Patla Sathish Shetty

ಡಿ. 4 : ಮುಲ್ಕಿಡ್ ಜಾಗತಿಕ ಬಂಟರ ಸಂಘದ ಒಕ್ಕೂಟರ್ದ್ ಸಮಾಜ ಕಲ್ಯಾಣ ಲೇಸ್, ರಾಜ್ಯ ಪ್ರಶಸ್ತಿ ಪುರಸ್ಕೃತೆರೆಗ್ ಮಾನಾದಿಗೆ : ಬಿನ್ನೆರಾದ್ ಬರ್ಪೆರ್ ರಿಷಭ್ ಶೆಟ್ಟಿ ಬೊಕ್ಕ ಕಾಂತಾರ ಕೂಟದಕುಲು

Nov 28, 2022

ಮುಲ್ಕಿ: ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಮುತಾಲಿಕೆಡ್ ಈ ಸರ್ತಿದ ಸಮಾಜ ಕಲ್ಯಾಣ ಯೋಜನೆದ ಲೇಸ್ ಬೊಕ್ಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರೆಗ್ ಮಾನಾದಿಗೆ ಮಲ್ಪುನ ಲೇಸ್ ಪಟ್ಲ ಫೌಂಡೇಶನ್ ಟ್ರಸ್ಟ್‌ದ ಸಾಕಾರಡ್ ಡಿ.4 ಐತಾರ ಬಯ್ಯ 4 ಗಂಟೆಗ್ ಮುಲ್ಕಿ ಹೈವೇ ಕೈತಲ್ ಇಪ್ಪುನ ಜಾಗತಿಕ ಬಂಟರ ಸಂಘ ಒಕ್ಕೂಟದ ಕನ್ಯಾನ ಸದಾಶಿವ ಶೆಟ್ಟಿ ಸಂಕೀರ್ಣದ ಜಾಗೆಡ್ ನಡಪರೆ ಉಂಡು.

ಈ ಲೇಸ್‌ಡ್ ಪುಗರ್ತೆದ ಸಿನಿಮಾ ನಿರ್ದೇಶಕೆರ್, ನಟೆ ರಿಷಬ್ ಶೆಟ್ಟಿ ಬೊಕ್ಕ ಕಾಂತಾರ ಸಿನಿಮಾ ಕೂಟದಕುಲು ಪಾಲ್ ಪಡೆಯರೆ ಉಲ್ಲೆರ್. ಈ ಲೇಸ್‌ನ್ ಜಾಗೆದ ದಾನಿ, ಉದ್ಯಮಿ ಕುಳೂರು ಕನ್ಯಾನ ಸದಾಶಿವ ಶೆಟ್ಟಿ ಉದಿಪನ ಮಲ್ಪರೆ ಉಲ್ಲೆರ್.

ಸಭೆತ್ತ ಗುರ್ಕಾರ್ಮೆನ್ ಜಾಗತಿಕ ಬಂಟರ ಸಂಘದ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ ಶೆಟ್ಟಿ ವಹಿಸೊನರೆ ಉಲ್ಲೆರ್. ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಅರ್ಚಕೆರ್ ಲಕ್ಷ್ಮೀ ನಾರಾಯಣ ಅಸ್ರಣ್ಣ ಆಶೀರ್ವಚನ ಮಲ್ಪರೆ ಉಲ್ಲೆರ್. ಈ ಪೊರ್ತುಡು ಸಮಾಜ ಕಲ್ಯಾಣ ಯೋಜನೆಡ್ ಶಿಕ್ಷಣ, ಮದಿಮೆ, ಇಲ್ಲ್‌ದ ನಿರ್ಮಾಣ, ಕ್ರೀಡೆ, ವೈದ್ಯಕೀಯ ಇಂಚಿತ್ತಿನ ಫಲಾನುಭವಿಲೆಗ್ ಚೆಕ್ ಕೊರ್ಪಿನ ಲೇಸ್ ನಡಪರೆ ಉಂಡು.

