February 2026

ಬೊಳ್ಳಾರಗೋಳಿ ಪಂಚ ದೈವೊಲೆನ ನೇಮೋತ್ಸವದ ಅಟ್ಟಣೆದ ಕೂಟ

Feb 25, 2026

ಸುರತ್ಕಲ್: ಸೂರಿಂಜೆ ಬೊಳ್ಳಾರಗೋಳಿ ಪಂಚ ದೈವೊಲೆನ ನೇಮೋತ್ಸವ ಎಪ್ರಿಲ್ 2 ರ್ದ್ ಎಪ್ರಿಲ್ 8 ಮುಟ್ಟ ನಡಪರೆ ಇತ್ತ್‌ದ್ ಅಯಿತ್ತ ಅಟ್ಟಣೆದ ಕೂಟ ಇಂಚೊಗು ಪೊಂಗಾರ್ (ಪೊನ್ನಗಿರಿ) ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ನಡತ್ಂಡ್.
ಸಮಿತಿದ ಅಧ್ಯಕ್ಷೆರಾಯಿನ ರಾಜೇಂದ್ರ ಶೆಟ್ಟಿ ಕುಡ್ತಿಮಾರುಗುತ್ತು ಕೂಟದ ಗುರ್ಕಾರ್ಮೆ ವಹಿಸ್‌ದಿತ್ತೆರ್. ಮಿತ್ತರ್ಮೆಡ್ ದೇವಸ್ಥಾನದ ಅರ್ಚಕೆರಾಯಿನ ಶ್ರೀನಿವಾಸ ಅಸ್ರಣ್ಣ, ವ್ಯವಸ್ಥಾಪನಾ ಸಮಿತಿ ಸದಸ್ಯೆರ್ ಜಗನ್ನಾಥ ಶೆಟ್ಟಿ ತೇವು, ಸಮಿತಿ ಗೌರವಾಧ್ಯಕ್ಷೆರ್ ಅನಿಲ್ ಶೆಟ್ಟಿ ತೇವು ಸೂರಿಂಜೆ, ಸತೀಶ್ ಹೆಗಡೆ ಮಿತ್ತೋಡಿ, ಸತೀಶ್ ಶೆಟ್ಟಿ ಬೈಲಗುತ್ತು ಪಂಜ, ತಿಲಕ್ ರಾಜ್ ಕೃಷ್ಣಾಪುರ, ಪ್ರತಾಪ್ ಶೆಟ್ಟಿ ಕಲ್ಲಂಜಬಾಳಿಕೆ, ಸಮಿತಿ ಕಾರ್ಯಾಧ್ಯಕ್ಷೆರ್ ಮನೋಹರ ಶೆಟ್ಟಿ ಸೂರಿಂಜೆ, ಪ್ರಸಾದ್ ಅಂಚನ್, ಜಯಪ್ರಕಾಶ್ ಸೂರಿಂಜೆ, ನಿತೇಶ್ ಶೆಟ್ಟಿ ಎಕ್ಕಾರ್ ಮೊಕುಲು ಮಾತ ಇತ್ತೆರ್.ಈ ಪೊರ್ತುಡು ಬೇತೆ ಬೇತೆ ಸಮಿತಿಲೆನ ಬಗೆಟ್ಟ್ ಪಾತೆರಕತೆ ನಡತ್ಂಡ್.

Religious & Cultural News ಮಾತ ಧರ್ಮದ ಸುದ್ದಿ ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಫೆ.26 : ಕಾಪು ಶ್ರೀ ಪೊಸ ಮಾರಿಗುಡಿ ದೇವಸ್ಥಾನಗ್ ಪುದೆ ಸಮರ್ಪಣೆ

Feb 25, 2026

ಫೆ.28-ಮಾ.2 : ಸುರುತ್ತ ಪ್ರತಿಷ್ಠಾ ವರ್ಧಂತಿ, ಮೂಜಿ ದಿನತ್ತ “ಮಾತೃ ವೈಭವ ಉತ್ಸವ”

ಕಾಪು : ಶ್ರೀ ಪೊಸ ಮಾರಿಗುಡಿ ದೇವಸ್ಥಾನದ ಉಚ್ಚಂಗಿ ಸಹಿತ ಶ್ರೀ ಮಾರಿಯಮ್ಮ ದೇವಿನ ನಡೆಟ್ಟ್ ಫೆ. 28 ರ್ದು ಮಾ. 2 ಮುಟ್ಟ ನಡಪರೆ ಉಪ್ಪುನ ಕಾಪುದಪ್ಪೆನ ಪುನರ್ ಪ್ರತಿಷ್ಠಾ ಪ್ರಥಮ ವರ್ಧಂತಿ ಉತ್ಸವ ಅಂಚೆನೆ ಮಾತೃ ವೈಭವ ಕಾರ್ಯಕ್ರಮದ ಪೂರ್ವಭಾವಿಯಾದ್ ಫೆ. 26 ಕ್ಕ್ ಮಲ್ಲ ಮಟ್ಟ್‌ದ ಪುದೆ (ಹಸಿರುವಾಣಿ) ಹೊರೆಕಾಣಿಕೆ ಸಮರ್ಪಣಾ ಶೋಭಾಯಾತ್ರೆ ನಡಪರೆ ಉಂಡು.
ಮೂಜಿ ದಿನತ್ತ “ಮಾತೃವೈಭವ” ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮದ ಹಿನ್ನೆಲೆಡ್ ಲಕ್ಷಾಂತರ ಭಕ್ತೆರ್ ಬರ್ಪಿನ ನಿರೀಕ್ಷೆ ಉಪ್ಪುನೆರ್ದಾವರ ಪ್ರತೀ ದಿನ ಮಧ್ಯಾಹ್ಹ ಬೊಕ್ಕ ರಾತ್ರಿ ನಿರಂತರ ಅನ್ನಸಂತರ್ಪಣೆ ನಡಪರೆ ಉಂಡು. ಅಯಿಕ್ ಪೂರಕವಾದ್ ಭಕ್ತೆರ್ ,ಸಾರ್ವಜನಿಕರು ಬೊಕ್ಕ ಸಂಘ ಸಂಸ್ಥೆಲೆನ ಮುಕೇನ ಹೊರೆಕಾಣಿಕೆ ಸಂಗ್ರಹ ಮಲ್ಪರೆ ಸಮಿತಿ ತೀರ್ಮಾನ ಮಲ್ದ್ಂಡ್. ಭಕ್ತೆರ್ ಸಂಗ್ರಹ ಮಲ್ತಿನ ಹೊರೆಕಾಣಿಕೆನ್ ಫೆ. 26 ಬಯ್ಯಡ್ 4 ಗಂಟೆಗ್ ಕಾಪು ಉಳಿಯಾರಗೋಳಿ ದಂಡತೀರ್ಥ ಮಠದ ಕೈತಲ್‌ರ್ದ್ ಮಲ್ಲ ಮಟ್ಟ್‌ದ ಶೋಭಾಯಾತ್ರೆ ಮುಕೇನ ಪೊಸ ಮಾರಿಗುಡಿ ದೇವಸ್ಥಾನಗ್ ಸಮರ್ಪಣೆ ಮಲ್ಪರೆ ಉಂಡು ಪಂದ್ ಅಭಿವೃದ್ಧಿ ಸಮಿತಿ ಬೊಕ್ಕ ಮಾತೃವೈಭವ ಸಮಿತಿದ ಅಧ್ಯಕ್ಷೆರ್ ರಾಜರ್ಷಿ ಕೆ. ವಾಸುದೇವ ಶೆಟ್ಟಿ, ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ನಡಿಕೆರೆ ರತ್ನಾಕರ ಶೆಟ್ಟಿ, ಕಾರ್ಯನಿರ್ವಹಣಾಧಿಕಾರಿ ರವಿಕಿರಣ್, ಹೊರೆಕಾಣಿಕೆ ಸಮರ್ಪಣಾ ಸಮಿತಿದ ಅಧ್ಯಕ್ಷೆರ್ ಡಾ. ದೇವಿಪ್ರಸಾದ್ ಶೆಟ್ಟಿ ಬೆಳಪು ಜಂಟಿ ಪ್ರಕಟಣೆಡ್ ತೆರಿಪಾದೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಫೆ.25-ಮಾ.1 : ಶ್ರೀ ಕ್ಷೇತ್ರ ಗೆಜ್ಜೆಗಿರಿ ಜಾತ್ರೆ

