ಸುರತ್ಕಲ್: ಶ್ರೀ ಕೊಡಮಣಿತ್ತಾಯ ಕ್ಷೇತ್ರ ಶಿಬರೂರುಡು ನಡಪುನ ಬ್ರಹ್ಮಕುಂಭಾಭಿಷೇಕ ಬೊಕ್ಕ ನಾಗಮಂಡಲ ಸೇವೆ, ಜಾತ್ರೆದ ಲೆಕ್ಕೊಡು ಎ.3 ಬುದಾರ ಬೊಲ್ಪುಗು ದೊಂಪದ ಮೂರ್ತ ನಡಪರೆ ಉಂಡು.
ಈ ಲೇಸ್ ಶ್ರೀ ಕ್ಷೇತ್ರದ ತಂತ್ರಿಲಾಯಿನ ಬ್ರಹ್ಮಶ್ರೀ ಶಿಬರೂರು ವೇದವ್ಯಾಸ ತಂತ್ರಿಲೆನ ಆಚಾರ್ಯತ್ವಡ್, ಹಿರಿಯ ಧಾರ್ಮಿಕ ಮುಂದಾಳು ಶೆಡ್ಡೆ ಮಂಜುನಾಥ ಭಂಡಾರಿಲೆರ್ದ್ ನಡಪರೆ ಉಂಡು.
ಈ ಲೇಸ್ ಡ್ ಭಕ್ತೆರ್ ಮಾತೆರ್ಲಾ ಎಚ್ಚದ ಸಂಖ್ಯೆಡ್ ಪಾಲ್ ಪಡೆವೊಡು ಪಂದ್ ಶ್ರೀ ಕ್ಷೇತ್ರದ ಪ್ರಕಟಣೆ ತೆರಿಪಾದ್ಂಡ್.
ಕರ್ನಾಟಕ ಕುಸ್ತಿ ಸಂಘದ ಗುರ್ಕಾಲ್ ಅಯಿನ ಬಿ.ಗುಣರಂಜನ್ ಶೆಟ್ಟಿ ಮೆರೆನ್ ಭಾರತೀಯ ಬೀಚ್ ಕುಸ್ತಿ ಸಂಘದ ಗುರ್ಕಾಲ್ ಆದ್ ಆಯ್ಕೆ ಮಂತೆರ್. ನೋಯ್ಡ್ ಡ್ ಇಂಚಪ್ಪ ನಡೆತಿನ ಭಾರತೀಯ ಕುಸ್ತಿ ಸಂಘದ ವಿಶೇಷ ಸಾಮಾನ್ಯ ಸಭೆಟ್ ನಿರ್ಣಯ ಆದ್ ಭಾರತೀಯ ಬೀಚ್ ಕುಸ್ತಿ ಸಂಘದ ಗುರ್ಕಾಲ್ ಆದ್ ಆಯ್ಕೆ ಅಯೆರ್.
Bengaluru: Bellippadi Gunaranjan Shetty, president of Karnataka State Wrestling Association Committee has been elected as the President of the All India Beach Wrestling Committee. At the special general body meeting of the committee held in Noida, Uttar Pradesh, he was appointed as the chairman of the All India Beach Wrestling Committee.
B. Gunaranjan Shetty is the son of Dakshina Kannada District’s Nadumogaru Guttu Vittal Shetty and Bellipadi Uramaluguttu Prafulla V.Shetty. He is the brother of Dr.Sai Ramesh Shetty and famous South Indian actress Anushka Shetty. He Belongs to Bellipadi family of Puttur town.
B.Gunaranjan Shetty is a businessman in Bangalore, he is also the founder president of Sri Mahalingeshwara Seva Trust Bangalore, I CARE Brigade, I CARE Foundation, Jayakarnataka Janapara Vedike.
He is the Vice president of Bengaluru Kambala namma Kambala Committee and There is no doubt that he is the reason for the success of Bangalore Kambala.
