ಬೊಕ್ಕ ಬಿ.ಎನ್. ಹರೀಶ್‌ ಬೋಳೂರ್ ಕುಡ್ಲ ಮೊಕ್ಲೆಗ್ “ಪೆರ್ಮೆದ ತುಳುವೆರ್” ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ಪರೆ ಉಂಡು ಪಂದ್ ಅಖಿಲ ಭಾರತ ತುಳು ಒಕ್ಕೂಟದ ಅಧ್ಯಕ್ಷೆರ್ ಎ.ಸಿ. ಭಂಡಾರಿ ತೆರಿಪಾದೆರ್.

ಆರ್ ಕಾವೂರು ಮುಗ್ರೋಡಿ ಎನ್‌ಕ್ಲೇವ್‌ದ ಅಖಿಲ ಭಾರತ ತುಳು ಒಕ್ಕೂಟದ ಚಾವಡಿಡ್ ನಡತಿನ ಕಾರ್ಯಕಾರಿ ಸಮಿತಿದ ನಿರ್ಣಯದ ಬಗೆಟ್ ಪಾತೆರಿಯೆರ್.

ಸಮ್ಮಿಳನದ ಪ್ರಧಾನ ಸಂಚಾಲಕೆರ್ ಕದ್ರಿ ನವನೀತ್‌ ಶೆಟ್ಟಿ ಪಾತೆರ್ದ್, ದೇಶ-ವಿದೇಶಡ್ ಇಪ್ಪುನ ಸುಮಾರ್ 36 ಅಧಿಕೃತ ತುಳುಕೂಟ ಬೊಕ್ಕ ಪೊಸತಾದ್ ಸೇರಿಯೆರೆ ಇಪ್ಪುನ 26 ಕೂಟದಕುಲು ಸಮ್ಮಿಳನಡ್ ಪಾಲ್ ಪಡೆಯೆರೆ ಉಂಡು. ಪ್ರಮುಖವಾದ್ ಒಕ್ಕೂಟ ಬೊಕ್ಕ ಕೂಟಲೆನ ಬಲವರ್ಧನೆಗ್ ಪೂರಕವಾದ್ ಲೇಸ್ ನಡಪರೆ ಉಂಡು. ಮಾತ ತುಳುಕೂಟದಕುಲು ನಡತ್ ಬತ್ತಿನ ತಾದಿ, ಲೇಸ್ ಲೆನ ಬಗೆಟ್ ಆಯಾಯ ಕೂಟದ ಪದಾಧಿಕಾರಿಲು ಹೇಳಿಕೆ ಕೊರಿಯೆರೆ ಉಲ್ಲೆರ್. ಅತ್ತಂದೆ ಡಾ. ಮೋಹನ್‌ ಆಳ್ವ ಮೆರೆನ ಗುರ್ಕಾರ್ಮೆಡ್ ರಾಜ್ಯ ಸರ್ಕಾರೊಗು ಕೊರ್ನ ವರದಿಗ್ ಸರಕಾರ ಇಡೇ ಮುಟ್ಟ ಒವ್ವೇ ಕ್ರಮ ದೆತೊಂದಿಜಿ. ನೇರ್ದಾವೆರ ಈ ಬಗೆಟ್ ತುಳುವೆರೆನ ಒಕ್ಕೊರಳ್ ದ ನಿರ್ಣಯನ್ ಸಭೆ ಅಂಗೀಕರಿಸಾದ್, ಸರಕಾರಗ್ ಕೊರಿಯೆರೆ ಉಂಡು ಪಂದ್ ಪಂಡೆರ್.

