Mulki

ರಾಜೇಶ್ ಕೆಂಚನಕೆರೆ ಮೆರೆಗ್ ಬಿರುವೆರ್ ಕುಡ್ಲ, ಮುಲ್ಕಿ ಘಟಕರ್ದ್ ಪನವುದ ಸಕಾಯ

Nov 7, 2022

ಮುಲ್ಕಿ : ಸಮಾಜ ಸೇವಕೆರ್, ಚಿತ್ರನಟೆ ಉದಯ ಪೂಜಾರಿ ಮೇರ್ನ ಮುತಾಲಿಕೆದ ಬಿರುವೆರ್ ಕುಡ್ಲ (ರಿ) ಸಂಘಟನೆದ ಮುಲ್ಕಿ ಘಟಕದ ವತಿರ್ದ್ 66 ನೇ ಸ್ಪಂದನ ಸೇವಾ ಯೋಜನೆ ಪಟ್ಟುನ ಲೇಸ್ ನ.6 ಐತಾರ ನಡತ್ಂಡ್.

ಕೆಂಚನಕೆರೆ ನಿವಾಸಿ, ಪುಗರ್ತೆದ ನಾಟಕ ಕಲಾವಿದೆರ್ ಆಯಿನ ರಾಜೇಶ್ ಕೆಂಚನಕೆರೆ ಮೆರೆನ ಕಿಡ್ನಿ ಸಮಸ್ಯೆದ ಚಿಕಿತ್ಸೆಗಾದ್ 66 ನೇ ಸ್ಪಂದನ ಸೇವಾ ಯೋಜನೆದ 10,000 ರೂ. ಪನವುದ ಚೆಕ್ಕ್ ನ್ ಅರೆಗ್ ಕೊರಿಯೆರ್.

ಈ ಪೊರ್ತುಡು ಬಿರುವೆರ್ ಕುಡ್ಲ ಮುಲ್ಕಿ ಘಟಕದ ಅಧ್ಯಕ್ಷೆರ್ ಕಿಶೋರ್ ಜೆ ಸಾಲ್ಯಾನ್,ಕಾರ್ಯದರ್ಶಿ ಗಿರಿಧರ್ ಅಮೀನ್, ಕೋಶಾಧಿಕಾರಿ ಅಶೋಕ್ ಸುವರ್ಣ, ಸದಸ್ಯೆರಾಯಿನ ತಾರನಾಥ್ ಎನ್ ಮುಲ್ಕಿ, ರಮೇಶ್ ಜನನಿ, ಯತೀಶ್ ಕೊಲೆಕಾಡಿ ಮೊಕುಲು ಮಾತ ಇತ್ತೆರ್.

ಡಯಾಲಿಸಿಸ್ ಕೇಂದ್ರ ಸ್ಥಾಪನೆಗ್ ಆದ್ಯತೆ : ಲಯನ್ಸ್ ಕ್ಲಬ್ ಜಿಲ್ಲಾ ಗವರ್ನರ್ ಸಂಜಿತ್ ಯಸ್. ಶೆಟ್ಟಿ

Nov 3, 2022

ಮುಲ್ಕಿ : ದಕ್ಷಿಣ ಕನ್ನಡ, ಕೊಡಗು, ಹಾಸನ , ಚಿಕ್ಕಮಗಳೂರು ಜಿಲ್ಲೆ ಸೇರ್ದ್ ಉಪ್ಪುನ ಲಯನ್ಸ್ ಜಿಲ್ಲೆ 317 ಡಿ ಉಂದೆತ್ತ ಮುತಾಲಿಕೆಡ್ ಈ ಸರ್ತಿ ಡಯಾಲಿಸಿಸ್ ಕೇಂದ್ರ ಸ್ಥಾಪನೆ ಮಲ್ಪರೆ ಆದ್ಯತೆ ಕೊರ್ಪುಂಡು ಪಂದ್ ಲಯನ್ಸ್ ಜಿಲ್ಲಾ ಗವರ್ನರ್ ಸಂಜಿತ್ ಎಸ್. ಶೆಟ್ಟಿ ತೆರಿಪಾಯೆರ್.

