Dakshina Kannada

ಕುಡ್ಲಡ್ ಪ್ರವಾಸಿ ಬಸ್ ಸುರು ಮಲ್ಪರೆ ಅಗ್ರಹ

Jul 29, 2021

ಕುಡ್ಲ, ಜುಲೈ 29: ಪೇಂಟೆದ ಬೇತೆ ಬೇತೆ ಪ್ರವಾಸಿ ತಾಣದ ವೀಕ್ಷಣೆಗ್ ಅನುಕೂಲ ಆಪಿನ ನೆಲೆಟ್ಟ್ ‘ಪ್ರವಾಸಿ ಬಸ್’ ಸೇವೆನ್ ಕುಡ ಶುರು ಮಲ್ಪೊಡು ಪನ್ಪಿನ ಅಗ್ರಹ ಪ್ರವಾಸಿಗೆರೆರ್ದ್ ಕೇಂದ್ ಬೈದುಂಡು .

2016 ನೆ ಎ.17ಕ್ಕ್ ಆನಿದ ಪ್ರವಾಸೋದ್ಯಮ ಸಚಿವ ಆರ್.ವಿ.ದೇಶಪಾಂಡೆ ಪಿಲಿಕುಳಡ್ ಪ್ರವಾಸಿ ಬಸ್‌ಗ್ ಚಾಲನೆ ಕೊರ್ದು ಇತ್ತೆರ್ . ಸುರು ಕೆಲವು ದಿನ ಬಸ್ ಕ್ ಪ್ರವಾಸಿಗೆರೆರ್ದ್ ಬಾರಿ ಎಡ್ಡೆ ಸ್ಪಂದನೆ ತಿಕ್ಕ್ ದುಂಡು . ಆಂಡ ವರ್ಷದುಲಯಿ ಬಸ್‌ದ ಬಿಡಿಭಾಗ ಹಾಳ್ ಆಯಿನೆರ್ದಾವರ ಈ ವ್ಯವಸ್ಥೆ ಕುಡ ಉಂತಾಯೆರ್ ಪಂದ್ ಪ್ರಕಟಣೆಡ್ ತೆರಿಪಾಯೆರ್.

ಆಟೋ ರಿಕ್ಷಾ ಪಲ್ಟಿ : ಏಳ್ ಜನಕ್ ಗಾಯ

Jul 29, 2021

ಬಂಟ್ವಾಳ: 7ರ್ದ್ ಜಾಸ್ತಿ ಜನ ಪ್ರಯಾಣಿಕೆರ್ ಇತ್ತಿನ ಆಟೋ ರಿಕ್ಷಾ ಪಲ್ಟಿ ಆದ್ ಒರಿ ತೀರ್ ಪೋಯಿನ ಘಟನೆ ಮಣಿಹಳ್ಳ ಸರಪಾಡಿ ಮಾರ್ಗದ ಪೆರಿಯಪಾದೆ ಪನ್ಪಿ ಜಾಗೆಡ್ ನಡತುಂಡು.

ವಲೆಂಗೂರು ನಿವಾಸಿ ಫ್ರಾನ್ಸಿಸ್ ಸುವಾರಿಸ್ (85) ತೀರ್ ಪೋಯಿನ ದುರ್ದೈವಿ. ಘಟನೆಡ್ ರಡ್ಡ್ ಜನಕ್ ಇಬ್ಬರು ಗಂಭೀರ ಗಾಯಲ್ ಆದ್ ಕುಡ್ಲದ ಖಾಸಗಿ ಆಸ್ಪತ್ರೆ ಗ್ ದಾಖಲಾತೆರ್.

