ಧರ್ಮಾರ್ಥ

ಧರ್ಮಾರ್ಥ ವೀಲ್ ಚೇರ್ ಪಟ್ಟುನ ಲೇಸ್

Aug 12, 2022

ಧರ್ಮಾರ್ಥ ವೀಲ್ ಚೇರ್ ಪಟ್ಟುನ ಲೇಸ್

ಒಡಿಪು : ರೋಟರಿ ಕ್ಲಬ್ ಸಾಯ್ಬರಕಟ್ಟೆ ಬೊಕ್ಕ ರೋಟರಿ ಕ್ಲಬ್ ಹಾಸನ ಹೊಯ್ಸಳ ಒಟ್ಟು ಸೇರಿಗೆಡ್ ಅರ್ಹರೆಗ್ ಧರ್ಮಾರ್ಥ ವೀಲ್‌ಚಯರ್ ಪಟ್ಟುನ ಲೇಸ್ ಅಟ್ಟನೆ ಮಲ್ದೆರ್ .

ಪಾಪದ ಅಂಗವಿಕಲೆರ್ , ನಡಪರೇ ಆವಂದಿನ ನಿಶ್ಶಕ್ತ ವಯೋವೃದ್ದರ ಕ್ಷೇಮಾಭಿವೃದ್ಧಿಗಾದ್ ಈ ವಿಶಿಷ್ಟ ಲೇಸ್ ಅಟ್ಟನೆ ಮಲ್ದೆರ್ , ಈ ಬಗ್ಗೆ ಆಸಕ್ತ ಫಲಾನುಭವಿಲು ಅಕ್ಲೆನ ಕುಟುಂಬಿಕರು ಈ ಸಂಖ್ಯೆ ಗ್ ಲೆಪ್ಪು ಕೊರೋಲಿ : ೯೮೮೬೮೩೨೦೦೮ ಪಂದ್ ರೋಟರಿ ಕ್ಲಬ್ ಸಾಯ್ಬರಕಟ್ಟೆ ನೆತ್ತ ಗುರ್ಕಾರ್ಲಾಯಿನ ಸನ್ಮತ್ ಹೆಗ್ಡೆ ಪತ್ರಿಕಾ ಪ್ರಕಟಣೆಡ್ ಪಂಡೆರ್ .

ಮೇ 17 ಕ್ಕ್ ಧರ್ಮಾರ್ಥ ಆರೋಗ್ಯ ತಪಾಸಣಾ ಶಿಬಿರ

May 14, 2022

ಒಡಿಪು : ಕಾರ್ಮಿಕ ಇಲಾಖೆ, ಆದರ್ಶ ಆಸ್ಪತ್ರೆ ಒಡಿಪು ಬೊಕ್ಕ ಕಡೆಕಾರು ಅಂಚನೆ ಅಂಬಲಪಾಡಿ ಗ್ರಾಮ ಪಂಚಾಯತ್‌ ದ ಒಟ್ಟು ಸೇರಿಗೇಡ್ ಕಡೆಕಾರು ಬೊಕ್ಕ ಅಂಬಲಪಾಡಿ ಗ್ರಾಪಂ ವ್ಯಾಪ್ತಿದ ಕಟ್ಟಡ ಹಾಗೂ ಇತರೆ ನಿರ್ಮಾಣ ಕಾರ್ಮಿಕೆರ್ ಬೊಕ್ಕ ಅಕ್ಲೆನ ಅವಲಂಬಿತೆರೆಗ್ ಧರ್ಮರ್ಥ ಆರೋಗ್ಯ ತಪಾಸಣಾ ಶಿಬಿರ ಮೇ ೧೭ಕ್ಕ್ ಕಾಂಡೆ ೧೦ ಗಂಟೆರ್ದ್ ಬಯ್ಯಗ್ ೬ ಗಂಟೆ ಮುಟ ಕಡೆಕಾರು ಗ್ರಾಪಂ ಸಭಾಭವನಡ್ ನಡಪೆರೆ ಉಂಡು .

Free medical camp on May 17th.

