kudla

ನರಗುಂದಡ್ ಅಪರೂಪದ ಪಕ್ಕಿ ರೆಕ್ಕೆ ಚಿಟ್ಟೆ

ನರಗುಂದ: ನರಗುಂದ ಪೇಂಟೆದ ಗುಡ್ಡೆಡ್ ಇಪ್ಪುನ ಸಾಲುಮರದ ತಿಮ್ಮಕ್ಕ ಪಾರ್ಕ್ ಡ್ ಪ್ಯಾಪಿಲಿಯೋನಿಡೇ ಕುಟುಂಬಗ್ ಸೇರ್ನ ಕಾಮನ್‌ ಬರ್ಡ್‌ವಿಂಗ್‌(ಟ್ರಾಯ್ಡ್ಸ್ ಹೆಲೆನಾ)ಅಪರೂಪದ ಚಿಟ್ಟೆ ಪತ್ತೆ ಆತ್ಂಡ್.

ನಮ್ಮ ದೇಶಡ್ ಬಾರಿ ಮಲ್ಲ ಜಾತಿದ, ಚಿಟ್ಟೆದ ಜಾತಿದ ಚಿಟ್ಟೆಲೆಡ್ ಉಂದುಲ ಒಂಜಿ. ನೆತ್ತ ರೆಕ್ಕೆಲು 140 ರ್ದ್ 170 ಸೆಂ.ಮೀ. ಅಗೆಲ, ಎದುರುದ ರೆಕ್ಕೆ ಕಪ್ಪು, ಬೊಕ್ಕ ಪಿರವುದ ರೆಕ್ಕೆ ಮಂಜಲ್ ಬಣ್ಣ ಅದ್ ನಡುಟ್ ಕಪ್ಪುಚುಕ್ಕೆಲು ಉಂಡು, ಈ ಚಿಟ್ಟೆ ತೂಯೆರೆ ಆಕರ್ಷಕವಾದ್ ಉಂಡು.

ಈ ಚಿಟ್ಟೆನ್ ಬೇತೆ ಜಾತಿಯ ಚಿಟ್ಟೆಳು ರಾಪುನೆಕ್ ಹೋಲಿಸನ್ಂಡ ಉಂದು ಸುಮಾರ್ ದೂರ ಬೊಕ್ಕ ಮಸ್ತ್ ಎತ್ತರ ರಪುನ್ಂಡು. ಈ ಚಿಟ್ಟೆನ್ ಬರ್ಡ್‌ವಿಂಗ್‌ ಚಿಟ್ಟೆ(ಪಕ್ಕಿರೆಕ್ಕೆ ಚಿಟ್ಟೆ)ಪಂದ್ ಲೆಪ್ಪುವೆರ್. ಉಂದು 19 ದಿನ ಬದುಕುಂಡು. ಈ ಚಿಟ್ಟೆ ಸಾಮಾನ್ಯವಾದ್ ಭಾರತದ ಮತ ಅರಣ್ಯ ಪ್ರದೇಶಡ್ ತುಯೆರೆ ತಿಕ್ಕ್ಂಡ್. ಅರಿಸ್ಟ್ಲೋಕಿಯಾ ಜಾತಿದ ಸಸ್ಯಳು ಈ ಚಿಟ್ಟೆದ ಲಾರ್ವಾಗ್ ಆತಿಥ್ಯ ಸಸ್ಯ ಆತ್ಂಡ್, ಪ್ರಬುದ್ಧ ಚಿಟ್ಟೆಳು ಕ್ಲಿರೆಡೆಂಡ್ರಾನ್‌, ಅಕೇಶಿಯಾ ಬೊಕ್ಕ ರಥಪುಷ್ಪ ಜಾತಿ ಸಸ್ಯಳೆನ ಪೂತ ಮಕರಂದನ್ ಸೇವಿಸುಂಡು. ಚಿಟ್ಟೆಳು ಪರಾಗಸ್ಪರ್ಶ ಕ್ರಿಯೆಡ್ ಸಸ್ಯಲೆನ ಸಂತತಿ ಜಾಸ್ತಿ ಮಲ್ಪುಂಡು. ಪಶ್ಚಿಮಘಟ್ಟದ ಸದರ್ನ್ ಬರ್ಡ್‌ವಿಂಗ್‌ ಚಿಟ್ಟೆ 2019ಟ್ ಕರ್ನಾಟಕದ ರಾಜ್ಯ ಚಿಟ್ಟೆ ಪಂದ್ ಅಧಿಕೃತವಾದ್ ಇತ್ತ್ಂಡ್. ಬರ್ಡ್‌ವಿಂಗ್‌ ಪ್ರಭೇದದ ಚಿಟ್ಟೆಲು ಐಯುಸಿಎನ್‌ ದ ಸಂರಕ್ಷಣೆ ಪಡೆಪುಂಡು.