2023

MSS ALL EXCLUSIVE – Sanjiva Shetty Silks and Readymades – new branch to be opened on March 24 th ಮಾ.24ಕ್ಕ್ ಎಂ‌.ಸಂಜೀವ ಶೆಟ್ಟಿ ಸಿಲ್ಕ್ಸ್, ರೆಡಿಮೇಡ್ಸ್ ಪೊಸ ಶಾಖೆ MSS ALL EXCLUSIVE ಓಪನ್

ಪುತ್ತೂರ್: ಸುಮಾರ್ 79 ವರ್ಷೊ ಕುಂಟುದ ಪರಂಪರೆನ್ ಮಲ್ತೊಂದು ಬತ್ತಿನ, ಮಾತ ಪೀಳಿಗೆದ ಗ್ರಾಹಕೆರೆನ ಮನಸ್ ಗೆಂದಿನ, ಮದಿಮೆ ಜವುಳಿಗ್ ಪಂದೇ ಪುದರ್ ಪಡೆಯಿನ ಎಂ.ಸಂಜೀವ ಶೆಟ್ಟಿ ಮಳಿಗೆದ ಪೊಸ ಶಾಖೆ MSS ALL EXCLUSIVE ಮಾ.24ಕ್ಕ್ ಬೊಲ್ಪುಗು ಪುತ್ತೂರ್ ದ ಮುಖ್ಯಮಾರ್ಗಡ್ ಇಪ್ಪುನ ಎಂ.ಸಂಜೀವ ಶೆಟ್ಟಿ ಪರತ್ ಜವುಳಿ ಮಳಿಗೆದ ಎದುರುಡ್ ಓಪನ್ ಆಪುಂಡು.

ಈ ಸಂಸ್ಥೆದ ತೀರ್ತ್ ಡ್ ಕಾಸ್ಮೆಟಿಕ್ಸ್, ಹ್ಯಾಂಡ್ ಬ್ಯಾಗ್, ನ್ಯೂಬಾರ್ನ್ ಡ್ರೆಸಸ್ಸ್ ಬೊಕ್ಕ ಟಾಯ್ಸ್ ಉಂಡು. ಸುರುತ ಮಳಿಗೆಡ್ ಲೇಡಿಸ್ ಎತ್ನಿಕ್ ವೇರ್, ಮೆನ್ಸ್ ಫಾರ್ಮಲ್, ಕ್ಯಾಸುವಲ್ ವೇರ್ ಉಂಡು. ರಡ್ಡನೇ ಮಳಿಗೆಡ್ ಮೆನ್ಸ್ ಎತ್ನಿಕ್ ವೇರ್, ಟ್ರಾವೆಲ್ ಬ್ಯಾಗ್ ಬೊಕ್ಕ ಗೃಹಾಲಂಕಾರಿಕಾ ಸೊತ್ತುಲು ಗ್ರಾಹಕೆರೆಗ್ ತಿಕ್ಕುಂಡು ಪಂದ್ ಸಂಸ್ಥೆದ ಪ್ರಕಟಣೆಡ್ ತೆರಿಪಾದೆರ್.

MSS ALL EXCLUSIVE – Sanjiva Shetty Silks and Readymade – new branch to be opened on March 24 th

Puttur: The well known garments shop of Puttur that has been catering to generations of people from the past 79 years M Sanjeev Shetty and Sons will be starting a new branch MSS EXCLUSIVE on March 24 th at Puttur.

It will have different segments that will cater to to the needs of public which included cosmetics, handbags, clothing,toys etc.

Ram Friends (R.) Kateel-one lakh rupees aid rendered to two tribal children for medical expenses ರಾಮ್ ಫ್ರೆಂಡ್ಸ್ (ರಿ.) ಕಟೀಲ್ ಮೊಕ್ಲೆನ ಮುತಾಲಿಕೆಡ್ 2 ಬಡಪತ್ತ್ ಕುಟುಂಬದ ಜೋಕುಲೆಗ್ 1ಲಕ್ಷ ರೂ.ಪನವುದ ಸಕಾಯ

ರಾಮ್ ಫ್ರೆಂಡ್ಸ್ (ರಿ.) ಕಟೀಲ್ ಮೊಕ್ಲೆನ ಮುತಾಲಿಕೆಡ್ 2 ಬಡಪತ್ತ್ ಕುಟುಂಬದ ಜೋಕುಲೆಗ್ 1ಲಕ್ಷ ರೂ.ಪನವುದ ಸಕಾಯ ಮಲ್ತೆರ್.

