ತುಳು ಚಲನಚಿತ್ರ

ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವೊಗು ಆಯ್ಕೆ ಆಂಡ್ ತುಳು ಚಲನಚಿತ್ರ “ಭರತ್ “

Apr 28, 2021

ಕುಡ್ಲ : ವೈಷ್ಣವ ಪ್ರೊಡಕ್ಷನ್ಸ್, ರತ್ನಗಿರಿ ಬೊಕ್ಕ ಮಹಾರಾಷ್ಟ್ರ ತುಳುವೆರ್ನ ಒಟ್ಟುಸೇರಿಗೆಡ್ ಅದ್ದೂರಿ ಕರ್ಚಿಡ್ ನಿರ್ಮಾಣ ಆತಿನ “ಭರತ್” ಪನ್ಪಿನ ಪುದರ್ ದ ಚಲನಚಿತ್ರ ತುಳು , ಕನ್ನಡ ಸೇರ್ದ್ 7 ಬಾಷೆಲೆಡ್ ಬುಡುಗಡೆ ಆವರೆ ಉಂಡು.

ತುಳುನಾಡ್ದ ಸಂಸ್ಕೃತಿ ಬೊಕ್ಕ ಕೆಲಸ ನಾಡೊಂದು ಬೊಂಬೈಗ್ ಬೈದಿನ ತುಳುವೆರ್ನ ಮನಸ್ ಡ್ ಉಪ್ಪುನ ತುಳುನಾಡ್ದ ಮಿತ್ತ್ ದ ಮೋಕ್ಯೆ, ಅಭಿಮಾನ ಅಂಚೆನೇ 100 ವರ್ಸೊರ್ದಿಂಚಿದ ತುಳುವೆರೆನ ಜೀವನ ಶೈಲಿ, ಬುಲೆಚ್ಚಿಲ್, ನಂಬಿಕೆ ಆಚರಣೆಲೆನ್ ಜಗತ್ತ್ ಗ್ ತೋಜಿಪಾವುನ ಪ್ರಯತ್ನ ಈ ಸಿನಿಮೊಡು ಉಂಡು.
ಅಂಚೆನೇ ತುಳುನಾಡ್ದ ಜಾನಪದ ಸಂಸ್ಕೃತಿಗ್ ಬೊಕ್ಕ ತುಳುವೆರೆಗ್ ತಿಕ್ಕೊಡಾಯಿನ ಮಾನಾದಿಗೆದ ವಿಚಾರೊಡು ಬೊಲ್ಪು ತೋಜಾವುನ ಎಲ್ಯ ಪ್ರಯತ್ನೊಡು ಯಶಸ್ಸ್ ತೋಜುನ ಈ ಪೊರ್ತುಡು ಚಿತ್ರತಂಡದಕುಲು ಜರ್ಮನಿದ ಟೋನಿ ಅಂದ್ರೇವ್ ಮೇರ್ನ vfx ತಂತ್ರಜ್ಞಾನೊನು ಗಲಸೊಂದು ಮಲ್ಲ ಛಾಯಾಗ್ರಾಹಕೆರ್ ಅಂಚೆನೇ ಬೊಂಬೈ ಬೊಕ್ಕ ಚೆನ್ನೈ ತಂತ್ರಜ್ಞೆರ್ನ ಪ್ರಯತ್ನೊಡು ಶೂಟಿಂಗ್ ಮುಗಿತ್ ದೆರ್.

ಬೊಂಬೈದ ದಯಾ ಎಸ್. ಪೂಜಾರಿ ಮೇರ್ನ ನಿರ್ದೇಶನ, ಆರತಿ ಚೆನ್ನೈ ಮೆರೆನ ಸಂಗೀತ ನಿರ್ದೇಶನ ಪಿಚ್ಚರ್ ಗ್ ಒಂಜಿ ಅದ್ಬುತ ರೂಪ ಕೊರ್ತುಂಡು.ವಿಶೇಷ ಬೊಕ್ಕ ವಿನೂತನ ಪ್ರಯತ್ನೊಡು ಶೂಟಿಂಗ್ ಮುಗಿನೇ 2021 ರ ಲೊಕೇನೋವ ಅಂತಾರಾರಾಷ್ಟ್ರೀಯ ಚಲನಚಿತ್ರೋತ್ಸವಗ್ “ಭರತ್” ಪಿಚ್ಚರ್ ಆಯ್ಕೆ ಆತ್ಂಡ್.ಜೂನ್ ಸುರುತ್ತ ವಾರೊಡು ಮರಾಠಿ ಬೊಕ್ಕ ತುಳು ಬಾಸೆಡ್ ಪಿಚ್ಚರ್ ಬುಡುಗಡೆಗ್ ತಯಾರಾತ್ಂಡ್.ತುಳುವೆರ್ನ ಈ ಪ್ರಯತ್ನೊಗು ಮಾತೆರ್ಲ ಆಶೀರ್ವಾದ ಮಲ್ತ್ ದ್ ಸಹಕಾರ ಕೊರ್ಪರ್ ಪಂಡ್ ದ್ ವಿಶ್ವಾಸ ದೀವೊಂದೆರ್
ಭರತ್ ಚಿತ್ರ ತಂಡದಕುಲು ಬೊಕ್ಕ ವೈಷ್ಣವ ಪ್ರೊಡಕ್ಷನ್ಸ್ ರತ್ನಗಿರಿ ಮೊಕುಲು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

