Tulu News

May 17 th – 22 nd: Brahmakalasha festival at Shri Somanatheswara temple , Bailangadi ಮೇ17-22: ಬೈಲಂಗಡಿ ಶ್ರೀ ಸೋಮನಾಥೇಶ್ವರ ದೇವಲ್ಯಡ್ ಬ್ರಹ್ಮಕಲಶ ಉಚ್ಚಯ

ಬೊಲ್ತೇರ್: ಬೈಲಂಗಡಿ ಶ್ರೀ ಸೋಮನಾಥೇಶ್ವರ ದೇವಲ್ಯಡ್ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಮೇ17-22 ಮುಟ್ಟ ನಡಪರೆ ಉಂಡು.

ಡಾ.ಡಿ ವೀರೇಂದ್ರ ಹೆಗ್ಗಡೆ ಮೆರೆನ ಆಶೀರ್ವಾದದೊಟ್ಟಿಗೆ, ಪ್ರೊ.ಎಸ್ ಪ್ರಭಾಕರ್ ಮೆರೆನ ಗೌರವಾಧ್ಯಕ್ಷತೆಡ್, ನೀಲೇಶ್ವರ ಆಲಂಬಾಡಿ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್ ನಡಪರೆ ಉಂಡು.

ಮೇ17 ಬುಧಾರ ಬೊಲ್ಪುಗು ಬ್ರಹ್ಮಕಲಶ ಉಚ್ಚಯ ಕಚೇರಿ ಉದಿಪನ, ಉಗ್ರಾಣ ಉದಿಪನ, ಪುದೆಕಾಣಿಕೆ ಮೆರವಣಿಗೆ, ಪುದೆ ಕಾಣಿಕೆ ಸಮರ್ಪಣೆ, ಮಧ್ಯಾಹ್ನ ಅನ್ನಚತ್ರ ಉದಿಪನ, ಪಲ್ಲಪೂಜೆ ನಡಪರೆ ಉಂಡು.

ಮೇ18 ಗುರುವಾರ ಬೊಲ್ಪುಗು ಗಣಪತಿ ಹೋಮ, ಕಲಶಪೂಜೆ, ಕಲಶಾಭಿಷೇಕ, ಹೋಮಕಲಶಾಭಿಷೇಕ, ಮಹಾಪೂಜೆ, ಮಧ್ಯಾಹ್ನ ಭಜನೆ ಲೇಸ್ ದ ಉದಿಪನ, ಮಹಾಪೂಜೆ ರಾತ್ರೆ ಧಾರ್ಮಿಕ ಸಭೆ, ಬೊಕ್ಕ ಊರುದ ಪ್ರತಿಭೆಲೆರ್ದ್ ಸಾಂಸ್ಕೃತಿಕ ವೈಭವ, ಅವೆರ್ದ್ ಬೊಕ್ಕ ಶಬರಿ ಕಲಾವಿದೆರ್ ತೋಟತ್ತಾಡಿ ಅಭಿನಯದ ಆಲ್ ಎನ್ನಾಲ್ ನಾಟಕ ನಡಪರೆ ಉಂಡು.

ಮೇ19 ಸುಕ್ರಾರ ಬೊಲ್ಪುಗು ಗಣಪತಿ ಹೋಮ, ಶಾಂತಿಹೋಮ, ಕಲಶಪೂಜೆ, ಭಜನೆ ಮಧ್ಯಾಹ್ನ ಮಹಾಪೂಜೆ, ಪಲ್ಲಪೂಜೆ ಬಯ್ಯಗ್ ತ್ರಿಕಾಲಪೂಜೆ, ರಾತ್ರೆಪೂಜೆ ಬೊಕ್ಕ ಸುರೇಶ್ ಎಮ್ ಎನ್ ಬೆಂದ್ರಾಳ ಬೊಕ್ಕ ಕೂಟದಕ್ಲೆರ್ದ್ ಭಕ್ತಿ ರಸಮಂಜರಿ, ರಾತ್ರೆ, ಧಾರ್ಮಿಕ ಸಭೆ, ಬೊಕ್ಕ ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನದ ಶಿವದೂತೆ ಗುಳಿಗೆ ನಾಟಕ ನಡಪರೆ ಉಂಡು.