Udupi: The Labour department, Adarsha hospital, Udupi Kadekar and Ambalpady gram panchayat have come together and arranged a free medical camp on May 17th from morning 10a.m to 6p.m at Kadekar gram panchayat for the labourers working in the construction and associated fields in Kadekar and Ambalpady gram panchayat limits.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಲುನಾಡ್ ( ರಿ. ) ಕುಡ್ಲ ಎಗ್ಗೆ ಒಟ್ಟು ಸೇರಿಗೆಡ್ ಧರ್ಮಾರ್ಥ ” ಬಲೆ ತುಲು ಲಿಪಿ ಕಲ್ಪುಗ” ಕಜ್ಜ ಕೊಟ್ಯದ ಉದಿಪನ ಲೇಸ್

Feb 17, 2022

ಕುಡ್ಲ: ಬಂಗ್ರ ಕೂಳೂರ್ 16ನೇ ವಾರ್ಡ್ ಮೊಕ್ಲೆನ ಮುತಾಲಿಕೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಲುನಾಡ್ ( ರಿ. ) ಕುಡ್ಲ ಎಗ್ಗೆ ಒಟ್ಟು ಸೇರಿಗೆಡ್ ಧರ್ಮಾರ್ಥ ” ಬಲೆ ತುಲು ಲಿಪಿ ಕಲ್ಪುಗ” ಕಜ್ಜ ಕೊಟ್ಯದ ಉದಿಪನ ಲೇಸ್ ಕೋಡಿಕಲ್‌ದ SNDP ಮಂದಿರಡ್ 13/2/22ನೇ ಐತಾರದಾನಿ ನಡತ್ಂಡ್.

ಬಂಗ್ರ ಕೂಳೂರ್ 16ನೇ ವಾರ್ಡ್‌ದ ಕಾರ್ಪೊರೇಟರ್ ಬೊಕ್ಕ ಮ. ನ. ಪಾ ಸದಸ್ಯೆರ್ ಆಯಿನ ಶ್ರೀ ಕಿರಣ್ ಕುಮಾರ್ ಕೋಡಿಕಲ್ ಮೆರೆನ ಗುರ್ಕಾರ್ಮೆಡ್ ನಡತಿನ ಈ ಲೇಸ್‌ನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾಲಾಯಿನ ದಯಾನಂದ ಜಿ ಕತ್ತಲ್‌ಸಾರ್ ತುಡರ್ ಅರ್ಲಾದ್ ಉದಿಪನ ಮಲ್ತ್‌ದ್, ತುಲು ಲಿಪಿಟ್ ಬರೆಪಿನ ಮುಕೇನ ಕಜ್ಯ ಕೊಟ್ಯಗ್ ಚಾಲನೆ ಕೊರ್ಯೆರ್.

ಲೇಸ್‌ದ ಬಗೆಟ್ ಪಾತೆರ್‌ನ ದಯಾನಂದ್ ಜಿ ಕತ್ತಲ್‌ಸಾರ್ ಶ್ರೇಷ್ಠ ಸಮಾಜ ಸುಧಾರಕೆರ್ ಮಾರ್ಗದರ್ಶಿಲು ಪೂಜ್ಯೆರ್ ಆಯಿನ ನಾರಾಯಣ ಗುರುಕುಲೆನ ಮಟ್ಟೆಲ್ಡ್ ಅವುಲಾ ಈತ್ ನೊಟ್ಟ ತುಲುನಾಡ್ದ ಒವ್ವೆ ಜನಪ್ರತಿನಿಧಿನಕುಲು ಮಲ್ಪಂದಿನ ಬೇಲೆನ್ 16ನೇ ವಾರ್ಡ್ದ್ ಪ್ರತಿನಿಧಿ ಮಲ್ತೊಂದುಪ್ಪುನ ಬಾರಿ ವಿಶೇಷ ಪಂದ್ ಕುಸಿನ್ ಪಟ್ಟಿಯೆರ್. ಅಂಚೆನೇ ನಮ್ಮ ತುಲುನಾಡ್ದ ಸಂಸ್ಕೃತಿ ಒರಿಯೊಡಾಂಡ ಬಾಸೆ ಬುಲೆಯೊಡು ಐತ ಒಟ್ಟುಗು ಲಿಪಿನ್‌ಲಾ ಮಾತೆರ್ಲಾ ಕಲ್ಪೊಡು ಪಂಡೆರ್. ಆಯಿನಾತ್ ಮಾತೆರ್ಲಾ ಇಲ್ಲದ ಬೊಕ ಕಛೇರಿದ ವಿಳಾಸ ಬರೆನಗ ಅಕೇರಿಡ್ ತುಲುನಾಡ್ ಸೇರಿಸಾಲೆ ಪಂದು ಲೆಪ್ಪು ಕೊರಿಯೆರ್.

