ಒಡಿಪು

ಒಡಿಪು, ಕುಂದಾಪುರ ಸರ್ಕಾರಿ ಆಸ್ಪತ್ರೆಡ್ ಜೋಕ್ಲೆನ ಐಸಿಯು

ಒಡಿಪು, ಮೇ 24: ಕೊರೋನ ಮೂಜನೆ ಅಲೆ ಜೋಕ್ಲೆನ ಮಿತ್ತ್ ಜಾಸ್ತಿ ಪರಿಣಾಮ ಬೂರುನ ನೆಲೆಟ್ಟ್ ತಜ್ಞರ ವರದಿದ ನೆಲೆಟ್ಟ್ ಜಿಲ್ಲೆಡ್ ಜೋಕ್ಲೆಗಾದ್ ಒಟ್ಟು 25 ಐಸಿಯು ಬೆಡ್‌ದ ಪ್ರತ್ಯೇಕ ವ್ಯವಸ್ಥೆನ್ ಮಲ್ಪುವ ಪಂದ್ ಒಡಿಪು ಜಿಲ್ಲಾಧಿಕಾರಿ ಜಿ.ಜಗದೀಶ್ ತೆರಿಪಾದೆರ್ .

ನಿರ್ಮಿತಿ ಕೇಂದ್ರದ ಲಾಭಾಂಶಡ್ ಪ್ರತ್ಯೇಕವಾದ್ ಒಡಿಪು ಜಿಲ್ಲಾಸ್ಪತ್ರೆಡ್ 15 ಬೊಕ್ಕ ಕುಂದಾಪುರ ತಾಲೂಕು ಆಸ್ಪತ್ರೆಡ್ 10 ಐಸಿಯು ಬೆಡ್‌ ನಿರ್ಮಾಣ ಮಲ್ಪರೆ ಉಲ್ಲಾ ಪಂದ್ ಪಂಡೆರ್ .

ಎಚ್ಆರ್ ಎಸ್ ವತಿರ್ದ್ ಆಶಾಕಾರ್ಯಕರ್ತೆರೆಗ್ ಆಕ್ಸಿಮೀಟರ್ ವಿತರಣೆ

ಕುಡ್ಲ,ಮೇ 21: ಜಮಾಅತೆ ಇಸ್ಲಾಮಿನ ಹಿಂದ್ ಅಂಗಸಂಸ್ಥೆ ಹ್ಯುಮಾನಿಟೇರಿಯನ್ ರಿಲೀಫ್ ಸೊಸೈಟಿ ವತಿರ್ದ್ ತೆಂಕ ಎಡಪದವು ಗ್ರಾಮ ಪಂಚಾಯತ್ ದ ಆಶಾ ಕಾರ್ಯಕರ್ತೆರ್ ಬೊಕ್ಕ ಪಂಚಾಯತ್ ಸಿಬ್ಬಂದಿಲೆಗ್ 20 ಮಾಸ್ಕ್ (N95) ಬೊಕ್ಕ 1 ಆಕ್ಸಿಮೀಟರ್ ನ್ ಹ್ಯುಮಾನಿಟೇರಿಯನ್ ರಿಲೀಫ್ ಸೊಸೈಟಿ ಮೂಡುಬಿದಿರೆ ತಂಡದಕುಲು ಬೊಕ್ಕ ವೆಲ್ಪೇರ್ ಪಾರ್ಟಿ ಆಫ್ ಇಂಡಿಯಾ ನೆತ್ತ ಗುರುಪುರ ವಲಯ ಕಾರ್ಯದರ್ಶಿ ಮುನೀರ್ ಪದ್ರೆಂಗಿ ಕೊರಿಯೆರ್.

ಈ ಪೊರ್ತುಡು ತೆಂಕ ಎಡಪದವು ಪಂಚಾಯತ್ ಗುರ್ಕಾರ್ಲಾಯಿನ ಸುಕುಮಾರ್, ಉಪಾಧ್ಯಕ್ಷೆ ಪ್ರೇಮ, ಗ್ರಾಮಾಭಿವೃದ್ಧಿ ಅಧಿಕಾರಿ (ಪಿಡಿಒ) ರಾಜೀವಿ, ಕಾರ್ಯದರ್ಶಿ ಇಸ್ಮಾಯಿಲ್ ಹಾಗೂ ಜಮಾಅತೆ ಇಸ್ಲಾಮಿ ಹಿಂದ್ ಎಡಪದವು ಸಂಚಾಲಕ ಝಾಕಿರ್ ಹಸೈನ್ ಪಾಲ್ ಪಡೆದಿತ್ತೆರ್ .