ಶ್ರೀ ಕ್ಷೇತ್ರ ಪೆರಾರದ ಜಾತ್ರೆ ಉಚ್ಚಯದ ಇಸೇಸ ದಿನತ್ತಾನಿ ಕೂಟದ ಸಮ್ಮುಖಡ್ ಆರೋಗ್ಯ ಸೇವಾ ನಿಧಿ ಅಭಿಯಾನಡ್ ಸಂಗ್ರಹ ಆಯಿನ ಕಾಸ್ ನ್ ಕ್ಷೇತ್ರದ ಆಡಳಿತ ಮಂಡಳಿ ಬೊಕ್ಕ ಕೂಟದ ಸೇವಾ ಬಂಧುಲೆನ ಮುತಾಲಿಕೆಡ್ ಕುಡ್ಲ ತಾಲೂಕ್ ದ ಕುಪ್ಪೆಪದವು ಕೈತಲ್ ದ ಕೊಳಲೂರು ಗ್ರಾಮದ ಜಯಶೀಲ ಸದಾಶಿವ ಆಚಾರ್ಯ ಮೆರೆನ 2 ವರ್ಷ 3 ತಿಂಗೊಲ್ದ ಎಲ್ಯ ಬಾಲೆ ಶಮಿತ್ ಗ್ ಪುಟ್ಟುನಗನೇ ಮಲಗಿಸರ್ಜನೆ ಮಲ್ಪುನ ಅಂಗ ಇತ್ತಿಜಿ. ಮೂತ್ರಕೋಶದ ಸಮಸ್ಯೆ ಇತ್ತಿನ ಕುಟುಂಬಗ್ 50 ಸಾರ ಕಾಸ್ ನ್ ಕೊರಿಯೆರ್. ಬೊಕ್ಕ ನೀರುಮಾರ್ಗದ ಕೆಂಪುಗುಡ್ಡೆ ನಿವಾಸಿ ವಿಶ್ವನಾಥ್ ಸುವರ್ಣ ಬೊಕ್ಕ ಗೀತಾ ಮೆರೆನ 10 ವರ್ಷೊದ ಮಗಲ್ ಕು.ಚಿಂತನ ಮೆರೆನ ಹೃದಯದ ಚಿಕಿತ್ಸೆಗ್ 50 ಸಾರನ್ ಕೊರಿಯೆರ್.

Swasthishree Charukeerthi Bhattaraka Swamiji of Sravanabelagola no more ದೇವೆರೆ ಪಾದೊ ಸೇರಿಯೆರ್ ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ

ಕುಡ್ಲ: ಶ್ರವಣಬೆಳಗೊಳ ಜೈನ ಮಠತ್ತ ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ (73) ಮಾ.23 ಗುರುವಾರ (ಇನಿ) ಬೊಲ್ಪುಗು ದೇವೆರೆ ಪಾದೊ ಸೇರಿಯೆರ್.

ಹುಷಾರ್ ಇಜ್ಜಂದೆ ಇತ್ತಿನ ಮೆರೆನ್ ಅಧಿಚುಂಚನಗಿರಿ ಆಸ್ಪತ್ರೆಗ್ ದಾಖಲ್ ಮಲ್ತ್ ದ್ ಇತ್ತೆರ್. ಆಂಡ ಚಿಕೆತ್ಸೆ ಫಲಕಾರಿ ಅವಂದೆ ತೀರ್ ಪೋಯೆರ್.

Swasthishree Charukeerthi Bhattaraka Swamiji of Sravanabelagola no more

Swasthishree Charukeerthi Bhattaraka Swamiji (73) of Sravanabelagola expired on March 23 rd morning. He was taken ill and was hospitalized were he breathed his last.

Tokur Shri Subramanya temple hall – General body meeting held ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಸಭಾಭವನಡ್ ನಡತ್ಂಡ್ ಮಹಾಸಭೆ

ಹಳೆಯಂಗಡಿ: ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಸಭಾಭವನಡ್ ಭಕ್ತೆರೆನ, ಸಂಘ ಸಂಸ್ಥೆಲೆನ, ಊರುದ ಪರವೂರುದ ಗ್ರಾಮಸ್ಥೆರೆನ ಮಹಾಸಭೆ ಮಾ.20 ಸೋಮಾರ ಬಯ್ಯಗ್ 7 ಗಂಟೆಗ್ ದೇವಲ್ಯದ ವ್ಯವಸ್ಥಾಪನ ಸಮಿತಿದ ಅಧ್ಯಕ್ಷೆರಾಯಿನ ಹರಿದಾಸ್ ಭಟ್ ಮೆರೆನ ಗುರ್ಕಾರ್ಮೆಡ್ ನಡತ್ಂಡ್.

