kudla

ಶಿವಮೊಗ್ಗ: ಕಾರ್ ಬೊಕ್ಕ ಬೈಕ್ ತಾಂಟ್‌ದ್ ಬಾಲೆ ಸೇರ್ದ್ ಒಂಜೇ ಕುಟುಮದ ಮೂಜಿ ಜನ ತೀರ್ ಪೋಯೆರ್

Nov 7, 2022

ಶಿವಮೊಗ್ಗ: ಕಾರ್ ಬೊಕ್ಕ ಬೈಕ್ ತಾಂಟ್‌ದ್ ಬಾಲೆ ಸೇರ್ದ್ ಒಂಜೇ ಕುಟುಮದ ಮೂಜಿ ಜನ ಜಾಗೆಡೇ ತೀರ್ ಪೋಯಿನ ಘಟನೆ ಶಿಕಾರಿಪುರ ತಾಲೂಕ್‌ದ ಶಿರಾಳಕೊಪ್ಪ ಕೈತಲ್ ನಡತ್ಂಡ್.

ಜ್ಯೋತಿ (30), ಗಂಗಮ್ಮ (50) ಬೊಕ್ಕ ಸೌಜನ್ಯ (4) ತೀರ್ ಪೋತಿನಕುಲು. ನನೋರಿಯಗ್ ಮಸ್ತ್ ಪೆಟ್ಟಾದಿತ್ತ್‌ದ್ ಆಸ್ಪತ್ರೆಗ್ ದಾಖಲ್ ಮಲ್ತ್‌ದೆರ್. ಮಲ್ಲಿಕಾರ್ಜುನ್ ಕುಟುಮದೊಟ್ಟುಗು ಬೈಕ್‌ಡ್ ಪೊವೊಂದಿತ್ತಿನ ಪೊರ್ತುಡು ಹಿರೇಕೆರೂರುರ್ದ್ ಶಿರಾಳಕೊಪ್ಪಗ್ ಬರೊಂದಿತ್ತಿನ ಕಾರ್ ತಾಂಟ್‌ದ್ಂಡ್. ಸೌಜನ್ಯ ಜಾಗೆಡೇ ತೀರ್ ಪೋದಿತ್ತ್‌ದ್ ಒರಿನಕುಲು ಆಸ್ಪತ್ರೆಡ್ ತೀರ್ ಪೋತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಕುಡ್ಲಡ್ ಗೆಜ್ಜೆಗಿರಿ ಮೇಳದ ಉದಿಪನದ ಲೆಪ್ಪೋಲೆ ಬುಡುಗಡೆ ಲೇಸ್

Nov 7, 2022

ನವೆಂಬರ್ 27 ಕ್ಕ್ ಶ್ರೀ ಕ್ಷೇತ್ರ ಗೆಜ್ಜೆಗಿರಿಟ್ಟ್ ನಡಪುನ ಶ್ರೀ ಗೆಜ್ಜೆಗಿರಿ ಪೊಸ ಮೇಳದ ಉದಿಪನ ಅಂಚನೆ ಸುರುತ್ತ ದೇವೆರೆನ ಸೇವೆ ಆಟದ ಲೆಪ್ಪೋಲೆನ್ ಕುಡ್ಲದ ಕುದ್ರೋಳಿ ಬ್ರಹ್ಮ ಶ್ರೀ ನಾರಾಯಣ ಗುರುಕ್ಲೆನ ತತ್ವ ಸಂದೇಶದ ರಂಗ ಚಾಲನೆ ಲೇಸ್‌ಡ್ ಬಿ. ಜನಾರ್ಧನ ಪೂಜಾರ್ಲು ಬುಡುಗಡೆ ಮಲ್ತೆರ್.