ಒಕ್ಕೂಟದ ನಿರ್ದೇಶಕೆರ್ ತೋನ್ಸೆ ಆನಂದ ಶೆಟ್ಟಿ, ಕೆ. ಪ್ರಕಾಶ್ ಶೆಟ್ಟಿ, ಶಶಿಧರ ಬಿ ಶೆಟ್ಟಿ ಬರೋಡ, ಪಟ್ಲ ಫೌಂಡೇಶನ್ ಟ್ರಸ್ಟ್‌ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ, ಒಕ್ಕೂಟದ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಜಯಕರ ಶೆಟ್ಟಿ ಇಂದ್ರಾಳಿ, ಕೋಶಾಧಿಕಾರಿ ಉಳ್ತೂರು ಮೋಹನ್ ದಾಸ ಶೆಟ್ಟಿ, ಜತೆ ಕಾರ್ಯದರ್ಶಿ ಪ್ರವೀಣ್ ಭೋಜಶೆಟ್ಟಿ, ಸಿ. ಎ. ಸದಾಶಿವ ಶೆಟ್ಟಿ, ಪಟ್ಲ ಫೌಂಡೇಶನ್ ಟ್ರಸ್ಟ್‌ದ ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಭಂಡಾರಿ ಅಡ್ಯಾರ್, ಕೋಶಾಧಿಕಾರಿ ಸಿಎ ಸುದೇಶ್ ಕುಮಾರ್ ಲೇಸ್‌ಡ್ ಪಾಲ್ ಪಡೆಯರೆ ಉಲ್ಲೆರ್.

ಸಭೆಟ್ಟ್ ಒಕ್ಕೂಟದ ನಿರ್ದೇಶಕೆರ್, ಪೋಷಕೆರ್, ಪಟ್ಲ ಫೌಂಡೇಶನ್ ಟ್ರಸ್ಟ್‌ದ ಘಟಕದ ಅಧ್ಯಕ್ಷೆರ್, ಪದಾಧಿಕಾರಿಲು, ವಲಯ ಬಂಟರ ಸಂಘದ ಅಧ್ಯಕ್ಷೆರ್, ಪದಾಧಿಕಾರಿಲು ಪಾಲ್ ಪಡೆಯರೆ ಉಲ್ಲೆರ್. ಬಯ್ಯ 3.30 ಗಂಟೆಗ್ ಭಜನಾ ಸಂಕೀರ್ತನೆ ನಡಪರೆ ಉಂಡು. ಸಭಾ ಕಾರ್ಯಕ್ರಮರ್ದ್ ಬೊಕ್ಕ ಪಾವಂಜೆ ಮೇಳರ್ದ್ ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ಬಯಲಾಟ ನಡಪರೆ ಉಂಡು ಪಂದ್ ಒಕ್ಕೂಟ ತೆರಿಪಾದ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಮೀರಾರೋಡ್ ಡ್ ಪಾವಂಜೆ ಮೇಳದ ಆಟೊಗು ಅಟ್ಟಣೆದ ಸಭೆ

Oct 7, 2022

ಮೀರಾರೋಡ್ : ಅಕ್ಟೋಬರ್ 15 ಸನಿಯಾರ ಬಯ್ಯಗ್ ಯಕ್ಷಗಾನ ರಂಗ್ ದ ಪುಗರ್ತೆದ ಭಾಗವತೆರ್ ಪಟ್ಲ ಸತೀಶ್ ಶೆಟ್ರ್ ನ ಮುತಾಲಿಕೆಡ್, ಪಾವಂಜೆ ಶ್ರೀ ಸುಬ್ರಹ್ಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿದ ಕಲಾವಿದೆರೆನೆರ್ದ್, ಮೀರಾಭಯಂದರ್ ಇಂದ್ರಲೋಕ್ ಸ್ವರ್ಗೀಯ ಬಾಳಾಸಾಹೇಬ್ ಠಾಕ್ರೆ ಮೈದಾನಡ್ ನಡಪರೆ ಇಪ್ಪುನ “ಸಂಪೂರ್ಣ ದೇವಿ ಮಹಾತ್ಮೆ” ಬಯಲಾಟದ ಅಟ್ಟಣೆ ಸಭೆ, ಅ. 5 ಕ್ಕ್ ತುಂಗಾ ಹಾಸ್ಪಿಟಲ್ ಸಭಾಂಗಣಡ್ ನಡತ್ಂಡ್.

ಭಕ್ತಿ ಪ್ರಧಾನವಾದ್ ನಡಪರೆ ಇಪ್ಪುನ ಈ ಕಾರ್ಯಕ್ರಮದ ಬಗೆಟ್ ಯುವ ಬ್ರಿಗೇಡ್ ಸಂಸ್ಥೆದ ಮಾರ್ಗದರ್ಶಕೆರ್ ಬೊಕ್ಕ ಮೀರಾಭಯಂದರ್ ಜಿಲ್ಲಾ ಬಿಜೆಪಿ ಉಪಾಧ್ಯಕ್ಷೆರಾಯಿನ ಮುನ್ನಲಾಯಿಗುತ್ತು ಸಚ್ಚಿದಾನಂದ ಶೆಟ್ಟಿ ಪಾತೆರ್ದ್, ಸಾರ ಸಾರ ಸಂಖ್ಯೆಡ್ ಜನಕುಲು ಸೇರುನ ಅಂದಾಜಿ ಇಪ್ಪುನ ಈ ಲೇಸ್ ದ ರೂಪರೇಖೆದ ಬಗೆಟ್ ಸಮಿತಿದ ಸದಸ್ಯರೆಡ ಚರ್ಚೆ ಮಲ್ತ್ ದ್ ಲೇಸ್ ನ್ ಯಶಸ್ವಿ ಮಲ್ಪುಗ ಪಂದ್ ಬಿನ್ನಾಪು ಮಲ್ತೆರ್.

