ಬಿಜೆಪಿ

ಬಂಟ್ವಾಳ : ಬಿಜೆಪಿ ಕಚೇರಿಡ್ ದೀನ್ ದಯಾಳ್ ಉಪಾಧ್ಯಾಯ ಪುಟ್ಟು ಪರ್ಬ

ಬಂಟ್ವಾಳ: ಬಿಜೆಪಿ ಬಂಟ್ವಾಳ ಕ್ಷೇತ್ರ ಸಮಿತಿ ವತಿರ್ದ್ ಪಂಡಿತ್ ದೀನದಯಾಳ್ ಉಪಾಧ್ಯಾಯ ಮೆರೆನ ಪುಟ್ಟು ಪರ್ಬ ಶನಿವಾರ ಬಿಜೆಪಿ ಬಂಟ್ಚಾಳ ಕ್ಷೇತ್ರ ಕಚೇರಿಡ್ ನಡತುಂಡು .

ಅಂತ್ಯೋದಯ ಕಲ್ಪನೆದೊಟ್ಟುಗು ಪಕ್ಷ ಕಟ್ಟಿನ ದೀನ್ ದಯಾಳ್ ಉಪಾಧ್ಯಾಯೆರ್ನ ಕನ ಇನಿ ಸಾಕಾರ ಆಂಡ್ ಪಂದ್ ಪುರ್ಪ ಅರ್ಚನೆ ಮಲ್ತ್ ಬಂಟ್ವಾಳ ಶಾಸಕ ರಾಜೇಶ್ ನಾಯ್ಕ್ ಉಳಿಪ್ಪಾಡಿ ಪಾತೆರಿಯೆರ್ .

ಬಿಜೆಪಿ ಕ್ಷೇತ್ರಾಧ್ಯಕ್ಷ ದೇವಪ್ಪ ಪೂಜಾರಿ ಗುರ್ಕಾರ್ಮೆ ವಹಿಸ್ದಿತ್ತೆರ್. ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ರಾಮದಾಸ ಬಂಟ್ಚಾಳ, ಕ್ಷೇತ್ರ ಪ್ರಧಾನ ಕಾರ್ಯದರ್ಶಿ ರವೀಶ್ ಶೆಟ್ಟಿ ಕಾರ್ಕಳ ಮತ್ತರ್ ಮೆಡ್ ಇತ್ತೆರ್ . ಕ್ಷೇತ್ರ ಪ್ರಧಾನ ಕಾರ್ಯದರ್ಶಿ ಡೊಂಬಯ ಲೇಸ್ ನಡಪಾದ್ ಕೊರಿಯೆರ್.

Bantwal: Dean Dayal Upadhyaya Birthday Celebrated at BJP Office!

Bantwal: Pandit Deenayal Upadhyaya’s birth anniversary celebrations by BJP Bantwal constituency committee were held on Saturday at the BJP Buntchal constituency office.

Bantwal MLA Rajesh Naik Ulippadi, who ran the program, said that the idea of ​​Deen Dayal Upadhyaya, the party that built the party with the idea of ​​the end, is coming true today.
Kionics president and BJP district vice president K. Harikrishna Bantwala delivered the keynote address.

BJP Vice-President Devappa Poojaryy presided over the function. District General Secretary Ramadasa Buntchala and Field Secretary General Raveesh Shetty were on the platform of Karkala. Field Secretary Dombaya Arala presented the program.

ದೇವಸ್ಥಾನ ದರ್ತಿನ ಬಿಜೆಪಿ ಸರ್ಕಾರದ ವಿರುದ್ಧ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಪಾದಯಾತ್ರೆ,ಪ್ರತಿಭಟನೆ

ಮುಲ್ಕಿ : ನಂಜನಗೂಡು ದ ಮಹದೇವಮ್ಮ ದೇವಸ್ಥಾನೊನು ದರ್ಪಾಯಿನ ಕ್ರಮ ಬಿಜೆಪಿದ ಮುಖವಾಡೊನು ಬಯಲ್ ಮಲ್ದ್ಂಡ್. ಒಟ್ಟಾರೆ 5700 ದೇವಸ್ಥಾನ, ಮಸೀದಿ, ಇಗರ್ಜಿಲು ಈ ಪಟ್ಟಿಡ್ ಉಂಡು ಪಂದ್ ತೆರಿದ್ ಬೈದ್ಂಡ್. ಉಂದೆತ್ತ ವಿಚಾರೊಡು ಸರಕಾರದ ಸ್ಪಷ್ಟ ನಿಲುವು ದಾದ ಪಂದ್ ತೆರಿಪಾವೊಡುಂದು ಕಾಂಗ್ರೆಸ್ ಯುವ ನಾಯಕೆರ್ ಮಿಥುನ್ ರೈ ಆಗ್ರಹ ಮಲ್ತೆರ್. ದೇವಸ್ಥಾನ ದರ್ಪಾಯಿನ ರಾಜ್ಯ ಸರ್ಕಾರದ ಕ್ರಮೊನು ಖಂಡಿಸಾದ್ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ದಕುಲು ಗುರುವಾರ ಕಾರ್ನಾಡ್ ರ್ದ್ ಮುಲ್ಕಿ ಬಸ್ಸ್ ಸ್ಟ್ಯಾಂಡ್ ಮುಟ್ಟ ಅಟ್ಟಣೆ ಮಲ್ದಿತ್ತಿನ ಪಾದಯಾತ್ರೆದ ಮುಗಿತಲದ ಲೇಸ್ ಡ್ ಆರ್ ಪಾತೆರಿಯೆರ್.

