Dakshina Kannada

ಗ್ರಾಹಕೆರ್ನ ಸೇವೆಗ್ ಬೆಗೋಡೆ ಬರಿಯರೆ ಉಂಡು ಪೊಸ ಆಪ್

Jul 31, 2021

ಕುಡ್ಲ, ಜುಲೈ 31: ಕುಡ್ಲ ಮಹಾನಗರ ಪಾಲಿಕೆ ಕಡೆಕ್ ಲಾ ಡಿಜಿಟಲ್‌ ವ್ಯವಸ್ಥೆ ದಲ್ಪ ಒಗ್ಗೊoದು ಉಂಡು , ಪಾಲಿಕೆ ಸೇವೆಲೆನ್ ಆನ್‌ಲೈನ್‌ ಮುಖೇನ ರೂಪಿಸಾಯೆರೆ ದುಂಬು ಬೈದುಂಡು.

ಪಾಲಿಕೆ ವ್ಯಾಪ್ತಿಡ್ ಇತ್ತೆ ನೀರ್ ದ ಬಿಲ್‌, ಉದ್ದಿಮೆ ಪರವಾನಿಗೆ ಆನ್‌ಲೈನ್‌ ಮುಖೇನ ಬೇಲೆ ಮಲ್ತೊಂದು ಉಂಡು , ಇತ್ತೆ ಆ ಸಾಲ್ ಗ್ ಆಸ್ತಿ ತೆರಿಗೆಲಾ ಸೇರ್ದುಂಡು. ನೆತ್ತ ಒಟ್ಟುಗು ಇತ್ತೆದ ಅಗತ್ಯಗ್ ತಕ್ಕ ಆನ್‌ಲೈನ್‌ ವ್ಯವಸ್ಥೆಗ್ ಒಗ್ಗರೆ ಮನಪಾ ನಿರ್ಧಾರ ಮಲ್ದುಂಡು . ಆಸ್ತಿ ತೆರಿಗೆ ಪಾವತಿಗ್ ಪ್ರತ್ಯೇಕ ಆಯಪ್‌ ಬಗ್ಗೆ ಕಿಯೋನಿಕ್ಸ್‌ ಸಂಸ್ಥೆದ ಒಟ್ಟುಗು ಪಾತೆರ ಕತೆಲಾ ಆತುಂಡು.

ಪಚ್ಚನಾಡಿ ಪರಿಹಾರಗ್ ₹14.8 ಕೋಟಿ ಬುಡುಗಡೆ

Jul 31, 2021

ಕುಡ್ಲ : ವೈಜ್ಞಾನಿಕ ರೀತಿದ ಕಜವು ವಿಲೇವಾರಿಗ್ ಆದ್ಯತೆ ಕೊರ್ತೆರ್ , ಇತ್ತೆ ಶೇ.65 ರ್ದ್ 70ದಾತ್ ಕಜವು ಮೂಲರ್ದೇ ಬೇತೆ ಆದ್ ಬರೊಂದು ಉಂಡು ಪಂದ್ ಮೇಯರ್‌ ಪ್ರೇಮಾನಂದ ಶೆಟ್ಟಿ ಪಂಡೆರ್ .

ನಗರದ ಪಾಲಿಕೆದ ಮಂಗಳಾ ಸಭಾಂಗಣಡ್ ಗುರುವಾರ ನಡತಿನ ಪಾಲಿಕೆ ಸಾಮಾನ್ಯ ಸಭೆತ ಗುರ್ಕಾರ್ಮೆ ವಹಿಸ್ ದ್ ಪಾತೆರಿನ ಆರ್ ಆಯಂಟನಿ ಸಂಸ್ಥೆದ ಗುತ್ತಿಗೆ ಅವಧಿ ಆಜಿ ತಿಂಗೊಲ್ ಡು ಮುಗಿಯರೇ ಉಂಡು, ದುಂಬುಗೂ ಪಾರಂಪರಿಕ ತ್ಯಾಜ್ಯ ಸಂಸ್ಕರಣೆಗ್ ಟೆಂಡರ್ ಆತುಂಡು . ಸರ್ಕಾರ ಅನುಮೋದನೆ ಕೊರ್ಪಿನ ಭರವಸೆ ಉಂಡು ಪಂದ್ ಪಂಡೆರ್.