Feb 25, 2026

ಫೆ. 28 ದೇಯಿ ಬೈದೆತಿ ಅಪ್ಪೆನ ಮಟ್ಟೆಲ್‌ದ ಪ್ರಸಾದ ವಿತರಣೆ

ಪುತ್ತೂರು : ಬಡಗನ್ನೂರು ನಂದನ ಬಿತ್ತ್‌ಲ್ ಶ್ರೀ ಕ್ಷೇತ್ರ ಗೆಜ್ಜೆಗಿರಿತ್ತ ವಾರ್ಷಿಕ ಜಾತ್ರಾ ಮಹೋತ್ಸವ ಫೆ.25ರ್ದ್ ಮಾರ್ಚ್ 1 ಮುಟ್ಟ ಬೆದ್ರದ ಶಿವಾನಂದ ತಂತ್ರಿಲೆನ ನೇತೃತ್ವೊಡು ನಡಪರೆ ಉಂಡು ಪಂದ್ ಕ್ಷೇತ್ರಾಡಳಿತ ಸಮಿತಿದ ಅಧ್ಯಕ್ಷೆರ್ ಪೂಜಾರಿ ಚಿಲಿಂಬಿ ಪತ್ರಿಕಾ ಹೇಳಿಕೆಡ್ ತೆರಿಪಾದೆರ್.
ಫೆ.25 ಬಯ್ಯಡ್ ಸಾಮೂಹಿಕ ಪ್ರಾರ್ಥನೆ, ಉಗ್ರಾಣ ಮೂರ್ತ ನಡಪರೆ ಉಂಡು. ಫೆ.26 ಕ್ಕ್ ಕಾಂಡೆ ಗಣ ಹೋಮ, ಗುರು ಪೂಜೆ, ತೋರಣ ಮೂರ್ತ, ಆಶ್ಲೇಷ ಬಲಿ, ನವಕ ಕಲಶಾಭಿಷೇಕ ಆದ್ ಕೊಡಿ ಏರಿಯರೆ ಉಂಡು. ಮದ್ಯಾಹ್ನ ಮಹಾ ಪೂಜೆ, ಅನ್ನಸಂತರ್ಪಣೆ, ಬಯ್ಯಡ್ ಭಗವತೀ ಸೇವೆ,ಜುಮಾದಿ ಬಲಿ ಉಚ್ಚಯ, ರಾತ್ರೆ ಕಲ್ಲಲ್ದಾಯ ಗುಳಿಗ ನೇಮ ನಡಪರೆ ಉಂಡು.
ಫೆ.27 ಕಾಂಡೆ ಗಣಪತಿ ಹೋಮ, 9 ಗಂಟೆಗ್ ಜುಮಾದಿ ಸಾನೊಡು ಭಂಡಾರ ಜತ್ತ್‌ದ್ ಜುಮಾದಿ ನೇಮೋತ್ಸವ ಆದ್ ಅನ್ನಸಂತರ್ಪಣೆ ನಡಪರೆ ಉಂಡು. ರಾತ್ರೆ 7 ಗಂಟೆಗ್ ಕುಪ್ಪೆ ಪಂಜುರ್ಲಿ ಭಂಡಾರ ಜತ್ತ್‌ದ್ ಮಹಾ ಪೂಜೆ ಆಯಿ ಬೊಕ್ಕ ಕುಪ್ಪೆ ಪಂಜುರ್ಲಿ ಬೊಕ್ಕ ಕೊರತಿ ನೇಮ ನಡಪರೆ ಉಂಡು.
ಫೆ.28 ಕಾಂಡೆ ಗಣಪತಿ ಹೋಮಾದಿ ವೈದಿಕ ವಿಧಿ ಮುಗಿದ್ ಮದ್ಯಾಹ್ನ ಸತ್ಯಧರ್ಮ ಚಾವಡಿಡ್ ಮಹಾಪೂಜೆ, ಅನ್ನಸಂತರ್ಪಣೆ, ಅಮ್ಮನ ಮಟ್ಟೆಲ್ದ ಪ್ರಸಾದ ಪಟ್ಟರೆ ಉಂಡು.ಬಯ್ಯಡ್ ಜುಮಾದಿ ಬಲಿ ಉಚ್ಚಯ ಆದ್ 7.30 ಕ್ಕ್ ಬ್ರಹ್ಮ ಬೈದೆರ್ಲು ಗರಡಿ ಜತ್ತ್‌ದ್ ದೇಯಿ ಬೈದೆತಿ ನೇಮ ಆದ್ ಪ್ರಸಾದ ವಿತರಣೆ, ಬೈದೆರ್ಲ ದರ್ಶನ, ಬೈದೆರ್ಲೆ ನೇಮೋಚ್ಚಯ ನಡಪರೆ ಉಂಡು.
ಮಾ.1 ಕ್ಕ್ ಕಾಂಡೆ ಗಣಪತಿ ಹೋಮ, ಶುದ್ದಿ ಆದ್ ಕೊಡಿ ಜಾವರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಲುವೆರೆ ಜಾಲ್ ಕಣ್ವತೀರ್ಥ ಮುತಾಲಿಕೆಡ್ “ಜೋಕ್ಲೆನ ಬಹುಭಾಷಾ ಕವಿಗೋಷ್ಠಿ” ಬೊಕ “ಕಬಿತೆ ಪುಟ್ಟುನ ಗುಟ್ಟೆಂಚ” ಕಜ್ಜಕೊಟ್ಯ

