Tulu News

ರೇಡಿಯೊ ಮಣಿಪಾಲಡ್ ‘ಸಂಗೀತ ಪಾಠ’ ಸರಣಿ ಲೇಸ್

ಮಣಿಪಾಲ: ಸಮುದಾಯ ಬಾನುಲಿ ರೇಡಿಯೊ ಮಣಿಪಾಲ್ ಡ್ ‘ಕಾವ್ಯಗಾನ -ಸಂಗೀತ ಪಾಠ’ ಲೇಸ್ ದ 27ನೇ ಸಂಚಿಕೆ ಸೆ.29 ಸುಕ್ರಾರ ಬಯ್ಯಗ್ 5.30 ಕ್ಕ್ ಪ್ರಸಾರ ಆಪುಂಡು.

ಸಂಗೀತ ಶಿಕ್ಷಕೆರ್ ಕಾವ್ಯಶ್ರೀ ಸೀತಾರಾಮ ಆಚಾರ್ಯ ಕೊಡವೂರು ನಡಪಾದ್ ಕೊರ್ಪುನ ಈ ಲೇಸ್ ಡ್ ವಿದ್ಯಾರ್ಥಿನಿಯಾದ್ ಪುಟಾಣಿ ಅನಘ ಪಾಲ್ ಪಡೆಯೆರೆ ಉಲ್ಲೆರ್. ಸೆ.30 ಸನಿಯಾರ 1.30 ಕ್ಕ್ ಕುಡೊರ ಪ್ರಸಾರ ಆಪುಂಡು.

ಈ ಲೇಸ್ ನ್ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಪ್ ಡೌನ್‌ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.

ಅ.20: ಸಜೀಪಮುನ್ನೂರು ವಿದ್ಯಾದಾಯಿನಿ ಕ್ರೀಡಾಂಗಣಡ್ 30ನೇ ವರ್ಷೊದ ಮಾರ್ನೆಮಿ‌ ಉಚ್ಚಯ

ಸಜೀಪಮುನ್ನೂರು: ವಿದ್ಯಾನಗರ ಶ್ರೀ ಶಾರದಾ ಫ್ರೆಂಡ್ಸ್ ಸರ್ಕಲ್ (ರಿ.) ದ ಮುತಾಲಿಕೆಡ್ 30ನೇ ವರ್ಷೊದ ಮಾರ್ನೆಮಿ‌ ಉಚ್ಚಯ ಅ.20 ಸುಕ್ರಾರ ಸಜೀಪಮುನ್ನೂರು ವಿದ್ಯಾದಾಯಿನಿ ಕ್ರೀಡಾಂಗಣಡ್ ನಡಪರೆ ಉಂಡು.

ಬಯ್ಯಗ್ ಅಂಗನವಾಡಿ ಬೊಕ್ಕ ಶಾಲೆದ ಜೋಕುಲೆರ್ದ್ ನೃತ್ಯ ಸಿಂಚನ ಬೊಕ್ಕ ಭರತನಾಟ್ಯ ರಾತ್ರೆ ಸಭಾ ಲೇಸ್, ಬಿನ್ನೆರೆನ ಸಮ್ಮುಖಡ್ ಸಾಧಕೆರೆಗ್ ಸನ್ಮಾನ, ಸಂಘಗಾದ್ ಬೆಂದಿನ ಹಿರಿಯ ನಾಗರಿಕೆರೆಗ್ ಮಾನಾದಿಗೆ, ಊರುದ ಸಮಾಜ ಸೇವಕೆರೆಗ್ ಮಾನಾದಿಗೆ, 2022-23 ನೇ ಸಾಲ್ ಡ್ 10ನೇ ಬೊಕ್ಕ ಪಿಯುಸಿಡ್ 575 ರ್ದ್ ಎಚ್ಚ ಮಾರ್ಕ್ ಪಡೆಯಿನ ಕಲ್ಪಾರ್ಥಿಲೆಗ್ ಪ್ರೋತ್ಸಾಹ ಧನ ಪಟ್ಟುನ ಲೇಸ್ ಬೊಕ್ಕ ತುಳುವೆರೆ ತುಡರ್ ಕಲಾಕೂಟದಕ್ಲೆರ್ದ್ “ಏರಾ ಉಲ್ಲೆರ್. ಈ ಇಲ್ಲಡ್…? ” ತುಳು ನಾಟಕ ನಡಪರೆ ಉಂಡು ಪಂದ್ ಸಜೀಪಮುನ್ನೂರು, ವಿದ್ಯಾನಗರ ಶ್ರೀ ಶಾರದಾ ಫ್ರೆಂಡ್ಸ್ ಸರ್ಕಲ್ (ರಿ.) ಬೊಕ್ಕ ಶ್ರೀ ಶಾರದಾ ಮಹಿಳಾ ಸಮಿತಿದಕುಲು ಲೆಪ್ಪೋಲೆಡ್ ತೆರಿಪಾದೆರ್.