ಆರ್ ಮುಲ್ಕಿ ಲಯನ್ಸ್ ಕ್ಲಬ್ ಬೊಕ್ಕ ಲಿಯೊ ಕ್ಲಬ್ ಗ್ ಬುಧಾರ ಭೇಟಿ ಕೊರ್ದು ಮುಲ್ಕಿ ಲಯನ್ಸ್ ಸೌಧೊಡು ನಡತಿನ ಪತ್ರಿಕಾಗೋಷ್ಠಿಡ್ ಈ ವಿಷಯ ತೆರಿಪಾಯೆರ್. ಅಂತಾರಾಷ್ಟ್ರೀಯ ಲಯನ್ಸ್ ಸಂಸ್ಥೆಗ್ ಲಯನ್ಸ್ ಜಿಲ್ಲೆ ಒಟ್ಟು ಮಲ್ತ್ ಕೊರ್ತಿನ 1 ಕೋಟಿ 60 ಲಕ್ಷ ರೂ. ಪನವುನು ಅವು ಸಮಾಜಸೇವೆಗ್ ಗಲಸರೆ ವಾಪಸ್ ಕೊರ್ದಿತ್ತ್ ದ್, ಆ ನಿಧಿಟ್ಟ್ ಈ ಸರ್ತಿ ಅಲ್ಪಲ್ಪ ಡಯಾಲಿಸಿಸ್ ಕೇಂದ್ರೊಲೆನ್ ಸ್ಥಾಪನೆ ಮಲ್ಪುನ ಉದ್ದೇಶ ಉಂಡು. ಕೊಪ್ಪಡ್ 3 ಬೊಕ್ಕ ಕುಶಾಲನಗರಡ್ 1 ಡಯಾಲಿಸಿಸ್ ಸೆಂಟರ್ ಸ್ಥಾಪನೆ ಆವರೆ ಉಂಡು ಪಂಡೆರ್.

ಸಕಲೇಶಪುರತ್ತ ಮಸಣೊನು 25 ಲಕ್ಷ ರೂ. ದುಡ್ಡುಡು ಅಭಿವೃದ್ಧಿ ಮಲ್ಪುನ ಬೇಲೆ ಸುರುವಾತ್ಂಡ್. ವಗ್ಗರ್ದ್ ಪುಂಜಾಲಕಟ್ಟೆ ಅಂಚೆನೆ ವಾಮಂಜೂರುರ್ದು ಪಿಲಿಕುಲ ಮುಟ್ಟ ದೈ ನಡ್ಪುನ ಟನರಲ್ ಟ್ರೀ ಯೋಜನೆ ಉಂಡು. ಅಂಚೆನೆ ಲವ್ ಕೇರ್ ಷೇರ್ ಪನ್ಪಿನ ಯೋಜನೆ ಬೊಕ್ಕ ವೀ ಸರ್ವ್ ಪರಿಕಲ್ಪನೆಡ್ ಸರ್ಕಾರಿ ಕಾಲೇಜಿಗ್ ಕಂಪ್ಯೂಟರ್ ಪಟ್ಟುನ, ಅರಿ ಪಟ್ಟುನ , ಕಣ್ಣ್ ಪರೀಕ್ಷೆ, ಧರ್ಮಾರ್ಥ ಚಿಕಿತ್ಸೆ ಬೊಕ್ಕ ಕನ್ನಡಕ ಪಟ್ಟುನ ಲೇಸ್ ಮುಲ್ಕಿ ಲಯನ್ಸ್ ಕ್ಲಬ್ ದ ಮುತಾಲಿಕೆಡ್ ನಡತ್ಂಡ್ ಪಂದ್ ತೆರಿಪಾಯೆರ್.

ಪತ್ರಿಕಾಗೋಷ್ಠಿಡ್ ಮುಲ್ಕಿ ಲಯನ್ಸ್ ಕ್ಲಬ್ ಅಧ್ಯಕ್ಷೆರ್ ನೀರಜಾಕ್ಷಿ ಅಗರ್ ವಾಲ್, ಕಾರ್ಯದರ್ಶಿ ಶೀತಲ್ ಸುಶೀಲ್, ಟ್ರೆಶರರ್ ಸದಾಶಿವ ಹೊಸದುರ್ಗ, ಮಾಜಿ ಅಧ್ಯಕ್ಷೆರ್ ವಿನೋದ್ ಸಾಲ್ಯಾನ್ ಬೆಳ್ಳಾಯಿರು, ಸ್ಯಾಮ್ ಮಾಬೆನ್, ಲಿಯೋ ಕ್ಲಬ್ ದ ಕವನ್ ಕುಬೆವೂರು ಇತ್ತೆರ್.

Importence will be to set up Dailysis centre-Lions club governor Sanjith S Shetty

Mulki: The district governor of Lion’s club district 317, Sanjith S Shetty announced that priority will be given in setting up dailysis centres in its jurisdiction of DK district, Kodagu, Hassan and Chickmagalore.

He was speaking at a press conference in Mulki after a visit to Mulki lions club and Leo club on Wednesday.

It would make use of the fund if 1 crore sixty lakhs collected by the Lion’s district and given to the international lion’s organization which was given back to the district to be used for social causes . Dialysis centre will be set up at Koopa(3) and Kushal Nagar(1) shortly.

A Hindu Rudrabhumi has been developed with rupees 25 lakhs fund at Sakleshpur. And also tree planting programme at Pilikula and Vagga.

A social service drive named Love ,care, Share and We serve- are on the cards to provide computers to college students, health check up, free medical services and the like.

Neerajakshi Aggarwal President of lion’s club Mulki, secretary Sheetal Susheel treasurer Sadashiva Hosadurga and Kavan Kubevoor others were present.

