magalore dasara

ಕುದ್ರೋಳಿ ದಸರಾದ ಶೋಭಾಯಾತ್ರೆ ಸುರು

ಕುಡ್ಲ: ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರಡ್ ಮಾರ್ನೆಮಿ ಉಚ್ಚಯಡ್ ಕರಿನ 9 ದಿರ್ನದಿಂಚ ಪೂಜೆ ಮಲ್ಪುನ ಶಾರದೆ ಬೊಕ್ಕ ನವ ದುರ್ಗೆಯೆರನ ವೈಭವದ ಶೋಭಾಯಾತ್ರೆ ಇನಿ ಬಯ್ಯಗ್ ನಡಪರೆ ಉಂಡು.

ಬಯ್ಯಗ್ 4 ಗಂಟೆಗ್ ಶಾರದಾ ದೇವಿನ ಶೋಭಾಯಾತ್ರೆ ಶ್ರೀ ಕ್ಷೇತ್ರರ್ದ್ ಪಿರ್ದದ್ ಕ್ಷೇತ್ರದ ಅಭಿವೃದ್ಧಿ ರೂವಾರಿ ಮಾಜಿ ಮಂತ್ರಿ ಬಿ. ಜನಾರ್ದನ ಪೂಜಾರ್ಲೆನ ಮುತಾಲಿಕೆಡ್ ಕಂಬ್ಳ ಮಾರ್ಗ, ಮಣ್ಣಗುಡ್ಡ ಮಾರ್ಗ ಅದ್, ಬ್ರಹ್ಮಶ್ರೀ ನಾರಾಯಣ ಗುರು ವೃತ್ತ,

ಲಾಲ್‌ಭಾಗ್‌, ಬಳ್ಳಾಲ್‌ ಭಾಗ್, ಪಿವಿಎಸ್ ಸರ್ಕಲ್, ನವಭಾರತ್ ಸರ್ಕಲ್, ಕೆ ಎಸ್ ರಾವ್ ಮಾರ್ಗ, ಹಂಪನ್‌ಕಟ್ಟೆ, ವಿವಿ ಕಾಲೇಜ್ ವೃತ್ತರ್ದ್ ಬಲಕ್ ತಿರ್ಗ್ ದ್, ಗಣಪತಿ ಹೈಸ್ಕೂಲ್ ದ ಮಾರ್ಗವಾದ್ ಶ್ರೀ ವೆಂಕಟ್ರಮಣ ದೇವಲ್ಯದ ಎದುರು ಕಾರ್ ಸ್ಟ್ರೀಟ್, ಸುಚಿತ್ರಾ ಟಾಕೀಸ್‌, ಅಳಕೆಯಾದ್ ಕ್ಷೇತ್ರಗ್ ಬತ್ತ್ ದ್ ಕ್ಷೇತ್ರದ ಕೆರೆಟ್ ಜಲಸ್ತಂಭನ ಆವರೆ ಉಂಡು.