ಹರಿದಾಸ್ ಭಟ್ ಮೇರ್ ಪಾತೆರ್ದ್, ದೇವಲ್ಯದ ಜೀರ್ಣೋದ್ಧಾರ ಕಜ್ಜೊಲು ಅವೊಂದು ಉಂಡು. ನನದ ತಿಂಗೊಲ್ ಮೇ.10 ರ್ದ್ 23 ಮುಟ್ಟ ಪುನರ್ ಪ್ರತಿಷ್ಠೆ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಬೊಕ್ಕ ನಾಗಮಂಡಲ ಉಚ್ಚಯ ನಡಪರೆ ಉಂಡು ಪಂದ್ ಪಂಡೆರ್.

ಶಿಬರೂರು ಗೋಪಾಲಕೃಷ್ಣ ತಂತ್ರಿಲು ಶ್ರೀ ಕ್ಷೇತ್ರ ತೋಕೂರು ಸುಬ್ರಹ್ಮಣ್ಯ ದೇವೆರೆಗ್ ನವೀಕೃತ ಶಿಲಾಮಯ, ದೇವಲ್ಯಡ್ ನಡಪುನ ಅಷ್ಟಬಂಧ, ಬ್ರಹ್ಮಕುಂಭಾಭಿಷೇಕದ ಮೂರ್ತ, ಬೊಕ್ಕ ಧಾರ್ಮಿಕ ಲೇಸ್ ದ ಪಟ್ಟಿನ್ ಮಹಾಸಭೆಟ್ಟ್ ತೆರಿಪಾದ್, ಆಯಿನ ಪ್ರತಿನ್ ವ್ಯವಸ್ಥಾಪನ, ಜೀರ್ಣೋದ್ಧಾರ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಅಧ್ಯಕ್ಷೆರೆಗ್ ಕೊರಿಯೆರ್. ಮೇ.12 ಕ್ಕ್ ಶ್ರೀ ಸುಬ್ರಹ್ಮಣ್ಯ ದೇವೆರೆನ ಪ್ರತಿಷ್ಠಾ ಉಚ್ಚಯ, ಮೇ.14 ಕ್ಕ್ ಶ್ರೀ ಮಹಾಗಣಪತಿ, ಶ್ರೀ ದುರ್ಗಾದೇವಿನ ಪ್ರತಿಷ್ಠಾ ಉಚ್ಚಯ ಬೊಕ್ಕ ಧ್ವಜ ಪ್ರತಿಷ್ಠೆ ನಡಪರೆ ಉಂಡು. ಮೇ. 15 ಕ್ಕ್ ಕೊಡಿ ಏರುಂಡು. ಮೇ.17 ಕ್ಕ್ ಶ್ರೀ ಗಣಪತಿ ದೇವೆರೆಗ್, ಶ್ರೀ ದುರ್ಗಾದೇವಿಗ್ ಬ್ರಹ್ಮಕಲಶಾಭಿಷೇಕ, ಮೇ.21 ಕ್ಕ್ ಶ್ರೀ ಸುಬ್ರಹ್ಮಣ್ಯ ದೇವೆರೆಗ್ ಬ್ರಹ್ಮ ಕುಂಭಾಭಿಷೇಕ, ಮೇ.22 ಕ್ಕ್ ಜಲಕದ ಬಲಿ, ದೈವೊದ ಭೇಟಿ, ಕೊಡಿ ಜವೆರೆ ಉಂಡು. ರಾತ್ರೆ 11 ಗಂಟೆಗ್ ಕಾಂತೇರಿ ಧೂಮಾವತಿ ದೈವೊದ ನೇಮ, ಮೇ.23 ಕ್ಕ್ ನಾಗಮಂಡಲ ಉಚ್ಚಯ ನಡಪರೆ ಉಂಡು ಪಂದ್ ಪಂಡೆರ್.

