May 2026
ಜನಕ್ಲೆಡ ಪ್ರಧಾನಿ ಮೋದಿ ಬಿನ್ನಾಪು
ಪ್ರಧಾನಿ ನರೇಂದ್ರ ಮೋದಿ ಸಾರ್ವಜನಿಕೆರ್ಡ ಈ 7 ವಿಚಾರೊದ ಬಗೆಟ್ಟ್ ಬಿನ್ನಾಪು ಮಲ್ದೆರ್.
-
ಒಲ್ಪ ಸಾಧ್ಯನಾ ಅಲ್ಪ ಇಲ್ಲರ್ದೇ ಆಫೀಸ್ ಕೆಲಸ ಮಲ್ಪರೆ ತೂಲೆ
-
ಒಂಜಿ ವರ್ಷದ ಮಟ್ಟ್ ಗ್ ಬಂಗಾರ್ ದೆತೊನೊಡ್ಚಿ
-
ಪೆಟ್ರೋಲ್, ಡೀಸೆಲ್ ಕಮ್ಮಿ ಕರ್ಚಿ ಮಲ್ಪುಲೆ. ಮೆಟ್ರೊ ಇಜ್ಜಿಡ ಬಸ್ಡ್ ಸಂಚಾರ ಮಲ್ಪುಲೆ.
-
ಅಟಿಲ್ಗ್ ಎಣ್ಣೆ ಪಾಡುನ ಕಮ್ಮಿ ಮಲ್ಪುಲೆ
-
ಒಂಜಿ ವರ್ಷದ ಮಟ್ಟ್ಗ್ ಫಾರಿನ್ ಪ್ರವಾಸ ಪೋವಡೆ
-
ರಾಸಾಯನಿಕ ದಿಂಜಿನ ಗೊಬ್ಬರ ಗಲಸಡೆ. ನೈಸರ್ಗಿಕ ಕೃಷಿ ಮಲ್ಪುಲೆ
-
ಪಿದಯಿ ದೇಶದ ಸೊತ್ತುಲೆನ್ ಗಲಸುನೆನ್ ಕಮ್ಮಿ ಮಲ್ತ್ದ್ ಸ್ವದೇಶಿ ಉತ್ಪತ್ತಿಲೆನ್ ಗಲಸ್ಲೆ.
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಎಂಸಿಸಿ ಬ್ಯಾಂಕ್ಡ್ 114ನೇ ಸಂಸ್ಥಾಪಕೆರ್ನ ದಿನಾಚರಣೆ
ಕುಡ್ಲ : ಎಂಸಿಸಿ ಬ್ಯಾಂಕ್ ಲಿ. ತನ್ನ 114ನೇ ವರ್ಷದ ಸಂಸ್ಥಾಪಕರ ದಿನಾಚರಣೆನ್ ಆಡಳಿತ ಕಚೇರಿ ಆವರಣಡ್ ಗೌಜಿಡ್ ಆಚರಣೆ ಮಲ್ತ್ಂಡ್. ಕಾರ್ಯಕ್ರಮಡ್ ಬ್ಯಾಂಕ್ದ ಸಂಸ್ಥಾಪಕೆರ್ ದಿ. ಪಿ.ಎಫ್.ಎಕ್ಸ್. ಸಲ್ದಾನ್ಹ ಮೆರೆನ ದೂರದೃಷ್ಟಿದ ಸೇವೆನ್ ನೆಂಪು ಮಲ್ತೆರ್. ಸಹಕಾರಿ ಕ್ಷೇತ್ರಡ್ ಬ್ಯಾಂಕ್ ಮಲ್ದಿನ ಸಾಧನೆನ್ ನಿರಂತರ ಪ್ರಗತಿ ಬೊಕ್ಕ ಸ್ಥೈರ್ಯನ್ ಗೌರವ ಮಲ್ತೆರ್.
ಕಾರ್ಯಕ್ರಮದ ಅಧ್ಯಕ್ಷತೆನ್ “ಸಹಕಾರ ರತ್ನ ” ಅನಿಲ್ ಲೋಬೊ ವಹಿಸ್ದಿತ್ತೆರ್. ಸೇಂಟ್ ಅಲೋಶಿಯಸ್ (ಡೀಮ್ಡ್ ಟು ಬಿ ಯುನಿವರ್ಸಿಟಿ), ಮಂಗಳೂರು ನೆತ್ತ ಉಪಕುಲಪತಿ ರೆವ್. ಡಾ. ಪ್ರವೀಣ್ ಮಾರ್ಟಿಸ್ SJ, ಕರ್ಣಾಟಕ ಬ್ಯಾಂಕ್ ಮಾಜಿ ಮಹಾಪ್ರಬಂಧಕೆರ್ ಬೊಕ್ಕ ಮುಖ್ಯ ಅನುಸರಣಾಧಿಕಾರಿ ಡಾ| ಮೀರಾ ಅರಾನ್ಹಾ, ಮಂಗಳೂರು ಧರ್ಮಪ್ರಾಂತ್ಯದ ಸಾರ್ವಜನಿಕ ಸಂಪರ್ಕಾಧಿಕಾರಿ , ರಚನಾ ಚೇಂಬರ್ ಆಫ್ ಕಾಮರ್ಸ್ ಅಂಡ್ ಇಂಡಸ್ಟ್ರಿದ ಅಧ್ಯಕ್ಷೆರ್ ರಾಯ್ ಕ್ಯಾಸ್ಟೆಲಿನೋ, ಕೆನರಾ ಚೇಂಬರ್ ಆಫ್ ಕಾಮರ್ಸ್ ಅಂಡ್ ಇಂಡಸ್ಟ್ರಿಯ ಮಾಜಿ ಅಧ್ಯಕ್ಷೆರ್ ಐಸಾಕ್ ವಾಸ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್. ಬ್ಯಾಂಕ್ದ ಮಹಾಪ್ರಬಂಧಕೆರಾಯಿನ ಸುನಿಲ್ ಮಿನೇಜಸ್ ವೇದಿಕೆಡ್ ಇತ್ತೆರ್.