ಮುಲ್ಕಿ: ಲವ್ ಜಿಹಾದ್ ಕೇಸ್ ದ ಆರೋಪಿ ಅರೆಸ್ಟ್

Oct 21, 2022

ಮುಲ್ಕಿ: ಮುಲ್ಕಿ ಠಾಣಾ ವ್ಯಾಪ್ತಿದ ತೋಕೂರು ಕೈತಲ್ದ ಎಸ್.ಕೋಡಿಡ್ ಲವ್ ಜಿಹಾದ್ ಕೇಸ್ ಪತ್ತೆಯಾದಿತ್ತ್‌ದ್, ಹಿಂದೂ ಸಂಘಟನೆದ ದೂರ್‌ದ ಬಗೆಟ್ ಈ ಕೇಸ್‌ದ ಆರೋಪಿನ್ ಮುಲ್ಕಿ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್.

ಆರೋಪಿನ್ ತೋಕೂರು ಕೈತಲ್‌ದ ಬಾಡಿಗೆ ಇಲ್ಲಡ್ ಇತ್ತಿನ ಸಮೀರ್ ಪಂದ್ ಗುರ್ತಿಸಾದೆರ್. ಆರೋಪಿ ಸಮೀರ್ ಇತ್ತೆ ಮದಿಮೆ ಆತಿನ ವಿಷಯ ತೆರಿದ್ ಬತ್ತಿತ್ತ್‌ದ್, ಹಿಂದೂ ಪೊಣ್ಣನೊಟ್ಟುಗ್ ಕರಿನ ಕೆಲವು ತಿಂಗೊಲ್‌ರ್ದಿಂಚಿ ಬಾಡಿಗೆದ ಇಲ್ಲಡ್ ಒಟ್ಟುಗು ಇತ್ತೆರ್. ಮುಲ್ಕಿ ಪೊಲೀಸೆರೆಗ್ ಉಂದೆತ್ತ ಮಾಹಿತಿ ತಿಕ್ಕ್‌ದಿತ್ತ್‌ದ್ ಆರೋಪಿನ್ ಅರೆಸ್ಟ್ ಮಲ್ತ್‌ದೆರ್. ಈ ಬಗೆಟ್ ಸರಿಯಾಯಿನ ಕ್ರಮ ದೆತೊನೊಡು ಪಂದ್ ಬಜರಂಗದಳತ್ತ ಕಾರ್ಯಕರ್ತೆರ್ ಮುಲ್ಕಿ ಪೊಲೀಸ್ ಠಾಣೆಡ್ ಪಂತೆರ್.

ಸಮಾಜ ಸೇವೆಡ್ ಸ್ವಾರ್ಥ ಉಪ್ಪರೆ ಬಲ್ಲಿ : ಅಶೋಕ್ ಕುಮಾರ್ ಚಿತ್ರಾಪು

Sep 27, 2022

ಮುಲ್ಕಿ: ಸಮಾಜ ಸೇವೆಡ್ ಸ್ವಾರ್ಥ ಉಪ್ಪರೆ ಬಲ್ಲಿ. ಬಡಪತ್ತ್ ದಕ್ಲೆನ ಇಲ್ಲಡ್ ಮರಣ ಆಂಡ ಅಪಗ ನಮ ಮಾತೆರ್ಲ ದುಂಬು ಪೋದು ಮರಣ ದೆಪ್ಪುನ ಪೂರ ತರತ್ತ ಕೆಲಸ ಮಲ್ಪೊಡು ಪಂದ್ ಸಮಾಜ ಸೇವಕೆರ್ ಅಶೋಕ್ ಕುಮಾರ್ ಚಿತ್ರಾಪು ಮೇರ್ ತೆರಿಪಾಯೆರ್.

ಸ್ವಾಗತ್ ಹೋಟೆಲ್ ಸಭಾಂಗಣಡ್ ಅಂಗಾರೆ ನಡತಿನ ಹೊಸ ಅಂಗಣದ ತಿಂಗಳ ಬೆಳಕು ಕಾರ್ಯಕ್ರಮೊಡು ಮಾನಾದಿಗೆ ಸ್ವೀಕಾರ ದೆತೊಂದು ಆರ್ ಪಾತೆರಿಯೆರ್. ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು ಲೇಸ್ ದ ಗುರ್ಕಾರ್ಮೆ ಒಯಿಸ್ ದಿತ್ತೆರ್.

