Mon. Jun 22nd, 2026

ಒಡಿಪು ಪುತ್ತೂರು ಬೊಲ್ತೆರ್

ಬಿತ್ತ್‌ಲ್ದ ಶ್ರೀ ಬಬ್ಬರ್ಯ ದೈವಸ್ಥಾನದ ಜೀರ್ಣೋದ್ಧಾರಗ್ ಶ್ರೀ ಕ್ಷೇತ್ರ ಧರ್ಮಸ್ಥಳರ್ದ್ 2 ಲಕ್ಷ ರೂ. ಅನುದಾನ

ಸಸಿಹಿತ್ಲು : ಶ್ರೀ ಕ್ಷೇತ್ರ ಧರ್ಮಸ್ಥಳರ್ದ್ ಸಸಿಹಿತ್ಲು ಶ್ರೀ ಬಬ್ಬರ್ಯ ದೈವಸ್ಥಾನದ ಅನುದಾನ ಪ್ರಸಾದ ರೂಪಡ್ 2 ಲಕ್ಷ ರೂ. ಅನುದಾನದ ಚೆಕ್‌ನ್
ಶ್ರೀ ಗಿರೀಶ್ ಕುಮಾರ್ ಯೋಜನಾಧಿಕಾರಿ ಬಜಪೆ ತಾಲೂಕು, ಅರಸು ವೆಲ್ಫೇರ್ ಟ್ರಸ್ಟ್ ಅಧ್ಯಕ್ಷೆರ್ ಶ್ರೀ ಗೌತಮ್ ಜೈನ್, ಜನಜಾಗೃತಿ ವೇದಿಕೆ ಅಧ್ಯಕ್ಷೆರ್ ಶ್ರೀ ವಿನೋದ್ ಬೆಳ್ಳಾಯರು, ಮೂಲ್ಕಿ ವಲಯ ಒಕ್ಕೂಟ ಅಧ್ಯಕ್ಷರು ಶ್ರೀ ಪುಷ್ಪರಾಜ್,
ಮೂಲ್ಕಿ ವಲಯ ಮೇಲ್ವಿಚಾರಕೆರ್ ನಿಶ್ಮಿತಾ ಶೆಟ್ಟಿ, ಗ್ರಾಮ ಪಂಚಾಯಿತ್ ಅಧ್ಯಕ್ಷರು ಶ್ರೀಮತಿ ಪೂರ್ಣಿಮಾ, ಉಪಾಧ್ಯಕ್ಷೆರ್ ಚಂದ್ರಿಕಾ, ಸಸಿಹಿತ್ಲು ಗ್ರಾಮಾಭಿವೃದ್ಧಿ ಯೋಜನೆ ಒಕ್ಕೂಟ ಅಧ್ಯಕ್ಷೆರ್ ಶ್ರೀಮತಿ ಶೈಲಜಾ, ರೇವತಿ ಮೊಗವೀರ ಸಮಾಜದ ಅಧ್ಯಕ್ಷೆರ್ ಗಿರೀಶ್ ಶ್ರೀಯಾನ್, ಮೊಗವೀರ ಮಹಿಳಾ ಸಮಾಜದ ಸಭಾಧ್ಯಕ್ಷೆರ್ ಶ್ರೀಮತಿ ಸವಿತಾ, ಶ್ರೀ ಅನಿಲ್ ಶಕ್ತಿ ಕೇಂದ್ರ ಪ್ರಮುಖ್,ಕಿಶೋರ್ ಗುರಿಕಾರೆರ್, ಪ್ರಭಾಕರ್ ಪೂಜಾರಿ, ಮೊಗವೀರ ಸಮಾಜದ ಸದಸ್ಯೆರಾಯಿನ ಸೂರಜ್, ಹರೀಶ್ ಬಂಗೇರ, ಶಂಕರ ತಿಂಗಳಾಯ
ನವೀನ್ ಮೊಕುಲು ಮಾತ ಇತ್ತೆರ್.

