ಯೋಜನೆ

ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆರ್ದ್ ಪಣವುದ ಸಾಕಾರ

ಕಾರ್ಕಳ, ಜುಲೈ 27 : ಕಿಡ್ನಿ ಸಮಸ್ಯೆರ್ದ್ ಇತ್ತಿನ ಪಳ್ಳಿ ಗ್ರಾಮದ ಹರೀಶ್ ಆಚಾರ್ಯ ಮೆರ್ನ ಮರ್ದ್ ದ ಖರ್ಚ್ ಗ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ವತಿರ್ದ್ ಮಂಜೂರು ಮಲ್ತಿನ ರೂ. 10 ಸಾರ ಪಣವುದ ಸಾಕಾರ ಕೊರಿಯೆರ್.

ಎಸ್‌ಕೆಡಿಆರ್‌ಡಿಪಿ ಯೋಜನಾಧಿ ಭಾಸ್ಕರ್ ವಿ., ಗ್ರಾಮಾಭಿವೃದ್ಧಿ ಯೋಜನೆ ಒಕ್ಕೂಟದ ಗುರ್ಕಾರ್ಲಾಯಿನ ಬೇಬಿ ಸಾಲ್ಯಾನ್, ವಲಯ ಮೇಲ್ವಿಚಾರಕೆರ್ ಸೇವಾಪ್ರತಿನಿಧಿಲು ಈ ಪೊರ್ತುಡು ಪಾಲ್ ಪಡೆದಿತ್ತೆರ್.

ಸಪ್ತಪದಿಗ್ ಕೂಡ್ದು ಬತ್ತುಂಡು ಮುಹೂರ್ತ : ಬೇಗೊಡೆ ಯೋಜನೆ -ಸಚಿವ ಕೋಟ

ಶಿವಮೊಗ್ಗ ಜುಲೈ 23: ಮುಜರಾಯಿ ಬೊಕ್ಕ ಧಾರ್ಮಿಕ ದತ್ತಿ ಇಲಾಖೆ ಕೊರೋನಾ ಸೋಂಕಿನ ಕಾರಣರ್ದ್ ತಾತ್ಕಾಲಿಕವಾದ್ ಉಂತಾದಿನ ಸಪ್ತಪದಿ ಮಹತ್ವಾಕಾಂಕ್ಷಿ ಯೋಜನೆನ್ ಕುಡ ಸುರು ಮಲ್ಪರೆ ತೀರ್ಮಾನ ಮಲ್ದೆರ್ , ರಾಜ್ಯದ 100 ಆಯ್ದ ದೇವಸ್ಥಾನಡ್ ಸರ್ಕಾರದ ವತಿರ್ದೇ ಸರಳ ವಿವಾಹ ಲೇಸ್ ನಡಪಾವ ಪಂದ್ ಮುಜರಾಯಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ರಾಜ್ಯ ಮುಜರಾಯಿ ಬೊಕ್ಕ ದಾರ್ಮಿಕ ದತ್ತಿ ಇಲಾಖೆದ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಮೇರ್ ಇನಿ ಶಿವಮೊಗ್ಗದ ಕೋಟೆ ಶ್ರೀರಾಮಾಂಜನೇಯ ದೇವಸ್ಥಾನಗ್ ಸಚಿವ ಕೆ.ಎಸ್.ಈಶ್ವರಪ್ಪ ಮೆರ್ನ ಒಟ್ಟುಗು ಭೇಟಿ ಕೊರ್ದು ಜಿಲ್ಲಾಧಿಕಾರಿಲೆನ ಕಚೇರಿಡ್ ಸಂಬಂಧಿತ ಇಲಾಖೆದ ಅಧಿಕಾರಿನೊಟ್ಟುಗು ಸಮಾಲೋಚನೆ ನಡಪಾಯಿ ಬೊಕ್ಕ ಪಂಡೆರ್.

ಹವಾಮಾನ ಆಧಾರಿತ ಬೆಳೆ ವಿಮಾ ಯೋಜನೆ ಅನುಷ್ಠಾನಡ್ ಎಸ್‍ಸಿಡಿಸಿಸಿ ಬ್ಯಾಂಕ್ ರಾಜ್ಯಗ್ ಸುರುತ ಸ್ಥಾನ