ಈ ಪೊರ್ತುಡು ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಅಭಿವೃದ್ಧಿ ಸಮಿತಿ ಅಧ್ಯಕ್ಷೆರ್ ದೇವೇಂದ್ರ ಪೂಜಾರಿ, ಕೋಶಾಧಿಕಾರಿ ಪದ್ಮರಾಜ್ ಆರ್, ಗೆಜ್ಜೆಗಿರಿ ಕ್ಷೇತ್ರದ ಉಪಾಧ್ಯಕ್ಷೆರ್ ರವಿಪೂಜಾರಿ ಚಿಲಿಂಬಿ, ಟ್ರಸ್ಟಿ ಶೈಲೇಂದ್ರ ಸುವರ್ಣ, ಎಚ್ ಜನಾರ್ಧನ, ರಾಜೇಂದ್ರ ಚಿಲಿಂಬಿ, ಸುರೇಶ್ ಪೂಜಾರಿ ಲೇಸ್‌ಡ್ ಇತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ರಾಜೇಶ್ ಕೆಂಚನಕೆರೆ ಮೆರೆಗ್ ಬಿರುವೆರ್ ಕುಡ್ಲ, ಮುಲ್ಕಿ ಘಟಕರ್ದ್ ಪನವುದ ಸಕಾಯ

Nov 7, 2022

ಮುಲ್ಕಿ : ಸಮಾಜ ಸೇವಕೆರ್, ಚಿತ್ರನಟೆ ಉದಯ ಪೂಜಾರಿ ಮೇರ್ನ ಮುತಾಲಿಕೆದ ಬಿರುವೆರ್ ಕುಡ್ಲ (ರಿ) ಸಂಘಟನೆದ ಮುಲ್ಕಿ ಘಟಕದ ವತಿರ್ದ್ 66 ನೇ ಸ್ಪಂದನ ಸೇವಾ ಯೋಜನೆ ಪಟ್ಟುನ ಲೇಸ್ ನ.6 ಐತಾರ ನಡತ್ಂಡ್.

ಕೆಂಚನಕೆರೆ ನಿವಾಸಿ, ಪುಗರ್ತೆದ ನಾಟಕ ಕಲಾವಿದೆರ್ ಆಯಿನ ರಾಜೇಶ್ ಕೆಂಚನಕೆರೆ ಮೆರೆನ ಕಿಡ್ನಿ ಸಮಸ್ಯೆದ ಚಿಕಿತ್ಸೆಗಾದ್ 66 ನೇ ಸ್ಪಂದನ ಸೇವಾ ಯೋಜನೆದ 10,000 ರೂ. ಪನವುದ ಚೆಕ್ಕ್ ನ್ ಅರೆಗ್ ಕೊರಿಯೆರ್.

ಈ ಪೊರ್ತುಡು ಬಿರುವೆರ್ ಕುಡ್ಲ ಮುಲ್ಕಿ ಘಟಕದ ಅಧ್ಯಕ್ಷೆರ್ ಕಿಶೋರ್ ಜೆ ಸಾಲ್ಯಾನ್,ಕಾರ್ಯದರ್ಶಿ ಗಿರಿಧರ್ ಅಮೀನ್, ಕೋಶಾಧಿಕಾರಿ ಅಶೋಕ್ ಸುವರ್ಣ, ಸದಸ್ಯೆರಾಯಿನ ತಾರನಾಥ್ ಎನ್ ಮುಲ್ಕಿ, ರಮೇಶ್ ಜನನಿ, ಯತೀಶ್ ಕೊಲೆಕಾಡಿ ಮೊಕುಲು ಮಾತ ಇತ್ತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ಓರಿಯೋ ಕಂಪನಿದ ಡಿಸೈನ್ ಮಲ್ಪರೆ 4 ವರ್ಷ ಬೋಡಾಂಡ್ ಗೆ!

Nov 5, 2022

ಓರಿಯೊ ಬಿಸ್ಕೆಟ್‌ದ ಮೇಲ್ ಡದ ತೋಜಿದ್ ಬರ್ಪಿನ ಲೋಗೋದ ಡಿಸೈನ್ ನ್ ಸರಿಯಾದ್ ನಿಕುಲು ತೂತರಾ ? 1912 ನೇ ಇಸವಿಡ್ ಬುಡುಗಡೆ ಆತಿನ ಈ ಲೋಗೊ ತಯಾರ್ ಮಲ್ಪರೆ ವಿನ್ಯಾಸಕಾರೆರ್ ಕಮ್ಮಿಡ್ಲ 4 ವರ್ಷ ದೆತೊಂದೆರ್ ಗೆ. ಉಂದೆಟ್ಟ್ ಮಸ್ತ್ ಸೂಕ್ಷ್ಮ ವಿಚಾರೊಲು ಉಂಡು.