ಅವೆರ್ದ್ ಬೊಕ್ಕ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಧರ್ಮದರ್ಶಿಲು ಹರಿಕೃಷ್ಣ ಪುನರೂರು, ಬ್ರಹ್ಮಕಲಶ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಸಂತೋಷ್ ಕುಮಾರ್ ಹೆಗ್ಡೆ ಕಿನ್ನಿಗೋಳಿ, ಜಿಲ್ಲಾ ಧಾರ್ಮಿಕ ಪರಿಷತ್ ಸದಸ್ಯೆರ್ ಕೆ. ಭುವನಾಭಿರಾಮ ಉಡುಪ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಪ್ರಧಾನ ಸಂಚಾಲಕೆರ್ ಡಾ. ಸೋಂದಾ ಭಾಸ್ಕರ್ ಭಟ್ ಪಾತೆರಿಯೆರ್.

ಈ ಪೊರ್ತುಡು ಪ್ರಧಾನ ಅರ್ಚಕೆರ್ ಮಧುಸೂದನ್ ಆಚಾರ್, ಲೋಕಯ್ಯ ಸಾಲ್ಯಾನ್, ವಿಜಯಕುಮಾರ್ ರೈ, ಪುರುಷೋತ್ತಮ ಕೋಟ್ಯಾನ್, ಧನಂಜಯ ಶೆಟ್ಟಿಗಾರ್, ವ್ಯವಸ್ಥಾಪನ ಸಮಿತಿದ ಸದಸ್ಯೆರ್, ಜೀರ್ಣೋದ್ಧಾರ ಸಮಿತಿದ ಸದಸ್ಯೆರ್, ಬ್ರಹ್ಮಕಲಶ ಉಚ್ಚಯ ಸಮಿತಿದ ಸದಸ್ಯೆರ್, ಸಂಘ ಸಂಸ್ಥೆಲೆನ ಅಧ್ಯಕ್ಷೆರ್, ಪದಾಧಿಕಾರಿಲು, ಸದಸ್ಯೆರ್, ಗ್ರಾಮಸ್ಥೆರ್, ಊರುದ ಪರವೂರುದ ಭಕ್ತೆರ್ ಬೊಕ್ಕ ದೇವಲ್ಯದ ಸಿಬ್ಬಂದಿ ವರ್ಗ ಇತ್ತೆರ್.

Tokur Shri Subramanya temple hall – General body meeting held

Haleangadi : A general body meeting was held at the temple hall which included devotees, related organizations , members of the public under the auspices Haridas Bhat president of the temple managing committee.

Speaking on the occasion he said about the works completed and arrangements made for the upcoming Brahmakalashotsava planned for the month of May.

Members of the managing committee of the temple were also present.

March 25th -31st : Majalumaru Shri Umamaheshwara temple -Asthabanda Brahmakalasha and Annual Jatra festival ಮಾ.25-31: ಮಜಲುಮಾರು ಶ್ರೀ ಉಮಾಮಹೇಶ್ವರ ದೇವಲ್ಯಡ್ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ, ವರ್ಷಾಧಿದ ಜಾತ್ರೆ

ಪುತ್ತೂರ್: ನರಿಮೊಗರು ಗ್ರಾಮದ ಮುಕ್ವೆದ ಮಜಲುಮಾರು ಶ್ರೀ ಉಮಾಮಹೇಶ್ವರ ದೇವಲ್ಯಡ್ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ, ಪುಷ್ಪರಥ ಸಮರ್ಪಣೆ ಬೊಕ್ಕ ವರ್ಷಾಧಿದ ಜಾತ್ರೆ ಮಾ.25-31 ಮುಟ್ಟ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಉಮಾಮಹೇಶ್ವರ ಸೇವಾ ಟ್ರಸ್ಟ್ (ರಿ.)ದ ಅಧ್ಯಕ್ಷೆರ್ ಲಕ್ಷ್ಮೀಶ ತಂತ್ರಿ ಉಪ್ಪಳ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಜಯರಾಮ ಕೆದಿಲಾಯ ಶಿಬರ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

March 24th- April 1 st: Shri Veerabadhraswami Mahamayee temple – Punar pratiste Brahmakalasha abisheka and annual Jatra celebration ಮಾ.24-ಎ.1: ಪಣಂಬೂರು ಶ್ರೀ ವೀರಭದ್ರ ಸ್ವಾಮಿ ಮಹಮ್ಮಾಯಿ ದೇವಲ್ಯಡ್ ಪುನರ್ ಪ್ರತಿಷ್ಠಾ ಬ್ರಹ್ಮಕಲಶ ಅಭಿಷೇಕ ಉಚ್ಚಯ, ವಾರ್ಷಿಕ ಜಾತ್ರೆ