Feb 23, 2026

ಕಾಸ್ರೋಡು : ತುಲುವೆರೆ ಜಾಲ್ ಕಣ್ವತೀರ್ಥ, ಜೋಕ್ಲೆನ ಸಾಂಸ್ಕೃತಿಕ ಬೊಕ ಸಾಹಿತ್ಯ ಸೇವಾ ಕೂಟ ಬೊಕ ಶ್ರೀ ಮಾತಾ ಕಲಾ ಮಂದಿರ ವೈಶಾಲಿ ಕುಂಜತ್ತೂರು ಮುಕ್ಲೆನ ಒತ್ತು ಸೇರಿಗೆಡ್ 22-02-2026 ತಾನಿ ಶ್ರೀ ಮಾತಾ ಕಲಾ ಮಂದಿರಡ್ 16 ವರ್ಷದ ಉಲಯಿದ ಜೋಕ್ಲೆನ ಬಹುಭಾಷಾ ಕವಿಗೋಷ್ಠಿ ಬೊಕ “ಕಬಿತೆ ಪುಟ್ಟುನ ಗುಟ್ಟೆಂಚಾ” ಕಜ್ಜಕೊಟ್ಯ ನಡತ್ಂಡ್.
ಈ ಲೇಸ್ ನ್ ರಡ್ಡ್ ವರ್ಷದ ಪುಟ್ಟು ಪರ್ಬ ಆಚರಿತೊಂದುಪ್ಪುನ ಕಣ್ವತೀರ್ಥ ದೀರಜ್ ಬೊಕ ನಿಶಿತಾ ಮುಕ್ಲೆನ ಬಾಲೆ ಮೈನವಿ ತುಡರ್ ಅರ್ಲಾದ್ ಉದಿಪನ ಮಂತೆರ್. ಲೇಸ್ ದ ಗುರ್ಕಾರ್ಮೆಡ್ ಜಿಲ್ಲಾ ಮಟ್ಟೊಡು ಗೊಬ್ಬು ಬೊಕ ಕಲೆಟ್ ಚಾತುರ್ಪು ತೋಜಾಯಿನ ಕುಮಾರಿ ರಶ್ಮಿತಾ ಕುಲಾಲ್ ತೂಮಿನಾಡ್ ವಹಿಸೊಂಡೆರ್.ಪೆರಿಯ ಸಾಹಿತಿ,ಪತ್ರಕರ್ತೆರಾಯಿನ ಶ್ರೀಯುತ ರಾಧಾಕೃಷ್ಣ ಉಳಿಯತಡ್ಕ ಕಬಿತೆ ಪುಟ್ಟುನ ಗುಟ್ಟೆಂಚಾ ಕಜ್ಜಕೊಟ್ಯ ನಡಪಾದ್,ಜೋಕುಲೆ ಮನಸ್ ಡ್ ಕಬಿತೆ ಪುಟ್ಟುನ ಸಾದಿ,ವಿಷಯ,ಆ ವಿಷಯೊಡು ತನನ್ ತಾನ್ ಒಡ್ಡೊಂದು ಪದ ಮುಡೆಪುನ ಕುಸೆಲೆಂಚ ಪನ್ಪುನೆನ್ ಬಾರೀ ಪೊರ್ಲುಡೆ ತೆರಿಪಾದ್ ಕೊರ್ಯೆರ್.ಮಲ್ಲ ಬಿನ್ನೆರಾದ್ ತುಲುವೆರೆ ಚಾವಡಿ ಬೆಂಗಳೂರುದ ಜೋಕುಲೆ ಉಜ್ಜಾಲ್ ಕೃತಿ ಸಂಪೊಲಿಗೆ ಕೂಟದ ಶ್ರೀಮತಿ ಸುಧಾ ನಾಗೇಶ್, ತುಲುವೆರೆ ಜಾಲ್ ಕಣ್ವತೀರ್ಥ ಜೋಕ್ಲೆಡ್ ಸಾಹಿತ್ಯ ಬೊಕ ಸಾಂಸ್ಕೃತಿಕ ಬುಲೆಚ್ಚಿಲ್‌ಗಾದ್ ಕೊರ್ಪುನ ಉಮೇದ್‌ಗ್ ಬೆರಿಬೊಟ್ಟುನ ಪಾತೆರ ಪಂಡೆರ್.
ಬಿನ್ನೆರೆ ನಿಲೆಟ್ ಇತ್ತೊಂದು ಶ್ರೀ ಮಾತಾ ಕಲಾ ಮಂದಿರದ ಮುಖ್ಯಸ್ಥೆರಾಯಿನ ನಿವೃತ್ತ ಕಲ್ಪಾದಿ ಶ್ರೀಮತಿ ಚಂದ್ರಿಕಾ ಟೀಚರ್ ಜೋಕುಲು ಇಂಚಿನ ಅವಕಾಶೊಲೆನ್ ಗಲಸೊನೊಡು ಬೊಕ ಜೋಕ್ಲೆನ ಇಲ್ಲದಕುಲು ಜೋಕ್ಲೆಗ್ ಬೆರಿತಾಂಗ್ ಕೊರ್ದು ಬರವುದ ಬೆನ್ನಿಡ್ಲಾ ಸಾಧನೆ ಮನ್ಪೆರೇಪುಂಡೂಂದು ತೆರಿಪಾವೊಡು ಪಂಡೆರ್. ತುಲುವೆರೆ ಜಾಲ್ ಮಂತಿನ,ತುಲುವೆರೆ ಚಾವಡಿ ಬೆಂಗಳೂರು ಮುಕುಲು ಬೊಲಿಕೆಗ್ ಕನತಿನ ಜೋಕುಲೆ ಉಜ್ಜಾಲ್ ಕೃತಿತ ಮಿತ್ತ್ ಅಂಗನವಾಡಿ ಜೋಕ್ಲೆಗಾದ್
ನಡತಿನ ತುಲು ಪದೊ ಪಂತೊ ಡು ಗೆಂದಿನ ಜೋಕ್ಲೆಗ್ ಇನಾಮು ಪಟ್ಯೆರ್.
ಈ ಲೇಸ್ದ ಸುರೂಕು ಶ್ರೀ ಮಾತಾ ಕಲಾ ಮಂದಿರದ ಸಂಗೀತ ಕಲ್ಪಾರ್ಥಿಲೆನ ಸುಗಿಪುದೊಟ್ಟಿಗೆ ಸುರುವಾಂಡ್, ಶ್ರೀಮತಿ ನಳಿನಿ ಬೆಂಗಳೂರು ಇಂಬೆರ್ ಬತ್ತಿ ಬಿನ್ನೆರೆನ್ ಎದ್ಕೊಂಡೆರ್, ಶ್ರೀಮತಿ ಕುಶಲಾಕ್ಷಿ ವಿ ಕುಲಾಲ್ ಕಣ್ವತೀರ್ಥ ಪೊಲಬುದ ಪಾತೆರ ಪಂಡೆರ್, ಶ್ರೀಯುತ ನಿಶ್ಚಿತ್ ಕಡಬ ಸೊಲ್ಮೆ ಸಂದೈತ ಮಂತೆರ್,
ಜೈ ತುಲುನಾಡ್ ಕಾಸರಗೋಡು ಎಗ್ಗೆದ ಕಾರ್ಯುಂತೆರಾಯಿನ ಹರಿಕಾಂತ್ ಕಾಸರಗೋಡು, ರಾಮಾಂಜನೇಯ ಸೇವಾ ಸಮಿತಿ ಕಣ್ವತೀರ್ಥದ ಗುರ್ಕಾರ್ಲು ಶ್ರೀಮತಿ ಪ್ರೇಮಾ ಎಂ ಪೊಣ್ಣೆ, ಶ್ರೀಯುತ ಸುನೀಲ್ ರಾಮಾಡಿ,ಚಿತ್ರಕಲಾ ಮಾಡೂರು,ಶೋಭಿತಾ ಕಣ್ವತೀರ್ಥ ಮುಕುಲು ಸಾಹಾಕಾರ ಮಂತೆರ್, ಲೇಸ್‌ಡ್ ಪತ್ತ್ ಕಿನ್ಯ ಕಬಿಕುಲು ಅಕುಲೇ ಬರೆತಿನ ಕಬಿತೆ ಪಂಡೆರ್ ಕುಮಾರಿ ಸ್ಪೂರ್ತಿ ಕುಂಜತ್ತೂರು ಲೇಸ್ ಸುಧಾರಿಕೆ ಮಂತೆರ್.
(ವರದಿ : ಕುವಿಕು ಕಣ್ವ ತೀರ್ಥ)

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಸಸಿಬಿತ್ತ್‌ಲ್ ಶ್ರೀ ಭಗವತಿ ದೇವಸ್ಥಾನದ ಬ್ರಹ್ಮಕಲಶ ಉಚ್ಚಯೊಗು ದೊಂಪ ಮೂರ್ತ

Feb 20, 2026

ಸಸಿಹಿತ್ಲು : ಕಡಲ ಬರಿತ್ತ ಕಾರ್ಣಿಕದ ಕ್ಷೇತ್ರ ಸಸಿಬಿತ್ತ್‌ಲ್ದ ಶ್ರೀ ಭಗವತೀ ದೇವಸ್ಥಾನದ ಬ್ರಹ್ಮಕಲಶೋತ್ಸವದ ನಿಲೆಟ್ಟ್ ದೊಂಪ ಪಾಡುನ (ಚಪ್ಪರ ಮೂಹೂರ್ತ) ಕಜ್ಜ ಶುಕ್ರವಾರ ನಡತ್ಂಡ್.
ಪೊಯ್ಯೆದಗುಡ್ಡೆ ಶ್ರೀ ಉಮಾಮಹೇಶ್ವರಿ ದೇವಸ್ಥಾನದ ಅರ್ಚಕೆರ್ ಶ್ರೀಪತಿ ಭಟ್ ದೇವೆರೆಡ ಪ್ರಾರ್ಥನೆ ಮಲ್ತೆರ್. ಶ್ರೀ ಭಗವತಿ ದೇವಸ್ಥಾನದ ಅನುವಂಶಿಕ ಮೊಕ್ತೇಸರೆರ್ ಶ್ರೀನಿವಾಸ ಯಾನೆ ಅಪ್ಪು ಪೂಜಾರಿ ದಂಪತಿಲು ಧಾರ್ಮಿಕ ವಿಧಿವಿಧಾನ ನಡಪಾದ್ ಕೊರಿಯೆರ್.
ಈ ಪೊರ್ತುಡು ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್, ಕ್ಷೇತ್ರದ ಅರ್ಚಕೆರ್ ಗೋಪಾಲ ಪಾತ್ರಿ,ಪ್ರಸಾದ್ ಆತಾರ್, ಕಿರಣ್ ಗುರಿಕಾರೆರ್,
ಸುದಾನಂದ ಗುರಿಕಾರೆರ್,ಮೋಹನ್ ಸುವರ್ಣ, ಲಕ್ಷಣ್ ಗಿಂಡಿ ಪಾತ್ರಿ, ಕ್ಷೇತ್ರದ ಅಭಿವೃದ್ದಿ ಸಮಿತಿದ ಅಧ್ಯಕ್ಷೆರ್ ಪ್ರಭಾಕರ ಪೂಜಾರಿ, ಪ್ರಧಾನ‌ ಕಾರ್ಯದರ್ಶಿ ರಮೇಶ್ ಬಂಗೇರ, ಚಪ್ಪರ ಸಮಿತಿದ ಅಧ್ಯಕ್ಷೆರ್ ಪ್ರೇಮನಾಥ ಸುವರ್ಣ,ಕಾಂತುಲಕಣ ಗಡಿಪ್ರದಾನ ಪಠೇಲ್ ಮನೆತನದ ಲೀಲಾಧರ ಬಂಗೇರ,ತೀಯಾ ಸಂಘದ ಅಧ್ಯಕ್ಷೆರ್ ಸುರೇಶ ಬಂಗೇರ, ನಿತಿನ್ ಕುಂದರ್,
ವಿವಿಧ ಸಮಿತಿದ ಮುಖ್ಯಸ್ಥೆರಾಯಿನ ಸುಧಾಕರ ಅಮೀನ್, ಶೋಭೇಂದ್ರ ಸಸಿಹಿತ್ಲು, ಚಂದ್ರಶೇಖರ ನಾನಿಲ್, ಗೀತಾ ಕುಮಾರ್, ಕಸ್ತೂರಿ ಪಂಜ, ಜಗನ್ನಾಥ ಆರ್. ಕೋಟ್ಯಾನ್, ಉದಯಕುಮಾರ್ ಸುವರ್ಣ, ವಿನೋದ್ ಕುಮಾರ್ ಬೊಳ್ಳೂರು,
ಅಶೋಕ್ ಬಂಗೇರ, ಅರವಿಂದ್,ವಿ.ಕೆ.ಯಾದವ್, ಎಸ್.ಆರ್ ಪ್ರದೀಪ್, ರಾಜೇಂದ್ರ ಪ್ರಸಾದ್ ಎಕ್ಕಾರ್, ಅಶೀಶ್ ಬಂಗೇರ, ಉಮೇಶ್ ಅಮೀನ್, ಮನೋಜ್ ಕರ್ಕೇರ, ಸತೀಶ್ ಶೆಟ್ಟಿ ಎಕ್ಕಾರು, ಕಿಶೋರ್ ಸುವರ್ಣ,
ದಿನೇಶ್ ಸುವರ್ಣ,
ಶ್ರೀಧರ ಸುವರ್ಣ ಮೊಕುಲು ಮಾತ ಇತ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

