Mangalore

ಒಡಿಪುಡು ಉದ್ಯಮಶೀಲತಾ ತಿಳುವಳಿಕೆ ಶಿಬಿರ

Jul 28, 2021

ಒಡಿಪು, ಜುಲೈ 28: ಕೌಶಲ್ಯಾಭಿವೃದ್ಧಿ, ಉದ್ಯಮಶೀಲತೆ ಬೊಕ್ಕ ಜೀವನೋಪಾಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಉದ್ಯಮಶೀಲತಾ ಅಭಿವೃದ್ಧಿ ಕೇಂದ್ರ (ಸಿಡಾಕ್) ಧಾರವಾಡ, ಪರಿಶಿಷ್ಟ ಜಾತಿ, ಪರಿಶಿಷ್ಟ ವರ್ಗ ಅಧ್ಯಯನ ಬೊಕ್ಕ ಅಭಿವೃದ್ಧಿ ಟ್ರಸ್ಟ್ ಕುಡ್ಲ , ಒಡಿಪು ಜಿಲ್ಲೆ ಎಸ್.ಸಿ-ಎಸ್.ಟಿ ಕೈಗಾರಿಕೋದ್ಯಮಿಲೆನ ಸಂಘ ಒಡಿಪು ಮೆಕ್ಲೆನ ಒಟ್ಟು ಸೇರಿಗೆಡ್ಆಶ್ರಯದಲ್ಲಿ ಪಡುಬಿದ್ರಿದ ಸುಝ್ಲಿನ್ ಆರ್.ಆರ್. ಕಾಲನಿ ಸಭಾಭವನಡ್ ಒಂಜಿ ದಿನತ ಉದ್ಯಮಶೀಲತಾ ತಿಳುವಳಿಕೆ ಶಿಬಿರ ನಡತುಂಡು.

ಕರ್ನಾಟಕದ ಪೊಸ ಸಿಎಂ ಆದ್ ಬಸವರಾಜ್ ಬೊಮ್ಮಾಯಿ ಆಯ್ಕೆ : ಎಲ್ಲೆ ಪ್ರಮಾಣವಚನ ಸ್ವೀಕಾರ

Jul 27, 2021

ಬೆಂಗ್ಳೂರು, ಜುಲೈ 27: : ಬಿ.ಎಸ್ ಯಡಿಯೂರಪ್ಪ ರಾಜೀನಾಮೆರ್ದ್ ಖಾಲಿ ಉಪ್ಪುನ ಮುಖ್ಯಮಂತ್ರಿ ಸ್ಥಾನಗ್ , ಪೊಸ ಸಿಎಂ ಆದ್ ಬಸವರಾಜ್ ಬೊಮ್ಮಾಯಿ ಆಯ್ಕೆಯಾತೆರ್ .

ಪೊಸ ಸಿಎಂ ಆಯ್ಕೆ ಬಗ್ಗೆ ರಾಜ್ಯಗ್ ಕೇಂದ್ರರ್ದ್ ವೀಕ್ಷಕೆರಾದ್ ಕೇಂದ್ರ ಸಚಿವೆರಾಯಿನ ಧರ್ಮೇಂದ್ರ ಪ್ರಧಾನ್, ಕಿಶನ್ ರೆಡ್ಡಿ , , ರಾಜ್ಯ ಬಿಜೆಪಿ ಉಸ್ತುವಾರಿ ಅರುಣ್ ಸಿಂಗ್ ಮುತಾಲಿಕೆಡ್ ಹಂಗಾಮಿ ಸಿಎಂ ಯಡಿಯೂರಪ್ಪ ಪೊಸ ಮುಖ್ಯಮಂತ್ರಿಲೆನ್ ಘೋಷಣೆ ಮಲ್ದೆರ್ .