ಮೇ20 ಸನಿಯಾರ ಬೊಲ್ಪುಗು ಗಣಪತಿ ಹೋಮ, ಭಜನೆ ಮಧ್ಯಾಹ್ನ ಮಹಾಪೂಜೆ, ಪಲ್ಲಪೂಜೆ, ಬಯ್ಯಗ್ ಕಲಶಪೂಜೆ, ಬೊಕ್ಕ ಸಾಯಿ ನೃತ್ಯಾಲಯ ಬೆಂದ್ರಾಳ ಮೊಕ್ಲೆರ್ದ್ ನೃತ್ಯ ವೈವಿಧ್ಯ, ನಯನಾ ಸತ್ಯನಾರಾಯಣ ಮೊಕ್ಲೆನ ಶಿಷ್ಯೆರೆರ್ದ್ ನೃತ್ಯಾಂಜಲಿ ರಾತ್ರೆ ಧಾರ್ಮಿಕ ಸಭೆ ಆದ್ ಪುತ್ತೂರ್ ಜಗದೀಶ್ ಆಚಾರ್ಯ ಬೊಕ್ಕ ಕೂಟದಕ್ಲೆರ್ದ್ ಸಂಗೀತ ಗಾನ ಸಂಭ್ರಮ ನಡಪರೆ ಉಂಡು.

ಮೇ21 ಐತಾರ ಬೊಲ್ಪುಗು ಗಣಪತಿ ಹೋಮ, ಜೀವಕಲಶ, ಬ್ರಹ್ಮಕಲಶ ಪೂಜೆ, ಭಜನೆ, ಮಧ್ಯಾಹ್ನ ಮಹಾಪೂಜೆ, ಪಲ್ಲಪೂಜೆ, ಶ್ರೀ ವಿಷ್ಣು ಕಲಾವಿದೆರ್ ಮದ್ದಡ್ಕ ಮೊಕ್ಲೆರ್ದ್ ಚಿಲ್ಲರೆ ಕಾಸ್ ದಾಯೆ ನಾಟಕ, ಬಯ್ಯಗ್ ಕಲಶಾಭಿಷೇಕ, ಮಂಡಲಪೂಜೆ ಬೊಕ್ಕ ಶ್ರೀದೇವಿ ಸಚಿನ್ ಬೊಕ್ಕ ಕೂಟದಕ್ಲೆರ್ದ್, ನಿನಾದ ಕ್ಲಾಸಿಕಲ್ ಅರ್ಪಣೆ ಮಲ್ಪುನ ದಾಸವಾಣಿ ಬೊಕ್ಕ ಸುಗಮ ಸಂಗೀತ, ರಾತ್ರೆ ಧಾರ್ಮಿಕ ಸಭೆ, ಬೊಕ್ಕ ಕೀರ್ತನಾ ಕಲಾ ತಂಡ ಮುಂಡಾಜೆ ಮೊಕ್ಲೆರ್ದ್ ಬೈಲಂಗಡಿ ಶ್ರೀ ಸೋಮನಾಥೇಶ್ವರ ಕ್ಷೇತ್ರ ಮಹಾತ್ಮೆ ಆಟ ನಡಪರೆ ಉಂಡು.

ಮೇ22 ಸೋಮಾರ ಬೊಲ್ಪುಗು ಗಣಪತಿ ಹೋಮ, ಶ್ರೀ ಸೋಮನಾಥೇಶ್ವರ ದೇವೆರೆನ ಪ್ರತಿಷ್ಠೆ, ಪರಿವಾರ ದೇವೆರೆನ ಪ್ರತಿಷ್ಠೆ, ಭಜನೆ, ಮಧ್ಯಾಹ್ನ ಮಹಾಪೂಜೆ, ಪಲ್ಲಪೂಜೆ, ಬೊಕ್ಕ ಡ್ರೀಮ್ ಸಿಂಗರ್ಸ್ ಮೆಲೋಡಿಸ್ ಬೈಲಂಗಡಿ ಮೊಕ್ಲೆರ್ದ್ ಭಾವಗೀತೆ, ಜನಪದಗೀತೆ, ಭಕ್ತಿಗೀತೆ, ಬಯ್ಯಗ್ ಸಂತೋಷ್ ಕಾರ್ಲ ಕೂಟದಕ್ಲೆರ್ದ್ ಕೊಳಲು ಬೊಕ್ಕ ನಾದಸ್ವರ ಲೇಸ್, ರಾತ್ರೆ ಧಾರ್ಮಿಕ ಸಭೆ, ಬಪ್ಪನಾಡ್ ಮೇಳದಕ್ಲೆರ್ದ್ ಭಂಡಾರ ಚಾವಡಿ ಆಟ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಬಾಲಕೃಷ್ಣ ಗೌಡ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಹರೀಶ್ ಪೂಂಜ, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಕಮಲಾಕ್ಷ ಪೂಜಾರಿ, ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