‘ಸಹಕಾರ ರತ್ನ’ ಡಾ| ಎಂ.ಎನ್. ರಾಜೇಂದ್ರ ಕುಮಾರ್ ಮೆರೆನ 77ನೇ ಪುಟ್ಟುಪರ್ಬದ ಅರ್ಥಪೂರ್ಣ ಆಚರಣೆ : ಡಾ.ದೇವಿಪ್ರಸಾದ್ ಶೆಟ್ಟಿ

Feb 20, 2026

ಕುಡ್ಲ : ಸಹಕಾರಿ ಕ್ಷೇತ್ರಡ್ ರಾಜ್ಯ ಅಂಚೆನೆ ರಾಷ್ಟ್ರಮಟ್ಟಡ್ ಪುದರ್ ಪಡೆತಿನ ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್‌ದ ಅಧ್ಯಕ್ಷೆರ್ ‘ಸಹಕಾರ ರತ್ನ’ ಡಾ| ಎಂ.ಎನ್. ರಾಜೇಂದ್ರ ಕುಮಾರ್ ಮೆರೆನ 77ನೇ ಪುಟ್ಟುಪರ್ಬದ ಸಂಭ್ರಮಾಚರಣೆನ್ ಸರಳವಾದ್ ಅಂಚೆನೆ ಅರ್ಥಪೂರ್ಣವಾದ್ ಆಚರಣೆ ಮಲ್ಪರೆ ಅವಿಭಜಿತ ದ.ಕ ಜಿಲ್ಲೆದ ಸಮಸ್ತ ಸಹಕಾರಿಲು ತೀರ್ಮಾನ ಮಲ್ತ್‌ದ” ಪಂದ್ ಅಭಿವಂದನಾ ಸಮಿತಿದ ಅಧ್ಯಕ್ಷೆರ್ ಐಕಳಬಾವ ದೇವಿಪ್ರಸಾದ್ ಶೆಟ್ಟಿ ಬೆಳಪು ತೆರಿಪಾಯೆರ್.
ಎಸ್ ಸಿಡಿಸಿಸಿ ಬ್ಯಾಂಕ್ ‌ದ ಚಾವಡಿಡ್ ಶುಕ್ರವಾರ ನಡತಿನ ಪತ್ರಿಕಾ ಗೋಷ್ಠಿಡ್ ಪಾತೆರ್ನ ಆರ್
”ಫೆ.24 ಡಾ| ಎಂ.ಎನ್. ರಾಜೇಂದ್ರ ಕುಮಾರ್ ಮೆರೆನ ಪುಟ್ಟಪರ್ಬದ ದಿನ. ಆನಿ ಕಾಂಡೆ 10.30 ಗಂಟೆಗ್ ಎಸ್‌ಸಿಡಿಸಿಸಿ ಬ್ಯಾಂಕ್‌ದ ಸಭಾಂಗಣಡ್ ಡಾ| ಎಂ.ಎನ್. ಆರ್ ಮೆರೆನ 77ನೇ ಪುಟ್ಟುಪರ್ಬದ ಸಂಭ್ರಮದ ಒಟ್ಟುಗು ಅಭಿವಂದನಾ ಕಾರ್ಯಕ್ರಮ ಬೊಕ್ಕ ಅರ್ಹ ಫಲಾನುಭವಿಲೆಗ್ ಬೇತೆ ಬೇತೆ ಸವಲತ್ತುಲೆನ್ ಪಟ್ಟು‌ನ ಕಜ್ಜ ನಡಪರೆ ಉಂಡು. ಸಹಕಾರ ಕ್ಷೇತ್ರನ್ ಗಟ್ಟಿ ಮಲ್ಪುನ ಚಿಂತನೆದ ಒಟ್ಟುಗೆ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಡ್ ಪೊಸ ಕ್ರಾಂತಿ ಮಲ್ದಿನ ಸೃಷ್ಟಿಸಿರುವ ಡಾ| ಎಂ.ಎನ್. ಆರ್ ಮಾತಾ ಸಹಕಾರಿಲೆಗ್ ಆದರ್ಶ ಆದುಲ್ಲೆರ್. ಸಹಕಾರ ಕ್ಷೇತ್ರದ ಬೆಳವಣಿಗೆಗ್ ವಿಶೇಷ ಕಾರ್ಯ ಯೋಜನೆ ಮಲ್ತ್‌ದ್ ಎಂಕ್ಲೆಗ್ ಮಾರ್ಗದರ್ಶನ ಮಲ್ದಿನ ಡಾ| ಎಂ.ಎನ್. ಆರ್ ಮೆರೆನ ಪುಟ್ಟುಪರ್ಬನ್ ಅರ್ಥಪೂರ್ಣವಾದ್ ಆಚರಣೆ ಮಲ್ಪುನ ಉದ್ದೇಶಡ್ 77 ಜನ ಅರ್ಹ ಫಲಾನುಭವಿಲೆಗ್ ಸವಲತ್ತು ಪಟ್ಟುನ ಬೇಲೆ ನಡಪರೆ ಉಂಡು. ಸರ್ವ ಧರ್ಮದ ಅರ್ಹ ವ್ಯಕ್ತಿಲೆಗ್ ಈ ಸಹಾಯ ಕೊರಿಯರೆ ಉಂಡು ಪಂದ್ ಪಂಡೆರ್.
ಈ ಲೇಸ್ ನ್ ಕರ್ನಾಟಕ ವಿಧಾನಸಭೆತ್ತ ಸಭಾಧ್ಯಕ್ಷೆರಾಯಿನ ಯು.ಟಿ.ಖಾದರ್ ಉದಿಪನ ಮಲ್ಪುವೆರ್. ಸಮಸ್ತ ಸಹಕಾರಿಲೆನ ಪರವಾದ್ ಡಾ| ಎಂ.ಎನ್. ರಾಜೇಂದ್ರ ಕುಮಾ‌ರ್ ಅಭಿವಂದನೆ ಸ್ವೀಕಾರ ಮಲ್ಪರೆ ಉಲ್ಲೆರ್. ಮಾಜಿ ಮುಖ್ಯಮಂತ್ರಿಲಾಯಿನ ಡಾ| ಎಂ. ವೀರಪ್ಪ ಮೊಯಿಲಿ ಮೇರ್ ಡಾ। ಎಂ.ಎನ್. ರಾಜೇಂದ್ರ ಕುಮಾರ್‌ ಮೆರೆನ್ ಅಭಿನಂದನೆ ಮಲ್ತ್‌ದ್ ಅಭಿವಂದನಾ ಭಾಷಣ ಮಲ್ಪುವೆರ್. ಶಾಸಕೆರ್ ಡಿ.ವೇದವ್ಯಾಸ ಕಾಮತ್ ಅಧ್ಯಕ್ಷತೆ ವಹಿಸೊನ್ವೆರ್ ಪಂದ್ ಪಂಡೆರ್.
ಪತ್ರಿಕಾಗೋಷ್ಠಿಡ್ ಬ್ಯಾಂಕ್ ಉಪಾಧ್ಯಕ್ಷೆರ್ ವಿನಯ್ ಕುಮಾರ್ ಸೂರಿಂಜೆ, ನಿರ್ದೇಶಕೆರಾಯಿನ ಎಂ. ವಾದಿರಾಜ ಶೆಟ್ಟಿ, ಭಾಸ್ಕರ್ ಎಸ್.ಕೋಟ್ಯಾನ್, ಶಶಿಕುಮಾ‌ರ್ ರೈ ಬಾಲ್ಯೊಟ್ಟು, ಎಸ್.ಬಿ. ಜಯರಾಮ ರೈ, ಮೋನಪ್ಪ ಶೆಟ್ಟಿ ಎಕ್ಕಾರು, ಸದಾಶಿವ ಉಳ್ಳಾಲ್, ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಗೋಪಾಲಕೃಷ್ಣ ಭಟ್ ಕೆ. ಮೊಕುಲು ಮಾತ ಇತ್ತೆರ್.
(ಬಾಕ್ಸ್)
77 ಜನಕ್ಕ್ ಸಕಾಯ