ಬೆಂಗ್ಳೂರುದ ಕ್ಯಾಪಿಟಲ್ ಹೊಟೇಲ್ ಡ್ ನಡತಿನ ಶಾಸಕಾಂಗ ಸಭೆಟ್ ಪೊಸ ಸಿಎಂ ಆಯ್ಕೆದ ಬಗ್ಗೆ ಚರ್ಚೆ ನಡತುಂಡು , ಸಭೆರ್ದ್ ಬೊಕ್ಕ ಪ್ರಕಟಣೆಗ್ ತೆರಿಪಾಯೆರ್.

ಬಡವೆರೆಗ್ ನ್ಯಾಯ ಓದಗಾದ್ ಕೊರಿನ ಪ್ರವೀಣ್ ಕುಮಾರ್ ಕೃಷ್ಣಾಪುರ

Jul 27, 2021

ಕುಡ್ಲ, ಜುಲೈ 27 : ಕಾರ್ಮಿಕೆರ್ನ ಇಎಸ್ಐ ಸೌಲಭ್ಯ ಇಪ್ಪುನ ರಾಜೇಶ್ ಶೆಟ್ಟಿ ಕಾಟಿಪಳ್ಳ ಮಧ್ಯ ಮೆರ್ನ ಅಪ್ಪೆ ಹುಷಾರ್ ದಾಂತೆ ಅವ್ವೆತೋ ಸಮಯ ಆದ್ ಕುಡ್ಲದ ಎ. ಜೆ ಖಾಸಗಿ ಆಸ್ಪತ್ರೆಗ್ ದಾಖಲ್ ಆತೆರ್. ಐರ್ದ್ ಬೊಕ್ಕ 15/10/2020 ಎ. ಜೆ ಆಸ್ಪತ್ತ್ರೆ ದಕುಲು ಇಎಸ್ಐ ಸೌಲಭ್ಯನ್ ಲೆಕ್ಕೊಗು ದೆತೊನಂದೇ ರಾಜೇಶ್ ಮೆರೆರ್ದ್ ಅಪ್ಪೆನ ಆಸ್ಪತ್ರೆ ಬಿಲ್ಲ್ ಸುಮಾರ್ *36,768 ರೂಪಾಯಿನ್* ರಾಜೇಶ್ ಮೆರ್ನ ಕೈರ್ದ್ ದೆತೊನ್ದೆರ್.

ಅಪಗನೆ ಮೇರ್ ಇಂಚಿನ ಖಾಸಗಿ ಆಸ್ಪತ್ರೆಲು ಪಾಪದಕ್ಲೆನೆರ್ದ್ ಮಲ್ಪುನ ಲೂಟಿದ ವಿರುದ್ಧ ಸುಮಾರ್ 20ರ್ದ್ ಜಾಸ್ತಿ ಸಮಸ್ಯೆನ್ ಪ್ರಧಾನಮಂತ್ರಿ ಕಾರ್ಯಾಲಯ, ರಾಷ್ಟ್ರಪತಿ ಕಾರ್ಯಾಲಯಗ್ಲಾ ತನ್ನ ಪೇಪರ್ ವರ್ಕ್ ಮುಖೇನ ನ್ಯಾಯಗಾದ್ ಬಿನ್ನಾಪು ಮಲ್ದೆರ್ ಅಲ್ಪರ್ದ್ ಅವ್ವೆತೋ ಸಮಸ್ಯೆನ್ ತರೆಮರೆಟ್ ಉಂತುದು ಪರಿಹಾರ ಮಲ್ತಿನಚಿoನ MRPL ONGC ಕರ್ಮಚಾರಿ ಸಂಘದ ಗುರ್ಕಾರ್ಲು ಬೊಕ್ಕ ಕಾಟಿಪಳ್ಳ ಅಭ್ಯುದಯ ಭಾರತೀ ಸೇವಾ ಟ್ರಸ್ಟ್ ಸದಸ್ಯೆರಾಯಿನ ಪ್ರವೀಣ್ ಕುಮಾರ್ ಕೃಷ್ಣಾಪುರ ಮೆರೆಗ್ ಮಾತಾ ಸಮಸ್ಯೆನ್ ಪನ್ಪರ್.

