ಶಿವಮೊಗ್ಗದ ಭಜರಂಗದಳ ಕಾರ್ಯಕರ್ತೆ ಹರ್ಷನ್ ಕೆರ್ತಿನ ಕೇಸ್ದ ಆರೋಪಿ ಜಾಫರ್ ಸಾದಿಕ್ಗ್ NIA ವಿಶೇಷ ಕೋರ್ಟ್ ಜಾಮೀನು ಕೊರ್ತ್ಂಡ್.
ಆರೋಪಿ 50,000 ರೂ. ಬಾಂಡ್ ಬೊಕ್ಕ ಶ್ಯೂರಿಟಿ ಕೊರೊಡು. ವಿಚಾರಣೆಗ್ ಲೆಪ್ಪುನಗ ಬರೊಡು ಪಂದ್ ಷರತ್ತ್ ಪಾಡ್ದೆರ್. ಈ ಕೇಸ್ಡ್ ಜಾಫರ್ ಸಾದಿಕ್ 10ನೇ ಆರೋಪಿ ಆತೆರ್.
ಲಕ್ನೋ: ಶಾಲೆಡ್ ಇತ್ತಿನ ಜೋಕಾಲಿ ಪೊಲಿದ್ ಕಲ್ಪಾರ್ಥಿ ತೀರ್ ಪೋಯಿನ ಘಟನೆ ಲಕ್ನೋದ ಬಹರೈಚ್ ಖಾಸಗಿ ಶಾಲೆಡ್ ನಡತ್ಂಡ್.ಕಲ್ಪಾರ್ಥಿನ ಪುನನ್ ಮರಣೋತ್ತರ ಪರೀಕ್ಷೆಗ್ ಕಡಪುಡ್ದೆರ್.
ಜಿಲ್ಲೆದ ಮಾತ ಶಾಲೆಲೆಗ್ ಪೋದು ಪರಿಶೀಲನೆ ಮಲ್ಪುವ ಬೊಕ್ಕ ಶಾಲೆಡ್ ಹಾಳಾದ್ ಇತ್ತಿನ ಸ್ವಿಂಗ್ನ್ ತೂದು ವರದಿನ್ಲ ಪಡೆಯೊನುವ ಪಂದ್ ಬಹರೈಚ್ ಸಿಟಿ ಮ್ಯಾಜಿಸ್ಟ್ರೇಟ್ ಜ್ಯೋತಿ ರಾಯ್ ಪಂಡೆರ್.
ಬಂಟ್ವಾಳ: ಕಾಂಗ್ರೆಸ್ ನಾಯಕೆರ್ ರಾಹುಲ್ ಗಾಂಧಿ ಮೆರೆನ ಮುತಾಲಿಕೆಡ್ ನಡತೊಂದು ಇಪ್ಪುನ ಭಾರತ್ ಜೋಡೋ ಯಾತ್ರೆ ಇತ್ತೆ ಚಿತ್ರದುರ್ಗಡ್ ಪೋವೊಂದಿತ್ತ್ದ್ ಈ ಯಾತ್ರೆಡ್ ಮಾಜಿ ಸಚಿವೆರ್ ಬಿ. ರಮಾನಾಥ ರೈ ಮೇರ್ ಪಾಲ್ ಪಡೆದೆರ್.
ಡಿ.ಕೆ ಶಿವಕುಮಾರ್ ಅಂಚನೆ ರಮಾನಾಥ ರೈ ಕರ್ನಾಟಕ ರಾಜ್ಯಡ್ ನಡಪುನ ಯಾತ್ರೆಡ್ ಪೂರ್ತಿಯಾದ್ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ಮಾಹಿತಿ ತಿಕ್ಕ್ದ್ಂಡ್.
ಆಂಜನೇಯ ಕಲಾಶ್ರೀ ಬೆದ್ರ ಮುತಾಲಿಕೆಡ್ ಉಂದುವೇ ಸುರುತ್ತ ಸರ್ತಿ ಬೆದ್ರಡ್ ಎಡ್ಡೆ ರೀತಿದ ತರಬೇತುದಾರೆರ್ದ್ “ಪಿಲಿ ನಲಿಕೆ ತರಬೇತಿ” ಉಂದುವೇ ಅಕ್ಟೋಬರ್ 15 ತಾರೀಕ್ಗ್ ಶನಿವಾರದಾನಿ ಬೆದ್ರದ ಸಮಾಜ ಮಂದಿರಡ್ ಉದಿಪನ ಆಯರೆ ಉಂಡು.
