2023

April 5 th – 7 th : Paladka Kodamanitaya, Kukkinantaya Daiva-annual Nema rituals ಎ.5-7: ಪಾಲಡ್ಕ ಕೊಡಮಣಿತ್ತಾಯ, ಕುಕ್ಕಿನಂತಾಯ ದೈವೊಲ್ಯಡ್ ವರ್ಷಾಧಿದ ನೇಮ

ಬೆದ್ರ: ಪಾಲಡ್ಕ ಕೊಡಮಣಿತ್ತಾಯ ಕುಕ್ಕಿನಂತಾಯ ದೈವೊಲ್ಯಡ್ ವರ್ಷಾಧಿದ ನೇಮ ಎ.5-7 ಮುಟ್ಟ ನಡಪರೆ ಉಂಡು.

ಎ.5 ಬುಧಾರ ರಾತ್ರೆ ಕೊಟ್ರೆಹಿತ್ಲು ಸಾಣರ್ದ್ ಭಂಡಾರ ಪಿದಡ್ ದ್ ಪಾಲಡ್ಕ ಕುಕ್ಕುದ ಕಟ್ಟೆ ದೊಂಪದ ಬಲಿ ಉಚ್ಚಯ ನಡಪರೆ ಉಂಡು. ಎ.6 ಗುರುವಾರ ಬಯ್ಯಗ್ ನವಕ ಕಲಶಾಭಿಷೇಕ, ರಾತ್ರೆ ಅಂಗಣ ನೇಮ, ಪರಕೆ ತುಡರ್ ಬಲಿ ಸೇವೆ ನಡಪರೆ ಉಂಡು. ಎ.7 ಸುಕ್ರಾರ ಬೊಲ್ಪುಗು ಶ್ರೀ ಸತ್ಯನಾರಾಯಣ ಪೂಜೆ, ಮಧ್ಯಾಹ್ನ ಅನ್ನಸಂತರ್ಪಣೆ, ಬಯ್ಯಗ್ ಪಂಚಕಚ್ಚಾಯ ಸೇವೆ, ರಾತ್ರೆ ಮೂರ್ತಿ ಬಲಿ, ಕೊಡಮಣಿತ್ತಾಯ ಕುಕ್ಕಿನಂತಾಯ ಬಂಡಿ ಉಚ್ಚಯ, ಹೊರ ಸವಾರಿ ನೇಮ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಆಡಳಿತ ಮಂಡಳಿದ ಅಧ್ಯಕ್ಷೆರ್ ಹರಿಪ್ರಸಾದ್ ಶೆಟ್ಟಿ ಪಾಲಡ್ಕ, ಗೌರವಾಧ್ಯಕ್ಷೆರ್ ಕುಂಗೂರು ಶಿವಪ್ರಸಾದ್ ಆಚಾರ್ಯ, ಲಕ್ಷ್ಮೀನಾರಾಯಣ ಭಟ್ ಕೊಪ್ಪಂದಡ್ಕ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

March 25 th: 12 th Annual celebration of Tulu Sangha Borivali ಮಾ.25: ಬೊರಿವಿಲಿ ತುಳು ಸಂಘದ 12 ನೇ ವಾರ್ಷಿಕ ಉಚ್ಚಯ

ಬೊಂಬೈ: ಬೊರಿವಿಲಿ ತುಳು ಸಂಘದ 12 ನೇ ವಾರ್ಷಿಕ ಉಚ್ಚಯ ಮಾ.25 ಸನಿಯಾರ ಬಯ್ಯಗ್ 4.30 ಕ್ಕ್ ಜ್ಞಾನಸಾಗರ್ ಅಂಫಿ ಥಿಯೇಟರ್ ದ ಬೊರಿವಲಿ ಸಂಸ್ಕೃತಿ ಕೇಂದ್ರಡ್ ನಡಪರೆ ಉಂಡು.

ವೈವಿಧ್ಯಮಯ ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ಕರುಣಾಕರ ಕಾಪು ನಿರ್ದೇಶನದ ಭರತ್ ಎಸ್ ಕರ್ಕೇರ ಕುಡ್ಲ ಕಥೆ ಸಂಭಾಷಣೆದ, “ಪಂಜುರ್ಲಿ” ತುಳು ನಾಟಕ ಬೊಂಬೈ ಅಭಿನಯ ಮಂಟಪ ಕಲಾವಿದೆರೆರ್ದ್ ನಡಪರೆ ಉಂಡು.