ನೆತ್ತ ವಿರುದ್ಧ ಕರ್ನಾಟಕದ ಇಎಸ್ಐ ಆಸ್ಪತ್ರೆದ ಪ್ರಧಾನ ಕಛೇರಿಗ್ ಪ್ರವೀಣ್ ಮೇರ್ ಸತತ 8 ತಿಂಗೊಲು ರ್ದು ಪತ್ರ ಬರೆಯಿನ ಪರಿಣಾಮ ಎಜೆ ಆಸ್ಪತ್ರೆದಕುಲೆ ಲೆತ್ದ್ ರಾಜೇಶ್ ಮೆರ್ನ ಬ್ಯಾಂಕ್ ಖಾತೆಗ್ 36,768₹ ನ್ ವಾಪಸ್ ಜಮೆ ಮಲ್ದಿನ ಇಚಾರ ಶ್ಲಾಘನೀಯ .

ಕಲಂಬಾಡಿಪದವುಡು ನೆತ್ತೆರ್ ದಾನ ಶಿಬಿರ

Jul 27, 2021

ಕಾರ್ಕಳ, ಜುಲೈ 27: ಜನನಿ ಮಿತ್ರ ಮಂಡಳಿ ವಾಂಟ್ರಾಯಿಪದವು ಮುತಾಲಿಕೆಡ್ ಭಾರತೀಯ ರೆಡ್ ಕ್ರಾಸ್ ಸೊಸೈಟಿ ಕಾರ್ಕಳ, ಜೆಸಿಐ ಕಾರ್ಕಳ, ರೋಟರಿ ಕ್ಲಬ್ ಕಾರ್ಕಳ, ಹಳೆ ವಿದ್ಯಾರ್ಥಿ ಸಂಘ ಕಲಂಬಾಡಿ ಪದವು, ಬಿಜೆಪಿ ಹಿಂದುಳಿದ ವರ್ಗದ ಮೋರ್ಚಾ ಕಾರ್ಕಳ ನೆತ್ತ ಒಟ್ಟು ಸೇರಿಗೆಡ್ ಕಲಂಬಾಡಿ ಪದವು ಶಾಲೆಡ್ ನಡತುಂಡು. ರೆಡ್ ಕ್ರಾಸ್ ಕಾರ್ಕಳ ಶಾಖೆದ ಚೇರ್ಮನ್ ಡಾ. ಕೆ. ರಾಮಚಂದ್ರ ಜೋಶಿ ನೆತ್ತೆರ್ ದಾನ ಶಿಬಿರಗ್ ಚಾಲನೆ ಕೊರಿಯೆರ್.

ಜನನಿ ಮಿತ್ರ ಮಂಡಳಿ ಗುರ್ಕಾರ್ಲಾಯಿನ ಬಾಲಕೃಷ್ಣ ಮೂಲ್ಯ, ರೋಟರಿ ಕ್ಲಬ್ ಗುರ್ಕಾರ್ಲಾಯಿನ ಸುರೇಶ್ ನಾಯಕ್, ಜೆಸಿಐ ಕಾರ್ಕಳದ ಗುರ್ಕಾರ್ಲಾಯಿನ ಸಂತೋಷ್ ಕುಮಾರ್ ರೆಂಜಾಳ, ಬಿಜೆಪಿ ಹಿಂದುಳಿದ ವರ್ಗಗಳ ಮೋರ್ಚಾದ ಗುರ್ಕಾರ್ಲಾಯಿನ ರಮಾನಂದ ನಲ್ಲೂರು ಪಾಲ್ ಪಡೆದಿತ್ತೆರ್.

