ಕೊರೋನ

ರಾಜ್ಯೊಡು ಸೋಮವಾರ 1386 ಜನಕ್ ಕೊರೋನ ದೃಢ

ಬೆಂಗ್ಳೂರು, ಜು.13: ರಾಜ್ಯಡ್ ಸೋಮವಾರ 1,386 ಪೊಸ ಕೊರೋನ ಪ್ರಕರಣ ದೃಢ ಆತುಂಡು . 61 ಜನ ಸೋಂಕುಗು ಬಲಿಯಾತೆರ್ 3,204 ಜನ ಹುಷಾರ್ ಆತೆರ್.

ರಾಜ್ಯಡ್ ಇತ್ತೇ ಒಟ್ಟು ಸೋಂಕಿತೆರ್ನ ಸಂಖ್ಯೆ 28,72,684ಕ್ ಮುಟ್ಟುದುಂಡು . ಇತ್ತೇ ಮುಟ ಒಟ್ಟು ಸೈತಿನಕ್ಲೆನ ಸಂಖ್ಯೆ 35,896ಕ್ಕ್ ಮುಟ್ಟುದುಂಡು .
ಒಟ್ಟು ಸಕ್ರಿಯ ಕೊರೋನ ಪ್ರಕರಣ ಸಂಖ್ಯೆ 34,858ಕ್ಕ್ ಜಾಸ್ತಿ ಆತುಂಡು ಪಂದ್ ಆರೋಗ್ಯ ಅಧಿಕಾರಿ ತೆರಿಪಾದೆರ್.

ಜೋಕ್ಲೆಗ್ ಉಚಿತ ಸಿಇಟಿ ತರಬೇತಿ

ಬೆಂಗ್ಳೂರು, ಜುಲೈ 11 :ದಯಾನಂದಸಾಗರ್‌ ಸಂಸ್ಥೆರ್ದ್ ಸಿಇಟಿ ಜೋಕ್ಲೆಗಾದ್ ಅಟ್ಟನೆ ಮಲ್ತಿನ ಉಚಿತ ಆನ್‌ಲೈನ್‌ ತರಗತಿಗ್ ಉಪಮುಖ್ಯಮಂತ್ರಿಲಾಯಿನ ಉನ್ನತ ಶಿಕ್ಷಣ ಸಚಿವ ಡಾ.ಸಿ.ಎನ್‌.ಅಶ್ವತ್ಥನಾರಾಯಣ ಚಾಲನೆ ಕೊರಿಯೆರ್ .

ಶುಕ್ರವಾರ ಮಲ್ಲೇಶ್ವರದ 18ನೇ ಅಡ್ಡರಸ್ತೆಡ್ ಉಪ್ಪುನ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರಡ್ ನಡತಿನ ಲೇಸ್ ಡ್ ಪಾತೆರಿನ ಆರ್,ದಯಾನಂದ ಸಾಗರ್‌ ಸಂಸ್ಥೆದ ಈ ಕಾರ್ಯ ಸಿಇಟಿ ಬರೆಯರೆ ಉಪ್ಪುನ ಜೋಕ್ಲೆಗ್ ಎಚ್ಚ ಅನುಕೂಲ ಆಯೆರೆ ಉಂಡು .

ಆನ್‌ಲೈನ್‌ ಮುಖೇನ ಸೂಕ್ತ ಬೊಕ್ಕ ಸಮರ್ಥ ರೀತಿಡ್ ಕೊರಿಯರೆ ಉಂಡು ಪಂದ್ ವಿಶ್ವಾಸ ಕೊರಿಯೆರ್ .ವೃತ್ತಿಪರ ಕೋರ್ಸ್‌ದ ಪ್ರವೇಶಗ್ ಸಿಇಟಿಬರೆಯರೆ ಉಪ್ಪುನ ಜೋಕ್ಲೆಗ್ ಆನ್‌ಲೈನ್ ಮುಖೇನ ನುರಿತ ಉಪನ್ಯಾಸಕೆರ್ನ ಮುಖೇನ ಭೌತಶಾಸ್ತ್ರ, ರಸಾಯನಶಾಸ್ತ್ರ, ಗಣಿತ ಬೊಕ್ಕ ಜೀವಶಾಸ್ತ್ರವಿಷಯದ ತರಗತಿನ್ ಆನ್‌ಲೈನ್‌ ಮುಖೇನ ದಯಾನಂದ ಸಾಗರ್‌ ಸಂಸ್ಥೆ ಕೊರಿಯರೆ ಉಂಡು ಪಂದ್ ಪಂಡೆರ್.