ಕಲ್ಯಾಣಪುರ ರೋಟರಿ ಕ್ಲಬ್ ವತಿರ್ದ್ ಕೋವಿಡ್ ಕಿಟ್

Jul 31, 2021

ಕಲ್ಯಾಣಪುರ, ಜುಲೈ 31: ಕಲ್ಯಾಣಪುರ ರೋಟರಿ ಕ್ಲಬ್ ವತಿರ್ದ್ ಕೊರೋನಾ ಜಾಗೃತಿ ಬೊಕ್ಕ ರೋಗ ನಿರ್ಮೂಲನಾ ಕಾರ್ಯಕ್ರಮದ ಪರವಾದ್ ಉಳ್ಳೂರು ಸಾಲ್ಮರ ಕೈತಲ್ ದ ಸ್ಪಂದನ ವಿಶೇಷ ಮಕ್ಕಳ ವಸತಿ ನಿಲಯಗ್ ದಿನ ಬಳಕೆಗ್ ಬೋಡಾಪಿನ ಸ್ವಚ್ಚತಾ ಸಾಮಾಗ್ರಿಲು , ಮಾಸ್ಕ್ ಸ್ಯಾನಿಟೈಸರ್ ಅಂಚನೇ ವಸ್ತುದ ಕಿಟ್ ಪಟ್ಟಿಯೆರ್ .

ರೋಟರಿ ವಲಯ 3ರ ಸಹಾಯಕ ಗವರ್ನರ್ ರೋ. ಪದ್ಮನಾಭ ಕಾಂಚನ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದ್ ಕಲ್ಯಾಣಪುರ ರೋಟರಿ ಕ್ಲಬ್ ದ ಸೇವಾ ಚಟುವಟಿಕೆಲೆನ್ ಪುಗರಿಯೆರ್. ವಲಯ ಸೇನಾನಿ ರೋ. ಬ್ರಾಯನ್ ಡಿಸೋಜ, ಗುರ್ಕಾರ್ಲಾಯಿನ ರೋ. ಶಂಭು ಶಂಕರ್, ಕಾರ್ಯದರ್ಶಿ ಪ್ರಕಾಶ್, ಜಿಲ್ಲಾ ಯೋಜನಾ
ಗುರ್ಕಾರ್ಲಾಯಿನ ಎಮ್ ಮಹೇಶ್ ಕುಮಾರ್ ಪಾಲ್ ಪಡೆದಿತ್ತೆರ್.

ಆನ್ಲೈನ್ / ಆಫ್ಲೈನ್ ಕಿರುಚಿತ್ರ ಪಂಥ

Jul 30, 2021

ಕುಡ್ಲ : ಪ್ರಧಾನಮಂತ್ರಿ ಆವಾಸ್ ಯೋಜನೆ ಆಜಿ ವರ್ಷ ಪೂರ್ಣ ಮಲ್ತಿನ ನೆಲೆಟ್ಟ್ ‘ಕುಶಿಯೋನ್ ಕಾ ಆಶಿಯನಾ’ ವಿಷಯಾಧಾರಿತ ಕಿರುಚಿತ್ರ ಪಂಥ ಗಾದ್ ಕಾರ್ಯಾಗಾರ ಅಟ್ಟನೆ ಮಲ್ದೆರ್ .

ಫಲಾನುಭವಿಲೇನ ಜೀವನಡ್ ಆಯಿನ ಬದಲಾವಣೆಲು ಪನ್ಪಿನ ವಿಷಯಡ್ ಕಿರುಚಿತ್ರ ಪಂಥಡ್ ಫಲಾನುಭವಿಲು , ಜೋಕುಲು , ಜವನೆರ್ , ಸಂಘ ಸಂಸ್ಥೆಲು ಪಾಲ್ ಪಡೆಯೋಲಿ .

ಅಂತರ್ಜಾಲ ತಾಣ https://pmay-urban.gov.in ಡ್ ನೋಂದಾವಣೆ ಮಲ್ತ್ ಗೂಗಲ್ ಪ್ಲೇಸ್ಟೋರ್‌ಡ್ ಉಪ್ಪುನ PMAY(U) ಆಪ್ಲಿಕೇಶನ್‌ಡ್ ಚಿತ್ರೀಕರಣ ಮಲ್ತಿನ ಕಿರುಚಿತ್ರನ್ ಸೆಪ್ಟೆಂಬರ್ 10 ತ್ತ ಉಲಯಿ ಅಪ್‌ಲೋಡ್ ಮಲ್ಪೊಲಿ .