ಕಾರ್ಯಕ್ರಮಡ್ ಗಣ್ಯೆರ್ ಬೊಕ್ಕ ಸಂಸ್ಥಾಪಕೆರೆನ ಕುಟುಂಬ ಸದಸ್ಯೆರ್ ದಿ. ಪಿ.ಎಫ್.ಎಕ್ಸ್. ಸಾಲ್ದಾನ್ಹ ಮೆರೆನ ಭಾವಚಿತ್ರಗ್ ಪುಷ್ಪ್ಪನಮನ ಸಲ್ಲಿಸಿ ಗೌರವ ಸಂದಾಯೆರ್. ಅಧ್ಯಕ್ಷೆರ್ ಅನಿಲ್ ಲೋಬೊ ಪಾತೆರ್ದ್, ಬ್ಯಾಂಕ್ದ ಒಟ್ಟು ವ್ಯವಹಾರ ರೂ.500 ಕೋಟಿರ್ದ್ ರೂ.1,525 ಕೋಟಿಗೆ ಏರಿಕೆಯಾತ್ಂಡ್. ರೂ.13 ಕೋಟಿ ಲಾಭ ಮಲ್ದ್ಂಡ್. ಪ್ರಸ್ತುತ ಉಪ್ಪುನ 21 ಶಾಖೆಲೆನ್ 25ಕ್ಕ್ ವಿಸ್ತರಣೆ ಮಲ್ಪುನ ಯೋಜನೆ ಉಂಡು ಪಂದ್ ಪಂಡೆರ್. ಈ
ಕಾರ್ಯಕ್ರಮಡ್ ಅರ್ಹತೆ ಪಡೆಯಿನ ಚಾರ್ಟರ್ಡ್ ಅಕೌಂಟೆಂಟ್ ಸಿಎ ಮ್ಯೂರಿಯಲ್ ಮಸ್ಕರೇನ್ಹಾಸ್ ಬೊಕ್ಕ ಸಿಎ ಜಾಯ್ಸ್ಟನ್ ಡಿಸೋಜಾ ಮೊಕ್ಲೆನ್ ಸನ್ಮಾನ ಮಲ್ತೆರ್. ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಹೆನ್ರಿ ಮೆಂಡೋನ್ಕಾ (ಎಚ್.ಎಂ. ಪೆರ್ನಾಲ್), ಕಿತ್ತೂರು ರಾಣಿ ಚೆನ್ನಮ್ಮ ಪ್ರಶಸ್ತಿ ಪುರಸ್ಕೃತೆ ರಿಶೆಲ್ ಫೆರ್ನಾಂಡಿಸ್ ಬೊಕ್ಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್ ಡಾ| ಜೋಸೆಫ್ ಲೋಬೊ, ಝೇವಿಯರ್ ಡಿಸೋಜಾ ಬೊಕ್ಕ ಪ್ರೇಮ್ ಜೆ. ಮೊರಾಸ್ ಮೊಕ್ಲೆಗ್ ಮಾನಾದಿಗೆ ಮಲ್ತೆರ್.
ನಿರ್ದೇಶಕೆರಾಯಿನ ರೋಶನ್ ಡಿಸೋಜಾ, ಅನಿಲ್ ಪತ್ರಾವೊ, ಬನ್ನು ಫೆರ್ನಾಂಡಿಸ್, ವಾಸ್ತುಶಿಲ್ಪಿ ದೀಪಕ್ ಡಿಸೋಜಾ ಮೊಕ್ಲೆಗ್ಲ ಸನ್ಮಾನ ಮಲ್ತೆರ್ ಮಹಾಪ್ರಬಂಧಕೆರ್ ಸುನಿಲ್ ಮೆನೆಜಸ್ ವಂದನಾರ್ಪಣೆ ಸಂದಾಯೆರ್. ಜೇಸನ್ ಶಿರ್ತಾಡಿ ನಿರೂಪಣೆ ಮಲ್ತೆರ್.
ಕಾರ್ಯಕ್ರಮಡ್ ನಿರ್ದೇಶಕೆರಾಯಿನ ಆಂಡ್ರೂ ಡಿಸೋಜಾ, ಹೆರಾಲ್ಡ್ ಮೊಂತೋರೊ, ಅನಿಲ್ ಪತ್ರಾವೊ, ಡೇವಿಡ್ ಡಿಸೋಜಾ, ಜೆ.ಪಿ. ರೋಡ್ರಿಗಸ್, ರೋಶನ್ ಡಿಸೋಜಾ, ಮೆಲ್ವಿನ್ ವಾಸ್, ವಿನ್ಸೆಂಟ್ ಲಸ್ರಾದೊ, ಸುಶಾಂತ್ ಸಾಲ್ದಾನ್ಹಾ, ಐರಿನ್ ರೆಬೆಲ್ಲೊ, ಆಲ್ವಿನ್ ಪಿ. ಮೊಂತೇರೊ, ಫೆಲಿಕ್ಸ್ ಡಿಕ್ರೂಜ್, ಡಾ| ಜೆರಾಲ್ಡ್ ಪಿಂಟೊ ಬೊಕ್ಕ ಸಿ.ಜಿ. ಪಿಂಟೊ ಮೊಕುಲು ಮಾತ ಇತ್ತೆರ್.
Religious & Cultural News ಮಾತ ಧರ್ಮದ ಸುದ್ದಿ
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News
ಮೇ.15,16: ಚೇಳಾಯರ್ ಖಂಡಿಗೆ ಧರ್ಮರಸು ಶ್ರೀ ಉಳ್ಳಾಯ ದೈವಸ್ಥಾನಡ್ ಕಂಡೇವುದ ಆಯನ ವರ್ಷೊದ ಜಾತ್ರೆ
ಚೇಳಾಯರ್ ಖಂಡಿಗೆ ಧರ್ಮರಸು ಶ್ರೀ ಉಳ್ಳಾಯ ದೈವಸ್ಥಾನಡ್ ಕಂಡೇವುದ ಆಯನ ವರ್ಷೊದ ಜಾತ್ರೆ ಮೇ.15 ಬೊಕ್ಕ 16ಕ್ಕ್ ನಡಪರೆ ಉಂಡು.
