Tulu News

Mijar Tulunada Porlu Charitable trust (R)-Help rendered to a downtrodden family ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ (ರಿ.) ವತಿರ್ದ್ ಬಡಪತ್ತ್ ಕುಟುಂಬಗ್ ಪನವುದ ಸಕಾಯ

ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ (ರಿ.) ವತಿರ್ದ್ ರಡ್ಡ್ ಬಡಪತ್ತ್ ಕುಟುಂಬಗ್ 15 ಸಾರ ರೂ.ದ ಪನವುದ ಸಕಾಯನ್ ಮಲ್ತೆರ್.

ಕೇರಳದ ಕಾಸ್ರೋಡು ತಾಲೂಕ್ ದ ಬಂದ್ರಡ್ಕ ಬೇಳ ನಿವಾಸಿ ಪದ್ಮನಾಭ ಮೇರ್ ನೆತ್ತೆರ್ ದ ಕ್ಯಾನ್ಸರ್ ಸೀಕ್ ರ್ದ್ ನರೆಲೊಂದು ಇತ್ತೆರ್. ಬೊಕ್ಕ ಮೇರ್ ಚಿಕಿತ್ಸೆ ಫಲಕಾರಿ ಆವಂದೆ ತೀರ್ ಪೋಯೆರ್. ಮೆರೆನ ಬೊಡೆದಿನ ಸಾಲ ಬೊಕ್ಕ ಜೋಕುಲೆನ ನನದ ವಿದ್ಯಾಭ್ಯಾಸಗ್ ಕಾಸ್ ಒಟ್ಟು ಮಲ್ಪರೆ ಆವಂದೆ ಈ ಕೂಟಗ್ ಬಿನ್ನಾಪು ಮಲ್ದೆರ್. ಮೆರೆನ ಬಿನ್ನಾಪುಗ್ ಸ್ಪಂದಿಸಾಯಿನ ಈ ಕೂಟ ತನ್ನ ವತಿರ್ದ್ 15 ಸಾರ ರೂ. ದ ಚೆಕ್ಕ್ ನ್ ಪದ್ಮನಾಭ ಮೆರೆನ ಇಲ್ಲಡ್ ಕೊರಿಯೆರ್.

ಈ ಪೊರ್ತುಡು ಈ ಕೂಟದ ಸದಸ್ಯೆರ್ ದೀಕ್ಷಿತ್ ಬಾಡೂರು, ಸತೀಶ್ ಬಾಡೂರು, ಅಭಿತ್ ಬಾಡೂರು ಇತ್ತೆರ್.

ನವಜೀವನ ಕಾಲನಿ ನೆಟ್ಟಣ ಗ್ರಾಮದ ನಿವಾಸಿ ಆಯಿನ ದೇವಸಾಹಯಂ ಮೇರ್ ಕರಿನ ಒಂಜಿ ತಿಂಗೊಲ್ದ ಪಿರವು ರೈಲ್ ಆಕ್ಸಿಡೆಂಟ್ ಡ್ ಒಂಜಿ ಕಾರ್ ಕಳೆವೊಂದು ಕೆ.ಎಂ.ಸಿ ಆಸ್ಪತ್ರೆಡ್ ಚಿಕಿತ್ಸೆ ಪಡೆವೊಂದಿತ್ತೆರ್. ಮೆರೆಗ್ ಇಡೇ ಮುಟ್ಟ ಸುಮಾರ್ 3 ಲಕ್ಷ ಮುಟ್ಟ ಕರ್ಚಿ ಆತ್ಂಡ್. ಕೂಲಿ ಬೇಲೆ ಮಲ್ತ್ ದ್ ಜೀವನ ಸಾಗವೊಂದು ಇತ್ತಿನ ಮೆರೆನ ನನದ ಎಚ್ಚದ ಚಿಕಿತ್ಸೆಗ್ ಹಣ ಒಟ್ಟು ಮಲ್ಪರೆ ಆವಂದೆ ಈ ಕೂಟಗ್ ಬಿನ್ನಾಪು ಮಲ್ದೆರ್ ಮೆರೆನ ಬಿನ್ನಾಪು ಗ್ ಸ್ವಂದಿಸಾಯಿನ ಈ ಕೂಟ ತನ್ನ ವತಿರ್ದ್ 15 ಸಾರ ರೂ. ದ ಚೆಕ್ಕ್ ನ್ ನವಜೀವನ ಕಾಲನಿ ನೆಟ್ಟಣ ಕಡಬಡ್ ಕೊರಿಯೆರ್.