“ಪಿಲಿನಲಿಕೆ ತರಬೇತಿ”ಗ್ ಬರ್ಪುನಕುಲು ರಮೇಶ್ ಮೀಜಾರ್ 9535860147 ಈ ನಂಬರ್ಗ್ ಲೆಪ್ಪು ಕೊರ್ಲೆ. ಶೆಟ್ಟಿ ಹರೀಶ್ ಪೊಳಲಿ ಬೊಕ್ಕ ಗಣೇಶ್ ಬೆದ್ರ ತರಬೇತುದಾರೆರ್. 3 ವರ್ಷರ್ದ್ 20 ವರ್ಷದ ಉಲಯಿದ ಆಣ್ಲು ಅಂಚನೆ 3-15 ವರ್ಷದ ಉಲಯಿದ ಪೊಣ್ಣ್ಲು ಉಂದೆಟ್ಟ್ ಪಾಲ್ ಪಡೆಯೊಲಿ. ಶನಿವಾರ ಮಧ್ಯಾಹ್ನ 2-4 ಗಂಟೆ ಮುಟ್ಟ ಅಂಚನೆ ಐತಾರ ಕಾಂಡೆ 9-11 ಗಂಟೆ ಮುಟ್ಟ ಈ ಕ್ಲಾಸ್ ನಡಪರೆ ಉಂಡು.
ಹಾಸನ: ವರ್ಸಗ್ ಒರ ದೇವಲ್ಯದ ಬಾಕಿಲ್ ದೆಪ್ಪುನ ಹಾಸನ ಜಿಲ್ಲೆದ ಶ್ರೀ ಹಾಸನಾಂಬ ದೇವಿನ ದರ್ಶನನ್ ಇನಿರ್ದ್ ಭಕ್ತೆರೆಗ್ ಮಲ್ಪೊಲಿ. ಧಾರ್ಮಿಕ ವಿಧಿ ವಿಧಾನದ ಮುಖೇನ ಗುರುವಾರ ಮಧ್ಯಾಹ್ನ 12.14 ಕ್ಕ್ ಬಾಕಿಲ್ನ್ ದೆತ್ತೆರ್.
ಅಕ್ಟೋಬರ್ 13-27 ಮುಟ್ಟ ಹಾಸನಾಂಬ ದೇವಲ್ಯದ ಬಾಕಿಲ್ ದೆಪ್ಪರೆ ಇತ್ತ್ದ್, ಸುರುತ್ತ ದಿನ ಬೊಕ್ಕ ಅ.25 ಕ್ಕ್ ಸೂರ್ಯಗ್ರಹಣ ಇತ್ತಿನೆಡ್ದಾವರ ಭಕ್ತೆರೆಗ್ ದೇವೆರೆನ್ ತೂಯರೇ ಅವಕಾಶ ಇಪ್ಪುಜಿ.
ಇಂಚಿಪ್ಪಗ್ ನಟೆ, ನಿರ್ದೇಶಕೆರ್ ರಮೇಶ್ ಅರವಿಂದ್ ಒಡಿಪುದ ಲೇಸ್ ಒಂಜೆಕ್ಕ್ ಬಿನ್ನೆರಾದ್ ಬತ್ತಿತ್ತೆರ್.
ಈ ಪೊರ್ತುಡು ಅಲ್ಪದ ಮನೋವೈದ್ಯೆರ್ ಡಾ. ವಿರೂಪಾಕ್ಷ ದೇವರುಮನೆ ಮೆರೆನ ಇಲ್ಲಡ್ ಇತ್ತಿನ ಯಕ್ಷಗಾನದ ಫೊಟೋ ತೂದ್, ಯಂಕ್ಲ ಅವ್ವೇ ರೀತಿಡ್ ಏಸ ಪಾಡೊಡು, ಫೋಟೋಶೂಟ್ ಮಲ್ಪೊಡು ಪಂದ್ ಕೇನೊಂದೆರ್. ಇಂಚಾದ್ ರಮೇಶ್ ಅರವಿಂದ್ ಯಕ್ಷಗಾನೊದ ಏಸ ಪಾಡ್ದ್ ಫೋಟೋಶೂಟ್ ಮಲ್ತೆರ್.