ಲಕ್ಷ್ಮಣ ಮರಕಡ ಮೆರೆಗ್ “ಯಕ್ಷ ಸವ್ಯಸಾಚಿ” ಬಿರ್ದ್

ಕುಡ್ಲ : ಶ್ರೀ ಕಟೀಲು ಮೇಳದ ಕಲಾವಿದೆರ್, ಯಕ್ಷಗುರು ಲಕ್ಷ್ಮಣ ಕುಮಾರ್ ಮರಕಡ ಮೆರೆಗ್ ಕದ್ರಿ ದೇವಸ್ಥಾನದ ರಾಜಾ oಗಣಡ್ ಶ್ರೀ ಭಗವದ್ಗೀತಾಮೃತ ಪುರಸ್ಕಾರದ ಒಟ್ಟಿಗೆ “ಯಕ್ಷ ಸವ್ಯ ಸಾಚಿ” ಬಿರ್ದ್ ಕೊರ್ದು ಗೌರವ ಮಲ್ತೆರ್.
ಶ್ರೀ ಮದ್ ಭಗವದ್ಗೀತೆದ ಪ್ರಚಾರಕೆರ್,ಆಧ್ಯಾತ್ಮಿಕ ಗುರು ಸುಬ್ರಾಯ ನಂದ್ಯೋಡಿ ಮೇರ್ ಪ್ರಶಸ್ತಿ ಪ್ರದಾನ ಮಲ್ತೆರ್.
” ಲಕ್ಷ್ಮಣ ಮೇರ್ ಶಿವರಾಮ ಪಣಂಬೂರು ಮೆರೆನ ಗುರುತ್ವದಲ್ಲಿ *”ಫಲ್ಗುಣಿ ಯಕ್ಷರಂಗ ಮರಕಡ” ಮೂಲು ರಂಗಪ್ರವೇಶ ಮಲ್ತ್‌ದ್
ಗಣೇಶಪುರ, ಸುರತ್ಕಲ್ ಸದಾಶಿವ ಮಹಾಗಣಪತಿ, ತಲಕಳ, ಬಪ್ಪನಾಡು, ಉಳ್ಳಾಲ ಚೀರುಂಭ ಭಗವತೀ , ಸಸಿಹಿತ್ಲು ಭಗವತಿ, ಎಡನೀರು ಮೇಳಡ್ ತಿರುಗಾಟ ಮಲ್ತ್‌ದ್ ಕಟೀಲು ಮೇಳಡ್ ಇತ್ತೆ 7ನೇ ವರ್ಷದ ತಿರುಗಾಟ ಮಲ್ತೊಂದುಲ್ಲೆರ್.
ಮರಕಡಡ್ ಶುಭವರ್ಣ ಯಕ್ಷ ಸಂಪದ (ರಿ.) ಪನ್ಪಿನ ಕಲಾ ಸಂಸ್ಥೆನ್ ಸ್ಥಾಪನೆ ಮಲ್ತ್‌ದ್ ಪ್ರಶಸ್ತಿ ,ಸಂಮಾನ, ಗೌರವಾರ್ಪಣೆ,ಪ್ರತಿಭಾ ಪುರಸ್ಕಾರ, ಯಕ್ಷಗಾನ ತರಬೇತಿ ಕೊರ್ಪಿನ ಯಕ್ಷಗಾನ ಸಂಘಟಕೆರ್‌ಲ ಆದುಲ್ಲೆರ್ .
ಕಾಸ್ರೋಡು ಬೊಕ್ಕ ಕುಡ್ಲ ಪರಿಸರಡ್ ಯಕ್ಷಗಾನ ಶಿಕ್ಷಕೆ ಆದ್ ತರಗತಿ ಮಲ್ತ್‌ದ್ ಮಸ್ತ್ ಶಿಷ್ಯೆರೆನ್ ಮಲ್ತೊಂದೆರ್
ಅಮೇರಿಕಾ, ಮಸ್ಕತ್, ಆಸ್ಟ್ರೇಲಿಯಾ, ದುಬೈಡ್ ಪುಂಡು ವೇಷ, ಸ್ತ್ರೀ,ರಾಜವೇಷ,ಹಾಸ್ಯ, ಎದುರು ವೇಷ ಮಾತೆನ್ಲ ಸಮರ್ಥವಾದ್ ನಿರ್ವಹಣೆ ಮಲ್ಪುನ ಅಪೂರ್ವ ಯಕ್ಷ ಕಲಾ ಸಾಧಕೆ ” ಪಂದ್
ಕದ್ರಿ ನವನೀತ ಶೆಟ್ಟಿ ಅಭಿನಂದನೆದ ನುಡಿ ಸೇಸೆ ಪಾಡಿಯೆರ್.
ಕತಾರ‌್‌ದ ಉದ್ಯೋಗಿ ಕೊರಗಪ್ಪ ಸಸಿಹಿತ್ಲು ಬೊಕ್ಕ ಸವಿತಾ ಸಸಿಹಿತ್ಲು ಪರಿವಾರದ ಶ್ರೀ ಕಟೀಲು ಮೇಳದ ಸೇವೆ ಬಯಲಾಟದ ವೇದಿಕೆಡ್ ಮಾನಾದಿಗೆ ನಡತ್ಂಡ್. ಯಕ್ಷಗಾನ ಅಕಾಡೆಮಿ ಸದಸ್ಯೆರ್ ಮೋಹನ್ ಕೊಪ್ಪಳ ಕದ್ರಿ,ಡಾ. ಶಶಾಂಕ್, ಡಾ. ಪ್ರತೀಕ್,ಸುಧಾಕರ ರಾವ್ ಪೇಜಾವರ, ಶಿವ ಪ್ರಸಾದ್ ಪ್ರಭು, ಸಿ. ಎಸ್. ಭಂಡಾರಿ,ಪ್ರದೀಪ್ ಆಳ್ವ ಕದ್ರಿ ಇತ್ತೆರ್.
ಎಲ್ಲೂರು ರಾಮಚಂದ್ರ ಭಟ್ ನಿರೂಪಣೆ ಮಲ್ತೆರ್.
ಮೇಳದ ಮಾತಾ ಕಲಾವಿದೆರೆಗ್ ಆಟದ ಸೇವಾಕರ್ತೆರಾಯಿನ ಗೀತಾ ಪ್ರಚಾರಕಿ ಸವಿತಾ ಕೊರಗಪ್ಪ ಮೇರ್ ಅರ್ಥ ಸಹಿತ ಭಗವದ್ಗೀತೆನ್ ಪಟ್ಟಿಯೆರ್. ಅವೆರ್ದ್ ಬೊಕ್ಕ
ಕಟೀಲು ಮೇಳದ “ಶ್ರೀ ದೇವೀ ಮಹಾತ್ಮೆ ” ಸೇವೆ ಬಯಲಾಟ ನಡತ್ಂಡ್.