ನಿವೃತ್ತ ಒಡಿಪು ಸಂಸ್ಕೃತ ಶಾಲೆದ ಪ್ರಾಚಾರ್ಯೆರೆಗ್ ಮಾನಾದಿಗೆ

Jul 26, 2021

ಒಡಿಪು, ಜುಲೈ 26: ನಿವೃತ್ತಿ ಆವೊಂದು ಉಪ್ಪುನ ಒಡಿಪು ಸಂಸ್ಕೃತ ಮಹಾಪಾಠ ಶಾಲೆದ ಪ್ರಾಚಾರ್ಯ ಎನ್.ಲಕ್ಷ್ಮೀನಾರಾಯಣ ಭಟ್ ಮೆರ್ನ ಮಾನದಿಗೆ ಮಲ್ಪುನ ಲೇಸ್ ಐತಾರ ಒಡಿಪು ಶ್ರೀಕೃಷ್ಣಮಠದ ರಾಜಾಂಗಣದ ನರಹರಿ ತೀರ್ಥ ಮತ್ತರ್ಮೆಡ್ ನಡತುಂಡು.

ಕಟೀಲು ಕ್ಷೇತ್ರದ ಆನುವಂಶಿಕ ಮೊಕ್ತೇಸರ ಹರಿನಾರಾಯಣ ದಾಸ ಅಸ್ರಣ್ಣ ಪಾತೆರ್ದ್ , ಸಂಸ್ಕೃತಗಾದ್ ಸಂಸ್ಕೃತ ಕಾಲೇಜಿಗಾದ್ ತನ್ನನ್ನೇ ಅರ್ಪಣೆ ಮಲ್ತಿನ ಮಹನೀಯೆರ್ , ಜೋಕ್ಲೆನ್ ಪ್ರೀತಿರ್ದ್ ತಿದ್ದುನ ಚಾಣಾಕ್ಷತನ, ಸಂಘ ಟನಾ ಕಲೆ, ಅದ್ಭುತವಾಯಿನ ವಿದ್ವತ್ತು ಜೋಕ್ಲೆಗ್ ಬೇಲೆ ಮಲ್ಪಾವುಂಡು ಪಂದ್ ಪಂಡೆರ್.

ಪಲಿಮಾರು ಮಠಾಧೀಶ ಶ್ರೀವಿದ್ಯಾಧೀಶತೀರ್ಥ ಸ್ವಾಮೀಜಿ ಆಶೀರ್ವಚನ ಕೊರಿಯೆರ್.ಪಂಡಿತ ಪಂಜ ಭಾಸ್ಕರ ಭಟ್, ಎಸ್.ಎಂ.ಎಸ್.ಪಿ. ಸಭೆಯ ಕಾರ್ಯದರ್ಶಿ ದೇವಾನಂದ ಉಪಾಧ್ಯಾಯ ಪಾತೆರಿಯೆರ್ . ಮಾನದಿಗೆ ಸ್ವೀಕಾರ ಮಲ್ತಿನ ಲಕ್ಶ್ಮೀನಾರಾಯಣ ಭಟ್ ಸೊಲ್ಮೆ ಸಂದೈತ ಮಲ್ತೆರ್ .

ಹೊಸ್ಮಾರು : ಕೃಷಿ ಮಾಹಿತಿ ಕಾರ್ಯಗಾರ

Jul 26, 2021

ಕಾರ್ಕಳ, ಜುಲೈ 26: ಜೇಸಿಐ ಕಾರ್ಕಳದ ಜೇಸಿರೇಟ್ ವಿಭಾಗದ ವತಿರ್ದ್ ಜು. 25 ಕ್ಕ್ ಹೊಸ್ಮಾರ್ ದ ಲೀಲಾ ಫಾರ್ಮ್‌ಡ್ ಕೃಷಿ ಮಾಹಿತಿ ಕಾರ್ಯಾಗಾರ ನಡತುಂಡು . ಡ್ರಾಗನ್, ರಾಂಬುಟನ್, ಮ್ಯಾಂಗೊಸ್ಟಿನ್ ಇಂಚಿನ ಫಲತಾ ಬೆಳೆ, ತರಕಾರಿ ಬುಲೆತ ಕುರಿತು ಸಹಾಯಕ ತೋಟಗಾರಿಕಾ ಅಧಿಕಾರಿ ಜೆ. ಜಗನ್ನಾಥ್ ಮಾಹಿತಿ ಕೊರಿಯೆರ್ . ಕಾರ್ಕಳ ಜೇಸಿರೇಟ್ ಗುರ್ಕಾರ್ಲಾಯಿನ ಸುಜಾತ ರಾಮಚಂದ್ರ ಗುರ್ಕಾರ್ಮೆ ವಹಿಸ್ ದಿತ್ತೆರ್. ಕಾರ್ಕಳ ಜೇಸಿಐ ಗುರ್ಕಾರ್ಲಾಯಿನ ಸಂತೋಷ್ ಕುಮಾರ್ ರೆಂಜಾಳ, ಸಂಯೋಜಕಿ ವನಿತಾ ದಿನೇಶ್ ಪಾಲ್ ಪಡೆದಿತ್ತೆರ್.

