Kerala Kasaragodu

ಅಪ್ಘಾನ್ ಡ್ ಸರ್ಕಾರ ರಚನೆ ಮಲ್ತಿನ ತಾಲಿಬಾನ್ ಉಗ್ರೆರ್ ಪ್ರಧಾನಿಯಾದ್ ಹಸನ್ ಅಖುಂದ್

ಕಾಬೂಲ್ : ಆಫ್ಘಾನಿಸ್ತಾನಡ್ ತಾಲಿಬಾನ್ ಪೊಸ ಸರ್ಕಾರ ರಚನೆಯಾತುಂಡು , ಪ್ರಧಾನಿಯಾದ್ ಮುಲ್ಲಾ ಮೊಹಮ್ಮದ್ ಹಸನ್‌ ಅಖುಂದ್‌ ನೇಮಕ ಆತೆ .

ನನ ಈ ಪೊಸ ಸರ್ಕಾರಡ್ ಹಕ್ಕಾನಿಲೆಗ್ ಪ್ರಮುಖ ಖಾತೆ ಕೊರ್ತೆರ್ . ಸಿರಾಜುದ್ದೀನ್‌ ಹಕ್ಕಾನಿಗ್ ಒಳಾಡಳಿತ ಸಚಿವ ಸ್ಥಾನ ಕೊರ್ತೆರ್ .

ಅಫ್ಘಾನಿಸ್ತಾನಡ್ ಉಗ್ರವಾದಿಲೆನ ತಾಲಿಬಾನ್ ಸರ್ಕಾರ ರಚನೆಯಾತುಂಡು , ಮುಲ್ಲಾ ಮೊಹಮ್ಮದ್ ಹಸನ್ ಅಖುಂದ್ ಅಫ್ಘಾನಿಸ್ತಾನದ‌ ಚುಕ್ಕಾಣಿ ಪತ್ತ್ದೆ . ನನ ಈ ಮಧ್ಯಂತರ ಸರ್ಕಾರಡ್ , ಸಿರಾಜ್ ಹಕ್ಕಾನಿನ್ ಆಂತರಿಕ ವ್ಯವಹಾರದ ಸಚಿವೆಯಾದ್ ಮಲ್ದೆರ್.

ರಾಜೇಶ್ ಆಚಾರ್ಯೆರ್ನ ಇಲ್ಲಡ್ ನಡು ರಾತ್ರಿ ಪೆತ್ತ ಕಂಡಿನ ಕಲ್ವೆರ್

ಕಾರ್ಲ : ಕಾರ್ಲಾಡ್ ಪೆತ್ತ ಕಂಡುನ ಜಾಸ್ತಿ ಆವೊoದು ಉಪ್ಪುನೆರ್ದಾವರ ಅವೆನ್ ಉಂತಾವುನ ನೆಲೆಟ್ಟ್ ಇತ್ತೆ ಕಾರ್ಕಳ ಬಜರಂಗದಳ ಕಾರ್ಯ ಪ್ರವೃತ್ತವಾತುಂಡು. ಇಂಚಿನ ಪೊರ್ತುಡು ನಿಟ್ಟೆಡ್ ಕುಡೊಂಜಿ ಪ್ರಕರಣ ತೊಜಿದ್ ಬೈದುಂಡು ಗೋಮಾತೆನ್ ಕಳಯೊಂಡಿನಕುಲು ಬಾರಿ ಮಲ್ಲ ಗೊಪ್ರೇಮಿಯಾಯೀನೇರ್ದಾವರ ಇಲ್ಲಡೆ ದೇಶಿ ತಳಿ 30 ರ್ದ್ ಜಾಸ್ತಿ ಉಂಡು .ಇಂದೆನ್ ಗೇನಾಡ್ ದೀನ ಕಲ್ವೇರ್ ಮಾರ್ಗದ ಬರಿಟ್ ಇತ್ತಿನ ಪೆತ್ತನ್ ಕಂಡೊನ್ದು ಇತ್ತೆ ಮೆಕ್ಲೆನ ಇಲ್ಲದ ಬಿತ್ತಿಲ್ ದ ಉಲಯಿ ಪೊಗ್ಗುದೆರ್. ಇಂಚ ಉಪ್ಪುನಗ ಕಲ್ವೇರ್ ಮೆರೆನ ಇಲ್ಲಗೆ ಪೋಗ್ಗುದು ತಲವಾರು ಪಾರ್ದ್ ಪೆತ್ತ ಕಂಡಿನ ಬಾರಿ ಬೇಜಾರ್ ದ ಸಂಗತಿ , ನನ ಒರಿದಿನ ಪೆತ್ತದ ರಕ್ಷಣೆ ಬಗ್ಗೆ ಚಿಂತಾಕ್ರಾಂತರಾದ್ ಕಾನೂನು ಮೊರೆ ಪೋತೆರ್ ವಿಶ್ವಹಿಂದು ಪರಿಷದ್ ಬಜರಂಗದಳ ಬೆರಿ ಸಾಕಾಯಗ್ ಉಂತುದುಂಡು.

