Sun. Nov 22nd, 2026

#Baikampadi

ಲೇಬಲಿಂಗ್‌ ಗೋಲ್‌ಮಾಲ್ ಆರೋಪ: 1,240 ಕೆಜಿ ಖಾದ್ಯ ಎಣ್ಣೆ ಜಪ್ತಿ

ಕುಡ್ಲ : ತಪ್ಪು ಬ್ರ್ಯಾಂಡಿಂಗ್ ಬೊಕ್ಕ ಲೇಬಲ್ ಪಾಡ್ದ್ ಗ್ರಾಹಕೆರೆನ್ ಸಾದಿ ತಪ್ಪಾವುನ ಆರೋಪದ ಹಿನ್ನೆಲೆಡ್ ಬೈಕಂಪಾಡಿ ಕೈಗಾರಿಕಾ ಪ್ರದೇಶಡ್ ಉಪ್ಪುನ ಬೋಲಾಸ್ ಆಗ್ರೋ ಸಂಸ್ಥೆದ ಮಿತ್ತ್ ಆಹಾರ ಸುರಕ್ಷತಾ ಅಧಿಕಾರಿಲು ಕ್ರಮ ದೆತೊಂದು, ಒಟ್ಟು 1,240 ಕೆಜಿ ಖಾದ್ಯ ಎಣ್ಣೆ ವಶಕ್ಕ್ ದೆತೊಂದೆರ್.

ಅಧಿಕಾರಿಲೆನ ಮಾಹಿತಿ ಪ್ರಕಾರ,
ವಶಕ್ಕ್ ದೆತೊಂದಿನ ಎಣ್ಣೆಡ್ ಕಡಲೆಕಾಯಿ ಎಣ್ಣೆ ಬೊಕ್ಕ ತಾರಾಯಿದ ಎಣ್ಣೆಲ ಉಂಡು. ತಲಾ 10 ಕೆಜಿ ತೂಕದ 11 ಬಾಕ್ಸ್ ಕಡಲೆಕಾಯಿ ಎಣ್ಣೆ, ತಲಾ 35 ಲೀಟರ್ ಸಾಮರ್ಥ್ಯದ 30 ಕ್ಯಾನ್ ಕಡಲೆಕಾಯಿ ಎಣ್ಣೆ ಬೊಕ್ಕ ತಲಾ 20 ಕೆಜಿ ತೂಕದ ನಾಲ್ ಬಾಕ್ಸ್ ತಾರಾಯಿದ ಎಣ್ಣೆ ವಶಕ್ಕ್ ದೆತೊಂದೆರ್.
ಕಡಲೆಕಾಯಿ ಎಣ್ಣೆದ ಮೂಲ ಬೊಕ್ಕ ಲೇಬಲಿಂಗ್ ಬಗೆಟ್ಟ್ ಸಂಸಯ ಬೈದಿನೆರ್ದಾವರ ಆರೋಗ್ಯ ಇಲಾಖೆ ಅಧಿಕಾರಿಲು ಪರಿಶೀಲನೆ ಮಲ್ದೆರ್. ಚಿತ್ರದುರ್ಗ ಜಿಲ್ಲೆದ ಚಳ್ಳಕೆರೆರ್ದ್ ಕಚ್ಚಾ ಕಡಲೆಕಾಯಿ ಎಣ್ಣೆನ್ ಬೈಕಂಪಾಡಿಗ್ ಕನಪಾದ್ ಅವೆನ್ ರೀ ಪ್ಯಾಕ್ ಮಲ್ತ್‌ದ್ ‘ಕೋಲ್ಡ್ ಪ್ರೆಸ್ಡ್ ಕಡಲೆಕಾಯಿ ಎಣ್ಣೆ’ ಪಂಡ್‌ದ್ ಲೇಬಲ್ ಮಲ್ತೊಂದುಲ್ಲೆರ್ ಪನ್ಪಿನ ಆರೋಪ ಕೇಂಡ್‌ದ್ ಬೈದಿತ್ತ್ಂಡ್.