ಯುವ ಬ್ರಿಗೇಡ್ ಅಧ್ಯಕ್ಷೆರದ ಅರುಣ್ ಶೆಟ್ಟಿ ಪಣಿಯೂರು ಪಾತೆರ್ದ್ ಈ ಲೇಸ್ ಕೇವಲ ಯುವ ಬ್ರಿಗೇಡ್ ಸಂಸ್ಥೆಗ್ ಮಾತ್ರ ಅತ್ತ್ ಮಾತೆರ್ಲ ದೇವಿನ ಸೇವೆಗ್ ತನು ಮನ ಧನತ್ತ ಮುಕೇನ ಸಾಕಾರ ಕೊರೊಡು ಪಂದ್ ಪಂಡೆರ್. ಸಭೆಟ್ ಸಮಾಜ ಸೇವಕೆರ್ ಪೊಸ್ರಾಲ್ ದಿವಾಕರ್ ಶೆಟ್ರ್ ಪಾತೆರ್ದ್ ಯಕ್ಷಗಾನ ಕಲಾ ಪ್ರೇಮಿಲೆನ ಭಾವೈಕ್ಯ ಡ್ ನಡಪುನ ಈ ಪ್ರದರ್ಶನಗ್ ಮಾತೆರ್ಲ ಒಗ್ಗಟ್ಟಾದ್ ಲೇಸ್ ದ ಯಶಸ್ವಿಗ್ ನಮ ಮತ ಸಹಕರಿಸಗ ಪಂಡೆರ್. ಕಲಾ ಮಾತೆನ ಸಂಭ್ರಮದ ಈ ಲೇಸ್ ಈ ಪೇಂಟೆಡ್ ಇಪ್ಪುನ ತುಳು ಕನ್ನಡಿಗೆರೆನ ಜನಶಕ್ತಿ ಪ್ರದರ್ಶನದ ವಾತಾವರಣ ಮೂಡುದು ಬರಡ್ ಪಂದ್ ನವತರುಣ ಮಿತ್ರ ಮಂಡಲಿ ಮೀರಾಭಯಂದರ್ ಅಧ್ಯಕ್ಷೆರ್ ರವೀಂದ್ರ ಶೆಟ್ರ್ ಕೊಟ್ರಪಾಡಿಗುತ್ತು ಈ ಲೇಸ್ ಗ್ ಎಡ್ಡೆಪ್ಪು ಬಯಕಿಯೆರ್.

ಬಿಜೆಪಿದ ತುಳುನಾಡ್ ಜಿಲ್ಲಾ ಮಹಿಳಾ ಅಧ್ಯಕ್ಷೆರಾಯಿನ ವಸಂತಿ ಎಸ್. ಶೆಟ್ರ್ ಪಾತೆರ್ದ್, ಸಂಪೂರ್ಣ ದೇವಿ ಮಹಾತ್ಮೆ ಆಟದ ಪ್ರದರ್ಶನಗ್ ಪೊಂಜೋವುಲೆನ ತನು ಮನ ಧನದ ಸಕಾಯ ಏಪಲ ಉಂಡು ಪಂದ್ ಪಂಡೆರ್.
ಬೊಕ್ಕ ವೈ.ಟಿ. ಶೆಟ್ರ್ ಹೆಜಮಾಡಿ, ಮುರಳೀಧರ್ ಆಚಾರ್ಯ, ಸುಜತಾ ಜಿ. ಶೆಟ್ರ್, ಲೇಸ್ ದ ಯಶಸ್ವಿಗ್ ನಮ ಮಾತ ಬೇಲೆ ಮಲ್ಪುಗ ಪಂದ್ ಪಂಡೆರ್.