March 25 th: 12 th Annual celebration of Tulu Sangha Borivali

Mumbai: The 12 th annual program of Tulu Sangha, Borivali will be held on the 25 th of March at Gyansagaar Amphitheater at Borivali Samskritika Kendra at 4.30 p.m.

Along with a variety of cultural programmes, a Tulu drama ” Panjurli” will be enacted by Tulu drama Mumbai Abinaya Mantapa artists. The play is directed by Karunakar Kaup .

Tulu Bhavana development works inaugral program today under the auspices of Karnataka Tulu Sahitya Akademi ಇನಿ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಮುತಾಲಿಕೆಡ್ ತುಳುಭವನಡ್ ಉದಿಪನದ ಲೇಸ್

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಂಚೆನೆ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಮುತಾಲಿಕೆಡ್ ಕರ್ನಾಟಕದ ಗಡಿ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರದ 360 ಲಕ್ಷ ರೂ. ಅನುದಾನಡ್ ನಿರ್ಮಾಣ ಆಯಿನ ತುಳುಭವನದ ಹೆಚ್ಚುವರಿ ಕಾಮಗಾರಿಲೆನ ಉದಿಪನ ಲೇಸ್ ಮಾ.24 ಸುಕ್ರಾರ ಬೊಲ್ಪುಗು 10.30 ಕ್ಕ್ ಕುಡ್ಲದ ಉರ್ವಸ್ಟೋರ್ ತುಳುಭವನಡ್ ನಡಪರೆ ಉಂಡು.

ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರ್ ವಿ. ಸುನಿಲ್ ಕುಮಾರ್ ಉದಿಪನ ಮಲ್ಪರೆ ಉಲ್ಲೆರ್. ಗುರ್ಕಾರ್ಮೆನ್ ಕುಡ್ಲ ಶಾಸಕೆರ್ ಡಿ. ವೇದವ್ಯಾಸ ಕಾಮತ್ ಒಯಿಸೊನ್ವೆರ್. ಮೀನುಗಾರಿಕೆ ಸಚಿವೆರ್ ಎಸ್ ಅಂಗಾರ ಬೊಕ್ಕ ಹಿಂದುಳಿದ ವರ್ಗ ಕಲ್ಯಾಣ ಇಲಾಖೆದ ಸಚಿವೆರ್ ಕೋಟ ಶ್ರೀನಿವಾಸ ಪೂಜಾರಿ ಗೌರವ ಉಪಸ್ಥಿತಿಡ್ ಉಲ್ಲೆರ್. ಮಲ್ಲ ಬಿನ್ನೆರಾದ್ ಲೋಕಸಭೆ ಸದಸ್ಯೆರ್ ನಳಿನ್ ಕುಮಾರ್ ಕಟೀಲ್, ರಾಜ್ಯಸಭೆ ಸಂಸದೆರ್ ಡಿ. ವೀರೇಂದ್ರ ಹೆಗ್ಗಡೆ, ಬೆಂಗ್ಲೂರ್ ಕರ್ನಾಟಕ ಗಡಿ ಪ್ರದೇಶ ಅಭಿವೃದ್ಧಿದ ಅಧ್ಯಕ್ಷೆರ್ ಡಾ.ಸಿ ಸೋಮಶೇಖರ, ಕುಡ್ಲ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ತಿಮ್ಮಪ್ಪ ಶೆಟ್ಟಿ, ಕುಡ್ಲ‌ ವಿಧಾನಸಭೆ ಶಾಸಕೆರ್ ಯು.ಟಿ. ಖಾದರ್, ಕುಡ್ಲ ಉತ್ತರ ವಿಧಾನಸಭೆ ಶಾಸಕೆರ್ ಡಾ. ಭರತ್ ಶೆಟ್ಟಿ ವೈ, ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜ, ಬಂಟ್ವಾಳ ಶಾಸಕೆರ್ ರಾಜೇಶ್ ನಾಯ್ಕ್ ಯು, ಪುತ್ತೂರ್ ಶಾಸಕೆರ್ ಸಂಜೀವ ಮಠಂದೂರು, ಬೆದ್ರ ಶಾಸಕೆರ್ ಉಮಾನಾಥ ಎ. ಕೋಟ್ಯಾನ್, ಕರ್ನಾಟಕ ವಿಧಾನ ಪರಿಷತ್ ಶಾಸಕೆರ್ ಬಿ.ಎಂ. ಫಾರೂಕ್, ಕೆ. ಹರೀಶ್ ಕುಮಾರ್, ಆಯನೂರು ಮಂಜುನಾಥ, ಎಸ್ ಎಲ್ ಭೋಜೇಗೌಡ, ಕೆ‌. ಪ್ರತಾಪ್ ಸಿಂಹ ನಾಯಕ್, ಮಂಜುನಾಥ ಭಂಡಾರಿ, ಕುಡ್ಲ ಮೇಯರ್ ಜಯಾನಂದ ಅಂಚನ್, ಕರ್ನಾಟಕ ರಾಜ್ಯ ವಿದ್ಯುನ್ಮಾನ ಅಭಿವೃದ್ಧಿ ನಿಗಮದ ಅಧ್ಯಕ್ಷೆರ್ ಹರಿಕೃಷ್ಣ ಬಂಟ್ವಾಳ , ಮೀನುಗಾರಿಕೆ ನಿಗಮದ ಅಧ್ಯಕ್ಷೆರ್ ಎ.ವಿ ತೀರ್ಥರಾಮ, ಕುಡ್ಲ ನಗರಾಭಿವೃದ್ಧಿ ಅಧ್ಯಕ್ಷೆರ್ ರವಿಶಂಕರ್ ಮಿಜಾರ್ ಬರಿಯೆರೆ ಉಲ್ಲೆರ್. ಬೊಕ್ಕ ಕುಡ್ಲ ಪೇಂಟೆದ ಪೊಲೀಸ್ ಆಯುಕ್ತೆರ್ ಕುಲದೀಪ್ ಕುಮಾರ್, ಜಿಲ್ಲಾಧಿಕಾರಿ ರವಿಕುಮಾರ್ ಎಂ. ಆರ್, ಮುಖ್ಯ ಕಾರ್ಯನಿರ್ವಾಹಣಾಧಿಕಾರಿ ಡಾ. ಕುಮಾರ, ಜಿಲ್ಲಾ ಪೊಲೀಸ್ ಆಧೀಕ್ಷಕೆರ್ ಡಾ. ವಿಕ್ರಂ ಅಮಟೆ, ಕುಡ್ಲ ಮಹಾನಗರ ಪಾಲಿಕೆದ ಆಯುಕ್ತೆರ್ ಚೆನ್ನಬಸಪ್ಪ ಕೆ, ಬೆಂಗ್ಲೂರ್ ಕರ್ನಾಟಕ ಗಡಿ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರದ ಕಾರ್ಯದರ್ಶಿ ಪ್ರಕಾಶ್ ಮತ್ತೀಹಳ್ಳಿ ಘನ ಉಪಸ್ಥಿತಿಡ್ ಉಲ್ಲೆರ್ ಪಂದ್ ಮೈಸೂರ್ ದ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಆಡಳಿತಾಧಿಕಾರಿ, ಜಂಟಿ ನಿರ್ದೇಶಕೆರ್ ವಿ.ಎನ್ ಮಲ್ಲಿಕಾರ್ಜುನ ಸ್ವಾಮಿ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕೆರ್ ರಾಜೇಶ್ ಜಿ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ರಿಜಿಸ್ಟ್ರಾರ್ ಆರ್ ಮನೋಹರ್ ಕಾಮತ್ ಲೆಪ್ಪೋಲೆಡ್ ತೆರಿಪಾದೆರ್.

Tulu Bavana development works inaugral program today under the auspices of Karnataka Tulu Sahitya Akademi

Karnataka Tulu Sahitya Akademi and Kannada and cultural department have taken lead to begin work for the development works of Tulu Bavana with 360 lakh rupees fund aid from Gadi pradesha Abivruddi Pradikara.
The program will be held on Friday the 24 th at Urva stores Tulu Bavana at 10.30 a.m.

The inauguration program will be by Sunil Kumar minister for Kannada and culture and the program will be presided by MLA Vedavyas Kamath.Many other dignitaries are expected to be a part of the program.

ಮಾ.24-31: ಅತ್ತೂರು ಶ್ರೀ ಅರಸು ಕುಂಜಿರಾಯ ಸಾನೊಡು ಕಲಶಾಭಿಷೇಕ, ಬ್ರಹ್ಮಕಲಶ, ಜಾತ್ರೆ ಉಚ್ಚಯ

ಕಿನ್ನಿಗೋಳಿ: ಅತ್ತೂರು ಶ್ರೀ ಅರಸು ಕುಂಜಿರಾಯ ದೈವೊಲ್ಯಡ್ ಶ್ರೀ ಅರಸು ಕುಂಜಿರಾಯೆರೆಗ್ ಕಲಶಾಭಿಷೇಕ, ಶ್ರೀ ಅಖಿಲಾಂಡೇಶ್ವರೀ ದೇವಿಗ್ ಬ್ರಹ್ಮಕಲಶ ಬೊಕ್ಕ ಜಾತ್ರೆ ಉಚ್ಚಯ ಮಾ.24-31 ಮುಟ್ಟ ನಡಪರೆ ಉಂಡು.