ಧರ್ಮಸ್ಥಳಡ್ ಶಿವರಾತ್ರೆ ವೈಭವ : ರಾತ್ರೆ ಪುಲ್ಯ ಮುಟ್ಟ ಶಿವಪಂಚಾಕ್ಷರಿ ಪಠಣ

ಭಕ್ತೆರೆಗ್ ಸುಖ-ಶಾಂತಿ, ನೆಮ್ಮದಿ, ಸನ್ಮಂಗಳ ಆವಡ್ : ಡಿ. ವೀರೇಂದ್ರ ಹೆಗ್ಗಡೆರ್

ಉಜಿರೆ: “ಸರ್ವೇ ಜನಾಃ ಸುಖಿನೋ ಭವಂತು”. ಮಾತೆರೆಗ್ಲ ಸುಖ-ಶಾಂತಿ, ನೆಮ್ಮದಿ ತಿಕ್‌ದ್ ಸನ್ಮಂಗಳ ಆವಡ್ ಪಂದ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರ್ ಹಾರೈಕೆ ಮಲ್ತೆರ್.
ಆರ್ ಐತಾರದಾನಿ ಧರ್ಮಸ್ಥಳದ ಪ್ರವಚನ ಮಂಟಪಡ್ ತುಡರ್ ಅರ್ಲಾದ್ “ಅಹೋರಾತ್ರಿ ಶಿವಪಂಚಾಕ್ಷರಿ ಪಠಣಗ್ ಚಾಲನೆ ಕೊರ್ದು ಶುಭ ಹಾರೈಕೆ ಮಲ್ತೆರ್.
ಬೊಕ್ಕ ಮಾತೆರ್ಲ ಸೇರ್ದ್ “ಓಂ ನಮಃ ಶಿವಾಯ”ಪಠಣ ಮಲ್ತೆರ್.
ಮಾತೆರ್ಲ ಶ್ರದ್ಧಾ-ಭಕ್ತಿಡ್ ಪಾದಯಾತ್ರೆಡ್ ಧರ್ಮಸ್ಥಳಗ್ ಬತ್ತ್‌ದ್ ದೇವೆರ್ನ ದರ್ಶನ ಮಲ್ತ್‌ದ್ ಪ್ರಾರ್ಥನೆ ಮಲ್ತ್‌ದ್ ಧನ್ಯರಾತರ್. ನಿಕ್ಲೆನ ಮಾತಾ ಕಷ್ಟಲೆನ್ ಶಿವಗ್ ಅರ್ಪಣೆ ಮಲ್ತ್‌ದ್ ಎಡ್ಡೆ ವಿಚಾರಲೆನ್ ಮಾತ್ರ ಪತೊನ್ಲೆ. ವಿಷಕಂಠೆ ಶಿವಗ್ ಮಾತ್ರ ವಿಷನ್ ಸ್ವೀಕಾರ ಮಲ್ಪುನ ಸಾಮರ್ಥ್ಯ ಉಪ್ಪುನು. ಎಂಕ್ ಪಂದ್ ಎನ್ನ ವೈಯಕ್ತಿಕ ಸುಖಕ್ಕಾದ್ ಪ್ರಾರ್ಥನೆ ಮಲ್ಪುನ ಬದಲ್ ನಮಕ್ಕ್, ಇಡಿ ಸಮಾಜಗ್ ಎಡ್ಡೆ ಆವಡ್ ಪನ್ಪಿನ ಪ್ರಾರ್ಥನೆ ನಿಕುಲು ಮಲ್ಪೊಡು ಪಂದ್ ಶುಭ ಹಾರೈಕೆ ಮಲ್ತೆರ್.
ಬೆಂಗಳೂರುರ್ದು ಪಾದಯಾತ್ರೆದ ರೂವಾರಿ ಗುರು ಹನುಮಂತಪ್ಪ ಬೊಕ್ಕ ಮರಿಯಪ್ಪ ಮೊಕ್ಲೆನ ಮುತಾಲಿಕೆಡ್ ಏಳ್ ಜನತ್ತ ಒಟ್ಟಿಗೆ ಸುರುವಾತಿನ ಪಾದಯಾತ್ರೆಡ್ 70 ಸಾರ ಭಕ್ತೆರ್ ಬೆಂಗಳೂರು ಬೊಕ್ಕ ಬೇತೆ ಬೇತೆ ಕಡೆ ರ್ದ್ ಶನಿವಾರ ಧರ್ಮಸ್ಥಳಗ್ ಬತ್ತಿತ್ತೆರ್. ಮಾತೆರೆಗ್ಲ ಶ್ರೀ ಮಂಜುನಾಥ ಸ್ವಾಮಿನ ದರ್ಶನ, ಸೇವೆದ ಫಲ ತಿಕ್ಕಡ್ ಪಂದ್ ಪಂಡೆರ್.
ಹೇಮಾವತಿ ವೀ. ಹೆಗ್ಗಡೆ, ಡಿ. ಸುರೇಂದ್ರಕುಮಾರ್, ಸುಪ್ರಿಯಾ ಹರ್ಷೇಂದ್ರಕುಮಾರ್ ಶಿವಪಂಚಾಕ್ಷರಿ ಪಠಣಡ್ ಪಾಲ್ ಪಡೆಯೆರ್.
ಮಾಣಿಲದ ಮೋಹನದಾಸ ಸ್ವಾಮೀಜಿ, ಪಾದಯಾತ್ರೆದ ರೂವಾರಿ ಗುರು ಹನುಮಂತಪ್ಪ ಸ್ವಾಮೀಜಿ ಬೊಕ್ಕ ಮರಿಯಪ್ಪ ಮೊಕುಲು ಇತ್ತೆರ್ .
ಶ್ರೀನಿವಾಸ ರಾವ್ ಧರ್ಮಸ್ಥಳ ಕಾರ್ಯಕ್ರಮ ನಿರ್ವಹಣೆ ಮಲ್ತೆರ್. ಅಹೋರಾತ್ರಿ ಶಿವಪಂಚಾಕ್ಷರಿ ಪಠಣ ನಡತ್ಂಡ್. ಭಕ್ತೆರ್ ದೇವೆರ್ನ ದರ್ಶನ ಮಲ್ತ್‌ದ್ ವಿಶೇಷವಾದ್ ಬೊಂಡಾಭಿಷೇಕ ಬೊಕ್ಕ ಶತರುದ್ರಾಭಿಷೇಕ ಸೇವೆ ಸಂದಾಯೆರ್.

ದೇವಲ್ಯದ ಪಾರುಪತ್ಯಗಾರೆರಾಯಿನ ಲಕ್ಷ್ಮಿ ನಾರಾಯಣ ರಾವ್, ಹೆಗ್ಗಡೆರ್ನ ಆಪ್ತ ಕಾರ್ಯದರ್ಶಿ ಎ.ವಿ. ಶೆಟ್ಟಿ ಪಾಲ್ ಪಡೆದಿತ್ತೆರ್. ಬೆಂಗಳೂರುದ ಭಕ್ತೆರ್ 1,75,000 ಜನಕ್ಕ್ ಉಚಿತವಾದ್ ಅನ್ನ ಸಂತರ್ಪಣೆ ಮಲ್ತೆರ್.

ಆಸರೆ ಚಾರಿಟೇಬಲ್ ಟ್ರಸ್ಟ್ ಸ್ಥಾಪಕಾಧ್ಯಕ್ಷೆರ್ ಡಾ. ಆಶಾಜ್ಯೋತಿ ರೈ ಮೆರೆಗ್ “ವೀರ ರಾಣಿ ಅಬ್ಬಕ್ಕ” ಪ್ರಶಸ್ತಿ

ಕುಡ್ಲ : ಆಸರೆ ಚಾರಿಟೇಬಲ್ ಟ್ರಸ್ಟ್ ದ ಸ್ಥಾಪಕಾಧ್ಯಕ್ಷೆರ್ ಡಾ. ಆಶಾಜ್ಯೋತಿ ರೈ ಮೇರ್ ವೀರ ರಾಣಿ ಅಬ್ಬಕ್ಕ ಗೌರವ ಪುರಸ್ಕಾರೊಗು ಆಯ್ಕೆ ಆತೆರ್.
ABRSM- KRMSS, ಕರ್ನಾಟಕ ರಾಜ್ಯ ಮಹಾವಿದ್ಯಾಲಯ ಶಿಕ್ಷಕ ಸಂಘ (ಮಂಗಳೂರು ವಿಭಾಗ) ಅಟ್ಟಣೆ ಮಲ್ದಿನ “ಅಬ್ಬಕ್ಕ 500 ಪ್ರೇರಣಾದಾಯಿ 100” ಉಪನ್ಯಾಸದ ಸರಣಿ ಕಾರ್ಯಕ್ರಮದ ಅಂಗವಾದ್ ವಿವಿಧ ಕ್ಷೇತ್ರಡ್ ಸಾಧನೆ ಮಲ್ದಿನ ಮಹಿಳಾ ಸಾಧಕೆರೆಗ್ ಈ ಪ್ರಶಸ್ತಿ ಕೊರ್ದು ಗೌರವ ಮಲ್ಪುವೆರ್.
ಡಾ. ಆಶಾಜ್ಯೋತಿ ರೈ ಮೆರೆನ ಧಾರ್ಮಿಕ, ವೈದ್ಯಕೀಯ ರಂಗದ ಸಾಧನೆ, ಸಮಾಜ ಸೇವೆಗ್ ವೀರರಾಣಿ ಅಬ್ಬಕ್ಕ ಪ್ರಶಸ್ತಿ ಒಲಿದ್ ಬೈದ್ಂಡ್.
ಪ್ರಶಸ್ತಿ ಪ್ರದಾನ ಸಮಾರಂಭ ಫೆಬ್ರವರಿ 16 ಕ್ಕ್ ಪುತ್ತೂರು ನೆಹರೂ ನಗರದ ವಿವೇಕಾನಂದ ಸಭಾಂಗಣಡ್ ನಡಪರೆ ಉಂಡು.

