ಬಜರಂಗದಳ

ವಿಶ್ವ ಹಿಂದೂ ಪರಿಷದ್ ಬಜರಂಗದಳ, ಮಾತ್ರಶಕ್ತಿ, ದುರ್ಗಾವಾಹಿನಿ ವತಿರ್ದ್ 5ನೇ ವರ್ಸೊದ ಮೊಸರು ಕುಡಿಕೆ ಉಚ್ಚಯ

Aug 10, 2022

ವಿಶ್ವ ಹಿಂದೂ ಪರಿಷದ್ ಬಜರಂಗದಳ, ಮಾತ್ರಶಕ್ತಿ, ದುರ್ಗಾವಾಹಿನಿ ವತಿರ್ದ್ 5ನೇ ವರ್ಸೊದ ಮೊಸರು ಕುಡಿಕೆ ಉಚ್ಚಯ

ಕಡಬ : ವಿಶ್ವ ಹಿಂದೂ ಪರಿಷದ್ ಬಜರಂಗದಳ, ಮಾತ್ರಶಕ್ತಿ, ದುರ್ಗಾವಾಹಿನಿ ಕಡಬ ಪ್ರಖಂಡ ವತಿರ್ದ್ ಕೃಷ್ಣ ಅಟ್ಟೆಮಿದ ದಿನತಾನಿ ಸ್ಥಾಪನೆ ಆಯಿನ ವಿಶ್ವ ಹಿಂದೂ ಪರಿಷದ್ ದ ಸ್ಥಾಪನ ದಿನೊತ ಪರವಾದ್ 5 ನೇ ವರ್ಷದ ಮೊಸರು ಕುಡಿಕೆ ಉಚ್ಚಯ, ಶೋಭಯಾತ್ರೆ ಬೊಕ್ಕ ಧಾರ್ಮಿಕ ಸಭೆ ತೇದಿ 21 ಆಗಸ್ಟ್ 2022 ನೇ ಐತಾರದಾನಿ ನಡಪೆರೆ ಉಂಡು.

ತೇದಿ 21/8/2022 ನೇ ಐತಾರದಾನಿ ಬಯ್ಯ 5 ಗಂಟೆರ್ದ್ ಕಡಬದ ಯೋಗಕ್ಷೇಮ ಸಂಕೀರ್ಣದ ಎದುರು ಧಾರ್ಮಿಕ ಸಭಾ ಲೇಸ್ ನಡಪೆರೆ ಉಂಡು. ಧಾರ್ಮಿಕ ಲೇಸ್ ದ ಗುರ್ಕಾರ್ಮೆನ್ ಅಬಕಾರಿ ಇಲಾಖೆದ ನಿವೃತ ಆಯುಕ್ತರಾಯಿನ ಗೋಪಾಲಕೃಷ್ಣ ಗೌಡ ಎಂ. ಎ ವಹಿಸರೆ ಉಲ್ಲೆರ್. ಅಂಚನೆ ಕರ್ನಾಟಕ ದಕ್ಷಿಣ ಪ್ರಾಂತ ಭಜರಂಗದಳತ ಪ್ರಾಂತ ಸಹ ಸಂಯೋಜಕೇರಾಯಿನ ಶ್ರೀ ರಘು ಸಕಲೇಶಪುರ ದಿಕ್ಸೂಚಿ ಭಾಷಣ ಮಲ್ಪರೆ ಉಲ್ಲೆರ್. ಮಾತ್ರಶ್ರೀ ಸಹಪ್ರಮುಖ್ ಕರ್ನಾಟಕ ದಕ್ಷಿಣ ಪ್ರಾಂತ ದ ಶ್ರೀಮತಿ ಸುರೇಖಾ ರಾವ್ ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್.