ಈ ಪೊರ್ತುಡು ಕೂಟದ ಸದಸ್ಯೆರ್ ಬಾಲ ತಿರುಪತಿ, ಒಬಲೇಶ್ ರೆಡ್ಡಿ, ರಮೇಶ್, ವಿಲ್ಸನ್ ಇತ್ತೆರ್.

May 14 th- 24th : Brahmakalash festival at Shri Veera Narayan temple, Kulshekara ಮೇ14-24: ಕುಲಶೇಖರ ಶ್ರೀ ವೀರನಾರಾಯಣ ದೈವೊಲ್ಯಡ್ ಬ್ರಹ್ಮಕಲಶ ಉಚ್ಚಯ

ಕುಡ್ಲ: ಕುಲಶೇಖರ ಶ್ರೀ ವೀರನಾರಾಯಣ ದೈವೊಲ್ಯಡ್ ಬ್ರಹ್ಮಕಲಶ ಉಚ್ಚಯ ಮೇ14-24 ಮುಟ್ಟ ನಡಪರೆ ಉಂಡು.

ಮೇ21 ಕ್ಕ್ ಪುನರ್ ಪ್ರತಿಷ್ಠೆ ಬೊಕ್ಕ ಮೇ24 ಕ್ಕ್ ಬ್ರಹ್ಮಕಲಶ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

May 9th-12th : Brahmakalash festival at Mundathaya Shri Pili Chamundi Banta Daivastana ಮೇ 9-12: ಮುಂಡತ್ತಾಯ ಶ್ರೀ ಪಿಲಿ ಚಾಮುಂಡಿ ಬಂಟ ದೈವೊಲ್ಯಡ್ ಬ್ರಹ್ಮಕಲಶ ಉಚ್ಚಯ

ಉಳ್ಳಾಲ: ಕೊಂಡಾಣದ ಮುಂಡತ್ತಾಯ ಶ್ರೀ ಪಿಲಿ ಚಾಮುಂಡಿ ಬಂಟ ದೈವೊಲ್ಯಡ್ ಶ್ರೀ ಪಿಲಿ ಚಾಮುಂಡಿ ಬಂಟ ವೈದ್ಯನಾಥ ಪರಿವಾರ ದೈವೊಲೆನ ಪುನರ್ ಪ್ರತಿಷ್ಠೆ ಬ್ರಹ್ಮಕಲಶ ಉಚ್ಚಯ ಮೇ9-12 ಮುಟ್ಟ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

ಪೂಂಛ್ ದಾಳಿ: ಧಾರ್ಮಿಕ ಮುಖಂಡೆ ಅರೆಸ್ಟ್

ಪೂಂಛ್ ಜಿಲ್ಲೆಡ್ ಸೇನೆದ ಗಾಡಿದ ಮಿತ್ತ್ ನಡತಿನ ದಾಳಿದ ಕೇಸ್ ದ ಬಗೆಟ್ ತನಿಖೆ ನಡತೊಂದು ಉಂಡು.

ಈ ತನಿಖೆದ ಬಗೆಟ್ ಧಾರ್ಮಿಕ ಮುಖಂಡೆಯೊರಿನ್ ಪೊಲೀಸೆರ್ ವಶಕ್ಕ್ ಪಡೆತೆರ್. ಮರ್ಕಝ್-ಉಲ್-ಮಾರಿಫ್ ಮದರಸಾದ ಮೌಲ್ವಿ ಮನ್ಸೂರ್ ಮೆರೆಗ್ ದಾಳಿಕೋರೆರೆನೊಟ್ಟಿಗೆ ಸಂಪರ್ಕ ಇಪ್ಪುನ ಸಂಸಯದ ಬಗೆಟ್ ಮೆರೆನ್ ಅರೆಸ್ಟ್ ಮಲ್ದೆರ್. ಅತ್ತಂದೆ ಈ ಕೇಸ್ ಡ್ ಇಡೇ ಮುಟ್ಟ 7 ಜನನ್ ಅರೆಸ್ಟ್ ಮಲ್ದೆರ್.