ಅಂಚನೆ, ಜಯಪ್ರಕಾಶ್ ಹೆಗ್ಡೆ, ನಾರಾಯಣ ಗೌಡ್ರು, ಜಗದೀಶ ಶೆಟ್ಟಿ ಪಂಜಿನಡ್ಕ, ಗಂಗಾಧರ್ ಶೇರಿಗಾರ್, ಪುರುಷೊತ್ತಮ್ ಅಮೀನ್, ಸಂದೀಪ್ ಶೆಟ್ಟಿ, ಸತೀಶ್ ಶೆಟ್ಟಿ, ಪ್ರಫುಲ್ ಪೂಜಾರಿ, ಹರೀಶ್ ರೈ ಕುಂಬ್ಳೆ, ದಿನೇಶ್ ಶೆಟ್ಟಿ, ಭಾರತಿ ಉಡುಪ, ಜಯಶ್ರೀ ಶೆಟ್ಟಿ, ವಿಜಯಲಕ್ಷ್ಮೀ ಶೆಟ್ರ್, ಶಾಂತಾ ಆಚಾರ್ಯ, ರಂಜನಾ ಕತಾವಟೆ, ಶಶಿಕಲಾ ಶೆಟ್ಟಿ ಅಂಚನೆ ಮಾತ್ರವಲ್ಲದೆ ಸ್ಥಳೀಯ ಸಂಘ-ಸಂಸ್ಥೆಲೆನ ಪದಾಧಿಕಾರಿಲು ಈ ಪೊರ್ತುಡ್ ಇತ್ತೆರ್.

Yakshagana play by Sri Gyana Shakti Subramanya Kripaposhitha Yakshagana mandal at Mira road, Mumbai on October 15th

Yuva Brigade Mira Byandar to organise Sampurna Sri Devi Mahatmay

Mira road: A meeting was organised in connection with the Yakshagana play to be organised at Mumbai on October 15 th to be played under the auspices of Yuva Brigade.Discussion was held to foresee the arrangements that needs to be done for the success of the show.As thousands of people are expected to participate in the program, the committee debated on to the the infrastructure needed to host the event of this large scale.

Sri Arun Shetty Paniyoor president of the Yuva Brigade requested for the cooperation of all tuluvas with financial aid and services for the success of the program.
Sachidanand Shetty vice president of Mira Byandar district, BJP spoke of the arrangements necessary for hosting this holy play. Social worker Divakar Shetty that all theatre enthusiasts must participate in the program and show strength and unity of the tuluvas in Mumbai.

BJP DK district women wing president V S Shetty also shared her views and requested for the active participation of women in the event. Office bearers of Tulu groups residing in Mumbai participated in the meeting.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಡಾ. ಹೆಗ್ಗಡೆರೆಗ್ ಪಟ್ಲ ಫೌಂಡೇಶನ್ ಗೌರವ

Jul 12, 2022

ಕುಡ್ಲ: ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ. ವೀರೇಂದ್ರ ಹೆಗ್ಗಡೆರೆನ್ ಪ್ರಧಾನಮಂತ್ತಿ ನರೇಂದ್ರ ಮೋದಿ ರಾಜ್ಯ ಸಭೆಕ್ಕ್ ನಾಮ ನಿರ್ದೇಶನ ಮಲ್ದಿನ ನಿಲೆಟ್ಟ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ ಬೊಕ್ಕ ಕೇಂದ್ರೀಯ ಘಟಕದ ಪದಾಧಿಕಾರಿಲು ಧರ್ಮಸ್ಥಳದ ಹೆಗ್ಗಡೆರೆನ ಬೂಡುದ ಇಲ್ಲಡ್ ಭೇಟಿ ಮಲ್ತ್ ದ್ ಗೌರವ ಸಂದಾಯೆರ್.

ಡಾ. ಹೆಗ್ಗಡೆರ್ ಪಟ್ಲ ಫೌಂಡೇಶನ್ ದ ಸೇವಾ ಕಾರ್ಯದ ಬಗೆಟ್ಟ್ ಮೆಚ್ಚಿಗೆ ತೋಜಾಯೆರ್. ಅಂಚೆನೆ ಅಭಿನಂದನೆಗ್ ಕುಷಿ ಪಡೆಯೆರ್. ಧರ್ಮ ಸಮನ್ವಯತೆಗ್ ಹೆಗ್ಗಡೆರ್ನ ಕೊಡುಗೆ ಭಾರಿ ಮಹತ್ತರವಾಯಿನ.ಆರ್ ರಾಜ್ಯಸಭಾ ಸದಸ್ಯೆರಾಯಿನವು ಸಮಾಜಗ್ ಒಂಜಿ ಪೆರ್ಮೆದ ಸಂಗತಿ ಪಂದ್ ಪಟ್ಲ ಸತೀಶ್ ಶೆಟ್ಟಿ ಪಂಡೆರ್.