ಕುಡ್ಲ, ಜುಲೈ 22: ರೈತೆರ್ನ ಪಾಲ್ ಗ್ ವರದಾನ ಆತಿನ ಕೇಂದ್ರ ಸರಕಾರದ ಬಹು ಮಹಾತ್ವಾಕಾಂಕ್ಷೆದ ಯೋಜನೆಯಾಯಿನ ‘ಹವಾಮಾನ ಆಧಾರಿತ ಬೆಳೆ ವಿಮಾ ಯೋಜನೆ’ನ್ ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ (ಎಸ್‍ಸಿಡಿಸಿಸಿ ಬ್ಯಾಂಕ್) ಸಮರ್ಪಕವಾದ್ ಜಾರಿಗ್ ಕಂತ್ ರಾಜ್ಯಡ್ ಸುರುತ ಸ್ಥಾನ ಕಂತಿನವು ಪೆರ್ಮೆದ ವಿಚಾರ ಪಂದ್ ಎಸ್‍ಸಿಡಿಸಿಸಿ ಬ್ಯಾಂಕ್‍ದ ಗುರ್ಕಾರ್ಲಾಯಿನ ಡಾ.ಎಂ.ಎನ್. ರಾಜೇಂದ್ರ ಕುಮಾರ್ ಪಂಡೆರ್ .

ಮೇರ್ ಬ್ಯಾಂಕ್ ಡ್ ಕೆನರಾ ಬ್ಯಾಂಕ್ ಬೊಕ್ಕ ಲೀಡ್ ಡಿಸ್ಟ್ರಿಕ್ಟ್ ಬ್ಯಾಂಕ್ ವತಿರ್ದ್ ನಡತಿನ ಮಾನದಿಗೆ ಸ್ವೀಕಾರ ಮಲ್ತ್ ಪಾತೆರಿಯೆರ್.ಈ ಪೊರ್ತುಡು ಲೀಡ್ ಡಿಸ್ಟ್ರಿಕ್ಟ್ ಮೆನೇಜರ್ ಪ್ರವೀಣ್, ತೋಟಗಾರಿಕಾ ಇಲಾಖೆದ ಉಪನಿರ್ದೇಶಕೆರಾಯಿನ ಹೆಚ್.ಎನ್. ನಾಯಕ್, ನಬಾರ್ಡ್ ಡಿಡಿಎಂ ಶ್ರೀಮತಿ ಸಂಗೀತಾ ಕರ್ತ, ಸಹಕಾರಿ ಸಂಘದ ಉಪನಿಬಂಧಕೆರಾಯಿನ ಪ್ರವೀಣ್ ಬಿ. ನಾಯಕ್, ಬ್ಯಾಂಕಿನ ಉಪಾಧ್ಯಕ್ಶೆರಾಯಿನ ವಿನಯಕುಮಾರ್ ಸೂರಿಂಜೆ, ನಿರ್ದೇಶಕೆರಾಯಿನ ಶಶಿಕುಮಾರ್ ರೈ ಬಾಲ್ಯೊಟ್ಟು, ರಾಜು ಪೂಜಾರಿ, ಎಸ್.ಬಿ. ಜಯರಾಮ್ ರೈ, ಮಹೇಶ್ ಹೆಗ್ಡೆ, ಐಕಳ ಬಾವ ದೇವಿಪ್ರಸಾದ್ ಶೆಟ್ಟಿ ಬೆಳಪು, ಟಿ.ಜಿ. ರಾಜಾರಾಮ್ ಭಟ್, ಬ್ಯಾಂಕ್ದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಬಿ.ರವೀಂದ್ರ, ಮಹಾ ಪ್ರಬಂಧಕೆರಾಯಿನ ಗೋಪಿನಾಥ್ ಭಟ್, ಸಹಕಾರ ಸಂಘದ ಸಹಾಯಕ ನಿಬಂಧಕೆರಾಯಿನ ಶ್ರೀ ಸುಧೀರ್ ಕುಮಾರ್ ಬೊಕ್ಕ ಬ್ಯಾಂಕ್ ದ ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್.

ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ರ್ದ್ ಲಾಭಂಶ ವಿತರಣೆ

ಒಡಿಪು, ಜುಲೈ 20: ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ ಸಿ ಟ್ರಸ್ಟ್‌ದ ಒಡಿಪು ತಾಲೂಕು ಅಂಬಾಗಿಲು ವಲಯದ ಅಂಬಲಪಾಡಿ ಕಾರ್ಯಕ್ಷೇತ್ರದ ಲಾಭಾಂಶ ವಿತರಣೆ ಬೊಕ್ಕ ಸಾಮಾಜಿಕ ಅರಣ್ಯೀಕರಣ ಕಾರ್ಯಕ್ರಮ ಅಂಬಲಪಾಡಿಡ್ ಉಪ್ಪುನ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಪ್ರಗತಿಸೌಧ ಸಭಾಂಗಣಡ್ ಶುಕ್ರವಾರ ನಡತುಂಡು .