After he became the president of Karnataka State Wrestling Association Committee he is doing good work in the Committee and For youth who are interested in sports, providing them Training and basic facilities. By doing this, he became the main reason for the victory of the Karnataka Wrestling team.
Times of Kudla team heartily congratulates the B.Gunaranjan Shetty who has spread the name of Tulunadu to the world.
ಲೋಕಸಭಾ ವೋಟುದ ಲೆಕ್ಕೊಡು ಏಪ್ರಿಲ್ 5 ಸುಕ್ರಾರ, ಕಾರ್ಲಡ್ ನಡಪರೆ ಇಪ್ಪುನ ಬೃಹತ್ ಕಾರ್ಯಕರ್ತೆರೆನ ಸಮಾವೇಶಗ್ ಅಟ್ಟಣೆಗಾದ್ ಇನಿ (ಮಾ.30) ಹೆಬ್ರಿ ಶಕ್ತಿಕೇಂದ್ರದ ಕುಚ್ಚುರು ಬೇಳಂಜೆ, ವರಂಗ ಗ್ರಾಮಲೆನ ಕಾರ್ಯಕರ್ತೆರೆನೊಟ್ಟಿಗೆ ಸಭೆ ನಡಪಾಯೆರ್.
ಒಡಿಪು ಚಿಕ್ಕಮಗಳೂರು ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಕೋಟ ಶ್ರೀನಿವಾಸ್ ಪೂಜಾರಿ ಮೇರ್ ಏಪ್ರಿಲ್ 3 ಕ್ಕ್ ಒಡಿಪುಡು ನಾಮಪತ್ರ ಸಂದಾದ್, ಒಡಿಪುದ ಕಡಿಯಾಳಿಡ್ ನಡಪುನ ಬೃಹತ್ ಕಾರ್ಯಕರ್ತೆರೆನ ಸಮಾವೇಶನ್ ಉದ್ದೇಶಿಸಾದ್ ಪಾತೆರುವೆರ್. ಈ ಲೇಸ್ ಡ್ ಸಾರರ್ದ್ ಎಚ್ಚ ಸಂಖ್ಯೆಡ್ ಕಾರ್ಲದ ಕಾರ್ಯಕರ್ತೆರ್ ಪಾಲ್ ಪಡೆಪುನ ದಿಟ್ಟಿಡ್ ಅಗತ್ಯ ವ್ಯವಸ್ಥೆಲೆನ ಬಗೆಟ್ಟ್ ಈ ಸಭೆಟ್ಟ್ ಚರ್ಚೆ ನಡತ್ಂಡ್.
ಮೂಜಿನೇ ಅವಧಿಗ್ ಕುಡೊರ ಮೋದಿನ್ ಅಧಿಕಾರಗ್ ಕನಪುನೆನೇ ನಮ್ಮ ಏಕೈಕ ಉದ್ದೇಶ, ಈ ದಿಟ್ಟಿಡ್ ಮಾತ ಕಾರ್ಯಕರ್ತೆರ್ ಒಟ್ಟಾದ್ ಕಾರ್ಯಪ್ರವೃತ್ತರಾವೊಡು ಪಂದ್ ಬಿಜೆಪಿ ಕ್ಷೇತ್ರಾಧ್ಯಕ್ಷೆರ್ ನವೀನ ನಾಯಕ್ ಕಾರ್ಯಕರ್ತೆರೆಡ ಬಿನ್ನಾಪು ಮಲ್ತೆರ್.
ಸಭೆಟ್ಟ್ ಮಂಡಲ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಸುರೇಶ ಶೆಟ್ಟಿ ಶಿವಪುರ, ಹೆಬ್ರಿ ಶಕ್ತಿಕೇಂದ್ರದ ಅಧ್ಯಕ್ಷೆರ್ ಲಕ್ಷ್ಮಿನಾರಾಯಣ್ ನಾಯಕ್, ಜಿಲ್ಲಾ ಬಿಜೆಪಿ ಯುವ ಮೋರ್ಚಾ ಉಪಾಧ್ಯಕ್ಷೆರ್ ಸುಹಾಸ್ ಶೆಟ್ಟಿ, ಜ್ಯೋತಿ ಹರೀಶ್ ಪಾಲ್ ಪಡೆದಿತ್ತೆರ್.