ಮಲ್ಲ ಬಿನ್ನೆರಾದ್ ಮುಲ್ಕಿ ನಾಲ್ಕುಪಟ್ಣ ಮೊಗವೀರ ಸಭಾದ ಅಧ್ಯಕ್ಷೆರ್ ಸುಜಿತ್ ಎಸ್. ಸಾಲ್ಯಾನ್, ಮಯೂರಿ ಫೌಂಡೇಶನ್ ಅಧ್ಯಕ್ಷೆರ್ ಜಯ ಶೆಟ್ಟಿ, ತೋಕೂರು ಎಂಎಸ್ ಆರ್ ಎಂ ಐಟಿಐದ ಪ್ರಿನ್ಸಿಪಾಲ್ ಹರಿ ಎಚ್., ಮುಲ್ಕಿ ಜೇಸಿ ಅಧ್ಯಕ್ಷೆರ್ ಕಲ್ಲಪ್ಪ ಕಟವಳೆ, ಮುಲ್ಕಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ರಮೇಶ್ ಕೊಕ್ಕರಕಲ್ ಇತ್ತೆರ್. ಹೊಸ ಅಂಗಣ ಸಂಪಾದಕೆರ್ ಡಾ.ಹರಿಶ್ಚಂದ್ರ ಸಾಲ್ಯಾನ್ ಸ್ವಾಗತ ಮಲ್ತೆರ್. ವಾಸು ಪೂಜಾರಿ ಚಿತ್ರಾಪು ದೇವೆರೆನ್ ಸುಗಿತೆರ್. ವಿಜಯಕುಮಾರ್ ಕುಬೆವೂರು ಸನ್ಮಾನ ಪತ್ರ ಓದಿಯೆರ್. ವಾಮನ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದಾಯೆರ್. ರವಿಚಂದ್ರ ನಿರೂಪಣೆ ಮಲ್ತೆರ್.

ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘಡ್ ಶರನ್ನವರಾತ್ರಿ ಉಚ್ಚಯ ಉದಿಪನ

Sep 27, 2022

ಮುಲ್ಕಿ : ದ.ಕ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ಬಿಲ್ಲವ ಸಮಾಜ ಸೇವಾ ಸಂಘದ ಮುತಾಲಿಕೆಡ್ ವರ್ಷಂಪ್ರತಿ ನಡಪುನ ಶರನ್ನವರಾತ್ರಿ ಉಚ್ಚಯದ ಭಜನೆದ ಉದಿಪನದ ಲೇಸ್ ಸೋಮಾರ ಬಯ್ಯಡ್ ನಡತ್ಂಡ್.

ಭಾರತೀಯರ ವಿಮಾ ಸಂಸ್ಥೆದ ಪ್ರಬಂಧಕೆರ್ ಕೆ.ಪ್ರಕಾಶ್ ಲೇಸ್ ಉದಿಪನ ಮಲ್ತೆರ್. ಸುರೂತ್ತ ದಿನ ನಡುಕರೆ ಒಡೆಯರಬೆಟ್ಟು ಗ್ರಾಮಸ್ಥೆರೆರ್ದ್ ಭಜನಾ ಸೇವೆ, ಅನ್ನಸಂತರ್ಪಣೆ ಸೇವೆ ನಡತ್ಂಡ್.

ಉಂದುವೇ ಪೊರ್ತುಡು ಭಜನಾ ಮಂಡಳಿದ ಸಂಚಾಲಕೆರ್, ಬಿರುವೆರ್ ಕುಡ್ಲ (ರಿ)ಮುಲ್ಕಿದ ಕಾರ್ಯದರ್ಶಿ ಗಿರಿಧರ ಅಮೀನ್ ಮೆರೆಗ್ ಶಾಲ್ ಪಾಡ್ದ್ ಮಾನಾದಿಗೆ ಮಲ್ತೆರ್.

ಅವ್ವತ್ತಾಂದೆ ಶಿವ ಪ್ರಣಾಮ್ ನೃತ್ಯ ಸಂಸ್ಥೆದ ವಿದುಷಿ ಅನ್ನಪೂರ್ಣ ಮೆರೆಗ್ ಲ ಮಾನಾದಿಗೆ ನಡತ್ಂಡ್. ಈ ಪೊರ್ತುಡು ಶರತ್ ನರ್ಸಪ್ಪ ಸಾಲ್ಯಾನ್, ಬಿಲ್ಲವ ಸಮಾಜ ಸೇವಾ ಸಂಘದ ಅಧ್ಯಕ್ಷೆರ್ ರಮೇಶ್ ಅಮೀನ್ ಕೊಕ್ಕರಕಲ್ , ಉಪಾಧ್ಯಕ್ಷೆರ್ ಸರೋಜಿನಿ, ಕಾರ್ಯದರ್ಶಿ ಕಮಲಾಕ್ಷ ಬಡಗುಹಿತ್ಲು, ಕೋಶಾಧಿಕಾರಿ ಪ್ರಕಾಶ್ ಸುವರ್ಣ, ರಾಘು ಸುವರ್ಣ , ಬಿರುವೆರ್ ಕುಡ್ಲ (ರಿ) ಮುಲ್ಕಿದ ಅಧ್ಯಕ್ಷೆರ್ ಕಿಶೋರ್‌ ಸಾಲ್ಯಾನ್ ಬಪ್ಪನಾಡ್ ಮೊಕುಲು ಮಾತ ಇತ್ತೆರ್.
ಬೊಕ್ಕ ಶಿವ ಪ್ರಣಾಮ್ ನೃತ್ಯ ಕೂಟದಕ್ಲೆರ್ದ್ ಭರತನಾಟ್ಯ ಕಾರ್ಯಕ್ರಮ ನಡತ್ಂಡ್.

