ಜಿಲ್ಲಾ

ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಹೆಲ್ಪ್ಲೈನ್ ವತಿರ್ದ್ ಜನಾಂದೋಲನ ಲೇಸ್

ಕುಡ್ಲ , ಜೂ.25: ‘ಮಾತೆರೆಗ್ಲಾ ಉಚಿತ ಲಸಿಕೆ’ ಪಂದ್ ಹೋರ್ಡಿಂಗ್ ಪಾಡಿನ ಮಲ್ಲಿಕಟ್ಟೆದ ಕೈತಲ್ ಪೋಯಿನ ದ.ಕ. ಜಿಲ್ಲಾ ಕಾಂಗ್ರೆಸ್ ಹೆಲ್ಪ್‌ಲೈನ್‌ದ ನಿಯೋಗ ‘ಮಾತೆರೆಗ್ಲಾ ಲಸಿಕೆ. ಆಂಡ , ಉಚಿತ ಲಸಿಕೆ ಓಲುಂಡು ?’ ಪಂದ್ ಪ್ರಶ್ನೆ ಮಲ್ಪುನ ಮುಖೇನ ಗುರುವಾರ ಜನಾಂದೋಲನ ಕಾರ್ಯಕ್ರಮ ನಡಪಾಯೆರ್ .

ಲೇಸ್ ಉದಿಪನ ಮಲ್ತ್ ಪಾತೆರಿನ ಮಾಜಿ ಸಚಿವ, ಶಾಸಕ ಯು.ಟಿ. ಖಾದರ್ ‘ನಾಮಫಲಕ ಮಾತ್ರವೇ ಉಚಿತ ಅತ್ತoದೆ ಲಸಿಕೆ ಧರ್ಮದ ಇಜ್ಜಿ . ಇಂಚ ಸುಳ್ಳು ಪನ್ಪಿನವು ನಾಚಿಗೆ ಪಂದ್ ಪಂಡೆರ್ ಕರಿನ 7 ವರ್ಷರ್ದ್ ಮಾತಾ ಅಶ್ವಾಸನೆಲೆನ್ ಕೊರ್ದು ವಂಚನೆ ಮಲ್ತಿನ ಕೇಂದ್ರ ಬೊಕ್ಕ ರಾಜ್ಯ ಸರಕಾರ, ಇತ್ತೇ ಉಚಿತ ಲಸಿಕೆ ಕೊರಂದೆ ವಂಚನೆ ಮಲ್ತೊಂದು ಉಲ್ಲೆರ್ ಪಂದ್ ಅಗ್ರಹ ಮಲ್ತೆರ್ .

ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ವತಿರ್ದ್ ಜವಹರಲಾಲ್ ನೆಹರು ಪುಣ್ಯತಿಥಿ

ಕುಡ್ಲ , ಮೇ 28: ದ.ಕ.ಜಿಲ್ಲಾ ಕಾಂಗ್ರೆಸ್ ಸಮಿತಿದ ವತಿರ್ದ್ ದೇಶದ ಪ್ರಥಮ ಪ್ರಧಾನಿ ಪಂಡಿತ್ ಜವಾಹರ್ ಲಾಲ್ ನೆಹರೂ ಪುಣ್ಯತಿಥಿ ಗುರುವಾರ ಪೇಂಟೆದ ಮಲ್ಲಿಕಟ್ಟೆದ ಕಾಂಗ್ರೆಸ್ ಕಚೇರಿಡ್ ನಡತುಂಡು.

ಈ ಪೊರ್ತುಡು ಪೆರಿಯ ಸ್ವಾತಂತ್ರ್ಯ ಹೋರಾಟಗಾರ, ಶತಾಯುಷಿ ಎಚ್.ಎಸ್. ದೊರೆಸ್ವಾಮಿ, ವಿಧಾನಸಭೆ ಮಾಜಿ ಸ್ಪೀಕರ್ ಕೆ.ಆರ್.ಪೇಟೆ ಕೃಷ್ಣ ಸೇರಿನಂಚ ತೀರ್ ಪೋಯಿನ ಗಣ್ಯೆರೆಗ್ ಶ್ರದ್ಧಾಂಜಲಿ ಮಲ್ತೆರ್ .

ಲೇಸ್ ಡ್ ಜಿಲ್ಲಾ ಮಹಿಳಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಶಾಲೆಟ್ ಪಿಂಟೊ, ಜಿಲ್ಲಾ ಕಾಂಗ್ರೆಸ್ ಒಬಿಸಿ ಗುರ್ಕಾರ್ಲಾಯಿನ ವಿಶ್ವಾಸ್ ಕುಮಾರ್ ದಾಸ್, ಜಿಲ್ಲಾ ಕಾಂಗ್ರೆಸ್ ಕಾರ್ಮಿಕ ಘಟಕಾಧ್ಯಕ್ಷ ಲಾರೆನ್ಸ್ ಡಿಸೋಜ, ರಾಜೀವ್ ಗಾಂಧಿ ಪಂಚಾಯತ್‌ರಾಜ್ ಸಂಘಟನೆದ ಗುರ್ಕಾರ್ಲಾಯಿನ ಶುಭೋದಯ ಆಳ್ವ, ಎನ್‌ಎಸ್‌ಯುಐ ಜಿಲ್ಲಾಧ್ಯಕ್ಷ ಸವಾದ್ ಸುಳ್ಯ, ಕಾರ್ಪೊರೇಟರ್‌ ಆಯಿನ ಜೆಸಿಂತಾ ವಿಜಯ್ ಆಲ್ಫ್ರೆಡ್, ಕೇಶವ ಮರೋಳಿ, ಮುಖಂಡೆರಾಯಿನ ಪದ್ಮನಾಭ ಅಮೀನ್, ಮುಹಮ್ಮದ್ ಕುಂಜತ್ತಬೈಲ್, ಶಬ್ಬೀರ್ ಎಸ್, ಅಬ್ದುಲ್ ಖಾದರ್ ಏರ್‌ಪೋರ್ಟ್, ನಝೀರ್ ಬಜಾಲ್, ಸಿ.ಎಂ.ಮುಸ್ತಫಾ, ನವಾಝ್ ಜೆಪ್ಪು, ಎ.ಆರ್.ಇಮ್ರಾನ್, ಫಯಾಝ್, ಯೂಸುಫ್ ಉಚ್ಚಿಲ್ ಪಾಲ್ ಪಡೆದ್ ಇತ್ತೆರ್.