ಈ ಪೊರ್ತುಡು ಕೇಂದ್ರೀಯ ಘಟಕದ ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಭಂಡಾರಿ ಅಡ್ಯಾರ್, ಜೊತೆ ಕಾರ್ಯದರ್ಶಿ ರವಿಚಂದ್ರ ಶೆಟ್ಟಿ ಅಶೋಕ ನಗರ, ಸಂಘಟನಾ ಕಾರ್ಯದರ್ಶಿ ಬಾಳ ಜಗನ್ನಾಥ ಶೆಟ್ಟಿ, ಕುಡ್ಲ ಘಟಕದ ಅಧ್ಯಕ್ಷೆರ್ ಪ್ರದೀಪ್ ಆಳ್ವ ಕದ್ರಿ, ಡಾ. ಪ್ರಖ್ಯಾತ್ ಶೆಟ್ಟಿ, ಅಶ್ವಿತ್ ಶೆಟ್ಟಿ ಮೊಕುಲು ಮಾತ ಇತ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಪಟ್ಲ ಫೌಂಡೇಶನ್ ಟ್ರಸ್ಟ್ ಕಲಾವಿದೆರೆಗ್ ಸಾದಿದ ಬೊಲ್ಪಾವಡ್: ಕನ್ಯಾನ ಸದಾಶಿವ ಶೆಟ್ಟಿ

Jul 12, 2022

ಕುಡ್ಲ: ಯಕ್ಷಗಾನ ಕಲಾವಿದೆರ್ನ ಕಷ್ಟ ತೆರಿಯೊಂದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ಬೇಲೆ ಮಲ್ತೊಂದ್oಡು. ಯಕ್ಷಗಾನ‌ ಬುಲೆವೊಡು ಕಲಾವಿದೆರ್ ಒರಿಯೊಡು. ಈ ಬಗೆಟ್ಟ್ ಪಟ್ಲ ಫೌಂಡೇಶನ್ ಟ್ರಸ್ಟ್ ಕಲಾವಿದೆರೆಗ್ ಸಾದಿದ ಬೊಲ್ಪಾವಡ್. ಕತ್ತಲೆಗ್ ನಿದ್ರೆ ಕಜೆರ್ ದ್ ರಂಗಸ್ಥಳಡ್ ನಲಿಪುನ ಕಲಾವಿದೆರ್ನ ಯೋಗಕ್ಷೇಮ ತೂಪಿನ ಫೌಂಡೇಶನ್ ದ ಕಾರ್ಯ ಶ್ಲಾಘನೀಯ. ಕಲೆಕ್ಕ್ ಬಿಲೆ ಕೊರ್ದ್ ಕಲಾವಿದೆರೆನ್ ಎಡ್ಡೆ ಮಲ್ಪುನ ಬೇಲೆ ಪಟ್ಲ ಫೌಂಡೇಶನ್ ಟ್ರಸ್ಟ್ ರ್ದ್ ನಡಪಡ್ ಪಂದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಗೌರವಾಧ್ಯಕ್ಷೆರ್ , ಬೊಂಬಾಯಿ ಹೇರಂಬ ಇಂಡಸ್ಟ್ರೀಸ್ ದ ಅಧ್ಯಕ್ಷೆರ್ ಸದಾಶಿವ ಶೆಟ್ಟಿ ಕನ್ಯಾನ ತೆರಿಪಾಯೆರ್.

ಆರ್ ಕಂಕನಾಡಿ ಗರೋಡಿ ಕೈತಲ್ ದ ಅಟ್ಟಣೆ ಹೊಟೇಲ್ ಚಾವಡಿಡ್ ನಡತಿನ ಯಕ್ಷಾಶ್ರಯ ಯೋಜನೆಡ್ ನಾಲ್ ಜನ ಕಲಾವಿದೆರೆಗ್ ಇಲ್ಲ್ ಕಟ್ಟರೆ ತಲಾ 2 ಲಕ್ಷ ರೂ. ಪಣವುನ್ ಪಟ್ ದ್ ಪಾತೆರಿಯೆರ್.

ಪಟ್ಲ ಫೌಂಡೇಶನ್ ಸಂಸ್ಥೆನ್ ನನಾತ್ ಗಟ್ಟಿಯಾದ್ ಆರ್ಥಿಕವಾದ್ ಸಕಾಯ ಮಲ್ಪುನ ಬೇಲೆ ಆವರೆ ಉಂಡು. ಉಂದೆಕ್ಕ್ ಮಾತೆರೆನ್ಲಾ ಸಕಾಯ ಅಗತ್ಯ ಉಂಡು. ಅವ್ವೇ ದಿನ ಕತ್ತಲೆಗ್ ನಿದ್ರೆ ಕಜೆರ್ ದ್ ಬೆನ್ಪುನ ಕಲಾವಿದೆರ್ನ ಬಗೆಟ್ ಯಕ್ಷಗಾನ ಮೇಳದ ಕಲಾವಿದೆರ್ಲ ಗೇನ ದಿವೊಡ್. ಕಲಾವಿದೆರೆಗ್ ಕೊರ್ಪಿನ ಸಂಬಳ ಅಂಚನೆ ಬೇತೆ ರೀತಿದ ಸೌಲಭ್ಯದ ಬಗೆಟ್ ಲ ಯಜಮಾನೆರ್ ಗೇನ ದಿವಡ್. ಯಕ್ಷಗಾನ ಪನ್ಪಿನವು ಮಾಮಲ್ಲ ಕಲೆ. ಉಂದೆನ್ ಒರಿಪಾವುನ ಬೇಲೆ ಆವೊಡ್. ಅಶಕ್ತೆರೆಗ್ ಪಣವುದ ಸಕಾಯ, ಯೋಜನೆ ಉಂದು ಏಪಲ ಪಟ್ಲ ಫೌಂಡೇಶನ್ ಟ್ರಸ್ಟ್ ರ್ದ್ ನಡಪರೆ ಉಂಡು ಪಂದ್ ಎಡ್ಡೆಪ್ಪುನು ಬಯಕ್ಯೆರ್.