ಭಾರತಗ್ ಒಲಂಪಿಕ್ಸ್ ಡ್ ಕುಡೊಂಜಿ ಪದಕ ಫಿಕ್ಸ್

Jul 30, 2021

ಟೋಕಿಯೋ: ಭಾರತದ ಪಾಲ್ ಗ್ ಇನಿ ಶುಭ ಶುಕ್ರವಾರ. ಮಹಿಳಾ ಬಾಕ್ಸಿಂಗ್ ಕ್ವಾರ್ಟರ್ ಫೈನಲ್‌ಡ್ ಲೊವ್ಲಿನಾ ಬೊರ್ಗೊಹೈನ್ ಚೈನೀಸ್‌ ತೈಪೆಯ ಚೆನ್‌ ನೀನ್‌-ಚಿನ್‌ ವಿರುದ್ದ 4-1 ಅಂತರಡ್ ಗೆಂದುನ ಮುಖೇನ ಸೆಮಿಫೈನಲ್‌ಗ್ ಆಯ್ಕೆ ಆತೆರ್ . ಈ ನೆಲೆಟ್ಟ್ ಭಾರತಗ್ ಕುಡೊಂಜಿ ಪದಕ ಖಚಿತ ಆತುಂಡು .

ಮಹಿಳಾ ವಾಲ್ಟರ್‌ವೇಟ್‌ ವಿಭಾಗಡ್ ಚೈನೀಸ್‌ ತೈಪೆಯ ಚೆನ್‌ ನೀನ್‌-ಚಿನ್‌ ಎದುರು ಪ್ರಾಬಲ್ಯ ಮೆರೆಯಿನ ಲೊವ್ಲಿನಾ ಬೊರ್ಗೊಹೈನ್ ಸೆಮಿಫೈನಲ್‌ ಪೊಗ್ಗುನ ಮುಖೇನ ಇಡೀ ದೇನೇ ಖುಷಿ ಆಪಿಲಕ ಮಲ್ದೆರ್

ಸಿಬಿಎಸ್ ಸಿ 12ನೇ ತರಗತಿ ಫಲಿತಾಂಶ ಇನಿ ಪ್ರಕಟ

Jul 30, 2021

ನವದೆಹಲಿ, ಜುಲೈ 30: ಸೆಂಟ್ರಲ್ ಬೋರ್ಡ್ ಆಫ್ ಸೆಕೆಂಡರಿ ಎಜುಕೇಶನ್ (ಸಿಬಿಎಸ್‌ಇ) ಇನಿ 12 ನೇ ತರಗತಿ ಫಲಿತಾಂಶನ್ ಸಿಬಿಎಸ್ಸಿಯು 2 ಗಂಟೆಗ್ ಘೋಷಣೆ ಮಲ್ಪರೆ ಉಂಡು.

ಈ ಬಗ್ಗೆ ಮಾಹಿತಿ ಕೊರಿನ CBSE ಬೋರ್ಡ್ ಇನಿ ಮಧ್ಯಾಹ್ನ 2 ಗಂಟೆಗ್ ಸಿಬಿಎಸ್ಸಿ 12ನೇ ತರಗತಿದ ಫಲಿತಾಂಶನ್ ಪ್ರಕಟ ಮಲ್ಪುನ ಬಗ್ಗೆ ತೆರಿಪಾಯೆರ್.ಜೋಕುಲು ಇನಿ ಮಧ್ಯಾಹ್ನ ಬರ್ಪಿನ ಸಿಬಿಎಸ್ಸಿ 12ನೇ ತರಗತಿದ ಫಲಿತಾಂಶನ್ ಬೋರ್ಡ್ ಅಧಿಕೃತ ಜಾಲತಾಣ cbse.nic.in ಅತ್ತುಂಡ cbseresults.nic.in ಡ್ ತೂವೊಲಿ .

ಕಿನ್ಯ ಯುವ ಕಾಂಗ್ರೆಸ್ ಸಮಿತಿ ಸಭೆ

Jul 30, 2021

ಉಳ್ಳಾಲ, ಜುಲೈ 30: ಕಿನ್ಯಾ ಗ್ರಾಮ ಯುವ ಕಾಂಗ್ರೆಸ್ ಸಮಿತಿ ಸಭೆ ಕಿನ್ಯಾ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಹಾರಿಸ್ ಅಹ್ಮದ್ ಮೆರ್ನ ಮುತಾಲಿಕೆಡ್ ನಡತುಂಡು.

ಮಾಜಿ ಕಿನ್ಯಾ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಹಮೀದ್ ಕಿನ್ಯಾ ಪಾತೆರ್ದ್ ಪಕ್ಷದ ಕಾರ್ಯ ಚಟುವಟಿಕೆ ಬಗ್ಗೆ ಪಂಡೆರ್ . ಸಮಿತಿದ ವಿವರಣೆನ್ ಆಶಿಕ್ ಅಶ್ಫಾಕ್ ಕಿನ್ಯಾ ಕೊರಿಯೆರ್ . ಬೊಕ್ಕ ಪೊಸ ಸಮಿತಿ ರಚನೆ ಮಲ್ತೆರ್ .