ಹೃದಯಘಾತರ್ದ್ ತೀರ್ ಪೋಯಿನ ನಟಿ ವಿನ್ನಿ ಫೆರ್ನಾಂಡಿಸ್

Jul 29, 2021

ಕುಡ್ಲ , ಜುಲೈ, 29: ಕನ್ನಡ, ತುಳು, ಬೊಕ್ಕ ಕೊಂಕಣಿ ಕಲಾ ಕ್ಷೇತ್ರಡ್ ಇತ್ತಿನ ನಟಿ ವಿನ್ನಿ ಫೆರ್ನಾಂಡಿಸ್ ಜುಲೈ 29 ನೆ ಗುರುವಾರ ಹೃದಯಘಾತರ್ದ್ ತೀರ್ ಪೋಯೆರ್ . ಮೆರೆಗ್ 63 ವರ್ಷ ಪ್ರಾಯ ಆತುಂಡು .

ಕನ್ನಡ, ತುಳು ಬೊಕ್ಕ ಕೊಂಕಣಿ ಚಲನಚಿತ್ರಡ್ ನಟನೆ ಮಲ್ದಿನ ಮೇರ್ ಕನ್ನಡ ಬೊಕ್ಕ ಕೊಂಕಣಿ ಧಾರಾವಾಹಿಡ್ ಲಾ ನಟನೆ ಮಲ್ದೆರ್. ಕೊಂಕಣಿ ನಾಟಕದ ಪಾತ್ರದೊಟ್ಟುಗು ನಟನಾ ವೃತ್ತಿಜೀವನನ್ ಸುರು ಮಲ್ತಿನ ಮೇರ್ ತುಳು ಬೊಕ್ಕ ಕನ್ನಡ ನಾಟಕಡ್ ಅಭಿನಯ ಮಲ್ದೆರ್ .

ಒಲಿಂಪಿಕ್: ಕ್ವಾರ್ಟರ್ ಫೈನಲ್ ಮುಟ್ಟಿನ ಸಿಂಧು

Jul 29, 2021

ಟೋಕಿಯೊ: ಭಾರತೀಯ ಬ್ಯಾಡ್ಮಿಂಟನ್ ತಾರೆ ಪಿ.ವಿ.ಸಿಂಧು ಟೋಕಿಯೊ ಒಲಿಂಪಿಕ್ಸ್ ದ ಕ್ವಾರ್ಟರ್ ಫೈನಲ್ ಮುಟ್ಟುದೆರ್ . ಪ್ರೀ ಕ್ವಾರ್ಟರ್ ಫೈನಲ್ ಡ್ ಡೆನ್ಮಾರ್ಕ್ ನ ಮಿಯಾ ಬ್ಲಿಕ್ ಫೆಲ್ಟ್ ಮೆರೆನ್ ಸೋಪಾಯೆರ್.

‘ಐ’ ವಿಭಾಗದ ಅಗ್ರಸ್ಥಾನಿಯಾಯಿನ ಮಿಯಾ ಬ್ಲಿಕ್ ಫೆಲ್ಟ್ ಮೆರೆನ್ 21-15, 21-13 ಸೆಟ್ ದ ಅಂತರಡ್ ಸೋಪಾಯೆರ್. ನೆತ್ತೋಟ್ಟುಗು ಥಾಯ್ಲೆಂಡ್ ಓಪನ್ ಡ್ ಬ್ಲಿಕ್ ಫೆಲ್ಟ್ ವಿರುದ್ಧದ ಸೋಲುಗು ಸಿಂಧು ಒಲಿಂಪಿಕ್ಸ್ ಡ್ ತಿರುಗೇಟು ಕೊರಿಯೆರ್ .

ಕುಡ್ಲದ ಇಂಡಿಯಾನ ಆಸ್ಪತ್ರೆದ ವೈದ್ಯೆರ್ನ ಸಾಧನೆ

Jul 28, 2021

ಕುಡ್ಲ, ಜುಲೈ 28 : ಇತ್ತೆ ಬೈಪಾಸ್ ಸೇರಿನoಚ ನಾಲ್ ಸಲ ಹೃದಯ ಶಸ್ತ್ರಚಿಕಿತ್ಸೆ ಆಯಿನ ರೋಗಿಗ್ ಕುಡ್ಲದ ಇಂಡಿಯಾನಾ ಆಸ್ಪತ್ರೆ ನನೂರ ಯಶಸ್ವಿಯಾದ್ ಬೈಪಾಸ್ ಶಸ್ತ್ರಚಿಕಿತ್ಸೆ ಮಲ್ದುಂಡು.