ಪಡುಬಿದ್ರೆ : ಟಗ್ ತೆರವು ಮಲ್ಪರೆ ತಯಾರಿ

ಪಡುಬಿದ್ರಿ, ಮೇ 21: ಕರಿನ ವಾರ ತೌಕ್ತೆ ಚಂಡಮಾರುತಗ್ ತಿಕೊಲ್ದು ಕಡಲ್ ಡ್ ಮುರ್ಕುದು ಪಡುಬಿದ್ರಿದ ಕಾಡಿಪಟ್ಣ ಕಡಲ್ ದ ಬರಿಟ್ ಪತ್ತೆಯಾಯಿನ ಟಗ್ ತೆರವು ಮಲ್ಪರೆ ಬೋಡಾಯಿನ ತಯಾರಿ ನಡತುದುಂಡು.

ಬಿಲಾಲ್ ಮೊಯ್ದಿನ್ ಮುತಾಲಿಕೆದ ಕುಡ್ಲ ಬದ್ರಿಯಾ ತಜ್ಞರ ಕೂಟ ತೆರವು ಕಾರ್ಯಾಚರಣೆ ಸುರು ಮಲ್ದುಂಡು.

ತೆಡಿಲ್ ಬರ್ಸ ಮೂಜಿ ಇಲ್ಲಗ್ ಹಾನಿ

ಭಟ್ಕಳ ಮೇ 21: : ಪೇಂಟೆದ ಬೇಂಗ್ರೆಯ ಚಿಟ್ಟಿಹಕ್ಲಿಡ್ ಗುರುವಾರ ರಾತ್ರಿ ಭಾರೀ ತೆಡಿಲ್ ಮಿಂಚ್ ಗಾಳಿ ಬರ್ಸಗ್ ಮೂಜಿ ಇಲ್ಲಗ್ ಹಾನಿ ಆತುಂಡು,ಕರೆಂಟ್ ದ ಮೀಟರ್ ಸೇರಿನoಚ ಬಾಕಿದ ಇಲ್ಲದ ಸಾಮಗ್ರಿ ಪೊತ್ತುದುಂಡು.

ಚಿಟ್ಟಿಹಕ್ಲಿದ ಗಣಪತಿ ಜಟ್ಟಯ್ಯ ದೇವಡಿಗ ಮೆರ್ನ ಇಲ್ಲಗ್ ತೆಡಿಲ್ ಹಾಕ್ ದ್ ಇಲ್ಲ್ ಬಿರುಕು ಬುಡ್ತಿನ ಮಾಹಿತಿ ತಿಕ್ಕ್ ದುಂಡು.

ನಡಿಕುದ್ರು ಪರಪಟ್ಟ ಪ್ರದೇಶಗ್ ತಹಶೀಲ್ದಾರ್ ಭೇಟಿ

ಪಡುಬಿದ್ರಿ, ಮೇ 21: ತೌಕ್ತೆ ಚಂಡಮಾರುತ ಪ್ರಭಾವರ್ದ್ ಉಪ್ಪುನೀರು ಬತ್ದ್ ಹೆಜಮಾಡಿ ಗ್ರಾಮ ಪಂಚಾಯಿತಿ ವ್ಯಾಪ್ತಿದ ನಡಿಕುದ್ರು, ಪರಪಟ್ಟ ಪ್ರದೇಶದಲ್ಲಿ ಕೃಷಿಕೆರೆಗ್ ಬೊಕ್ಕ ಪರ್ಪಿನ ನೀರ್ ಗ್ ಸಮಸ್ಯೆಯಾಯಿನ ಪ್ರದೇಶಗ್ ಕಾಪು ತಹಸೀಲ್ದಾರ್ ಪ್ರತಿಭಾ ಆರ್ ಭೇಟಿ ಕೊರಿಯೆರ್ .

ಈ ಪೊರ್ತುಡು ತಹಸೀಲ್ದಾರ್, ಹೆಜಮಾಡಿ ಗ್ರಾಮದ ನಡಿಕುದ್ರು, ಪರಪಟ್ಟ ಪ್ರದೇಶಗಗ್ ತುರ್ತು ಪರ್ಪಿನ ನೀರ್ ಕೊರಿಯರೆ ಕ್ರಮ ದೆತೊನೆರೆ ಗ್ರಾಮ ಪಂಚಾಯಿತಿ ಪಿಡಿಒ ಗ್ ಸೂಚನೆ ಕೊರಿಯೆರ್.