ಮುಲ್ಕಿ ಸೀಮೆದ ಒರ್ಂಬ ಮಾಗಣೆದ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಜಾತ್ರೆದ ನಿಲೆಟ್ಟ್ ಸನಿಯಾರ ಶ್ರೀ ದೇವೆರೆನ ಪಗೆಲ್ ತೇರ್ ಉಚ್ಚಯ, ಅನ್ನ ಪ್ರಸಾದ ಸೇವೆ ಗೌಜಿಡ್ ನಡತ್ಂಡ್.
ಧಾರ್ಮಿಕ ಲೇಸ್ ದ ಲೆಕ್ಕೊಡು ಕ್ಷೇತ್ರದ ತಂತ್ರಿಲಾಯಿನ ಶಿಬರೂರು ಗೋಪಾಲಕೃಷ್ಣ ತಂತ್ರಿಲು, ಅರ್ಚಕೆರ್ ಶ್ರೀಪತಿ ಉಪಾಧ್ಯಾಯ, ನರಸಿಂಹ ಭಟ್ರೆನ ಮುತಾಲಿಕೆಡ್ ಇಸೇಸ ಪ್ರಾರ್ತನೆ ನಡತ್ ದ್ ಶ್ರೀ ದೇವೆರೆನ ಬಲಿ ಉಚ್ಚಯ, ಪಗೆಲ್ ತೇರ್ ಉಚ್ಚಯ, ಪ್ರಸಾದ ವಿತರಣೆ, ಪಲ್ಲಪೂಜೆ, ಅನ್ನ ಪ್ರಸಾದ ಸೇವೆ ನಡತ್ಂಡ್.
ಈ ಪೊರ್ತುಡು ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ, ಧರ್ಮದರ್ಶಿಲು ಡಾ. ಹರಿಕೃಷ್ಣ ಪುನರೂರು, ಕ್ಷೇತ್ರದ ಅನುವಂಶಿಕ ಮೊಕ್ತೇಸರೆರ್ ದುಗ್ಗಣ್ಣ ಸಾವಂತ ಅರಸೆರ್, ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ಟಿ, ಕಾರ್ಯನಿರ್ವಹಣಾಧಿಕಾರಿ ಜಯಮ್ಮ, ಶಿವಶಂಕರ್, ವೆಂಕಟೇಶ್ ಹೆಬ್ಬಾರ್, ಮುಲ್ಕಿ ಶ್ರೀ ವೆಂಕಟರಮಣ ದೇವಸ್ಥಾನದ ಮೊಕ್ತೇಸರೆರ್ ಅತುಲ್ ಕುಡ್ವ, ದೇವಪ್ರಸಾದ್ ಪುನರೂರು, ಸುಭಾಷ್ ಶೆಟ್ಟಿ, ಸತೀಶ್ ಅಂಚನ್, ಸುನಿಲ್ ಆಳ್ವ, ಮೋಹನ್ ಕೋಟ್ಯಾನ್, ಗೋಪಾಲಕೃಷ್ಣ ಭಟ್, ವಿದ್ವಾನ್ ನಾಗೇಶ್ ಬಪ್ಪನಾಡು ಪಾಲ್ ಪಡೆದಿತ್ತೆರ್.
ಕ್ಷೇತ್ರಡ್ ರಾತ್ರೆ ಮಲ್ಲಿಗೆ ಪ್ರಿಯೆ ಶ್ರೀದೇವಿನ ಶಯನೋಚ್ಚಯ, ಮಾ.31 ಕ್ಕ್ ಮಲ್ಲ ತೇರ್ ಉಚ್ಚಯ ನಡಪರೆ ಉಂಡು.
