somanahalli

ರಡ್ಡ್ ಕಾರ್ ಇಜ್ಜಂದಿನ ಆನನ್ ಮದಿಮೆ ಆಯಿನ ಪೊಣ್ಣು!!

ರಡ್ಡ್ ಕಾರ್ ಇಜ್ಜಂದಿನ ಜವನೆ ಒರಿಯನ್ ಪೊಣ್ಣು ಒರ್ತಿ ಮದಿಮೆ ಆಯಿನ ಸಂಗತಿ ಹಾಸನ ಜಿಲ್ಲೆ ಹೊಳೆನರಸೀಪುರ ತಾಲೂಕ್‌ದ ಗವಿ ಸೋಮನಹಳ್ಳಿದ ದೇವಲ್ಯಡ್ ನಡತ್ಂಡ್.

ಆನಗ್ ಮಲ್ಲಾದಿಗೆ ಇಜ್ಜಿಡಲ ಆಯನ್ ಮದಿಮೆ ಆಯಿನ ಪೊಣ್ಣು ಮಾತೆರ್ನಲ ಮೆಚ್ಚುಗೆ ಪಡೆದೆರ್. ಗವಿ ಸೋಮನಹಳ್ಳಿದ ಕಾಳಮ್ಮ ಬೊಕ್ಕ ಗಂಗಾಧರಾಚಾರ್ ಮೆರೆನ ಮಗೆ ಜಿ.ಜಿ.ಸೋಮಾಚಾರ್ ಎಲ್ಯ ಅಂಗಡಿ ದೀದ್ ಜೀವನ ಮಲ್ತೊಂದಿತ್ತೆರ್.

ಶಾಂತಿಗ್ರಾಮ ಹೋಬಳಿದ ಶಶಿಕಲಾ ಬೊಕ್ಕ ನರಸಿಂಹ ಮೆರೆನ ಮಗಲ್ ವೀಣಾ, ಸೋಮಾಚಾರ್ ಮೆರೆನ್ ಮದಿಮೆ ಆತೆರ್. ರಡ್ಡ್ ಗ್ರಾಮದ ಪೆರಿಯೆರ್ ಈ ಮದಿಮೆದ ಬಗೆಟ್ಟ್ ಆನ್ -ಪೊಣ್ಣನ ಒಪ್ಪಿಗೆ ಪಡೆಯೊಂದು ಮದಿಮೆ ಮಲ್ದೆರ್. ಮೊಕುಲೆನ ನನದ ಜೀವನಗಾದ್ ಬೇಲೆ ಒಂಜೆನ್ ಕೊರೊಡು ಪಂದ್ ಗ್ರಾಮಸ್ಥೆರ್ ಶಾಸಕೆರ್ ಎಚ್.ಡಿ.ರೇವಣ್ಣ ಮೆರೆಗ್ ಬಿನ್ನಾಪು ಮಲ್ತ್‌ದೆರ್.