ಮಣಿಪಾಲ

ಸಾಹಿತಿ ಕೆ ಸತ್ಯನಾರಾಯಣ ಕೃತಿಗ್ ವಿ.ಎಂ ಇನಾಮ್ದಾರ್ ಮಾನದಿಗೆ

ಒಡಿಪು , ಸೆ.17: ಕನ್ನಡದ ಖ್ಯಾತ ವಿಮರ್ಶಕ ಪ್ರೊ.ವಿ.ಎಂ.ಇನಾಂದಾರ್ ನೆಂಪುಡು ಕೊರ್ಪಿನ 2020ನೇ ಸಾಲ್ ದ ‘ಇನಾಂದಾರ್ ಮಾನದಿಗೆಗ್ ಕನ್ನಡದ ಪೆರಿಯಾ. ಲೇಖಕ, ಸಾಹಿತಿ ಬೊಕ್ಕ ಕಾದಂಬರಿಕಾರೆರಾಯಿನ ಕೆ. ಸತ್ಯನಾರಾಯಣ ಮೆರ್ನ ‘ಚಿನ್ನಮ್ಮನ ಲಗ್ನ 1893’ ಬೂಕು ಆಯ್ಕೆ ಆತುಂಡು ಪಂದ್ ಒಡಿಪುದ ರಾಷ್ಟ್ರಕವಿ ಗೋವಿಂದ ಪೈ ಸಂಶೋಧನ ಕೇಂದ್ರದ ಆಡಳಿತಾಧಿಕಾರಿ ಡಾ.ಬಿ. ಜಗದೀಶ್ ಶೆಟ್ಟಿ ಪಂಡೆರ್.

ಸೆ.24ಕ್ಕ್ ನಡಪುನ ಎಂಜಿಎಂ ಕಾಲೇಜ್ ದ ವಾರ್ಷಿಕ ಸಾಹಿತ್ಯೋತ್ಸವದ ಪೊರ್ತುಡು ಕೆ. ಸತ್ಯನಾರಾಯಣ ಮೆರೆಗ್ ಈ ಮಾನದಿಗೆ ಮಲ್ಪರೆ ಉಲ್ಲೆರ್ ಪಂದ ಪ್ರಕಟಣೆಡ್ ಪಂಡೆರ್ .

ಸಿ.ಎ ಪರೀಕ್ಷೆಡ್ ದೇಶಗ್ ಪ್ರಥಮ ಶ್ರೇಣಿ ಪಡೆಯಿನ ರುತ್ ಕ್ಲ್ಯಾರ್ ಡಿಸಿಲ್ವಗ್ ತುಳುನಾಡ ರಕ್ಷಣಾ ವೇದಿಕೆ ವತಿರ್ದ್ ಮಾನದಿಗೆ

ಕುಡ್ಲ :ಚಾರ್ಟರ್ಡ್ ಅಕೌಂಟೆಂಟ್ ಪರೀಕ್ಷೆಡ್ ದೇಶಗ್ ಸುರುತ ಶ್ರೇಣಿ ಪಡೆಯಿನ ಕುಡ್ಲದ ರುತ್ ಕ್ಲ್ಯಾರ್ ಡಿಸಿಲ್ವರೆಗ್ ತುಳುನಾಡ ರಕ್ಷಣಾ ವೇದಿಕೆ ವತಿರ್ದ್ ತುಳುನಾಡ ರಕ್ಷಣ ವೇದಿಕೆ ಕಛೇರಿಡ್ ಶಾಲು ಪಾರ್ದ್ , ಸ್ಮರಣಿಕೆ ಕೊರ್ದು ಮಾನದಿಗೆ ಮಲ್ತೆರ್.

