29ನೇ

ಮಾ.19 ಗ್ 29ನೇ ವರ್ಷದ ಕೋಟಿ -ಚೆನ್ನಯ ಜೋಡುಕರೆ ಕಂಬುಲ

ಪುತ್ತೂರು: 29ನೇ ವರ್ಷದ `ಕೋಟಿ-ಚೆನ್ನಯ’ ಜೋಡುಕರೆ ಕಂಬಳ ಮಾ. 19ಗ್ ಪುತ್ತೂರುದ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಎದುರುದ ದೇವರಮಾರು ಕಂಡಡ್ ನಡಪರೆ ಉಂಡು.

ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.
ಡಿ. ವೀರೇಂದ್ರ ಹೆಗ್ಗಡೆ ಮೆರ್ನ ಶುಭಾಶೀರ್ವಾದ ಒಟ್ಟುಗು ಮಾಜಿ ಸಚಿವ ವಿನಯ ಕುಮಾರ್ ಸೊರಕೆ ಬೊಕ್ಕ ಮಾಜಿ ಶಾಸಕಿ ಶಕುಂತಳಾ ಶೆಟ್ಟಿ ಮೆರೆನ ಉಪಸ್ಥಿತಿಡ್ ಕೋಟಿ-ಚೆನ್ನಯ ಜೋಡುಕರೆ ಕಂಬುಲ ನಡಪರೆ ಉಂಡು.

ಮಾ.19 ನೇ ಕಾಂಡೆ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲಾಯಿನ ಮುಳಿಯ ಕೇಶವ ಪ್ರಸಾದ್ ಕಂಬುಲದ ಲೇಸ್ ಉದಿಪನ ಮಲ್ಪರೆ ಉಲ್ಲೆರ್ . ಸವಣೂರು ವಿದ್ಯಾರಶ್ಮಿ ಶಿಕ್ಷಣ ಸಂಸ್ಥೆದ ಸಂಚಾಲಕೆರಾಯಿನ ಕೆ. ಸೀತಾರಾಮ ರೈ ಸವಣೂರು ಲೇಸ್ ದ ಗುರ್ಕಾರ್ಮೆ ವಹಿಸರೆ ಉಲ್ಲೆರ್.

ಬಯ್ಯಗ್ ನಡಪರೆ ಉಪ್ಪುನ ಸಭಾ ಲೇಸ್ ದ ಗುರ್ಕಾರ್ಮೆನ್ ಕರ್ನಾಟಕ ರಾಜ್ಯದ ಮಾಜಿ ಮುಖ್ಯಮಂತ್ರಿ ಬೊಕ್ಕ ವಿಪಕ್ಷ ನಾಯಕ ಸಿದ್ದರಾಮಯ್ಯ ವಹಿಸರೆ ಉಲ್ಲೆರ್ . ಮಾಜಿ ಸಚಿವೇರಾಯಿನ ಶ್ಯಾಮನೂರು ಶಿವಶಂಕರಪ್ಪ, ಯು.ಟಿ.ಖಾದರ್, ಎಸ್.ಎಸ್. ಮಲ್ಲಿಕಾರ್ಜುನ, ಬಿ. ರಮಾನಾಥ ರೈ, ಅಭಯಚಂದ್ರ ಜೈನ್, ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಗುರ್ಕಾರ್ಲಾಯಿನ ಡಾ. ಎಂ.ಎನ್.ರಾಜೇಂದ್ರ ಕುಮಾರ್, ಕೆಪಿಸಿಸಿ ಕಾರ್ಯಾಧ್ಯಕ್ಷ ದ್ರುವ ನಾರಾಯಣ ಸೇರಿನಂಚ ನನಾತ್ ಬಿನ್ನೆರ್ ಪಾಲ್ ಪಡೆಯೆರೆ ಉಲ್ಲೆರ್.

ವಿಶೇಷ ಆರ್ಕಷಣೆ

ಕಂಬುಲಡ್ ವಿಶೇಷ ಆಕರ್ಷಣೆಯಾದ್ ಚಲನ ಚಿತ್ರ ನಟ ಆಯಿನ ಶಿವರಾಜ್ ಕುಮಾರ್, ವಿಜಯ ರಾಘವೇಂದ್ರ, ಮುರಳಿ, ವಿನೋದ್ ಆಳ್ವ, ನವೀನ್ ಡಿ ಪಡೀಲ್, ಗರುಡ ರಾಮ್, ವಿನಯ ಬಿಡ್ಡಪ್ಪ, ಪ್ರಸನ್ನ ಬಾಗೀನ, ಚಲನ ಚಿತ್ರ ನಿರ್ದೇಶಕ ರಾಜೇಂದ್ರ ಸಿಂಗ್ ಬಾಬು ಪಾಲ್ ಪಡೆಯೆರೆ ಉಲ್ಲೆರ್ . ಈ ಪೊರ್ತುಡು ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತೇರಾಯಿನ ಹರೇಕಳ ಹಾಜಬ್ಬ, ಮಹಾಲಿಂಗ ನಾಯ್ಕ ಅಮೈ, ಕಂಬಳ ಕ್ಷೇತ್ರದ ಸಾಧಕೆರಾಯಿನ ಕೇಶವ ಬಂಡಾರಿ ಬೆಳ್ಳಿಪ್ಪಾಡಿ ಕೈಪ ಸೇರಿನಂಚ ಬೇತೆ ಬೇತೆ ಸಾಧಕೆರೆಗ್ ಮಾನದಿಗೆ ಮಲ್ಪುನ ಲೇಸ್ ನಡಪರೆ ಉಂಡು .

ಮಾ.20 ತಾರಿಕ್ ಗ್ ಕಾಂಡೆ ಶಾಸಕ ಸಂಜೀವ ಮಠಂದೂರು ಗುರ್ಕಾರ್ಮೆಡ್ ಇನಾಮು ಪಟ್ಟುನ ಲೇಸ್ ನಡಪರೆ ಉಂಡು. ಬಿಜೆಪಿ ರಾಜ್ಯಾಧ್ಯಕ್ಷ ಬೊಕ್ಕ ದ.ಕ. ಸಂಸದ ನಳಿನ್ ಕುಮಾರ್ ಕಟೀಲ್, ರಾಜ್ಯ ಸಚಿವ ಸುನಿಲ್ ಕುಮಾರ್, ನಗರಸಭಾ ಅಧ್ಯಕ್ಷ ಕೆ. ಜೀವಂಧರ್ ಜೈನ್ ಬಿನ್ನೆರ್ ಆದ್ ಪಾಲ್ ಪಡೆಯೊಂದು ಉಲ್ಲೆರ್.

ಕಂಬುಲಡ್ ಸುಮಾರ್ 200 ಜತೆ ಎರುಕುಲು ಪಾಲ್ ಪಡೆಯುನ ನಿರೀಕ್ಷೆ ಉಂಡು.