ರಾಜ್ಯಸಭೆತ ಪ್ರತಿ ಪಕ್ಷದ ನಾಯಕ ಸ್ಥಾನಗ್ ರಾಜೀನಾಮೆ ಕೊರ್ನ ಮಲ್ಲಿಕಾರ್ಜುನ ಖರ್ಗೆ
ದಿಲ್ಲಿ: ಕಾಂಗ್ರೆಸ್ ಅಧ್ಯಕ್ಷೀಯ ಚುನಾವಣೆದ ಅಭ್ಯರ್ಥಿ ಮಲ್ಲಿಕಾರ್ಜುನ ಖರ್ಗೆ ಮೇರ್ ರಾಜ್ಯಸಭೆತ ಪ್ರತಿ ಪಕ್ಷದ ನಾಯಕ ಸ್ಥಾನಗ್ ರಾಜೀನಾಮೆ ಕೊರ್ತೆರ್. ಪಕ್ಷದ ಅಧ್ಯಕ್ಷೀಯ ಚುನಾವಣೆಗ್ ಸುಮಾರು 30 ಕಾಂಗ್ರೆಸ್ ನಾಯಕೆರೆನ ಬೆಂಬಲನ್ ಪಡೆಯಿನ ಖರ್ಗೆ, ನನದ ಅಧ್ಯಕ್ಷೆರ್ ಆಪುನವು ನೆಕ್ಕಿ ಆತ್ಂಡ್. ಅಂಚನೆ ಅರೆಗ್ ದೀಪೇಂದರ್ ಹೂಡಾ, ಸಲ್ಮಾನ್ ಖುರ್ಷಿದ್, ಅಶೋಕ್ ಗೆಹ್ಲೋಟ್, ದಿಗ್ವಿಜಯ ಸಿಂಗ್, ಮನೀಶ್ ತಿವಾರಿ, ಪೃಥ್ವಿರಾಜ್ ಚವಾಣ್, ಬೊಕ್ಕ ಸುಮಾರ್ ಜನ ಬೆಂಬಲಲ ಕೊರ್ತೆರ್.
ಕಾಂಗ್ರೆಸ್ ಅಧ್ಯಕ್ಷೀಯ ಚುನಾವಣೆಗ್ ಖರ್ಗೆನ ಒಟ್ಟಿಗೆ ಕೇರಳದ ನಾಯಕೆರ್ ಶಶಿ ತರೂರ್ ಬೊಕ್ಕ ಜಾರ್ಖಂಡ್ ದ ಕೆಎನ್ ತ್ರಿಪಾಠಿ ನಾಮಿನೇಶನ್ ಕೊರ್ತೆರ್. ಅಂಚನೆ ಮಧ್ಯಪ್ರದೇಶದ ಮಾಜಿ ಮುಖ್ಯಮಂತ್ರಿ ದಿಗ್ವಿಜಯ್ ಸಿಂಗ್ ಲ ಸುರುಕು ಅಧ್ಯಕ್ಷೀಯ ಚುನಾವಣೆದ ರೇಸ್ ಡ್ ಇತ್ತೆರ್. ಆಂಡ ಕಾಂಗ್ರೆಸ್ ಹೈಕಮಾಂಡ್, ಖರ್ಗೆನ್ ಸ್ಪರ್ಧೆಗೆ ಸೂಚಿಸಾಯಿನ ಬೊಕ್ಕ ದಿಗ್ವಿಜಯ್ ಸಿಂಗ್ ಪಿರ ಜಾರ್ದೆರ್. ಆಂಡ ಇತ್ತೆ ಪಕ್ಷೊದ ‘ಒಂಜೇ ಜನ ಒಂಜೇ ಬೇಲೆ ’ ಪನ್ಪಿನ ಉದಯಪುರ ನಿರ್ಣಯದಂಚನೆ ಅಧ್ಯಕ್ಷೀಯ ಚುನಾವಣೆಗ್ ಸ್ಪರ್ಧೆ ಮಲ್ತೊಂದು ಇಪ್ಪುನ ಖರ್ಗೆ ಇನಿ ಹಂಗಾಮಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಅರೆಗ್ ರಾಜೀನಾಮೆ ಸಲ್ಲಿಸಾದೆರ್.