Free LPG cylinder during the festival of Yugadhi, Ganesh Chaturthi and deepavali – announcement in BJP citizens manifesto ಯುಗಾದಿ, ಚೌತಿ, ತುಡರ ಪರ್ಬಗ್ ಧರ್ಮಗ್ ಗ್ಯಾಸ್: ಬಿಜೆಪಿ ಪ್ರಜಾ ಪ್ರಣಾಳಿಕೆಡ್ ಘೋಷಣೆ

ಬೆಂಗ್ಲೂರ್: ಕರ್ನಾಟಕ ವಿಧಾನಸಭೆ ವೋಟುದ ಬಗೆಟ್ ಸೋಮಾರ ಬಿಜೆಪಿ ಜನಕುಲೆನ ಪುದರ್ ಡ್ ‘ಪ್ರಜಾ ಪ್ರಣಾಳಿಕೆ’ ಬುಡುಗಡೆ ಮಲ್ದ್ಂಡ್.

ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷೆರ್ ಜೆಪಿ ನಡ್ಡಾ ಮೇರ್ ಬೆಂಗ್ಲೂರ್ ದ ಖಾಸಗಿ ಹೋಟೆಲ್‌ಡ್ ಬಿಜೆಪಿ ಪ್ರಣಾಳಿಕೆ ಬುಡುಗಡೆ ಮಲ್ದೆರ್.

ಈ ಪೊರ್ತುಡು ಪಕ್ಷದ ಸಂಸದೀಯ ಮಂಡಳಿ ಸದಸ್ಯೆರ್ ಮಾಜಿ ಸಿಎಂ ಬಿ.ಎಸ್.ಯಡಿಯೂರಪ್ಪ, ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ‌, ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ, ಚುನಾವಣೆ ಪ್ರಣಾಳಿಕೆ ಸಲಹಾ ಸಮಿತಿ ಸಂಚಾಲಕೆರ್, ಸಚಿವೆರ್ ಡಾ.ಕೆ.ಸುಧಾಕರ್, ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲು ಇತ್ತೆರ್.

ಕಾಂಗ್ರೆಸ್‌ ದಲೆಕ್ಕನೇ ಬಿಜೆಪಿಲ ವೋಟುದಕ್ಲೆನ್ ಮನಸ್ ಗೆಂದರೆ ಸುಮಾರ್ ಯೋಜನೆದ ಪ್ರಣಾಳಿಕೆನ್ ಘೋಷಣೆ ಮಲ್ತ್ಂಡ್.

ಮಹಾನಗರ ಪಾಲಿಕೆ ವ್ಯಾಪ್ತಿಡ್ ಅಟಲ್ ಆಹಾರ ಕೇಂದ್ರ ಸ್ಥಾಪನೆ, ಬಿಪಿಎಲ್ ಕುಟುಂಬಗ್ ಧರ್ಮಗ್ 3 ಗ್ಯಾಸ್ (ಯುಗಾದಿ, ಚೌತಿ, ಪರ್ಬೊಗ್ ಧರ್ಮಗ್ ಗ್ಯಾಸ್), ಪೋಷಣೆ ಸ್ಕೀಮ್ (ಬಿಪಿಎಲ್ ಕುಟುಂಬಗ್ ಪ್ರತಿ ದಿನ ಅರ್ಧ ಲೀಟರ್ ನಂದಿನಿ ಪೇರ್, ಏಕ ನಾಗರೀಕ ಸಂಹಿತೆ ಜಾರಿಗ್ ಭರವಸೆ, ಕರ್ನಾಟಕ ಅಪಾರ್ಟ್‌ಮೆಂಟ್ ಓನರ್‌ಶಿಪ್ ಆಕ್ಟ್ ತಿದ್ದುಪಡಿಗ್ ಭರವಸೆ, ಒನಕೆ ಓಬವ್ವ ಯೋಜನೆದಡಿಟ್ಟ್ 10 ಸಾರ ರೂ, 5 ವರ್ಷದ ಭವಿಷ್ಯ ನಿಧಿ, ಸರ್ಕಾರಿ ಶಾಲೆದ ಉನ್ನತೀಕರಣ ಭರವಸೆನ್ ಬಿಜೆಪಿ ಕೊರ್ತುಂಡು.

