“ಕಾಣೆಯಾದಳು ಹುಡುಗಿ ಹಗಲುಗನಸಿನಲ್ಲಿ” ಕವನ ಸಂಕಲನ ಬುಡುಗಡೆ ಬೊಕ್ಕ ಕವಿಗೋಷ್ಠಿ
ಮುಲ್ಕಿ: ಕಿಲ್ಪಾಡಿದ ಆದಿ ಕಿಲ್ಲಾಡಿ ಬಬ್ಬುಸ್ವಾಮಿ ಯುವಕ ಮಂಡಲ ಬೊಕ್ಕ ಮಹಿಳಾ ಮಂಡಲ ಬೊಕ್ಕ ದ.ಕ. ಕನ್ನಡ ಸಾಹಿತ್ಯ ಪರಿಷತ್ತು ಮುಲ್ಕಿ ತಾಲೂಕು ಘಟಕದ ಜಂಟಿ ಆಶ್ರಯಡ್ ಕವಿ ಅಂಚೆನೆ ಲೇಖಕ ಶಂಕರ್ ಪಡಂಗ ಕಿಲ್ಪಾಡಿ ಮೇರೆನ “ಕಾಣೆಯಾದಳು ಹುಡುಗಿ ಹಗಲುಗನಸಿನಲ್ಲಿ” ಕವನ ಸಂಕಲನ ಬುಡುಗಡೆ ಅಂಚೆನೆ ಕವಿಗೋಷ್ಠಿ ಫೆ 8 ಐತಾರ ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘಡ್ ನಡತ್ಂಡ್.
ಕಾರ್ಯಕ್ರಮದ ಗುರ್ಕಾರ್ಮೆನ್ ಮುಲ್ಕಿ ಬಿಲ್ಲವ ಸಂಘದ ಗುರ್ಕಾರ್ಲು ವಾಮನ ನಡಿಕುದ್ರು ವಹಿಸೊಂದಿತ್ತೆರ್.
ಕನ್ನಡ ಸಾಹಿತ್ಯ ಪರಿಷತ್ತಿನ ಮಾಜೀ ರಾಜ್ಯಾಧ್ಯಕ್ಷ ಧರ್ಮದರ್ಶಿ ಡಾ. ಹರಿಕೃಷ್ಣ ಪುನರೂರು ಕಾರ್ಯಕ್ರಮವನ್ ಉದಿಪನ ಮಲ್ತ್ ಪಾತೆರ್ದ್ ಜೋಕುಲೆಡ ಮೊಬೈಲ್ ಬತ್ತಿ ಬೊಕ್ಕ ಓದುನ ಹವ್ಯಾಸ ಕಮ್ಮಿ ಅತುಂಡ್ ಪಂಡೆರ್.
ಕುಂಜಾರಗಿರಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಅರ್ಚಕ ಶ್ರೀಕಾಂತ ಭಟ್ ಪರೆಂಕಿಲ ಆಶೀರ್ವಚನ ಕೊರಿಯೆರ್.
ಮುಲ್ಕಿ ಬಂಟರ ಸಂಘದ ಗುರ್ಕಾರ್ಲು ಅಶೋಕ್ ಕುಮಾರ್ ಶೆಟ್ಟಿ ಲೇಖಕ ಶಂಕರ್ ಪಡಂಗ ಕಿಲ್ಪಾಡಿ ಮೇರೆನ “ಕಾಣೆಯಾದಳು ಹುಡುಗಿ ಹಗಲುಗನಸಿನಲ್ಲಿ” ಕವನ ಸಂಕಲನ ಬುಡುಗಡೆ ಮಲ್ತ್ ಪಾತೆರಿಯೆರ್.