ಬಾರಿ ಪುಗಾರ್ತೆದ ನಿರೂಪಕೆರಾಯಿನ ನವೀನ್ ಶೆಟ್ಟಿ ಎಡ್ಮೆಮಾರ್ ಪಾತೆರ್ದ್ ನಮ ಅವೆತೋ ತುಲು ಶಬ್ದೊಲೆನ್ ಮದತ್‌ದ್ ಬುಡ್‌ತ ಅವೆನ್ ಪೂರ ಕುಡೊರ ಕಲ್ತ್‌ದ್ ಗಲಸ್‌ಗ ಪಂಡೆರ್.

ಜೈ ತುಲುನಾಡ್‌‌ ಸಂಘಟನೆದ ದುಂಬುದ ಗುರ್ಕಾಲಾಯಿನ ಸುದರ್ಶನ್ ಸುರತ್ಕಲ್ ಪಾತೆರ್ದ್ ನಮ್ಮ ಅಪ್ಪೆ ಬಾಸೆ ಒರಿಯೊಡಾಂಡ ಐಕ್ ನನೊರಿ ದಾದ ಮಲ್ಪುವೆ ಪಂದ್ ಕಾಪುನು ಆತ್ತ್ ನಮಡ್ದ್ ದಾದ ಮಲ್ಪರೆ ಆಪುಂಡು ಅವೆನ್ ನಮ ಮಲ್ಪುಗ ಪಂದ್ ಲೆಪ್ಪು ಕೊರಿಯೆರ್.

ಕಿರಣ್ ಕುಮಾರ್ ಕೋಡಿಕಲ್ ಮೇರ್ ಪಾತೆರ್ದ್ ಸಮಾಜ ಸೇವೆ ಮಲ್ಪುನ ಎಂಕ್ಲೆಗ್ ಇಲ್ಲಡ್ದೇ ಬೈದಿನ ಪಾಠ, ತುಲು ಬಾಸೆ ಲಿಪಿ ಸಂಸ್ಕೃತಿದ ಬುಲೆಚ್ಚಿಲ್ ಗ್ ಎನಡ್ದ್ ಆಪಿನ ಪೂರ ಸಕಾಯನ್ ಕೊರ್ಪೆ ಪಂಡೆರ್.ಲೇಸ್‌ಡ್ ಮಾನಾದಿಗೆದ ಬಿನ್ನೆರಾದ್ ಸುಧೀಕ್ಷಾ ಕಿರಣ್ MA (ತುಳು) ಕೋಶಾಧಿಕಾರಿ ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ ಕುಡ್ಲ ಮೇರ್ ಪಾಲ್ ಪಡೆದಿತ್ತೆರ್. ಅಶ್ವಥ್ ತುಲುವೆ (ಜೈ ತುಲುನಾಡ್ ಸಂಘಟನೆದ ದುಂಬುದ ಗುರ್ಕಾಲು) ಬೊಕ್ಕ SNDP ಮಂದಿರದ ಗುರ್ಕಾರೆ ಆಯಿನ ಪುರುಷೋತ್ತಮ ಪೂಜಾರಿ ಮಾನಾದಿಗೆದ ಒತ್ತು ಪಾಲ್ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್.