ಮೊಡಂಕಾಪುಡು ಪೊಸ ರೋಟರಿ ಕ್ಲಬ್ ಉದಿಪನ

ಮೊಡಂಕಾಪು, ಜುಲೈ 4:ರೋಟರಿ ಕ್ಲಬ್ ಬಂಟ್ವಾಳ ನೆತ್ತ ಮುತಾಲಿಕೆಡ್ ಮೊಡಂಕಾಪುಡು ಪೊಸ ರೋಟರಿ ಕ್ಲಬ್ ದ ಉದಿಪನ ನಡತುಂಡು . ಈ ಕ್ಲಬ್ ದ ಚಾರ್ಟರ್ ಕೊರ್ಪಿನ ಲೇಸ್ ಜೂನ್ 28ನೇ ತಾರೀಖ್ ಗ್ ಜೂಮ್ ಮೀಟಿಂಗ್ ಮುಖೇನ ಬಂಟ್ವಾಳ ರೋಟರಿ ಕ್ಲಬ್ ದ ಗುರ್ಕಾರ್ಲಾಯಿನ ಕೆ. ನಾರಾಯಣ ಹೆಗ್ಡೆ ಮೆರ್ನ ಗುರ್ಕಾರ್ಮೆಡ್ ನಡತುಂಡು.

ಪೊಸ ಕ್ಲಬ್ ದ ಗುರ್ಕಾರಲಾದ್ ಇಲಿಯಾಸ್ ಸ್ಯಾಂಕ್ತಿಸ್, ಕಾರ್ಯದರ್ಶಿಯಾದ್ ಪಿ.ಎರಹೀಮ್, ಖಜಾಂಚಿಯಾದ್ ಪ್ರೀ ಮಾ ವಾಯ್ಲೆಟ್ ಫೆರ್ನಾಂಡಿಸ್, ಉಪಾಧ್ಯಕ್ಷರಾದ್ ವಿ.ಕೆ ಪ್ರಸನ್ನ ಕುಮಾರ್, ನಿರ್ದೇಶಕೆರಾದ್ ಕ್ಲಬ್ ಸೇವೆ – ದಿವಾಕರ್ ಶೆಟ್ಟಿ ಪರಾರಿಗುತ್ತು, ಸುಮುದಾಯ ಸೇವೆ – ರೋಶನ್ ರೈ, ವೃತ್ತಿ ಸೇವೆ – ಸುನೀಲ್‍ಕುಂದರ್, ಅಂತರಾಷ್ಟ್ರೀಯ ಸೇವೆ – ರೋಶನ್ ಪ್ರೇ ಮ್ ಡಿಸೋಜ, ಯುವ ಜನಸೇವೆ – ಪ್ರಖ್ಯಾತ್‌ ಚೌಟ, ಮುಂದಿನ ಸಾಲಿನ ನಿಯೋಜಿತ ಗುರ್ಕಾರಲಾದ್ ಡಾ|ಗೋವರ್ಧನ್ ರಾವ್ ಬೊಕ್ಕ ಚೇರ್‍ಮೆನ್‍ಲಾದ್ ಪಾವ್ಲ್ ಕಾರ್ಲೊ, ವಿಶ್ವಪ್ರಸಾದಹೆಗ್ಡೆ, ಅರುಣ್ ಕುಮಾರ್, ಮಲ್ಲಿಕಾ ವಿ. ಶೆಟ್ಟಿ, ಸ್ಟ್ಯಾನಿ ಡಿಸೋಜ, ಹೇಮಚಂದ್ರ ವಕೀಲ್ ಬೊಕ್ಕ ಸಾರ್ಜಂಟ್ ವಿದ್ ಆಮ್ರ್ಸ್ ಆದ್ ಡೊನಾಲ್ಡ್ ಡಿಸೋಜರವರು ಅಧಿಕಾರ ಸ್ವೀಕಾರ ಮಲ್ತೆರ್.