ಕಾಪು ಪೊಲೀಸ್ ಠಾಣೆದ ಮಹಿಳಾ ಸಿಬ್ಬಂದಿ ಪೊಲೀಸ್ ಕ್ವಾಟ್ರಸ್ಡ್ ಆತ್ಮಹತ್ಯೆ ಮಲ್ದಿನ ಘಟನೆ ಮಾರ್ಚ್ 30ಗ್ ನಡದ್ಂಡ್.
Udupi: A female constable of Kapu police station took her own life within the police quarters on March 30.
Jyoti (29) is a female police personnel who committed suicide. Jyoti was on duty as usual on March 29. She returned to quarters in the evening and committed suicide Saturday morning after her husband left for work.
Authorities, including Kaup Tahsildar Pratibha R and Udupi District Police ASP Siddalimgappa, visited the scene of the incident to assess the situation. However, the exact reason behind Jyoti’s decision to take such a drastic step remains unknown.
Yesterday is gone. Tomorrow has not yet come. We have only today. Let us begin
ಕುಡ್ಲ: ದಕ್ಷಿಣ ಕನ್ನಡ ಲೋಕಸಭೆ ಬಿಜೆಪಿ ಅಭ್ಯರ್ಥಿ ಬ್ರಿಜೇಶ್ ಚೌಟ ಸಾಂಕೇತಿಕವಾದ್ ಕೋಡೆ ನಾಮಪತ್ರ ಸಂದಾದೆರ್. ಏಪ್ರಿಲ್ 4 ಕ್ಕ್ ಅಧಿಕೃತವಾದ್ ನಾಮಪತ್ರ ಸಂದಾಯೆರೆ ಉಲ್ಲೆರ್. ಇನಿ ಸಂದಾಯಿನ ನಾಮಪತ್ರ ಅಫಿಡವಿಟ್ಡ್ ಲಕ್ಷಾಧಿಪತಿ ಪಂದ್ ಘೋಷಣೆ ಮಲ್ದೆರ್.
ಬ್ರಿಜೇಶ್ ಚೌಟ ಆಸ್ತಿ ಪೊಲಬು ಇಂಚ ಉಂಡು:
•ಸ್ಥಿರ ಬೊಕ್ಕ ಚರಾಸ್ತಿ ಒಟ್ಟು ಬಿಲೆ 70,81,365 ಲಕ್ಷ ರೂ.
•ಸ್ಥಿರ ಆಸ್ತಿದ ಒಟ್ಟು ಬಿಲೆ 27,31,365 ಲಕ್ಷ ರೂ.
•ಚರಾಸ್ತಿದ ಒಟ್ಟು ಬಿಲೆ 43,50,000 ಲಕ್ಷ ರೂ.
ಒಟ್ಟು 9,62,010 ರೂ. ದ ಇನ್ನೋವಾ ಕಾರ್ ಗಾದ್ ಸಾಲ ಮಲ್ದೆರ್.
ಬಿಎಸ್ಸಿ ಶಿಕ್ಷಣದೊಟ್ಟಿಗೆ ಐಐಎಂನ್ ಇಂದೋರ್ಡ್ ಬ್ಯುಸಿನೆಸ್ ಮ್ಯಾನೇಜ್ಮೆಂಟ್ ಡಿಫೆನ್ಸ್ ಆಫೀಸರ್ ಸರ್ಟಿಫಿಕೇಟ್ ಕೋರ್ಸ್ ಮಲ್ದೆರ್. ಅವಿವಾಹಿತರಾಯಿನ ಮೇರ್ 42 ವರ್ಷ ಆತ್ಂಡ್.
ಬ್ರಿಜೇಶ್ ಚೌಟ ಏರ್?