ಮಾ.24 ಸುಕ್ರಾರ ಬಯ್ಯಗ್ ಆಲಯ ಪರಿಗ್ರಹ, ಪಂಚಗವ್ಯ ಇತ್ಯಾದಿ ಧಾರ್ಮಿಕ ಲೇಸ್ ವಿಧಿಕುಲು ನಡಪರೆ ಉಂಡು.

ಮಾ.25 ಬೊಲ್ಪುಗು ಗಣಪತಿ ಹೋಮ, ತೋರಣ ಮೂರ್ತ, ಉಗ್ರಾಣ ಮೂರ್ತ, ಪಾಳೆ ಮೂರ್ತ ಬೊಕ್ಕ ಬೇತೆ ಧಾರ್ಮಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಡ್ ಕಟೀಲ್ ದೇವಲ್ಯದ ಮೊಕ್ತೇಸರೆರ್ ವಾಸುದೇವ ಆಸ್ರಣ್ಣ, ಸುರಗಿರಿ ದೇವಲ್ಯದ ಅರ್ಚಕೆರ್ ವಿಶ್ವೇಶ ಭಟ್ ಪಾಲ್ ಪಡೆಯೆರೆ ಉಲ್ಲೆರ್. ಬಯ್ಯಗ್ ಸುದರ್ಶನ ಹೋಮ, ಭೂವರಾಹ ಹೋಮ, ಬೊಕ್ಕ ಧರ್ಮ ಸಭೆ ನಡಪರೆ ಉಂಡು. ಈ ಸಭೆಟ್ಟ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ವೀರೇಂದ್ರ ಹೆಗ್ಗಡೆ, ಪೇಜಾವರ ಅಧೋಕ್ಷಜ ಮಠತ್ತ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ, ಕಟೀಲ್ ದೇವಲ್ಯದ ಅನುವಂಶಿಕ ಅರ್ಚಕೆರ್ ಲಕ್ಷ್ಮೀನಾರಾಯಣ ಆಸ್ರಣ್ಣ, ಜಾಗತಿಕ ಬಂಟರ ಸಂಘ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಪಾಲ್ ಪಡೆಯೆರೆ ಉಲ್ಲೆರ್. ಪಂಜ ಭಾಸ್ಕರ ಭಟ್ ಧಾರ್ಮಿಕ ಭಾಷಣ ಮಲ್ಪೆರೆ ಉಲ್ಲೆರ್. ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಸಚಿವೆರ್ ಕೋಟ ಶ್ರೀನಿವಾಸ ಪೂಜಾರಿ, ಸುನೀಲ್ ಕುಮಾರ್, ಎಂ.ಆರ್.ಜಿ ಗ್ರೂಪ್ ದ ಕೆ ಪ್ರಕಾಶ್ ಶೆಟ್ಟಿ, ಅಭಯಚಂದ್ರ ಜೈನ್, ಸನತ್ ಕುಮಾರ್ ಶೆಟ್ಟಿ ಕೊಡೆತ್ತೂರುಗುತ್ತು ಈ ಪೊರ್ತುಡು ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್. ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ರಾತ್ರೆ ಅತ್ತೂರುಗುತ್ತು ಪ್ರಸನ್ನ ಎಲ್ ಶೆಟ್ಟಿ ಸಾರಥ್ಯಡ್ ಜನಾರ್ಧನ ಕಿಲೆಂಜೂರು ನಿರ್ದೇಶನದ “ಒಯಿಕ್ ಲಾ ದಿನ ಬರೊಡು” ತುಳು ನಾಟಕ ನಡಪರೆ ಉಂಡು.