ಮನುಷ್ಯತ್ವ ದೀದ್ ಪ್ರಾಮಾಣಿಕತೆಡ್ ಬೇಲೆ ಮಲ್ಪುಗ : ಐಕಳ

ಮತ್ತರ್ಮೆಡ್ ಇತ್ತಿನ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಪ್ರಧಾನ ಸಂಚಾಲಕೆರ್, ಜಾಗತಿಕ ಬಂಟರ ಸಂಘ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಪಾತೆರ್ದ್ ಸಮಾಜ ಸೇವೆ ಪನ್ನಗ ಜಾತಿ ಬರಿಕ್ ದೀದ್ ಮನುಷ್ಯತ್ವ, ಪ್ರಾಮಾಣಿಕತೆಡ್ ಬೇಲೆ ಮಲ್ಪುಗ. ಸರಕಾರಗ್ ಲ ಮಲ್ಪರೆ ಆವoದಿನ ಬೇಲೆನ್ ಕಲಾವಿದೆರೆಗಾದ್ ಪಟ್ಲ ಫೌಂಡೇಶನ್ ಟ್ರಸ್ಟ್ ಬೇಲೆ ಮಲ್ತೊಂದುಂಡು. ಫೌಂಡೇಶನ್ ಗ್ ಗೌರವಾಧ್ಯಕ್ಷೆರಾದ್ ಸದಾಶಿವ ಶೆಟ್ಟಿ ಕನ್ಯಾನ ದೇವೆರ್ ಲೆಕ ಒದಗ್ ದ್ ಬೈದೆರ್. ಉಂದು ಫೌಂಡೇಶನ್ ಬೊಕ್ಕ ಕಲಾವಿದೆರ್ನ ಪುಣ್ಯ. ಪಟ್ಲ ಫೌಂಡೇಶನ್ ಟ್ರಸ್ಟ್ ಬೊಕ್ಕ ಜಾಗತಿಕ ಬಂಟರ ಸಂಘ ಒಕ್ಕೂಟದ ಧ್ಯೇಯೋದ್ದೇಶ ಒಂಜೇ ಆದ್oಡು. ಬಡವೆರ್ನ ನೆರವುಗಾದ್ ಕೇನುನವು ಬೊಕ್ಕ ಕೊರ್ಪಿನವು ಒಂಜೆ. ಇಂಚಾದ್ ಕಲಾವಿದೆರ್ನ ಪಾಲ್ ಗ್ ಪಟ್ಲ ಫೌಂಡೇಶನ್ ಟ್ರಸ್ಟ್ ಬೊಲ್ಪಾತ್oಡ್ ಪಂದ್ ಪಂಡೆರ್.

ಪ್ರಾಸ್ತಾವಿಕವಾದ್ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ ಪಾತೆರ್ದ್ ಫೌಂಡೇಶನ್ ಟ್ರಸ್ಟ್ ಕರಿನ ಆಜಿ ವರ್ಷದ ಪೊರ್ತ್ ರ್ದ್ ಈಡೆ ಮುಟ್ಟ ಬೇತೆ ಬೇತೆ ಯೋಜನೆದಡಿಟ್ಟ್ 8.5 ಕೋಟಿ ರೂಪಾಯಿಗ್ ಲ ಮೀರ್ದ್ ಸಕಾಯ ಪಣವುನ್ ಕಲಾವಿದೆರೆಗ್ ಮಲ್ತ್ ದ್oಡ್. ಸದಾಶಿವ ಶೆಟ್ಟಿ ಕನ್ಯಾನ ಬೊಕ್ಕ ಐಕಳ ಹರೀಶ್ ಶೆಟ್ಟಿ ಮೇರ್ನ ಮಾರ್ಗದರ್ಶನಡ್ ಪಟ್ಲ ಫೌಂಡೇಶನ್ ಟ್ರಸ್ಟ್ ದುಂಬುದ ದಿನಟ್ಟ್ ಎಡ್ಡೆ ರೀತಿದ ಯೋಜನೆನ್ ಮಲ್ಪರೆ ಉಂಡು ಪಂದ್ ಪಂಡೆರ್.