ಫೆ.15-18: ಪೊನ್ನಗಿರಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ವರ್ಷೊದ ಜಾತ್ರೆ

ಕಾಳಿಪಳ್ಳ: ಸೂರಿಂಜೆದ ಪೊನ್ನಗಿರಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ವರ್ಷೊದ ಜಾತ್ರೆ ಫೆ.15-18 ಮುಟ್ಟ ನಡಪರೆ ಉಂಡು.

ಈ ಲೇಸ್ ದೇವಸ್ಥಾನದ ತಂತ್ರಿಲಾಯಿನ ವಿಜಯದಾಸ ಆಚಾರ್ಯ ಕೈಯ್ಯೂರು ಮೆರೆನ ಪೌರೋಹಿತ್ಯಡ್ ನಡಪುಂಡು.

ಫೆ.14 ಸನಿಯಾರ ಬೊಲ್ಪುಗು ಮೈಸರಬೆಟ್ಟು ಬ್ರಹ್ಮಸ್ಥಾನಡ್ ತಂಬಿಲ, ರಾತ್ರೆ ಶ್ರೀ ಮಹಾಲಿಂಗೇಶ್ವರ ದೇವೆರೆಗ್ ರಂಗಪೂಜೆ, ದೇವೆರೆನ ಪ್ರಾರ್ತನೆ, ತೋರಣ ಪ್ರತಿಷ್ಠೆ, ದೇವನಾಂದಿ ನಡಪರೆ ಉಂಡು.

ಫೆ.15 ಐತಾರ ಬೊಲ್ಪುಗು ಲಕ್ಷ ಬಿಲ್ವೆ ಅರ್ಚನಾ‌ ನವಕಲಶಾಭಿಷೇಕ, ಕ್ಷೀರಾಭಿಷೇಕ, ಗಣಪತಿ ಹೋಮ, ಗ್ರಹಶಾಂತಿ, ಕೊಡಿ ಏರುಂಡು. ಬೊಕ್ಕ ಮಹಾಪೂಜೆ, ಅನ್ನಸಂತರ್ಪಣೆ, ಉಚ್ಚಯ, ದೀಪದ ಬಲಿ ರಾತ್ರೆ ‘ಒಂತೆ ಲೇಟಾಂಡ್ ಆಂಡಲಾ’ ಪನ್ಪಿನ ತುಳು ನಾಟಕ ನಡಪರೆ ಉಂಡು.

ಫೆ.16 ಸೋಮಾರ ಬೊಲ್ಪುಗು ತುಲಾಭಾರ ಸೇವೆ, ನವಕಲಶಾಭಿಷೇಕ, ಮಹಾಪೂಜೆ, ಅನ್ನಸಂತರ್ಪಣೆ, ಬಯ್ಯಗ್ ವಿಶ್ವಾಕಾರ ಶ್ರೀರಾಮ ಬೊಕ್ಕ ದಕ್ಷಾಧ್ವರ ಪನ್ಪಿನ ಸಾಂಸ್ಕೃತಿಕ ಲೇಸ್ ರಾತ್ರೆ ಉಚ್ಚಯ, ಬ್ರಹ್ಮಸ್ಥಾನಡ್ ಸವಾರಿ, ಕಟ್ಟೆಪೂಜೆ, ಭೂತಬಲಿ ನಡಪರೆ ಉಂಡು.

ಫೆ.17 ಅಂಗಾರೆ ಬೊಲ್ಪುಗು ತುಲಾಭಾರ ಸೇವೆ, ನವಕಲಶಾಭಿಷೇಕ, ಮಹಾಪೂಜೆ, ಅನ್ನಸಂತರ್ಪಣೆ, ಬಯ್ಯಗ್ ದಶಾವತಾರ ಯಕ್ಷಗಾನ ರಾತ್ರೆ ಉಚ್ಚಯ, ಬ್ರಹ್ಮಸ್ಥಾನಗ್ ಸವಾರಿ, ಕಟ್ಟೆಪೂಜೆ, ಭೂತಬಲಿ ನಡಪರೆ ಉಂಡು.

ಫೆ.18 ಬುದಾರ ಬೊಲ್ಪುಗು ತುಲಾಭಾರ ಸೇವೆ, ನವಕಲಶಾಭಿಷೇಕ, ಮಹಾಪೂಜೆ, ಅನ್ನಸಂತರ್ಪಣೆ, ರಾತ್ರೆ ಮಹೋಚ್ಚಯ ಬಲಿ, ಕಲ್ಲಂಜಗುತ್ತು ಕಾಂತೇರಿ ಧೂಮಾವತಿ ಭೇಟಿ, ಬಲಿ, ಕೊಡಿ ಜಯೆರೆ ಉಂಡು.

ಫೆ.19 ಗುರುವಾರ ಮಹಾಸಂಪ್ರೋಕ್ಷಣೆ, ಮಹಾಮಂತ್ರಾಕ್ಷತೆ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು, ಶ್ರೀ ಮಹಾಲಿಂಗೇಶ್ವರ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಅಶೋಕ ಪೈವ ಹೆಗ್ಡೆ ಮಿತ್ತೋಡಿ ಅರಸುಮನೆ ಕುತ್ತೆತ್ತೂರು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಬಪ್ಪನಾಡು ದೇವಲ್ಯ ಡ್ ಕೊಡಿಮರಕ್ ಅನುಜ್ಞಾ ಕಲಶ