ಈ ಲೇಸ್‌ಡ್ 35 ಫಲಾನುಭವಿಲೆಗ್ ಸಹಾಯಧನ, 30 ವಿದ್ಯಾರ್ಥಿಲೆಗ್ ವಿದ್ಯಾರ್ಥಿ ವೇತನ-30, 5 ಜನಕ್ಕ್ ಕುಂಟು ಪೊಲ್ಲುನ ಮಿಷಿನ್, 2 ಜನ
ವಿಶೇಷ ಚೇತನೆರೆಗ್ , 5 ಜನಕ್ಕ್ ಜೇನುಗೂಡು ಪೆಟ್ಟಿಗೆ ಸೇರ್ದ್ 77 ಜನಕ್ಕ್ ಸವಲತ್ತ್ ಪಟ್ಟರೆ ಉಂಡು ಪಂದ್ ತೆರಿಪಾಯೆರ್.

ಕದ್ರಿದ ಮಂಜುನಾಥ ಸ್ವಾಮಿ ದೇವಲ್ಯಗ್ ಗೃಹ ಸಚಿವೆರ್ ಡಾ. ಜಿ. ಪರಮೇಶ್ವರ್ ಭೇಟಿ

Feb 19, 2026

ಕುಡ್ಲ : ಕರ್ನಾಟಕ ಸರ್ಕಾರದ ಗೃಹ ಸಚಿವೆರ್ ಡಾ. ಜಿ. ಪರಮೇಶ್ವರ್ ಮೇರ್ ಬುಧವಾರ ಕುಡ್ಲದ ಇತಿಹಾಸ ಪ್ರಸಿದ್ಧ ಕದ್ರಿ ಶ್ರೀ ಮಂಜುನಾಥ ದೇವಸ್ಥಾನಗ್ ಭೇಟಿ ಕೊರ್ದು ವಿಶೇಷ ಪೂಜೆ ಬೊಕ್ಕ ಪ್ರಾರ್ಥನೆ ಮಲ್ತೆರ್.
ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಡಾ. ಎ. ಜನಾರ್ಧನ ಶೆಟ್ಟಿ ಮೇರ್ ಸಚಿವೆರೆನ್ ಎದ್ಕೊಂದು ಮಾನಾದಿಗೆ ಮಲ್ತೆರ್.
ಈ ಸಂದರ್ಭಡ್ ಸಚಿವೆರ್ ಶ್ರೀ ಕ್ಷೇತ್ರದ ಇತಿಹಾಸ ಬೊಕ್ಕ ಧಾರ್ಮಿಕ ಮಹತ್ವದ ಬಗ್ಗೆ ಮಾಹಿತಿ ದೆತೊಂದು ದೇವಸ್ಥಾನದ ಅಭಿವೃದ್ಧಿ ಬೊಕ್ಲ ಭಕ್ತೆರೆನ ಸೌಲಭ್ಯಗಾದ್ ವ್ಯವಸ್ಥಾಪನಾ ಸಮಿತಿ ಮಲ್ಪಾದಿನ ಬೇಲೆಗ್ ಮೆಚ್ಚುಗೆ ತೊಜಪಾಯೆರ್.
ಈ ಪೊರ್ತುಡು ವ್ಯವಸ್ಥಾಪನಾ ಸಮಿತಿದ ಸದಸ್ಯೆರಾಯಿನ ರಾಜೇಂದ್ರ ಚಿಲಿಂಬಿ, ಕಿರಣ್ ಕುಮಾರ್ ಜೆ, ಪ್ರೀತಾನಂದನ್, ನಾರಾಯಣ ಕೋಟ್ಯಾನ್, ಉಷಾ ಪ್ರಭಾಕರ್, ದಿಲ್ ರಾಜ್ ಆಳ್ವ, ಹರಿನಾಥ್ ಜೋಗಿ, ಪುಷ್ಪಲತಾ ಬೊಕ್ಕ ಅರ್ಚಕೆರಾಯಿನ ರಾಘವೇಂದ್ರ ಅಡಿಗ ಮೊಕುಲು ಮಾತ ಇತ್ತೆರ್.

ಪುಡಮಿ ಅಪ್ಪೆನ ಮಟ್ಟೆಲ್ದ ಆಳಗುಂಡಿ ಬ್ರಹ್ಮಸ್ಥಾನಡ್ ಡಾ. ಜನಾರ್ದನ ಭಟ್ರೆನ ಕೃತಿಲು ಬುಡುಗಡೆ ಸಂವಾದ