ಈ ಪೊರ್ತುಡು ಒಕ್ಕೂಟದ ಪದಾಧಿಕಾರಿಲು ದಾಮೋದರ ನಿಸರ್ಗ, ಚಂದ್ರಶೇಖರ್‌ ಸುವರ್ಣ, ವಿಜಯಲಕ್ಷ್ಮೀ ಬಿ. ಶೆಟ್ಟಿ, ಸುಖಲಾಕ್ಷಿ ಸುವರ್ಣ, ಜಯಂತಿ ಬಂಗೇರ, ರಾಜೇಶ್‌ ಆಳ್ವ, ತಾರಾನಾಥ್‌ ಶೆಟ್ಟಿ ಬೋಳಾರ್‌, ಪಿ.ಎ.ಪೂಜಾರಿ, ದುರ್ಗಾಪ್ರಸಾದ್‌ ರೈ ಕುಂಬ್ರ, ಚಂದ್ರಹಾಸ್‌ ದೇವಾಡಿಗ, ಹರೀಶ್‌ ನೀರುಮಾರ್ಗ ಬೊಕ್ಕ ಮುಲ್ಕಿ ಕರುಣಾಕರ ಶೆಟ್ಟಿ ಇತ್ತೆರ್.

ವರದಿ: ಮುಲ್ಕಿ ಕರುಣಾಕರ ಶೆಟ್ಟಿ
ಮೊ:9880425265

April 8 th:Akhila Bharatha Tulu Okkuta -Mahakoota ” Permeda Tuluver” awards to be given-A C Bandari

The “Mahakoota ” of Akila Bharatha Tulu Okkuta will be organised at Moodbidri on April 8 th under the leadership of Dr Mohan Alva.

Persons who have worked for advancing Tulu language and culture including Sarvottam Shetty Dubai, Srinivasa Makunday Miraj, Divakar Shetty Sangli, M Ratnakumar Mangalore, Dr Bhaskar Anand Kumar Udupi, Dharmapal Devadiga Mumbai, Harish Boloor Mangalore.

Kadri Navneet Shetty who is the chief director of the Sammelan that more than 36 Tulu kootas from all over the globe and 26 sub kootas will take part in the program.

The growth , development and the further plan of action for the coming years are the agenda to be discussed at the Sammelan.

Gelayara Balaga (R) Ballamgudelu-honours teacher Prathiba ಗೆಳೆಯರ ಬಳಗ (ರಿ) ಬಲ್ಲಂಗುಡೇಲು ವತಿರ್ದ್ ಅಧ್ಯಾಪಕಿ ಪ್ರತಿಭಾ ಮೆರೆಗ್ ಮಾನಾದಿಗೆ

ಮಂಜೇಶ್ವರ: ಮೂಡಂಬೈಲು ಸರಕಾರಿ ಪ್ರೌಢ ಶಾಲೆಡ್ ಏಳ್ ವರ್ಷ ಮುಟ್ಟ ಅಧ್ಯಾಪಕಿಯಾದ್ ಸೇವೆ ಸಂದಾದ್, ಊರುದಕ್ಲೆನ ಬೊಕ್ಕ ಜೋಕುಲೆನ ಪ್ರೀತಿಗ್ ಪಾತ್ರರಾದ್, ಇತ್ತೆ ಪಾತೂರು ಶಾಲೆಗ್ ಮುಖ್ಯೋಪಾಧ್ಯಾಯಿನಿ ಆದ್ ನೇಮಕ ಆಯಿನ ಪ್ರತಿಭಾ ಮೆರೆನ್ ಗೆಳೆಯರ ಬಳಗ (ರಿ) ಬಲ್ಲಂಗುಡೇಲು ವತಿರ್ದ್ ಮಾನಾದಿಗೆ ಮಲ್ತೆರ್.

ಮಾ.30 ಕ್ಕ್ ಮೂಡಂಬೈಲ್ ಶಾಲೆಡ್ ನಡತಿನ ಬಿಳ್ಕೊಡುಗೆ ಲೇಸ್ ಡ್ ಗೆಳೆಯರ ಬಳಗ (ರಿ) ಬಲ್ಲಂಗುಡೇಲು ಸಂಘದ ಪದಾಧಿಕಾರಿಲು ಬೊಕ್ಕ ಸದಸ್ಯೆರ್ ಶಾಲ್ ಪೊದೆಪಾದ್, ಫಲಪುಷ್ಪ ಸ್ಮರಣಿಕೆ ಕೊರ್ದು ಮಾನಾದಿಗೆ ಮಲ್ತೆರ್ .