ಇಲ್ಲ್ ಕಟ್ಟರೆ ಸಕಾಯ

ಕಮಲಶಿಲೆ ಯಕ್ಷಗಾನ ಮೇಳದ ಲಕ್ಷಣ ಭಂಡಾರಿ, ಮಾರಣಕಟ್ಟೆ ಮೇಳದ ತಿಮ್ಮಪ್ಪ ದೇವಾಡಿಗ, ಮಂದಾರ್ತಿ ಮೇಳದ ನರಸಿಂಹ ನಾಯಕ್ ಬೊಕ್ಕ ಪೊಳಲಿದ ಚಂದ್ರಹಾಸ ಪೂಜಾರಿ ಮೊಕ್ಲೆಗ್ ಇಲ್ಲ್ ಕಟ್ಟರೆ ಸುಮಾರ್ ರಡ್ಡ್ ಲಕ್ಷ ಕಾಸ್ ಕೊರಿಯೆರ್. ವೇದಿಕೆಡ್ ಟ್ರಸ್ಟ್ ದ ಕೋಶಾಧಿಕಾರಿ ಸಿಎ ಸುದೇಶ್ ಕುಮಾರ್ ರೈ ಇತ್ತೆರ್.

ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಭಂಡಾರಿ ಅಡ್ಯಾರ್ ಬಿನ್ನೆರೆನ್ ಎದ್ಕೊಂದು ಲೇಸ್ ದ ನಿರೂಪಣೆ ಮಲ್ತೆರ್. ಉಪಾಧ್ಯಕ್ಷೆರ್ ಡಾ.ಮನು ರಾವ್ ಸೊಲ್ಮೆ ಸಂದೈತ ಮಲ್ತೆರ್. ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಪದಾಧಿಕಾರಿಲು, ಟ್ರಸ್ಟಿಲು ವಲಯ ಘಟಕದ ಅಧ್ಯಕ್ಷೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

Patla foundation trust a beacon of hope to Yakshagana artists: Kanyana Sadashiv Shetty

A programme to distribute funds for building houses

Mangalore: The Yakshadruma Patla foundation trust has been founded especially to help Yakshagana artists.It is not only working on the improvement of Yakshagana art form and helping artists who work all night to continue the art.The Patla foundation is doing exemplary work in this regard said Sadashiv Shetty honorary president of Yakshadruva foundation and president of Hayramba industries, Mumbai.

He was speaking at a program in Mangalore were under the YaksaAshraya scheme rupees two lakhs each was distributed to four artist beneficiaries to build houses.

He also spoke about providing other facilities to artists of yakshagana mela and working for their well being.Improvement of their living conditions and enhancement of their salaries will go along way in saving the great art form of Yakshagana.

The chief secretary of the Patla foundation and the president of the global unit of Bantara sangha Ikala Harish Shetty said that leaving aside religious interests and working on humanitarian grounds is real social service.The Patla foundation by working for artists and art form is doing yeomens service to the society.

The founder president of the foundation trust Patla Sathish Shetty said that since it’s inception six years ago more than 8.5 crores has been distributed under various schemes.

Under the housing scheme Lakshman Bandari from Kamalashile Mela, Thimappa Devadiga from Maranakatte mela, Narasimha Nayak from Mandarthi mela and Chandrahasa Poojary from Polali mela were given aid to build houses.

ಪಟ್ಲ ಸತೀಶ್ ಶೆಟ್ಟಿ ಸಾರಥ್ಯೊಡು ಪೊಸ ಯಕ್ಷಗಾನ ಮೇಳ.

