#MangaloreCommissioner

ಕಮಿಷನರೇಟ್ ವ್ಯಾಪ್ತಿಡ್ 157 ಕಡೆಟ್ ಪತ್ತೆರ್ ಸೇರ್ದು ಗಣಪತಿ ಪ್ರತಿಷ್ಠಾಪನೆ ಮಲ್ತೆರ್

ಕುಡ್ಲ, ಸೆ.10: ಕಮಿಷನರೇಟ್ ವ್ಯಾಪ್ತಿಡ್ ಒಟ್ಟು 157 ಕಡೆಡ್ ಭಕ್ತೆರ್ ಸೇರ್ದು ಗಣಪತಿನ್ ಪ್ರತಿಷ್ಠಾಪನೆ ಅಂಚನೆ ಆಚರಣೆ ಮಲ್ತೊಂದಿತ್ತುದ್, ಸರ್ಕಾರದ ಅದೇಶಲೆನ್ ಅಂಚನೆ ಮಾರ್ಗಸೂಚಿನ್ ಕಟ್ಟಿನಿಟ್ಟಾದ್ ಪಾಲಿಸಾವೊಡ್ ಪಂದು ನಗರ ಪೊಲೀಸ್ ಕಮಿಷನರ್ ತೆರಿಪಾಯೆರ್.

ದೇವೆರೆನ್ ತೂಯರೆ ಬರ್ಪುನ ಭಕ್ತಾದಿಲ್ ಕಡ್ಡಾಯವಾದ್ ಮಾಸ್ಕ್ ಪಾಡುದ್ ಸಾಮಾಜಿಕ ಅಂತರನ್ ಕಾಪಡೊಡ್. ಜನಕುಲೆಗ್ ಅಂಚನೆ ಗಾಡಿ ಪೊಯರೆ ಒವ್ವೆ ರೀತಿದ ತೊಂದರೆ ಆವಂದೆ ಗಣೇಶನ್ ಪ್ರತಿಷ್ಠಾಪನೆ ಮನ್ಪರೆ ಪ್ರಕಟನೆಡ್ ತೆರಿಪಾದುಂಡು.

ನಗರೊಡ್ ಶಾಂತಿ ಅಂಚನೆ ಸುವ್ಯವಸ್ಥೆನ್ ಕಾಪಾಡರೆ 3 ಡಿಸಿಪಿ, 5 ಎಸಿಪಿ, 24 ಪಿಐ , 62 ಪಿಎಸ್ಐ, 1,222 ಎಎಸ್ಐ ಬೊಕ್ಕ ಸಿಬ್ಬಂದಿಲ್ 6 ಸಿಎಆರ್ ಅಂಚನೆ 5 ಕೆಎಸ್ಆರ್ ಪಿ ತುಕಡಿನ್ ನಿಯೋಜಿಸಾದೆರ್. ಶೇಕಡಾ 90 ದಾತು ಗಣೇಶ ವಿಸರ್ಜನೆದ ಉತ್ಸವಲ್ ಸುರುತ ದಿನನೇ ಉಂಡು ಪಂಡು ಕಮಿಷನರ್ ಕಚೇರಿ ಪ್ರಕಟಣೆಡ್ ತೆರಿಪಾಯೆರ್.