ಮಲ್ಲೂರು : ಗುಡ್ಡೆ ಜರಿದ್ ಇಲ್ಲಗ್ ಹಾನಿ

Jul 26, 2021

ಕುಡ್ಲ , ಜುಲೈ 26: ಕುಡ್ಲದ ಪೊಳಲಿ ಕೈತಲ್ದ ಮಲ್ಲೂರುಡು ಗುಡ್ಡೆ ಜರಿದ್ ಇಲ್ಲಗ್ ಹಾನಿಯಾತುಂಡು.ಜುಬೇರ್ ಪನ್ಪಿನರ್ ನ ಇಲ್ಲಗ್ ಗುಡ್ಡ ಜರಿದ್ ಬೂರ್ದು ಘಟನೆರ್ದ್ ಪೊಂಜೊವ್ ಗ್ ಗಾಯ ಆತುಂಡು.

ಗಾಯ ಆಯಿನ ಪೊಂಜೊವುನು ಬೀಪಾತುಮ್ಮ(72) ಪಂದ್ ಪಂಡೆರ್. ಕುಡ್ಲಡ್ ಕರಿನ ಕೆಲವು ದಿನರ್ದ್ ಬಾರಿ ಬರ್ಸ ಬರೊಂದು ಉಪ್ಪುನೆರ್ದಾವರ ಐತಾರ ರಾತ್ರಿಲಾ ಬರ್ಸ ಬರೊಂದು ಇತ್ತುಂಡು . ನೆರ್ದಾವರ ಇನಿ ಕಾಂಡೆ 5.30ಕ್ ಮಲ್ಲೂರು ಜಂಕ್ಷನ್ದ ಕೈತಲ್ ಝುಬೇರ್ ಪನ್ಪಿನರ್ ನ ಇಲ್ಲದ ಪಿರವುದ ಗುಡ್ಡೆ ಬೂರ್ದುಂಡು.

‘ಜ್ಞಾನ ಸಂಪಾದನೆ ಬೋಧಕೆರ್ನ ಆದ್ಯತೆ’

Jul 26, 2021

ಪುತ್ತೂರು, ಕುಡ್ಲ ಜುಲೈ 25: ಗುರು ಆವೊಡು ಪಂದ್ ಬಯಕುನಕುಲ್ ಕೆಲವು ಸೂತ್ರನ್ ನೆಂಪು ದಿಯೋಡು ನೆಂಪು ದೀಯೊಡು . ಜ್ಞಾನ ಸಂಪಾದನೆ ಬೋಧಿಸಾವುನಕ್ಲೆನ ಸುರುತ ಆದ್ಯತೆಯಾವೊಡು ಪಂದ್ ನಿವೃತ್ತ ಉಪನ್ಯಾಸಕ, ಸಾಹಿತಿ ಪ್ರೊ.ವಿ.ಬಿ.ಅರ್ತಿಕಜೆ ಪಂಡೆರ್ .