Star Ramesh Aravind puts colours of Yakshagana Artist
Cine star and we’ll known director Ramesh Aravind was the guest of honour at a program in Udupi.He also visited the house of psychiatrist Dr Virupaksha Devarmane and noticing a pic of an Yakshagana Artist wished to don the colors of the same. Later on he had a photo shoot in the colourful dress and makeup of the famous art of tulunadu – Yakshagana.
ಸರಳ ಸಜ್ಜನಿಕೆ ವ್ಯಕ್ತಿತ್ವ ರ್ದ್ ಆದರ್ಶ ಜೀವನ ಮಲ್ತ್ ದ್, ಕುಟುಂಬ ಬೊಕ್ಕ ಸಮಾಜಡ್ ಮಾತೆರ್ನಲ ಗೌರವಗ್ ಪಾತ್ರರಾದ್ ಇಂಚೊಗು ದೇವೆರೆ ಪಾದೊ ಸೇರಿನ ಸಮಾಜಸೇವಕಿ ಸರೋಜಾ ಕೆ.ಆಳ್ವ ನನ ನಮಕ್ಕ್ ಆರ್ ನೆಂಪು ಮಾತ್ರ. ಮೇರ್ ಸಮಾಜ ಸೇವಕೆ, ತುಳು ಅಭಿಮಾನಿ, ಕಾಂಗ್ರೆಸ್ ನಾಯಕೆರ್ ಅಗರಿ ನವೀನ್ ಭಂಡಾರಿ ಮೆರೆನ ಬೊಡೆದಿ.
ಪದವು ಚೌಟರ ಇಲ್ಲ್ ದ ಕೆ.ರಾಮ ಆಳ್ವ ಬೊಕ್ಕ ಏಳಿಂಜೆ ಕೋಲೆಟ್ಟು ದಿ.ಅಪ್ಪಿ ಆರ್. ಆಳ್ವರೆನ ಮಗಲ್ ಆಯಿನ ಸರೋಜ ಕೆ. ಆಳ್ವ, ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆ ನಿವೃತ್ತ ಜಂಟಿ ನಿರ್ದೇಶಕೆರಾದ್ ಸೇವೆ ಮಲ್ದೆರ್. ಮೇರೆನ ಆತ್ಮಗ್ ಆ ದೇವೆರ್ ಚಿರಶಾಂತಿ ಕೊರಡ್ ಪಂದ್ ಕಂಡನಿ ಅಗರಿ ನವೀನ್ ಭಂಡಾರಿ, ಮಗಲ್ ಅನುಷ್ಕಾ ಭಂಡಾರಿ ಶೆಟ್ಟಿ, ಮರ್ಮಯೆ ಡಾ.ವೀಕ್ಷಿತ್ ಶೆಟ್ಟಿ ಬೊಕ್ಕ ಮಾತ ಸಂಬಂದಿಕೆರ್ ದೇವೆರೆಡ ಸುಗಿತೊಂದೆರ್.
Saroja K Alva a well known social worker is now a memory:
A woman with a mild and sweet demeanour who has served her family and the society alike and who has won the hearts of all with her pleasing personality Saroja K Alva is now just a memory.
A staunch Tuluva and a social worker she retired as joint director of women and children development department.She was the wife of Congress leader Agari Naveen Bandhari and daughter of Chowta House K Rama Alva and late Appi Alva.
Deeply mourned by:
Agari Naveen Bandhary ( Husband)
Anuska Bandhary Shetty ( daughter)
Dr Vikshith Shetty (son in law)
Relatives and friends.