Free LPG cylinder during the festival of Yugadhi, Ganesh Chaturthi and deepavali – announcement in BJP citizens manifesto

Bangalore: In the BJP manifesto released for the upcoming Vidhana Sabha elections in Karnataka BJP national president J P Nadda announced that LPG cylinder will be given free of cost during festivals along with other benifits to the common man.

Radhesh Myya MBA student of CMR college Banglore bags Fresher award ಬೆಂಗ್ಲೂರ್ ದ ಸಿಎಂಆರ್ ಯುನಿವರ್ಸಿಟಿ ಕಾಲೇಜ್ ದ ಎಂಬಿಎ ಕಲ್ಪಾರ್ಥಿ ರಾಧೇಶ್ ಮಯ್ಯಗ್ ಫ್ರೆಶರ್ ಅವಾರ್ಡ್

ಬೆಂಗ್ಲೂರ್: ಬೆಂಗ್ಲೂರ್ ದ ಗ್ರೇಟ್ ಸಿಎಂಆರ್ ಯುನಿವರ್ಸಿಟಿ ಕಾಲೇಜ್ ದ ಎಂಬಿಎ ಕಲ್ಪಾರ್ಥಿ ರಾಧೇಶ್ ಮಯ್ಯ ಮೇರ್ ಕಾಲೇಜ್ ದ ಫ್ರೆಶರ್ ಪ್ರಶಸ್ತಿ ಗೆಂದ್ ದೆರ್.

ಕಾಲೇಜ್ ಡ್ ಕರಿನ ವಾರ ನಡತಿನ 2023ನೇ ಸಾಲ್ ದ ಫ್ರೆಶರ್ಸ್ ಡೇ ಲೇಸ್ ಡ್ ರಾಧೇಶ್ ಮಯ್ಯ ಮೆರೆಗ್ ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತೆರ್.

ಬೆಂಗ್ಲೂರ್ ದ 12 ಕಾಲೇಜ್ ಲೆರ್ದ್ ರೇವಾ ವಿಶ್ವವಿದ್ಯಾಲಯದ ಕಾಲೇಜ್ ಪಾಲ್ ಪಡೆಪಿನೆಟ್ಟ್ 2ನೇ ತಾನ ಗೆಂದ್ ದ್ಂಡ್. ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳ ಮೂಲದ ರಾಧೇಶ್ ಮಯ್ಯ ಮೇರ್ ಮಾರ್ಕೆಟಿಂಗ್ ಪ್ರಮೋಶನ್ ಮಲ್ಪುನ ಚಾಲೆಂಜ್ ಡ್ ರಡ್ಡನೇ ತಾನ ಪಡೆತೆರ್.‌ ನೆಟ್ಟ್ 12 ಕಾಲೇಜ್ ದ ಕಲ್ಪಾರ್ಥಿಲು ಪಾಲ್ ಪಡೆತೆರ್.‌

ಉಂದು ಎಂಬಿಎ ಕಲ್ಪಾರ್ಥಿಲೆಗ್ ಮೀಸಲಾಯಿನ ಚಾಲೆಂಜ್ ಆತ್ಂಡ್. ನೆನ್ ಫ್ರೆಶರ್ ಅವಾರ್ಡ್ ಕಾಲೇಜ್ ಡ್ ಹಾಡುಗಾರಿಕೆ, ಕಲಿಕೆ ಇಂಚ ಬೇತೆ ಬೇತೆ ಮತ ಚಟುವಟಿಕೆಲೆಡ್ ಆಯ್ಕೆ ಆಯಿನ ಏಕೈಕ ಕಲ್ಪಾರ್ಥಿಲೆಗ್ ಮೀಸಲಾಯಿನ ಅವಾರ್ಡ್ ಆದುಂಡು.