ಕೊಡಗು : ಶಾಲೆದ ಉಲಯಿ ಬಜರಂಗದಳರ್ದ್ ಶಸ್ತ್ರಾಸ್ತ್ರ ತರಬೇತಿ : ಫೋಟೋ ವೈರಲ್

May 17, 2022

ಕೊಡಗು : ಕೊಡಗುದ ಪೊನ್ನಂಪೇಟೆ ತಾಲೂಕುದ ಸಾಯಿ ಶಂಕರ ಶಾಲೆಡ್ ಬಜರಂಗದಳರ್ದ್ ಅವ್ವೆತೋ ಜವಣ್ಯೆರೆಗ್ ಶಸ್ತ್ರಾಸ್ತ್ರ ತರಬೇತಿ ಕೊರಿನ ತೊಜೀದ್ ಬೈದುಂಡು . ಈ ಬಗ್ಗೆ ಫೋಟೋ ಸಾಮಾಜಿಕ ಜಾಲತಾಣಡ್ ಬರೊಂದು ಉಪ್ಪುನೆರ್ದಾವರ ಜನಕುಲು ಆಕ್ರೋಶ ವ್ಯಕ್ತ ಮಲ್ದೆರ್.

ಕೊಡಗುದ ಪೊನ್ನಂಪೇಟೆ ಸಾಯಿ ಶಂಕರ ಶಾಲೆಡ್ ಕರಿನ ವಾರ ಮುಗಿಯಿನ ಶೌರ್ಯ ಪ್ರಶಿಕ್ಷಣ ವರ್ಗಡ್ ಬಜರಂಗದಳದ ಕಾರ್ಯಂತೆರೆಗ್ ಶಸ್ತ್ರಾಸ್ತ್ರ ತರಬೇತಿ ಕೊರ್ತೆರ್ . ಶಾಲಾ ಜಾಲ್ ಡೇ ಸುಮಾರ್ 8 ದಿನ ಶೌರ್ಯ ಪ್ರಶಿಕ್ಷಣ ವರ್ಗದ ತರಬೇತಿ ಕೊರ್ತೆರ್ . ರಾಜ್ಯದ ಮಸ್ತ್ ಕಡೆರ್ದ್ ಬೈದಿನ ವಿಶ್ವ ಹಿಂದೂ ಪರಿಷತ್ ಬೊಕ್ಕ ಬಜರಂಗದಳ ಕಾರ್ಯಕರ್ತೆರ್ ತರಬೇತಿ ಪಡೆತೆರ್ . ಶಾಲಾ ಅಂಗಣಡ್ ಬಂದೂಕು ಪತ್ತ್ ದ್ ತರಬೇತಿ ಪಡೆಯಿನ ಬೊಕ್ಕ ಸಂಸ್ಥೆದ ಸಭಾಂಗಣಡ್ ತ್ರಿಶೂಲ ಪತ್ತ್ದ್ ದೀಕ್ಷೆ ಪಡೆಯೊಂದು ಇತ್ತಿನ ಚಿತ್ರ ಸಾಮಾಜಿಕ ಜಾಲತಾಣಡ್ ಬರೊಂದು ಉಂಡು .

ಶಿವಮೊಗ್ಗಡ್ ಬಜರಂಗದಳ ಕಾರ್ಯಂತೆನ್ ಕೆರಿನೆಕ್ಕ್ ಬಂದ್ : ಕಲ್ಲ್ ದಕ್ಕಿನ ಘಟನೆ : ಶಾಲಾ ಕಾಲೇಜ್ ಗ್ ರಡ್ಡ್ ದಿನ ರಜೆ ಘೋಷಣೆ