ಕಾರ್ಲದ ಬಿರಿಯಾನಿ ಹೌಸ್ ಡ್ ತಿಕ್ಕುಂಡು ಸ್ವರ್ಮಾ

ಕಾರ್ಲದ ಟಿಎಂಎ ಪೈ ಆಸ್ಪತ್ರೆದ ಎದುರುಡ್ ಇಪ್ಪುನ ಬಿರಿಯಾನಿ ಹೌಸ್ ಡ್ ಇತ್ತೆ ಸ್ವರ್ಮಾ ಬೊಕ್ಕ ಚೈನೀಸ್ ತೆನಸ್ ತಿಕ್ಕುಂಡು.

ನಿಕುಲು ಕಾರ್ಲದಂಚಿ ಪೋನಗ ಈ ಬಿರಿಯಾನಿ ಹೌಸ್ ಡ್ ನಿಕ್ಲೆಗ್ ಬೋಡಾಯಿನ ಚೈನೀಸ್ ಫುಡ್ ತಿನೊಲಿ‌.

ಮಾಣಿ ಬ್ರಹ್ಮಶ್ರೀ ನಾರಾಯಣಗುರು ಸೇವಾ ಸಂಘದ ಮಹಾಸಭೆ, ಅಧ್ಯಕ್ಷೆರಾದ್ ಸುರೇಶ್ ಪೂಜಾರಿ ಸೂರ್ಯ ಆಯ್ಕೆ

ವಿಟ್ಲ: ಬ್ರಹ್ಮಶ್ರೀ ನಾರಾಯಣಗುರು ಸೇವಾ ಸಂಘ ಮಾಣಿದ 29ನೇ ವರ್ಷೊದ ವಾರ್ಷಿಕ ಮಹಾಸಭೆ ಬೊಕ್ಕ ಗಣಪತಿ ಹೋಮ, ಗುರುಪೂಜೆ, ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ ಇಂಚಿಪ್ಪಗ್ ನಡತ್ಂಡ್.

ಈ ಪೊರ್ತುಡು ಪೊಸ ಪದಾಧಿಕಾರಿಲೆನ ಆಯ್ಕೆ ಪ್ರಕ್ರಿಯೆ ನಡತ್ಂಡ್. ಮಾನಾದಿಗೆದ ಗುರ್ಕಾರೆಯಾದ್ ಈಶ್ವರ ಪೂಜಾರಿ ಕಡೇಶಿವಾಲಯ, ಗುರ್ಕಾರೆಯಾದ್ ಸುರೇಶ್ ಪೂಜಾರಿ ಸೂರ್ಯ, ಉಪಾಧ್ಯಕ್ಷೆರಾದ್ ತನಿಯಪ್ಪ ಪೂಜಾರಿ ಬಿಳಿಯೂರು, ಚಂದ್ರಶೇಖರ ಪೂಜಾರಿ ಗೋಳಿಕಟ್ಟೆ, ಕಾರ್ಯದರ್ಶಿ ರಮೇಶ್ ಪೂಜಾರಿ ಮುಜಲ, ಖಜಾಂಚಿಯಾದ್ ರಾಜೇಶ್ ಪೂಜಾರಿ ಬಾಬನಕಟ್ಟೆ, ಸಂಘಟನಾ ಕಾರ್ಯದರ್ಶಿಯಾದ್ ಜಗದೀಶ್ ಕೋಟ್ಯಾನ್ ಕುದ್ರೆಬೆಟ್ಟು, ಕಟ್ಟಡ ಸಮಿತಿ ಅಧ್ಯಕ್ಷೆರಾದ್ ನಾರಾಯಣ ಸಾಲ್ಯಾನ್ ಅನಂತಾಡಿ, ಸಲಹಾ ಸಮಿತಿ ಅಧ್ಯಕ್ಷೆರಾದ್ ಸೋಯಪ್ಪ ಪೂಜಾರಿ ಮಾದೇಲು, ಮಹಿಳಾಧ್ಯಕ್ಷೆರಾದ್ ಹರಿಣಾಕ್ಷಿ ಮುರುವ ಸೇರಿನಂಚೆನೆ ಪದಾಧಿಕಾರಿಲೆನ್ ಆಯ್ಕೆ ನಡತ್ಂಡ್.

