ಲೋಕ ಕಲ್ಯಾಣಾರ್ಥವಾದ್

ಕುಕ್ಕೆ ಶ್ರೀ ಸುಬ್ರಹ್ಮಣ್ಯಡ್ ಕೊರೊನಾ ಮಹಾಮಾರಿ ನಿಯಂತ್ರಣಗ್ ಅಂಚನೇ ಲೋಕ ಕಲ್ಯಾಣಾರ್ಥವಾದ್ ವಿಶೇಷ ಪೂಜೆ

May 8, 2021

ಕುಡ್ಲ , ಮೇ 8: ದೇಶಡ್ ಕೊರೊನಾ ಸೋಂಕು ಪ್ರಕರಣ ದಿನರ್ದ್ ದಿನ ಜಾಸ್ತಿ ಆವೊಂದು ಉಪ್ಪುನೆರ್ದಾವರ ಕೊರೋನ ನಿಯಂತ್ರಣಗ್ ಲಸಿಕೆ ತಯಾರ್ ಆಂಡಲಾ ಒವ್ವೆ ಬದಲಾವಣೆ ತೋಜೋoದು ಇಜ್ಜಿ.

ಪ್ರಪಂಚದ ಅತಿರಥ ಮಹಾರಥ ವಿಜ್ಞಾನಿಲೆ ಅನೇಕ ಸಂಶೋಧನೆ ಮಲ್ತುಂಡಲ , ಕೊರೊನಾ ಪನ್ಪಿ ಮಹಾಮಾರಿನ್ ಕಟ್ಟ್ ದ್ ಪಾಡ್ಯರೆ ಸಾಧ್ಯ ಆವೊಂದು ಇಜ್ಜಿ. ಇಂಚಿಪ್ಪ ಪೊರ್ತುಡು ಕೊರೊನಾನ್ ಶಮನ ಮಲ್ಪರೆ ಮಂತ್ರಶಕ್ತಿದ ಪ್ರಯತ್ನಲ ನಡತೊಂದು ಉಂಡು.

ದಕ್ಷಿಣ ಭಾರತದ ಪುಗಾರ್ತೆ ಪಡೆಯಿನ ನಾಗಕ್ಷೇತ್ರ ಕುಕ್ಕೆ ಸುಬ್ರಹ್ಮಣ್ಯಡ್ ಕೊರೊನಾ ಮಹಾಮಾರಿ ನಿಯಂತ್ರಣಗ್ ಅಂಚನೇ ಲೋಕ ಕಲ್ಯಾಣಾರ್ಥವಾದ್ ವಿಶೇಷ ಪೂಜೆನ್ ಸುರು ಮಲ್ದೆರ್. ಮೇ 5ರ್ದ್ ಮೇ 11 ಮುಟ ನಿರಂತರ ಒಂಜಿ ವಾರದ ಪೂಜಾ ಹೋಮ ಹವನಲು ನಡತೊಂದು ಉಂಡು.