ಈ ಪೊರ್ತುಡು ರಾಜ್ಯಸಂಚಾಲಕೆರಾಯಿನ ಸುನಿಲ್ ಕೆ. ಆರ್  ಪ್ರಖಂಡ ವಿಶ್ವಹಿಂದು ಪರಿಷದ್ ಕಾರ್ಯದರ್ಶಿ ಸುಧೀರ್ ನಿಟ್ಟೆ, ಬೊಕ್ಕ
ಕಾರ್ಕಳ ಪ್ರಖಂಡ ಗೋ ರಕ್ಷಾ ಪ್ರಮುಖ್ ಪ್ರಸಾದ್ ಇತ್ತೆರ್.

ಒಡಿಪುಡು 126 ಜನಕ್ ಕೋವಿಡ್ ಪಾಸಿಟಿವ್

ಒಡಿಪು : ಪೇಂಟೆಡ್ ಗುರುವಾರ ಒಟ್ಟು 126 ಜನಕ್ ಕೊರೋನ ಸೋಂಕು ಪಾಸಿಟಿವ್ ಬೈದುಂಡು . ಸತತ ರಡ್ಡನೆ ದಿನಲ ಸೋಂಕುಗು ಏರ್ಲ ಬಲಿಯಾತುಜೆರ್ . ಕೋಡೆ ಒಟ್ಟು 7028 ಜನಕ್ ಕೋವಿಡ್ ಪರೀಕ್ಷೆ ಆತುಂಡು , ನೆಟ್ಟ್ 126 ಜನಕ್ ಸೋಂಕು ದೃಢ ಆತುಂಡು .

ದಿನಟ್ 57 ಜನ ಸೋಂಕುರ್ದು ಹುಷಾರ್ ಆವೊಂದು ಉಲ್ಲೆರ್ , ಸೋಂಕುಗು ಸಕ್ರಿಯ ಆಯಿನಕ್ಲೆನ ಸಂಖ್ಯೆ 1437ಕ್ಕ್ ಏರಿಕೆ ಆತುಂಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗಭೂಷಣ ಉಡುಪ ಪಂಡೆರ್.

Udupi, : A total of 126 people have been affected by coronavirus in the district on Thursday. For the second consecutive day, no one was infected. Covid tested a total of 7028 people today, of whom 126 were infected.

District Health and Family Welfare Dr Nagabhushana Udupa said that 57 people had recovered from the virus during the day.

ಅಖಿಲ ಕರ್ನಾಟಕ ರಾಜಕೇಸರಿ ಟ್ರಸ್ಟ್ (ರಿ) : ಸಮಾಜ ಸೇವೆ

“ಅಖಿಲ ಕರ್ನಾಟಕ ರಾಜಕೇಸರಿ ಟ್ರಸ್ಟ್ (ರಿ) ಕುಡ್ಲ ಬೊಲ್ತೆರ್ ತಾಲೂಕು ತುಲುನಾಡ್ದ ದೈವ ದೇವೆರ್ನ ಆಶೀರ್ವಾದರ್ದ್ ಪಾಪದಕ್ಲೆನ ಸೇವೆ ಮಲ್ಪುನ ನೆಲೆಟ್ಟ್ ದಿನಗೂಲಿ ನೌಕರೆರೆರ್ನ ಸದಸ್ಯೆರೆರ್ದ್ ರಚನೆಯಾಯಿನ ರಾಜ ಕೇಸರಿ ಸಂಘಟನೆ ಇತ್ತೆ ಈ ಸಂಸ್ಥೆ 497 ವಿವಿಧ ಸೇವಾ ಯೋಜನೆನ್ ಅನುಷ್ಠಾನ ಮಲ್ದುಂಡು .