ಒಡಿಪು ಶಾಸಕ ಕೆ.ರಘುಪತಿ ಭಟ್ ಲೇಸ್ ಉದಿಪನ ಮಲ್ತ್ ಪ್ರಗತಿ ಬಂಧು ಸ್ವ ಸಹಾಯ ಸಂಘದ ಸದಸ್ಯೆರೆಗ್ ಲಾಭಾಂಶ ಮೊತ್ತದ ಚೆಕ್ ಕೊರಿಯೆರ್ . ಯೋಜನೆದ ಕರಾವಳಿ ಪ್ರಾದೇಶಿಕ ವಿಭಾಗದ ಪ್ರಾದೇಶಿಕ ನಿರ್ದೇಶಕ ವಸಂತ್ ಸಾಲ್ಯಾನ್ ಸಾಮಾಜಿಕ ಅರಣ್ಯೀಕರಣ ಕಾರ್ಯಕ್ರಮ ದಡಿಟ್ ಸ್ವಸಹಾಯ ಸಂಘದ ಸದಸ್ಯೆರೆಗ್ ದೈ ಪಟ್ಟಿಯೆರ್.

ಗ್ರಾಮಾಭಿವೃದ್ಧಿ ಯೋಜನೆ ಒಕ್ಕೂಟದ ಪ್ರಗತಿಬಂಧು ಸ್ವಸಹಾಯ ಸಂಘದ ಸದಸ್ಯೆರೆಗ್ ಲಾಭಾಂಶ ವಿತರಣೆ ಪಟ್ಟುನ ಲೇಸ್

ಕಲ್ಲಡ್ಕ ಜುಲೈ 17, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಸದಸ್ಯೆರೆಗ್ ಕೋರೋನ ಸಂಕಷ್ಟದ ಪೊರ್ತುಡು ಲಾಭಾಂಶ ವಿತರಣೆ ಮಲ್ದಿನವು ಬಾರಿ ಕೃತಜ್ಞತಾಪೂರ್ವಕ ವಾತುಂಡು . ಪಂದ್ ಗ್ರಾಮಾಭಿವೃದ್ಧಿ ಯೋಜನೆದ ಕಲ್ಲಡ್ಕ ವಲಯದ ಒಕ್ಕೂಟ ಗುರ್ಕಾರ್ಲಾಯಿನ ಶ್ರೀಯುತ ಈಶ್ವರ ನಾಯ್ಕೆರ್ ಕಲ್ಲಡ್ಕದ ಪೂರ್ಲಿಪ್ಪಾಡಿ ಮರಾಠಿ ಸಮಾಜ ಸೇವಾ ಭವನಡ್ ನಡತಿನ ಗ್ರಾಮಾಭಿವೃದ್ಧಿ ಯೋಜನೆದ ಒಕ್ಕೂಟದ ಪ್ರಗತಿಬಂಧು ಸ್ವಸಹಾಯ ಸಂಘದ ಸದಸ್ಯೆರೆಗ್ ಲಾಭಾಂಶ ವಿತರಣೆ ಸಂಘದ ಸುರಕ್ಷಾ ವಿಮಾ ಮೊತ್ತ ಬೊಕ್ಕ ಪ್ರಕೃತಿ ವಿಕೋಪ ಇತ್ತಿನ ಕುಟುಂಬಗ್ ಪರಿಹಾರ ನಿಧಿ ವಿತರಣಾ ಕಾರ್ಯಕ್ರಮನ್ ತುಡರ್ ಅರ್ಲಾದ್ ಉದಿಪನ ಮಲ್ತ್ ಪಾತೆರಿಯೆರ್ .