Feb 18, 2026

ತುಳುನಾಡ್ ದ ಪ್ರಧಾನ ದೈವ ಆದ್ ಆರಾಧನೆ ಆಪುನ ಬೆಮ್ಮೆರ್

ಕಿನ್ನಿಗೋಳಿ : ತುಳುನಾಡ್ ದ ದೈವಾರಾಧನೆದ ಕ್ಷೇತ್ರಲೆಡ್ ಪ್ರಧಾನ ದೈವ ಆದ್ ಆರಾಧನೆ ಆಪುನ ದೈವಿಕಶಕ್ತಿಯಾಯಿನ ಬೆಮ್ಮೆರ್ ಚತುರ್ಮುಖ ಬ್ರಹ್ಮ ಅತ್ತ್ ಪಂದ್ ಪಂಡೆರ್ . ಬೆಮ್ಮೆರ್ ಪನ್ಪಿನ ಪದ ತಮಿಳು ಭಾಷೆದ ಪೆರುಮಾಳ್ ಪದದ ಅಂಚ ದೇವೆರ್ ’ ಪನ್ಪಿ ಅರ್ಥ ಕೊರ್ಪುನ ರೂಢನಾಮ. ಬೆಮ್ಮೆರ್ ’ ಪದನ್ ’ಬ್ರಹ್ಮ’ ಪಂದ್ ಬರೆಪುನ ಕ್ರಮ ತುಳುಪದನ್ ಕನ್ನಡಡ್ ಬರೆಪುನ ಕ್ರಮದಂಚ ಬೈದುಂಡ್. ತುಳುವೆರೆನ ಪ್ರಧಾನ ದೈವ ಬೆಮ್ಮೆರ್ ಪಂಡ ಶಾಸ್ತಾವು’ ಅತ್ಂಡಾ ಶಾಲುವಾಹನ ಪಂದ್ ಖ್ಯಾತ ಸಾಹಿತಿ ಡಾ. ಬಿ. ಜನಾರ್ದನ ಭಟ್ ಪಂಡೆರ್ .
ಆರ್ ಸಚ್ಚೇರಿಪೇಟೆ ಸಂಕದ ಬರಿಟ್ ಶಾಂಭವಿ ತುದೆತ ಬರಿಟ್ ಆಳಗುಂಡಿ ಬ್ರಹ್ಮಸ್ಥಾನಡ್ ದ.ಕ.ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ಮೂಲ್ಕಿ ತಾಲೂಕು ಘಟಕದ ವತಿರ್ದ್ ಡಾ. ಬಿ. ಜನಾರ್ದನ ಭಟ್ ಬರೆಯಿನ ತುಳುನಾಡಿನ ಬೆರ್ಮರು ಅಂಚೆನೆ ಹೊಸಹೊಳಲು ಕೃತಿಲೆನ ಬುಡುಗಡೆ ಬೊಕ್ಕ ಸಂವಾದ ಕಾರ್ಯಕ್ರಮಡ್ ಪಾತೆರಿಯೆರ್.
ಜೈನೆರೆನ ಬ್ರಹ್ಮ ಯಕ್ಷ ಮಸ್ತ್ ಕಾರಣಿಕದ ದೈವ. ಸುರುಕು ಕೆಂಪುಕಲ್ಲ್ , ಬೊಕ್ಕ ಗ್ರಾನೈಟ್ ಕಲ್ಲ್, ಪದ್ಮ ಕಲ್ಲ್ ಡ್ ನಾಗಬೆಮ್ಮೆನ್ ನಂಬುನೆನ್ ನಮ ತೂಪ . ಬೆಮ್ಮೆರೆಗ್ ಸಾಂಕೇತಿಕವಾದ್ ಪ್ರಧಾನ ದೈವ ಪಂದ್ ಆರಾಧನೆ ಇಪ್ಪುಂಡು . ದೇವಸ್ಥಾನಲೆಡ್ ನೈಋತ್ಯ ಭಾಗಡ್ ಶಾಸ್ತಾವು ಬೆಮ್ಮೆರೆನ ಆರಾಧನೆ ಉಂಡು ಪಂದ್ ನಮ ತೆರಿಯೋನೊಲಿ. ಚಿತ್ತಾರಿ ಪುದರ್ ದ ದೇವಸ್ಥಾನ ಅತ್ತ್ಂಡಾ ದೈವಸ್ಥಾನಲು ಒಡಿಪು ಜಿಲ್ಲೆಡ್ ಮಸ್ತ್ ತೊಜೀದ್ ಬರ್ಪುಂಡು. ಉಂದು ಬೆಮ್ಮೆರ್ ದೈವದ ಮೂಲ ಆರಾಧನಾ ಜಾಗೆ ಆದ್ ಉಂಡು . ಕೆಲವು ಕಡೆಟ್ ಬೆಮ್ಮೆರೆಗ್ ದೈವಗ್ ಮಲ್ಪುಲೆಕ್ಕ ಕೋಲ ನಡಪುಂಡು ಪಂದ್ ಬೆಮ್ಮೆರೆ ಬಗೆಟ್ ತನ್ನ ಕ್ಷೇತ್ರ ಕಾರ್ಯ ಬೊಕ್ಕ ಅಧ್ಯಯನನ್ ತೂದು ಅವೆತೋ ಸಂಗತಿಲೆನ್ ಪಂಡೆರ್ .
ತುಳುನಾಡ್ ದ ಬೆಮ್ಮೆರ್ ಕೃತಿನ್ ಪೊಸ್ರಾಲು ದೇವಲ್ಯದ ಅರ್ಚಕೆರ್ ರಾಘವೇಂದ್ರ ಭಟ್, ಮುಂಡ್ಕೂರು ದೇವಲ್ಯದ ವ್ಯವಸ್ಥಾಪನಾ ಸಮಿತಿ ಪದುಕೆರ್ ಜಗದೀಶ ಶೆಟ್ಟಿ ನಡಿಗುತ್ತು ಬುಡುಗಡೆ ಮಲ್ತೆರ್ .
ಮುಂಡ್ಕೂರು ಗ್ರಾಮಪಂಚಾಯತ್ ಮಾಜಿ ಗುರ್ಕಾರ್ಲು ಸತ್ಯಶಂಕರ ಶೆಟ್ಟಿ ಬೆಮ್ಮೆರ್ ಸ್ಥಾನಡ್ ಪಸಂದ್ರೊದ ಮಟ್ಟೆಲ್ಡ್ (ಪ್ರಕೃತಿದೊಟ್ಟು) ಕೃತಿ ಬುಡುಗಡೆ, ಸಂವಾದ ಕಾರ್ಯಕ್ರಮ ವಿಶಿಷ್ಟ ಅನುಭೂತಿನ್ ಕೊರ್ಪುಂಡು . ಕೃತಿನ್ ದೆತೊಂದು ಓದುಲೆ , ಪೊಸ ವಿಚಾರಲೆನ್ ತೆರಿಯೊಂದು ನಮನ್ ನಮ ಬುಲೆಪಾಗ ಪಂದ್ ಪಂಡೆರ್ .
ಜನಾರ್ದನ ಭಟ್ರೆನ ಹೊಸಹೊಳಲು’ ಮಸ್ತಿರೆನ್ ( ಪುಸ್ತಕ ) ನ್ ಬುಡುಗಡೆ ಮಲ್ತಿನ ಇತಿಹಾಸ ತಜ್ಞ ಡಾ. ಪುಂಡಿಕಾಯಿ ಗಣಪಯ್ಯ ಭಟ್ರ್ ಪಾತೆರ್ದ್ , ಜನಾರ್ದನ ಭಟ್ರೆನ ಕಾದಂಬರಿ, ಕಥಾಗಾರರಾದ್ ಅತ್ತಾಂದೆ , ಇತಿಹಾಸದ ಬಗೆಟ್ ವಿಶೇಷ ಆಸಕ್ತಿ ವೈಸೊಂದು ಕೃತಿ ಮಲ್ದಿನವು ಪುಗಾರ್ತೆದ ಇಚಾರ ಪಂಡೆರ್.
ಬೊಕ್ಕ ಸಂವಾದ ನಡತ್ಂಡ್ . ಕಸಾಪ ಮೂಲ್ಕಿ ಘಟಕಾಧ್ಯಕ್ಷೆರ್ ಮಿಥುನ ಕೊಡೆತ್ತೂರು, ಪದಾಧಿಕಾರಿಲು ವೀಣಾ ಶಶಿಧರ್, ಹೆರಿಕ್ ಪಾಯಸ್, ಪ್ರಕಾಶ್ ಆಚಾರ್, ಸ್ವರಾಜ್ ಶೆಟ್ಟಿ, ದೇವದಾಸ ಮಲ್ಯ, ಕೃಷ್ಣರಾಜ ಭಟ್, ಮಾಧವ ಕೆರೆಕಾಡು, ಪಂಚಾಯತ್ ಪದುಕೆರ್ ಜಿತೇಂದ್ರ ಕರ್ಕೇರ ಬೊಕ್ಕ ಕೆಲವೆರ್ ಇ

ಸಂಘ ಸಂಸ್ಥೆಲು ಗ್ರಾಮೀಣ ಮಟ್ಟಡ್ ಸಾಮಾಜಿಕ, ಸಾಂಸ್ಕೃತಿಕ ಬೊಕ್ಕ ಶೈಕ್ಷಣಿಕ ಚಟುವಟಿಕೆದ ಒರುಟು ಎಡ್ಡೆ ಬದಲಾವಣೆ ಕನವೊಲಿ:- ಗೀತಾ ಎಸ್. ಶೆಟ್ಟಿ