ಬಂಗ್ರ ಕೂಳೂರ್ 16ನೇ ವಾರ್ಡ್ ದ ಸರ್ವ ಕಾರ್ಯಕರ್ತೆರ್, ಜೈ ತುಲುನಾಡ್ (ರಿ.) ಪದುಕೆರ್ ,ತುಲು ಲಿಪಿ ಕಲ್ಪಾದಿ ಗೀತಾ ಲಕ್ಷ್ಮೀಶ್ ಲೇಸ್ಡ್ ಪಾಲ್ ಪಡೆದಿತ್ತೆರ್. ಜೈ ತುಲುನಾಡ್ ಸಂಘಟನೆದ ಸ್ಥಾಪಕ ಸದಸ್ಯೆ ಆಯಿನ ಅವಿನಾಶ್ ಮುಕ್ಕ ಲೇಸ್ ಸುದಾರಿಕೆ ಮಲ್ತ್‌ದ್ ಕೊರಿಯೆರ್.ನನ ಐನ್ ಐತಾರ ಕಾಂಡೆ10 ರ್ದ್ 12 ಗಂಟೆ ಮುಟ ತುಲು ಲಿಪಿ ಕಲ್ಪಾವುನ ಕಜ್ಜ ನಡಪರೆ ಉಂಡು ಮಾತೆರ್ಲಾ ಆಯಿನಾತ್ ಸಂಕ್ಯೆಡ್ ಪಾಲ್ ಪಡೆಯೊಡು ಪಂದು ಪತ್ರಿಕಾ ಪ್ರಕಟನೆಡ್ ತೆರಿಪಾದೆರ್.

ಕರಿಯಕಲ್ಲು ಧರ್ಮಾರ್ಥ ಕಣ್ಣ್ ತಪಾಸಣಾ ಶಿಬಿರ

Jan 31, 2022

ಕಾರ್ಲ : ಕರಿಯಕಲ್ಲು ಶ್ರೀ ಸತ್ಯಸಾರಾಮಣಿ ಅಲೇರ ಪಂಜುರ್ಲಿ ಬೊಕ್ಕ ಪರಿವಾರ ದೈವದ ಕ್ಷೇತ್ರ ಸಮಿತಿ ಇಂದಿರಾನಗರ ಒಟ್ಟು ಸೇರಿಗೆಡ್ ಪ್ರಸಾದ್ ನೇತ್ರಾಲಯ ಒಡಿಪು ಒಟ್ಟು ಸೇರಿಗೆಡ್ ಕ್ಷೇತ್ರದ ವಠಾರಡ್ ಜ. 30 ತಾರೀಖ್ ಗ್ ಧರ್ಮಾರ್ಥ ಕಣ್ಣ್ ತಪಾಸಣಾ ಶಿಬಿರ ನಡತುಂಡು.

. ಪ್ರಸಾದ್ ನೇತ್ರಾಲಯದ ಸಾರ್ವಜನಿಕ ಸಂಪರ್ಕಾಧಿಕಾರಿ ಮಧುಕರ್, ಸತ್ಯಸಾರಮಣಿ ಅಲೇರಾ ಪಂಜುರ್ಲಿ ಕ್ಷೇತ್ರ ಸಮಿತಿ ಗುರ್ಕಾರ್ದಿ ಆಯಿನ ನಿಶಾ ನಾಯರ್, ಹಿರಿಯಂಗಡಿ ದುರ್ಗಾಪರಮೇಶ್ವರಿ ದೇವಸ್ಥಾನದ ಆಡಳಿತ ಮೊಕ್ತಸರ ಗಿರೀಶ್ ರಾವ್, ಜಿ.ಪಂ. ಮಾಜಿ ಸದಸ್ಯೆ ದಿವ್ಯಾ ಗಿರೀಶ್ ಅಮೀನ್, ಗ್ರಾ.ಪಂ. ಸದಸ್ಯ ಸತೀಶ್ ಅಮೀನ್, ವಿಶ್ವ ಹಿಂದು ಪರಿಷತ್ ಭಜರಂಗದಳ ಪ್ರಮುಖೆರಾಯಿನ ಜಗದೀಶ್ ಪೂಜಾರಿ ಸಾಣೂರು, ವಿಠಲ ಗುರುಸ್ವಾಮಿ, ವಿ.ಹಿ.ಪ. ಸಾಣೂರು ಕಾರ್ಯದರ್ಶಿ ರಜತ್ ಜತನ್, ಉದ್ಯಮಿ ವಿಜಯ ಶೆಟ್ಟಿ ಪಾಲ್ ಪಡೆದಿತ್ತೆರ್.