ಸೆ.18-ಅ.2: ಅಖಿಲ ಭಾರತ ಹಿಂದು ಮಹಾಸಭಾ ಹೊಸನಗರ ಘಟಕದ 5ನೇ ವರ್ಷೊದ ಚೌತಿ

ಅಖಿಲ ಭಾರತ ಹಿಂದು ಮಹಾಸಭಾ ಹೊಸನಗರ ಘಟಕದ 5ನೇ ವರ್ಷೊದ ಚೌತಿ, ಬೊಕ್ಕ ಆಸ್ತಿಕರ- ಸಾರ್ವಜನಿಕೆರೆನ ಸಹಾಕಾರರ್ದ್ ಶ್ರೀಸ್ವಾಮಿನ ವಿಗ್ರಹಗ್ ಒಂಜರೆ ಕೆಜಿ ತೂಕದ ನವರತ್ನ ಖಚಿತ ಬೊಳ್ಳಿ ಕಿರೀಟ ಸಮರ್ಪಣೆ ಲೇಸ್ ಸೆ.18-ಅ.2 ನಡಪರೆ ಉಂಡು.

ಸೆ.18 ಸೋಮಾರ ಶ್ರೀ ಸ್ವಾಮಿನ ಪ್ರತಿಷ್ಠಾಪನಾ ಶೋಭಾಯಾತ್ರೆ ಮಹಾಪೂಜೆ, ಕಿರೀಟ ಸಮರ್ಪಣೆ, ಪ್ರಸಾದ ಪಟ್ಟಿಯೆರ್. ಅಂಚೆನೆ ಪ್ರತಿದಿನೊಲ ಬಯ್ಯಗ್ ಹೊಸನಗರದ ಬೇತೆ ಬೇತೆ ಭಜನಾ ಮಂಡಳಿದಕ್ಲೆರ್ದ್ ಭಜನೆ ಲೇಸ್ ನಡತೊಂದು ಉಂಡು.

ಸೆ.29 ಸುಕ್ರಾರ (ಇನಿ) ಬೊಲ್ಪುಗು ಗಣಹೋಮ, ಶ್ರೀ ಸತ್ಯನಾರಾಯಣ ವ್ರತಪೂಜೆ, ಮಧ್ಯಾಹ್ನ ನುಪ್ಪು ಪ್ರಸಾದ ಸೇವೆ ರಾತ್ರೆ ಶಿವದೂತ ಪಂಜುರ್ಲಿ ಆಟ ನಡಪರೆ ಉಂಡು.