ಮಾ.26 ಬೊಲ್ಪುಗು ನವಗ್ರಹ ಯಾಗ, ಚಂಡಿಕಾಯಾಗ, ಬಯ್ಯಗ್ ಭದ್ರಕ ಮಂಡಲ ಪೂಜೆ, ವನದುರ್ಗಾ ಹೋಮ, ಧಾರ್ಮಿಕ ಸಭಾ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಗುರುಪುರ ವಜ್ರದೇಹಿ ಮಠತ್ತ ರಾಜಶೇಖರಾನಂದ ಸ್ವಾಮೀಜಿ, ಕಟೀಲ್ ದೇವಲ್ಯದ ಅನುವಂಶಿಕ ಅರ್ಚಕೆರ್ ಹರಿನಾರಾಯಣ ದಾಸ ಆಸ್ರಣ್ಣ, ಬೊಂಬೈ ವಿ.ಕೆ ಸಮೂಹ ಸಂಸ್ಥೆದ ಅಧ್ಯಕ್ಷೆರ್ ಕರುಣಾಕರ ಶೆಟ್ಟಿ ಮಧ್ಯಗುತ್ತು ಮಲ್ಲ ಬಿನ್ನೆರಾದ್ ಬರಿಯೆರೆ ಉಲ್ಲೆರ್. ಡಾ.ವೈ ಎನ್ ಶೆಟ್ಟಿ ಧಾರ್ಮಿಕ ಭಾಷಣ ಮಲ್ಪರೆ ಉಲ್ಲೆರ್. ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ರಾತ್ರೆ ವಿಜಯ ಯುವ ಸಂಗಮ (ರಿ.) ಎಕ್ಕಾರು ಮೊಕ್ಲೆರ್ದ್ “ನಮ ನಮ್ಮಾತಿಗೆ” ತುಳು ಹಾಸ್ಯಮಯ ನಾಟಕ ನಡಪರೆ ಉಂಡು.

ಮಾ.27 ಬೊಲ್ಪುಗು ಸಂಜೀವಿನಿ ಮಹಾಮೃತ್ಯುಂಜಯಯಾಗ, ದುರ್ಗಾ ಹೋಮ, ಬಯ್ಯಗ್ ಶಕ್ತಿ ದಂಡಕ ಪೂಜೆ ಕಲಶ ಮಂಡಲ ರಚನೆ ನಡಪರೆ ಉಂಡು. ಈ ಪೊರ್ತುಡು ಶ್ರೀ ಕ್ಷೇತ್ರ ಒಡಿಯೂರುದ ಸಾಧ್ವಿ ಮಾತಾನಂದಮಯೀ, ಅಸರೆ ಚಾರಿಟೇಬಲ್ ಟ್ರಸ್ಟ್ ದ ಅಧ್ಯಕ್ಷೆರ್ ಡಾ. ಆಶಾ ಜ್ಯೋತಿ ರೈ, ಜಯಶ್ರೀ ಅಮರನಾಥ ಶೆಟ್ಟಿ, ಕಸ್ತೂರಿ ಪಂಜ, ವಿಜಯಲಕ್ಷೀ ಶಿಬರೂರು ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್. ನಿಟ್ಟೆ ವಿಶ್ವವಿದ್ಯಾನಿಲಯದ ಮಾನವಿಕ ವಿಭಾಗದ ಮುಖ್ಯಸ್ಥೆರ್ ಸಾಯಿ ಗೀತಾ ಹೆಗ್ಡೆ ಧಾರ್ಮಿಕ ಭಾಷಣ ಮಲ್ಪರೆ ಉಲ್ಲೆರ್. ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ಶರತ್ ಶೆಟ್ಟಿ ಕಿನ್ನಿಗೋಳಿ ಮುತಾಲಿಕೆಡ್, ವಿಜಯ ಕಲಾವಿದೆರೆರ್ದ್ ಕೇರಿಗೊರಿ ಕೇಸರಿ ತುಳು ಹಾಸ್ಯಮಯ ನಾಟಕ ನಡಪರೆ ಉಂಡು.