ಬಂಟ್ವಾಳ: ಶ್ರೀ ಕ್ಷೇತ್ರ ಸಂಗಬೆಟ್ಟು ಪಣಂಬೂರು ಶ್ರೀ ವೀರಭದ್ರ ಸ್ವಾಮಿ ಮಹಮ್ಮಾಯಿ ದೇವಲ್ಯಡ್ ಪೊಸತಾದ್ ನಿರ್ಮಾಣ ಆಯಿನ ಶಿಲಾಮಯ ಗರ್ಭಗುಡಿಟ್ಟ್ ಮಹಾಗಣಪತಿ, ಶ್ರೀ ದುರ್ಗಾಪರಮೇಶ್ವರಿ, ಶ್ರೀ ವೀರಭದ್ರ ಸ್ವಾಮಿ ದೇವೆರೆನ ಬೊಕ್ಕ ಶ್ರೀ ಧೂಮಾವತಿ ಸಪರಿವಾರ ದೈವೊಲೆನ ಪುನರ್ ಪ್ರತಿಷ್ಠಾ ಬ್ರಹ್ಮಕಲಶ ಅಭಿಷೇಕ ಉಚ್ಚಯ ಬೊಕ್ಕ ವಾರ್ಷಿಕ ಜಾತ್ರೆ ಉಚ್ಚಯ ಮಾ.24 ರ್ದ್ ಎ.1 ಮುಟ್ಟ ನಡಪರೆ ಉಂಡು.

ಕುಡುಪು ನರಸಿಂಹ ತಂತ್ರಿಲೆನ ಮುತಾಲಿಕೆಡ್ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು.