ನಿವೃತ್ತ ಕಂದಾಯ ಅಧಿಕಾರಿ, ಸಂಗೀತ ವಿದ್ವಾಂಸೆರ್ ಡಾ. ಎನ್. ಸೋಮಶೇಖರ್ ಮಯ್ಯ ಬಂಟ್ವಾಳ, ಬೊಕ್ಕ ಶಿಕ್ಷಕಿ ಶ್ರೀವಾಣಿ ಮಯ್ಯ ದಂಪತಿಲೆನ ಮಗೆ ಆಯಿನ ಮೇರ್ ಬೆದ್ರ ಆಳ್ವಾಸ್ ಕಾಲೇಜ್ ದ ಹಳೇ ವಿದ್ಯಾರ್ಥಿ. ಇತ್ತೆ ಬೆಂಗ್ಲೂರ್ ದ ಸಿಎಂಆರ್ ಯುನಿವರ್ಸಿಟಿ ಕಾಲೇಜ್ ಡ್ ಎಂಬಿಎ ಕಲ್ತೊಂದು ಉಲ್ಲೆರ್.

A two storied building collapses leaving 8 persons dead ರಡ್ಡ್ ಮಾಳಿಗೆದ ಕಟ್ವಾನ ಬೂರ್ದು 8 ಜನ ತೀರ್ ಕಲಾಸ್!

ಮಹಾರಾಷ್ಟ್ರ: ಭಿವಂಡಿ ಪೇಂಟೆಡ್ ರಡ್ಡ್ ಮಾಳಿಗೆದ ಕಟ್ವಾನ ಬೂರ್ದು 8 ಜನ ತೀರ್ ಪೋಯೆರ್.

ನೆಟ್ಟ್ ಸುಮಾರ್ ಜನಕ್ಕ್ ಪೆಟ್ಟಾತ್ಂಡ್. ಈ ಕಟ್ವಾನ ಪತ್ತ್ ವರ್ಷ ಪಿರವುದವು ಆತ್ಂಡ್. ಕಟ್ವಾನದ ಮಾಲಿಕೆರ್, ಆಹಾರ ಉತ್ಪನ್ನದ ಕಂಪೆನಿದ ಇಂದ್ರಪಾಲ್ ಪಾಟೀಲ್ ಮೆರೆನ್ ಘಟನೆಗ್ ಸಂಬಂಧ ಪಟ್ಟಿನಂಚೆನೆ ಪೋಲಿಸೆರ್ ಅರೆಸ್ಟ್ ಮಲ್ದೆರ್.

ಭಿವಂಡಿ ತಹಸೀಲ್ದಾರ್ ಆದಿಕ್ ಪಾಟೀಲ್ ಈ ಬಗೆಟ್ ಪೊಲಬು ಕೊರ್ದು, ನೆಲ ಬೊಕ್ಕ ಸುರುತ್ತ ಮಾಳಿಗೆಡ್ ಗೋದಾಮುಲು ಬೊಕ್ಕ ಮಿತ್ತ್ ದ ಮಾಳಿಗೆಡ್ ನಾಲ್ ಕುಟುಂಬಲು ವಾಸ ಇತ್ಂಡ್. ಮುಲ್ಪ ಒರನೇ ಕಟ್ವಾನ ಬೂರ್ದುಂದು. ಕೂಡ್ಲೆ ಜಾಗೆಗ್ ಬತ್ತಿನ ರಾಷ್ಟ್ರೀಯ ವಿಪತ್ತ್ ನಿರ್ವಹಣಾ ಪಡೆ ಕಟ್ವಾನದಡಿಟ್ಟ್ ತಿಕ್ ದ್ ತೀರ್ ಪೋಯಿನಕ್ಲೆನ್ ಬೊಕ್ಕ ಪೆಟ್ಟಾಯಿನಕ್ಲೆನ್ ಪಿದಯಿ ದೈದೆರ್ ಪಂದ್ ತೆರಿದ್ ಬೈದ್ಂಡ್.