Feb 21, 2022

ಶಿವಮೊಗ್ಗ : ಜವಣ್ಯೆರ್ನ ಕೂಟ ಒಂಜಿ ಒರಿ ಜವಣ್ಯನ್ ತಲ್ವಾರ್ ಡ್ ಕೊಚ್ಚಿದ್ ಬರ್ಬರವಾದ್ ಕೆರಿನ ಘಟನೆ ಶಿವಮೊಗ್ಗ ಪೇಂಟೆದ ಸೀಗೆಹಟ್ಟಿಡ್ ನಡತ್oಡ್ .ಸೈತಿನಾಯೆ ಬಜರಂಗದಳದ ಕಾರ್ಯಂತೆ ಹರ್ಷ ಪಂದ್ ಗುರ್ತಿಸಾದೆರ್ . ಹರ್ಷ ಕ್ಯಾಂಟೀನ್ ದ ಕೈತಲ್ ಚಾ ಪರೊಂದು ಉಂತಿನ ಪೊರ್ತುಡು ಕಾರ್ ಡ್ ಬತ್ತಿನ ಜವಣ್ಯೆರ್ನ ಕೂಟ ಹರ್ಷನ ಮಿತ್ತ್ ತಲ್ವಾರ್ ದಾಳಿ ಮಲ್ದೆರ್ . ಐರ್ದ್ ಬೊಕ್ಕ ಆ ಜಾಗೆರ್ದ್ ಬಲ್ತ್ ದೆರ್.

ಈ ಪೊರ್ತುಡು ಅವ್ವೆ ಜಾಗೆಡ್ ಹರ್ಷ ಬೂರ್ದೆರ್ . ಅರೆನ್ ಮೆಗ್ಗಾನ್ ಆಸ್ಪತ್ರೆಗ್ ದಾಖಲ್ ಮಲ್ತೆರ್ .ಆಂಡ ಮಸ್ತ್ ಪೆಟ್ಟ್ ಆಯಿನೆರ್ದಾವರ ಹರ್ಷ ಮೆಗ್ಗಾನ್ ಆಸ್ಪತ್ರೆಡ್ ತೀರ್ ಪೋಯೆರ್ . ಈ ವಿಷಯ ತೆರಿನ ಜವಣ್ಯೆರ್ನ ಕೂಟ ಮೆಗ್ಗಾನ್ ಆಸ್ಪತ್ರೆಗ್ ಬತ್ತ್ ಸೇರ್ದೆರ್ . ಇಂಚಾದ್ ಮೆಗ್ಗಾನ್ ಆಸ್ಪತ್ರೆ ಕೈತಲ್ ಲಡಾಯಿದ ವಾತಾವರಣ ಸೃಷ್ಟಿಯಾತ್oಡ್ , ಇತ್ತೆ ವಿಷಯ ತೆರಿದ್ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಲಕ್ಷ್ಮಿಪ್ರಸಾದ್ ಮೆಗ್ಗಾನ್ ಆಸ್ಪತ್ರೆಗ್ ಭೇಟಿ ಕೊರ್ದು ಪರಿಶೀಲನೆ ನಡೆಪಾವೊಂದು ಉಲ್ಲೆರ್ .

ಮುಂಜಾಗ್ರತಾ ಕ್ರಮತ ನೆಲೆಟ್ಟ್ ಅಪಗನೆ 144 ಸೆಕ್ಷನ್ ನಿಷೇಧಾಜ್ಞೆ ಜಾರಿ ಮಲ್ದೆರ್ . ಪೇಂಟೆದ ಕೆಲವು ಕಡೆಟ್ ಬಿಗಿ ಪೊಲೀಸ್ ಬಂದೋಬಸ್ತ್ ಮಲ್ದೆರ್ .ಅಂಚನೆ ಶಿವಮೊಗ್ಗದ ಶಾಲಾ ಕಾಲೇಜ್ ಗ್ ರಜೆ ಕೊರ್ತೆರ್.
Bundh called for on the murder of Bajrang dal worker in Shimoga.

Two days holiday declared for schools and colleges.Shimoga: A Bajrang dal worker was hacked to death last night at Sheegehatti in Shimoga district.