ಈ ಪೊರ್ತುಡು ಸಂಘದ ಅಧ್ಯಕ್ಷೆರ್ ಮಾದವ ಉಳಿಯ, ಕಾರ್ಯದರ್ಶಿ ಪ್ರದಿಪ್ ಶೆಟ್ಟಿ ಬಲ್ಲಂಗುಡೇಲು, ಕಿರಣ್ ಕುಮಾರ್ ಅಳ್ವ ಪಟ್ಟತ್ತಮೊಗರು, ಬಶೀರ್ ಮೂಡಂಬೈಲ್, ಭರತ್ ಅಜ್ಜಿಹಿತ್ತಿಲು, ಜಗದೀಶ್ ಅಜ್ಜಿಹಿತ್ತಿಲು (ದುಬೈ), ರತ್ನಾಕರ ಶೆಟ್ಟಿ ಬಲ್ಲಂಗುಡೇಲು ಇತ್ತೆರ್.

Radio Manipal to air music lessons series from today ರೇಡಿಯೊ ಮಣಿಪಾಲ್ ಡ್ ಇನಿರ್ದ್ ಸಂಗೀತ ಪಾಠ ಸರಣಿ ಲೇಸ್ ಸುರು

ಮಣಿಪಾಲ: ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ರೇಡಿಯೊ ಮಣಿಪಾಲ್ ಕೇನುನಕ್ಲೆಗ್ ಅರ್ಪಣೆ ಮಲ್ತೊಂದು ಇಪ್ಪುನ ಕಾವ್ಯಗಾನ-ಸಂಗೀತ ಪಾಠ ಸರಣಿ ಲೇಸ್ ಇನಿರ್ದ್ ಸುರು ಆಪುಂಡು.

ಈ ಲೇಸ್ ಡ್ ಸಂಗೀತ ಶಿಕ್ಷಕೆರ್ ಕಾವ್ಯ ಸೀತಾರಾಮ ಆಚಾರ್ಯ ಕೊಡವೂರು ಪಾಲ್ ಪಡೆಯೆರೆ ಉಲ್ಲೆರ್. ಈ ಲೇಸ್ ಪ್ರತೀ ಸುಕ್ರಾರ 5.30 ಕ್ಕ್ ಪ್ರಸಾರ ಆಪುಂಡು. ಬೊಕ್ಕ ಸನಿಯಾರ ಮಧ್ಯಾಹ್ನ 1.30ಕ್ಕ್ ಮರು ಪ್ರಸಾರ ಆಪುಂಡು ಪಂದ್ ರೇಡಿಯೊ ಮಣಿಪಾಲದ ಪ್ರಕಟಣೆ ತೆರಿಪಾದ್ಂಡ್.

Eshwaragoli – Hosabettu Brahma Shree MugeraMahankali Daivastana foundation stone laid ಈಶ್ವರಗೋಳಿದ ಹೊಸಬೆಟ್ಟು ಬ್ರಹ್ಮ ಶ್ರೀ ಮುಗೇರ ಮಹಾಂಕಾಳಿ ದೈವೊಲ್ಯದ ಶಿಲಾಮಯ ಗುಡಿಕ್ಕ್ ಕೆಸರ್ ಕಲ್ಲ್ ಪಾಡುನ ಲೇಸ್

ಕುಳಾಯಿ: ಈಶ್ವರಗೋಳಿದ ಹೊಸಬೆಟ್ಟು ಬ್ರಹ್ಮ ಶ್ರೀ ಮುಗೇರ ಮಹಾಂಕಾಳಿ ದೈವೊಲ್ಯಡ್ 1.20 ಕೋಟಿ ರೂ. ಕರ್ಚಿಡ್ ನಿರ್ಮಾಣ ಆವೆರೆ ಇಪ್ಪುನ ಶಿಲಾಮಯ ಗುಡಿಕ್ಕ್ ಕೆಸರ್ ಕಲ್ಲ್ ಪಾಡಿಯೆರ್.