ಮಲ್ಲ ಬಿನ್ನೆರ್ ಆಯಿನ ಗ್ರಾಮಾಭಿವೃದ್ಧಿ ಯೋಜನೆ ಬಿ ಸಿ ಟ್ರಸ್ಟ್( ರಿ) ವಿಟ್ಲ ನೆತ್ತ ಯೋಜನಾಧಿಕಾರಿ ಶ್ರೀಯುತ ಚನ್ನಪ್ಪಗೌಡ ಮೇರ್ ಶ್ರೀಯುತ ಕಾವಂದೆರ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಮುಖೇನ ಸದಸ್ಯೆರೆಗ್ ಅವ್ವೆತೋ ಲೇಸ್ ಅಟ್ಟನೆ ಮಲ್ದೆರ್ ಆನಿ ನಡಿನ ದೈ ಇನಿ ಫಲ ಕೊರ್ಪಿಲಕ ಬುಳೆತುಂಡು , ಇತ್ತೆದ ಕಷ್ಟದ ಪರಿಸ್ಥಿತಿಗ್ ಸಾಕಾರ ಕೊರ್ಪಿಲಕ ಪ್ರಸಾದ ರೂಪಡ್ ಸದಸ್ಯೆರೆಗ್ ಲಾಭಾಂಶನ್ ವಿತರಣೆ ಮಲ್ತೆರ್ ,ನಮ್ಮ ಕಲ್ಲಡ್ಕ ವಲಯದ 27 ಸಂಘದ ಗುಣಮಟ್ಟದ ವ್ಯವಹಾರಗ್ 5 ಲಕ್ಷದ 50 ಸಾವಿರ ಲಾಭಾಂಶ ಬೈದುಂಡು ಪಂದ್ ಮಾಹಿತಿ ಕೊರಿಯೆರ್.

ಲೇಸ್ ದ ಗುರ್ಕಾರ್ಮೆ ವಹಿಸಿನ ಗೋಳ್ತಮಜಲು ಗ್ರಾಮ ಪಂಚಾಯತ್ ದ ಗುರ್ಕಾರ್ಲಾಯಿನ ಶ್ರೀಯುತ ಅಭಿಷೇಕ್ ಶೆಟ್ಟಿ ಗ್ರಾಮದ ಅಭಿವೃದ್ಧಿ ದೃಷ್ಟಿರ್ದ್ ಯೋಜನೆ ಮಲ್ಪುನ ಮಾತಾ ಕಾರ್ಯಕ್ರಮಗ್ ಲಾ ಪಂಚಾಯತಿರ್ದ್ ಪೂರ್ಣ ಸಾಕಾರ ಕೊರ್ಪ ಪಂದ್ ಪಂಡೆರ್.

ಈ ಲೇಸ್ ಡ್ ಕಲ್ಲಡ್ಕ ಹಾಲು ಉತ್ಪಾದಕರ ಸಂಘದ ಕಾರ್ಯನಿರ್ವಹಣಾಧಿಕಾರಿ ಶ್ರೀಯುತ ರಾಜೇಶ್ ಕೊಟ್ಟಾರಿ ,ಕಲ್ಲಡ್ಕ ಮರಾಠಿ ಸಮಾಜಸೇವಾ ಸಂಘದ ಕಾರ್ಯದರ್ಶಿ ನಾರಾಯಣ ನಾಯ್ಕ, ಗೋಳ್ತಮಜಲು ಬಿ ಒಕ್ಕೂಟದ ಅಧ್ಯಕ್ಷೆ ಶಿವಪ್ಪಗೌಡ, ಕಲ್ಲಡ್ಕ ಒಕ್ಕೂಟ ಅಧ್ಯಕ್ಶೆರಾಯಿನ ಶ್ರೀಮತಿ ತುಳಸಿ, ಜ್ಞಾನವಿಕಾಸ ಸಮನ್ವಯಾಧಿಕಾರಿ ಸವಿತಾ, ವಲಯ ಸೇವಾ ಪ್ರತಿನಿಧಿಲಾಯಿನ ವಿದ್ಯಾ, ಗಿರಿಜಾ, ಕೌಶಿತ, ಉಷಾ ಬೊಕ್ಕ ಸ್ವಸಹಾಯ ಸಂಘದ ಸದಸ್ಯೆರ್ ಪಾಲ್ ಪಡೆದಿತ್ತೆರ್ .

ವಲಯ ಮೇಲ್ವಿಚಾರಕಿ ಶ್ರೀಮತಿ ಸವಿತಾ ನಾರಾಯಣ ಎದುಕೊಂಡೆರ್ ,ಸೇವಾ ಪ್ರತಿನಿಧಿ ಶ್ರೀಮತಿ ಮಾಲತಿ ಸೊಲ್ಮೆ ಸಂದೈತ ಮಲ್ತೆರ್ . ಲೆಕ್ಕ ಪರಿಶೋಧಕ ಶ್ರೀಯುತ ಶಿವಪ್ರಸಾದ್ ಲೇಸ್ ನಡಪಾದ್ ಕೊರಿಯೆರ್ .