95. ಲಕ್ಷರ್ದ್ ಜಾಸ್ತಿ ಪಣವುದ ಸೇವಾಚಟುವಟಿಕೆ ಅಟ್ಟನೆ ಮಲ್ದುಂಡು , ಸಂಘಟನೆರ್ದ್ ಕಟ್ಟಿನ ಇಲ್ಲದ ಸಂಖ್ಯೆ – 34., ಅನಾರೋಗ್ಯ ಪೀಡಿತೆರೆಗ್ ಕೊರಿನ ಪಣವುದ ಸಾಕಾರ , ಸಂಘಟನೆರ್ದ್ ವಿಶೇಷ ಯೋಜನೆ – 7 ಲಕ್ಷ 32 ಸಾರ, ಈ ಸಂಸ್ಥೆ, ಕೊರೊನ ಕಷ್ಟ ಕಾಲಡ್ ರಾಜಕೇಸರಿದ ಸಹಾಯ ಹಸ್ತ, ಪಾಪದಕ್ಲೆಗ್ ಕೊರಿನ ಆಹಾರ ಕಿಟ್ – 641, ಗುತ್ತಿಗೆ ನೌಕರೆರೆಗ್ ಕೊರಿನ ಕಿಟ್ – 93, ಪತ್ರಕರ್ತೆರೆಗ್ ವಿಶೇಷ ಯೋಜನೆ ,ರೋಗಿಲೆಗ್ ದರ್ಮದ ಗಾಡಿದ ವ್ಯವಸ್ಥೆ,ಶವ ಸಂಸ್ಕಾರ – 42, ಮುಕ್ತಿ ಧಾಮಗ್ ಕನಕ್ ದ ವ್ಯವಸ್ಥೆ ,ರಾಜಕೇಸರಿ ವತಿರ್ದ್ ನಡತಿನ ಲೇಸ್ :ಗ್ರಾಮಾಂತರ ಭಾಗಡ್ ಉಚಿತ ಆರೋಗ್ಯ ಶಿಬಿರ ,ಅಂಗವಿಕಲೆರ್ನ ಕಲ್ಯಾಣ ಲೇಸ್,ಕ್ರೀಡೆ, ಕಲೆ, ಸಂಸ್ಕೃತಿ ಬಗ್ಗೆ ಜಾಗೃತಿ,ಶಿಕ್ಷಣಗ್ ಪ್ರೋತ್ಸಾಹ ,ಶ್ರಮಧಾನ ಸೇವೆ,ತುರ್ತು ಸೇವೆ,ಅನಾರೋಗ್ಯ ಪೀಡಿತ ಜೋಕ್ಲೆನ ಮರ್ದ್ ದ ಖರ್ಚ್,ಬಸ್ಸು ತಂಗುದಾಣ,ಇಂಚ ಅವ್ವೆತೋ ಸಮಾಜ ಸೇವಾ ಚಟುವಟಿಕೆಡ್ ಪಾಲ್ ಪಡೆತೆರ್.

ಕರ್ನಾಟಕದ ಮಾತಾ ಗಡಿಜಿಲ್ಲೆಡ್ ವೀಕೆಂಡ್ ಕರ್ಪ್ಯೂ ರದ್ದು

ಬೆಂಗ್ಳೂರು: ಕರ್ನಾಟಕದ ಗಡಿ ಜಿಲ್ಲೆಡ್ ವೀಕೆಂಡ್ ಕರ್ಫ್ಯೂ ಉಂತಾದ್ ರಾಜ್ಯ ಸರ್ಕಾರ ಆದೇಶ ಕೊರ್ತುಂಡು . ಕೊಡಗು, ಕುಡ್ಲ , ಒಡಿಪು , ಹಾಸನಡ್ ಇತ್ತೆ ಜಾರಿಡ್ ಇತ್ತಿನ ವಾರಾಂತ್ಯದ ಕರ್ಫ್ಯೂನ್ ತೆರವು ಮಲ್ಪರೆ ಆದೇಶ ಕೊರ್ತೆರ್ .