ಈ ಲೇಸ್ ಡ್ ಶಾಸಕೆರ್ ಡಾ.ಭರತ್ ಶೆಟ್ಟಿ ವೈ ಮೇರ್ ಧಾರ್ಮಿಕ ಕ್ಷೇತ್ರಲೆನ ಅಭಿವೃದ್ಧಿನ್ ಮೆಚ್ಚಿಯೆರ್. ಕುದ್ರೋಳಿ ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಆರ್ ಮೇರ್ ದೈವೊಲ್ಯದ ಜೀರ್ಣೋದ್ದಾರ ಕಜ್ಜ ಆಯಿನಾತ್ ಬೇಗಡೇ ಅವಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್.

ಈ ಪೊರ್ತುಡು ಮ.ನ.ಪಾ ಸದಸ್ಯೆರ್ ವರುಣ್ ಚೌಟ, ವೇದಾವತಿ, ಎಕ್ಕೂರು ಭಾರ್ಗವ ಬಲ್ಯಾಯ, ಮುಗೇರ ಸಂಘ ಕುಡ್ಲದ ಅಧ್ಯಕ್ಷೆರ್ ಸೀತಾರಾಮ ಕೊಂಚಾಡಿ, ಎಲ್‌ಐಸಿ ನಿವೃತ್ತ ಅಧಿಕಾರಿ ಸುಂದರ ಮೇರ, ಕುಳಾಯಿಗುತ್ತು ಪಟೇಲ್ ಶಂಕರ ರೈ, ಪೊಸೋಡಿಗುತ್ತು ಗುತ್ತಿನಾ‌ರ್ ಬಾಲಕೃಷ್ಣ ಶೆಟ್ಟಿ, ಆಡಳಿತ ಸಮಿತಿದ ಅಧ್ಯಕ್ಷೆರ್ ಕೃಷ್ಣ ಮುಗೇರ, ಪದ್ಮನಾಭ ಸುವರ್ಣ, ದಿವಾಕರ್ ಕುಳಾಯಿ, ಜೀರ್ಣೋದ್ದಾರ ಸಮಿತಿದ ಅಧ್ಯಕ್ಷೆರ್ ರಾಜೇಶ್ ಭಂಡಾರಿ, ಕೋಶಾಧಿಕಾರಿ ಜೀವನ್ ಹೊಸಬೆಟ್ಟು, ಆಡಳಿತ ಸಮಿತಿದ ಸರ್ವಸದಸ್ಯೆರ್ ಬೊಕ್ಕ ಜೀರ್ಣೋದ್ದಾರ ಸಮಿತಿದ ಸರ್ವಸದಸ್ಯೆರ್ ಇತ್ತೆರ್.

ಪ್ರಧಾನ ಕಾರ್ಯದರ್ಶಿ ಸಂಜೀವ ಸುವರ್ಣ ಪ್ರಸ್ತಾವಿಕ ಪಾತೆರಿಯೆರ್. ಸುದರ್ಶನ್‌ ಸುರತ್ಕಲ್ ಲೇಸ್ ದ ಸುಧಾರಿಕೆ ಮಲ್ತೆರ್. ಸುರೇಶ್‌ ಕುಳಾಯಿ ಸೊಲ್ಮೆ ಸಂದಾಯೆರ್.

Eshwaragoli – Hosabettu Brahma Shree MugeraMahankali Daivastana foundation stone laid

Kulai: Foundation stone was laid to build a new building at an estimated cost of 1.20 crore at Eshwaragoli Hosabettu Brahma Shree MugeraMahankali Daivastana.

April 5 th: Office of the Bunts Association to be inaugurated at Mulki ಎ.5: ಮುಲ್ಕಿಡ್ ಬಂಟರ ಸಂಘಲೆನ ಒಕ್ಕೂಟದ ಆಡಳಿತ ಕಚೇರಿ ಉದಿಪನ

ಕುಡ್ಲ: ಮುಲ್ಕಿ ರಾಜ್ಯ ಮಾರ್ಗದ ಕೈತಲ್ ಇಪ್ಪುನ ಶ್ರೀ ಕನ್ಯಾನ ಸದಾಶಿವ ಶೆಟ್ಟಿ ಸಂಕೀರ್ಣಡ್ ಎಪ್ರಿಲ್ 5 ಕ್ಕ್ ಬಯ್ಯಗ್ 5 ಗಂಟೆಗ್ ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ “ಶ್ರೀ ಪ್ರವೀಣ್ ಭೋಜ ಶೆಟ್ಟಿ’ ಆಡಳಿತ ಕಚೇರಿದ ಉದಿಪನ ಮಲ್ಪರೆ ಉಲ್ಲೆರ್.