.ಕೇರಳದ ತ್ರಿಶ್ಶೂರುದ 55 ವರ್ಷದ ಉಮರ್ ಪನ್ಪಿನರೆಗ್ ಪೇಂಟೆದ ಇಂಡಿಯಾನಾ ಆಸ್ಪತ್ರೆಡ್ ಅಪರೂಪದ ಬೀಟಿಂಗ್ ಹಾರ್ಟ್ ಸರ್ಜರಿ ವಿಧಾನದ ಮುಖೇನ ಹೃದ್ರೋಗ ತಜ್ಞ ಡಾ. ಎಂ.ಕೆ. ಮೂಸಾ ಕುಂಞಿ ನೇತೃತ್ವಡ್ ಶಸ್ತ್ರಚಿಕಿತ್ಸೆ ನಡಪಾಯೆರ್ ಪಂದ್ ಆಸ್ಪತ್ರೆದ ವ್ಯವಸ್ಥಾಪಕ ನಿರ್ದೇಶಕ ಡಾ. ಯೂಸುಫ್ ಕುಂಬ್ಳೆ ಪತ್ರಿಕಾಗೋಷ್ಠಿಡ್ ತೆರಿಪಾಯೆರ್.

ಕರ್ನಾಟಕದ ಪೊಸ ಸಿಎಂ ಆದ್ ಬಸವರಾಜ್ ಬೊಮ್ಮಾಯಿ ಆಯ್ಕೆ : ಎಲ್ಲೆ ಪ್ರಮಾಣವಚನ ಸ್ವೀಕಾರ

Jul 27, 2021

ಬೆಂಗ್ಳೂರು, ಜುಲೈ 27: : ಬಿ.ಎಸ್ ಯಡಿಯೂರಪ್ಪ ರಾಜೀನಾಮೆರ್ದ್ ಖಾಲಿ ಉಪ್ಪುನ ಮುಖ್ಯಮಂತ್ರಿ ಸ್ಥಾನಗ್ , ಪೊಸ ಸಿಎಂ ಆದ್ ಬಸವರಾಜ್ ಬೊಮ್ಮಾಯಿ ಆಯ್ಕೆಯಾತೆರ್ .

ಪೊಸ ಸಿಎಂ ಆಯ್ಕೆ ಬಗ್ಗೆ ರಾಜ್ಯಗ್ ಕೇಂದ್ರರ್ದ್ ವೀಕ್ಷಕೆರಾದ್ ಕೇಂದ್ರ ಸಚಿವೆರಾಯಿನ ಧರ್ಮೇಂದ್ರ ಪ್ರಧಾನ್, ಕಿಶನ್ ರೆಡ್ಡಿ , , ರಾಜ್ಯ ಬಿಜೆಪಿ ಉಸ್ತುವಾರಿ ಅರುಣ್ ಸಿಂಗ್ ಮುತಾಲಿಕೆಡ್ ಹಂಗಾಮಿ ಸಿಎಂ ಯಡಿಯೂರಪ್ಪ ಪೊಸ ಮುಖ್ಯಮಂತ್ರಿಲೆನ್ ಘೋಷಣೆ ಮಲ್ದೆರ್ .

ಬೆಂಗ್ಳೂರುದ ಕ್ಯಾಪಿಟಲ್ ಹೊಟೇಲ್ ಡ್ ನಡತಿನ ಶಾಸಕಾಂಗ ಸಭೆಟ್ ಪೊಸ ಸಿಎಂ ಆಯ್ಕೆದ ಬಗ್ಗೆ ಚರ್ಚೆ ನಡತುಂಡು , ಸಭೆರ್ದ್ ಬೊಕ್ಕ ಪ್ರಕಟಣೆಗ್ ತೆರಿಪಾಯೆರ್.

