ಕಾಸ್ರೋಡು: ಅಮ್ಮೇರಿದ ಚಿಪ್ಪಾರ್ ಶ್ರೀ ವಿಷ್ಣುಮೂರ್ತಿ ದೇವಲ್ಯಡ್ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಬೊಕ್ಕ ವರ್ಷಾಧಿದ ಉಚ್ಚಯ ಮಾ.25-30 ಮುಟ್ಟ ನಡಪರೆ ಉಂಡು.
ಉಳಿಯತ್ತಾಯ ವಿಷ್ಣು ಆಸ್ರ ಮೆರೆನ ಮುತಾಲಿಕೆಡ್ ಬೇತೆ ಬೇತೆ ವೈದಿಕ, ಧಾರ್ಮಿಕ ಲೇಸ್ ನಡಪರೆ ಉಂಡು. ಮಾ.25 ಸನಿಯಾರ ಬೊಲ್ಪುಗು ಗಣಪತಿ ಹವನ, ಉಗ್ರಾಣ ಮೂರ್ತ, ಮಧ್ಯಾಹ್ನ ಪುದೆಕಾಣಿಕೆ ಸಮರ್ಪಣೆ, ಬಯ್ಯಗ್ ಧಾರ್ಮಿಕ ಸಭೆ, ಬೊಕ್ಕ ರಾತ್ರೆ ಪುಗರ್ತೆದ ಗಾಯಕೆರ್ ಡಾ.ಕಿರಣ್ ಕುಮಾರ್ ಗಾನಸಿರಿ ಸಾರಥ್ಯಡ್ ಪುತ್ತೂರ್ ಗಾನಸಿರಿ ಕಲಾ ಕೇಂದ್ರ ಕೂಟದಕ್ಲೆರ್ದ್ ಸುಮಧುರ ಗೀತಾಂಜಲಿ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಮಾ.26 ಐತಾರ ಬೊಲ್ಪುಗು ಗಣಪತಿ ಹವನ, ಅಂಕುರ ಪೂಜೆ, ಭಜನೆ, ಬೊಕ್ಕ ಯಕ್ಷಗುರು ರಾಘವ ಬಲ್ಲಾಳ್ ಕಾರಡ್ಕ ಮೆರೆನ ಶಿಷ್ಯೆರೆರ್ದ್ ಗಾನ ವೈಭವ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಮಧ್ಯಾಹ್ನ ಮಹಾಪೂಜೆ, ಪಲ್ಲಪೂಜೆ, ಬೊಕ್ಕ ಶ್ರೀ ವಿಷ್ಣು ಯಕ್ಷಬಳಗ ಮಣಿಬೈಲ್ ಮಂಜೇಶ್ವರ ಯಕ್ಷಗಾನ ತಾಳಮದ್ದಳೆ ಪ್ರಸಂಗ ಕರ್ಣಾರ್ಜುನ ಸಾಂಸ್ಕೃತಿಕ ಲೇಸ್, ಬಯ್ಯಗ್ ಅಂಕುರಪೂಜೆ, ಬೊಕ್ಕ ಕೈತಲ್ ದಕ್ಲೆರ್ದ್ ನೃತ್ಯ ವೈಭವ ಲೇಸ್ ರಾತ್ರೆ ನಾಟ್ಯರಂಗ ಪುತ್ತೂರ್ ಮೊಕ್ಲೆರ್ದ್ ನೃತ್ಯಾರ್ಪಣಂ ಭರತನಾಟ್ಯ ಲೇಸ್ ನಡಪರೆ ಉಂಡು.
ಮಾ.27 ಸೋಮಾರ ಬೊಲ್ಪುಗು ಗಣಪತಿ ಹವನ, ಭಜನೆ, ಯುವ ಕಲಾವಿದೆರೆರ್ದ್ ಯಕ್ಷಗಾನಾರ್ಚನೆ ಮಧ್ಯಾಹ್ನ ಮಹಾಪೂಜೆ, ಪಲ್ಲಪೂಜೆ, ಬಾಯಾರ್ ಶ್ರೀ ಮಹಮ್ಮಾಯಿ ಯಕ್ಷಕಲಾ ಸಂಘ ಮೊಕ್ಲೆರ್ದ್ ಬೀಷ್ಮ ವಿಜಯ, ಬಯ್ಯಗ್ ಭಗವದ್ಗೀತಾ ಪಾರಾಯಣ, ಧಾರ್ಮಿಕ ಸಭೆ, ರಾತ್ರೆ ಹನುಮಗಿರಿ ಮೇಳದಕ್ಲೆರ್ದ್ ಯಕ್ಷಗಾನ ನಡಪರೆ ಉಂಡು.