ಮಾ.24 ಸುಕ್ರಾರ ಬೊಲ್ಪುಗು ಶ್ರೀ ವೀರಭದ್ರ ಅಕ್ಷಯ ಭವನದ ಉದಿಪನ ಆವರೆ ಉಂಡು. ಮಾ.25 ಸನಿಯಾರ ಉಗ್ರಾಣ ಮೂರ್ತ ನಡಪರೆ ಉಂಡು. ಮಾ.26 ಐತಾರ ಬೊಲ್ಪುಗು ಭಜನೆ, ಪುದೆಕಾಣಿಕೆ ಸಮರ್ಪಣೆ ಆವರೆ ಉಂಡು. ಮಾ.27 ಸೋಮಾರ ಬೊಲ್ಪುಗು ಶ್ರೀ ಧೂಮಾವತಿ ಸಪರಿವಾರ ದೈವೊಲೆನ ಪ್ರತಿಷ್ಠೆ ಕಲಶಾಭಿಷೇಕ ನಡಪರೆ ಉಂಡು. ಮಾ.28 ಅಂಗಾರೆ ಭಜನೆ, ಮಧ್ಯಾಹ್ನ ಸಂಗೀತ ರಸಮಂಜರಿ, ಭರತನಾಟ್ಯ, ನೃತ್ಯ ವೈಭವ ಬೊಕ್ಕ ರಾತ್ರೆ ತುಳು ನಾಟಕ ಗರುಡ ಪಂಚೆಮಿ ನಡಪರೆ ಉಂಡು. ‌ಮಾ.29 ಬುಧಾರ ಬೊಲ್ಪುಗು ಭಜನೆ, ಮಧ್ಯಾಹ್ನ ಕರ್ಣಪರ್ವ ಯಕ್ಷಗಾನ ತಾಳಮದ್ದಳೆ, ಬಯ್ಯಗ್ ಶ್ರೀಕೃಷ್ಣಾಮೃತ ನೃತ್ಯರೂಪಕ, ರಾತ್ರೆ ಅಮ್ಮ ನಾಟ್ಯಾಲಯ ಗಾಡಿಪಲ್ಕೆ ಮೊಕ್ಲೆರ್ದ್ ವೈವಿಧ್ಯಮಯ ನೃತ್ಯ ನಡಪರೆ ಉಂಡು. ಮಾ.30 ಗುರುವಾರ ಶ್ರೀ ಮಹಾಗಣಪತಿ, ಶ್ರೀ ದುರ್ಗಾಪರಮೇಶ್ವರಿ, ಶ್ರೀ ವೀರಭದ್ರ ಸ್ವಾಮಿ ದೇವೆರೆನ ಪುನರ್ ಪ್ರತಿಷ್ಠೆ, ಭಜನೆ, ಬ್ರಹ್ಮಕಲಶಾಭಿಷೇಕ, ಶ್ರೀರಾಮದರ್ಶನಂ ನೃತ್ಯ ರೂಪಕ, ಮಧ್ಯಾಹ್ನ ಮಹಾ ಅನ್ನಸಂತರ್ಪಣೆ, ಯಕ್ಷಗಾನ ಹಾಸ್ಯ ವೈಭವ, ಧಾರ್ಮಿಕ ಸಭಾ ಲೇಸ್, ರಾತ್ರೆ ಶ್ರೀ ಕೋದಂಡರಾಮ ಮೇಳದಕ್ಲೆರ್ದ್ ಆಟ ಭಾರತ ಜನನಿ ನಡಪರೆ ಉಂಡು. ಮಾ.31 ಸುಕ್ರಾರ ಬೊಲ್ಪುಗು ಶ್ರೀ ದೇವೆರೆನ ಸನ್ನಿಧಿಡ್ ಗಣಹೋಮ, ಆಶ್ಲೇಷಬಲಿ ಪೂಜೆ, ತುಲಾಭಾರ ಸೇವೆ, ದೈವೊಲೆನ ಭಂಡಾರ ಬರಿಯೆರೆ ಉಂಡು. ಬಯ್ಯಗ್ ಶ್ರೀ ಮಹಿಷಂದಾಯ ದೈವೊದ ನೇಮ, ರಾತ್ರೆ ರಂಗಪೂಜೆ, ಶ್ರೀ ಧೂಮಾವತಿ ಬಂಟ ದೈವೊಲೆನ ನೇಮ, ದೇವೆರೆನ ಬಲಿ ಉಚ್ಚಯ, ದೈವ ದೇವೆರೆನ ಭೇಟಿ, ಶ್ರೀ ಧೂಮಾವತಿ ಬಂಟ ದೈವೊಲೆನ ಮೊಗ ಏರಿ ನೇಮ ನಡಪರೆ ಉಂಡು. ಎ.1 ಸನಿಯಾರ ಬೊಲ್ಪುಗು ಸಿದ್ದಕಟ್ಟೆ ಶ್ರೀ ಮಹಮ್ಮಾಯಿ ಕಟ್ಟೆಡ್ ಶ್ರೀ ಮಹಮ್ಮಾಯಿ ಅಮ್ಮನ ಬಿಂಬ ಪ್ರತಿಷ್ಠೆ, ಶ್ರೀ ದೇವೆರೆನ ಸನ್ನಿಧಿಡ್ ಚಂಡಿಕಾಯಾಗ, ತುಲಾಭಾರ ಸೇವೆ, ರಾತ್ರೆ ಶ್ರೀ ದುರ್ಗಾಪರಮೇಶ್ವರೀ ಬೊಕ್ಕ ವೀರಭದ್ರ ಸ್ವಾಮಿ ಸನ್ನಿಧಿಡ್ ರಂಗಪೂಜೆ, ಸಿದ್ದಕಟ್ಟೆರ್ದ್ ಶ್ರೀ ಕ್ಷೇತ್ರ ಸಂಗಬೆಟ್ಟುಗ್ ಶ್ರೀ ಮಹಮ್ಮಾಯಿ ಅಮ್ಮನ ಬಿಂಬದ ಶೋಭಾಯಾತ್ರೆ, ಶ್ರೀ ವಾರಾಹಿ ದೈವೊದ ನೇಮ, ಶ್ರೀ ಮಹಮ್ಮಾಯಿ ದರ್ಶನ, ರಾಶಿಪೂಜೆ, ಶ್ರೀ ವಾರಾಹಿ ದೈವೊದ ಮೊಗ ಏರಿ ನೇಮ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ಬ್ರಹ್ಮಕಲಶ ಅಭಿಷೇಕ ಉಚ್ಚಯ ಸಮಿತಿದ ಅಧ್ಯಕ್ಷೆರ್, ಕಾರ್ಯಾಧ್ಯಕ್ಷೆರ್, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್, ಕಾರ್ಯಾಧ್ಯಕ್ಷೆರ್, ಆಡಳಿತ ಮಂಡಳಿ, ಪ್ರಗತಿ ಸಮಿತಿ, ಶ್ರೀ ಕ್ಷೇತ್ರ ಭಜನಾ ಮಂಡಳಿ, ಪದ್ಮಶಾಲಿ ಮಹಿಳಾ ವೇದಿಕೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.