Oct 12, 2020

ಕುಡ್ಲ : ಮೂಲ್ಕಿ ಸಮೀಪದ ಜ್ಞಾನ ಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ದೇವಸ್ಥಾನ ದ ವತಿರ್ದ್ ಈ ಸಲ ಪೊಸ ಯಕ್ಷಗಾನ ಮೇಳ ಪಿದಾಡ್ಯೆರೆ ಉಂಡು , ಪಟ್ಲ ಸತೀಶ್ ಶೆಟ್ಟಿ ಮೇಳದ ಸಾರಥ್ಯ ದೆತ್ತೊಂದೆರ್. ಕಲಾವಿದೆರ್ ನ ಆಯ್ಕೆ ಪ್ರಕ್ರಿಯೆ ನಡತೊಂದುಂಡು . ತೆರಿನ ಮೂಲದ ಪ್ರಕಾರ ಕಟೀಲು ಮೇಳರ್ದ್ ಹಿಮ್ಮೇಳ ಮುಮ್ಮೇಳ, ಸಹಾಯಕೆರ್ ಸೇರ್ದ್ ಒಟ್ಟು 20 ಕಲಾವಿದೆರ್ ಸೇರ್ಪಡೆಯಾತೆರ್.ಐಟ್ ಲಾ ಮುಖ್ಯವಾದ್ ಅಕ್ಷಯ್ ಮಾರ್ನಾಡ್, ರಾಜೇಶ್ ನಿಟ್ಟೆ, ಸತೀಶ್ ನೈನಾಡು, ಸಂದೇಶ್ ಮಂದಾರ, ಉಜಿರೆ ನಾರಾಯಣ, ಬೆಳ್ಳಿಪ್ಪಾಡಿ ಮೋಹನ್, ಲೋಕೇಶ್ ಮುಚ್ಚುರು ಉಲ್ಲೆರ್ .

ಕಾಲಮಿತಿ ಯಕ್ಷಗಾನ ಆಯಿನೆರ್ದ್ ಬಪ್ಪನಾಡು ಮೇಳದ ಕಲಾವಿದೆರ್ ಪಾಲ್ ಪಡೆಯುನ ಸಾಧ್ಯತೆ ಉಂಡು ಖ್ಯಾತ ಅರ್ಥದಾರಿ ಕೃಷ್ಣ ನಾವಡೆರ್ಲಾ ಪಾಲ್ ಪಡೆಯುನ ಖಚಿತವಾದುಂಡು .ಅಂಚನೇ ಹಿಮ್ಮೇಳಡ್ ಪಟ್ಲ ಸತೀಶ್, ಪ್ರಫುಲ್ಲಚಂದ್ರ ನೆಲ್ಯಾಡಿ, ಪೂರ್ಣೇಶ, ಪ್ರಶಾಂತ್ ವಗೆನಾಡು, ಗುರುಪ್ರಸಾದ್ ಬೊಳಿಂಜಡ್ಕ ಲಾ ಉಲ್ಲೆರ್ . ಕಟೀಲು ಮೇಳ ಡ್ ಪಟ್ಲೆರೆಗ್ ದೇವಿ ಮಹಾತ್ಮೆ ಪ್ರಸಂಗ ಅವ್ವೆತೋ ಪುಗಾರ್ತೆನ್ ಕೊರ್ತುಂಡು. ನವೆಂಬರ್ ಅಂತ್ಯಡ್ ಮೇಳ ಪಿದಾಡುನ ಸಾಧ್ಯತೆ ಉಂಡು , ಕಾಲಮಿತಿ ಯಕ್ಷಗಾನ ಆದುಂಡು , ಬುಕಿಂಗ್ ಪ್ರಕ್ರಿಯೆ ನನಲ ಸುರು ಆತ್ ಜಿ ಪಂದ್ ಮಾಹಿತಿಡ್ ಪಂತೆರ್.ಪಿರಾಕ್ ರ್ದೇ ಪಾವಂಜೆ ಕ್ಷೇತ್ರ ಯಕ್ಷಗಾನಗ್ ಮಲ್ಲ ಮಟ್ಟ್ ಡ್ ಮಾನಾದಿಗೆ ಕೊರ್ತುಂಡು ಅಂಚನೇ ಮುಲ್ಪರ್ರ್ದ್ ಪಿದಾಡುನ ಒವ್ವೆ ಪೊಸ ಮೇಳಲಾ ಮಲ್ಲ ಮಟ್ಟ್ ದ ಮಾನದಿಗೆ ಪಡೆಪುಂಡು ಪನ್ಪಿನೆಟ್ಟ್ ವಾ ಸಂಶಯಲ ಇಜ್ಜಿ.

Mangalore: The new Yakshagana Fair will be launched by the Goddess of Jnana Shakti Subramanya Swamy Deva near Mulki. According to a source, a total of 20 artists will join the backstage and assistants, including Akshay Marnad, Rajesh Nitte, Satish Nainadu, Sandesh Mandara, Ujire Narayana, Vellipaddi Mohan and Lokesh Muchuru. Due to the time limit of Yakshagana, the artists of Bappanadu Mela are likely to take part in the event. The rest are Patla Satish, Prafullachandra Nelyadi, Purnesha, Prashant Wagenadu and Guruprasad Bolinjadka. The Devi Mahatme episode is well-known to Patlar at the Kateel Fair where artists are set to perform at the end of November. There is no doubt about success.