ಮೇ.15 ಸುಕ್ರಾರ ಬೊಲ್ಪುಗು ಮೀನ್ ಪತ್ತಿಯೆರೆ ಉಂಡು. ಬೊಕ್ಕ ಮೂಲಸ್ಥಾನಡ್ ಶುದ್ಧಕಲಶ, ಗಣಹೋಮ, ಸಂಕ್ರಾಂತಿ ಪೂಜೆ, ಮಧ್ಯಾಹ್ನ ಅನ್ನಸಂತರ್ಪಣೆ ರಾತ್ರೆ ಅನ್ನಸಂತರ್ಪಣೆ, ಬ್ರಹ್ಮಸ್ಥಾನಡ್ ಬ್ರಹ್ಮೆರೆಗ್ ತಂಬಿಲ, ಕುಮಾರ ಸಿರಿಲೆನ ದರ್ಶನ, ಧರ್ಮರಸು ಶ್ರೀ ಉಳ್ಳಾಯ ಬೊಕ್ಕ ಪರಿವಾರ ದೈವೊಲೆನ ಭಂಡಾರ ಮೂಲಸ್ಥಾನಗ್ ಪೋಪುಂಡು. ಬೆಡಿಮಾರ್ದ್ ಪ್ರದರ್ಶನ ಆದ್ ಕೊಡಿ ಏರುಂಡು. ಬೊಕ್ಕ ಪಾಂಚಜನ್ಯ ಆಟ ನಡಪುಂಡು.
ಮೇ.16 ಸನಿಯಾರ ಬೊಲ್ಪುಗು ಧರ್ಮರಸು ಶ್ರೀ ಉಳ್ಳಾಯ, ಇಷ್ಟದೇವತೆ, ಬಬ್ಬರ್ಯ ಬೊಕ್ಕ ಪರಿವಾರ ದೈವೊಲೆಗ್ ನೇಮೋಚ್ಚಯ ಆದ್ ನಂದಿಗೋಣ ಕುಮಾರ ಸಿರಿಲೆನ ಭೇಟಿ ಆಯೆರೆ ಉಂಡು. ಬೊಕ್ಕ ನಾಗದೇವೆರೆಗ್ ಭಕ್ತೆರೆರ್ದ್ ತಂಬಿಲ ಸೇವೆ, ಬಯ್ಯಗ್ ಬಾಕಿಮಾರ್ ಕಂಡಡ್ ಚೆಂಡ್, ಜಾರಂದಾಯ, ಬಂಟ, ಕೊಡಮಣಿತ್ತಾಯ ದೈವೊಲೆಗ್ ಜೋಡಿ ನೇಮೋಚ್ಚಯ, ಬಾಕಿಲ್ ದಾಂತಿ ಶ್ರೀ ಕೋರ್ದಬ್ಬು ದೈವಸ್ಥಾನದ ಕೋರ್ದಬ್ಬು ಬೊಕ್ಕ ಧೂಮಾವತಿ ದೈವೊದ ಭೇಟಿ, ರಾತ್ರೆ ಶ್ರೀ ಉಳ್ಳಾಯ ಬೊಕ್ಕ ಪರಿವಾರ ದೈವೊಲೆಗ್ ಸಾಮೂಹಿಕ ಪೂತ್ತ ಪೂಜೆ, ಸಾರ್ವಜನಿಕ ಅನ್ನಸಂತರ್ಪಣೆ, ಕೊಡಿ ಜಾವೆರೆ ಉಂಡು. ಬೊಕ್ಕ ಖಂಡಿಗೆ ಬೀಡಿಗೆ ಭಂಡಾರ ಪಿದಾಡುಂಡು. ಬೊಕ್ಕ ಎನ್ನಿಲೆಕ್ಕ ಇಜ್ಜೆರ್ ನಾಟಕ ನಡಪರೆ ಉಂಡು.
ಅಂಚೆನೆ ಮೇ.25 ಸೋಮಾರ ಕಲ್ಕುಡ ಬೊಕ್ಕ ಪರಿವಾರ ದೈವೊಲೆಗ್ ನೇಮೋಚ್ಚಯ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆವೊಡು ಪಂದ್ ದೈವಸ್ಥಾನದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News
ಮೇ 9-10: ಸುರತ್ಕಲ್ಡ್ ‘ಲೆಜೆಂಡ್ಸ್ ಕ್ರಿಕೆಟ್ ಲೀಗ್’ ಸೀಸನ್-5; ಹಿರಿಯೆರ್ನ ಕ್ರಿಕೆಟ್ದ ಗೊಬ್ಬು
ಕುಡ್ಲ : ಸುರತ್ಕಲ್ ಸ್ಪೋರ್ಟ್ಸ್ ಆ್ಯಂಡ್ ಕಲ್ಚರಲ್ ಕ್ಲಬ್ (ರಿ.) ಬೊಕ್ಕ ಸುರತ್ಕಲ್ ಸ್ಪೋರ್ಟ್ಸ್ ಆ್ಯಂಡ್ ಕಲ್ಚರಲ್ ಸೇವಾ ಟ್ರಸ್ಟ್ ಮೊಕ್ಲೆನ ಜಂಟಿ ಆಶ್ರಯಡ್ ರಾಜ್ಯ ಮಟ್ಟದ 45 ವರ್ಷ ಮಿತ್ತ್ದ ಆಟಗಾರೆರ್ನ ಕೂಟದ ‘ಓವರ್ ಆರ್ಮ್’ ಕ್ರಿಕೆಟ್ ಪಂದ್ಯಾಕೂಟ ʻಲೆಜೆಂಡ್ಸ್ ಕ್ರಿಕೆಟ್ ಲೀಗ್ (LCL) ಸೀಸನ್-5′ ಮೇ 9 ಬೊಕ್ಕ 10 ತಾರೀಕ್ಗ್ ಸುರತ್ಕಲ್ ಗೋವಿಂದ ದಾಸ್ ಕಾಲೇಜ್ ಮೈದಾನೊಡು ನಡಪರೆ ಉಂಡು ಪಂದ್ ಕಾರ್ಯದರ್ಶಿ ಕಿರಣ್ ಆಚಾರ್ಯ ತೆರಿಪಾಯೆರ್.