ಪುತ್ತೂರುದ ಅಂಬಿಕಾ ಸಿಬಿಎಸ್‌ಇ ವಿದ್ಯಾಲಯ ಬೊಕ್ಕ ಅಂಬಿಕಾ ಪದವಿ ಮಹಾವಿದ್ಯಾಲಯದ
ಒಟ್ಟು ಸೇರಿಗೆಡ್ ಶನಿವಾರ ನಡತಿನ ಗುರುಪೂರ್ಣಿಮಾ ಆಚರಣೆ ಬೊಕ್ಕ ಗುರುವಂದನಾ ಲೇಸ್ ಡ್ ಗುರುವಂದನೆ ಸ್ವೀಕಾರ ಮಲ್ತ್ ಆರ್ ಪಾತೆರಿಯೆರ್ .

ಪ್ರೊ.ವಿ.ಬಿ.ಅರ್ತಿಕಜೆ ಮೆರೆಗ್ ಸುಬ್ರಹ್ಮಣ್ಯ ನಟ್ಟೋಜ ಬೊಕ್ಕ ರಾಜಶ್ರೀ ನಟ್ಟೋಜ ದಂಪತಿ ಗುರುವಂದನೆ ಲೇಸ್ ನಡಪಾದ್ ಕೊರಿಯೆರ್. ಅಂಬಿಕಾ ಸಮೂಹ ಶಿಕ್ಷಣ ಸಂಸ್ಥೆದ ಆಡಳಿತ ಮಂಡಳಿ ಸದಸ್ಯೆರಾಯಿನ ಸುರೇಶ್ ಶೆಟ್ಟಿ, ಪ್ರಸನ್ನ ಭಟ್, ಆಡಳಿತಾಧಿಕಾರಿ ಗಣೇಶ್ ಪ್ರಸಾದ್ ಎ, ಸಾರ್ವಜನಿಕ ಸಂಪರ್ಕಾಧಿಕಾರಿ ರಾಕೇಶ್ ಕುಮಾರ್ ಕಮ್ಮಜೆ, ನೆಲ್ಲಿಕಟ್ಟೆಯ ಅಂಬಿಕಾ ಪದವಿಪೂರ್ವ ವಿದ್ಯಾಲಯದ ಪ್ರಾಂಶುಪಾಲ ಸತ್ಯಜಿತ್ ಉಪಾಧ್ಯಾಯ, ಬಪ್ಪಳಿಗೆದ ಪದವಿಪೂರ್ವ ಕಾಲೇಜಿನ ಪ್ರಾಂಶುಪಾಲ ಶಂಕರನಾರಾಯಣ ಭಟ್, ಅಂಬಿಕಾ ವಿದ್ಯಾಲಯದ ಪ್ರಾಂಶುಪಾಲೆ ಮಾಲತಿ ಡಿ ಇತ್ತೆರ್ .

ಸಾಹಿತಿಲೆರ್ದ್ ಸಮಾಜ ತಿದ್ದರೆ ಸಾಧ್ಯ “: ಉಮಾನಾಥ ಕೋಟ್ಯಾನ್

Jul 25, 2021

ಮೂಲ್ಕಿ: ‘ಸಾಹಿತಿಲು ಬೊಕ್ಕ ಶಿಕ್ಷಕಕೆರೆಗ್ ತಾದಿ ತಪ್ಪುನ ಸಮಾಜನ್ ತಿದ್ದರೆ ಸಾಧ್ಯಉಂಡು . ನಮ್ಮ ಶ್ರಮನ್ ಸಮಾಜ ಗುರ್ತಿಸಾವುಲಾಕ್ ಬದುಕುನನೆ ಸಾರ್ಥಕ ಪಂದ್ ಶಾಸಕ ಉಮಾನಾಥ ಕೋಟ್ಯಾನ್ ಪಂಡೆರ್ .