ಈ ಲೋಗೊ ವೃತ್ತಾಕಾರೊಡು ಇತ್ತ್ ದ್ ಪೊರ್ಲುದ ಕೆತ್ತನೆಲು ಉಂಡು.ಈ ಲೋಗೋಡು ರಡ್ಡ್ ಶಿಲುಬೆ ಲೆನ್ ಜೋಡ್ಸಾದ್ ದೀತಿಲೆಕ ಮಿತ್ತ್ ಡ್ ದೀತೆರ್‌. ಇಪ್ಪುನ ವೃತ್ತ ನಬಿಸ್ಕೋ ಉಂದು ಯುರೋಪಿಯನ್ ದೇಶೊದ ಒಂಜಿ ಸಂಕೇತವಾದುಂಡು. ಉಂದೆಟ್ಟ್ ಒಂಜಿ ಚುಕ್ಕೆ ಬೊಕ್ಕ ನಾಲ್ ತ್ರಿಕೋನದ ಜ್ಯಾಮಿತಿದ ಮಾದರಿ ಉಂಡು. ಅವ್ ಓರಿಯೊಸ್‌ನ್ ಸುರುತ್ತ ಕ್ರುಸೇಡ್ನ ಪರಪೋಕುದೊಟ್ಟ್‌ಗ್ ಸಂಪರ್ಕಿಸಾವುಂಡ್.

ನೆತ್ತ ಸರ್ಕಲ್ ಗ್ ಮಸ್ತ್ ಅರ್ಥ ಉಂಡು. ಜೀವನ, ಸೃಷ್ಟಿ, ಶಕ್ತಿ, ಮೋಕೆ ಬೊಕ್ಕ ಬದಲಾವಣೆ ಸೇರಿನಂಚನೆ ಮಸ್ತ್ ರೀತಿದ ಅರ್ಥ ಉಂಡು. ಅಂಚಾದ್ ಓರಿಯೋ ಕಾಲಿ ಟೇಸ್ಟಿ ರೌಂಡ್ ಕುಕೀ ಅತ್ತ್. ನಿಕ್ಲೆನ ಜೀವನನ್ ಬದಲ್ ಮಲ್ಪುನ ಶಕ್ತಿಲ ನಿಕ್ಲೆನ ಕೈಟ್ ಉಂಡು ಪನ್ಪಿನ ಸಂದೇಶಲ ಅಯಿಟ್ ಉಂಡು.

ಪ್ರತಿ ಓರಿಯೋ ಕುಕೀಡ್ ಸಿಂಗಾರಡ್ ಇಪ್ಪುನ ರಡ್ಡ್ ವೇಫರ್‌ ಬೊಕ್ಕ ರುಚಿ ಕೊರ್ಪಿನ ಕ್ರೀಮ್ ಫಿಲ್ಲಿಂಗ್‌ದ ನಡುಟ್ಟು ಎನಿಗ್ಮಾಡ್ ಸುತ್ತುನ ರಹಸ್ಯ ಆದುಂಡು. ನನೊಂಜಿ ಕಡೆಟ್ಟ್ ವೇಫರ್‌ದ ಅಲಂಕಾರಿಕ ವಿನ್ಯಾಸ ಚಾಕೊಲೇಟ್ ಹಿಟ್ಟ್‌ದ ಕಾಗಜಿದ ಮಿತ್ತ್ ಪೋಪಿನ ಪಿತ್ತಾಳೆದ ರೋಲರ್‌ರ್ದ್ ಸ್ಟ್ಯಾಂಪ್ ಮಲ್ತ್‌ದೆರ್.

ಓರಿಯೋ ಪದತ್ತ ಸುತ್ತಲ ನಾಲ್ ಇರೆತ್ತ ಕ್ಲೋವರ್ ಉಂಡು. ಉಂದೆನ್ ನಬಿಸ್ಕೋದ ಸಾಂಪ್ರದಾಯಿಕ ಲೋಗೋಡ್ ದೀತೆರ್. ಓರಿಯೋ ಪನ್ಪಿನ ಪುದರ್ ಫ್ರೆಂಚ್ ಪದರ್ದ್ ಪುಟ್ಟ್‌ದಿಪ್ಪೊಡು. “ಓರಿಯೋ” ಪನ್ಪಿನ ಪುದರ್ ಗ್ರೀಕ್‌ಡ್ ಪರ್ವತ ಪನ್ಪಿನ ಅರ್ಥನ್ ಕೊರ್ಪುಂಡು.