ಸೆ.21 : ಮುಲ್ಕಿ ಬಿಲ್ಲವ ಸಂಘೊಡು ನಾರಾಯಣ ಗುರುಕ್ಲೆಗ್ ಸಾಮೂಹಿಕ ಪುರ್ಪಾರ್ಚನೆ, ನೆಯಿತ್ತ ದೀಪಾರಾಧನೆ, ಭಜನೆ

Sep 19, 2022

ಮುಲ್ಕಿ: ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಪುಣ್ಯತಿಥಿತ್ತ ಅಂಗವಾದ್ ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘದ ಗುರುಕ್ಲೆನ ಸನ್ನಿಧಿಡ್ ಸೆ.21 ಬುಧಾರ ಕಾಂಡೆ ಸಾಮೂಹಿಕ ಪುರ್ಪ ದ ಅರ್ಚನೆ, ನೆಯಿತ್ತ ದೀಪದ ಆರಾಧನೆ ಬೊಕ್ಕ ಭಜನಾ ಸೇವೆ ನಡಪರೆ ಉಂಡು.

ಕಾಂಡೆ 8.30 ಗಂಟೆಗ್ ಸಾಮೂಹಿಕ ಪುರ್ಪದ ಅರ್ಚನೆ, ಬಯ್ಯಡ್ 6.30 ಗಂಟೆರ್ದ್ ನೆಯಿತ್ತ ದೀಪದ ಸೇವೆ ಅಂಚೆನೆ ಭಜನಾ ಸಂಕೀರ್ತನೆ ಉಂಡು. ಅವೆರ್ದ್ ಬೊಕ್ಕ ಸಂಘದ ಸದಸ್ಯೆರಾಯಿನ ಕಿಶೋರ್ ಜೆ.ಸಾಲಿಯನ್ ಬಪ್ಪನಾಡು ಮೆರೆನ ಲೆಕ್ಕೊಡು ಅನ್ನದಾನದ ಸೇವೆಲ ನಡಪರೆ ಉಂಡು. ಭಕ್ತೆರ್ ಎಚ್ಚಿನ ಸಂಖ್ಯೆಡ್ ಬತ್ತ್ ದ್ ಲೇಸ್ ಡ್ ಪಾಲ್ ಪಡೆವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

ಮುಲ್ಕಿ: ಸರ್ವೋದಯ ಫ್ರೆಂಡ್ಸ್ ಕಲ್ಲಮುಂಡ್ಕೂರು ಮುತಾಲಿಕೆಡ್ ಹುಷಾರ್ ಇಜ್ಜಂದಿನ ಬಾಲೆಗ್ ಇನ್ಸುಲಿನ್ ಕಿಟ್ ಕೊರ್ಪಿನ ಲೇಸ್

Sep 15, 2022

ಮುಲ್ಕಿ: ಕಳಸ ಮೂಲದ ಶ್ರೀಧರ ಅಂಚನೆ ಶೀಲಾ ದಂಪತಿಲೆನ ಮಗಲ್ ಅಕ್ಷಿತಾ ಮೇರೆಗ್ ಎಲ್ಯಡೆ ಮಧುಮೇಹ ಸೀಕ್ ಬತ್ತ್ ದಿತ್ತ್ ದ್, ಅಯಿತ್ತ ಚಿಕಿತ್ಸೆಗ್ ಮುಲ್ಕಿದ ಸರ್ವೋದಯ ಫ್ರೆಂಡ್ಸ್ ಕಲ್ಲಮುಂಡ್ಕೂರು ಮುತಾಲಿಕೆಡ್ ಇನ್ಸುಲಿನ್ ಕಿಟ್ ನ್ ಸೆಪ್ಟೆಂಬರ್ 13 ತಾರೀಕ್ ಗ್ ಕೊರಿಯೆರ್.

ಸುಮಾರ್ 5 ತಿಂಗೊಲುಗ್ ಆಪುನಾತ್ ಇನ್ಸುಲಿನ್ ಇಂಜೆಕ್ಷನ್ ಕೊರಿಯೆರ್. ಬಾಲೆದ ಪ್ರತಿ ವರ್ಷದ ಇನ್ಸುಲಿನ್ ದ ಕರ್ಚಿನ್ ಸರ್ವೋದಯ ಫ್ರೆಂಡ್ಸ್ ದ ಮುತಾಲಿಕೆಡ್ ಕೊರ್ಪಿಲೆಕ್ಕ ನಿರ್ಧಾರ ಮಲ್ತೆರ್.

ಪಂಜಡ್ 22ನೇ ವರ್ಷದ ವೈಭವಲಕ್ಷ್ಮೀ ಪೂಜೆ

Sep 10, 2022

ಕಿನ್ನಿಗೋಳಿ: ನವಜ್ಯೋತಿ ಮಹಿಳಾ ಮಂಡಲ(ರಿ.) ಪಂಜ-ಕೊಯಿಕುಡೆ ಮೊಕ್ಲೆನ ಮುತಾಲಿಕೆಡ್ 22ನೇ ವರ್ಷದ ವೈಭವಲಕ್ಷ್ಮೀ ಪೂಜೆ ಶ್ರೀ ವಿಠೋಭ ಭಜನಾ ಮಂದಿರದ ವಠಾರಡ್ ನಡತ್ಂಡ್.