ಗಡಿ ಜಿಲ್ಲೆಡ್ ಶೇ.2ರ್ದ್ ಕಮ್ಮಿ ಪಾಸಿಟಿವಿಟಿ ತೊಜಿದ್ ಬತ್ತಿನ ಕಾರಣ ಈ ನಿರ್ಧಾರ ದೆತೊನ್ದೆರ್ . ಆಂಡ ಕೊವಿಡ್ ಸೋಂಕು ಜಾಸ್ತಿ ಆಂಡ ಜಿಲ್ಲೆ ಜಿಲ್ಲಾಧಿಕಾರಿಲು ಕರ್ಫ್ಯೂ ಜಾರಿ ಮಲ್ಪೊಲಿ .

ಕುಡ್ಲಡ್ ಜಾಸ್ತಿ ಕೋವಿಡ್ ಟೆಸ್ಟ್ ಮಲ್ಪರೆ ಸೂಚನೆ

ಕುಡ್ಲ : ಜಿಲ್ಲೆಡ್ ಕೋವಿಡ್ ಪಾಸಿಟಿವಿಟಿ ರೇಟ್ ಶೇ.2ರ್ದ್ ಕಮ್ಮಿ ಮಲ್ಪುನ ನೆಲೆಟ್ಟ್ ಜಿಲ್ಲಾಡಳಿತದ ಸೂಚನೆ ಮಿತ್ತ್ ಟೆಸ್ಟ್ ಸಂಖ್ಯೆ ಜಾಸ್ತಿ ಮಲ್ತೊಂದು ಉಲ್ಲೆರ್ , ಜಿಲ್ಲೆದ ಪ್ರತಿ ಗ್ರಾಮ ಪಂಚಾಯ್ತಿಗ್ ತಲಾ 150 ಕೋವಿಡ್ ತಪಾಸಣೆ ನಡಪಾವುನ ಗುರಿ ದೀತೆರ್ . ಪ್ರತಿ ಸರ್ಕಾರಿ ಕಚೇರಿ, ವಾಣಿಜ್ಯ ಸಂಕೀರ್ಣಗ್ ಬರ್ಪಿನಕ್ಲೆನ ಕೋವಿಡ್ ಟೆಸ್ಟ್ ಮಲ್ಪರೆ ಸೂಚನೆ ಕೊರ್ತೆರ್ . ಇತ್ತೆ ವೈರಲ್ ಜ್ವರ ಉಪ್ಪುನೆರ್ದಾವರ ಕೋವಿಡ್ ಟೆಸ್ಟ್ ಅನಿವಾರ್ಯ ಆತುಂಡು . ಕುಡ್ಲಡ್ ಕೋವಿಡ್ ಪಾಸಿಟಿವಿಟಿ ದರ ಶೇ.3.2 ಉಂಡು . ಅವೆನ್ ಕಮ್ಮಿ ಮಲ್ಪರೆ ತಪಾಸಣೆ ಸಂಖ್ಯೆನ್ ನನಾತ್ ಜಾಸ್ತಿ ಮಲ್ಪರೆ ಆರೋಗ್ಯ ಇಲಾಖೆದ ಅಧಿಕಾರಿಲೆಗ್ ತೆರಿಪಾಯೆರ್.

13ಕ್ಕ್ ಜೋಕಟ್ಟೆ ಗ್ರಾ.ಪಂ ಜಮಾಬಂಧಿ

ಕುಡ್ಲ : ಪೇಂಟೆದ ಜೋಕಟ್ಟೆ ಗ್ರಾಮ ಪಂಚಾಯತ್ ದ 2020-21ನೇ ಸಾಲ್ ದ ಜಮಾಬಂಧಿ ಉಂದುವೇ ಸೆ.13ನೆ ಸೋಮವಾರ ಕಾಂಡೆ 11 ಗಂಟೆಗ್ ಜೋಕಟ್ಟೆ ಗ್ರಾಮ ಪಂಚಾಯತ್‍ದ ಸಭಾಂಗಣಡ್ ನಡಪರೆ ಉಂಡು ಪಂದ್ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಪ್ರಕಟಣೆಡ್ ತೆರಿಪಾದೆರ್ .