ಕುಡ್ಲದ ಪ್ರೆಸ್ಕ್ಲಬ್ಡ್ ನಡತಿನ ಸುದ್ದಿಗೋಷ್ಠಿಡ್ ಮಾಹಿತಿ ಕೊರ್ನ ಆರ್, ಕರಿನ ಐನ್ ವರ್ಷರ್ದಿಂಚಿ ಯಶಸ್ವಿಯಾದ್ ನಡತೊಂದು ಬೈದಿನ ಈ ಕ್ರೀಡಾಕೂಟ ಹಿರಿಯ ಕ್ರಿಕೆಟಿಗೆರೆನ್ ಒಟ್ಟು ಮಲ್ಪುನ ‘ಹಿರಿಯರ ಕ್ರಿಕೆಟ್ ಪರ್ಬವಾದ್’ ಮೂಡ್ದು ಬರ್ರೆ ಉಂಡು ಪಂದ್ ಪಂಡೆರ್.
ಪಂದ್ಯಾಕೂಟಡ್ ಗೆಂದಿನ ತಂಡದಕ್ಲೆಗ್ ಭರ್ಜರಿ ದುಡ್ಡುದ ಇನಾಮು ಬೊಕ್ಕ ಟ್ರೋಫಿ ಕೊರೊಂದುಲ್ಲ. ಸುರುತ್ತ ಇನಾಮು 1,00,005 ರೂ. ಬೊಕ್ಕ ಟ್ರೋಫಿ, 2 ನೇ ಇನಾಮು 50,005 ರೂ. ಬೊಕ್ಕ ಟ್ರೋಫಿ ಅಂಚೆನೆ 3 ನೇ ಬೊಕ್ಕ 4 ನೇ ಇನಾಮುದ ಒಟ್ಟುಗು ಆಕರ್ಷಕ ಟ್ರೋಫಿ ಪಟ್ಟುವ. ಈ ಪಂದ್ಯ ಕೂಟಡ್ ರಾಜ್ಯದ ಬೇತೆ ಬೇತೆ ಕಡೆರ್ದ್ 45 ವರ್ಷ ಮಿತ್ತ್ದ ಆಟಗಾರೆರ್ನ ತಂಡದಕುಲು ಪಾಲ್ ಪಡೆಯರೆ ಉಲ್ಲೆರ್ ಪಂದ್ ತೆರಿಪಾಯೆರ್.
ಪತ್ರಿಕಾಗೋಷ್ಠಿಡ್ ಗೌರವಾಧ್ಯೆಕ್ಷೆರ್ ಮಹಾಬಲ ಪೂಜಾರಿ ಕಡಂಬೋಡಿ ಬೊಕ್ಕ ಸದಸ್ಯೆರಾಯಿನ ಪುಷ್ಪರಾಜ್ ಶೆಟ್ಟಿ ಮಧ್ಯ ಉಪಸ್ಥಿತರಿತ್ತೆರ್.
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಎಂಐಟಿಡಿಎ ಪ್ರೀಮಿಯರ್ ಲೀಗ್–2026: ರಾಯಲ್ ಚಾಲೆಂಜರ್ಸ್ ಕುಡ್ಲಗ್ ರನ್ನರ್-ಅಪ್ ಪ್ರಶಸ್ತಿ
ಕುಡ್ಲ: ಕುಡ್ಲ ಐಟಿ ಡೀಲರ್ಸ್ ಅಸೋಸಿಯೇಷನ್ ದ ಮುತಾಲಿಕೆಡ್ ಪಡುವ ಮೈದಾನಡ್ 7ನೇ ಆವೃತ್ತಿದ MITDA ಪ್ರೀಮಿಯರ್ ಲೀಗ್–2026 ಕ್ರಿಕೆಟ್ ಟೂರ್ನಿ ಗೌಜಿಡ್ ಬೊಕ್ಕ ಶಿಸ್ತ್ ಡ್ ನಡತ್ಂಡ್.
ಐಟಿ ಡೀಲರ್ಸ್ ಬೊಕ್ಕ ಅಕ್ಲೆನ ಸಿಬ್ಬಂದಿಲು ಸೇರ್ದ್ ಒಟ್ಟು 8 ಕೂಟಲು ಈ ಕ್ರಿಕೆಟ್ ಟೂರ್ನಿಡ್ ಪಾಲ್ ಪಡೆದ್, ಕ್ರೀಡಾಭಿಮಾನಿಲೆನ ಗಮನ ಸೆಳೆತ್ಂಡ್. ಲೀಗ್ ಸುರುರ್ದೆ ಗೊಬ್ಬೊಂದು ಬೈದ್ಂಡ್.
ಅಕೇರಿದ ಪಂತೊಡು ರಾಯಲ್ ಚಾಲೆಂಜರ್ಸ್ ಕುಡ್ಲ (RCM) ಬೊಕ್ಕ ಬ್ಯಾರಾಕುಡಾ ಬ್ರೀಜರ್ಸ್ ಕೂಟ ಎದುರುಬದುರಾದ್ ಗೊಬ್ಬೊದುಂಡು. ರೋಚಕವಾದ್ ನಡತಿನ ಈ ಪಂತೊಡು ಡಿಸ್ಟ್ರಿಬ್ಯೂಟರ್ ಉದ್ಯೋಗಿಲೆರ್ದ್ ತಯಾರಾಯಿನ ರಾಯಲ್ ಚಾಲೆಂಜರ್ಸ್ ಕುಡ್ಲ ಕೂಟ ಉತ್ತಮ ಪ್ರದರ್ಶನ ಕೊರ್ದು ರನ್ನರ್-ಅಪ್ ತಾನನ್ ಪಡೆತ್ಂಡ್.