ತುಳುನಾಡ ರಕ್ಷಣಾ ವೇದಿಕೆ ಸ್ಥಾಪಕಾಧ್ಯಕ್ಷರಾಯಿನ ಯೋಗಿಶ್ ಶೆಟ್ಟಿ ಜೆಪ್ಪು ಮೇರ್ ರುತ್ ಕ್ಲ್ಯಾರ್ ಡಿಸಿಲ್ವರೆಗ್ ಪೂತ ಗುಚ್ಛ ಕೊರ್ದು , ಪಣವೂ ಕೊರ್ದು ಮಾನದಿಗೆ ಮಲ್ತೆರ್.
ಈ ಪೊರ್ತುಡು ತುಳುನಾಡ ರಕ್ಷಣಾ ವೇದಿಕೆದ ಮುಖಂಡೆರಾಯಿನ ಜ್ಯೋತಿಕಾ ಜೈನ್, ಗೈಟಸ್ ಲೋಬೋ, ಜೋಸೆಫ್ ಲೋಬೋ, ವರ್ಷಿತಾ ಸಂದೀಪ್, ಶಾನ್ ಡಿಸೋಜ, ಮುನೀರ್ ಮುಕ್ಕಚ್ಚೇರಿ, ರಾದಿಕಾ, ಗೈಟನ್ ರೋಡ್ರಿಗಸ್, ಇರ್ಫಾನ್ ಕಲ್ಲಾಪು,ನಂದಗೋಪಾಲ್, ತನ್ವೀರ್, ವೀರೇಶ್ ಪಾಲ್ ಪಡೆದಿತ್ತೆರ್.

ಸ್ವಯಂ ನಿವೃತ್ತಿ ಕೋರ್ದು ಅರ್ಜಿ ಸಲ್ಲಿಸಾಯಿನ ಪೆರಿಯ ಐಪಿಎಸ್ ಅಧಿಕಾರಿ

ಬೆಂಗ್ಳೂರು : ನಿವೃತ್ತಿಗ್ ನನಲ ಮೂಜಿ ವರ್ಷ ಬಾಕಿ ಉಪ್ಪುನಗನೇ , ಪೆರಿಯ ಐಪಿಎಸ್ ಅಧಿಕಾರಿ, ಪ್ರಸ್ತುತ ರೈಲ್ವೆ ಇಲಾಖೆದ ಪೊಲೀಸ್ ಎಡಿಜಿಪಿಯಾಯಿನ ಭಾಸ್ಕರ್ ರಾವ್ ( IPS officer Bhaskar Rao ) ಮೇರ್ , ಸ್ವಯಂ ನಿವೃತ್ತಿ ಕೋರ್ದು , ಅರ್ಜಿ ಪಾರ್ದೆರ್ .

1990ನೇ ಕರ್ನಾಟಕ ಕೇಡರ್ ಐಪಿಎಸ್ ಅಧಿಕಾರಿಯಾಯಿನ ಪೆರಿಯಾ ಐಪಿಎಸ್ ಅಧಿಕಾರಿ ಭಾಸ್ಕರ್ ರಾವ್ ( 1990 batch IPS officer Bhaskar Rao ) ಮೇರ್ , ಈ ದುಂಬು ಬೆಂಗ್ಳೂರು ನಗರ ಪೊಲೀಸ್ ಕಮೀಷನರ್ ಆದ್ ಬೇಲೆ ಮಲ್ದೆರ್.

ಕಾರ್ಲ : 29 ಜನಕ್ ಕೊರೊನಾ ಪಾಸಿಟಿವ್

ಕಾರ್ಲ : ಒಡಿಪುಡು ಸೆ. 16ಕ್ಕ್ 113 ಕೊರೊನಾ ಪಾಸಿಟಿವ್ ವರದಿಯಾತುಂಡು . ಒಡಿಪು ತಾಲೂಕುಡು 70, ಕುಂದಾಪುರ 12, ಕಾರ್ಲ 29, ಹೊರ ಜಿಲ್ಲೆದ ರಡ್ಡ್ ಜನಕ್ ಕೊರೊನಾ ಪಾಸಿಟಿವ್ ದೃಢ ಆತುಂಡು .