ಪುತ್ತೂರು ದಶಮಾನೋತ್ಸವ ಬೊಕ್ಕ ಧರ್ಮಾರ್ಥ ಆರೋಗ್ಯ ತಪಾಸಣಾ ಶಿಬಿರ

Dec 31, 2021

ಒಡಿಪು : ಪುತ್ತೂರು ಬ್ರಾಹ್ಮಣ ಮಹಾಸಭಾದ ಅಗಸಂಸ್ಥೆ ಆಪದ್ಭಾಂದವ ಸಮಿತಿದ ದಶಮಾನೋತ್ಸವದ ಉದಿಪನದ ಲೇಸ್ ಶನಿವಾರ ನಡತುಂಡು . ಈ ಪೊರ್ತುಡು ದಶಮಾನೋತ್ಸವದ ಪರವಾದ್ ಆರೋಗ್ಯ ತಪಾಸಣಾ ಶಿಬಿರ ನಡತ್oಡ್ . ಲೇಸ್ ನ್ ಉಡುಪಿ ಜಿಲ್ಲಾ ಆರೋಗ್ಯಾಕಾರಿ ಡಾ.ನಾಗಭೂಷಣ ಉಡುಪ ಉದಿಪನ ಮಲ್ತೆರ್ .

ಮಲ್ಲ ಬಿನ್ನೆರ್ ಆದ್ ನಿವೃತ್ತ ಆರೋಗ್ಯಾಕಾರಿ ಡಾ.ರಾಮಚಂದ್ರ ಬಾಯರಿ, ಉಡುಪಿ ಗಾಂಧಿ ಆಸ್ಪತ್ರೆ ವೈದ್ಯಕೀಯ ಆರಕ್ಷಕ ಡಾ.ವ್ಯಾಸರಾಜ ತಂತ್ರಿ, ಪಾಲ್ ಪಡೆದಿತ್ತೆರ್ . ಬ್ರಾಹ್ಮಣ ಮಹಾಸಭಾದ ಗುರ್ಕಾರ್ಲಾಯಿನ ದುರ್ಗಾಪ್ರಸಾದ್ ಭಾರ್ಗವ ಕಾರ್ಯಕ್ರಮದ ಗುರ್ಕಾರ್ಮೆ ವಹಿಸ್ ದಿತ್ತೆರ್ . ಬ್ರಾಹ್ಮಣ ಮಹಾಸಭಾದ ಗುರ್ಕಾರ್ಲಾಯಿನ ಕೃಷ್ಣಮೂರ್ತಿ ಭಟ್, ಆಪದ್ಭಾಂದವ ಸಮಿತಿದ ಸುಬ್ರಹ್ಮಣ್ಯ ಉಡುಪ, ವಿದ್ಯಾನಿ ಅಧ್ಯಕ್ಷ ಚಂದ್ರಶೇಖರ ಅಡಿಗ ಪಾಲ್ ಪಡೆದಿತ್ತೆರ್.

ಧರ್ಮಾರ್ಥ ಚಿತ್ರಕಲಾ ಶಿಬಿರ

Nov 26, 2021

ಒಡಿಪು : ಸೃಜನಶೀಲತೆ, ಏಕಾಗ್ರತೆ ಬೊಕ್ಕ ಮನೋ ಚೈತನ್ಯನ್ ಗಟ್ಟಿ ಮಲ್ಪುನ ನೆಲೆಟ್ಟ್ 18 ವರ್ಷರ್ದ್ 75 ವರ್ಷ ಮುಟದ ಜನಕ್ಲೆಗ್ ಪೃಶಾ ಸೇವಾ ಟ್ರಸ್ಟ್, ಒಡಿಪು -ಮಣಿಪಾಲ ಬೊಕ್ಕ ತ್ರಿವರ್ಣ ಕಲಾ ಕೇಂದ್ರ, ಮಣಿಪಾಲದ ವತಿರ್ದ್ ಚಿತ್ರಕಲಾ ಕಾರ್ಯಾಗಾರನ್ ಡಿ.5ಕ್ಕ್ ಕಾಂಡೆ 9 ಗಂಟೆರ್ದ್ ಬೈಯ್ಯಗ್ 5.30 ಮುಟ ಮಣಿಪಾಲದ ತ್ರಿವರ್ಣ ಕಲಾ ಗ್ಯಾಲರಿಡ್ ಅಟ್ಟನೆ ಮಲ್ದೆರ್.