ಕರಿನ 105 ವರ್ಷಡ್ ಓರಿಯೋ ಮಸ್ತ್ ಪುದರ್‌ನ್ ಬದಲ್ ಮಲ್ತ್‌ದ್ಂಡ್. ಅವೆನ್ ಸುರುಕ್ಕ್ 1912ಕ್ಕ್ ಬುಡುಗಡೆ ಆನಗ ಓರಿಯೊ ಬಿಸ್ಕಿಟ್ ಪಂದ್ ಪನೊಂದಿತ್ತೆರ್. 1921 ಟ್ಟ್ ಓರಿಯೊ ಸ್ಯಾಂಡ್‌ವಿಚ್, 1937 ಟ್ಟ್ ಓರಿಯೋ ಕ್ರೀಮ್ ಸ್ಯಾಂಡ್‌ವಿಚ್ ಪಂದ್ ಪುದರ್ ಇತ್ತ್ಂಡ್. 1974 ಟ್ಟ್ ಕಡೆಕ್ಕಾದ್ ಓರಿಯೊ ಪಂದ್ ಮರುನಾಮಕರಣ ಮಲ್ತೆರ್. ಉಂದು ಓರಿಯೊ ಬಿಸ್ಕಿಟ್ ದ ಲೋಗೊದ ಕತೆ.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಉಳ್ಳಾಲ ತಾಲೂಕ್‌ದ ತಹಸೀಲ್ದಾರ್ರೆನ ಕಾರ್‌ ಡ್ರೈವರ್ ಜರ ಬತ್ತ್ ದ್ ತೀರ್ ಪೋಯೆರ್

Nov 5, 2022

ಉಳ್ಳಾಲ: ಉಳ್ಳಾಲ ತಾಲೂಕು ತಹಸೀಲ್ದಾರ್ ಮೆರೆನ ಕಾರ್‌ದ ಡ್ರೈವರ್ ಆದಿಪ್ಪುನ ಸಜೀಪನಡುತ್ತ ಕಿಶೋರ್(35) ಜ್ವರ ಬತ್ತ್‌ದ್ ಇನಿ ದೇರಳಕಟ್ಟೆ ಖಾಸಗಿ ಆಸ್ಪತ್ರೆಡ್ ತೀರ್ ಪೋತೆರ್.

ಕರಿನ ಒಂಜಿ ವರ್ಷರ್ದ್ ಉಳ್ಳಾಲ ತಾಲೂಕು ತಹಸೀಲ್ದಾರ್ ಪುಟ್ಟರಾಜು ಮೆರೆನ ಕಾರ್‌ದ ಡ್ರೈವರ್ ಆದ್ ಬೇಲೆ ಮಲ್ತೊಂದಿತ್ತಿನ ಕಿಶೋರ್, ಸುಕ್ರಾರದಾನಿ ಜ್ವರ ಬತ್ತಿನೆಡ್ದಾವರ ದೇರಳಕಟ್ಟೆ ಆಸ್ಪತ್ರೆಗ್ ದಾಖಲ್ ಆದಿತ್ತೆರ್. ಇನಿ ಪುಲ್ಯಕಾಂಡೆ ತೀರ್ ಪೋತೆರ್.

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಾಸ್ರೋಡು: ದೇವಲ್ಯದ ಬಂಗಾರ್ ಕಂಡ್‌ದಿನ ಆರೋಪಿ ಬಟ್ರ್ ಅರೆಸ್ಟ್

Nov 5, 2022

ಕಾಸ್ರೋಡು: ದೇವೆರ್‍ನ ಮೂರ್ತಿದ ಬಂಗಾರ್ ಕಂಡ್‌ದ್ ಪದ್ರಾಡ್ ಆಯಿನ ಆರೋಪಿ ಪೂಜೆದ ಬಟ್ರೆನ್ ಮಂಜೇಶ್ವರ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್.