ಮುಲ್ಕಿ: ಸೀಮೆದ ಒರುಂಭ ಮಾಗಣೆದ ಶ್ರೀ ದುರ್ಗಾಪರಮೇಶ್ವರೀ
ದೇವಲ್ಯ ಡ್ ಇಂಚಿಪ್ಪಗ್ ನಡತಿನ ಅಷ್ಟಮಂಗಳ ಪ್ರಶ್ನಾಚಿಂತನೆಡ್ ತೋಜಿ ಬತ್ತಿಲೆಕ್ಕ ದೋಷ ನಿವಾರಣಾರ್ಥವಾದ್ ಶ್ರೀ ದೇವಲ್ಯದ ಕೊಡಿಮರತ ಬೊಳ್ಳಿ ಮುಚ್ಚಿಗೆ ದೆತ್ತುದ್ ಸರಿ ಮಲ್ಪುನ ಕಾರ್ಯಗ್ ಬುದಾರ ವಿದ್ಯುಕ್ತವಾದ್ ಚಾಲನೆ ಕೊರಿಯೆರ್.
ಶ್ರೀ ದೇವಳದ ತಂತ್ರಿಲು ತಿಬಾರ್ ಗೋಪಾಲಕೃಷ್ಣ ತಂತ್ರಿಲು ರ ಶ್ರೀ ದೇವಿಗೆ ಅನುಜ್ಞಾ ಕಳಶ, ಸಂಹಾರ ತತ್ವ ಹೋಮದೊಟ್ಟು ಧಾರ್ಮಿಕ ವಿಧಿಲೆನ್ ಕಳತ್ತೂರು ಉದಯ ತಂತ್ರಿ, ಶ್ರೀ ದೇವಲ್ಯದ ಅರ್ಚಕೆರ್ ಶ್ರೀಪತಿ ಉಪಾಧ್ಯಾಯ ಬೊಕ್ಕ ನರಸಿಂಹ ಭಟ್ ಉಪಸ್ಥಿತಿಟ್ ವಿದ್ಯುಕ್ತವಾದ್ ಮಲ್ತೆರ್. .
ಬೊಕ್ಕ ಕೊಡಿಮರತಲ್ಪ ಭಕ್ತಾದಿಲೆನ ಸಮ್ಮುಖಡ್ ಸಂಹಾರ ತತ್ವ ಕಳಶ ಸಹಿತ ಧಾರ್ಮಿಕ ವಿಧಿನ್ ನಡಪಾವುನ ಒರುಟು ಬೊಳ್ಳಿ ಮುಚ್ಚಿಗೆ ದೆತ್ತುದ್ ಕಾರ್ಯಗ್ ಚಾಲನೆ ಕೊರಿಯೆರ್.
ಈ ಪೊರ್ತುಡು ಶ್ರೀ ದೇವಲ್ಯದ ಅನುವಂಶಿಕ ಮೊಕ್ತೇಸೆರೆರ್ ಎಮ್.ದುಗ್ಗಣ್ಣ ಸಾವಂತ ಅರಸುಲು, ಕಾರ್ಯನಿರ್ವಹಣಾಧಿಕಾರಿ ಶ್ವೇತಾ ಪಳ್ಳಿ, ಅಭಿವೃದ್ಧಿ ಸಮಿತಿದ ಆತುಲ್ ಕುಡ್ಯ, ಸುನಿಲ್ ಆಳ್ವ, ಸಂಜೀವ ದೇವಾಡಿಗ, ಸುಜಿತ್ ಎಸ್.ಸಾಲ್ಯಾನ್ ನಾಗೇಶ್ ಬಪ್ಪನಾಡು, ಶಿವಶಂಕ‌ರ್ ವರ್ಮ, ನವೀನ್ ರಾಜ್ ,ಭಕ್ತಾದಿಲು ಉಪಸ್ಥಿತರಿತ್ತೆರ್.

ಪಡುಪಣಂಬೂರು ಪೊಸ ಜಾರಂದಾಯ ಬಂಡಿದ ಭವ್ಯ ಮೆರವಣಿಗೆ

ಮುಲ್ಕಿ: ಪಡುಪಣಂಬೂರು ಪಡುತೋಟ ಧರ್ಮದೈವ ಶ್ರೀ ಜಾರಂದಾಯ ದೈವಸ್ಥಾನಡ್
ಶ್ರೀ ಮೂಲ ಮಹಿಷಂದಾಯ ಬೊಕ್ಕ ಧರ್ಮದೈವ ಜಾರಂದಾಯ ಬಂಟ ದೈವಲೆನ ಫೆ.11 ರ್ದ್ 14 ಮುಟ್ಟ ಪೊಸ ಕೊಡಿಮರ ಕಲಶಾಭಿಷೇಕ, ಪೊಸ ಜಾರಂದಾಯ ಬಂಡಿಗ್ ಕಲಶಾಭಿಷೇಕ ವರ್ಷಾವಧಿ ಬಂಡಿ ನೇಮೋತ್ಸವ ನಡಪರೆ ಇತ್ತ್ ದ್ ಉಂದೆತ ಪೂರ್ವಭಾವಿಯಾದ್ ಬುದಾರ ಶ್ರೀ ಜಾರಂದಾಯ ದೈವಗ್ ಕೊಲ್ನಾಡುಗುತ್ತು ಕುಟುಂಬಕುಲು ಕೊರ್ಪುನ ಪೊಸ ಜಾರಂದಾಯ ಬಂಡಿನ್ ಅರ್ಚಕೆರ್ ರಾಮ ಭಟ್ ಮುತಾಲಿಕೆಡ್ ವಿಶೇಷ ಪೂಜೆ ಸಂದಾದ್ ವಿಜೃಂಭಣೆದ ಮೆರವಣಿಗೆಡ್
ಹಳೆಯಂಗಡಿ ಬಿಲ್ಲವ ಸಂಘದಲ್ಪರ್ದ್ ದೈವಸ್ಥಾನಗ್ ಬಾರಿ ಗರ್ದ್ ಡ್ ಮೆರವಣಿಗೆಡ್ ಕನತೆರ್.
ಬಯ್ಯ ಕ್ಷೇತ್ರದ ತಂತ್ರಿಲಾಯಿನ ಬ್ರಹ್ಮಶ್ರೀ ತಿಬಾರ್ ವೇದವ್ಯಾಸ ತಂತ್ರಿಲೆನ ನೇತೃತ್ವಡ್ ವಾಸ್ತು ಹೋಮ, ರಾಕ್ಷೋಘ್ನ ಹೋಮ, ವಾಸ್ತು ಪೂಜೆ, ಪೊಸ ಬಿಂಬಾಧಿವಾಸ, ಪ್ರಾಕಾರ ಬಲಿ ನಡತ್ಂಡ್.
ಪೊದುವಾಳ ರಾಯಿನ ದಿನೇಶ್ ಪಣಿಕರ ವಿದ್ಯಾಧರ ಶೆಟ್ಟಿ ಕೋಲ್ನಾಡು ಗುತ್ತು, ಕಿರಣ್ ಶೆಟ್ಟಿ ಕೋಲ್ನಾಡು ಗುತ್ತು, ಸಮಿತಿದ ಗುರ್ಕಾರ್ಲು ಕೃಷ್ಣ ಎಚ್, ಸುಜಿತ್ ಆಳ್ವ ಕೋಲ್ನಾಡು ಗುತ್ತು, ಜಿಕೆ ಹರಿಪ್ರಸಾದ್, ವಿಶ್ವನಾಥ ಶೆಟ್ಟಿ, ಕೃಷ್ಣಹೆಬ್ಬಾರ್, ದೇವದಾಸ್ ಚಿತ್ರಾಪು,, ಶಶೀಂದ್ರ ಸಾಲ್ಯಾನ್,ಸುರೇಂದ್ರ ಪಡು ತೋಟ, ಜಯಕೃಷ್ಣ ಕೋಟ್ಯಾನ್ ಹಳೆಯಂಗಡಿ,, ಚಂದ್ರಹಾಸ್ ಕೋಟ್ಯಾನ್, ಪಡು ತೋಟ, ಜಯದೇವ್ ಆರ್ ಅಮೀನ್ ಸಂತೆಕಟ್ಟೆ, ದಾಮೋದರ್ ಸಾಲ್ಯಾನ್ ಅಂಚೆನೆ
ಕೊಲ್ನಾಡುಗುತ್ತು, ತೋಕೂರು ಮಾಗಂದಡಿ, ಬಾಳಿಕೆಮನೆ ಬೊಕ್ಕ ದೈವಸ್ಥಾನದ ಗುರ್ಕಾರ್ಲು ಬೊಕ್ಕ ಸರ್ವ ಸದಸ್ಯೆರ್ ಆಡಳಿತ ಮಂಡಳಿ ಸದಸ್ಯೆರ್ ಉಪಸ್ಥಿತರಿತ್ತೆರ್.
ಫೆ12ನೇ ಗುರುವಾರ ಕಾಂಡೆ 6.00 ರ್ದ್ ಗಣಯಾಗ, ಪ್ರತಿಷ್ಠಾ ಕಲಶಾಧಿವಾಸ, ಧ್ವಜಕಲಶಾಧಿವಾಸ,
ಬಯ್ಯ 4.00ಕ್ಕೆ : ಶಾಂತಿ ಹೋಮ, ಕಲಶಾಧಿವಾಸ, ಅಧಿವಾಸ ಹೋಮ, ಕಲಶಾಭಿಷೇಕ, ಪೊಸ ಕೊಡಿಮರಕ್ ಕಲಶಾಭಿಷೇಕ, ಪೊಸ ಜಾರಂದಾಯ ಬಂಡಿಗ್ ಕಲಶಾಭಿಷೇಕ,
ಫೆ13 ಕ್ಕ್ ಬಯ್ಯ 5.00ಕ್ಕ್ ಚೌತಿಪರ್ಬ, ತುಡರ ಬಲಿ, ಕೊಡಿ ಏರುನು, ಫೆ
14ನೇ ಶನಿವಾರ ಬಯ್ಯ. 5.00ಕ್ಕ್ : ಭಂಡಾರ ಜಪ್ಪುನು, ರಾತ್ರೆ 7 ಅನ್ನಸಂತರ್ಪಣೆ ರಾತ್ರೆ 7.30ಕ್ಕ್ : ಮೈಸಂದಾಯ ದೈವದ ನೇಮ, ರಾತ್ರೆ 9.30ಕ್ಕ್ ಜಾರಂದಾಯ-ಬಂಟ ದೈವದ ನೇಮ ನಡಪರೆ ಉಂಡು.

ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತರಿ ಕಾಯ್ದೆನ್ ಬದಲಾವಣೆ ಮಲ್ತ್ ದ್ ರೈತೆರೆಗೆ ಅಂಚೆನೆ ಕೃಷಿಕೆರೆಗ್ ಕೇಂದ್ರ ಸರ್ಕಾರರ್ದ್ ದ್ರೋಹ- ಬಿ ಎಸ್.ಉಗ್ರಪ್ಪ

ಮಹಾತ್ಮ ಗಾಂಧಿ ಮನರೇಗಾ ಬಚಾವ್ ಸಂಗ್ರಾಮ ಪಾದಯಾತ್ರೆ ಮುಗಿತಲ

ಮುಲ್ಕಿ: ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಸಮಿತಿ ವತಿರ್ದ್ ಮಹಾತ್ಮ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತರಿ ಕಾಯ್ದೆನ್ ಕೇಂದ್ರ ಬಿಜೆಪಿ ಸರ್ಕಾರ ಬದಲಾವಣೆ ಮಲ್ತಿನೆಕ್ಕ್ ಖಂಡನೆ ಮಲ್ತ್ ದ್ ಅಂಚೆನೆ ಕಾಯ್ದೆ ಮರು ಜಾರಿಗ್ ಕನವರೆ ಆಗ್ರಹ ಮಲ್ತ್ ದ್ ಮಹಾತ್ಮ ಗಾಂಧಿ ಮನರೇಗಾ ಬಚಾವ್ ಸಂಗ್ರಾಮ ಪಾದಯಾತ್ರೆ ಮುಗಿತಲ ಅಂಚೆನೆ ಸಾರ್ವಜನಿಕ ಸಭೆ ಗುರುವಾರ ಬಯ್ಯ ಮುಲ್ಕಿ ಬಸ್ ನಿಲ್ದಾಣದಲ್ಪ ನಡತ್ಂಡ್.
ಸಭೆಟ್ ಮಾಜೀ ಸಂಸದ ವಿ ಎಸ್.ಉಗ್ರಪ್ಪ ಪಾತೆರ್ದ್
ಇಡೀ ವಿಶ್ವನೆ ಗಾಂಧೀಜಿನ್ ರಾಜರ್ಷಿಯಾದ್ ತೂವೊಂದುಂಡು, ಗ್ರಾಮೀಣ ಜನಕ್ಲೆನ ಬದ್ಕ್ ಗ್ ಮಲ್ದಿನ ಮಹಾತ್ಮ ಗಾಂಧಿ ಪುದರ್ ದ ಉದ್ಯೋಗ ಖಾತರಿ ಕಾಯ್ದೆನ್ ದೆತ್ತಿನೆಕ್ಕ್ ಕೇಂದ್ರ ಸರ್ಕಾರದ ನೀತಿಯನ್ ವಿರೋಧ ಮಲ್ತ್ ದ್ ಜನ ಜಾಗೃತಿ ಮೂಡಾವುನವೆ ಮನರೇಗಾ ಬಚಾವ್ ಸಂಗ್ರಾಮ ಪಾದಯಾತ್ರೆದ ಉದ್ದೇಶ. ಮನ್ ರೇಗಾ ಯೋಜನೆನ್ ಕುಡ
ಜಾರಿಗ್ ಕನತಿಜಿಂಡ ಉಗ್ರ ಹೋರಾಟ ಮಲ್ಪುವ. ಪ್ರಧಾನಿ ನರೇಂದ್ರ ಮೋದಿಯನ ದೇಶದ ಸರ್ವಾಧಿಕಾರಿ ಧೋರಣೆಡ್ ಜನ ಬೇಜರಾತೆರ್. ಮಾತಾ ಸಂವಿಧಾನಿಕ ಸಂಸ್ಥೆಲೆನ್ ದುರುಪಯೋಗ ಮಲ್ತೊಂದುಲ್ಲೆರ್ , ದೇಶಡ್ ಬೆಲೆ ಜಾಸ್ತಿ ಆಯಿನ ಕಮ್ಮಿ ಮಲ್ಪರೆ ಆವೊಂದಿಜ್ಜಿ. ಇತ್ತೆ ಮಹಾತ್ಮ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತರಿ ಕಾಯ್ದೆನ್ ಬದಲಾವಣೆ ಮಲ್ತ್ ದ್ ರೈತರೆಗ್ ಬೊಕ್ಕ ಕೃಷಿಕೆರೆಗ್ ದ್ರೋಹ ಮಲ್ದೆರ್ ಅಂಚಿನಕ್ಲೆಗ್ ಸರಿಯಾಯಿನ ಬುದ್ಧಿ ಕಲ್ಪಾವರೆ ಜನ ದುಂಬು ಆವೊಡು ಪಂಡೆರ್.
ಈ ಪೊರ್ತುಡು ಮಾಜೀ ಸಚಿವೆರ್ ರಮಾನಾಥ ರೈ ಅಭಯ ಚಂದ್ರ ಜೈನ್,ಕಾಂಗ್ರೆಸ್ ಜಿಲ್ಲಾ ಅಧ್ಯಕ್ಷೆರ್ ಹರೀಶ್ ಕುಮಾರ್, ವಿಧಾನ ಪರಿಷತ್ ಸದಸ್ಯ ಐವಾನ್ ಡಿಸೋಜ, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಇನಾಯತ್ ಆಲಿ, ಗೇರು ನಿಗಮದ ಅಧ್ಯಕ್ಷೆರ್ ಮಮತಾ ಗಟ್ಟಿ, ಪರಿಸರ ಪ್ರವಾಸೋಧ್ಯಮ ನಿಗಮದ ಅಧ್ಯಕ್ಷೆರ್ ಶಾಲೆಟ್ ಪಿಂಟೋ,
ಮಾಜೀ ಮೇಯರ್ ಶಶಿಧರ್ ಹೆಗ್ಡೆ,ಕೆಪಿಸಿಸಿ ಸದಸ್ಯ ವಸಂತ್ ಬೆರ್ನಾಡ್, ಕಾಂಗ್ರೆಸ್ ನಾಯಕೆರ್ ಪುತ್ತು ಬಾವ, ಮಂಜುನಾಥ ಕಂಬಾರ, ಅಪ್ಪಿ, ಉಷಾ ಅಂಚನ್, ಸುಹಾನ್ ಆಳ್ವ,ಇಬ್ರಾಹಿಂ ನವಾಜ್,