ಈ ಲೇಸ್ ಡ್ ಒಡಿಯೂರು ಶ್ರೀ ಕ್ಷೇತ್ರದ ಗುರು ದೇವಾನಂದ ಸ್ವಾಮೀಜಿ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಲೇಸ್ ದ ಗುರ್ಕಾರ್ಮೆನ್ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಒಯಿಸೊನ್ವೆರ್. ಈ ಪೊರ್ತುಡು ಲೇಸ್ ಡ್ ಒಕ್ಕೂಟದ ಮಹಾದಾನಿ ಕನ್ಯಾನ ಸದಾಶಿವ ಶೆಟ್ಟಿ, ಒಕ್ಕೂಟದ ಮಹಾ ನಿರ್ದೇಶಕೆರ್ ತೋನ್ಸೆ ಆನಂದ ಶೆಟ್ಟಿ, ಶಶಿಧರ ಶೆಟ್ಟಿ ಬರೋಡಾ, ರಾಜೇಶ್ ಶೆಟ್ಟಿ ರಾಕ್ಷಿ ಬಿಲ್ಡರ್ಸ್ ಪಾಲ್ ಪಡೆಯೆರೆ ಉಲ್ಲೆರ್‌. ಬೊಕ್ಕ ಸಹಕಾರಿ ರತ್ನ ಪ್ರಶಸ್ತಿ ಪುರಸ್ಕೃತೆರ್ ಜಯಕರ ಶೆಟ್ಟಿ ಇಂದ್ರಾಳಿ ಬೊಕ್ಕ ಒಕ್ಕೂಟದ ಮಹಾ ನಿರ್ದೇಶಕೆರ್ ಪ್ರವೀಣ್ ಭೋಜ ಶೆಟ್ಟಿ ಮೊಕ್ಲೆಗ್ ಗಣ್ಯೆರೆನ ಸಮ್ಮುಖಡ್ ತಮ್ಮನ ನಡಪರೆ ಉಂಡು. ಬಂಟರ ಯಾನೆ ನಾಡವರ ಮಾತೃ ಸಂಘದ ಅಧ್ಯಕ್ಷೆರ್ ಅಜಿತ್ ಕುಮಾರ್ ರೈ ಮಾಲಾಡಿ, ಬಂಟ ಪ್ರತಿಷ್ಠಾನದ ಅಧ್ಯಕ್ಷೆರ್ ಎ.ಜೆ. ಶೆಟ್ಟಿ, ಇಂಟರ್ ನ್ಯಾಷನಲ್ ಬಂಟ್ಸ್ ವೆಲ್ಪೇರ್ ಟ್ರಸ್ಟ್ ದ ಅಧ್ಯಕ್ಷೆರ್ ಎ. ಸದಾನಂದ ಶೆಟ್ಟಿ ಮೊಕ್ಲೆನ ಗೌರವ ಉಪಸ್ಥಿತಿಡ್ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ ಶೆಟ್ಟಿ, ಒಕ್ಕೂಟದ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಪ್ರಧಾನ‌ ಕಾರ್ಯದರ್ಶಿ ಜಯಕರ ಶೆಟ್ಟಿ ಇಂದ್ರಾಳಿ, ಜತೆ ಕಾರ್ಯದರ್ಶಿ ಪ್ರವೀಣ್ ಭೋಜ ಶೆಟ್ಟಿ, ಕೋಶಾಧಿಕಾರಿ ಉಳ್ತೂರು ಮೋಹನ್ ದಾಸ್ ಶೆಟ್ಟಿ ಬರಿಯೆರೆ ಉಲ್ಲೆರ್.