ಕುಡ್ಲದ ರಥಬೀದಿಡ್ ಇಪ್ಪುನ ಕ್ಯಾಪ್ಟನ್ ಬೃಜೇಶ್ ಚೌಟ ಕಾಲೇಜ್ ದಿನಟ್ಟ್ ಎನ್ ಸಿಸಿಡ್ ಇತ್ತೆರ್. ಮಂಗಳೂರು ವಿವಿಡ್ ಎಡ್ಡೆ ಕೆಡೆಟ್ ಪನ್ಪುನ ಪುಗರ್ತೆನ್ ಪಡೆದಿತ್ತೆರ್. ಕುಡ್ಲದ ಸೇಂಟ್ ಅಲೋಶಿಯಸ್ ಕಾಲೇಜ್ ಡ್ ವಿಜ್ಞಾನ ಪದವಿನ್ ಪಡೆಯಿನ ಮೇರ್ ಇಂದೋರ್ದ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ಮೆಂಟ್ರ್ದ್ ಆಡಳಿತ ವ್ಯವಹಾರ ನಿರ್ವಹಣೆಡ್ ಸ್ನಾತಕೋತ್ತರ ಪದವಿನ್ ಪಡೆತೆರ್.
ಯುಪಿಎಸ್ಸಿ ಮುಕೇನ ಡಿಫೆನ್ಸ್ ಪರೀಕ್ಷೆ ಬರೆದ್ ಪಾಸಾಯಿನ ಮೇರ್ ಚೆನ್ನೈಡ್ ಆಫೀಸರ್ಸ್ ಟ್ರೈನಿಂಗ್ ಅಕಾಡೆಮಿಡ್ ತರಬೇತಿ ಪಡೆದ್ ಭಾರತೀಯ ಭೂಸೇನೆಗ್ ಸೇರ್ದಿತ್ತೆರ್. ಪುಗರ್ತೆದ ಏಳ್ಮನೇ ಗೋರ್ಖಾ ರೈಫಲ್ಸ್ 7ನೇ ಬೆಟಾಲಿಯನ್ ಡ್ ಉತ್ತರ ಭಾರತ ಬೊಕ್ಕ ಈಶಾನ್ಯ ರಾಜ್ಯಲೆಡ್ ಸೇವೆ ಸಂದಾದ್ ಕ್ಯಾಪ್ಟನ್ ಕೆಲಸನ್ ಸೇರ್ದಿತ್ತೆರ್.
ಮಣಿಪಾಲ: ಸಮುದಾಯ ಬಾನುಲಿ ರೇಡಿಯೊ ಮಣಿಪಾಲ್ ಡ್ ಸಂಗೀತ ಶಿಕ್ಷಕೆರ್ ಕಾವ್ಯಶ್ರೀ ಸೀತಾರಾಮ ಆಚಾರ್ಯ ಕೊಡವೂರು ನಡಪಾದ್ ಕೊರ್ಪುನ ‘ಕಾವ್ಯಗಾನ -ಸಂಗೀತ ಪಾಠ’ ಲೇಸ್ ದ 53ನೇ ಸಂಚಿಕೆ ಮಾ.29 ಸುಕ್ರಾರ ಬಯ್ಯಗ್ 5.30 ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ವಿದ್ಯಾರ್ಥಿನಿಯಾದ್ ಬೇಬಿ ಅನಘ ಪಾಲ್ ಪಡೆಯೆರೆ ಉಲ್ಲೆರ್. ಮಾ.30 ಸನಿಯಾರ ಮಧ್ಯಾಹ್ನ 1.30 ಕ್ಕ್ ಕುಡೊರ ಪ್ರಸಾರ ಆಪುಂಡು.