ಮಾ.28 ಕ್ಕ್ ಅತ್ತೂರು ಬೈಲು ಮಹಾಗಣಪತಿ ಮಂದಿರದ ವೆಂಕಟರಾಜ ಉಡುಪ ಮೆರೆನ ಮುತಾಲಿಕೆಡ್ ಧಾರ್ಮಿಕ ಲೇಸ್ ನಡಪರೆ ಉಂಡು. ಆನಿ ಬೊಲ್ಪುಗು ಭಂಡಾರ ಸಾನರ್ದ್ ಅರಸುಕುಂಜಿರಾಯನ ಭಂಡಾರ ಬರ್ಪುಂಡು. ಬೊಕ್ಕ ಕಲಾಶಾಧಿವಾಸ, ಪ್ರಧಾನ ಹೋಮ, ಶ್ರೀ ಅರಸು ಕುಂಜಿರಾಯೆರೆಗ್ ಕಲಶಾಭಿಷೇಕ, ಶ್ರೀ ಅಖಿಲಾಂಡೇಶ್ವರೀ ದೇವಿಗ್ ಬ್ರಹ್ಮಕಲಶಾಭಿಷೇಕ ಪ್ರಸನ್ನ ಪೂಜೆ, ಕೊಡಿ ಏರುಂಡು. ಅವೆರ್ದ್ ಬೊಕ್ಕ ಮಹಾಪೂಜೆ ನಡಪರೆ ಉಂಡು. ಬಯ್ಯಗ್ ಅಖಿಲಾಂಡೇಶ್ವರೀ ದೇವಿಗ್ ಮಹಾಪೂಜೆ ಬೊಕ್ಕ ದೇಲಂತಬೆಟ್ಟು ಗ್ರಾಮದ ಶಿಬರೂರು ಶ್ರೀ ಉಳ್ಳಾಯ ಬೊಕ್ಕ ಕೊಡಮಣಿತ್ತಾಯ ದೈವೊಗು, ಕಿಲೆಂಜೂರು ಗ್ರಾಮದ ಸಾರಾಳ ಜುಮಾದಿ ಬಂಟ ದೈವೊಗು, ಕೆಮ್ರಾಲ್ ಗ್ರಾಮದ ಮೂಡ್ರಗುತ್ತು ಶ್ರೀ ಕಾಂತೇರಿ ಜುಮಾದಿ ಬಂಟ ದೈವೊಗು, ಕೊಯಿಕುಡೆ ಹರಿಪಾದೆ ಶ್ರೀ ಧರ್ಮದೈವ ಜಾರಂದಾಯ ದೈವೊದ ಭಂಡಾರ ಬರಿಯೆರೆ ಉಂಡು. ಬೊಕ್ಕ ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ರಾತ್ರೆ ನೃತ್ಯರಂಗ ಡ್ಯಾನ್ಸ್ ಅಕಾಡೆಮಿ ಹೊಸಬೆಟ್ಟು ಮೊಕ್ಲೆರ್ದ್ ನೃತ್ಯ ವೈವಿಧ್ಯ ನಡಪರೆ ಉಂಡು. ಬೊಕ್ಕ ಧಾರ್ಮಿಕ ಸಭಾ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಚಿಕ್ಕಮಗಳೂರು ವೇದ ವಿಜ್ಞಾನ ಮಂದಿರದ ಕೆ.ಎಸ್ ನಿತ್ಯಾನಂದ, ಕಟೀಲ್ ದೇವಲ್ಯದ ಅನುವಂಶಿಕ ಅರ್ಚಕೆರ್ ಅನಂತ ಪದ್ಮನಾಭ ಆಸ್ರಣ್ಣ, ಎಕ್ಕಾರು ಕೃಷ್ಣ ಮಠತ್ತ ಹರಿದಾಸ ಉಡುಪ, ಬಂಟರ ಸಂಘ ಬೊಂಬೈದ ಅಧ್ಯಕ್ಷೆರ್ ಚಂದ್ರಹಾಸ ಶೆಟ್ಟಿ ಪಾಲ್ ಪಡೆಯೆರೆ ಉಲ್ಲೆರ್. ಪತ್ರಕರ್ತೆರ್ ಶ್ರೀಕಾಂತ ಶೆಟ್ಟಿ ಕಾರ್ಲ ಧಾರ್ಮಿಕ ಉಪನ್ಯಾಸ ಮಲ್ಪರೆ ಉಲ್ಲೆರ್. ಅವೆರ್ದ್ ಬೊಕ್ಕ ಅರಸು ಕುಂಜಿರಾಯ ದೈವೊದ ನೇಮ ನಡಪರೆ ಉಂಡು.

ಮಾ.29 ಬೊಲ್ಪುಗು ಉಳ್ಳಾಯ ದೈವೊದ ನೇಮ, ಬಯ್ಯಗ್ ಅಖಿಲಾಂಡೇಶ್ವರೀ ದೇವಿಗ್ ಮಹಾಪೂಜೆ ಬೊಕ್ಕ ಕೈತಲ್ ದ ಪ್ರತಿಭೆಲೆರ್ದ್ ಮನೋರಂಜನಾ ಲೇಸ್, ರಾತ್ರೆ ಶ್ರೀ ಕೊಡಮಣಿತ್ತಾಯ ದೈವೊದ ನೇಮ, ಶ್ರೀ ಕಾಂತೇರಿ ಜುಮಾದಿ ಬಂಟ ದೈವೊದ ನೇಮ ನಡಪರೆ ಉಂಡು.