Feb 18, 2026

ತಿಬಾರ್ ದೇಲಂತಬೆಟ್ಟು ಯುವಕ ಮಂಡಲ (ರಿ.) ಬೊಕ್ಕ ಮಹಿಳಾ ಮಂಡಲ ದ ವರ್ಸದ ಕಾರ್ಯಕ್ರಮ

ತಿಬಾರ್ ದೇಲಂತಬೆಟ್ಟು ಯುವಕ ಮಂಡಲ (ರಿ.) ಬೊಕ್ಕ ಮಹಿಳಾ ಮಂಡಲ ದ ವರ್ಸದ ಕಾರ್ಯಕ್ರಮ ಜನವರಿ 24 ಸನಿಯಾರ ತಿಬಾರ್ ಪದ್ಮಾವತಿ ಕಲಾ ಮಂದಿರಡ್ ನಡತ್ಂಡ್ .
ಲೇಸ್ ದ ಗುರ್ಕಾರ್ಮೆನ್ ಸೂರಿಂಜೆ ಗ್ರಾಮ ಪಂಚಾಯತ್ ಗುರ್ಕಾರ್ಲು ಶ್ರೀಮತಿ ಗೀತಾ ಎಸ್. ಶೆಟ್ಟಿ ವಹಿಸೊಂದು ಪಾತೆರ್ದ್ ಸಂಘ ಸಂಸ್ಥೆಲು ಗ್ರಾಮೀಣ ಮಟ್ಟಡ್ ಸಾಮಾಜಿಕ, ಸಾಂಸ್ಕೃತಿಕ ಬೊಕ್ಕ ಶೈಕ್ಷಣಿಕ ಚಟುವಟಿಕೆದ ಒರುಟು ಎಡ್ಡೆ ಬದಲಾವಣೆ ಕನವೊಲಿ . ಇಂಚಿನ ಕಾರ್ಯಕ್ರಮಲು ಸಮಾಜಡ್ ಏಕತೆ ಬೊಕ್ಕ ಸಾಕಾರನ್ ಜಾಸ್ತಿ ಮಲ್ಪುಂಡು ಪಂಡೆರ್.
ಈ ಪೊರ್ತುಡು ಕೃಷಿ ಸಾಧಕೆರ್ ಪಡುಮನೆ ವೇಣುಗೋಪಾಲ್ ಶೆಟ್ಟಿ, ಕೊಂಕಣಬೆಟ್ಟು ಕಾಂತಪ್ಪ ಸಾಲ್ಯಾನ್, ಕಯ್ಯೂರು ಸುಲೋಚನ ಆಚಾರ್ಯ, ಕೊರ್ಯಾರ್ ಲಕ್ಷ್ಮಿ ದೇವಾಡಿಗ ಮೊಕುಲೆಗ್ ಮಾನಾದಿಗೆ ಮಲ್ತ್ ದ್ ಗೌರವ ಮಲ್ತೆರ್ . ಶೈಕ್ಷಣಿಕ ಕ್ಷೇತ್ರಡ್ ಸಾಧನೆ ಮಲ್ತಿನ ಜೋಕುಲೆನ್ ಗೌರವ ಮಲ್ತೆರ್ .
ಮಿತ್ತ ಚಾವಡಿಡ್ ಮೂಲ್ಕಿ ಮೂಡಬಿದ್ರಿ ವಿಧಾನಸಭಾ ಕ್ಷೇತ್ರ ಶಾಸಕೆರ್ ಉಮಾನಾಥ್ ಕೋಟ್ಯಾನ್, ಅಂತಾರಾಷ್ಟ್ರೀಯ ಮಟ್ಟದ ಜಾನಪದ ಕಲಾವಿದೆರ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್ ಡಾ. ಸಚಿನ್ ಸಾಲ್ಯಾನ್, ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಆಂಗ್ಲ ಮಾಧ್ಯಮ ಪ್ರೌಢಶಾಲೆ ಪ್ರಾಂಶುಪಾಲೆರ್ ಗಿರೀಶ್ ತಂತ್ರಿ ಶಿಬರೂರು, ಖಾದಿ ಬೊಕ್ಕ ಗ್ರಾಮದ್ಯೋಗ ಮಂಡಳಿ ಕರ್ನಾಟಕ ಸರಕಾರದ ಮಾಜಿ ನಿರ್ದೇಶಕೆರ್ ಮಿಥುನ್ ಆರ್ ಹೆಗ್ಡೆ, ತಿಬಾರ್ ಕೊಡಮಂದಾಯ ದೈವಸ್ಥಾನದ ಜೀರ್ಣೋದ್ದಾರ ಸಮಿತಿ ಕಾರ್ಯಧ್ಯಕ್ಷೆರ್ ಪ್ರದ್ಯುಮ್ನ ರಾವ್ ಕಯ್ಯುರ್ ಗುತ್ತು, ಸನತ್ ಶೆಟ್ಟಿ ಪರ್ಲಬೈಲ್ ಗುತ್ತು, ತಿಬಾರ್ ಶ್ರೀ ಕುಂಭ ಕಂಠಿಣಿ ಎಜುಕೇಶನ್ ಟ್ರಸ್ಟ್ ಗುರ್ಕಾರ್ಲು ಸುರೇಂದ್ರ ಕೆ ಶೆಟ್ಟಿ, ತಿಬಾರ್ ದ.ಕ. ಜಿ. ಪಂ. ಹಿ ಪ್ರಾ ಶಾಲೆ ಮುಖ್ಯ್ಯೋಪಾದ್ಯಾಯಿನಿ ಶ್ರೀಮತಿ ಅಶ್ವಿನಿ, ಎಸ್ ಡಿ ಎಂ ಸಿ ಗುರ್ಕಾರ್ಲು ಶ್ರೀಮತಿ ಶಕುಂತಲಾ, ಶ್ರೀ ಕೊಡಮಂದಾಯ ದೈವಸ್ಥಾನ ಆಂಗ್ಲ ಮಾಧ್ಯಮ ಶಾಲೆ ಮುಖ್ಯ ಶಿಕ್ಷಕಿ ಸ್ವಪ್ನ ಮುಲ್ಕಾರ್ ಬೊಕ್ಕ ಯುವಕ ಬೊಕ್ಕ ಮಹಿಳಾ ಮಂಡಳಿ ಪದುಕೆರ್ ಉಪಸ್ಥಿತರಿತ್ತೆರ್.
ತಿಬಾರ್ ದೇಲoತಬೆಟ್ಟು ಯುವಕ ಮಂಡಲ ಗುರ್ಕಾರ್ಲು ಪ್ರವೀಣ್ ಶೆಟ್ಟಿ ಎದ್ಕೊಂಡೆರ್ , ಮಹಿಳಾ ಮಂಡಳಿ ಗುರ್ಕಾರ್ಲು ಆಶಾ ಶೆಟ್ಟಿ ಸೊಲ್ಮೆ ಸಂದಾಯ ಮಲ್ತೆರ್, ಸುದರ್ಶನ್ ಆಚಾರ್ಯ ಲೇಸ್ ಸುದಾರಿಕೆ ಮಲ್ತೆರ್.
ಅವೆರ್ದ್ ಬೊಕ್ಕ ಯುವಕ ಮಂಡಲದ ಪದುಕೆರ್ ಅಂಚೆನೆ ಮಹಿಳಾ ಮಂಡಲದ ಪದುಕೆರ್ದ್ ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮಲು ಬೊಕ್ಕ ಅಜ್ಜಿಗ್ ಏರ್ಲ ಇಜ್ಜಿ ನಾಟಕ ನಡತ್ಂಡ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಮುಲ್ಕಿ

ಕಟೀಲ್ ಕಾಲೇಜಿಡ್ ಕೌಶಲ್ಯಾಧಾರಿತ ಕಂಪ್ಯೂಟರ್ ಆಧಾರಿತ ಪ್ರಮಾಣಪತ್ರ ಕೋರ್ಸ್‌ ಉದಿಪನ

Feb 18, 2026

ಕಟೀಲ್ : ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಪ್ರಥಮ ದರ್ಜೆ ಕಾಲೇಜಿಡ್ ಕೌಶಲ್ಯಾಧಾರಿತ ಕಂಪ್ಯೂಟರ್ ಆಧಾರಿತ ಪ್ರಮಾಣಪತ್ರ ಕೋರ್ಸ್‌ಲೆನ್ ಅನುವಂಶಿಕ ಅರ್ಚಕ ಕೆ. ಲಕ್ಷ್ಮೀನಾರಾಯಣ ಅಸ್ರಣ್ಣ ಉದಿಪನ ಮಲ್ತೆರ್ .
ಜೋಕುಲು ಪದವಿ ಆಯಿಬೊಕ್ಕ ಬೆರಿಕ್ಕೆ ಬೇಲೆಗ್ ತಯಾರಾಪುನ ಉದ್ದೇಶಡ್ , ಕಾಲೇಜ್ ಸುರುತ ಬಿ.ಕಾಂ. ಜೋಕುಲೆಗಾದ್ “ಸೈಬರ್ ಸುರಕ್ಷತಾ ಪ್ರಮಾಣಪತ್ರ ಕೋರ್ಸ್”, ರಡ್ಡನೇ ಬಿ.ಕಾಂ. ಜೋಕುಲೆಗ್ “ ಕೃತಕ ಬುದ್ಧಿಮತ್ತೆ ಪ್ರಮಾಣಪತ್ರ ಕೋರ್ಸ್” ಅಂಚೆನೆ ಮೂಜಿನೇ ಬಿ.ಕಾಂ. ಜೋಕುಲೆಗ್ “ವ್ಯಾಪಾರ ಡೇಟಾ ವಿಶ್ಲೇಷಣಾ ಪ್ರಮಾಣಪತ್ರ ಕೋರ್ಸ್” ಲೆನ್ ಸುರು ಮಲ್ದೆರ್ .
ಈ ಪ್ರಮಾಣಪತ್ರ ಕೋರ್ಸ್‌ಲೆಡ್ ಪೈಥಾನ್, ಪವರ್ ಬಿಐ, ಜಾವಾಸ್ಕ್ರಿಪ್ಟ್, ಎಸ್‌ಕ್ಯೂಎಲ್, ಇಆರ್‌ಪಿ, ಜಿಎಸ್‌ಟಿ ಬೊಕ್ಕ ಪೇರೋಲ್‌ ದೊಟ್ಟು ಟ್ಯಾಲಿ ಪ್ರೈಮ್, ಅಡ್ವಾನ್ಸ್ ಮೈಕ್ರೋಸಾಫ್ಟ್ ಎಕ್ಸೆಲ್ ಸೇರ್ದ್ ಬೇತೆ ಬೇತೆ ಕೋರ್ಸ್‌ಲೆನ್ ಕುಡ್ಲ ನಗರದ ಸಂತ ಅಲೋಯ್ಸಿಯಸ್ ಡೀಮ್ಡ್ ಟು ಬಿ ಯುನಿವರ್ಸಿಟಿ ಬೊಕ್ಕ ಸಿಯೋನಾ ಸೊಲ್ಯೂಷನ್ಸ್ (ಸಾಫ್ಟ್‌ವೇರ್ ಅಭಿವೃದ್ಧಿ ಬೊಕ್ಕ ತರಬೇತಿ ಸಂಸ್ಥೆ), ಕುಡ್ಲ ಮೊಕ್ಲೆನ ಒಟ್ಟು ಸಾಕಾರಡ್ ನಡಪಾವೊಂದುಲ್ಲೆರ್
ಬೆಂಗಳೂರುದ ಶ್ರೀಮತಿ ಸುಧಾ ದೇವದಾಸ್ ರೈ ಮೆರೆನ ಕೊಡುಗೆರ್ದ್ ಕಾಲೇಜಿದ ಏರ್-ಕಂಡೀಷನ್‌ಡ್ ಕಂಪ್ಯೂಟರ್ ಪ್ರಯೋಗಾಲಯನ್ 42 ಕಂಪ್ಯೂಟರ್‌ಲು ಅಂಚೆನೆ 7೦ ಜೋಕುಲೆಗ್ ಕುಲ್ಲುನ ವ್ಯವಸ್ಥೆದೊಟ್ಟು ಮಲ್ದೆರ್ ಪಂದ್ ಪ್ರಾಚಾರ್ಯ ಡಾ. ವಿಜಯ್ ವಿ. ತೆರಿಪಾಯೆರ್..
ಸಂಪನ್ಮೂಲ ವ್ಯಕ್ತಿಯಾಯಿನ ಡಾ. ಸುಮನ್ ಆಂಟನಿ ಲಸ್ರಾಡೊ ಆರ್ , ಸೈಬರ್ ಸುರಕ್ಷತೆ, ಕೃತಕ ಬುದ್ಧಿಮತ್ತೆ ಅಂಚೆನೆ ವ್ಯಾಪಾರ ಡೇಟಾ ವಿಶ್ಲೇಷಣೆ ಭವಿಷ್ಯದ ಉದ್ಯೋಗ ಕ್ಷೇತ್ರನ್ ಆಳುನ ವಿಷಯಲೆನ್ ಪಂಡೆರ್.
ದೇವಸ್ಥಾನದ ಆಡಳಿತ ಮಂಡಳಿ ಗುರ್ಕಾರ್ಲು ಸನತ್ ಕುಮಾರ್ ಶೆಟ್ಟಿ ಕೊಡೆತ್ತೂರುಗುತ್ತು, ಬಿಪಿನ್‌ಚಂದ್ರ ಶೆಟ್ಟಿ ಕೊಡೆತ್ತೂರುಗುತ್ತು, ಸಿದ್ಧಾರ್ಥ ಶೆಟ್ಟಿ, ಸಂಪನ್ಮೂಲ ವ್ಯಕ್ತಿ ಭೂಷಣ್ ಎ. ಬಂಗೇರ, ಕಂಪ್ಯೂಟರ್ ಪ್ರಯೋಗಾಲಯ ಅಭಿವೃದ್ಧಿ ಮಲ್ತಿನ ಅಶೋಕ್ ಶೆಟ್ಟಿಗಾರ್, ಹಿರಿಯ ವಿದ್ಯಾರ್ಥಿಲಾಯಿನ ತಾರಾನಾಥ ಶೆಟ್ಟಿ ಬೊಕ್ಕ ಶಿವಾಜಿ ಬೊಕ್ಕ ಕೆಲವೆರ್ ಇತ್ತೆರ್ .
ಪ್ರಾಂಶುಪಾಲರಾಯಿನ ಡಾ. ವಿಜಯ್ ವಿ. ಎದ್ಕೊಂಡೆರ್. ಇಂಗ್ಲಿಷ್ ವಿಭಾಗದ ಉಪನ್ಯಾಸಕಿ ಶ್ರೀಮತಿ ಲತಾಶ್ರೀ ಸಂಪನ್ಮೂಲ ವ್ಯಕ್ತಿಲೆನ್ ಗುರ್ತ ಮಲ್ತೆರ್ . ಹೇಮಲತಾ ಸೊಲ್ಮೆ ಸಂದಾಯ ಮಲ್ತೆರ್ . ಕೃಪಾ ಟಿ. ಶೆಟ್ಟಿ ನಿರೂಪಣೆ ಮಲ್ತೆರ್.