18 persons die at an accident in Nayarit state of Mexico ಮೆಕ್ಸಿಕೋದ ನಯರಿತ್ ರಾಜ್ಯಡ್ ಆಕ್ಸಿಡೆಂಟ್ ಆದ್ 18 ಜನ ತೀರ್ ಪೋಯೆರ್

ಮೆಕ್ಸಿಕೋದ ನಯರಿತ್ ರಾಜ್ಯಡ್ ನಡತಿನ ಮಾರ್ಗ ಆಕ್ಸಿಡೆಂಟ್ ಡ್ 18 ಜನ ತೀರ್ ಪೋಯೆರ್.

ಬಸ್ ತ್ತ ಅಕಲ್ ತತ್ತ್ ದ್ ಗುಂಡಿಗ್ ಬೂರ್ದುಂಡು ಪಂದ್ ತೆರಿದ್ ಬೈದ್ಂಡ್. ತೀರ್ ಪೋಯಿನಕ್ಲೆಟ್ಟ್ 11 ಜನ ಪೊಂಜೋವ್ ನಕುಲು ಉಲ್ಲೆರ್. 33 ಜನಕ್ಕ್ ಮಸ್ತ್ ಪೆಟ್ಟಾದ್ ಆಸ್ವತ್ರೆಗ್ ದಾಖಲ್ ಆತೆರ್. ಪೆಟ್ಟಾಯಿನಕ್ಲೆಟ್ಟ್ 11 ಜನ ಎಲ್ಯ ಅಕುಲು ಇತ್ತೆರ್ ಪಂದ್ ಪೊಲೀಸೆರ್ ತೆರಿಪಾದೆರ್.

SBI calls for vacancies in 217 posts SBI ಬ್ಯಾಂಕ್ ಡ್ 217 ಬೇಲೆ

SBI ಡ್ ಖಾಲಿ ಇಪ್ಪುನ 217 ಸ್ಪೆಷಲಿಸ್ಟ್ ಆಫೀಸರ್ ಬೇಲೆಗ್ ಅರ್ಹ ಬೊಕ್ಕ ಆಸಕ್ತ ಅಭ್ಯರ್ಥಿಲು ವೆಬ್ ಸೈಟ್ sbi.co.in ಗ್ ಭೇಟಿ ಕೊರ್ದು ಅರ್ಜಿ ಸಂದಾವೊಲಿ.

ಎ.29 ರ್ದ್ ಅರ್ಜಿ ಸಂದಾಯೆರೆ ಸುರು ಆಪುಂಡು. ಮೇ19 ಕ್ಕ್ ಅಕೇರಿದ ದಿನ ಆತ್ಂಡ್. ಆಯ್ಕೆ ಪ್ರಕ್ರಿಯೆ ಸಂದರ್ಶನ ಬೊಕ್ಕ ದಾಖಲೆ ಪರಿಶೀಲನೆದ ಆಧಾರದ ಮಿತ್ತ್ ಇಪ್ಪುಂಡು. ಅರ್ಜಿ ಪಾಡಿಯೆರ್ ಅಭ್ಯರ್ಥಿಲು 750 ರೂ. ಫೀಸ್ ಕಟ್ಟೊಡು. ಮೀಸಲಾತಿ ವರ್ಗದ ಅಭ್ಯರ್ಥಿಲೆಗ್ ಫೀಸ್ ರ್ದ್ ವಿನಾಯಿತಿ ಕೊರ್ತುಂಡು.

SBI calls for vacancies in 217 posts

SBI has called for vacancies in217 posts of Specialist Officers from eligible candidates. For further information log on to: sbi.com.in

“If Inayat Ali wins will conduct Yakshagana Seva!!” ಇನಾಯತ್‌ ಅಲಿ ಗೆಂದ್ಂಡ ಯಕ್ಷಗಾನ ಸೇವೆ!

ಸುರತ್ಕಲ್: ಈ ಸರ್ತಿದ ವೋಟುಡು ಮಂಗಳೂರು ಉತ್ತರ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಇನಾಯತ್ ಅಲಿ ಗೆಂದ್ಂಡ ಆರೆನ ಪುದರ್ ಡ್ ಯಕ್ಷಗಾನ ಸೇವೆ ಕೊರ್ಪೆ ಪಂದ್ ಕಾಂಗ್ರೆಸ್ ಕಾರ್ಯಕರ್ತೆರ್, ಯಕ್ಷಗಾನ ಪ್ರಸಂಗಕರ್ತೆರ್ ಬೋಂದೆಲ್ ಕೃಷ್ಣನಗರ ನಿವಾಸಿ ಶ್ರೀನಿವಾಸ್ ಸಾಲಿಯಾನ್ ಪಂಡೆರ್.