ಘಟನೆದ ಜಾಗೆಗ್ ಮಹಾರಾಷ್ಟ್ರ ಮುಖ್ಯಮಂತ್ರಿ ಏಕನಾಥ್ ಶಿಂಧೆ ಮೇರ್ ಭೇಟಿ ಕೊರಿಯೆರ್. ಬೊಕ್ಕ ಆಸ್ಪತ್ರೆಡ್ ಚಿಕಿತ್ಸೆ ಪಡೆವೊಂದು ಇಪ್ಪುನ ಪೆಟ್ಟಾಯಿನಕ್ಲೆನ್ ಭೇಟಿ ಮಲ್ತ್ ದ್ ಸಾಂತ್ವನ ಪಂಡೆರ್.

A two storied building collapses leaving 8 persons dead

The incident was reported from Bhiwandi in Maharashtra.Many persons were injured in the incident.The building was very old and the owner of the building was arrested in connection with the incident.

Commercial gas LPG rate reduced by rupees 171.50. ವಾಣಿಜ್ಯ ಗ್ಯಾಸ್ ರೇಟ್ 171.50 ರೂ. ಕಮ್ಮಿ

ಡೆಲ್ಲಿ: ತೈಲ ಮಾರ್ಕೆಟ್ ಕಂಪೆನಿದಕುಲು ಸೋಮಾರ (ಮೇ 1) ವಾಣಿಜ್ಯ ಎಲ್ಪಿಜಿ ಸಿಲಿಂಡರ್ ಬಿಲೆನ್ ಕಮ್ಮಿ ಮಲ್ದೆರ್.

ಸಿಲಿಂಡರ್ ಬಿಲೆ ಒಂಜೇ ಸರ್ತಿಗ್ 171.50 ರೂ. ಕಮ್ಮಿ ಆತ್ಂಡ್.

ಮಾರ್ಚ್‌ಡ್ ವಾಣಿಜ್ಯ ಗ್ಯಾಸ್ ಸಿಲಿಂಡರ್ ಬಿಲೆ 350 ರೂ.ರ್ದ್ ಎಚ್ಚಾದಿತ್ತ್ಂಡ್.

ಆಂಡ, 14.2 ಕೆಜಿ ಗೃಹಬಳಕೆದ ಅಡಿಗೆ ಅನಿಲದ ಬಿಲೆಟ್ಟ್ ಒವ್ವೇ ಬದಲಾವಣೆ ಇಜ್ಜಿ. ತೈಲ ಕಂಪನಿಲು ತನ್ನ ವೆಬ್‌ಸೈಟ್‌ಡ್ ಪೊಸ ಬಿಲೆನ್ ಪಾಡ್ದ್ಂಡ್.

Commercial gas LPG rate reduced by rupees 171.50.

Delhi: The rate of LPG cylinder has been reduced by rupees 171.50 by the oil companies.

The rate of 14.2 kg consumer cylinder used for household cooking has not been changed.

” Yoga Suyoga ” series program to be aired Radio Manipal ರೇಡಿಯೊ ಮಣಿಪಾಲ್ ಡ್ ಯೋಗ ಸುಯೋಗ ಸರಣಿ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಯೋಗ ಸುಯೋಗ ಸರಣಿ ಲೇಸ್ ದ 5ನೇ ಸಂಚಿಕೆ ಮೇ1 ಸೋಮಾರ ಬಯ್ಯಗ್ 4.15ಕ್ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಒಡಿಪು ಚಿಟ್ಪಾಡಿದ ಶ್ರೀ ಗುರುಕೃಪಾ ಯೋಗ ವಿದ್ಯಾ ಪ್ರತಿಷ್ಠಾನಡ್ ಯೋಗ ಶಿಕ್ಷಕೆರಾಯಿನ ಆರ್ ಶಿವಕುಮಾರ್ ಪಾಲ್ ಪಡೆಯೆರೆ ಉಲ್ಲೆರ್. ನನ ಮೇ2 ಕ್ಕ್ ಮಧ್ಯಾಹ್ನ 12.15ಕ್ಕ್ ಕುಡೊರ ಪ್ರಸಾರ ಆಪುಂಡು.