February 2026

ಬೊಳ್ಳಾರಗೋಳಿ ಪಂಚ ದೈವೊಲೆನ ನೇಮೋತ್ಸವದ ಅಟ್ಟಣೆದ ಕೂಟ

ಫೆ.26 : ಕಾಪು ಶ್ರೀ ಪೊಸ ಮಾರಿಗುಡಿ ದೇವಸ್ಥಾನಗ್ ಪುದೆ ಸಮರ್ಪಣೆ

ಫೆ.28-ಮಾ.2 : ಸುರುತ್ತ ಪ್ರತಿಷ್ಠಾ ವರ್ಧಂತಿ, ಮೂಜಿ ದಿನತ್ತ “ಮಾತೃ ವೈಭವ ಉತ್ಸವ”

ಫೆ.25-ಮಾ.1 : ಶ್ರೀ ಕ್ಷೇತ್ರ ಗೆಜ್ಜೆಗಿರಿ ಜಾತ್ರೆ

ಫೆ. 28 ದೇಯಿ ಬೈದೆತಿ ಅಪ್ಪೆನ ಮಟ್ಟೆಲ್‌ದ ಪ್ರಸಾದ ವಿತರಣೆ

ತುಲುವೆರೆ ಜಾಲ್ ಕಣ್ವತೀರ್ಥ ಮುತಾಲಿಕೆಡ್ “ಜೋಕ್ಲೆನ ಬಹುಭಾಷಾ ಕವಿಗೋಷ್ಠಿ” ಬೊಕ “ಕಬಿತೆ ಪುಟ್ಟುನ ಗುಟ್ಟೆಂಚ” ಕಜ್ಜಕೊಟ್ಯ

ಸಸಿಬಿತ್ತ್‌ಲ್ ಶ್ರೀ ಭಗವತಿ ದೇವಸ್ಥಾನದ ಬ್ರಹ್ಮಕಲಶ ಉಚ್ಚಯೊಗು ದೊಂಪ ಮೂರ್ತ

‘ಸಹಕಾರ ರತ್ನ’ ಡಾ| ಎಂ.ಎನ್. ರಾಜೇಂದ್ರ ಕುಮಾರ್ ಮೆರೆನ 77ನೇ ಪುಟ್ಟುಪರ್ಬದ ಅರ್ಥಪೂರ್ಣ ಆಚರಣೆ : ಡಾ.ದೇವಿಪ್ರಸಾದ್ ಶೆಟ್ಟಿ

ಕದ್ರಿದ ಮಂಜುನಾಥ ಸ್ವಾಮಿ ದೇವಲ್ಯಗ್ ಗೃಹ ಸಚಿವೆರ್ ಡಾ. ಜಿ. ಪರಮೇಶ್ವರ್ ಭೇಟಿ

ಪುಡಮಿ ಅಪ್ಪೆನ ಮಟ್ಟೆಲ್ದ ಆಳಗುಂಡಿ ಬ್ರಹ್ಮಸ್ಥಾನಡ್ ಡಾ. ಜನಾರ್ದನ ಭಟ್ರೆನ ಕೃತಿಲು ಬುಡುಗಡೆ ಸಂವಾದ

ತುಳುನಾಡ್ ದ ಪ್ರಧಾನ ದೈವ ಆದ್ ಆರಾಧನೆ ಆಪುನ ಬೆಮ್ಮೆರ್

ತಿಬಾರ್ ದೇಲಂತಬೆಟ್ಟು ಯುವಕ ಮಂಡಲ (ರಿ.) ಬೊಕ್ಕ ಮಹಿಳಾ ಮಂಡಲ ದ ವರ್ಸದ ಕಾರ್ಯಕ್ರಮ

ಕಟೀಲ್ ಕಾಲೇಜಿಡ್ ಕೌಶಲ್ಯಾಧಾರಿತ ಕಂಪ್ಯೂಟರ್ ಆಧಾರಿತ ಪ್ರಮಾಣಪತ್ರ ಕೋರ್ಸ್‌ ಉದಿಪನ

You Missed

ಬಂಟ್ಸ್ ಹಾಸ್ಟೆಲ್ ಶ್ರೀ ಸಿದ್ಧಿವಿನಾಯಕ ಪ್ರತಿಷ್ಠಾನದ ಗಣೇಶೋತ್ಸವ

ಕಾಪಿಕಾಡ್‌ರೆನ ಪೊಸ ನಾಟಕ “ಸುಣ್ಣದ ಬೊಟ್ಟು”ಗು ಮೂರ್ತ

ಬಂಟ್ವಾಳ : ಅಮ್ಟಾಡಿ ಶಾಲೆದ ಜೋಕುಲೆಗ್ ಕಂಡೊಡು ನೇಜಿ ನಡ್ಪಾದ್ ಬೆನ್ನಿದ ಪಾಠ

ಮುಲ್ಕಿ- ಮೂಡಬಿದ್ರೆ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಪ್ರಚಾರ ಸಮಿತಿ ಅಧ್ಯಕ್ಷೆರಾದ್ ಎಚ್. ವಸಂತ ಬರ್ನಾಡ್ ನೇಮಕ