ಟೂರ್ನಿದ ಅತ್ಯುತ್ತಮ ಆಟಗಾರೆ (ಮ್ಯಾನ್ ಆಫ್ ದ ಸೀರೀಸ್) ಪ್ರಶಸ್ತಿನ್ ಆರ್ಪಿ ಟೆಕ್ ಕುಡ್ಲ ಕೂಟದ ಚೇತನ್ ಮೇರ್ ಪಡೆತೆರ್. ಟೂರ್ನಿದ ಅತ್ಯುತ್ತಮ ಬೌಲರ್ ಪ್ರಶಸ್ತಿನ್ ಆರ್ಪಿ ಟೆಕ್ ಕುಡ್ಲ ಕೂಟದ ಆನಂದ್ ಕುಮಾರ್ ಪಡೆತೆರ್.
ಕೇರಳ ಸುದ್ದಿ | Kerala News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಾಜಕೀಯ ಸುದ್ದಿ | Political News
ರಾಜ್ಯದ ಸುದ್ದಿ | State News
ಐನ್ ರಾಜ್ಯದ ಓಟುದ ಫಲಿತಾಂಶ 2026
ಪಶ್ಚಿಮ ಬಂಗಾಳಡ್
- ಬಿಜೆಪಿ 206,
- ಟಿಎಂಸಿ 81,
- ಐಎನ್ಸಿ 2,
- ಬೇತೆ ಪಕ್ಷ 4,
ತಮಿಳ್ನಾಡ್ಡ್
- ಟಿವಿಕೆ 107,
- ಡಿಎಂಕೆ 74,
- ಎಐಡಿಎಂಕೆ 53,
ಕೇರಳಡ್
- ಯುಡಿಎಫ್ 99,
- ಎಲ್ಡಿಎಫ್ 35,
- ಎನ್ಡಿಎ 3,
- ಬೇತೆ ಪಕ್ಷ 3
ಅಸ್ಸಾಂ ಡ್
- ಬಿಜೆಪಿ 102 +,
- ಐಎನ್ಸಿ 21+,
- ಬೇತೆ 3,
ಪುದುಚೇರಿಡ್
- ಬಿಜೆಪಿ 18,
- ಐಎನ್ಸಿ 6,
- ಟಿವಿಕೆ 0,
- ಬೇತೆ ಪಕ್ಷ 6
Religious & Cultural News ಮಾತ ಧರ್ಮದ ಸುದ್ದಿ
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಕಲಾವಿದೆರೆನ ಬದ್ಕ್ಗ್ ಪಟ್ಲ ಫೌಂಡೇಶನ್ ಟ್ರಸ್ಟ್ ಆಧಾರ: ಡಿವೈಎಸ್ ಪಿ ದಿನಕರ ಶೆಟ್ಟಿ ಪಡ್ರೆ
ಯಕ್ಷಧ್ರುವ ಪಟ್ಲ ಫೌಂಡೇಶನ್ ಸುರತ್ಕಲ್ ಘಟಕದ 6ನೇ ವರ್ಷದ ಉಚ್ಚಯ
ಸುರತ್ಕಲ್: ಒಂಜಿ ಕಾಲಡ್ ಯಕ್ಷಗಾನ ಕಲಾವಿದೆರ್ನ ಜೀವನ ಭಾರಿ ಕಷ್ಟ. ರಂಗಸ್ಥಳಡ್ ರಾಮ, ಕೃಷ್ಣ, ದೇವೇಂದ್ರ ಪಾತ್ರ ಮಲ್ಪುನಕುಲು ವೇಷ ದೆತ್ತ್ದ ಇಲ್ಲಗ್ ಬನ್ನಗ ಅಕ್ಲೆನ ಬದ್ಕ್ ದಾದ ಪಂದ್ ತೆರಿಯೊನೊಲಿ. ಪಟ್ಲ ಸತೀಶ್ ಶೆಟ್ರ್ ಕಲ್ಲಾಡಿ ವಿಠಲ ಶೆಟ್ರ ಮುಕೇನ ಕಟೀಲು ಮೇಳಗ್ ಏಪ ಬತ್ತೆರೋ ಅಯಿರ್ದ್ ಬೊಕ್ಕ ಯಕ್ಷಗಾನ ಕಲಾವಿದೆರ್ನ ಬದ್ಕ್ದ ಚಿತ್ರಣ ಬದಕಾಂಡ್. ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ಸ್ಥಾಪನೆ ಆಯಿ ಬೊಕ್ಕ ಕಲಾವಿದೆರ್ನ ಜೀವನನೇ ಬದಲಾಂಡ್” ಪಂದ್ ಪಡ್ರೆ ಜುಮಾದಿ ಸಾನದ ಅಧ್ಯಕ್ಷೆರ್, ಡಿವೈಎಸ್ ಪಿ ದಿನಕರ ಶೆಟ್ಟಿ ಪಡ್ರೆ ತೆರಿಪಾಯೆರ್.
ಆರ್ ಸುರತ್ಕಲ್ ಬಂಟರ ಸಂಘದ ಜಾಲ್ಡ್ ಲ ನಡತಿನ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಸುರತ್ಕಲ್ ಘಟಕದ ಆಜಿನೇ ವರ್ಷದ ವಾರ್ಷಿಕೋತ್ಸವ ಲೇಸ್ಡ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆದ್ ಪಾತೆರಿಯೆರ್.
ಪಟ್ಲ ಫೌಂಡೇಶನ್ ಟ್ರಸ್ಟ್ ಕಲಾ ಸೇವೆದ ಜತೆಟ್ಟೇ ಯಕ್ಷಗಾನ, ನಾಟಕ, ದೈವರಾಧನೆ ಸಹಿತ ಬೇತೆ ಬೇತೆ ಕ್ಷೇತ್ರಡ್ ಉಪ್ಪುನ ಕಲಾವಿದೆರ್ನ ಜೋಕುಲೆಗ್ ವಿದ್ಯಾರ್ಥಿ ವೇತನ ಕೊರ್ಪಿನವು ಮೆಚ್ಚೊಡಾಯಿನ ಕೆಲಸ. ಪಟ್ಲ ಸತೀಶ್ ಶೆಟ್ರೆನ ಕೆಲಸ ಕಾರ್ಯ ಸಮಾಜಗ್ ಮಾದರಿಯಾದುಂಡು” ಪಂದ್ ಪಂಡೆರ್.