ಕಾಂಗ್ರೆಸ್ ದ ಭಾರತ್ ಜೋಡೋ ಯಾತ್ರೆ 1000 ಕಿ.ಮೀ. ಮೈಲ್ ಕಲ್ಲ್ ಮುಟ್ಟುದುಂಡು. 36 ದಿನತ್ತ ಪಿರವು ಕನ್ಯಾಕುಮಾರಿರ್ದ್ ಸುರು ಆಯಿನ ನಡತೊಂದು ಪೋಪಿನ ಯಾತ್ರೆ ತಮಿಳ್ನಾಡ್, ಕೇರಳ ಬೊಕ್ಕ ಕರ್ನಾಟಕಡ್ ನಡತ್ಂಡ್.
ಆಂಧ್ರಪ್ರದೇಶ, ತೆಲಂಗಾಣ ಮುಖೇನ ಬೇತೆ ಬೇತೆ ರಾಜ್ಯಗ್ ಪೋದು ಕಾಶ್ಮೀರಡ್ ಮುಗಿತಲದ ಲೇಸ್ ನಡಪರೆ ಉಂಡು. ಒಟ್ಟು 3500 ಕಿ.ಮೀ ಪೋಯರೆ ಕಾಂಗ್ರೆಸ್ ನಾಯಕೆರ್ ಅಟ್ಟಣೆ ಮಲ್ತ್ದೆರ್.
ಶಿವಮೊಗ್ಗ: ತುಮಕೂರು ಕೋರ್ಟುಡು ಬೇಲೆ ಮಲ್ಪುನ ಗುರುರಾಜ್ ಪನ್ಪಿನಾರ್ ಶಿವಮೊಗ್ಗ ರೈಲ್ವೆ ನಿಲ್ದಾಣದ ಲಿಫ್ಟ್ಡ್ ತಿಕ್ಕಿನ 15 ಲಕ್ಷ ರೂ. ಬಿಲೆತ್ತ 300 ಗ್ರಾಂ ಬಂಗಾರ್ನ್ ವಾರಸುದಾರೆರೆಗ್ ಪಿರ ಕೊರ್ದು ಪ್ರಮಾಣಿಕತೆ ತೋಜಾದೆರ್.
ಅರ್ಪಿತಾ ಮೇರ್ ರೈಲ್ ಪತ್ತುನ ಅಮಸರೊಡು ಲಿಫ್ಟ್ಡೇ ಬ್ಯಾಗ್ ಬುಡ್ದ್ ಪೋದಿತ್ತೆರ್. ತುಮಕೂರ್ದ ಗುರುರಾಜ್ ಲಿಫ್ಟ್ಡ್ ತಿಕ್ಕಿನ ಬಂಗಾರ್ನ್ ರೈಲ್ವೇ ನಿಲ್ದಾಣ ಡ್ ವಾರಿಸ್ದಾದಾರೆರೆನ್ ನಾಡ್ದ್ ಅವೆನ್ ಪಿರ ಕೊರ್ತೆರ್.
ದೇಶೀಯ ಮಾರ್ಕೆಟ್ ಡ್ ಬುಧಾರ ಕಾಂಡೆ ಬಂಗಾರ್, ಬೊಲ್ಲಿದ ಬಿಲೆ ಕಮ್ಮಿಯಾತ್ಂಡ್. 22 ಕ್ಯಾರೆಟ್ದ ಗ್ರಾಂ 10 ಬಂಗಾರ್ದ ಬಿಲೆ 700 ರೂ. ಕಮ್ಮಿಯಾದ್ 46,900 ರೂ. ಆತುಂಡು. 24 ಕ್ಯಾ. ಬಂಗಾರ್ದ ಬಿಲೆ 770 ರೂ. ಕಮ್ಮಿಯಾದ್ 51,160 ರೂ. ದಾಖಲ್ ಆತ್ಂಡ್.
1 ಕೆಜಿ ಬೊಲ್ಲಿದ ಬಿಲೆ 600 ರೂ. ಕಮ್ಮಿಯಾದ್ 58,900 ರೂ. ಆತ್ಂಡ್. ಬೆಂಗ್ಲೂರ್ಡ್ 22 ಕ್ಯಾರೆಟ್ದ ಗ್ರಾಂ 10 ಬಂಗಾರ್ದ ಬಿಲೆ 700 ರೂ. ಕಮ್ಮಿಯಾದ್ 46,000 ರೂ. ಆತ್ಂಡ್.