ಬೋಂದೆಲ್ ಕೃಷ್ಣಾನಗರಡ್ ಕಾರ್ಯಕರ್ತೆರೆನ ಸಭೆಟ್ಟ್ ಈ ಇಸಯ ಪ್ರಸ್ತಾಪ ಮಲ್ತಿನ ಮೇರ್, ಇನಾಯತ್ ಅಲಿ ಮೇರ್ ಪುನೀತ್ ರಾಜ್ ಕುಮಾರ್ ನಂಚಿನ ನಿಷ್ಕಲ್ಮಶ ಉಡಲ್ ಇಪ್ಪುನ ಸಮಾಜ ಸೇವಕೆ. ಏಪಲ ಬಡವೆರೆಗ್, ಸಂಕಷ್ಟಡ್ ಇತ್ತಿನಕ್ಲೆಗ್ ದಾನ ಮಲ್ತಿನೆನ್ ಪನೊಂದು ಬತ್ತಿನಾರ್ ಅತ್ತ್. ಮೇರ್ ಈ ಸರ್ತಿ ಕುಡ್ಲ ಉತ್ತರ ಕ್ಷೇತ್ರಡ್ ಗೆಂದುನು ಖಂಡಿತ. ಮೇರ್ ಗೆಂದ್ಂಡ ಮೆರೆನ ಪುದರ್ ಡ್ ಯಕ್ಷಗಾನ ಸೇವೆದಾಟ ಗೊಬ್ಬಾವುನ ಸಂಕಲ್ಪ ಮಲ್ದೆ ಪಂದ್ ಪಂಡೆರ್.

ಇನಾಯತ್ ಅಲಿ ಗೆಂದ್ಂಡ ಸುಂಕದಕಟ್ಟೆ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರಿ ಮೇಳರ್ದ್ ಕೃಷ್ಣನಗರಡ್ ಗೌಜಿಡ್ ಯಕ್ಷಗಾನ ಸೇವೆ ನಡಪಾವೆ ಪಂದ್ ಪಂಡಿನ ಮೇರ್ ಬಜ್ಜೆದ ಅಂಬಿಕಾ ಅನ್ನಪೂರ್ಣೇಶ್ವರಿ ಅನುಗ್ರಹರ್ದ್ ಇನಾಯತ್ ಅಲಿ ಗೆಂದುವೆರ್ ಪನ್ಪುನ ವಿಶ್ವಾಸ ಎಂಕ್ ಉಂಡು ಪಂದ್ ಪಂಡೆರ್.

“If Inayat Ali wins will conduct Yakshagana Seva !! “

Suratkal: ” Will conduct a Yakshagana Seva if Inayat Ali from the Congress wins Mangalore North constituency ” said Congress worker and Yakshagana artist Srinivas Salian. He was speaking at a Congress workers meeting at Krishna nagar, Bondel.

Road Show at Mangalore by Home minister Amit Shah ಕುಡ್ಲಡ್ ಕೇಂದ್ರ ಗೃಹ ಸಚಿವೆರ್ ಅಮಿತ್ ಷಾ ರೋಡ್ ಶೋ

ಕುಡ್ಲ: ಕೇಂದ್ರ ಗೃಹ ಸಚಿವೆರ್ ಅಮಿತ್ ಷಾ ಮೇರ್ ಎ.29 ಕ್ಕ್ ಬಯ್ಯಗ್ ಕುಡ್ಲಡ್ ದಕ್ಷಿಣ ಶಾಸಕೆರ್, ಬಿಜೆಪಿ ಅಭ್ಯರ್ಥಿ ವೇದವ್ಯಾಸ್ ಕಾಮತ್ ಪರ ಮಲ್ಲ ರೋಡ್‌ ಶೋ ಮಲ್ತೆರ್.

ಪೇಂಟೆದ ಕ್ಲಾಕ್‌ಟವರ್‌ ರ್ದ್ ಸುರು ಆಯಿನ ಅಮಿತ್ ಷಾ ಮೆರೆನ ರೋಡ್‌ ಶೋ ಹಂಪನಕಟ್ಟೆ ಸಿಗ್ನಲ್, ಕೆ.ಎಸ್.ರಾವ್ ರಸ್ತೆ ಮುಖೇನ ಸಿಟಿ ಪಾಯಿಂಟ್‌ದ ಗೋವಿಂದ ಪೈ ವೃತ್ತ ಮುಟ್ಟ ನಡತ್ಂಡ್.