ಇಡ್ಯಾ ಶ್ರೀಮಹಾಲಿಂಗೇಶ್ವರ ದೇವಸ್ಥಾನದ ಶಕುಂತಳಾ ರಮಾನಂದ ಭಟ್ ಲೇಸ್ ಉದಿಪನ ಮಲ್ತೆರ್.
ಪಟ್ಲ ಫೌಂಡೇಶನ್ ಟ್ರಸ್ಟ್ ನ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ ಪಾತೆರ್ದ್ ಕಲಾವಿದೆರ್ನ ಕಷ್ಟ ತೂವರೆ ಆವಂದೆ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ಮಲ್ತ್ದ್ ವಿಶ್ವ ಮಾನ್ಯತೆ ಪಡೆಯುಲೆಕಾಂಡ್. ಸುರತ್ಕಲ್ ಘಟಕ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಪ್ರತಿಯೊಂಜಿ ಕೆಲಸೊಡ್ಲ ಎಡ್ಡೆ ಕೆಲಸ ಮಲ್ತೊಂದುಂಡು ಪಂದ್ ಪಂಡೆರ್.
ಸಮಾರಂಭಡ್ ಹಿರಿಯ ಮದ್ದಳೆಗಾರೆರ್ ಜಯರಾಮ ಆಚಾರ್ಯ ಚೇಳಾರ್, ಗಿರೀಶ್ ನಾವಡ, ಪೂರ್ಣಿಮಾ ಯತೀಶ್ ರೈ ಮೊಕ್ಲೆಗ್ ಮಾನಾದಿಗೆ ಮಲ್ತೆರ್. ಲೇಸ್ಡ್ ಉದ್ಯಮಿ ಸಿ ಎ ಸುನೀಲ್ ಭಂಡಾರಿ, ಸುರತ್ಕಲ್ ಯಕ್ಷಮಿತ್ರರು ಸಂಸ್ಥೆದ ಅಧ್ಯಕ್ಷೆರ್ ಕೆ ರಾಜೇಶ್ ಕುಮಾರ್ ಮುಂಚೂರು, ಮನಪಾ ಮಾಜಿ ಸದಸ್ಯ ಪ್ರಶಾಂತ್ ಮೂಡಾಯಿಕೊಡಿ, ಕೇಸರಿ ಮನೋಹರ್ ಶೆಟ್ಟಿ ಸೂರಿಂಜೆ, ಮುಕ್ಕ ಸತ್ಯಧರ್ಮ ದೇವಿ ದೇವಸ್ಥಾನದ ಅಧ್ಯಕ್ಷ ರವಿರಾಜ್ ಸುವರ್ಣ, ಕೇಂದ್ರೀಯ ಘಟಕದ ಸಂಘಟನಾ ಕಾರ್ಯದರ್ಶಿ ಪ್ರದೀಪ್ ಆಳ್ವ ಕದ್ರಿ, ಮುಂಬೈ ಸಂಚಾಲಕ ಕರ್ನೂರು ಮೋಹನ್ ರೈ, ಬಾಳ ಜಗನ್ನಾಥ ಶೆಟ್ಟಿ, ಸುರತ್ಕಲ್ ಘಟಕದ ಗೌರವಾಧ್ಯೆಕ್ಷೆರ್ ಸುಧಾಕರ ಎಸ್ ಪೂಂಜ, ಅಧ್ಯಕ್ಷೆರ್ ಲೀಲಾಧರ ಶೆಟ್ಟಿ, ಉಪಾಧ್ಯಕ್ಷೆರಾಯಿನ ರಮೇಶ್ ಭಟ್ ಎಸ್ ಜಿ, ಸಹನಾ ರಾಜೇಶ್ ರೈ, ಪ್ರಧಾನ ಕಾರ್ಯದರ್ಶಿ ಬಾಳ ಗಂಗಾಧರ ಪೂಜಾರಿ ಚೇಳಾರ್ ಕೋಶಾಧಿಕಾರಿ ರಾಕೇಶ್ ಹೊಸಬೆಟ್ಟು, ಸಂಚಾಲಕ ನಾಗರಾಜ ಕಡಂಬೋಡಿ, ಸಹ ಸಂಚಾಲಕಿ ಡಾ ಸುಧಾ ಚಂದ್ರಶೇಖರ ಶೆಟ್ಟಿ ಬೊಕ್ಕ ಟ್ರಸ್ಟಿಲು ಇತ್ತೆರ್. ಯಕ್ಷಾಶ್ರಯ ಯೋಜನೆಗೆ ಸುರತ್ಕಲ್ ಘಟಕರ್ದ್ ಇಲ್ಲ್ ಕಟ್ ಕೊರ್ಪಿನ ಯೋಜನೆಗ್ 5 ಲಕ್ಷ ರೂಪಾಯಿ ಕೊರ್ನ ಉದ್ಯಮಿ ಸಿ ಎ ಸುನೀಲ್ ಭಂಡಾರಿ ಮೆರೆನ್ ಪಟ್ಲ ಸತೀಶ್ ಶೆಟ್ಟಿ ಸನ್ಮಾನ ಮಲ್ತೆರ್. ಫೌಂಡೇಶನ್ ಗೆ ಹೊಸದಾದ್ ಸೇರ್ನ ಟ್ರಸ್ಟಿಲೆನ್ ಗೌರವ ಮಲ್ತೆರ್.
ಲಾವಣ್ಯ ಶೆಟ್ಟಿ ಚೇಳಾಯಿರು ಪ್ರಾರ್ಥನೆ ಮಲ್ತೆರ್. ಲೀಲಾಧರ ಶೆಟ್ಟಿ ಸ್ವಾಗತ ಮಲ್ತೆರ್. ಗಂಗಾಧರ ಪೂಜಾರಿ ಸೊಲ್ಮೆ ಸಂದಾಯೆರ್. ಡಾ ಸುಧಾ ಚಂದ್ರಶೇಖರ ಶೆಟ್ಟಿ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.