ಅ.2 ಸೋಮಾರ ಮಲ್ಲ ವಿಸರ್ಜನಾ ಶೋಭಾಯಾತ್ರೆ ನಡಪರೆ ಉಂಡು ಪಂದ್ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ, ಅಖಿಲ ಭಾರತ ಹಿಂದು ಮಹಾಸಭಾ ಹೊಸನಗರ ಘಟಕದ ಸದಸ್ಯೆರ್ ಬೊಕ್ಕ ಕಾರ್ಯಕರ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಅ.1: ಯಡೂರು- ಸುಳುಗೋಡು ಶ್ರೀ ಗುತ್ತಿರೇಣುಕಾಂಬಾ ದೇವಲ್ಯದ ಸಭಾಂಗಣಡ್ ಬ್ರಹ್ಮಶ್ರೀ ನಾರಾಯಣ ಗುರುಕುಲೆನ 169 ನೇ ಜಯಂತಿ

ಶ್ರೀ ನಾರಾಯಣಗುರು ವಿಚಾರ ವೇದಿಕೆ ಯಡೂರು-ಸುಳುಗೋಡು ಗ್ರಾಮ ಘಟಕದ ಮುತಾಲಿಕೆಡ್ ಬ್ರಹ್ಮಶ್ರೀ ನಾರಾಯಣಗುರುಕುಲೆನ 169 ನೇ ಜಯಂತಿ ಬೊಕ್ಕ ಯಡೂರು ಗ್ರಾಮ ಘಟಕದ ವಾರ್ಷಿಕ ಸಮಾರಂಭ ಅ.1 ಐತಾರ ಯಡೂರು-ಸುಳುಗೋಡು ಶ್ರೀ ಗುತ್ತಿರೇಣುಕಾಂಬಾ ದೇವಲ್ಯದ ಸಭಾಂಗಣಡ್ ನಡಪರೆ ಉಂಡು.

ಬೊಲ್ಪುಗು ಶ್ರೀ ಸತ್ಯನಾರಾಯಣಸ್ವಾಮಿ ಪೂಜೆ, ಪ್ರಸಾದ ಪಟ್ಟುನ‌ ಲೇಸ್ ನಡಪರೆ ಉಂಡು. ಮಧ್ಯಾಹ್ನ ಸಭಾ ಲೇಸ್ ದ ಬೊಕ್ಕ ವನಸ್ ದ ವ್ಯವಸ್ಥೆ ಉಂಡು ಪಂದ್ ಯಡೂರು-ಸುಳುಗೋಡುಶ್ರೀ ನಾರಾಯಣಗುರು ವಿಚಾರ ವೇದಿಕೆದ ಗುರ್ಕಾರ್ಲು, ಮಾನಾದಿಗೆದ ಗುರ್ಕಾರ್ಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಪೊಸತ್ತಾದ್ ಪತ್ತೆ ಆಯಿನ ಖಂಡದ ಪುದರ್ ಝೀಲ್ಯಾಂಡಿಯಾ!

ಹೊಸದಿಲ್ಲಿ: ಸುಮಾರ್ 375 ವರ್ಷೊದ ಪಿರವು ಕಡಲ್ ದಡಿಟ್ಟ್ ನಾಪತ್ತೆ ಆದಿತ್ತಿನ ಖಂಡವೊಂಜೆನ್ ಭೂವಿಜ್ಞಾನಿಲು ಪತ್ತೆ ಮಲ್ತ್ ದ್, ನೆಕ್ಕ್ 8ನೇ ಖಂಡದ ತಾನ ಕೊರ್ತೆರ್. ಉಂದು ಜಗತ್ತ್ ದ ಮಸ್ತ್ ಎಲ್ಯ ಖಂಡ ಆತ್ಂಡ್.

ವಿಜ್ಞಾನಿಲು ಬೊಕ್ಕ ಭೂಕಂಪಶಾಸ್ತ್ರಜ್ಞೆರೆನ ಕೂಟವೊಂಜಿ ಈ ಖಂಡನ್ ಪತ್ತೆ ಮಲ್ಪುನಲ್ಪ ಯಶಸ್ವಿ ಆತ್ಂಡ್. ಕಡಲ್ ದ ಅಡಿರ್ದ್ ದೆತ್ತಿನ ಬಂಡೆದ ಮಾದರಿಲೆರ್ದ್ ಪಡೆಯಿನ ದತ್ತಾಂಶನ್ ಗಲಸೊಂದು ಸಂಶೋಧಕೆರ್ ನೆನ್ ನಾಡ್ ಪತ್ತ್ ದೆರ್. ಈ ಪೊಸ ಖಂಡಗ್ ಝೀಲ್ಯಾಂಡಿಯಾ ಪಂದ್ ಪುದರ್ ದೀತೆರ್. ನೆಕ್ಕಾದ್ ಪೊಸ ನಕಾಸೆ ಬುಡುಗಡೆ ಮಲ್ದೆರ್.