ತಿರುವನಂತಪುರದ ದೀಪಕ್ ನಂಬೂದರಿ ಅರೆಸ್ಟ್ ಆಯಿನ ಆರೋಪಿ. ತಿರುವನಂತಪುರಕ್ಕ್ ಪೋಯಿನ ಪೊಲೀಸೆರ್ ಆರೋಪಿನ್ ಅರೆಸ್ಟ್ ಮಲ್ತ್‌ದೆರ್. ಬಟ್ರ್ ಬಂಗಾರ್‌ನ್ ಸೇಲ್ ಮಲ್ತ್‌ದಿತ್ತೆರ್. ಅವೆನ್ ಪೊಲೀಸೆರ್ ಪಿರ ದೆತೊಂದೆರ್.

ದುಬೈ ಗಡಿನಾಡ ಉಚ್ಚಯದ ಲೆಪ್ಪೋಲೆ ಬುಡುಗಡೆ ಮಲ್ತಿನ ಸಿಎಂ

Nov 5, 2022

ಬೆಂಗಳೂರು: ಗಡಿನಾಡ ಸಾಹಿತ್ಯ ಸಾಂಸ್ಕೃತಿಕ ಅಕಾಡೆಮಿ ಯುಎಇ ಘಟಕ ದುಬೈ ಮೊಕ್ಲೆನ ಮುತಾಲಿಕೆಡ್ ದುಬೈಡ್ ನವೆಂಬರ್ 20 ಗ್ ನಡಪುನ ದುಬಾಯಿ ಗಡಿನಾಡ ಉಚ್ಚಯ ಸಾಂಸ್ಕೃತಿಕ ಲೇಸ್ ಬೊಕ್ಕ ಗಡಿನಾಡ ಪ್ರಶಸ್ತಿ ಕೊರ್ಪಿನ ಲೇಸ್‌ದ ಲೆಪ್ಪೋಲೆನ್ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ ವಿಧಾನಸೌಧಡ್ ಬುಡುಗಡೆ ಮಲ್ತೆರ್.

ಈ ಪೊರ್ತುಡು ಕರ್ನಾಟಕ ಜಾನಪದ ಪರಿಷತ್‌ದ ಅಧ್ಯಕ್ಷೆರ್ ಪಮ್ಮಿ ಕೊಡಿಯಾಲ್ ಬೈಲ್, ಕರ್ನಾಟಕ ಕಾರ್ಯನಿರತ ಪತ್ರಕರ್ತೆರೆ ಸಂಘದ ಕಾಸ್ರೋಡು ಜಿಲ್ಲಾಧ್ಯಕ್ಷೆರ್ ಎ ಆರ್ ಸುಬ್ಬಯ್ಯ ಕಟ್ಟೆ, ಉತ್ಸವ ಸಮಿತಿ ಸಂಚಾಲಕೆರ್ ಜೆಡ್ ಎ ಕಯ್ಯಾರ್, ಉದ್ಯಮಿ ಅರಿಬೈಲ್ ಗೋಪಾಲ ಶೆಟ್ಟಿ, ರಾಮಯ್ಯ ಶೆಟ್ಟಿ ಇತ್ತೆರ್.

The invite for’ Gadinadu ‘ fest at Dubai released by CM Basavaraj Bommai

Bangalore: The Gadinadu Sahitya Sanskritika Akademy UAE unit , will host the Gadinadu Sanskritika fest and Gadinadu Awards distribution program ; on the 20th of November. The invite for the same was released by Karnataka CM Basavaraj Bommai at Vidhana Soudha Bangalore.

The president of Karnataka Janapada Parishad , Pammi Kodialbail, the Kasargod district president of working journalists association A R Subbiah Katte, Utsava Samithi correspondent ZA Kayyar, enterpreneur Aribail Gopal Shetty ,Ramiah Shetty were present.