ಕೊಡವೂರು : ನಿವೃತ್ತ ಶಿಕ್ಷಕಿ ಮಲ್ಲಿಕಾ ದೇವಿಗ್ ಮಾನದಿಗೆ

ಒಡಿಪು : ಕೊಡವೂರು ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆ, ಶಾಲಾಭಿವೃದ್ಧಿ ಸಮಿತಿ, ಹಳೆ ವಿದ್ಯಾರ್ಥಿ ಸಂಘ, ಯುವಕ ಸಂಘ,ಶ್ರೀ ದುರ್ಗಾ ಮಹಿಳಾ ಮಂಡಲ, ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ಒಟ್ಟು ಸೇರಿಗೆಡ್ ಕರಿನ 36 ವರ್ಷರ್ದ್ ಕೊಡವೂರು ಶಾಲಾ ಶಿಕ್ಷಕಿಯಾದ್ ಅನುಪಮ ಬೇಲೆ ಮಲ್ತ್ ಇಂಚೋಗು ನಿವೃತ್ತಿ ಆಯಿನ ಮಲ್ಲಿಕಾ ದೇವಿ ಮೆರೆನ ಮಾನದಿಗೆ ಲೇಸ್ ಸೆ.6 ತಾರೀಖ್ ಗ್ ಕೈತಲ್ ದ ವಿಪಶ್ರೀ ಸಭಾಂಗಣಡ್ ನಡತುಂಡು .

ಶಾಲೆದ ಪೊಸ ಕೊಠಡಿನ್ ಉದಿಪನ ಮಲ್ತ್ ಲೇಸ್ ಡ್ ಪಾಲ್ ಪಡೆಯಿನ ಒಡಿಪು ನಗರಾಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ರಾಘವೇಂದ್ರ ಕಿಣಿ ಮೇರ್ ಪಾತೆರ್ದ್ ಶಿಕ್ಷಕೆರ್ ಏಪಲಾ ಅಧ್ಯಯನ ಶೀಲರಾದ್ ಶಿಕ್ಷಣದ ಒಟ್ಟುಗು ಜೀವನಗ್ ದಾರಿದೀಪ ಆಪಿನ ಮೌಲ್ಯಯುತ ವಿಷಯನ್ ಜೋಕ್ಲೆಗ್ ತೆರಿಪಾದ್ ಕೊರ್ನಗ ಪ್ರಜ್ಞಾವಂತ ಸಮಾಜ ನಿರ್ಮಾಣ ಆಪಿನೆತ್ತ ಒಟ್ಟುಗು ಅಂಚಿನ ಕಲ್ಪರ್ತಿಲು ಸದಾ ಸ್ಮರಣೀಯರಾದ್ ಉಪ್ಪುವೆರ್ ಪಂದ್ ಪಂಡೆರ್.

ಮಾನದಿಗೆ ಸ್ವೀಕಾರ ಮಲ್ತ್ ಪಾತೆರಿನ ಮಲ್ಲಿಕಾ ದೇವಿ ಮೇರ್ ಸಹೋದ್ಯೋಗಿಲು ,ಶಿಕ್ಷಣ ಇಲಾಖೆದಕ್ಲೆಗ್ ಅಂಚನೇ ಕೈತಲ್ ದ ಸಂಘ ಸಂಸ್ಥೆದಕುಲು , ಹಳೆ ವಿದ್ಯಾರ್ಥಿಲು ಕೊರಿನoಚಿನ ಸಾಕಾರ ರ್ದ್ ಸತತ 36 ವರ್ಷದ ಕಾಲ ಸುಲಲಿತವಾದ್ ಸೇವೆ ಮಲ್ಪರೆ ಸಾಧ್ಯ ಆಂಡ್ ಅಂಚನೇ ಸಾಕಾರ ಕೊರಿನಕ್ಲೆಗ್ ಸೊಲ್ಮೆ ಸಂದೈತ ಮಲ್ತೆರ್ .