ಮುಲ್ಕಿ- ಬೆದ್ರ ಬ್ಲಾಕ್ ಕಾಂಗ್ರೆಸ್ ರ್ದ್ ಕೊರೊನಾ ಸಂತ್ರಸ್ತೆರೆಗ್ ಧರ್ಮಾರ್ಥ ಆಂಬುಲೆನ್ಸ್

May 4, 2021

ಮುಲ್ಕಿ : ಕೊರೊನಾ ಸೀಕ್ ದಕಲೆನ ಸೇವೆಗಾದ್ ಮುಲ್ಕಿ ಬೆದ್ರ ಬ್ಲಾಕ್ ಕಾಂಗ್ರೆಸ್ ವತಿರ್ದ್ ಧರ್ಮಾರ್ಥ ಆಂಬುಲೆನ್ಸ್ ಸೇವೆಗ್ ಕುಡ್ಲದ ಮಲ್ಲಿಕಟ್ಟೆದ ಕಾಂಗ್ರೆಸ್ ಕಚೇರಿದಲ್ಪ ಸೋಮಾರ ಚಾಲನೆ ತಿಕ್ ದ್ಂಡ್.ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಯುವ ನಾಯಕೆರ್, ಮುಲ್ಕಿ- ಬೆದ್ರ ಕ್ಷೇತ್ರದ ಉಸ್ತುವಾರಿ ಮಿಥುನ್ ರೈ ಈ ಲೇಸ್ ಡ್ ಪಾಲ್ ಪಡೆಯೆರ್.
ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ಈ ವಿಚಾರೊಡು ಸುದ್ದಿಗೋಷ್ಠಿಡ್ ಪಾತೆರ್ದ್, ಬಡವೆರೆನ ಸೇವೆ ಮಲ್ಪರೆ ಮಾಜಿ ಪ್ರಧಾನಿ ದಿ. ಇಂದಿರಾ ಗಾಂಧಿ ಪ್ರೇರಣೆ. ಕೊರೊನಾದ ಪೊರ್ತುಡು ಆಸ್ಪತ್ರೆ ಸೇರ್ಸಾವರೆ ಅಂಬುಲೆನ್ಸ್ ನ್ ಉಚಿತವಾದ್ ಕೊರೊಂದುಲ್ಲ ಪಂಡೆರ್.
ಈ ಅಂಬುಲೆನ್ಸ್ ಗ್ ಯಾನ್ 50 ಸಾರ ರೂಪಾಯಿ, ಉದ್ಯಮಿ ಶ್ರೀಪತಿ ಆಚಾರ್ಯ 50 ಸಾರ ರೂಪಾಯಿ ದೇಣಿಗೆ ಕೊರ್ತ. ಬೆದ್ರದ ಸಿ.ಎಚ್. ಮೆಡಿಕಲ್ಸ್ ದಕುಲು ಆಂಬುಲೆನ್ಸ್ ಡ್ ಆಕ್ಸಿಜನ್ ಜೋಡಣೆ ಮಲ್ದೆರ್. ಸೌಹಾರ್ದ ಫ್ರೆಂಡ್ಸ್ ಕ್ಲಬ್ ದಕುಲು ಈ ಆಂಬುಲೆನ್ಸ್ ನ್ ರೋಗಿನಕ್ಲೆನಡೆ ಮುಟ್ಟಾವುನ ಕೆಲಸ ಮಲ್ತೊಂದದುಲ್ಲೆರ್ ಪಂಡ್ ದ್ ಅಭಯಚಂದ್ರ ಜೈನ್ ತೆರಿಪಾಯೆರ್.