ಕೊರೋನ

ಒಡಿಪು: ಶನಿವಾರದ ಲಸಿಕೆದ ವಿವರ

ಒಡಿಪು ಜೂನ್ 19: ಪೇಂಟೆಡ್ ಜೂ.19ರ ಶನಿವಾರ ಕೋವ್ಯಾಕ್ಸಿನ್ ಸುರುತ್ತ ಡೋಸ್ ಲಸಿಕೆ ಒಲ್ಪಲಾ ಲಭ್ಯ ಇಜ್ಜಿ . ಪೇಂಟೆದ ಸರಕಾರಿ ತಾಯಿ ಬೊಕ್ಕ ಜೋಕ್ಲೆನ ಆಸ್ಪತ್ರೆ (ಬಿಆರ್ ಶೆಟ್ಟಿ)ಡ್ ಜೂ.25ತ್ತ ಉಲಯಿ ವಿದೇಶ ಪ್ರಯಾಣ ಮಲ್ಪುನಕ್ಲೆಗ್ ಕೋವಿಶೀಲ್ಡ್ ಸುರುತ ಡೋಸ್ ಲಸಿಕೆ ದೆತೊoದು 28 ದಿನ ಆಯಿನಕ್ಲೆಗ್ ಮಾತ್ರ 2ನೇ ಡೋಸ್ ಕೋವಿಶೀಲ್ಡ್ ಲಸಿಕೆ (100 ಡೋಸ್) ಕಾಂಡೆ 9:30ರ್ದ್ ಬೈಯ್ಯ 4:30 ಮುಟ ಉಂಡು .

ಉತ್ತರ ಕನ್ನಡದ ಪತ್ರಕರ್ತೆರೆಗ್ ಕೋವಿಡ್ ಕಿಟ್

ಭಟ್ಕಳ, ಜೂನ್ 18: ಮಾಜಿ ಸಚಿವೆರ್ ಹಳಿಯಾಳ ಕ್ಷೇತ್ರದ ಶಾಸಕೆರ್ ಆಯಿನ ಆರ್.ವಿ.ದೇಶಪಾಂಡೆ ಮೇರ್ ಉ.ಕ ಜಿಲ್ಲೆದ ಸುಮಾರ್ 250 ಪತ್ರಕರ್ತರೆಗ್ ಆರೋಗ್ಯ ಕಿಟ್ ಕೊರ್ತೆರ್, ಗುರುವಾರ ಭಟ್ಕಳದ ಕಾಂಗ್ರೆಸ್ ಕಾರ್ಯಲಯಡ್ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಸಂತೋಷ್ ನಾಯ್ಕ ಭಟ್ಕಳದ ಪತ್ರಕರ್ತೆರೆಗ್ ಹಸ್ತಾಂತರ ಮಲ್ತೆರ್ .

ಕೊರೋನ ಗೆಂದಿನ ಒಡಿಪುದ ಕೃಷ್ಣನುಗ್ರಹದ ಜೋಕುಲು

ಒಡಿಪು, ಜೂನ್ 15: ಅನಾಥ ಜೋಕ್ಲೆನ ಆಶಾಕಿರಣ ಆಯಿನ ಸಂತೆಕಟ್ಟೆಡುಪ್ಪುನ ಕೃಷ್ಣಾನುಗೃಹ ಪುನರ್ ವಸತಿ ಬೊಕ್ಕ ದತ್ತು ಸ್ವೀಕಾರ ಕೇಂದ್ರದ ಜೋಕುಲು ಕೊರೊನಾ ಗೆಂದ್ ದೆರ್ .

ಮೇ 26 ತಾರೀಖ್ ಗ್ ಅನಾಥಾಶ್ರಮದ ಕೆಲವು ಜೋಕ್ಲೆಗ್ ಸೋಂಕು ಬತ್ತಿತ್ತುಂಡು . ಅಪಗನೆ ಸೋಂಕಿತ ಜೋಕ್ಲೆಗ್ 14 ದಿನತ ಮರ್ದ್ ಕೊರ್ದು ನೆಗೆಟಿವ್ ಕೋವಿಡ್‌ ವರದಿ ಬತ್ತಿನ ಜೋಕ್ಲೆನ್ ನರ್ಸಿಂಗ್ ಕಾಲೇಜು ಕಟ್ಟಡಗ್ ಸ್ಥಳಾಂತರ ಮಲ್ತ್ ಐಸೊಲೇಷನ್ ವ್ಯವಸ್ಥೆ ಮಲ್ತೆರ್ . ಇತ್ತೇ ಮಾತಾ ಜೋಕುಲು ಕುಡ ಅನಾಥಾಶ್ರಮಗ್ ಬೈದೆರ್ ಪಂದ್ ಸಿಬ್ಬಂದಿ ತೆರಿಪಾದೆರ್ .

ಕೊರೋನ ಪರೀಕ್ಷೆ ಜಾಸ್ತಿ ಮಲ್ಪರೆ ಜಿಲ್ಲಾಧಿಕಾರಿ ಸೂಚನೆ

ಕುಡ್ಲ, ಜೂನ್ 14 : ದಕ್ಷಿಣ ಕನ್ನಡ ಜಿಲ್ಲೆಡ್ ಪಾಸಿಟಿವಿಟಿ ಪ್ರಮಾಣ ಕಮ್ಮಿ ಆವಂದಿನ ನೆಲೆಟ್ಟ್ ಜಿಲ್ಲೆಡ್ ಟೆಸ್ಟಿಂಗ್ ಪ್ರಮಾಣ ಜಾಸ್ತಿ ಮಲ್ಪರೆ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಡಾ.ಕೆ.ವಿ.ರಾಜೇಂದ್ರ ಅಧಿಕಾರಿಲೆಗ್ ಸೂಚನೆ ಕೊರ್ತೆರ್ .

ಜಿಲ್ಲಾಧಿಕಾರಿ ಕಚೇರಿಡ್ ನಡತಿನ ನಡತಿನ ಅಧಿಕಾರಿಲೆನ ಸಭೆಟ್ ಡಿಸಿ ಈ ಸೂಚನೆನ್ ಕಟ್ಟುನಿಟ್ಟಾದ್ ಪಾಲನೆ ಮಲ್ಪರೆ ಸೂಚನೆ ಕೊರ್ತೆರ್ . ಜಿಲ್ಲೆಡ್ ನನ ಪಾಸಿಟಿವ್ ಬತ್ತಿನ ಸೋಂಕಿತೆರ್ನ ಇಲ್ಲದ ಕೈತಲ್ ಉಪ್ಪುನ 50 ಇಲ್ಲಡ್ ಮಾತೆರೆಗ್ಲಾ ಖಾಡ್ಡಾಯವಾದ್ ಕೊರೊನಾ ಟೆಸ್ಟ್ ನಡಪಾವೊಡು ಪಂದ್ ಪಂಡೆರ್.