ಲೇಸ್ ಅಟ್ಟನೆ ಮಲ್ತಿನ ಸಂಘ ಸಂಸ್ಥೆದೊಟ್ಟುಗು ಊರುದ ಧಾರ್ಮಿಕ, ಸಾಮಾಜಿಕ, ಸಾಂಸ್ಕೃತಿಕ ,ಸಹಕಾರಿ ಬೊಕ್ಕ ಕ್ರೀಡಾ ಸಂಸ್ಥೆದಕುಲು , ಊರುದ ಗಣ್ಯೆರ್ , ಪರ ಜೋಕುಲು, ಶ್ರೀಮತಿ ಮಲ್ಲಿಕಾ ದೇವಿ ಮೆರೆನ್ ಆರ್ನ ಪತಿ ತಿಮ್ಮಪ್ಪ ಬಾಬು ಪೂಜಾರಿ ಮೆರೆನ ಒಟ್ಟುಗು ಮಾನದಿಗೆ ಮಲ್ತೆರ್.ಸ್ಥಳೀಯ ನಗರಸಭಾ ಸದಸ್ಯ ವಿಜಯ ಕೊಡವೂರು ಗುರ್ಕಾರ್ಮೆ ವಹಿಸ್ದ್ ಮಾನದಿಗೆ ಪಡೆಯಿನ ಪುಸ್ತಕದ ಪಾಠದ ಒಟ್ಟುಗು ಜೀವನ ಪಾಠ ಕಲ್ಪಯಿನ ಉತ್ತಮ ಶಿಕ್ಷಕಿ ಪಂಡೆರ್ .ಮಲ್ಲ ಬಿನ್ನೆರ್ ಆದ್ ಕೊಡವೂರು ವ್ಯವಸಾಯ ಸೇವಾ ಸಹಕಾರಿ ಸಂಘದ ಗುರ್ಕಾರ್ಲಾಯಿನ ನಾರಾಯಣ ಬಲ್ಲಾಳ್, ಮತ್ಸ್ಯೋದ್ಯಮಿ ಆನಂದ.ಪಿ.ಸುವರ್ಣ, ಶಂಕರನಾರಾಯಣ ಪ್ರತಿಷ್ಠಾನದ ಗುರ್ಕಾರ್ಲಾಯಿನ ಟಿ.ರಾಘವೇಂದ್ರ ರಾವ್,ಶಾಲಾ ಕಟ್ಟಡ ನಿರ್ಮಾಣ ಸಮಿತಿದ ಗುರ್ಕಾರ್ಲಾಯಿನ ಮಧು ಬಂಗೇರ,ಮುಖ್ಯ ಶಿಕ್ಷಕಿ ಪುಷ್ಪಾವತಿ,ಯುವಕ ಸಂಘದ ಗುರ್ಕಾರ್ಲಾಯಿನ ಪ್ರಭಾತ್ ಕೋಟ್ಯಾನ್, ಸಾರ್ವಜನಿಕ ಗಣೇಶೋತ್ಸವ ಸಮಿತಿದ ಗುರ್ಕಾರ್ಲಾಯಿನ ಹರೀಶ್ ಕೊಡವೂರು, ಸಾಮಾಜಿಕ ಮುಂದಾಳು ಅರುಣ್ ಕುಮಾರ್ ಪಾಲ್ ಪಡೆದಿತ್ತೆರ್ . ಈ ಪೊರ್ತುಡು ಶಾಲೆದ ಕನ್ನಡ ಬೊಕ್ಕ ಆಂಗ್ಲ ಮಾಧ್ಯಮ ತರಗತಿದ ಮಾತಾ ಶಿಕ್ಷಕೆರೆಗ್ ಮಾನದಿಗೆ ಮಲ್ತೆರ್.

ರೈತ ಸಾಹಿತಿ ವೀರಣ್ಣ ಕುರುವತ್ತಿ ಗೌಡ, ಶಿಕ್ಷಕಿ ಶೋಭಾ ನಿವ್ರತ್ತ ಶಿಕ್ಷಕಿನ ಕ್ರಿಯಾಶೀಲ ಸೇವಾ ವೈಖರಿದ ಬಗ್ಗೆ ಅಕ್ಲೆನ ಅನಿಸಿಕೆ ಪಂಡೆರ್.
ಮಧು ಬಂಗೇರ ಎದುಕೊಂಡೆರ್ ,ಪ್ರಭಾತ್ ಕೋಟ್ಯಾನ್ ಸೊಲ್ಮೆ ಸಂದೈತ ಮಲ್ತೆರ್ .ಹಳೆವಿದ್ಯಾರ್ಥಿ ಸಂಘ ದ ಗುರ್ಕಾರ್ಲಾಯಿನ ಸತೀಶ್ ಕೊಡವೂರು ಲೇಸ್ ನಡಪಾದ್ ಕೊರಿಯೆರ್.