ಈ ಪೊರ್ತುಡು ರೋಡ್‌ಶೋಡ್ ಅಮಿತ್ ಷಾ ನೊಟ್ಟಿಗೆ ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್, ಅಭ್ಯರ್ಥಿ ವೇದವ್ಯಾಸ್ ಕಾಮತ್, ವಿಧಾನ ಪರಿಷತ್ ಸದಸ್ಯೆರ್ ಪ್ರತಾಪ್‌ಸಿಂಹ ನಾಯಕ್ ಬೊಕ್ಕ ಬಿಜೆಪಿ ಜಿಲ್ಲಾಧ್ಯಕ್ಷೆರ್ ಸುದರ್ಶನ್ ಬೆದ್ರ ಇತ್ತೆರ್.

May 5 th-9 th: Shri Ardhanarishwara temple, Indabettu-annual Jatra and Pratishtha celebration ಮೇ5-9: ಇಂದಬೆಟ್ಟು ಶ್ರೀ ಅರ್ಧನಾರೀಶ್ವರ ದೇವಲ್ಯಡ್ ದೇವನಾರಿ ವರ್ಷಾಧಿದ ಜಾತ್ರೆ, ಪ್ರತಿಷ್ಠೆ ಉಚ್ಚಯ

ಬೊಲ್ತೇರ್: ಇಂದಬೆಟ್ಟು ಶ್ರೀ ಅರ್ಧನಾರೀಶ್ವರ ದೇವಲ್ಯಡ್ ದೇವನಾರಿ ವರ್ಷಾಧಿದ ಜಾತ್ರೆ ಬೊಕ್ಕ ಪ್ರತಿಷ್ಠೆ ಉಚ್ಚಯ ಮೇ5-9 ಮುಟ್ಟ ನಡಪರೆ ಉಂಡು.

ಈ ಲೇಸ್ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್, ಉಜಿರೆ ಜನಾರ್ದನ ಸ್ವಾಮಿ ದೇವಲ್ಯದ ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಶರತ್ ಕೃಷ್ಣ ಪಡ್ವೆಟ್ನಾಯ ಮೆರೆನ ಮಾರ್ಗದರ್ಶನಡ್ ನಡಪರೆ ಉಂಡು.

ಮೇ5 ಸುಕ್ರಾರ ಬೊಲ್ಪುಗು ಶಿವ ಸಹಸ್ರನಾಮ ಪಠಣ, ಬಯ್ಯಗ್ ಪುದೆಕಾಣಿಕೆ ಸಮರ್ಪಣೆ, ತಂತ್ರಿಲು ಬರಿಯೆರೆ, ಪ್ರಾರ್ತನೆ, ತೋರಣ ಮೂರ್ತ, ಕೊಡಿ ಏರುಂಡು.

ಮೇ6 ಸನಿಯಾರ ಬೊಲ್ಪುಗು ಗಣಪತಿ ದೇವೆರೆನ ಹೋಮ, ಉಚ್ಚಯ ಬಲಿ, ಮಧ್ಯಾಹ್ನ ಮಹಾಪೂಜೆ ಬಯ್ಯಗ್ ಭಜನೆ, ರಾತ್ರೆ ಬಲಿ ಪಿದಾಡ್ ದ್ ವಸಂತಕಟ್ಟೆ ಪೂಜೆ, ಮಹಾಪೂಜೆ, ನಿತ್ಯಬಲಿ ನಡಪರೆ ಉಂಡು.

ಮೇ7 ಐತಾರ ಬೊಲ್ಪುಗು ಸೊಡರ ಬಲಿ, ತಂಬಿಲ ಆಶ್ಲೇಷಾ ಬಲಿ, ಮಹಾಪೂಜೆ, ಬಯ್ಯಗ್ ಭಜನೆ, ರಾತ್ರೆ ರಂಗಪೂಜೆ, ಬೊಕ್ಕ ವಿಠಲ ನಾಯಕ್ ಕಲ್ಲಡ್ಕ ಮೆರೆರ್ದ್ ಗೀತಾ ಸಾಹಿತ್ಯ ಸಂಭ್ರಮ, ಉಚ್ಚಯ, ಕೆರೆಕಟ್ಟೆ ಪೂಜೆ, ಮಹಾಪೂಜೆ, ನಿತ್ಯಬಲಿ ನಡಪರೆ ಉಂಡು.