‘ಪೆಪ್ಪೆರೆರೆ ಪೆರೆರೆರೆ’ ತುಳು ಚಲನಚಿತ್ರ ಕುಡ್ಲ ಟಾಕೀಸ್‌ಡ್ ಬುಡುಗಡೆ

Mar 8, 2021

ಕುಡ್ಲ , ಮಾ.8: ನಿಶಾನ್ ವರುಣ್ ಮೂವೀಸ್ ಬ್ಯಾನರ್‌ದಡಿ ತಯಾರ್ ಆತಿನ ವಿಜಯ್ ಶೋಭರಾಜ್ ಪಾವೂರು ನಿರ್ದೇಶನದ ‘ಪೆಪ್ಪೆರೆರೆ ಪೆರೆರೆರೆ’ ತುಳು ಚಲನಚಿತ್ರ ಐತಾರ ನಮ್ಮ ಕುಡ್ಲ ಟಾಕೀಸ್ ಡ್ ಬುಡುಗಡೆ ಆಂಡ್.

ಲೇಸ್ ನ್ ಉದಿಪನ ಮಲ್ತ್ ದ್ ಪಾತೆರಿನ ಕುದ್ರೋಳಿ ಶ್ರೀ ಗೋಕರ್ಣನಾಥೇಶ್ವರ ದೇವಸ್ಥಾನದ ಕೋಶಾಧಿಕಾರಿ ಆರ್. ಪದ್ಮರಾಜ್ ತುಳು ಸಿನಿಮಾಗ್ ಥಿಯೇಟರ್ ಸಮಸ್ಯೆ ನೀಗಿಸಾವುನ ಪ್ರಯತ್ನ ನಮ್ಮ ಕುಡ್ಲ ಟಾಕೀಸ್ ಮುಖೇನ ಆವೊಂದು ಉಂಡು. ಇತ್ತೆದ ದಿನಟ್ ಕುಟುಂಬದ ಅಂತರ ಜಾಸ್ತಿ ಆವೊಂದು ಉಪ್ಪುನ ಪೊರ್ತುಡು ಇಲ್ಲಡೆ ಕುಲ್ದು ಸಿನಿಮಾ ಕುಟುಂಬ ಸಮೇತ ತೂಪಿನ ಮುಖೇನ ಮಾತೆರ್ಲ ಒಟ್ಟು ಸೇರುವೆರ್. ಮನರಂಜನೆದ ಒಟ್ಟುಗು ಸಮಾಜಗ್ ಸಂದೇಶ ಕೊರ್ಪಿನ ಸಿನಿಮಾರ್ದ್ ಮನಸ್ಸ್ ಗ್ ನೆಮ್ಮದಿಲಾ ತಿಕ್ಕುಂಡು ಪಂದ್ ಪಂಡೆರ್.

ತುಳು ಚಲನಚಿತ್ರ ನಟೆ ಸುರೇಂದ್ರ ಬಂಟ್ವಾಳ್ ಮೆರೆನ್ ಬರ್ಬರವಾದ್ ಕೆರ್ತೆರ್.

Oct 22, 2020

ಬಂಟ್ವಾಳ ಬಂಢಾರಿಬೆಟ್ಟು ನಿವಾಸಿಯಾಯಿನ ಸುರೇಂದ್ರ ಬಂಟ್ವಾಳ್ ಮೇರ್ ಬಿ. ಸಿ ರೋಡ್ ದ ಫ್ಲ್ಯಾಟ್ ಡ್ ವಾಸವಾದಿತ್ತೆರ್ , ಅಲ್ಪನೇ ಅರೆನ್ ಕೆರ್ತೆರ್.ಅಂಗಾರೆ ರಾತ್ರಿ ಕೆರ್ದುಪ್ಪೆರ್ ಪನ್ಪಿನ ಸಂಶಯ ಉಂಡು, ಕೋಡೆ ಮಧ್ಯಾಹ್ನ ಈ ಪ್ರಕರಣ ತೋಜಿದು ಬೈದುಂಡು.

Bantwal: Tulu filmmaker Surendra Bantwal was brutally murdered in a residential complex here. Surendra Bantwal, a resident of Bantharybuttu, lived in a flat on the hot road and was murdered there. The murder was reported Tuesday night, and the case came to light this afternoon. Surendra Bantwal, who had previously been actively involved in the organization, left the organization.