ಈ ಲೇಸ್ ನ್ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಪ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಡ್ ಸಮಾಜ ಸೇವಾಕಾರ್ಯಡ್ ನಿರಂತರ ಸ್ಪಂದನೆ ಮಲ್ತೊಂದು ಇಪ್ಪುನ ಯುವಶಕ್ತಿ ಸೇವಾಪಥ ತನ್ನ ರಡ್ಡನೇ ವರ್ಷದ ಉಚ್ಚಯನ್ “ಸೇವಾ ಸಂಭ್ರಮ” ಪನ್ಪಿನ ಪೊಸ ಪರಿಕಲ್ಪನೆದ ಮುಕೇನ ಕಟ್ಟದ ಪಡ್ಪು ಅರುಣೋದಯ ಸಭಾಭವನಡ್ ಆಚರಣೆ ಮಲ್ತ್ಂಡ್.
ಸಮಾಜ ಬಂಧುಲೆರ್ದ್ ನಿಧಿ ಸಂಗ್ರಹ ಮಲ್ತ್ ದ್ ಜಿಲ್ಲೆದ ಬೇತೆ ಬೇತೆ ಭಾಗದ ಒಟ್ಟು 11 ಜನ ಅನಾರೋಗ್ಯ ಪೀಡಿತ ಫಲಾನುಭವಿಲೆಗ್ 4 ಲಕ್ಷ ರೂ.ದ ಆರ್ಥಿಕ ಸಹಕಾರ ಕೊರ್ಪುನೆತ್ತ ಮುಕೇನ ಯುವಶಕ್ತಿ ಸೇವಾಪಥದ ಆಶಕ್ತ ಸಮಾಜ ಬೊಕ್ಕ ಅಶಕ್ತ ಸಮಾಜದ ನಡುತ್ತ ಕೊಂಡಿ ಆತೆರ್.
ಯುವಶಕ್ತಿ ರಕ್ತನಿಧಿತ್ತ 10 ಸಾರ ಯುನಿಟ್ ನೆತ್ತೆರ್ ದ ಪೂರೈಕೆದ ಸಾರ್ಥಕತೆನ್ ಈ ಕ್ಷಣ ಕುಸಿ ಪಡೆಯೆರ್. ಹಿಂದೂ ಯುವಸೇನೆದ ಅಂಬ್ಯುಲೆನ್ಸ್ಡ್ ನಿರಂತರ ಸೇವೆ ಮಲ್ತೊಂದು ಇಪ್ಪುನ ಆಪದ್ಬಾಂಧವ ಚಾಲಕ ರಘು ಮೆರೆನ್ ಬೊಕ್ಕ ನಿರಂತರ ಸಮಾಜ ಸೇವೆ ಮಲ್ಪುನ ಮಂಗಳೂರು ಪರಿಸರದ ಯುವ ಕಾರ್ಪೋರೇಟರ್ ಗಣೇಶ ಕುಲಾಲ್ ಮೆರೆನ್ ಸಂಸ್ಥೆದ ಮುತಾಲಿಕೆಡ್ ಮಾನಾದಿಗೆ ಮಲ್ತೆರ್. ಲೇಸ್ ದ ಗುರ್ಕಾರ್ಮೆನ್ ಪ್ರಗತಿಪರ ಕೃಷಿಕೆರ್ ವಾಸು ಪೂಜಾರಿ ಒಯಿಸ್ ದಿತ್ತೆರ್.
ಬಿನ್ನೆರೆನ್ ತೆಂಕ ಕಜೆಕಾರ್ ಪಂಚಾಯಿತಿ ಸದಸ್ಯೆರ್ ಸತೀಶ್ ಪೂಜಾರಿ ಕಜೆಕಾರ್, ಪ್ರಗತಿಪರ ಕೃಷಿಕೆರ್ ರೂಪೇಶ್ ಪೂಜಾರಿ ಬಡೆಕೊಟ್ಟು, ಅರುಣೋದಯ ಭಜನಾ ಮಂದಿರದ ಅಧ್ಯಕ್ಷೆರ್ ಹೊನ್ನಪ್ಪ ಪೂಜಾರಿ ಮುದಲಾಡಿ ಬೊಕ್ಕ ಶಿವ ಛತ್ರಪತಿ ಸಂಸ್ಥೆದ ಸುನೀಲ್ ಬಡೆಕೊಟ್ಟು ಪಾಲ್ ಪಡೆದ್ ಸೇವಾ ಸಂಭ್ರಮಗ್ ಸಾಕ್ಷಿಯಾದ್ ಎಡ್ಡೆಪ್ಪು ಬಯಕಿಯೆರ್.