ಕಿನ್ಯಾ ಗ್ರಾಮದ 3ನೇ ವಾರ್ಡ್ದ ಯುವ ಕಾಂಗ್ರೆಸ್ ಗುರ್ಕಾರ್ಲಾದ್ ಸಮೀರ್ ಮೀಂಪ್ರಿ, ಒತ್ತು ಗುರ್ಕಾರ್ಲಾದ್ ತಂಶೀರ್, ಸವಾದ್ ಪ್ರಧಾನ ಕಾರ್ಯದರ್ಶಿ ಯಾಗಿ ಬಾಶಿತ್ ಮೀಂಪ್ರಿ ,ಕಾರ್ಯದರ್ಶಿಯಾದ್ ಸುಹೈಲ್ ಮೀಂಪ್ರಿ, ಇಂತಿಶಾಮ್ ಮೀಂಪ್ರಿ, ಸಂಘಟನಾ ಕಾರ್ಯದರ್ಶಿಯಾದ್ ನಿಯಾಝ್ ಸಂಕೇಶ್ , ಮೀಡಿಯಾ ಉಸ್ತುವಾರಿಯಾದ್ ನಿಸಾರ್, ಸೋಶಿಯಲ್ ವರ್ಕ್ ಉಸ್ತುವಾರಿಯಾದ್ ಆಫ್ವನ್ ಮೀಂಪ್ರಿ ಬೊಕ್ಕ ತಾಸೀರ್ ಆಯ್ಕೆಯಾಯೆರ್ .

ಪತ್ರಕರ್ತೆರೆರ್ದ್ ಕೃಷಿ ಜಾಗೃತಿ

Jul 30, 2021

ಕುಡ್ಲ : ಅಳಿಯೊಂದು ಪೋವೊಂದು ಉಪ್ಪುನ ಬೆನ್ನಿದ ಸಂರಕ್ಷಣೆ ಬಗ್ಗೆ ಜಾಗೃತಿ ಮೂಡಾವುನ ನೆಲೆಟ್ಟ್ ಭತ್ತದ ಕೃಷಿಕೆರ್ನೊಟ್ಟಿಗೆ ಪತ್ರಕರ್ತರ ಸಾಮೂಹಿಕ ಭತ್ತದ ನಾಟಿ ಲೇಸ್ ನ್ ವಿಟ್ಲ ತಾಲೂಕುದ ಅಳಿಕೆ ಗ್ರಾಮದ ಮಿತ್ತಳಿಕೆಯ (ಚೆಂಡುಕಳ) ಕಂಡೊಡು ಜು.29 ನೆ ಗುರುವಾರ ಅಟ್ಟನೆ ಮಲ್ತಿತ್ತೆರ್ .

ವಾರ್ತಾ ಬೊಕ್ಕ ಸಾರ್ವಜನಿಕ ಸಂಪರ್ಕ ಇಲಾಖೆ, ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಬೊಕ್ಕ ಬಂಟ್ವಾಳ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘದ ಒಟ್ಟು ಸೇರಿಗೆಡ್ ಈ ಚಟುವಟಿಕೆಡ್ ಪತ್ರಕರ್ತೆರ್ ಭತ್ತನ್ ನಾಟಿ ಮಲ್ತೆರ್ .

ಕುಂದಾಪುರ: ತುದೆಕ್ ಬೂರ್ದು ತೀರ್ ಪೋಯಿನ ಬಾಲೆ

Jul 29, 2021

ಕುಂದಾಪುರ: ಇಲ್ಲಡ್ ಏರ್ಲ ಇಜ್ಜಂದಿನ ಪೊರ್ತುಡು ರಡ್ಡ್ ವರ್ಷದ ಬಾಲೆ ಇಲ್ಲ ಕೈತಲ್ ದ ತುದೆತ ಬರಿಟ್ ನಡತೊಂದು ಪೋವೊಂದು ಉಪ್ಪುನಗ ಆಯಾತತ್ತ್ ದ್ ನೀರ್ ಗ್ ಬೂರ್ದು ತೀರ್ ಪೋಯಿನ ಘಟನೆ ಉಪ್ಪುಂದ ಗ್ರಾಮದ ಕರ್ಕಿಕಳಿ ಪನ್ಪಿನ ಜಾಗೆಡ್ ನಡತುಂಡು. ತೀರ್ ಪೋಯಿನ ಬಾಲೆನ್ ಉಪ್ಪುಂದ ಗ್ರಾಮದ ಕರ್ಕಿಕಳಿ ಚೌಕಿಮನೆ ವಿಶ್ವನಾಥ ಖಾರ್ವಿ ಮೆರ್ನ ಮಗೆ ಸರ್ವದ (೨) ಪಂದ್ ಗುರ್ತಿಸಾದೆರ್ .