ನ. 14 ಕ್ಕ್ ನಮ್ಮೂರ ಆಟ-ಕೂಟ ಟ್ರಸ್ಟ್(ರಿ.)ದ ಸುರೂತ್ತ ಸರ್ವಸದಸ್ಯೆರ್‍ನ ಸಭೆ

Nov 5, 2022

ನಮ್ಮೂರ ಆಟ-ಕೂಟ ಟ್ರಸ್ಟ್(ರಿ.) ಕುಡ್ಲ ಮೊಕ್ಲೆನ ಸುರುತ್ತ ಸರ್ವಸದಸ್ಯೆರ್‍ನ ಸಭೆ ನ. 14 ತಾರೀಕ್ ಸೋಮಾರ ಬಯ್ಯ 6.30 ಗಂಟೆಗ್ ಕುಡ್ಲದ ಬಲ್ಮಠ ಕ್ವಾಲಿಟಿ ಹೋಟೆಲ್‌ಡ್ ನಡಪರೆ ಉಂಡು.

ಕದ್ರಿ ನವನೀತ್ ಶೆಟ್ಟಿ ಲೇಸ್‌ದ ಗುರ್ಕಾರ್ಮೆ ವಹಿಸೊನರೆ ಉಲ್ಲೆರ್. ಈ ಲೇಸ್‌ಡ್ 2021-22ನೇ ಸಾಲ್‌ದ ಲೆಕ್ಕಪತ್ರ ಮಂಡನೆ, ನಮ್ಮೂರ ಆಟ-ಕೂಟ ಟ್ರಸ್ಟ್ ಮುತಾಲಿಕೆಡ್ ಡಿಸೆಂಬರ್ 24 ತಾರೀಕ್‌ಗ್ ಡಾ| ಅಂಬೇಡ್ಕರ್ ಭವನಡ್ ನಡಪುನ 2ನೇ ವಾರ್ಷಿಕೋತ್ಸವ “ನಮ್ಮ ಸಂಭ್ರಮ” ದ ರೂಪುರೇಖೆ, ಮುಲ್ಕಿ ಸುಂದರರಾಮ ಶೆಟ್ಟಿ ಪ್ರಶಸ್ತಿ ಬೊಕ್ಕ ನಮ್ಮೂರ ಪ್ರಶಸ್ತಿಗ್ ಸಾಧಕೆರೆನ ಆಯ್ಕೆ ಮಲ್ಪುನ ವಿಚಾರ, ಪೊಸ ಪದಾಧಿಕಾರಿಲೆನ ಆಯ್ಕೆ ಸೇರಿನಂಚನೆ ಮಸ್ತ್ ವಿಷಯದ ಬಗೆಟ್ಟ್ ಪಾತೆರಕತೆ ನಡಪರೆ ಉಂಡು.

The General Body meeting of “Nammuru Aata Koota Trust (R) Mangalore to be held on November 14th

The first General Body meeting of ” Nammuru Aata Koota Trust (r) will be held on Monday the 14 th of November at 4.30 p.m at Quality Hotel, Balmatta.

The program will be presided by Kadri Navneet Shetty. The agenda of the meeting will be the submission of accounts for the year 2021-22 ; the planning of the second annual program ” Namma Sambrama” to be held on the 24th of December at Ambedkar Bhavan and selection of acheivers to be presented with Mulki Sunderam Shetty award and Nammuru awards and selection of new office bearers and such other activities are planned.

ದಿಲ್ಲಿಡ್ ವಾಯು ಮಾಲಿನ್ಯ ಎಚ್ಚ ಆತಿನೆಡ್ದಾವರ ಪ್ರಾಥಮಿಕ ಶಾಲೆನ್ ಮುಚ್ಚರೆ ಆದೇಶ ಮಲ್ತಿನ ಸಿಎಂ ಅರವಿಂದ್ ಕೇಜ್ರಿವಾಲ್

Nov 4, 2022

ದೆಲ್ಲಿ: ರಾಷ್ಟ್ರ ರಾಜಧಾನಿ ದಿಲ್ಲಿಡ್ ವಾಯು ಮಾಲಿನ್ಯ ಕಮ್ಮಿ ಆವಂದಿನ ಕಾರಣ ಸನಿವಾರರ್ದ್ ಪ್ರಾಥಮಿಕ ಶಾಲೆನ್ ಮುಚ್ಚೊಡು ಪಂದ್ ದಿಲ್ಲಿದ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಆದೇಶ ಮಲ್ತ್‌ದೆರ್.