ಮೇ8 ಸೋಮಾರ ಬೊಲ್ಪುಗು ಮಹಾಭಿಷೇಕಗ್ ಮಂಜುಕುಂಡರ್ದ್ ಕುಂಭಜಲ ಕನಯೆರೆ, ದರ್ಶನ ಬಲಿ, ಬಟ್ಟಲ್ ಕಾಣಿಕೆ ಪ್ರತಿಷ್ಠೆ ಉಚ್ಚಯ, ಮಧ್ಯಾಹ್ನ ಮಹಾಪೂಜೆ, ಬಯ್ಯಗ್ ಭಜನೆ, ದೋಸೆ ಪರ್ಬ, ರಾತ್ರೆ ಉಚ್ಚಯ ಪಿದಡ್ ದ್ ರಥಕಟ್ಟೆ ಪೂಜೆ, ಬಲಿ ಉಚ್ಚಯ ಮಹಾಪೂಜೆ, ಬೆಡಿಮರ್ದ್ ಪ್ರದರ್ಶನ ನಡಪರೆ ಉಂಡು.

ಮೇ9 ಅಂಗಾರೆ ಬೊಲ್ಪುಗು ಕವಾಟ ಉದಿಪನ, ಕಲಶಾಭಿಷೇಕ, ಮಹಾಪೂಜೆ, ಕೊಡಿ ಜವೆರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಯಂ‌. ಸಂಜೀವ ಗೌಡ, ಸದಸ್ಯೆರ್ ಬೊಕ್ಕ ಜಾತ್ರೆ ಉಚ್ಚಯದ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

“Janajagrithi Vedike” meeting for Madantyar zone ಮಡಂತ್ಯಾರ್ ವಲಯದ ಜನಜಾಗೃತಿ ವೇದಿಕೆದ ವಲಯ ಸಭೆ

ಮಡಂತ್ಯಾರ್ ವಲಯದ ಜನಜಾಗೃತಿ ವೇದಿಕೆದ ವಲಯ ಸಭೆ ಮಡಂತ್ಯಾರ್ ಗಣಪತಿ ಮಂಟಪದ ಚಾವಡಿಡ್ ನಡತ್ಂಡ್.

ಬೊಕ್ಕ ವಲಯ ಅಧ್ಯಕ್ಷೆರೆನ ಆಯ್ಕೆ ಪ್ರಕ್ರಿಯೆ, ತಾಲೂಕ್ ವೇದಿಕೆ ಸದಸ್ಯೆರೆನ ಆಯ್ಕೆ ಮಲ್ತೆರ್. ಬೊಕ್ಕ ಜನಜಾಗೃತಿ ಮುಖೇನ ಆಯೋಜನೆ ಮಲ್ಪುನ ಲೇಸ್ ದ ಬಗೆಟ್ ಚರ್ಚೆ ನಡತ್ಂಡ್.

ಈ ಪೊರ್ತುಡು ವಲಯದ ಜನಜಾಗೃತಿ ಅಧ್ಯಕ್ಷೆರ್ ಅಬ್ದುಲ್ ರಹಿಮನ್ ಪಡ್ಪು, ತಾಲೂಕ್ ಜನಜಾಗೃತಿ ವೇದಿಕೆದ ಸದಸ್ಯೆರ್ ಪುಷ್ಪರಾಜ್ ಜೈನ್, ಪದ್ಮನಾಭ ಸಾಲ್ಯಾನ್, ಪದ್ಮನಾಭ ಅಟಾಲ, ಶಿಬಿರಾಧಿಕಾರಿ ದಿನೇಶ್, ಗ್ರಾಮ ಸಮಿತಿ ಅಧ್ಯಕ್ಷೆರ್, ಒಕ್ಕೂಟದ ಅಧ್ಯಕ್ಷೆರ್, ಬೊಕ್ಕ ನವಜೀವನ ಸಮಿತಿ ಅಧ್ಯಕ್ಷೆರ್ ಇತ್ತೆರ್.

ವಲಯದ ಪೊಸ ಅಧ್ಯಕ್ಷೆರಾದ್ ಪದ್ಮನಾಭ ಸಾಲ್ಯಾನ್, ತಾಲೂಕ್ ವೇದಿಕೆ ಜನಜಾಗೃತಿ ಸಮಿತಿ ಸದಸ್ಯೆರಾದ್ ಕೃಷ್ಣಪ್ಪ ಬೊಕ್ಕ ಪ್ರವೀಣ್ ಶೆಟ್ಟಿ ಆಯ್ಕೆ ಆಯೆರ್.