ಬೈಕಂಪಾಡಿ ದರೋಡೆ ಕೇಸ್‌ದ ಆರೋಪಿಲೆನ ಫೊಟೊ ಬಿಡುಗಡೆ

ಕುಡ್ಲ : ಬಂಗಾರ್‌ದ ವ್ಯಾಪಾರಿ ಕುಟುಂಬನ್ ಬೈಕಂಪಾಡಿದ ಕೈತಲ್ ದರೋಡೆ ಮಲ್ದಿನ ಕೇಸ್‌ದ ಮಾಸ್ಟರ್ ಮೈಂಡ್ ಪಾಂಡಿಚೇರಿ ಮೂಲದ ಶಿಬಿನ್ ಗಂಗಾಧರನ್ ಬೊಕ್ಕ 14 ಆರೋಪಿಲೆನ ಗುರ್ತ್ ಪತ್ತೆ ಮಲ್ತ್‌ದ್ ಅಕ್ಲೆನ ಫೊಟೊ ಬಿಡುಗಡೆ ಮಲ್ದಿನ ಕುಡ್ಲ ಪೊಲೀಸೆರ್ ಆರೋಪಿಲೆನ ಪತ್ತೆಗ್ ಸಹಕಾರ ಮಲ್ಪರೆ ಸಾರ್ವಜನಿಕೆರೆಡ ಬಿನ್ನಾಪು ಮಲ್ದೆರ್.
ಕೇರಳ ಬೊಕ್ಕ ಕೊಡಗು ಪ್ರದೇಶಡ್ ಆರೋಪಿಲೆನ ಪತ್ತೆ ಮಲ್ಪುನ ಬೇಲೆ ನಡತೊಂದುಂಡು.
ಜೂನ್ 29 ಪುಲ್ಯಕಾಂಡೆ ಕೇರಳದ ಬಂಗಾರ್‌ದ ಉದ್ಯಮಿ ವಿಕಾಸ್ ತನ್ನ ಕುಟುಂಬದ ಜತೆಟ್ಟ್ ಬೊಂಬೈರ್ದ್ ಕೇರಳಗ್ ಬೈಕಂಪಾಡಿದಲ್ಪ ಪೋವೊಂದುಪ್ಪುನಗ ಆರೋಪಿಲು ಕಾರ್‌ನ್ ಅಡ್ಡ ಕಟ್ಟ್‌ದ್ ವಿಕಾಸ್, ಬೊಕ್ಕ ಅರೆನ ಬೊಡೆದಿ, ಮಗನ್ ಅಪಹರಣ ಮಲ್ತ್‌ದ್ 180 ಗ್ರಾಂ ಬಂಗಾರ್ ಬೊಕ್ಕ ಲೂಟಿ ಮಲ್ತ್‌ದ್ ಪರಾರಿ ಆದಿತ್ತೆರ್.

ಜೀವ ದೆತೊಂಡಿನ ಕಂಡನಿ ಬೊಡೆದಿ ಇರ್ವೇರೆಗ್ಲ ಕೊರೊನಾ ಸೋಂಕು ನೆಗೆಟಿವ್

ಕುಡ್ಲ ಆ. 17: ಕೊರೊನಾ ಸೊಂಕುದ ಪೋಡಿಗೆಡು ಬೈಕಂಪಾಡಿ ಚಿತ್ರಾಪುರಡು ಜೀವ ದೆತೊಂಡಿನ ರಮೇಶ್ ಬೊಕ್ಕ ಗುಣವತಿ ದಂಪತಿಲೆಗು ಕೊರೋನ ಸೋಂಕು ಇಜ್ಜಿ ಪಂದು ರಿರ್ಪೋಟ್ ಬೈದುಂಡು.

ಕೊರೊನಾ ಉಂಡು ಪಂದು ಅಕುಲೇ ಸ್ವಂತ ನಿರ್ಧಾರ ದೆತೊಂದು ಜೀವ ದೆತೊಂಡೆರು. ಕಂಡನಿ-ಬೊಡೆದಿ ಇರ್ವೇರೆಗ್ಲ ಕೋವಿಡ್ ಸೋಂಕು ಪರೀಕ್ಷೆಡು ನೆಗೆಟಿವ್ ಬೈದುಂಡು ಪಂದು ಕುಡ್ಲದ ಡಿಸಿಪಿ ಹರಿರಾಂ ಶಂಕರ್ ಈ ಮೂಲಕ ಪ್ರಕರಣಗ್ ಪೊಸ ತಿರ್ಗಾಸ್ ದೀತೆರು.

You Missed