ಪ್ರವೀಣ್ ಶಿರ್ತಾಡಿ,ವಿಲ್ಮಾ ಡಿಕೋಸ್ಟ ಮುಲ್ಕಿ, ಮಾಜೀ ಕಾರ್ಪೊರೇಟರ್ ನವೀನ್ ಡಿಸೋಜ, ಸುಪ್ರೀತಾ ಶೆಟ್ಟಿ ಮೂಡಬಿದ್ರೆ, ಪುರಂದರ ದೇವಾಡಿಗ ಮೂಡಬಿದ್ರೆ, ರಕ್ಷಿತ್ ಪೂಜಾರಿ ಮುಲ್ಕಿ, ಅನೀಶ್, ಧನಂಜಯ ಮಟ್ಟು , ಮಯ್ಯದಿ, ಶಾಹುಲ್ ಹಮೀದ್, ಗೋಪಿನಾಥ ಪಡಂಗ, ಕೃಷ್ಣಪ್ಪ ಸುಳ್ಯ ಭೀಮಾ ಶಂಕರ್, ಧರ್ಮಾನಂದ ಶೆಟ್ಟಿಗಾರ್,
ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್ ಎದ್ಕೊಂಡೆರ್.

ಪದವು ಶಕ್ತಿನಗರ ಶ್ರೀ ಶನೈಶ್ವರ ದೇವಸ್ಥಾನದ ಬ್ರಹ್ಮಕಲಶೋತ್ಸವದ ಅಟ್ಟಣೆದ ಸಭೆ

ಕುಡ್ಲ : ಅಂದಾಜಿ ಮೂಜಿ ಕೋಟಿ ರೂಪಾಯಿ ಕರ್ಚಿಡ್ ನಿರ್ಮಾಣ ಆಪಿನ ಶಕ್ತಿನಗರ ಶ್ರೀ ಶನೀಶ್ವರ ದೇವಸ್ಥಾನದ ನಿರ್ಮಾಣದ ಬೇಲೆ ಮುಗಿತಲದ ಹಂತೊಗು ಬತ್ತಿತ್ತ್‌ದ್ ಎಪ್ರಿಲ್ ತಿಂಗೊಲುಡು ಪ್ರತಿಷ್ಠೆ, ಬ್ರಹ್ಮಕಲಶೋತ್ಸವ ನಡಪರೆ ಇತ್ತಿನ ನಿಲೆಟ್ಟ್ , ನೆತ್ತ ಅಟ್ಟಣೆದ ಸಭೆ ಹಿಂದೂ ಸೇವಾ ಸಮಿತಿ ಸಭಾಂಗಣಡ್ ನಡತ್ಂಡ್.
ದೇವಸ್ಥಾನ ನಿರ್ಮಾಣ ಸಮಿತಿದ ಅಧ್ಯಕ್ಷೆರ್ ಕದ್ರಿ ನವನೀತ ಶೆಟ್ರ್ ಪಾತೆರ್ದ್ ದೇವರ್ನ ಪ್ರತಿಷ್ಠೆ, ಬ್ರಹ್ಮಕಲಶೋತ್ಸವದ ತಯಾರಿದ ಬಗೆಟ್ಟ್ ಪೊಲಬು ಮಲ್ತ್ ಕೊರಿಯೆರ್.
ಶ್ರೀ ಶನೀಶ್ವರ ದೇವಸ್ಥಾನ ಟ್ರಸ್ಟ್ ಅಧ್ಯಕ್ಷೆರ್ ರಾಮಚಂದ್ರ ಚೌಟ ದೇವಸ್ಥಾನದ ನಿರ್ಮಾಣ ಹಂತದ ಕಾಮಗಾರಿದ ಬಗ್ಗೆ ತೆರಿಪಾಯೆರ್. ಹಿಂದೂ ಯುವ ಸೇನೆ ಕೇಂದ್ರೀಯ ಮಂಡಳಿ ಅಧ್ಯಕ್ಷೆರ್ ಯಶೋಧರ ಚೌಟ, ಮಹಿಳಾ ಸಮಿತಿ ಗೌರವಾಧ್ಯಕ್ಷೆರ್ ರೋಹಿನಿ ಟೀಚರ್, ಕಾರ್ಯಾಧ್ಯಕ್ಷೆರ್ ವಕೀಲ ರಾಮ್ ಪ್ರಸಾದ್, ಪ್ರಧಾನ ಕಾರ್ಯದರ್ಶಿ ಕಿಶೋರ್ ಕೊಟ್ಟಾರಿ, ಗೌರವ ನಿರ್ದೇಶಕೆರ್ ಶ್ರೀನಿವಾಸ್ ಸೇರಿಗಾರ್ ಮೊಕುಲು ಪಾತೆರ್ದ್ ಬೇತೆ ಬೇತೆ ಜಬದಾರಿದ ಬಗ್ಗೆ ಮಾಹಿತಿ ಕೊರಿಯೆರ್. ಮಹಿಳಾ ಸಮಿತಿ ಅಧ್ಯಕ್ಷೆರ್ ವಿಜಯ ಅರುಣ್, ದೇವಸ್ಥಾನ ನಿರ್ಮಾಣ ಸಮಿತಿದ ಪದುಕೆರಾಯಿನ ಉಮೇಶ್‌ ಪೈ ಬಬ್ಲಿ, ಅಜಯ್ ಶಕ್ತಿನಗರ, ಜನಾರ್ದನ ಅರ್ಕುಳ, ಮೋನಪ್ಪ ಪೂಜಾರಿ, ಬಿಜೆಪಿ ದಕ್ಷಿಣ ಮಂಡಲ ಅಧ್ಯಕ್ಷೆರ್ ರಮೇಶ್ ಕಂಡೆಟ್ಟು, ಹಿಂದೂ ಯುವ ಸೇನಾ ಜಿಲ್ಲಾ ಧ್ಯಕ್ಷೆರ್ ವೀರಪ್ಪ ಮೂಡುಶೆಡ್ಡೆ, ಜಿಲ್ಲಾ ಜಾನಪದ ಪರಿಷತ್ ಅಧ್ಯಕ್ಷೆರ್ ಪಮ್ಮಿ‌ ಕೊಡಿಯಾಲ್ ಬೈಲ್, ಕೇಂದ್ರೀಯ ಮಂಡಳಿ ಉಪಾಧ್ಯಕ್ಷೆರಾಯಿನ ಕೊರಗಪ್ಪ ಶೆಟ್ಟಿ,ಮಹಿಳಾ ಸಮಿತಿ ಬೊಕ್ಕ ಗ್ರಾಮ ಸಮಿತಿ, ಮಹಿಳಾ ಸಮಿತಿ, ಊರುದ ಭಕ್ತೆರ್ ಮಾತ ಇತ್ತೆರ್. ಪ್ರಚಾರ ಮಾಧ್ಯಮ ಸಂಚಾಲಕೆರ್ ಪ್ರವೀಣ್ ಎಸ್ ಕುಂಪಲ ಸಭೆ ಸುದಾರಿಕೆ ಮಲ್ತೆರ್. ಗೌರವ ನಿರ್ದೇಶಕೆರ್ ದೇವಿಪ್ರಸಾದ್ ಕಾರ್ಮಿಕ ಕಾಲನಿ ಸೊಲ್ಮೆ ಸಂದಾಯೆರ್.