The murdered youth has been identified as Harsha; who was attacked by a group of youth with weapons who assulted him and ran away.He breathed his last at Meggan hospital where he was admitted.A tense situation was observed ; so section 144 was declared as a precautionary measure . Police are investigating into the incident

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಕೇಂದ್ರ ರಾಜ್ಯೋಡು ಎಸ್‌ಡಿಪಿಐ ಬೊಕ್ಕ ಪಿಎಫ್‌ಐ ಸಂಘಟೆಕೆರ್ ಅಧಿಕಾರೊಡು ಉಲ್ಲೆರ್

Aug 17, 2021

ಕುಡ್ಲ : ಎಸ್‌ಡಿಪಿಐ ಬೊಕ್ಕ ಪಿಎಫ್‌ಐ ಸಂಘಟೆಲೆನು ನಮ್ಮ ದೇಶೊಡು ಬ್ಯಾನ್ ಮಲ್ಪೊಡು ಪಂದ್ ಕುಡ್ಲದ ವಿಶ್ವ ಹಿಂದು ಪರಿಷತ್ ಕಾರ್ಯದರ್ಶಿ ಶರಣ್ ಪಂಪ್‌ವೆಲ್ ಹೇಳಿಕೆ ಕೊರಿಯೆರ್.

ಪತ್ರಿಕಾಗೋಷ್ಠಿಡ್ ಪಾತೆರ್ದಿನ ಆರ್, “ಸ್ವಾತಂತ್ರ್ಯ ಅಮೃತ ಮಹೋತ್ಸವದ ಪರವಾದ್ ಆಗಸ್ಟ್ 15 ದಾನಿ ಪುತ್ತೂರ್ ದ ಕಡಬ ಗ್ರಾಮ ಪಂಚಾಯತ್ ವ್ಯಾಪ್ತಿಡ್ ಸ್ವಾತಂತ್ರ್ಯ ರಥದ ಯಾತ್ರೆಡು ಎಸ್‌ಡಿಪಿಐ ಬೊಕ್ಕ ಪಿಎಫ್‌ಐ ಸಂಘಟೆರ್ ಸೇರ್ದು ಸ್ವಾತಂತ್ರ್ಯ ರಥಕ್ ಉಪದ್ರ ಕನತಿನ ಅತ್ತoದೆ ಸಾಮಾಜಿಕ ಆಶಾಂತಿಗ್ಲ ಕಾರಣಿಕರ್ತೆರಾಯೆರು. ಯೇರ್ ದೇಶಗಾದು ಬಲಿದಾನ ಮಲ್ತೆರು ಅಂಚಿತ್ನoಕುಲೆನು ಗುರುತಿಸಾವುನ ಬೆಲೆ ಆಯೆರೆ ಬಲ್ಲಿ ಪನ್ಪುಪ ಉದ್ದೇಶಡ್ ಇಂಚ್ಚಿತ್ತಿನ ಕಾರ್ಯೊಗು ಅಡ್ಡಿ ಮಲ್ತೊಂದುಲ್ಲೆರ್”.

ಕರೀನ ಸುಮಾರ್ ವರ್ಷಡ್ದು ಬೇತೆ-ಬೇತೆ ರೀತಿಡ್ಎಂಕ್ಲೆನ ದೇಶನ್ ಲೂಟಿ ಮಲ್ಪುನು ಅತ್ತಂದೆ ಸಿಎ ನು ವಿರೋಧ ಮಲ್ಪನ ನೆಪಟ್ ಕುಡ್ಲ ಬೊಕ್ಕ ಬೆಂಗ್ಳೂರ್ ಡು ಪೊಲೀಸ್ ಠಾಣೆಗೂ ಸೂ.. ದೀಪುನ ಪ್ರಯತ್ನೊಲ ನಡತುಂಡು.

ಈ ನೆಲೆಟ್ಟ್ ಕೂಡ್ಲೆ ಸರಕಾರ ಎಂಕ್ಲೆನ ದೇಶಗಾದ್ ಒವು ಪೂರ ಲೂಟಿ ಮಲ್ತೆರು ಅವೆನ್‌ಪೂರ ಪರಿಗಣನೆಗ್ ದೆತೊಂದು ಈ ಸಂಘಟನೆನ್ ಬ್ಯಾನ್ ಮಲ್ಪೊಡು ಪಂದ್ ಪಂಡೆರ್.

