kudla

ಇಂಚರಾ ಸೇವಾ ಬಳಗ ನಂದಳಿಕೆ ಮುತಾಲಿಕೆಡ್ 3ನೇ ಬೊಕ್ಕ 4ನೇ ಸೇವಾ ಯೋಜನೆ

ನಂದಳಿಕೆ: ಇಂಚರಾ ಸೇವಾ ಬಳಗ ನಂದಳಿಕೆ ಮುತಾಲಿಕೆಡ್ 3ನೇ ಬೊಕ್ಕ 4ನೇ ಸೇವಾ ಯೋಜನೆ ಆಯಿನ 10 ಸಾರ ರೂಪಾಯಿ ಪನವುದ ಸಕಾಯೊನು ಬಳ್ಳಮಂಜದ ರಕ್ಷಿತ್ ಬೊಕ್ಕ ಅರೆನ ಕುಟುಮಗ್ ಅಂಚನೆ ಬೆಳ್ಮಣ್‌ದ ಸುಧಾಕರ್ ಮೇರೆಗ್ ಸುಶ್ಮಿತಾ ರಾಕೇಶ್ ಬೊಕ್ಕ ವಿನಯ್ ಕುಲಾಲ್ ಮಡಂತ್ಯಾರ್ ಮೇರ್ ಕೊರಿಯೆರ್.

ರಕ್ಷಿತ್ ಮೆರೆಗ್ ಮದ್ದಡ್ಕಡ್ ಅಪಘಾತೊಡು ಪೆಟ್ಟಾದಿತ್ತ್‌ದ್ ಇತ್ತೆ ಕುಡ್ಲದ ಎ.ಜೆ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಉಲ್ಲೆರ್. ಸರಿಯಾದ್ ಗುಣ ಆಯರೆ 7-8 ಲಕ್ಷ ಕಾಸ್‌ದ ಅವಶ್ಯಕತೆ ಉಂಡು ಪಂದ್ ವೈದ್ಯೆರ್ ಪಂಡ್‌ದಿತ್ತೆರ್. ಅಂಚನೆ ಬೆಳ್ಮಣ್‌ದ ಸುಧಾಕರ್ ಮೇರ್ 7-8 ತಿಂಗೊಲುರ್ದಿಂಚಿ ಕ್ಯಾನ್ಸರ್ ಸೀಕ್‌ಡ್ ಇತ್ತ್‌ದ್ ಚಿಕಿತ್ಸೆದ ಅವಶ್ಯಕತೆ ಇತ್ತ್ಂಡ್. ಇಂಚರಾ ಕೂಟಗ್ ಪನವುದ ಬಿನ್ನಾಪು ಮಲ್ತ್‌ದಿತ್ತ್‌ದ್ ಅಯಿಕ್ಕ್ ಈ ಕೂಟದಕುಲು ಸ್ಪಂದಿಸಾದೆರ್.

ಈ ಪೊರ್ತುಡು ಇಂಚರಾ ಸೇವಾ ಕೂಟದ ಅಧ್ಯಕ್ಷೆರ್ ದೀಕ್ಷಿತ್ ದೇವಾಡಿಗ ನಂದಳಿಕೆ, ಸದಸ್ಯೆರಾಯಿನ ನಾಗರಾಜ್ ಕುಲಾಲ್, ಚಂದ್ರಹಾಸ ನಂದಳಿಕೆ, ಪ್ರಸನ್ನ ಆಚಾರ್ಯ, ಹಿತೇಶ್ ನಂದಳಿಕೆ, ಸುಜನಾ ಕ್ಯಾಸ್ತಲಿನೋ, ಸಂತೋಷ್ ಪೂಜಾರಿ ಹೊಕ್ಕಾಡಿಗೋಳಿ, ರಕ್ಷಿತ್ ಬಂಗೇರ ಅಂಡಿಂಜೆ, ರಾಜೇಶ್ ಕುಲಾಲ್ ಅರುವ, ಜಯಪ್ರಕಾಶ್ ಕಿನ್ನಿಗೋಳಿ ಇತ್ತೆರ್.