ಪಂಜ ಶ್ರೀ ಗಣಪತಿ ಮಂದಿರದ ಪ್ರಧಾನ ಅರ್ಚಕೆರಾಯಿನ ಸುರೇಶ್ ಭಟ್ ಮೇರ್ನ ಪೌರೋಹಿತ್ಯೊಡು ಪೂಜೆ ನಡತ್ಂಡ್.

ಈ ಪೊರ್ತುಡು ನವಜ್ಯೋತಿ ಮಹಿಳಾ ಮಂಡಲದ ಅಧ್ಯಕ್ಷೆರ್ ಅಂಚೆನೆ ಸರ್ವಸದಸ್ಯೆರ್ ಊರುದ ಗಣ್ಯೆರ್, ಗ್ರಾಮಸ್ಥೆರ್ ಬೊಕ್ಕ ವಿಠೋಭ ಭಜನಾ ಮಂದಿರದ ಅಧ್ಯಕ್ಷೆರ್, ಸರ್ವ ಸದಸ್ಯೆರ್ ಪೂಜೆಡ್ ಪಾಲ್ ಪಡೆದಿತ್ತೆರ್.

ಸೆ.14ಕ್ಕ್ ಮುಲ್ಕಿಡ್ ಇಂಜಿನಿಯರ್ಸ್ ಡೇ ಆಚರಣೆ

Sep 9, 2022

ಮುಲ್ಕಿ: ಅಸೋಸಿಯೇಶನ್ ಆಫ್ ಸಿವಿಲ್ ಇಂಜಿನಿಯರ್ಸ್ ಮುಲ್ಕಿ ಬೊಕ್ಕ ರೋಟರಿ ಕ್ಲಬ್ ಮುಲ್ಲಿ ಮೊಕ್ಲೆನ ಒಟ್ಟು ಸೇರಿಗೆಡ್ ಸೆ.14 ತಾರೀಕ್ ಬುಧಾರದಾನಿ ಬಯ್ಯ 6.45ಕ್ಕ್ ಕಾರ್ನಾಡ್ ದ ರೋಟರಿ ಶತಾಬ್ಧ ಭವನದ ಚಾವಡಿಡ್ ಇಂಜಿನಿಯರ್ಸ್ ಡೇ ಆಚರಣೆ ನಡಪರೆ ಉಂಡು.

ನಿಟ್ಟೆ ತಾಂತ್ರಿಕ ವಿದ್ಯಾಸಂಸ್ಥೆದ ಉಪ ಪ್ರಾಂಶುಪಾಲೆರ್ ಡಾ. ಐ. ರಮೇಶ್ ಮಿತ್ತಂತಾಯ ಮೇರ್ ಲೇಸ್ ಡ್ ಎಡ್ಡೆಪ್ಪುದ ಮದಿಪುನ್ ಪನಿಯರೆ ಉಲ್ಲೆರ್. ಈ ಲೇಸ್ ಡ್ ಮುಲ್ಕಿ ತಾಲೂಕುದ ಮಾತ ಜನಕುಲು ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆಯೊಡ್ ಪಂದ್ ಪ್ರಕಟನೆಡ್ ತೆರಿಪಾದೆರ್.

Engineer’s day celebrations at Mulki on September 14th.

Mulki: The Association of civil engineers Mulki and Rotary club Mulki together will celebrate Engineers day on September 14th at Mulki.

Dr I Ramesh Mitantaya Vice principal and Dean NMAMIT will be the guest of honour.
All are requested to participate.

Uncategorized ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಲ್ಪಾರ್ಥಿಲೆನ ಬದುಕ್‌ನ್ ಗಟ್ಟಿ ಮಲ್ಪುನ ತಾಕತ್ತ್ ಉಪ್ಪುನು ಗುರುಕುಲೆಗ್: ಡಾ. ಜಗದೀಶ ಬಾಳ