ಆಗಸ್ಟ್ 1 ತಾರೀಖ್ ಗ್ ಪದಗ್ರಹಣ

Jul 29, 2021

ಕುಡ್ಲ, ಜುಲೈ 29: ದ.ಕ. ಜಿಲ್ಲಾ ಕಾಂಗ್ರೆಸ್ ಹಿಂದುಳಿದ ವರ್ಗದ ವಿಭಾಗದ ಗುರ್ಕಾರ್ಲಾಯಿನ ವಿಶ್ವಾಸ್ ಕುಮಾರ್ ದಾಸ್ ಮೆರ್ನ ಪದಗ್ರಹಣ ಬೊಕ್ಕ ವಿಭಾಗದ ಜಿಲ್ಲಾ ಪದಾಧಿಕಾರಿಲೆನ ಬೊಕ್ಕ ಬ್ಲಾಕ್ ಗುರ್ಕಾರ್ಲೆಗ್ ಆದೇಶ ಪತ್ರ ವಿತರಣಾ ಕಾರ್ಯಕ್ರಮ ಆ.1 ತಾರೀಖ್ ಗ್ ಕಾಂಡೆ 10:30ಕ್ ಪೇಂಟೆದ ಮಲ್ಲಿಕಟ್ಟೆದ ಕಾಂಗ್ರೆಸ್ ಭವನಡ್ ನಡಪರೆ ಉಂಡು.

M	T	W	T	F	S	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Dakshina Kannada

ಗ್ರಾಹಕೆರ್ನ ಸೇವೆಗ್ ಬೆಗೋಡೆ ಬರಿಯರೆ ಉಂಡು ಪೊಸ ಆಪ್

ಪಚ್ಚನಾಡಿ ಪರಿಹಾರಗ್ ₹14.8 ಕೋಟಿ ಬುಡುಗಡೆ

ಕಲ್ಯಾಣಪುರ ರೋಟರಿ ಕ್ಲಬ್ ವತಿರ್ದ್ ಕೋವಿಡ್ ಕಿಟ್

ಆನ್ಲೈನ್ / ಆಫ್ಲೈನ್ ಕಿರುಚಿತ್ರ ಪಂಥ

ಭಾರತಗ್ ಒಲಂಪಿಕ್ಸ್ ಡ್ ಕುಡೊಂಜಿ ಪದಕ ಫಿಕ್ಸ್

ಸಿಬಿಎಸ್ ಸಿ 12ನೇ ತರಗತಿ ಫಲಿತಾಂಶ ಇನಿ ಪ್ರಕಟ

ಕಿನ್ಯ ಯುವ ಕಾಂಗ್ರೆಸ್ ಸಮಿತಿ ಸಭೆ

ಪತ್ರಕರ್ತೆರೆರ್ದ್ ಕೃಷಿ ಜಾಗೃತಿ

ಕುಂದಾಪುರ: ತುದೆಕ್ ಬೂರ್ದು ತೀರ್ ಪೋಯಿನ ಬಾಲೆ

ಆಗಸ್ಟ್ 1 ತಾರೀಖ್ ಗ್ ಪದಗ್ರಹಣ

You Missed

ತುಳುಕೂಟದ ಕೋಟಾದಡಿ ಮೆಡಿಕಲ್ ಸೀಟ್ ಪಡೆಯಿನ ನಿಕ್ಷೇಪ್ ಸುವರ್ಣ

ಚಾರ್ ಧಾಮ್ ಯಾತ್ರೆಗ್ ಪೋದಿತ್ತಿನ ಕುಂಪಲ ನಿವಾಸಿ ತಿಗಲೆ ಬೇನೆಡ್ ಮರಣ

ಸೆ.25-27: ಸುರತ್ಕಲ್‌ ಬಂಟರ ಭವನಡ್ ಕೃಷಿ ಮೇಳ, ಆಹಾರ ಮೇಳ, ಹೋಳಿಗೆ ಪರ್ಬ ಬೊಕ್ಕ ಸಸ್ಯೋತ್ಸವ

“ತುಳು ಲಿಪಿ ಯುನಿಕೋಡ್‌ಗ್ ಸೇರ್ಸಾವರೆ ಬೆರಿಬಲ ಕೊರ್ತಿನಾರ್ ಮಾಜಿ ಸಚಿವೆರ್ ಅರವಿಂದ ಲಿಂಬಾವಳಿ”