Kudla Mangalore

ಹೆಜಮಾಡಿಡ್ ಆಟಿದ ಕೂಟ

ಹೆಜಮಾಡಿ : ಹೆಜಮಾಡಿ ಕೊಡಿಕರೆ ಬಿಲ್ಲವರ ಸಮಿತಿದ ಒಟ್ಟು ಸೇರಿಗೆಡ್ ಸಮಾಜದ ಸಂಘಟನೆದ ದೃಷ್ಟಿರ್ದ್ ಆಟಿದ ಕೂಟ ಪನ್ಪಿನ ವಿನೂತನ ಲೇಸ್ ಹೆಜಮಾಡಿ ಸತ್ಯನಾರಾಯಣ ಮಂದಿರಡ್ ನಡತುಂಡು.. ಹೆಜಮಾಡಿ ಬಿಲ್ಲವರ ಸಂಘ ಬೊಕ್ಕ ಸತ್ಯನಾರಾಯಣ ಮಂದಿರದ ಗುರಿಕಾರ್ಲಾಯಿನ ಲೋಕೇಶ್.ಕೆ.ಅಮೀನ್ ಉದಿಪನ ಮಲ್ತ್ ಎಡ್ಡೆಪ್ಪುದ ನುಡಿ ಪಂಡೆರ್ . ತುಳು ಸಾಹಿತಿ , ರಂಗ ಕರ್ಮಿ ಪರಮಾನಂದ ಸಾಲ್ಯಾನ್ ಸಸಿಹಿತ್ಲು ಪೀರಾಕ್ದ ಕಾಲೊದ ಆಟಿ ತಿಂಗೊಲ್ದ ಆಚರಣೆ ಪದ್ಧತಿ ಬಗ್ಗೆ ಇಚಾರ ತೆರಿಪಾಯೆರ್ . ಕೊಡಿಕರೆ ಬಿಲ್ಲವ ಸಂಘದ ಗುರ್ಕಾರ್ಲಾಯಿನ ಸಂಜೀವ ಜೆ.ಕೋಟ್ಯಾನ್ ಲೇಸ್ ದ ಗುರ್ಕಾರ್ಮೆ ವಹಿಸ್ದಿತ್ತೆರ್.

ಮಲ್ಲ ಬಿನ್ನೆರ್ ಆದ್ ಹೆಜಮಾಡಿ ಮಹಾಲಿಂಗೇಶ್ವರ ದೇವಸ್ಥಾನದ ಆಡಳಿತ ಮೋಕೆಸ್ತೇರೇರಾಯಿನ ದಯಾನಂದ ಹೆಜಮಾಡಿ, ಹೆಜಮಾಡಿ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಪ್ರಾಣೇಶ್ ಹೆಜಮಾಡಿ,ಪೆರಿಯ ಸಮಾಜ ಸೇವಕ ದಾಮೋದರ್ ಬಂಗೇರ, ಲೇಸ್ ಡ್ ಹೆಜಮಾಡಿ ಬ್ರಹ್ಮ ಬೈದರ್ಕಳ ಗರಡಿದ ಪ್ರಧಾನ ಅರ್ಚಕೆರಾಯಿನ ಗುರುರಾಜ್ ಪೂಜಾರಿ, ಹೆಜಮಾಡಿ ಬಿಲ್ಲವರ ಸಂಘದ ಮಾಜಿ ಗುರ್ಕಾರ್ಲಾಯಿನ ಜಿನರಾಜ್ ಬಂಗೇರ,ಹೆಜಮಾಡಿ ಗುರು ಮಂದಿರದ ಪ್ರಧಾನ ಅರ್ಚಕೆರಾಯಿನ ಹರೀಶ್ ಶಾಂತಿ ಹೆಜಮಾಡಿ,ನಡಿಕುದುರು ಜಾರಾಂದಾಯ ದೈವಸ್ಥಾನದ ಅರ್ಚಕ ನಿರಂಜನ್ ಪೂಜಾರಿ, ಮಾಜಿ ತಾಲೂಕು ಪಂಚಾಯತ್ ಗುರ್ಕಾರ್ಲಾಯಿನ ಶ್ರೀಮತಿ ನೀತ ಗುರುರಾಜ್ ,ಹೆಜಮಾಡಿ ಗ್ರಾಮ ಪಂಚಾಯತ್ ಮಾಜಿ ಗುರ್ಕಾರ್ಲಾಯಿನ ಸುಭಾಷ್. ಜಿ.ಸಾಲ್ಯಾನ್,ವಾಮನ ಕೋಟ್ಯಾನ್,ಉಪೇಂದ್ರ ಅಮೀನ್, ದೇವರಾಜ್ ಅಂಚನ್,ಲೀಲೇಶ್ ಸುವರ್ಣ,ವಿಜಯ ಅನಿಲ್, ಪುರುಷೋತ್ತಮ ಅಮೀನ್,ಪಾಲ್ ಪಡೆದಿತ್ತೆರ್. ಒತ್ತು ಗುರ್ಕಾರ್ಲಾಯಿನ ಚೆನ್ನಪ್ಪ ಸುವರ್ಣ , ಸದಾನಂದ್ ಅಮೀನ್, ಭಾಸ್ಕರ್ ಕೋಟ್ಯಾನ್ ಬೊಕ್ಕ ಕೂಟ ದಕುಲು ಲೇಸ್ ದ ಎಡ್ಡೆಪ್ಪುಗು ಸಾಕಾರ ಕೊರಿಯೆರ್. . ಹರೀಶ್ ಶಾಂತಿ ಪ್ರಾರ್ಥನೆ ಮಲ್ತೆರ್ ,ಪ್ರಬೋದ್ ಚಂದ್ರ ಹೆಜಮಾಡಿ ಪ್ರಸ್ತಾವನೆ ಮಲ್ತ್ ಬತ್ತಿ ಬಿನ್ನೆರೆನ್ ಎದುಕೊಂಡೆರ್, ದಿರಾಜ್ ಹೆಜಮಾಡಿ ಬೊಕ್ಕ ಶಿವರಾಂ ಜಿ.ಅಮೀನ್ ಲೇಸ್ ನಡಪಾದ್ ಕೊರಿಯೆರ್.

ಸಭಾ ಕಾರ್ಯಕಮರ್ದ್ ಬೊಕ್ಕ ಸುಮಾರ್ 21 ಬಗೆತ ಆರೋಗ್ಯಕರ ತೆನಸ್ ದ ಒಟ್ಟುಗು ವನಸ್ದ ವ್ಯವಸ್ಥೆ ನಡತುಂಡು.ಕಾರ್ಯದರ್ಶಿ ಲೀಲೇಶ್ ಸುವರ್ಣ್ ಸೊಲ್ಮೆ ಸಂದೈತ ಮಲ್ತೆರ್ .