ಯೋಜನಾಧಿಕಾರಿ ಆಯಿನ ಯಶವಂತ ಎಸ್ ಮೇರ್ ಜನಜಾಗೃತಿ ಲೇಸ್ ದ ಬಗ್ಗೆ ಪೊಲಬು, ಮಾರ್ಗದರ್ಶನ ಕೊರಿಯೆರ್. ಈ ಲೇಸ್ ನ್ ವಲಯ ಮೇಲ್ವಿಚಾರಕೆರ್ ವಸಂತಕುಮಾರ್ ಸುಧಾರಿಕೆ ಮಲ್ತೆರ್. ಪಾರೆಂಕಿ ಗ್ರಾಮದ ಸೇವಾ ಪ್ರತಿನಿಧಿ ಶೋಭಾ ಎದ್ಕೊನಿಯೆರ್. ಕುಕ್ಕಳ ಸೇವಾ ಪ್ರತಿನಿಧಿ ಸತೀಶ್ ಮೇರ್ ಸೊಲ್ಮೆ ಸಂದಾದೆರ್.

Namotsava rituals to Pilichamundi Daiva at Ananteshwara Swami temple, Machina ಮಚ್ಚಿನ ಶ್ರೀ ಅನಂತೇಶ್ವರ ಸ್ವಾಮಿ ದೇವಲ್ಯಡ್ ಪಿಲಿಚಾಮುಂಡಿ ದೈವೊದ ನೇಮ ಉಚ್ಚಯ

ಮಚ್ಚಿನ ಶ್ರೀ ಅನಂತೇಶ್ವರ ಸ್ವಾಮಿ ದೇವಲ್ಯಡ್ ಬಳ್ಳಮಂಜ ಮೇಷ ಜಾತ್ರೆದ ಅಂಗವಾದ್ ಪಿಲಿಚಾಮುಂಡಿ ದೈವೊದ ನೇಮ ಉಚ್ಚಯ ನಡತ್ಂಡ್.

ದೇವಲ್ಯರ್ದ್ ಭಂಡಾರ ಪಿದಾಡ್ ದ್ ಪಿಲಿಚಂಡಿಕಲ್ಲ್ ದೈವೊಲ್ಯಡ್ ಪಿಲಿಚಾಮುಂಡಿ ದೈವೊದ ನೇಮ ನಡತ್ಂಡ್.

ಈ ಲೇಸ್ ಡ್ ದೇವಲ್ಯದ ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಹರ್ಷ ಸಂಪಿಗೆತ್ತಾಯ ಬೊಕ್ಕ ಊರುದ ಭಕ್ತಾದಿಲು ಪಾಲ್ ಪಡೆದಿತ್ತೆರ್.

Namotsava rituals to Pilichamundi Daiva at Ananteshwara Swami temple, Machina

Nemotsava rituals were conducted for Pilichamundi Daiva at Sri Ananteshwara Swami temple, Machina at the time of Jatra celebration.

Hereditary managing trustee Harsh Sampigatya and devotees from the town took part in the rituals.

ಮೇ1: ದೇಲಂಪುರಿ ಶ್ರೀ ಮಹಾದೇವ ಮಹಾಗಣಪತಿ ಸ್ವಾಮಿಗ್ ಬೊಂಡದ ಅಭಿಷೇಕ ಸೇವೆ

ದೇಲಂಪುರಿ ಶ್ರೀ ಮಹಾದೇವ ಮಹಾಗಣಪತಿ ಸ್ವಾಮಿಗ್ ಊರುದ ಮಾತ ಭಕ್ತಾದಿಲೆರ್ದ್ ಬೊಂಡದ ಅಭಿಷೇಕ ಸೇವೆ ಮೇ1 ಸೋಮಾರ ಬೊಲ್ಪುಗು ನಡಪರೆ ಉಂಡು.

ಈ ಲೇಸ್ ಗ್ ಮಾತ ಭಕ್ತಾದಿಲು ಪಾಲ್ ಪಡೆದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಅಂಚೆನೆ ಬೊಂಡನ್ ದೇವಲ್ಯಗ್ ಕನತ್ ಕೊರೊಡು ಪಂದ್ ಬಿನ್ನಾಪು ಮಲ್ದೆರ್.