ಬಡವೆರೆಗ್ ನ್ಯಾಯ ಓದಗಾದ್ ಕೊರಿನ ಪ್ರವೀಣ್ ಕುಮಾರ್ ಕೃಷ್ಣಾಪುರ

Jul 27, 2021

ಕುಡ್ಲ, ಜುಲೈ 27 : ಕಾರ್ಮಿಕೆರ್ನ ಇಎಸ್ಐ ಸೌಲಭ್ಯ ಇಪ್ಪುನ ರಾಜೇಶ್ ಶೆಟ್ಟಿ ಕಾಟಿಪಳ್ಳ ಮಧ್ಯ ಮೆರ್ನ ಅಪ್ಪೆ ಹುಷಾರ್ ದಾಂತೆ ಅವ್ವೆತೋ ಸಮಯ ಆದ್ ಕುಡ್ಲದ ಎ. ಜೆ ಖಾಸಗಿ ಆಸ್ಪತ್ರೆಗ್ ದಾಖಲ್ ಆತೆರ್. ಐರ್ದ್ ಬೊಕ್ಕ 15/10/2020 ಎ. ಜೆ ಆಸ್ಪತ್ತ್ರೆ ದಕುಲು ಇಎಸ್ಐ ಸೌಲಭ್ಯನ್ ಲೆಕ್ಕೊಗು ದೆತೊನಂದೇ ರಾಜೇಶ್ ಮೆರೆರ್ದ್ ಅಪ್ಪೆನ ಆಸ್ಪತ್ರೆ ಬಿಲ್ಲ್ ಸುಮಾರ್ *36,768 ರೂಪಾಯಿನ್* ರಾಜೇಶ್ ಮೆರ್ನ ಕೈರ್ದ್ ದೆತೊನ್ದೆರ್.

ಅಪಗನೆ ಮೇರ್ ಇಂಚಿನ ಖಾಸಗಿ ಆಸ್ಪತ್ರೆಲು ಪಾಪದಕ್ಲೆನೆರ್ದ್ ಮಲ್ಪುನ ಲೂಟಿದ ವಿರುದ್ಧ ಸುಮಾರ್ 20ರ್ದ್ ಜಾಸ್ತಿ ಸಮಸ್ಯೆನ್ ಪ್ರಧಾನಮಂತ್ರಿ ಕಾರ್ಯಾಲಯ, ರಾಷ್ಟ್ರಪತಿ ಕಾರ್ಯಾಲಯಗ್ಲಾ ತನ್ನ ಪೇಪರ್ ವರ್ಕ್ ಮುಖೇನ ನ್ಯಾಯಗಾದ್ ಬಿನ್ನಾಪು ಮಲ್ದೆರ್ ಅಲ್ಪರ್ದ್ ಅವ್ವೆತೋ ಸಮಸ್ಯೆನ್ ತರೆಮರೆಟ್ ಉಂತುದು ಪರಿಹಾರ ಮಲ್ತಿನಚಿoನ MRPL ONGC ಕರ್ಮಚಾರಿ ಸಂಘದ ಗುರ್ಕಾರ್ಲು ಬೊಕ್ಕ ಕಾಟಿಪಳ್ಳ ಅಭ್ಯುದಯ ಭಾರತೀ ಸೇವಾ ಟ್ರಸ್ಟ್ ಸದಸ್ಯೆರಾಯಿನ ಪ್ರವೀಣ್ ಕುಮಾರ್ ಕೃಷ್ಣಾಪುರ ಮೆರೆಗ್ ಮಾತಾ ಸಮಸ್ಯೆನ್ ಪನ್ಪರ್.