ಕಿನ್ನಿಗೋಳಿದ ‘ಯುಗಪುರುಷ’ದ ಸಂಸ್ಥಾಪಕ ದಿ. ಕೋ. ಉಡುಪರ ಸಂಸ್ಮರಣಾ ಲೇಸ್ ಡ್ ಮೇರ್ ಪಾತೆರಿಯೆರ್.. ಸಾಹಿತಿ ಹರಿಕೃಷ್ಣ ಪುನರೂರು ಗುರ್ಕಾರ್ಮೆ ವಹಿಸ್ದಿತ್ತೆರ್ ವಹಿಸಿದ್ದರು. ದಿ. ಕೋ. ಉಡುಪರ ಸ್ಮರಣೆಡ್ ಕೊರ್ಪಿನ ಕೊರ್ಪಿನ ಪ್ರಶಸ್ತಿನ್ ಸಾಹಿತಿ ಸುಬ್ರಾಯ ಚೊಕ್ಕಾಡಿ ಮೆರೆಗ್ ಕೊರಿಯೆರ್. ವೇದ ವಿದ್ವಾಂಸರ ನೆಲೆಯಲ್ಲಿ ಪಕ್ಷಿಕೆರೆ ಸುರಗಿರಿ ದೇವಸ್ಥಾನದ ಪ್ರಧಾನ ಅರ್ಚಕ ವಿಶ್ವೇಶ್ ಭಟ್ ಮೆರೆನ್ ಮನಾದಿಗೆ ಮಲ್ತೆರ್.

ಕಟೀಲು ಕ್ಷೇತ್ರದ ಅರ್ಚಕ ಲಕ್ಷ್ಮೀನಾರಾಯಣ ಆಸ್ರಣ್ಣ, ಕಸಾಪ ಘಟಕದ ಗುರ್ಕಾರ್ಲಾಯಿನ ಪ್ರದೀಪ್ ಕುಮಾರ್ ಕಲ್ಕೂರ, ಶ್ರೀಪತಿ ಭಟ್ ಮೂಡುಬಿದಿರೆ, ಪೃಥ್ವಿರಾಜ ಆಚಾರ್ಯ ಕಿನ್ನಿಗೋಳಿ, ‘ಯುಗಪುರುಷ’ ಸಂಪಾದಕ ಕೊಡೆತ್ತೂರು ಭುವನಾಭಿರಾಮ ಉಡುಪ, ಯಕ್ಷ ಲಹರಿಯ ಗುರುಪ್ರಸಾದ್ ಭಟ್, ಶರತ್ ಶೆಟ್ಟಿ ಇತ್ತೆರ್ .

ಅಮೀರ್ ತುಂಬೆಗ್ ಸಂತಾಪ ಸಭೆ

Jul 25, 2021

ಕುಡ್ಲ, ಜುಲೈ 25: ಮಾತೆರ್ನ ಒಟ್ಟುಗುಲಾ ಪ್ರೀತಿ, ವಿಶ್ವಾಸ ಹಂಚಿ, ಸೌಹಾರ್ದದ ಕೊಂಡಿಲಕ ಇತ್ತಿನ ಕೆ.ಎಸ್.ಅಮೀರ್ ಅಹ್ಮದ್ ತುಂಬೆ ಮೆರ್ನ ನಿಧನ ಕಾಂಗ್ರೆಸ್ ಪಕ್ಷಗ್ ಬಾರಿ ಮಲ್ಲ ನಷ್ಟ ಪಂದ್ ಮಾಜಿ ಸಚಿವ ಬಿ.ರಮಾನಾಥ ರೈ ಪಂಡೆರ್ .

ದ.ಕ.ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತ ಘಟಕದ ವತಿರ್ದ್ ಯುವ ನಾಯಕ ಕೆ.ಎಸ್.ಅಮೀರ್ ತುಂಬೆ ಮೆರೆಗ್ ಪೇಂಟೆದ ಮಲ್ಲಿಕಟ್ಟೆದ ಕಾಂಗ್ರೆಸ್ ಭವನಡ್ ಶನಿವಾರ ನಡತಿನ ಸಂತಾಪ ಸೂಚಕ ಸಭೆಟ್ ಆರ್ ಪಾತೆರಿಯೆರ್.

ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತ ಘಟಕದ ಗುರ್ಕಾರ್ಲಾಯಿನ ಶಾಹುಲ್ ಹಮೀದ್ ಕೆ.ಕೆ., ಮಾಜಿ ಸಚಿವ ಯು.ಟಿ.ಖಾದರ್, ದ.ಕ.ಜಿಲ್ಲಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಕೆ.ಹರೀಶ್ ಕುಮಾರ್, ಮಾಜಿ ಶಾಸಕೆರಾಯಿನ ಐವನ್ ಡಿಸೋಜಾ, ಮೊಯ್ದಿನ್ ಬಾವಾ, ಪಕ್ಷದ ಮುಖಂಡೆರಾಯಿನ ಇಬ್ರಾಹೀಂ ಕೋಡಿಜಾಲ್, ಮಮತಾಗಟ್ಟಿ ನುಡಿನಮನ ಪಂಡೆರ್ .

M	T	W	T	F	S	S
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Mangalore

ಒಡಿಪುಡು ಉದ್ಯಮಶೀಲತಾ ತಿಳುವಳಿಕೆ ಶಿಬಿರ

ಕರ್ನಾಟಕದ ಪೊಸ ಸಿಎಂ ಆದ್ ಬಸವರಾಜ್ ಬೊಮ್ಮಾಯಿ ಆಯ್ಕೆ : ಎಲ್ಲೆ ಪ್ರಮಾಣವಚನ ಸ್ವೀಕಾರ

ಬಡವೆರೆಗ್ ನ್ಯಾಯ ಓದಗಾದ್ ಕೊರಿನ ಪ್ರವೀಣ್ ಕುಮಾರ್ ಕೃಷ್ಣಾಪುರ

ಕಲಂಬಾಡಿಪದವುಡು ನೆತ್ತೆರ್ ದಾನ ಶಿಬಿರ

ನಿವೃತ್ತ ಒಡಿಪು ಸಂಸ್ಕೃತ ಶಾಲೆದ ಪ್ರಾಚಾರ್ಯೆರೆಗ್ ಮಾನಾದಿಗೆ

ಹೊಸ್ಮಾರು : ಕೃಷಿ ಮಾಹಿತಿ ಕಾರ್ಯಗಾರ

ಮಲ್ಲೂರು : ಗುಡ್ಡೆ ಜರಿದ್ ಇಲ್ಲಗ್ ಹಾನಿ

‘ಜ್ಞಾನ ಸಂಪಾದನೆ ಬೋಧಕೆರ್ನ ಆದ್ಯತೆ’

ಸಾಹಿತಿಲೆರ್ದ್ ಸಮಾಜ ತಿದ್ದರೆ ಸಾಧ್ಯ “: ಉಮಾನಾಥ ಕೋಟ್ಯಾನ್

ಅಮೀರ್ ತುಂಬೆಗ್ ಸಂತಾಪ ಸಭೆ

You Missed

ಆ.02: ಹಳೆಯಂಗಡಿ ಬಿಲ್ಲವ ಸಂಘ, ಯುವವಾಹಿನಿ ಒಟ್ಟುಸೇರಿಗೆಡ್ “ಆಟಿದ ಗೇನ’ ಲೇಸ್

ಕೆಳೆಂಜಿರ್ದ್ ದಿಂಜಿದ್ ಪೊತ್ಂಡ್ ನೀರುಡೆ: ಕೋರಿ ಫಾರಂದ ಮಿತ್ತ್ ಬೆಚ್ಚ ಆಯಿನ ಗ್ರಾಮಸ್ಥೆರ್

ವಿಟ್ಲ ಸ್ವಸ್ತಿಕ್ ಫ್ರೆಂಡ್ಸ್ ಮೊಕ್ಲೆರ್ದ್ ಆಟಿಡೊಂಜಿ ಕೂಟ ಲೇಸ್

ಡಿ ಗ್ರೂಪು ಕೆಲಸಡ್ ಇಪ್ಪುನ ಪೊಂಜೋವುನ ಮಿತ್ತ್ ಲೈಂಗಿಕ ಕಿರುಕುಳ: ಎಪಿಎಂಸಿ ಜಂಟಿ ನಿರ್ದೇಶಕೆರ್ ಸಿ.ಎಚ್ ಮೋಹನ್ ಮಿತ್ತ್ ಕೇಸ್