ಕರ್ನಾಟಕ ಹಿಂದೂ ಜಾಗರಣ ವೇದಿಕೆದ ಉಪಾಧ್ಯಕ್ಷೆರಾಯಿನ ಕಿಶೋರ್ ಕುಮಾರ್, ಕುಡ್ಲ ಬಜರಂಗದಳದ ವಿಭಾಗ ಸಂಚಾಲಕೆರ್ ಭುಜಂಗ ಕುಲಾಲ್ ಪ್ರತಿಕಾಗೋಷ್ಠಿಡು ಪಾಲ್ ಪಡೆದಿತ್ತೆರ್.

ವಿಶ್ವ ಹಿಂದೂ ಪರಿಷತ್ ಬಜರಂಗದಳ ಕೋಡಿಕಲ್ ವತಿರ್ದ್ ನೆತ್ತೆರ್ ದಾನ ಶಿಬಿರ

Jun 6, 2021

ಕೋಡಿಕಲ್, ಜೂನ್ 6: ತಾರೀಖ್ 6/6/2021 ನೇ ಐತಾರ ಕಾಂಡೆ 8:30 ರ್ದ್ ಮಧ್ಯಾಹ್ನ 12 ಗಂಟೆ ಮುಟ ವಿಶ್ವ ಹಿಂದೂ ಪರಿಷತ್ ಬಜರಂಗದಳ ಕೋಡಿಕಲ್ ನೆತ್ತ ವತಿರ್ದ್ ವೆನ್ಲಾಕ್ ಆಸ್ಪತ್ರೆದ ಒಟ್ಟು ಸೇರಿಗೆಡ್ ನೆತ್ತೆರ್ ದಾನ ಶಿಬಿರ ನಡಪರೇ ಉಂಡು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ವಿಶ್ವ ಹಿಂದೂ ಪರಿಷದ್ ಬಜರಂಗದಳ ಬಂಟ್ವಾಳ ಪ್ರಖಂಡದ ಒಟ್ಟು ಸೇರಿಗೆಡ್ ಇನಿ ಸಾರ ಕಾರ್ಯಂತೆರ್ನ ನೆತ್ತೆರ್ ದಾನ ಶಿಬಿರ

Feb 7, 2021

ವಿಶ್ವ ಹಿಂದೂ ಪರಿಷದ್ ಬಜರಂಗದಳ ಬಂಟ್ವಾಳ ಪ್ರಖಂಡದ 10 ನೇ ವರ್ಷಚಾರಣೆದ ಪ್ರಯುಕ್ತ ಕೆ. ಎಂ. ಸಿ ಆಸ್ಪತ್ರೆ ಕುಡ್ಲ, ವೆನ್ಲಾಕ್ ಆಸ್ಪತ್ರೆ, ಎ. ಜೆ ಆಸ್ಪತ್ರೆ ಕುಡ್ಲ, ರೆಡ್ ಕ್ರಾಸ್ ಕುಡ್ಲ, ಬೊಕ್ಕ ಕೆ. ಎಸ್ ಹೆಗ್ಡೆ ಆಸ್ಪತ್ರೆ ದೇರಳಕಟ್ಟೆ ಮೆಕ್ಲೆನ ಒಟ್ಟು ಸೇರಿಗೆಡ್ ಸಾರ ಕಾರ್ಯಂತೆರ್ನ ನೆತ್ತೆರ್ ದಾನ ಶಿಬಿರ ಅಂಚನೇ ಕಾರ್ಯಂತೆರ್ನ ಸಮಾವೇಶ ತಾರೀಖ್ 7/2/2021 ನೇ ಐತಾರ ಕಾಂಡೆ 8ಗ್ ಬಿ. ಸಿ ರೋಡ್ ದ ಸ್ಪರ್ಶ ಕಲಾ ಮಂದಿರ ಡ್ ನಡಪರೆ ಉಂಡು ಪಂದ್ ಪ್ರಕಟಣೆ ಗ್ ತೆರಿಪಾದುಂಡು.