ಈ ಖಂಡದ ಶೇ.94 ದಾತ್ ಭಾಗಡ್ ನೀರುಂಡು, ನ್ಯೂಜಿಲೆಂಡ್‌ ದಂಚೆನೇ ಕೆಲವೇ ಕೆಲವು ದ್ವೀಪಲು ಉಂಡು. ಝೀಲ್ಯಾಂಡಿಯಾ 1.89 ದಶಲಕ್ಷ ಚದರ ಮೈಲ್ ಜಾಗೆಡ್ ಉಂಡು.

ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಷನ್ ದ ಪೊಸ ಗುರ್ಕಾರೆಯಾದ್ ಪದ್ಮಪ್ರಸಾದ್ ಜೈನ್ ಆಯ್ಕೆ

ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಜಿಲ್ಲೆದ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಷನ್ ದ ಪೊಸ ಗುರ್ಕಾರೆಯಾದ್ ಪದ್ಮಪ್ರಸಾದ್ ಜೈನ್ ಆಯ್ಕೆ ಆತೆರ್.

ಸಂಚಾಲಕೆರಾದ್ ಕರುಣಾಕರ್ ಕಾನಂಗಿ ಕುಡ್ಲ, ಪ್ರಧಾನ ಕಾರ್ಯದರ್ಶಿಯಾದ್ ದಯಾನಂದ ಬಂಟ್ವಾಳ, ಕೋಶಾಧಿಕಾರಿಯಾದ್ ನವೀನ್ ರೈ ಪಂಜಳ, ಉಪಾಧ್ಯಕ್ಷೆರಾದ್ ರಮೇಶ್ ಕಲಾ ಶ್ರೀ ಕುಡ್ಲ, ಜಯಕರ್ ಸುವರ್ಣ ಒಡಿಪು, ಜತೆ ಕಾರ್ಯದರ್ಶಿ ಹರೀಶ್ ಪಿ ಕೋಟ್ಯಾನ್ ಮುಲ್ಕಿ, ಹೆರಿಕ್ ಡಿಸೋಜ ಬ್ರಹ್ಮಾವರ, ಸಂಘಟನಾ ಕಾರ್ಯದರ್ಶಿ ಕೃಷ್ಣರಾವ್ ಕಾಪು, ರಮೇಶ್ ಹೊಸಬೆಟ್ಟು ಸುರತ್ಕಲ್, ಛಾಯಾ ಕಾರ್ಯದರ್ಶಿ ರವಿ ಕೋಟ್ಯಾನ್ ಬೆದ್ರ, ಕ್ರೀಡಾ ಕಾರ್ಯದರ್ಶಿ ರಂಜಿತ್ ಕುಂದಾಪುರ, ಭಾರದ್ವಾಜ್ ಬೊಲ್ತೇರ್, ಸಾಂಸ್ಕೃತಿಕ ಕಾರ್ಯದರ್ಶಿ ಚಿದಾನಂದ್ ಉಳ್ಳಾಲ, ಮಾಧ್ಯಮ ಕಾರ್ಯದರ್ಶಿ ಹರೀಶ್ ರಾವ್ ಆಯ್ಕೆ ಆತೆರ್.

ಕುಡ್ಲ ಸೆಬೆಸ್ಟಿಯನ್ ಹಾಲ್ ಡ್ SKPA ಪದಾಧಿಕಾರಿಲೆನ ವೋಟುದ ಪ್ರಕ್ರಿಯೆನ್ ನಿಕಟ ಪೂರ್ವ ಜಿಲ್ಲಾಧ್ಯಕ್ಷೆರ್ ಆನಂದ್ ಬಂಟ್ವಾಳ್ ನಡಪಾದ್ ಕೊರಿಯೆರ್.