April 5 th: Office of the Bunts Association to be inaugurated at Mulki

Mangalore: ” Sri Praveen Boja Shetty” office of the Bunts Association will be inaugurated on April 5 th at Mulki .

The program will be presided by Ikala Harish Shetty, president of the Bunts association.
Odiyooru Sri Kshetra Guru Devananda Swamiji will bless. Philanthropist K Sadashiv Shetty, Tonse Anand Shetty, Sashidhar Shetty Baroda and other dignitaries are expected to participate.

More than 500 shops gutted in fire at Kanpur ಕಾನ್ಪುರಡ್ 500 ರ್ದ್ ಎಚ್ಚ ಅಂಗಡಿಲೆಗ್ ತೂ

ಕಾನ್ಪುರದ ಬನ್ಸ್ ಮಂಡಿಡ್ ಇಪ್ಪುನ ಜವಳಿ ಮಾರ್ಕೆಟ್ ಡ್ ತೂ ಪೊತ್ತ್ ದ್, ಎಆರ್ ಟವರ್ ನ 500 ರ್ದ್ ಎಚ್ಚ ಅಂಗಡಿಲು ಕರೆಂಚ್ ದ್ಂಡ್.

ರಾತ್ರೆ 1.30 ತ್ತ ಸುಮಾರ್ ಗ್ ಶಾರ್ಟ್ ಸರ್ಕ್ಯೂಟ್ ರ್ದ್ ಎಆರ್ ಟವರ್ ಡ್ ತೂ ತೂಜಿದ್ಂಡ್. ಈ ಘಟನೆದ ಬಗೆಟ್ ಪೊಲಬು ತಿಕಿನ ಕೂಡ್ಲೆ ಕಾನ್ಪುರ, ಉನ್ನಾವೋ, ಲಖನೌ ಸೇರಿನಂಚನೆ ಸುಮಾರ್ ಜಿಲ್ಲೆಲೆರ್ದ್ 50 ರ್ದ್ ಎಚ್ಚ ಅಗ್ನಿಶಾಮಕ ದಳತ್ತ ಗಾಡಿಲು ತೂ ಪೊತ್ತಾವುನ ಬೇಲೆ ಮಲ್ತೊಂದು ಉಲ್ಲೆರ್.

More than 500 shops gutted in fire at Kanpur

More than 500 shops were gutted in a blaze at the main market area in Kanpur.Short circuit is said to be the cause of the fire.More than 50 fire engines were pressed into service to douse out the flames.

CPCB ಡ್ ಖಾಲಿ ಇಪ್ಪುನ 163 ಬೇಲೆಗ್ ಅರ್ಜಿ ಪಾಡಿಯೆರೆ ಎಲ್ಲೆನೇ ಅಕೇರಿದ ದಿನ

ಕೇಂದ್ರ ಮಾಲಿನ್ಯ ನಿಯಂತ್ರಣ ಮಂಡಳಿಡ್ ಖಾಲಿ ಇಪ್ಪುನ 163 ಬೇಲೆಗ್ ಅರ್ಜಿ ಸಂದಾಯೆರೆ ಎಲ್ಲೆನೇ ಅಕೇರಿದ ದಿನ ಆತ್ಂಡ್.

ಆಸಕ್ತ ಬೊಕ್ಕ ಅರ್ಹ ಅಭ್ಯರ್ಥಿಲು ಈ ಬೇಲೆಗ್ ಅರ್ಜಿ ಸಂದಾವೊಲಿ.

SSLC, ಪಿಯುಸಿ, ಡಿಪ್ಲೊಮಾ, ಡಿಗ್ರಿ, ಪಿಜಿ ಪಾಸ್ ಆಯಿನಕುಲು ಅರ್ಹತೆಗ್ ಅನುಗುಣವಾದ್ ಅರ್ಜಿ ಪಾಡೊಲಿ.

ಲಿಲಿತ ಪರೀಕ್ಷೆ, ಕೌಶಲ್ಯ ಪರೀಕ್ಷೆ, ಸಂದರ್ಶನದ ಮುಖೇನ ಆಯ್ಕೆ ಮಲ್ಪುವೆರ್.‌