ಮಾ.28 ಅಂಗಾರೆ ಗಣಪತಿ ಹವನ, ಕಯ್ಯಾರ್, ಪೊನ್ನೆತ್ತೋಡು ಮಹಿಳಾ ಯಕ್ಷಕೂಟದಕ್ಲೆರ್ದ್ ಯಕ್ಷಗಾನ ತಾಳಮದ್ದಳೆ ತುಳುನಾಡ ಬಲಿಯೇಂದ್ರ ನಡಪರೆ ಉಂಡು. ಮಧ್ಯಾಹ್ನ ಮಹಾಪೂಜೆ, ಬೊಕ್ಕ ಶ್ರೀ ಸುಬ್ರಾಯ ಭಟ್ ಪ್ರತಿಷ್ಠಾನ ತಾಳ್ತಜೆ ಮೊಕ್ಲೆರ್ದ್ ಯಕ್ಷಗಾನ ತಾಳಮದ್ದಳೆ, ಧಾರ್ಮಿಕ ಸಭೆ, ರಾತ್ರೆ ಒಡಿಪು ಅಭಿನಯ ಕಲಾವಿದೆರೆರ್ದ್ ಶಾಂಭವಿ ನಾಟಕ ನಡಪರೆ ಉಂಡು.
ಮಾ.29 ಬುಧಾರ ಬೊಲ್ಪುಗು ಗಣಪತಿ ಹವನ, ಭಜನೆ, ದಯಾನಂದ ಅಮೀನ್ ಬಾಯಾರ್ ಕೂಟದಕ್ಲೆರ್ದ್ ಗಾನ ಲಹರಿ ಭಕ್ತಿ ರಸಮಂಜರಿ, ಮಧ್ಯಾಹ್ನ ಶಿವ ಪ್ರಸಾದ್ ಬಲ್ಲಾಳ್ ಬೊಕ್ಕ ಕೂಟದಕ್ಲೆರ್ದ್ ತಾಳಮದ್ದಳೆ, ಬಯ್ಯಗ್ ಹರಿಕಥಾ ಸತ್ಸಂಗ, ಶ್ರೀ ಕೃಷ್ಣ ತುಲಾಭಾರ, ರಾತ್ರೆ ಸಂಗೀತ ಸ್ವರ ಮಾಂತ್ರಿಕೆ ಪ್ರಕಾಶ್ ಮಹಾದೇವನ್ ಬೊಕ್ಕ ಕೂಟ ಕುಡ್ಲ ಮೊಕ್ಲೆರ್ದ್ ಸಂಗೀತ ರಸಸಂಜೆ ನಡಪರೆ ಉಂಡು.
ಮಾ.30 ಗುರುವಾರ ಬೊಲ್ಪುಗು ಶ್ರೀ ವಿಷ್ಣುಮೂರ್ತಿ, ಸಹಪರಿವಾರ ದೇವೆರೆನ ಅಷ್ಟಬಂಧ ಲೇಪನ ಬೊಕ್ಕ ಬ್ರಹ್ಮಕಲಶಾಭಿಷೇಕ ನಡಪರೆ ಉಂಡು. ಮಧ್ಯಾಹ್ನ ಧಾರ್ಮಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ವಿಷ್ಣುಮೂರ್ತಿ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಚಿಪ್ಪಾರ್ ಶ್ರೀ ವಿಷ್ಣುಮೂರ್ತಿ ಕ್ಷೇತ್ರಾಡಳಿತ ಸೇವಾ ಸಮಿತಿ ಬೊಕ್ಕ ಬ್ರಹ್ಮಕಲಶ ಉಚ್ಚಯ ಸಮಿತಿ ಲೆಪ್ಪೋಲೆಡ್ ತೆರಿಪಾದೆರ್.