ಬಿಜೆಪಿದಕುಲು ಒಂಜಿ ಕಣ್ಣ್ ಗ್ ಬೆಣ್ಣೆ ಬೊಕ್ಕೊಂಜಿ ಕಣ್ಣ್ ಗ್ ಸುಣ್ಣ ಪಾಡುನಕುಲು. ಒಂಜಿ ಮೈಟ್ ದೇವಸ್ಥಾನ ಪುಡತ್ ದ್ ಬೊಕ್ಕೊಂಜಿ ಕಡೆಟ್ಟ್ ಪ್ರತಿಭಟನೆ ಮಲ್ಪುವೆರ್. ಅಕುಲು ಮಲ್ಪುನ ಪ್ರತಿಭಟನೆ ಏರ್ನ ವಿರುದ್ಧ ಪಂದ್ ಮಿಥುನ್ ರೈ ಪ್ರಶ್ನೆ ಮಲ್ತೆರ್.
ದಿಕ್ಸೂಚಿ ಭಾಷಣ ಮಲ್ತಿನ ಸಮಾಜ ಚಿಂತಕೆರ್ ಸುಧೀರ್ ಮರೋಳಿ ಪಾತೆರ್ದ್, ಕಾಂಗ್ರೆಸ್ ಪಾಡುನ ಕೇಸರಿ ಶಾಲ್ ಸೌಹಾರ್ದದ ಶಾಲ್. ಕೇಸರಿ ಕಾಂಗ್ರೆಸ್ ದ ಬಾವುಟೊಡೇ ಉಂಡು. ಬಿಜೆಪಿ ನಾಟಕ ಮಲ್ಪುನೆನ್ ಉಂತಾವೊಡು ಪಂಡೆರ್.
ಕಾಂಗ್ರೆಸ್ ವೈದ್ಯಕೀಯ ಪ್ರಕೋಷ್ಠದ ಅಧ್ಯಕ್ಷೆರ್ ಡಾ.ಶೇಖರ ಪೂಜಾರಿ, ಕೆಪಿಸಿಸಿ ಕೋಆರ್ಡಿನೇಟರ್ ವಸಂತ ಬೆರ್ನಾಡ್, ರಾಜ್ಯ ಯುವ ಕಾಂಗ್ರೆಸ್ ನಾಯಕಿ ದೀಪಿಕಾ ರೆಡ್ಡಿ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್, ಯುವ ಕಾಂಗ್ರೆಸ್ ಅದ್ಯಕ್ಷೆರ್ ಅಶೋಕ್ ಪೂಜಾರ ಮಿತ್ತರ್ಮೆಡ್ ಇತ್ತೆರ್. ಕೆಪಿಸಿಸಿ ಹಿಂದುಳಿದ ವರ್ಗದ ಕಾರ್ಯದರ್ಶಿ ಪ್ರವೀಣ್ ಬೊಳ್ಳೂರು, ಗುರುರಾಜ್, ಮುಲ್ಕಿ ನಗರ ಪಂಚಾಯತ್ ಸದಸ್ಯೆರ್ ಪುತ್ತು ಬಾವ, ಯೋಗೀಶ್ ಕೋಟ್ಯಾನ್ , ಬಾಲಚಂದ್ರ ಕಾಮತ್ , ಜನಾರ್ದನ ಬಂಗೇರ, ಪಂಚಾಯತ್ ಸದಸ್ಯೆರ್ ಧನರಾಜ್ ಸಸಿಹಿತ್ಲು, ಅನಿಲ್ ಸಸಿಹಿತ್ಲು, ಚಂದ್ರ ಕುಮಾರ್, ಸುರೇಶ್ ಪಂಜ, ನವೀನ್ ಸಾಲ್ಯಾನ್, ಕೇಶವ ಪೂಜಾರಿ, ಶ್ರೀಧರ ಪಂಜ ಮೊಕುಲು ಮಾತ ಇತ್ತೆರ್.
ಶರತ್ ಶೆಟ್ಟಿ ಕಿನ್ನಿಗೋಳಿ ಲೇಸ್ ಸುಧಾರಿಕೆ ಮಲ್ತೆರ.