ಹಿಂಜಾವೇ ಪ್ರಮುಖೆರ್ ದಾಮೋದರ ನೆತ್ತರಕೆರೆ ಮುಖ್ಯ ಭಾಷಣ ಮಲ್ತೆರ್.
ಸೇವಾಪಥ ನಡತ್ ಬತ್ತಿನ ಸಿಂಹಾವಲೋಕನನ್ ತಿಲಕ್ ಮುಂಡಾಲ ಮಂಡಿಸಾಯೆರ್. ದಿನೇಶ್ ಬಡೆಕೊಟ್ಟು ಪ್ರಾಸ್ತವಿಕ ಪಾತೆರಿಯೆರ್.
ಪ್ರಕಾಶ್ ಮುಂಡಾಲ ಎದ್ಕೊನಿಯೆರ್. ವಿಜಿತ್ ಸಂಪೋಳಿ ಸೊಲ್ಮೆ ಸಂದಾಯೆರ್. ದೇವದಾಸ್ ಅಬುರ ಲೇಸ್ ದ ಸುಧಾರಿಕೆ ಮಲ್ತೆರ್.
ಯುವಶಕ್ತಿ ಬಂಧುಲು ತನ್ನ ಶುಭ ಸಂಭ್ರಮಡ್ ಸಮಾಜಗ್ ಒಂಜಿ ಪಾಲ್ ಪನ್ಪುಲೆಕ್ಕ ಅರ್ಪಣೆ ಮಲ್ತಿನ ಶುಭನಿಧಿಡ್ 3ನೇ ಯೋಜನೆದ ಮುಕೇನ 45,000/- ಬಿಲೆತ್ತ ಶುದ್ದ ಪರ್ಪಿನ ನೀರ್ ದ ಘಟಕನ್ ಕೈತಲ್ದ ಮಣಿನಾಲ್ಕೂರು ಸರ್ಕಾರಿ ಶಾಲೆಗ್ ಕೊರಿಯೆರ್.
ಅಂಚೆನೆ ಏಪಲ ಒಟ್ಟಿಗೆ ಇಪ್ಪುನ ಮಾತ ಮಿತ್ರ ಸಂಸ್ಥೆಲೆಗ್ ಅಭಿನಂದನೆ ಸಂದಾಯೆರ್.
ಯುವಶಕ್ತಿ ಕಡೇಶಿವಾಲಯ (ರಿ.) ದ ಮುತಾಲಿಕೆಡ್ ಆಯೋಜನೆ ಮಲ್ತಿನ ಜೈಶ್ರೀರಾಮ್ ಪಂತೊಡು ಗೆಂದಿನಕ್ಲೆಗ್ ಇನಾಮು ಪಟ್ಟಿಯೆರ್. ಯುವಶಕ್ತಿ ಸೇವಾಪಥರ್ದ್ ಇಡೇ ಮುಟ್ಟ 61 ಲಕ್ಷ ಸಮಾಜಗ್ ಸಮರ್ಪಣೆ ಆತ್ಂಡ್. ಮಾತೃಸಂಸ್ಥೆ ಯುವಶಕ್ತಿ ಕಡೇಶಿವಾಲಯರ್ದ್ 17 ಲಕ್ಷ ಸಮಾಜದ ಅಶಕ್ತೆರೆಗ್ ಅರ್ಪಣೆ ಮಲ್ತೆರ್. ಈ ಲೇಸ್ ಡ್ ಯುವಶಕ್ತಿದ ಮಾತ ಸದಸ್ಯೆರ್ ಪಾಲ್ ಪಡೆದಿತ್ತೆರ್.