ನೆತ್ತ ವಿರುದ್ಧ ಕರ್ನಾಟಕದ ಇಎಸ್ಐ ಆಸ್ಪತ್ರೆದ ಪ್ರಧಾನ ಕಛೇರಿಗ್ ಪ್ರವೀಣ್ ಮೇರ್ ಸತತ 8 ತಿಂಗೊಲು ರ್ದು ಪತ್ರ ಬರೆಯಿನ ಪರಿಣಾಮ ಎಜೆ ಆಸ್ಪತ್ರೆದಕುಲೆ ಲೆತ್ದ್ ರಾಜೇಶ್ ಮೆರ್ನ ಬ್ಯಾಂಕ್ ಖಾತೆಗ್ 36,768₹ ನ್ ವಾಪಸ್ ಜಮೆ ಮಲ್ದಿನ ಇಚಾರ ಶ್ಲಾಘನೀಯ .

ಒಡಿಪು ಕಲಾವಿದೆರೆಗ್ ಆರ್ಥಿಕ ಸಾಕಾರ

Jul 27, 2021

ಒಡಿಪು, ಜುಲೈ 27: ದುಬೈಡ್ ಟೆಕ್ನಿಕಲ್ ಮ್ಯಾನೇಜರ್‌ ಆಯಿನ ನಿಟ್ಟೂರು ಪ್ರೌಢಶಾಲೆದ ಹಳೆಯ ವಿದ್ಯಾರ್ಥಿ ರಾಜೇಶ್ ಕುಮಾರ್ ಕೋವಿಡ್‌ರ್ದ್ ಕಷ್ಟಡ್ ಉಪ್ಪುನ ಕುಟುಂಬಗ್ ₹ 50,000 ಕೊರ್ತುಂಡು , ಐತಾರ ಯಕ್ಷಗಾನ ಕಲಾರಂಗದ ಕಚೇರಿಡ್ 10 ಕಲಾವಿದೆರೆಗ್ ತಲಾ ₹ 5,000 ಕೊರಿಯೆರ್ ಪಂದ್ ಕಲಾರಂಗದ ಕಾರ್ಯದರ್ಶಿ ಮುರಳಿ ಕಡೆಕಾರ್ ಪಂಡೆರ್ .

ರಾಜೇಶ್‌ 50 ಕುಟುಂಬಗ್ ಒಂಜಿ ತಿಂಗೋಲ್ ಗ್ ಅಗತ್ಯ ಉಪ್ಪುನಾತ್ ಆಹಾರ ಸಾಮಾಗ್ರಿಲೆನ್ ಕೊರ್ತೆರ್.

ಈ ಪೊರ್ತುಡು ನಿವೃತ್ತ ಮುಖ್ಯೋಪಾಧ್ಯಾಯ ಎಸ್.ವಿ.ಭಟ್, ಹಳೆ ವಿದ್ಯಾರ್ಥಿ ಪಿ.ಕೃಷ್ಣಮೂರ್ತಿ ಭಟ್, ಶಿಕ್ಷಕ ಎಚ್.ಎನ್.ಶೃಂಗೇಶ್ವರ ಪಾಲ್ ಪಡೆದಿತ್ತೆರ್.

ನಿವೃತ್ತ ಒಡಿಪು ಸಂಸ್ಕೃತ ಶಾಲೆದ ಪ್ರಾಚಾರ್ಯೆರೆಗ್ ಮಾನಾದಿಗೆ

Jul 26, 2021

ಒಡಿಪು, ಜುಲೈ 26: ನಿವೃತ್ತಿ ಆವೊಂದು ಉಪ್ಪುನ ಒಡಿಪು ಸಂಸ್ಕೃತ ಮಹಾಪಾಠ ಶಾಲೆದ ಪ್ರಾಚಾರ್ಯ ಎನ್.ಲಕ್ಷ್ಮೀನಾರಾಯಣ ಭಟ್ ಮೆರ್ನ ಮಾನದಿಗೆ ಮಲ್ಪುನ ಲೇಸ್ ಐತಾರ ಒಡಿಪು ಶ್ರೀಕೃಷ್ಣಮಠದ ರಾಜಾಂಗಣದ ನರಹರಿ ತೀರ್ಥ ಮತ್ತರ್ಮೆಡ್ ನಡತುಂಡು.