ಕಲ್ಪಾರ್ಥಿಲೆಗ್ ಆನ್‌ಲೈನ್ ಕ್ಲಾಸ್ ಮಲ್ಪೊಡು ಅಂಚನೆ 9 – 12 ನೇ ಕ್ಲಾಸ್‌ದ ಕಲ್ಪಾರ್ಥಿಲೆಗ್ ಸಾಧ್ಯ ಆಯಿನಾತ್ ಆನ್‌ಲೈಡ್‌ಡೇ ಕ್ಲಾಸ್ ಮಲ್ಪೊಡು ಪಂದ್ ಪಂತೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ಬಹರೈನ್- ಸೌದಿ ಅರೇಬಿಯಾ ಯಕ್ಷಧ್ರುವ ಕೂಟದ 2ನೇ ವರ್ಷದ ಉಚ್ಚಯ

Nov 4, 2022

ಬಹರೈನ್: ಯಕ್ಷಧ್ರುವ ಪಟ್ಲ ಫೌಂಡೇಶನ್ ದ ಬಹರೈನ್-ಸೌದಿ ಅರೇಬಿಯಾ ಘಟಕದ ರಡ್ಡನೇ ವರ್ಷದ ವಾರ್ಷಿಕೋತ್ಸವದ ಗೌಜಿಡ್ ಅ.28 ಕ್ಕ್ ಮುಲ್ಪದ ಇಂಡಿಯನ್ ಕ್ಲಬ್ ಚಾವಡಿಡ್ ಬಹರೈನ್ -ಸೌದಿ ಅರೇಬಿಯಾದ ಹವ್ಯಾಸಿ ಯಕ್ಷ ಕಲಾವಿದೆರ್ದ್ ಶಶಿಪ್ರಭಾ ಪರಿಣಯ ಯಕ್ಷಗಾನ ಪ್ರದರ್ಶನ ನಡತ್ಂಡ್.

ಸೇರಿನ 800 ದೆರ್ದ್ ಎಚ್ಚದ ಕಲಾವಿದೆರ್ ಈ ಕಲಾ ಪ್ರದರ್ಶನನ್ ತೂದ್ ಕುಷಿ ಪಡೆಯೆರ್.
ಪಟ್ಲ ಸಂಭ್ರಮದ ಬಿನ್ನೆರಾದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್‌ದ ಕೇಂದ್ರ ಘಟಕದ ಗೌರವಾಧ್ಯಕ್ಷೆರ್ ಉದ್ಯಮಿ ಅಂಚನೆ ಸಮಾಜ ಸೇವಕೆರ್ ಸದಾಶಿವ ಶೆಟ್ಟಿ ಕನ್ಯಾನ, ಯಕ್ಷಧ್ರುವ ಪಟ್ಲ ಫೌಂಡೇಶನ್ ದುಬೈ ಘಟಕದ ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ಟಿ ಅಂಚನೆ ಯಕ್ಷಧ್ರುವ ಪಟ್ಲ ಫೌಂಡೇಶನ್‌ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ ಪಾಲ್ ಪಡೆದ್ ತುಡರ್ ಅರ್ಲಾದ್ ಲೇಸ್‌ಗ್ ಚಾಲನೆ ಕೊರಿಯೆರ್.

ಶಶಿಪ್ರಭಾ ಪರಿಣಯ ಯಕ್ಷಗಾನದ ನಿರ್ದೇಶನನ್ ಯಕ್ಷ ಪುರುಷೋತ್ತಮ ದೀಪಕ್ ರಾವ್ ಪೇಜಾವರ ಮಲ್ತೆರ್. ಪಟ್ಲ ಸತೀಶ್ ಶೆಟ್ಟಿ ಭಾಗವತೆರಾದ್ ಇತ್ತೆರ್. ಮೋಹನ್ ದಾಸ್ ರೈ ಬತ್ತಿನ ಬಿನ್ನೆರೆಗ್ ಸೊಲ್ಮೆ ಸಂದೈತ ಮಲ್ತೆರ್. ಕಮಲಾಕ್ಷ ಅಮೀನ್ ಲೇಸ್ ಸುದಾರಿಕೆ ಮಲ್ತೆರ್.