Sep 7, 2022

ಒಂಜಿ ಜನನ್ ಸಮಾಜಡ್ ಎಡ್ಡೆ ಜನ ಆದ್ ಮಲ್ಪುನೆಟ್ಟ್ ವಿದ್ಯೆ, ಬುದ್ದಿ ಕಲ್ಪಾಯಿನ ಗುರುಕುಲೆನ ಪಾತ್ರ ಮಹತ್ವವಾಯಿನವ್. ಒಂಜಿ ದೇಶನ್ ಕಟ್ಟೆರಲ ಅಯಿಟ್ ಶಿಕ್ಷಕೆರ್‍ನ ಪಾತ್ರ ಉಂಡು. ನಮಕ್ ಪಾಠ ಕಲ್ಪಾದ್ ಕೊರ್ಪುನ ಶಿಕ್ಷಕೆರೆಗ್ ಸೊಲ್ಮೆ ಸಂದೈತ ಮಲ್ಪರೆ ಪ್ರತಿ ವರ್ಷಲ ಶಿಕ್ಷಕೆರ್‍ನ ದಿನಾಚರಣೆನ್ ಆಚರಣೆ ಮಲ್ಪುವ ಪಂದ್ ಸರಕಾರಿ ಪ್ರಥಮದರ್ಜೆ ಮಹಿಳಾ ಕಾಲೇಜು ಬಲ್ಮಠ, ಕುಡ್ಲದ ಪ್ರಾಂಶುಪಾಲೆರಾಯಿನ ಡಾ. ಜಗದೀಶ ಬಾಳ ಪಂಡೆರ್.

ಪುನರೂರು ಪ್ರತಿಷ್ಠಾನದ ಮುತಾಲಿಕೆಡ್ ಜನವಿಕಾಸ ಸಮಿತಿ ಮೂಲ್ಕಿ ಮೊಕ್ಲೆನ ಒಟ್ಟು ಸೇರಿಗೆಡ್ ಪುನರೂರು ಟೂರಿಸ್ಟ್ ಹೋಂ ಚಾವಡಿಡ್ ನಡತಿನ ಶಿಕ್ಷಕ ಸಪರ್ಯಾ-2022 ಲೇಸ್ ಡ್ ಮೂಲ್ಕಿ ಹೋಬಳಿದ ರಾಷ್ಟ್ರೀಯ ಸೇವಾಯೋಜನಾ ಘಟಕದ ಯೋಜನಾಧಿಕಾರಿಲೆನ್ ಮಾನಾದಿಗೆ ಮಲ್ತ್‌ದ್ ಪಾತೆರಿಯೆರ್.

ಈ ಪೊರ್ತುಡು ಮೂಲ್ಕಿ ಹೋಬಳಿದ ರಾಷ್ಟ್ರೀಯ ಸೇವಾ ಯೋಜನಾ ಘಟಕದ ಯೋಜನಾಧಿಕಾರಿ, ವಿಜಯ ಕಾಲೇಜು ಮೂಲ್ಕಿದ ಜಿತೇಂದ್ರ ವಿ ರಾವ್ ಹೆಜಮಾಡಿ, ಕಟೀಲು ದುರ್ಗಾಪಮೇಶ್ವರಿ ದೇವಳ ಪ್ರಥಮ ದರ್ಜೆ ಕಾಲೇಜ್‌ದ ಪರಮೇಶ್ವರ ಬೊಕ್ಕ ಸಂತೋಷ್ ಆಳ್ವ, ಪಾಂಪೈ ಕಾಲೇಜು ಐಕಳದ ನೇಮಿಚಂದ್ರ ಗೌಡ, ಸರಕಾರಿ ಪ್ರಥಮ ದರ್ಜೆ ಕಾಲೇಜು ಹಳೆಯಂಗಡಿದ ಶರತ್ ಕುಮಾರ್ ಹಾರಾಡಿ, ಸರಕಾರಿ ಪದವಿಪೂರ್ವ ಕಾಲೇಜು ಮೂಲ್ಕಿದ ರಮಾನಂದ ಕೆ ಅಂಚೆನೆ ಶ್ರೀ ನಾರಾಯಣ ಸನಿಲ್ ಸರಕಾರಿ ಪದವಿ ಪೂರ್ವ ಕಾಲೇಜು ಹಳೆಯಂಗಡಿದ ಪ್ರೇಮನಾಥ ಶೆಟ್ಟಿಗಾರ್ ಮೊಕ್ಲೆನ್ ಮಾನಾದಿಗೆ ಮಲ್ತೆರ್.

ಲೇಸ್ ದ ಅಧ್ಯಕ್ಷತೆನ್ ಪುನರೂರು ಪ್ರತಿಷ್ಠಾನದ ಗೌರವ ಅಧ್ಯಕ್ಷೆರಾಯಿನ ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು ವಹಿಸ್ ದ್ ಇತ್ತೆರ್. ಮಲ್ಲ ಬಿನ್ನೆರಾದ್ ಕರಾವಳಿ ಯುವತಿ ವೃಂದ, ಪೆಜಮಾಡಿ ಅಧಕ್ಷೆರಾಯಿನ ಪವಿತ್ರಾ ಗಿರೀಶ್, ಪುನರೂರು ಪ್ರತಿಷ್ಠಾನದ ಗೌರವ ಅಧ್ಯಕ್ಷೆರಾಯಿನ ಎಚ್. ಕೆ.ಉಷಾರಾಣಿ, ಪ್ರಧಾನ ಕಾರ್ಯದರ್ಶಿ ಶ್ರೇಯಾ ಪುನರೂರು, ಜನವಿಕಾಸ ಸಮಿತಿ ಮುಲ್ಕಿದ ಅಧ್ಯಕ್ಷೆರಾಯಿನ ದಾಮೋದರ ಶೆಟ್ಟಿ ಕೊಡೆತ್ತೂರು ಅಂಚನೆ ಸಮಿತಿದ ಸದಸ್ಯೆರ್ ಲೇಸ್‌ಡ್ ಇತ್ತೆರ್.