ಕೇಂದ್ರಡ್ ಬಾಕಿ ಒರಿನ ಒಡಿಪುದ ಯೋಜನೆಲು ಬೇಗಡೆ ಪೂರ್ಣ : ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ

ಒಡಿಪು, ಜುಲೈ 17: ಕೇಂದ್ರ ಸರಕಾರದ ಮಟ್ಟಡ್ ಮಂಜೂರಾತಿಗ್ ಬಾಕಿ ಉಪ್ಪುನ ಜಿಲ್ಲೆದ ಬೇತೆ ಬೇತೆ ಯೋಜನೆ ಬೊಕ್ಕ ಕಾಮಗಾರಿದ ಪಟ್ಟಿನ್ ಬೆಗೋಡೆ ಸಲ್ಲಿಸಾದ್ ಈ ಬಗ್ಗೆ ಕೇಂದ್ರದ ಸಂಬಂಧ ಪಟ್ಟಿನ ಸಚಿವೆರ್ನೊಟ್ಟುಗು ಚರ್ಚೆ ಮಲ್ತ್ , ಬೆಗೋಡೆ ಮಂಜೂರು ಮಲ್ಪರೆ ಪ್ರಯತ್ನ ಮಲ್ಪುವ ಪಂದ್ ನೂತನ ಕೇಂದ್ರ ಕೃಷಿ ಬೊಕ್ಕ ರೈತೆರ್ನ ಕಲ್ಯಾಣ ಇಲಾಖೆದ ರಾಜ್ಯ ಸಚಿವೆ ಶೋಭಾ ಕರಂದ್ಲಾಜೆ ಪಂಡೆರ್ .

ಶುಕ್ರವಾರ ಕಾಂಡೆ ಹೊಸದಿಲ್ಲಿದ ತಮ್ಮ ಕಚೇರಿರ್ದ್ ವೀಡಿಯೋ ಸಭೆತ ಮುಖೇನ ಒಡಿಪು -ಚಿಕ್ಕಮಗಳೂರು ಕ್ಷೇತ್ರಡ್ ಮುಂಗಾರುರ್ದು ಆಯಿನ ಹಾನಿದ ಬಗ್ಗೆ ಪರಿಶೀಲನಾ ಸಭೆ ನಡಪಾದ್ ಪಾತೆರಿಯೆರ್.

ಹಳ್ಳಿ ಹಳ್ಳಿಗ್ ವೈದ್ಯೆರ್ನ ಕೂಟ ಯೋಜನೆ : ಸಚಿವ ಆರ್. ಅಶೋಕ್

ಒಡಿಪು , ಮೇ 19: ಗ್ರಾಮೀಣ ಪ್ರದೇಶಡ್ ಕೊರೋನ ಪ್ರಕರಣಲು ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಬೆಂಗಳೂರು ಗ್ರಾಮಾಂತರ ಜಿಲ್ಲೆಡ್ ಜಾರಿಗ್ ಕಂದಿನ ಹಳ್ಳಿದ ಕಡೆ ವೈದ್ಯರ ಕೂಟ ಪೈಲೆಟ್ ಯೋಜನೆನ್ ಇಡೀ ರಾಜ್ಯಡ್ ಜಾರಿಗ್ ಕನರೆ ಕ್ರಮ ದೆತೊನೊಡು ಈ ಬಗ್ಗೆ ಆದೇಶ ಕೊರಿಯರೆ ರಾಜ್ಯ ಪ್ರಿನ್ಸಿಪಾಲ್ ಸೆಕ್ರೆಟರಿಗ್ ಸೂಚನೆ ಕೊರೊಡು ಪಂದ್ ರಾಜ್ಯ ಕಂದಾಯ ಸಚಿವ ಆರ್.ಅಶೋಕ್ ತೆರಿಪಾದೆರ್ .

ಪ್ರತಿ ತಾಲೂಕುಡು 15 ವೈದ್ಯೆರ್ , 40 ನರ್ಸಿಂಗ್ ಸಿಬ್ಬಂದಿಲುಪ್ಪುನ ಕೂಟ 15 ಗಾಡಿಡ್ ಪ್ರತಿ ರಡ್ಡ್ ದಿನಕೊರ ಹಳ್ಳಿಗ್ ಪೋದು ಜನಕ್ಲೆನ ಪರೀಕ್ಷೆ ಮಲ್ಪೊಡು .

ಅಗತ್ಯ ಇತ್ತುಂಡ ಚಿಕಿತ್ಸೆ ಕೊರ್ಪಿನತ್ತಂದೆ , ಜಾಸ್ತಿದ ಚಿಕಿತ್ಸೆಗಾದ್ ತಾಲೂಕು ಆಸ್ಪತ್ರೆ ಡ್ ದಾಖಲ್ ಮಲ್ಪರೆ ವ್ಯವಸ್ಥೆ ಮಲ್ಪೊಡು ಪಂದ್ ಪಂಡೆರ್.