kudla

ಶಿವಮೊಗ್ಗ: ಕಾರ್ ಬೊಕ್ಕ ಬೈಕ್ ತಾಂಟ್‌ದ್ ಬಾಲೆ ಸೇರ್ದ್ ಒಂಜೇ ಕುಟುಮದ ಮೂಜಿ ಜನ ತೀರ್ ಪೋಯೆರ್

ಕುಡ್ಲಡ್ ಗೆಜ್ಜೆಗಿರಿ ಮೇಳದ ಉದಿಪನದ ಲೆಪ್ಪೋಲೆ ಬುಡುಗಡೆ ಲೇಸ್

ರಾಜೇಶ್ ಕೆಂಚನಕೆರೆ ಮೆರೆಗ್ ಬಿರುವೆರ್ ಕುಡ್ಲ, ಮುಲ್ಕಿ ಘಟಕರ್ದ್ ಪನವುದ ಸಕಾಯ

ಓರಿಯೋ ಕಂಪನಿದ ಡಿಸೈನ್ ಮಲ್ಪರೆ 4 ವರ್ಷ ಬೋಡಾಂಡ್ ಗೆ!

ಉಳ್ಳಾಲ ತಾಲೂಕ್‌ದ ತಹಸೀಲ್ದಾರ್ರೆನ ಕಾರ್‌ ಡ್ರೈವರ್ ಜರ ಬತ್ತ್ ದ್ ತೀರ್ ಪೋಯೆರ್

ಕಾಸ್ರೋಡು: ದೇವಲ್ಯದ ಬಂಗಾರ್ ಕಂಡ್‌ದಿನ ಆರೋಪಿ ಬಟ್ರ್ ಅರೆಸ್ಟ್

ದುಬೈ ಗಡಿನಾಡ ಉಚ್ಚಯದ ಲೆಪ್ಪೋಲೆ ಬುಡುಗಡೆ ಮಲ್ತಿನ ಸಿಎಂ

ನ. 14 ಕ್ಕ್ ನಮ್ಮೂರ ಆಟ-ಕೂಟ ಟ್ರಸ್ಟ್(ರಿ.)ದ ಸುರೂತ್ತ ಸರ್ವಸದಸ್ಯೆರ್‍ನ ಸಭೆ

ದಿಲ್ಲಿಡ್ ವಾಯು ಮಾಲಿನ್ಯ ಎಚ್ಚ ಆತಿನೆಡ್ದಾವರ ಪ್ರಾಥಮಿಕ ಶಾಲೆನ್ ಮುಚ್ಚರೆ ಆದೇಶ ಮಲ್ತಿನ ಸಿಎಂ ಅರವಿಂದ್ ಕೇಜ್ರಿವಾಲ್

ಬಹರೈನ್- ಸೌದಿ ಅರೇಬಿಯಾ ಯಕ್ಷಧ್ರುವ ಕೂಟದ 2ನೇ ವರ್ಷದ ಉಚ್ಚಯ

You Missed

ಹಳೆಯಂಗಡಿ ಬಿಲ್ಲವ ಸಮಾಜ ಸೇವಾ ಸಂಘ (ರಿ), ಯುವವಾಹಿನಿ (ರಿ) ಹಳೆಯಂಗಡಿ ಘಟಕದ ನಿರೆಲ್‌ಡ್ “ಆಟಿದ ಗೇನ” ಲೇಸ್

ಆ.15: ಪುಣೆ ತುಳುಕೂಟ(ರಿ.)ದ 27ನೇ ವರ್ಷೊದ ಕಲ್ಚರಲ್ ಫೆಸ್ಟ್ -2026

ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ 45ನೇ ವರ್ಷೊದ ಚೌತಿ ಪರ್ಬದ ಲೆಪ್ಪೋಲೆ ಬುಡುಗಡೆ

ಕಲ್ಯಾಣ್ ತುಳುನಾಡ ತುಳುವೆರ್ ಕೂಟದ ಪೊಂಜೊವುಲೆರ್ದ್ ” ಪಗೆಲ್ಡ್ ಅಗೆಲ್ ” ಲೇಸ್