ಒಡಿಪು ಗ್ರಾಮಾಂತರ ಬಿಜೆಪಿ ಅಲ್ಪಸಂಖ್ಯಾತ ಮೋರ್ಚಾವತಿರ್ದ್ ಬೃಹತ್ ನೆತ್ತೆರ್ದಾನ ಶಿಬಿರ

ಒಡಿಪು : ಭಾರತೀಯ ಜನತಾ ಪಾರ್ಟಿ ಒಡಿಪು ಗ್ರಾಮಾಂತರ ಅಲ್ಪಸಂಖ್ಯಾತಮೋರ್ಚಾ ಗುರ್ಕಾರ್ಲಾಯಿನ ಸುನೀತಾ ಡಿ.ಸೋಜಾ ಮೆರ್ನ ಮುತಾಲಿಕೆಡ್ ಅಲ್ಪಸಂಖ್ಯಾತ ಮೋರ್ಚಾ ವತಿರ್ದ್ ತಾರೀಖ್ 29.8.2021 ಗ್ ಉನ್ನತಿ ಸಭಾಭವನಡ್ “ಸ್ವಯಂಪ್ರೇರಿತ ಬೃಹತ್ ನೆತ್ತೆರ್ದಾನ ಶಿಬಿರ ನಡತುಂಡು . ಶಿಬಿರನ್ ಬಿಜೆಪಿ ಜಿಲ್ಲಾ ಗುರ್ಕಾರ್ಲಾಯಿನ ಕುಯಿಲಾ ಡಿ.ಸುರೇಶ್ ನಾಯಕ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.

ಈ ಪೊರ್ತುಡು ಒಡಿಪು ಗ್ರಾಮಾಂತರ ಬಿಜೆಪಿ ಗುರ್ಕಾರ್ಲಾಯಿನ ವೀಣಾವಿ. ನಾಯ್ಕ್, ಪ್ರಧಾನ ಕಾರ್ಯದರ್ಶಿ ಗಣೇಶ್ ಕುಲಾಲ್, ರಾಜ್ಯ ಕಾರ್ಯದರ್ಶಿ ಸಲೀಂಅಂಬಾಗಿಲು, ಉಡುಪಿ ಜಿಲ್ಲಾ ಅಲ್ಪಸಂಖ್ಯಾತ ಮೋರ್ಚಾ ಜಿಲ್ಲಾ ಗುರ್ಕಾರ್ಲಾಯಿನ ದಾವೂದ್ ಅಬೂಬಕ್ಕರ್, ಪ್ರಧಾನ ಕಾರ್ಯಂತೆರಾಯಿನ ಶೇಖ್ ಆಶೀಫ್, ಅಲ್ವಿನ್ಡಿಸೋಜ, ಪ್ರಭಾರಿ ಗಿಲ್ಬರ್ಟ್, ರಾಜಶ್ರೀ ಮಸ್ಕರೇನಸ್, ರೆಡ್ಕ್ರಾ ಸ್ಸಂಸ್ಥೆದ ಜಯಕರ್ ಶೆಟ್ಟಿ , ಪಕ್ಷದ ಪ್ರಮುಖೆರ್ , ಕಾರ್ಯಂತೆರ್ ಪಾಲ್ ಪಡೆದಿತ್ತೆರ್ .

ಬಿಜೆಪಿ ರಾಜ್ಯಾಧ್ಯಕ್ಷರಾದ್ ರಡ್ಡ್ ವರ್ಷ ಪೂರ್ಣ |ಶ್ರೀ ಕ್ಷೇತ್ರ ಧರ್ಮಸ್ಥಳಗ್ ಬೇಟಿ ಕೊರ್ನ ನಳಿನ್ ಕುಮಾರ್

ಧರ್ಮಸ್ಥಳ : ಬಿಜೆಪಿ ರಾಜ್ಯಾಧ್ಯಕ್ಷರಾದ್ ಯಶಸ್ವೀ 2 ವರ್ಷ ಪೂರೈಸಿನ ನೆಲೆಟ್ಟ್ ಶ್ರೀ ನಳಿನ್ ಕುಮಾರ್ ಕಟೀಲ್ ಮೇರ್ ಕೋಡೆ ಶ್ರೀ ಕ್ಷೇತ್ರ ಧರ್ಮಸ್ಥಳಗ್ ಭೇಟಿ ಕೊರ್ದು ಶ್ರೀ ಮಂಜುನಾಥ ಸ್ವಾಮಿನ ದರ್ಶನ ಪಡೆಯೆರ್ .

ಐರ್ದ್ ಬೊಕ್ಕ ಶ್ರೀ ಕ್ಷೇತ್ರದ ಧರ್ಮಾಧಿಕಾರಿಗಲಾಯಿನ ಪೂಜ್ಯ ಶ್ರೀ ವೀರೇಂದ್ರ ಹೆಗ್ಗಡೆರೆನ್ ಭೇಟಿ ಮಲ್ತ್ ಆಶೀರ್ವಾದ ಪಡೆಯೆರ್ .ಈ ಪೊರ್ತುಡು ಬೆಳ್ತಂಗಡಿದ ಶಾಸಕೆರಾಯಿನ ಹರೀಶ್ ಪೂಂಜ ಬೊಕ್ಕ ಬೆಳ್ತಂಗಡಿ ಬಿಜೆಪಿ ಮಂಡಲ ಗುರ್ಕಾರ್ಲಾಯಿನ ಜಯಂತ್ ಕೋಟ್ಯಾನ್ ಒಟ್ಟುಗಿತ್ತೆರ್ .