ದ. ಕ.ಜಿಲ್ಲಾ ಕ.ಸಾ.ಪ.ಮುಲ್ಕಿ ತಾಲೂಕು ಘಟಕದ ಗುರ್ಕಾರ್ಲು ಮಿಥುನ್ ಕೊಡೆತ್ತೂರು ಪಾತೆರ್ದ್ ಮಾರ್ಚ್ 1 ದಾನಿ ಕಟೀಲ್ ಡ್ ಲ ಮುಲ್ಕಿ ತಾಲೂಕು ಸಾಹಿತ್ಯ ಸಮ್ಮೇಳನ ನಡಪರೆ ಉಂಡು ಕವಿಲೆಗ್ ಮುಕ್ತ ಅವಕಾಶ ಉಂಡು. ಪುಸ್ತಕನ್ ದೆತೊಂದು ಓದುಲೆ ಪಂಡೆರ್.
ಮಿತ್ತ ಚಾವಡಿಡ್ ಮಲ್ಲ ಬಿನ್ನೆರಾದ್ ಧ ಗ್ರಾ ಯೋ. ಯೋಜನಾಧಿಕಾರಿ ಗಿರೀಶ್, ಮುಲ್ಕಿ ವಿವಿದೋದ್ದೇಶ ಸಹಕಾರಿ ಸಂಘದ ಗುರ್ಕಾರ್ಲು ಗೋಪಿನಾಥ ಪಡಂಗ, ಅತಿಕಾರಿಬೆಟ್ಟು ಗ್ರಾ ಪಂ ಉಪಾಧ್ಯಕ್ಷ ಮನೋಹರ್ ಕೋಟ್ಯಾನ್, ಮುಲ್ಕಿ ನ ಪಂ ಮಾಜೀ ಗುರ್ಕಾರ್ಲು ಸತೀಶ್ ಅಂಚನ್,ಮಾಜೀ ಸದಸ್ಯ ಪುತ್ತು ಬಾವ ,ಬಬ್ಬುಸ್ವಾಮಿ ಯುವಕ ಮಂಡಲದ ಗುರ್ಕಾರ್ಲು ರಂಜನ್ ಬಿ. ಶೆಟ್ಟಿ, ಕಿಲ್ಪಾಡಿ ಶ್ರೀ ಕೋರ್ದಬ್ಬು ದೈವಸ್ಥಾನದ ಗುರಿಕಾರ ವಸಂತ ವಿ. ಎಸ್. ಬಬ್ಬುಸ್ವಾಮಿ ಮಹಿಳಾ ಮಂಡಲದ ಗುರ್ಕಾರ್ಲು ಭಾರತಿ ವಿ. ಪೂಜಾರಿ, ಕವಿ ಅಂಚೆನೆ ಲೇಖಕ ಶಂಕರ್ ಪಡಂಗ ಉಪಸ್ಥಿತರಿತ್ತೆರ್.
ಗೋಪಿನಾಥ ಪಡಂಗ ಎದ್ಕೊಂಡೆರ್, ಕವಿ ಪ್ರೇಮಾ ಆರ್ ಶೆಟ್ಟಿ ಸೊಲ್ಮೆ ಸಂದಾಯ ಮಲ್ತೆರ್, ಚಿದಾನಂದ ಕೊಲಕಾಡಿ ನಿರೂಪಣೆ ಮಲ್ತೆರ್.
ಕಾರ್ಯಕ್ರಮಡ್ ಕವನ ಸಂಕಲನ ಪ್ರಕಟಣೆಗ್ ಸಾಕಾರ ಕೊರಿನ ಕವಿ ಬೊಕ್ಕ ಲೇಖಕೆರೆರ್ ಡಾ. ಹರಿಶ್ಚಂದ್ರ ಪಿ ಸಾಲ್ಯಾನ್,ಅಶೋಕ್ ಸುವರ್ಣ, ಪ್ರೇಮಾ ಶೆಟ್ಟಿ ಮೊಕ್ಲೆನ್ ಗೌರವ ಮಲ್ತೆರ್.
ಕಾರ್ಯಕ್ರಮದ ಸುರುಕು ಬೇತೆ ಬೇತೆ ಕವಿನಕ್ಲೆನ ಕವಿಗೋಷ್ಠಿ ನಡತ್ಂಡ್.