ಮಾ.30 ಕ್ಕ್ ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ಬಯ್ಯಗ್ ಅಭಿನಯ ಕಲಾವಿದೆರ್ ಒಡಿಪು ಮೊಕ್ಲೆರ್ದ್ ತುಳು ಹಾಸ್ಯಮಯ ನಾಟಕ ಶಾಂಭವಿ ನಡಪರೆ ಉಂಡು. ರಾತ್ರೆ ಜಾರಂತಾಯ ಬಂಟ ದೈವೊಲೆನ ನೇಮ, ಬಂಡಿ ಉಚ್ಚಯ, ತೂಟೆದಾರ ಸೇವೆ, ಸುಡುಮದ್ದು ಪ್ರದರ್ಶನ, ಶ್ರೀ ಜಾರಂತಾಯ ಬಂಟ ಬೊಕ್ಕ ಕೋರ್ದಬ್ಬು ದೈವೊಲೆನ ಭೇಟಿ, ಸಾರಾಳ ಜುಮಾದಿ ನೇಮ ನಡಪರೆ ಉಂಡು.

ಮಾ.31 ಬೊಲ್ಪುಗು ಕೊಡಿ ಜಾದ್ ದೈವೊಲೆನ ಭಂಡಾರ ಪಿದಡುಂಡು. ರಾತ್ರೆ ಅಖಿಲಾಂಡೇಶ್ವರೀ ದೇವಿಗ್ ಮಹಾಪೂಜೆ ನಡಪರೆ ಉಂಡು.

ಅಂಚೆನೆ ಪ್ರತೀ ದಿನ ಮಧ್ಯಾಹ್ನ ಬೊಕ್ಕ ರಾತ್ರೆ ಅನ್ನಸಂತರ್ಪಣೆ ನಡಪರೆ ಉಂಡು ಪಂದ್ ಆಡಳಿತ ಮಂಡಳಿದ ಅಧ್ಯಕ್ಷೆರ್ ಕುಳಾಯಿಗುತ್ತು ಚರಣ್ ಜೆ ಶೆಟ್ಟಿ ಅತ್ತೂರು ಕೊಜಪಾಡಿ ಬಾಳಿಕೆ, ಟ್ರಸ್ಟ್ ದ ಅಧ್ಯಕ್ಷೆರ್ ರಾಜೇಂದ್ರ ಶೆಟ್ಟಿ ಕುಡ್ತಿಮಾರುಗುತ್ತು ಕಿಲೆಂಜೂರು ತೆರಿಪಾದೆರ್.

ಮಾ.26 : ಮುಲ್ಕಿ ತಾಲೂಕುದ ಕಡೀರ್ ದ ಸಾಹಿತ್ಯ ಉಚ್ಚಯ 2023

ಮುಲ್ಕಿ: ಚುಟುಕು ಸಾಹಿತ್ಯ ಪರಿಷತ್, ಯುಗಪುರುಷ ಕಿನ್ನಿಗೋಳಿ ಬೊಕ್ಕ ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ (ರಿ.) ನೆತ್ತ ಒಟ್ಟುಸೇರಿಗೆಡ್ ಮುಲ್ಕಿ ತಾಲೂಕ್ ದ ಸುರುತ್ತ ಸಾಹಿತ್ಯ ಉಚ್ಚಯ-2023 ಮಾ.26 ಐತಾರ ಕಿನ್ನಿಗೋಳಿದ ಯುಗಪುರುಷ ಸಭಾಭವನಡ್ ನಡಪರೆ ಉಂಡು.

ಮಧ್ಯಾಹ್ನ ಸಾಹಿತ್ಯ ಉಚ್ಚಯದ ಲೆಕ್ಕೊಡು ಕುಣಿಯೋಣ ಬನ್ನಿ-2023 ಬೊಕ್ಕ ಹಾಡೋಣ ಬನ್ನಿ-2023ತ್ತ ಪಂತೊಡ್ ಗೆಂದಿನಕ್ಲೆರ್ದ್ ಪ್ರತಿಭಾ ಪ್ರದರ್ಶನ ನಡಪರೆ ಉಂಡು. ಬೊಕ್ಕ ತೋಕೂರು ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ ದ ನೃತ್ಯ ಕ್ಲಾಸ್ ದ ಪ್ರತಿಭೆಲೆರ್ದ್ ವೈವಿಧ್ಯಮಯ ಲೇಸ್, ಬಯ್ಯಗ್ ಬಹುಭಾಷಾ ಕವಿಗೋಷ್ಠಿ ನಡಪರೆ ಉಂಡು. ಈ ಲೇಸ್ ದ ಉದಿಪನನ್ ಮುಂಡ್ಕೂರ್ ಶ್ರೀ ವಿದ್ಯಾವರ್ಧಕ ಪದವಿ ಪೂರ್ವ ಕಾಲೇಜ್ ದ ನಿವೃತ್ತ ಪಾಂಶುಪಾಲೆರ್ ಉದಯಕುಮಾರ್ ಹಬ್ಬು ಮಲ್ಪರೆ ಉಲ್ಲೆರ್.