ಅಯಿರ್ದ್ ಪಾವಂಜೆ ಮೇಳದ ಕಲಾವಿದೆರೆರ್ದ್ ಅಂಬಾ ಶಪಥ-ಗದಾಯುದ್ದ ಯಕ್ಷಗಾನ ಬಯಲಾಟ ಪ್ರದರ್ಶನ ನಡತ್ಂಡ್.
ಯು.ಕೆ. ತುಳು ಕಮ್ಯುನಿಟಿದ ವಾರ್ಷಿಕ ಸಮ್ಮಿಲನ
ತುಳುನಾಡ ಸಂಸ್ಕೃತಿ, ಆಚಾರ ವಿಚಾರ ಅನಾವರಣ
ಲಂಡನ್ : ಯುನೈಟೆಡ್ ಕಿಂಗ್ಡಮ್ದ ತುಳು ಕಮ್ಯುನಿಟಿ ಸಂಘಟನೆದ ವಾರ್ಷಿಕ ಸಮ್ಮೇಳನ ಮಾರ್ಚ್ 21 ಕ್ಕ್ ಶೆರ್ಟನ್ ಸ್ಕೈಲೈನ್ ಹೋಟೆಲ್ದ ಚಾವಡಿಡ್ ಮದ್ಯಾಹ್ನ 3 ಗಂಟೆರ್ದ್ ಮಧ್ಯರಾತ್ರಿ ಮುಟ್ಟ ನಡತ್ಂಡ್.
ಈ ಲೇಸ್ಡ್ 300 ರ್ದ್ಲ ಎಚ್ಚ ಜನ ತುಳುವೆರ್ ಪಾಲ್ ಪಡೆದಿತ್ತೆರ್.
2010 ನೇ ಇಸ್ವಿರ್ದ್ ಸುರುವಾತಿನ ವಾರ್ಷಿಕ ಸಮ್ಮಿಲನದ ಈ ವರ್ಷದ ಲೇಸ್ಡ್ ಬೇತೆ ಬೇತೆ ದೇಶದ ಪ್ರತಿನಿಧಿನಕುಲು ಪಾಲ್ ಪಡೆದಿತ್ತೆರ್. ಈ ಲೇಸ್ಡ್ ತುಳುನಾಡ್ ಸಂಸ್ಕೃತಿ, ಆಚಾರ ವಿಚಾರ, ತಿಂಡಿ ತೆನಸ್, ಯಕ್ಷಗಾನ, ಕೋಲದ ಬಗೆಟ್ಟ್ ಪರಿಚಯ ಮಲ್ತ್ ಕೊರ್ಪಿನ ಪ್ರಯತ್ನ ಮಲ್ತೆರ್.
ಸಾಂಸ್ಕೃತಿಕ ಕಾರ್ಯಕ್ರಮೊಡು ಕಲಾವಿದೆರಾಯಿನ ಮಾನಸ ಭಟ್ ಕಟೀಲ್ (ಶ್ರೀ ದೇವಿ ಕಲಾ ಮಂದಿರ), ಡಾ.ದೀಪಾ ಪಟ್ವಾಲ್ (ಸ್ಟುಡಿಯೊ ಕಲಾಂಜಲಿ) , ಮಾನಸ ಗರಡಿ, ಪ್ರೀತಿ ರಾವ್ ( ನಾಟ್ಯಾಲಜಿ), ಶ್ವೇತಾ ಶೆಟ್ಟಿ (ನಾಟ್ಯ ಸಂಗಮ), ಸ್ನೇಹಾ (ನಾಟ್ಯಾಂಜಲಿ) ಮೊಕ್ಲೆನ ನೇತೃತದ ಕಲಾವಿದೆರ್ ಅಂಚೆನೆ ಗಾಯಕಿಯೆರಾಯಿನ ವಿಜೇತ ಉಳ್ಳಾಲ್, ಶ್ರಾವ್ಯ ಶಿವಪ್ರಸಾದ್ ಬೊಕ್ಕ ಮಾನಸ ಶರ್ಮಾ ಮೊಕುಲು ಪ್ರತಿಭಾ ಪ್ರದರ್ಶನ ಮಲ್ತೆರ್. ಇಶಾ ಶೆಟ್ಟಿ ನೇತೃತ್ವದ ಜೋಕ್ಲೆನ ಕೂಟ ನೃತ್ಯ ಪ್ರದರ್ಶನ ಮಲ್ತ್ಂಡ್.
ವಿಶೇಷ ಆಕರ್ಷಣೆಯಾದ್
ಇಂಗ್ಲಿಷ್ ವಯಲಿನಿಸ್ಟ್
ತುಳು, ಬೊಕ್ಕ ಕೊಂಕಣಿ ಪದ್ಯೊಲೆನ್ ಪ್ಲೇ ಮಲ್ತೆರ್. ಶೆಟ್ಟಿ ಫುಡ್ಸ್ದ
ನಿತೇಶ್ ಶೆಟ್ಟಿ ವನಸ್ ತೆನಸ್ದ ವ್ಯವಸ್ಥೆ ಮಲ್ತೆರ್. ನಿಖಿಲ್ ಭಾರದ್ವಾಜ್ ಮೇರ್ ಡಿಜೆ ಬೊಕ್ಕ ಸೌಂಡ್ ಸಿಸ್ಟಮ್ ಡ್ ಸಹಕಾರ ಕೊರಿಯೆರ್.
ಈ ಲೇಸ್ಡ್ ಕೂಟದ ಅಧ್ಯಕ್ಷೆರ್ ಡಾ.ರಾಜೇಶ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಯೋಗ ರೈ, ಫೈನಾನ್ಸ್ ಸೆಕ್ರೆಟರಿ ಚಂದ್ರಹಾಸ ಹೆಗ್ಡೆ, ಸಾಂಸ್ಕೃತಿಕ ಕಾರ್ಯದರ್ಶಿ ಗೌರವ್ ಭಾಸ್ಕರ್, ಸಾಂಸ್ಕೃತಿಕ ಜತೆ ಕಾರ್ಯದರ್ಶಿ
ಮಾನಸ ಭಟ್, ಕ್ರೀಡಾ ಕಾರ್ಯದರ್ಶಿ ಸಂತಾನ್ ಅಚುನಾಲ್, ಜಂಟಿ ಕ್ರೀಡಾ ಕಾರ್ಯದರ್ಶಿ ಗುರುಪ್ರಸಾದ್ ಆಚಾರ್ಯ, ಐಟಿ ಕಾರ್ಯದರ್ಶಿ ಶಿವ ಮೂಲ್ಯ, ಸ್ಪಾನ್ಸರ್ ಶಿಪ್ ಆಫೀಸರ್ ಪ್ರವೀಣ್ ಶೆಟ್ಟಿ ಮೊಕುಲು ಮಾತ ಲೇಸ್ಡ್ ಪಾಲ್ ಪಡೆದಿತ್ತೆರ್.