ಕಟೀಲು ಕ್ಷೇತ್ರದ ಆನುವಂಶಿಕ ಮೊಕ್ತೇಸರ ಹರಿನಾರಾಯಣ ದಾಸ ಅಸ್ರಣ್ಣ ಪಾತೆರ್ದ್ , ಸಂಸ್ಕೃತಗಾದ್ ಸಂಸ್ಕೃತ ಕಾಲೇಜಿಗಾದ್ ತನ್ನನ್ನೇ ಅರ್ಪಣೆ ಮಲ್ತಿನ ಮಹನೀಯೆರ್ , ಜೋಕ್ಲೆನ್ ಪ್ರೀತಿರ್ದ್ ತಿದ್ದುನ ಚಾಣಾಕ್ಷತನ, ಸಂಘ ಟನಾ ಕಲೆ, ಅದ್ಭುತವಾಯಿನ ವಿದ್ವತ್ತು ಜೋಕ್ಲೆಗ್ ಬೇಲೆ ಮಲ್ಪಾವುಂಡು ಪಂದ್ ಪಂಡೆರ್.

ಪಲಿಮಾರು ಮಠಾಧೀಶ ಶ್ರೀವಿದ್ಯಾಧೀಶತೀರ್ಥ ಸ್ವಾಮೀಜಿ ಆಶೀರ್ವಚನ ಕೊರಿಯೆರ್.ಪಂಡಿತ ಪಂಜ ಭಾಸ್ಕರ ಭಟ್, ಎಸ್.ಎಂ.ಎಸ್.ಪಿ. ಸಭೆಯ ಕಾರ್ಯದರ್ಶಿ ದೇವಾನಂದ ಉಪಾಧ್ಯಾಯ ಪಾತೆರಿಯೆರ್ . ಮಾನದಿಗೆ ಸ್ವೀಕಾರ ಮಲ್ತಿನ ಲಕ್ಶ್ಮೀನಾರಾಯಣ ಭಟ್ ಸೊಲ್ಮೆ ಸಂದೈತ ಮಲ್ತೆರ್ .

ಹೊಸ್ಮಾರು : ಕೃಷಿ ಮಾಹಿತಿ ಕಾರ್ಯಗಾರ

Jul 26, 2021

ಕಾರ್ಕಳ, ಜುಲೈ 26: ಜೇಸಿಐ ಕಾರ್ಕಳದ ಜೇಸಿರೇಟ್ ವಿಭಾಗದ ವತಿರ್ದ್ ಜು. 25 ಕ್ಕ್ ಹೊಸ್ಮಾರ್ ದ ಲೀಲಾ ಫಾರ್ಮ್‌ಡ್ ಕೃಷಿ ಮಾಹಿತಿ ಕಾರ್ಯಾಗಾರ ನಡತುಂಡು . ಡ್ರಾಗನ್, ರಾಂಬುಟನ್, ಮ್ಯಾಂಗೊಸ್ಟಿನ್ ಇಂಚಿನ ಫಲತಾ ಬೆಳೆ, ತರಕಾರಿ ಬುಲೆತ ಕುರಿತು ಸಹಾಯಕ ತೋಟಗಾರಿಕಾ ಅಧಿಕಾರಿ ಜೆ. ಜಗನ್ನಾಥ್ ಮಾಹಿತಿ ಕೊರಿಯೆರ್ . ಕಾರ್ಕಳ ಜೇಸಿರೇಟ್ ಗುರ್ಕಾರ್ಲಾಯಿನ ಸುಜಾತ ರಾಮಚಂದ್ರ ಗುರ್ಕಾರ್ಮೆ ವಹಿಸ್ ದಿತ್ತೆರ್. ಕಾರ್ಕಳ ಜೇಸಿಐ ಗುರ್ಕಾರ್ಲಾಯಿನ ಸಂತೋಷ್ ಕುಮಾರ್ ರೆಂಜಾಳ, ಸಂಯೋಜಕಿ ವನಿತಾ ದಿನೇಶ್ ಪಾಲ್ ಪಡೆದಿತ್ತೆರ್.