ಈ ಪೊರ್ತುಡು ಕಂದಾಯ ನಿರೀಕ್ಷಕ ಸುಧೀರ್‍ಕುಮಾರ್ ಶೆಟ್ಟಿ, ಗ್ರಾಮಕರಣಿಕ ಅರುಣ್ ಕುಮಾರ್, ಉಪಾಧ್ಯಕ್ಷೆ ಪವಿತ್ರ ಗಿರೀಶ್, ಸದಸ್ಯ ಪಾಂಡುರಂಗ ಕರ್ಕೇರ, ಪಿಡಿಒ ಸುಮತಿ, ಕೈತಲ್ದಕುಲಾಯಿನ ವಾಮನ ಕೋಟ್ಯಾನ್, ಉಮೇಶ್ ಪಾಲ್ ಪಡೆದಿತ್ತೆರ್.

ಒಡಿಪು ಜಿಲ್ಲಾಧಿಕಾರಿ ಜಿ.ಜಗದೀಶ್ ಒಟ್ಟುಗು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ವೀಡಿಯೊ ಸಂವಾದ

ಒಡಿಪು , ಮೇ 19: ದೇಶಡ್ ಜಾಸ್ತಿ ಕೋವಿಡ್ ಪಾಸಿಟಿವಿಟಿ ಉಪ್ಪುನ ಜಿಲ್ಲೆದ ಜಿಲ್ಲಾಧಿಕಾರಿಲೆನ ಒಟ್ಟುಗು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಇನಿ ನಡಪಾಯಿನ ವೀಡಿಯೊ ಸಂವಾದಡ್ ಒಡಿಪು ಜಿಲ್ಲಾಧಿಕಾರಿ ಜಿ.ಜಗದೀಶ್ ಪಾಲ್ ಪಡೆದ್ ಇತ್ತೆರ್ ..

ಜಾಸ್ತಿ ಪಾಸಿಟಿವಿಟಿ ಉಪ್ಪುನ ಜಿಲ್ಲೆಡ್ ಕೋವಿಡ್ ನಿಯಂತ್ರಣದ ಬಗ್ಗೆ ಜಿಲ್ಲಾಧಿಕಾರಿಲು ಇತ್ತೆ ಮುಟ ದೈದಿನ ಕ್ರಮತ ಬಗ್ಗೆ ಪರಿಶೀಲನೆ ಮಲ್ತಿನ ಪ್ರಧಾನ ಮಂತ್ರಿಲು ನನ ದುಂಬು ದೆತೊನೊಡಾಯಿನ ಕ್ರಮತ ಬಗ್ಗೆ ವೀಡಿಯೊ ಸಂವಾದದ ಮುಖೇನ ಮಾತಾ ಜಿಲ್ಲಾಧಿಕಾರಿಲೆಗ್ ಸಲಹೆ ಕೊರಿಯೆರ್ .

ವಿಶ್ವ ಸುಂದರಿ ಪಂಥ : ಒಡಿಪುದ ಆಯಡ್ಲಿನ್ ಕ್ಯಾಸ್ಟೋಲಿನೋ ಮೂಜನೆ ರನ್ನರ್ ಅಪ್

ಒಡಿಪು , ಮೇ 19: ಅಮೆರಿಕಾದ ಫ್ಲೋರಿಡಾದ ಹಾಲಿವುಡ್‌ದ ಸೆಮಿ ನೋಲ್ ಹಾರ್ಡ್ ರಾಕ್ ಹೋಟೆಲ್ ಬೊಕ್ಕ ಕ್ಯಾಸಿನೊಡು ಐತಾರ ನಡತಿನ 69ನೇ ವಿಶ್ವ ಸುಂದರಿ ಪಂಥಡ್ ಮಿಸ್ ಇಂಡಿಯಾ ಸ್ಪರ್ಧೆಡ್ ಒಡಿಪು ಉದ್ಯಾವರ ಮೂಲದ ಆಯಡ್ಲಿನ್ ಕ್ಯಾಸ್ಟೋಲಿನೋ ಮೂಜನೆ ರನ್ನರ್ ಅಪ್ ಸ್ಥಾನ ಪಡೆತೆರ್ .

ಉದ್ಯಾವರ ಮೂಲದ ಅಲ್ಫೋನ್ಸಸ್ ಕ್ಯಾಸ್ಟೆಲಿನೊ ಬೊಕ್ಕ ಮೀರಾ ಕ್ಯಾಸ್ಟೆಲಿನೊ ದಂಪತಿ ಪುತ್ರಿಯಾಯಿನ 22 ವರ್ಷದ ಆಯಡ್ಲಿನ್ ಕ್ಯಾಸ್ಟೋಲಿನೋ ಕುವೈತ್ ಡ್ ಪುಟ್ಟುದು ಮುಂಬೈದ ಸೇಂಟ್ ಕ್ಸೇವಿಯರ್ಸ್ ಕಾಲೇಜ್ ಡ್ ಪ್ರೌಢ ಬೊಕ್ಕ ಪದವಿ ಶಿಕ್ಷಣ ಪಡೆತೆರ್.