ಪುನರೂರು ಪ್ರತಿಷ್ಠಾನದ ಅಧ್ಯಕ್ಷೆರಾಯಿನ ದೇವಪ್ರಸಾದ್ ಪುನರೂರು ಮೇರ್ ಪ್ರಾಸ್ತಾವಿಕವಾದ್ ಪಾತೆರ್‍ದ್ ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್. ಪ್ರಾಣೇಶ್ ಭಟ್ ಸೊಲ್ಮೆ ಸಂದೈತ ಮಲ್ತೆರ್. ಹಿತಾ ಉಮೇಶ್ ಲೇಸ್ ಸುದಾರಿಕೆ ಮಲ್ತೆರ್.

Only teachers have the capability to build life of their students.- Dr Jagdish Bala

To make man a responsible person of the society the role of teachers is immense.A teacher is a person who builds the society and the nation.To pay tribute to teachers we celebrate teachers day every year said Dr Jagdish Bala of government women’s College,Balmatta, Mangalore.

He was speaking at a program ” Shikshaka Samarpaya -2022″ organised at Punaroor tourist home by Punaroor Patistana and Janavikasa Samiti.NSS unit officers were honoured on the occasion.

The program was presided by Dr Harikrishna Punaroor.The guests of honour were Pavitra Girish, H.K Usha Rani, Shreya Punaroor and Damodar Shetty from Janavikasa Samiti.

Mulki

ರಾಜೇಶ್ ಕೆಂಚನಕೆರೆ ಮೆರೆಗ್ ಬಿರುವೆರ್ ಕುಡ್ಲ, ಮುಲ್ಕಿ ಘಟಕರ್ದ್ ಪನವುದ ಸಕಾಯ

ಡಯಾಲಿಸಿಸ್ ಕೇಂದ್ರ ಸ್ಥಾಪನೆಗ್ ಆದ್ಯತೆ : ಲಯನ್ಸ್ ಕ್ಲಬ್ ಜಿಲ್ಲಾ ಗವರ್ನರ್ ಸಂಜಿತ್ ಯಸ್. ಶೆಟ್ಟಿ

ಮುಲ್ಕಿ: ಲವ್ ಜಿಹಾದ್ ಕೇಸ್ ದ ಆರೋಪಿ ಅರೆಸ್ಟ್

ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘಡ್ ಶರನ್ನವರಾತ್ರಿ ಉಚ್ಚಯ ಉದಿಪನ

ಸೆ.21 : ಮುಲ್ಕಿ ಬಿಲ್ಲವ ಸಂಘೊಡು ನಾರಾಯಣ ಗುರುಕ್ಲೆಗ್ ಸಾಮೂಹಿಕ ಪುರ್ಪಾರ್ಚನೆ, ನೆಯಿತ್ತ ದೀಪಾರಾಧನೆ, ಭಜನೆ

ಮುಲ್ಕಿ: ಸರ್ವೋದಯ ಫ್ರೆಂಡ್ಸ್ ಕಲ್ಲಮುಂಡ್ಕೂರು ಮುತಾಲಿಕೆಡ್ ಹುಷಾರ್ ಇಜ್ಜಂದಿನ ಬಾಲೆಗ್ ಇನ್ಸುಲಿನ್ ಕಿಟ್ ಕೊರ್ಪಿನ ಲೇಸ್

ಪಂಜಡ್ 22ನೇ ವರ್ಷದ ವೈಭವಲಕ್ಷ್ಮೀ ಪೂಜೆ

ಸೆ.14ಕ್ಕ್ ಮುಲ್ಕಿಡ್ ಇಂಜಿನಿಯರ್ಸ್ ಡೇ ಆಚರಣೆ

ಕಲ್ಪಾರ್ಥಿಲೆನ ಬದುಕ್‌ನ್ ಗಟ್ಟಿ ಮಲ್ಪುನ ತಾಕತ್ತ್ ಉಪ್ಪುನು ಗುರುಕುಲೆಗ್: ಡಾ. ಜಗದೀಶ ಬಾಳ

You Missed

ಮಂಗಳೂರು ಜಿಲ್ಲೆ ಪುದರ್ ಬದಲಾವಣೆಗ್ ಪರಿಶೀಲನೆ

ಕರಾವಳಿ ಜಿಲ್ಲೆ ಅಭಿವೃದ್ಧಿಗ್ 32,612 ಕೋಟಿ ರೂ. ಪ್ಯಾಕೇಜ್

ತುಳು ರಾಜ್ಯದ 2 ನೇ ಅಧಿಕೃತ ಬಾಸೆ

“ಟಾಸ್” ಪಿಚ್ಚರ್ ರಾಜ್ಯಾದ್ಯಂತ ಬಿಡುಗಡೆ