ಮುಲ್ಕಿ : ಸಮಾಜಸೇವಕೆ ಚಂದ್ರಶೇಖರ ನಾನಿಲ್ ರೆಗ್ ಮಾನಾದಿಗೆ

ಮುಲ್ಕಿ: ಸಮಾಜಸೇವಕೆರ್, ಬಿಲ್ಲವ ಸಮಾಜ ಸೇವಾ ಸಂಘ (ರಿ) ಹಳೆಯಂಗಡಿ ನೆತ್ತ ಅಧ್ಯಕ್ಷೆರ್ ಚಂದ್ರಶೇಖರ ನಾನಿಲ್ ಮೆರೆಗ್ ಅರೆನ ಧರ್ಮಪತ್ನಿ ಜಯಶ್ರೀ ಸಮೇತ ಹೊಸ ಅಂಗಣ ಪತ್ರಿಕೆದ ತಿಂಗಳ ಬೆಳಕು ಮಾನಾದಿಗೆ ಲೇಸ್ ಶನಿವಾರ ನಡತ್ಂಡ್.

ಪುನರೂರು ಸ್ವಾಗತ್ ಹೋಟೆ ಲ್ ದ ಚಾವಡಿಡ್ ನಡತಿನ ಈ ಲೇಸ್ ದ ಗುರ್ಕಾರ್ಮೆ ಒಯಿಸ್ ದಿತ್ತಿನ ಧರ್ಮದರ್ಶಿ ಡಾ. ಹರಿಕೃಷ್ಣ ಪುನರೂರು ಪಾತೆರ್ದ್, ನಮ ಸಂಪಾದನೆ ಮಲ್ತಿನೆಟ್ಟ್ ಒಂಜಿ ಭಾಗೊನು ಸಮಾಜದ ಎಡ್ಡೆಪ್ಪುಗಾದ್ ಕೊರ್ಂಡ ಜೀವನ ಸಾರ್ಥಕ ಆಪುಂಡು. ಸಮಾಜಸೇವೆಡ್ ಚಂದ್ರಶೇಖರ ನಾನಿಲ್ ಮಲ್ಲ ಪುದರ್ ಮಲ್ದಿನಾರ್ ಪಂಡೆರ್.

ಮಾನಾದಿಗೆ ಸ್ವೀಕಾರ ಮಲ್ತ್ ದ್ ಪಾತೆರಿನ ಚಂದ್ರಶೇಖರ ನಾನಿಲ್ , ನಮ ಸಮಾಜೊನು ಪ್ರೀತಿ ಮಲ್ತ್ಂಡ ಸಮಾಜ ನಮನ್ ಪ್ರೀತಿ ಮಲ್ಪುಂಡು. ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಬತ್ತಿನಪಗ ಮಸ್ತ್ ಕಡೆಟ್ಟ್ ಎನನ್ ಮಾನಾದಿಗೆ ಮಲ್ಪುನಗ ಈ ಸಂಗತಿ ಎಂಕ್ ತೆರಿದ್ ಬೈದ್ಂಡ್. ಮಾತೆರ್ಲ ಸಮಾಜದ ಎಡ್ಡೆಪ್ಪುಗಾದ್ ಬೇಲೆ ಮಲ್ಪೊಡು ಪಂಡೆರ್.

ಬಿನ್ನೆರಾದ್ ಸಮಾಜಸೇವಕೆರ್ ಶೇಖರ್ ಕೊಳಚಿಕಂಬಳ, ರೋಟರಿ ಕ್ಲಬ್ ಒತ್ತು ಗವರ್ನರ್ ಎಂ.ನಾರಾಯಣ್ ಮಿತ್ತರ್ಮೆಡ್ ಇತ್ತೆರ್.

ವಾಸು ಪೂಜಾರಿ ಚಿತ್ರಾಪು ದೇವೆರೆನ್ ಸುಗಿತೆರ್. ಹೊಸ ಅಂಗಣ ಸಂಪಾದಕೆರ್ ಡಾ.ಹರಿಶ್ಚಂದ್ರ ಸಾಲ್ಯಾನ್ ಸ್ವಾಗತ ಮಲ್ತೆರ್. ವಿಜಯಕುಮಾರ್ ಕುಬೆವೂರು ಮಾನಾದಿಗೆ ಪತ್ರ ಓದಿಯೆರ್. ರವಿಚಂದ್ರ ಸಭೆ ಸುಧಾರಿಕೆ ಮಲ್ತೆರ್. ವಾಮನ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದಾಯೆರ್.