ಅಮೃತ್ ಗ್ರಾಮ ಪಂಚಾಯತ್ ಯೋಜನೆದಡಿ ಜಿಲ್ಲೆದ 27 ಪಂಚಾಯತ್‍ ಆಯ್ಕೆ

ಕುಡ್ಲ : ಮೀನುಗಾರಿಕೆ, ಬಂದರು ಬೊಕ್ಕ ಒಳನಾಡು ಸಾರಿಗೆ ಸಚಿವೆರಾಯಿನ ಎಸ್. ಅಂಗಾರ ಮೆರ್ನ ಗುರ್ಕಾರ್ಮೆಡ್ ಪೇಂಟೆದ ಜಿಲ್ಲಾ ಪಂಚಾಯತ್ ಕಚೇರಿದ ವಿಡಿಯೋ ಕಾನ್ಫರೆನ್ಸ್ ಹಾಲ್‍ಡ್ ಅಮೃತ್ ಗ್ರಾಮ ಪಂಚಾಯತ್ ಯೋಜನೆ ಅನುಷ್ಠಾನದ ಸಮಿತಿ ಸಭೆನ್ ಅಟ್ಟನೆ ಮಲ್ತಿತ್ತೆರ್ , ಈ ಸಭೆಟ್ ಜಿಲ್ಲೆ ಪೇಂಟೆದ,ತಾಲೂಕುದ 27 ಗ್ರಾಮ ಪಂಚಾಯತ್‍ದ ಅಮೃತ್ ಗ್ರಾಮ ಪಂಚಾಯತ್ ಯೋಜನೆದಡಿ ಆಯ್ಕೆ ಮಲ್ತೆರ್ .

ಬಂಟ್ವಾಳ ತಾಲೂಕುದ ಸಂಗಬೆಟ್ಟು, ಇರ್ವತ್ತೂರು, ಪಿಲಾತ ಬೆಟ್ಟು, ಕಡೇಶ್ವಾಲ್ಯ, ಬಾಳೆಪುಣಿ ಬೊಕ್ಕ ಇಡ್ಕಿದು, ಬೆಳ್ತಂಗಡಿ ತಾಲೂಕುದ ಮಡಂತ್ಯಾರು, ಕೊಕ್ಕಡ, ಧರ್ಮಸ್ಥಳ, ಉಜಿರೆ, ಹೊಸಂಗಡಿ, ಅಳದಂಗಡಿ, ಕಡಬ ತಾಲೂಕುದ ಸವಣೂರು, ಅಲಂಕಾರು, ಪುತ್ತೂರು ತಾಲೂಕುದ ಉಪ್ಪಿನಂಗಡಿ, ಆರ್ಯಾಪು, ಕಬಕ, ಸುಳ್ಯ ತಾಲೂಕಿನ ಅರಂತೋಡು, ಮಂಡೆಕೋಲು, ಮರ್ಕಂಜ, ಮೂಡಬಿದ್ರೆ ತಾಲೂಕಿನ ಬೆಳುವಾಯಿ, ತೆಂಕಮಿಜಾರು, ಕುಡ್ಲ ತಾಲೂಕುದ ಬಡಗ ಎಡಪದವು, ಗಂಜಿಮಠ, ಮುನ್ನೂರು, ಹಳೆಯಂಗಡಿ, ಪೆರ್ಮುದೆ ಗ್ರಾಮ ಪಂಚಾಯತ್‍ ಅಮೃತ್ ಗ್ರಾಮ ಪಂಚಾಯತ್ ಯೋಜನೆದಡಿ ಆಯ್ಕೆ ಮಲ್ದೆರ್ ಪಂದ್ ಪಂಡೆರ್.