ಯೋಗ ರೈ ಬೊಕ್ಕ ಮಾನಸ ಭಟ್ ಕಟೀಲ್ ಸ್ವಾಗತ ಮಲ್ತೆರ್. ಯೋಗ ರೈ, ಮಾನಸ ಭಟ್ ಕಟೀಲ್, ಜಾನ್ ಫೆರ್ನಾಂಡಿಸ್
, ವಿನೋದ್ ಪಡೆಮಾರ್ ಕಾರ್ಯಕ್ರಮ ನಿರೂಪಣೆ ಮಲ್ತೆರ್. ಡಾ.ರಾಜೇಶ್ ಸೊಲ್ಮೆ ಸಂದಾಯೆರ್.
ದೈವದ ಕೊಡಿಯಡಿಟ್ಟ್ “ಕಕ್ವ ಕೊಲಕಾಡಿ ಬರ್ಕೆ” ಮಸ್ತಿರೆ ಬುಡುಗಡೆ
ಮುಲ್ಕಿ : ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್ (TCRF) ಮೊಕುಲು ತಯಾರ್ ಮಲ್ದಿನ “ಕಕ್ವ ಕೊಲಕಾಡಿ ಬರ್ಕೆ” ಪನ್ಪಿನ ಮಸ್ತಿರೆ (ಬೂಕು) ಮೇ 2 ತಾರೀಕ್ಗ್
ಕಕ್ವ ಕೊಲಕಾಡಿ ಬರ್ಕೆಡ್ ನಡತಿನ ನೇಮೋತ್ಸವದ ಪೊರ್ತುಡು ಬುಡುಗಡೆ ಆಂಡ್.
ಕಕ್ವ ಕೊಲಕಾಡಿದ ಇತಿಹಾಸ ಅಂಚೆನೆ ಬರ್ಕೆದ ಇತಿಹಾಸ, ಬೇತೆ ಬೇತೆ ಜನಕ್ಲೆನ ಅಭಿಪ್ರಾಯ, ಕಾಂತಬಾರೆ ಬೂದಬಾರೆಗ್ಲಾ ಕಕ್ವ ಕೊಲಕಾಡಿ ಬರ್ಕೆಗ್ಲಾ ಉಪ್ಪುನ ಸಂಬಂಧ, ಕಾಂತಬಾರೆ ಬೂದಬಾರೆ ಸಂಪೂರ್ಣ ಕಥನ ಇಂಚಿನ ಬರವುಲು ಈ ಮಸ್ತಿರೆಡ್ ಉಂಡು. ಟಿಸಿಆರ್ ಎಫ್ (ರಿ)ದ ಏಳನೇ ಮಸ್ತಿರೆ ಆಯಿನ ಈ ಮಸ್ತಿರೆನ್, ಬಂಕಿ ನಾಯ್ಗೆರ್,ದೆಪ್ಪುಣಿಗುತ್ತುದ ಗುತ್ತಿನಾರ್ ಸುಧಾಕರ್ ಶೆಟ್ಟಿ, ಮಾಗಂದಡಿ ನಾಯ್ಗೆರೆ ಮನೆತನದ ತನುಷ್ ಪೂಜಾರಿ, ಗುಡ್ಡೆ ನಾಯ್ಗೆರೆ ಮನೆತನದ ಶ್ರೀಧರ ಪೂಜಾರಿ, ಪುತ್ತೂರು ಬಾಳಿಕೆ ರಾಮದಾಸ್ ಶೆಟ್ಟಿ, ಕಕ್ವ ಗುತ್ತು ಆಶು ಶೆಟ್ಟಿ, ತಿರ್ತಗುಡ್ಡೆ ಬರ್ಕೆ ಗಂಗಾಧರ ಪೂಜಾರಿ, ಗೋಪಿನಾಥ್ ಪಡಂಗ, ಊರುದ ನಟ್ಟಿಲ್ ಬೊಕ್ಕ ಗುರಿಕಾರ ಮನೆತನ, ಕಕ್ವ ಕೊಲಕಾಡಿ ಬರ್ಕೆದ ಟ್ರಸ್ಟ್ದ ಗುರ್ಕಾರ್ಲು ವಿಶಾಲ್.ಎಲ್ ಸಾಲ್ಯಾನ್, TCRFದ ಮಹಿ ಮುಲ್ಕಿ ಬೊಕ್ಕ ಕಕ್ವ ಕೊಲಕಾಡಿ ಬರ್ಕೆದ ಕಿರಣ್ ಕೋಟ್ಯಾನ್, ಪ್ರಜ್ವಲ್ ಆರ್ ಪೂಜಾರಿ, ಗಣೇಶ್ ಕೋಟ್ಯಾನ್ ಅಂಚೆನೆ ಮಾತಾ ಕುಟುಂಬಿಕೆರೆನ ಸಮ್ಮುಖೊಡು ಬುಡುಗಡೆ ಆಂಡ್. ಈ ಪೊರ್ತುಡು ದೆಪ್ಪುಣಿಗುತ್ತುದ ಗುತ್ತಿನಾರ್ ಸುಧಾಕರ ಶೆಟ್ಟಿ, ಪುತ್ತೂರು ಬಾಳಿಕೆದ ರಾಮದಾಸ್ ಶೆಟ್ಟಿ ಮೊಕುಲು ಎಡ್ಡೆಪ್ಪುದ ನುಡಿ ಬಾಮಿಯೆರ್.