ಪಡ್ರೆ ಜುಮಾದಿ ದೈವಸ್ಥಾನಡ್ ವರ್ಷಾದಿ ಜಾತ್ರೆದ ಲೆಪ್ಪೋಲೆ ಬಿಡುಗಡೆ

ಸುರತ್ಕಲ್ : ತುಳುನಾಡ್‌ದ ಕಾರ್ಣಿಕದ ಕ್ಷೇತ್ರ ಸುರತ್ಕಲ್ ಕೈತಲ್ದ ಪಡ್ರೆ ಶ್ರೀ ಧೂಮಾವತಿ ದೈವಸ್ಥಾನದ ವಾರ್ಷಿಕ ಜಾತ್ರೆದ ಲೆಪ್ಪೋಲೆನ್ ದೈವಸ್ಥಾನದ ವಠಾರಡ್ ಗಡಿ ಪ್ರಧಾನೆರ್ ಬಾಬು ಭಂಡ್ರಿಯಾಲ್ ಬಿಡುಗಡೆ ಮಲ್ತೆರ್.
ದೈವಸ್ಥಾನದ ಆಡಳಿತ ಮಂಡಳಿ ಉಪಾಧ್ಯಕ್ಷೆರಾಯಿನ ಲೋಕಯ್ಯ ಶೆಟ್ಟಿ ಮುಂಚೂರು, ಸತೀಶ್ ಮುಂಚೂರು, ಪ್ರಧಾನ ಕಾರ್ಯದರ್ಶಿ ಲತೀಶ್ ಶೆಟ್ಟಿ ಪಡ್ರೆ, ಸಹ ಕಾರ್ಯದರ್ಶಿ ಮುಖೇಶ್ ಶೆಟ್ಟಿ ಪಡ್ರೆ, ಯತೀಶ್ ಪಡ್ರೆ, ದಿವಾಕರ್ ಶೆಟ್ಟಿ ಪಡ್ರೆ, ಬಂಟ ಪೂಜಾರಿ ಮುಕ್ಕ ಮೊಕುಲು ಸಭೆಟ್ಟ್ ಪಾಲ್ ಪಡೆದಿತ್ತೆರ್.
ಮಾರ್ಚ್ 2 ತಾರೀಕ್‌ಗ್ ಪಡ್ರೆ ಶ್ರೀ ಧೂಮಾವತಿ ಭಂಟ ದೈವೊಲೆನ ಭಂಡಾರ ಮುಕ್ಕ ಭಂಡಾರದಿಲ್ಲರ್ದ್ ಪಿದಡ್ದ್ ಪಡ್ರೆ ಶ್ರೀ ಧೂಮಾವತಿ ದೈವಸ್ಥಾನಡ್ ಕೊಡಿ ಏರ್ದ್ ತುಡರ ಬಲಿ ನಡಪರೆ ಉಂಡು
ಮಾರ್ಚ್ 3 ಕ್ಕ್ ಮಧ್ಯಾಹ್ನ ಶ್ರೀಧರ್ ಕೆ . ಅಮೀನ್ ಮಂಗಳೂರು ಮೆರೆನ ಸ್ಮರಣಾರ್ಥ ಸಾರ್ವಜನಿಕ ಅನ್ನ ಸಂತರ್ಪಣೆ ನಡಪರೆ ಉಂಡು. ಅವೇ ದಿನ ರಾತ್ರೆ ಪೂತ್ತ ಪೂಜೆ, ಕಾಲಾವಧಿ ಜಾತ್ರೆ ನಡಪರೆ ಉಂಡು.
ಮಾ.4 ಬಯ್ಯಡ್ ಬಾಕಿ ಮಾರ್ ಚೆಂಡ್, ತುಡರ ಬಲಿ ಆದ್ ಕೊಡಿ ಜಾದ್ ಭಂಡಾರ ಪಿರ ಪೋವರೆ ಉಂಡು ಪಂದ್ ದೈವಸ್ಥಾನದ ಪ್ರಕಟಣೆ ತೆರಿಪಾದ್ಂಡ್.

You Missed