Dakshina Kannada

ಕುಡ್ಲಡ್ ಪ್ರವಾಸಿ ಬಸ್ ಸುರು ಮಲ್ಪರೆ ಅಗ್ರಹ

ಆಟೋ ರಿಕ್ಷಾ ಪಲ್ಟಿ : ಏಳ್ ಜನಕ್ ಗಾಯ

ಹೃದಯಘಾತರ್ದ್ ತೀರ್ ಪೋಯಿನ ನಟಿ ವಿನ್ನಿ ಫೆರ್ನಾಂಡಿಸ್

ಒಲಿಂಪಿಕ್: ಕ್ವಾರ್ಟರ್ ಫೈನಲ್ ಮುಟ್ಟಿನ ಸಿಂಧು

ಕುಡ್ಲದ ಇಂಡಿಯಾನ ಆಸ್ಪತ್ರೆದ ವೈದ್ಯೆರ್ನ ಸಾಧನೆ

ಕರ್ನಾಟಕದ ಪೊಸ ಸಿಎಂ ಆದ್ ಬಸವರಾಜ್ ಬೊಮ್ಮಾಯಿ ಆಯ್ಕೆ : ಎಲ್ಲೆ ಪ್ರಮಾಣವಚನ ಸ್ವೀಕಾರ

ಬಡವೆರೆಗ್ ನ್ಯಾಯ ಓದಗಾದ್ ಕೊರಿನ ಪ್ರವೀಣ್ ಕುಮಾರ್ ಕೃಷ್ಣಾಪುರ

ಒಡಿಪು ಕಲಾವಿದೆರೆಗ್ ಆರ್ಥಿಕ ಸಾಕಾರ

ನಿವೃತ್ತ ಒಡಿಪು ಸಂಸ್ಕೃತ ಶಾಲೆದ ಪ್ರಾಚಾರ್ಯೆರೆಗ್ ಮಾನಾದಿಗೆ

ಹೊಸ್ಮಾರು : ಕೃಷಿ ಮಾಹಿತಿ ಕಾರ್ಯಗಾರ

You Missed

ತುಳುಕೂಟದ ಕೋಟಾದಡಿ ಮೆಡಿಕಲ್ ಸೀಟ್ ಪಡೆಯಿನ ನಿಕ್ಷೇಪ್ ಸುವರ್ಣ

ಚಾರ್ ಧಾಮ್ ಯಾತ್ರೆಗ್ ಪೋದಿತ್ತಿನ ಕುಂಪಲ ನಿವಾಸಿ ತಿಗಲೆ ಬೇನೆಡ್ ಮರಣ

ಸೆ.25-27: ಸುರತ್ಕಲ್‌ ಬಂಟರ ಭವನಡ್ ಕೃಷಿ ಮೇಳ, ಆಹಾರ ಮೇಳ, ಹೋಳಿಗೆ ಪರ್ಬ ಬೊಕ್ಕ ಸಸ್ಯೋತ್ಸವ

“ತುಳು ಲಿಪಿ ಯುನಿಕೋಡ್‌ಗ್ ಸೇರ್ಸಾವರೆ ಬೆರಿಬಲ ಕೊರ್ತಿನಾರ್ ಮಾಜಿ ಸಚಿವೆರ್ ಅರವಿಂದ ಲಿಂಬಾವಳಿ”