ಕುಣಿಯೋಣ ಬನ್ನಿ-2023 ಬೊಕ್ಕ ಹಾಡೋಣ ಬನ್ನಿ-2023 ಪಂತೊಡು ಗೆಂದಿನಕ್ಲೆಗ್ ಇನಾಮು ಪಟ್ಟುನ ಬೊಕ್ಕ ಮುಗಿತಲದ ಲೇಸ್ ನಡಪರೆ ಉಂಡು. ಈ ಲೇಸ್ ದ ಉದಿಪನನ್ ಮಾಜಿ ರಾಜ್ಯಾಧ್ಯಕ್ಷೆರ್ ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು ಮಲ್ಪರೆ ಉಲ್ಲೆರ್. ಚುಟುಕು ಸಾಹಿತ್ಯ ಪರಿಷತ್ ದ ಅಧ್ಯಕ್ಷೆರ್ ಹರೀಶ್ ಸುಲಾಯ ಒಡ್ಡಂಬೆಟ್ಟು ಗುರ್ಕಾರ್ಮೆನ್ ಒಯಿಸೊನ್ವೆರ್. ಗೌರವಾಧ್ಯಕ್ಷೆರ್ ಇರಾ ನೇಮು ಪೂಜಾರಿ ಶುಭಾಶಂಸನೆನ್ ಕೊರಿಯೆರ್ ಉಲ್ಲೆರ್.

ಮಲ್ಲ ಬಿನ್ನೆರಾದ್ ಸಮಾಜ ಸೇವಕಿ ಶಾಂಭವಿ ಶೆಟ್ಟಿ, ಯುವವಾಹಿನಿ ಮುಲ್ಕಿ ಘಟಕದ ಮಾಜಿ ಅಧ್ಯಕ್ಷೆರ್ ಹರೀಂದ್ರ ಸುವರ್ಣ, ಮುಲ್ಕಿ ಬಂಟರ ಸಂಘದ ಅಧ್ಯಕ್ಷೆರ್ ಪುರುಷೋತ್ತಮ ಶೆಟ್ಟಿ, ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಹರಿದಾಸ್ ಭಟ್, ಮುಲ್ಕಿ ಅರಮನೆತ್ತ ಗೌತಮ್ ಜೈನ್, ರೋಟರಿ ಕ್ಲಬ್ ದ ಮಾಜಿ ಅಧ್ಯಕ್ಷೆರ್ ಶಿವರಾಮ್ ಜಿ. ಅಮೀನ್, ಕುಡ್ಲ ತಾಲೂಕ್ ದ ಚುಟುಕು ಸಾಹಿತ್ಯ ಪರಿಷತ್ ದ ಅಧ್ಯಕ್ಷೆರ್ ಕಾ.ವೀ. ಕೃಷ್ಣದಾಸ್, ತೋಕೂರು ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ ದ ಗೌರವಾಧ್ಯಕ್ಷೆರ್ ಮೋಹನ್ ದಾಸ್, ತೋಕೂರು ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ ದ ಮಹಿಳಾ ಕಾರ್ಯಕಾರಿ ಸಮಿತಿದ ಅಧ್ಯಕ್ಷೆರ್ ಶೋಭಾ ವಿ. ಅಂಚನ್ ಬರಿಯೆರೆ ಉಲ್ಲೆರ್ ಪಂದ್ ಮುಲ್ಕಿ ತಾಲೂಕ್ ದ ಚುಟುಕು ಸಾಹಿತ್ಯ ಪರಿಷತ್ ಅಧ್ಯಕ್ಷೆರ್ ನರೇಂದ್ರ ಕೆರೆಕಾಡ್, ತೋಕೂರು ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ (ರಿ.) ದ ಅಧ್ಯಕ್ಷೆರ್ ಸಂತೋಷ್ ದೇವಾಡಿಗ ಬೊಕ್ಕ ಕಿನ್ನಿಗೋಳಿ ಯುಗಪುರುಷದ ಪ್ರಧಾನ ಸಂಪಾದಕೆರ್ ಕೆ. ಭುವನಾಭಿರಾಮ ಉಡುಪ ಲೆಪ್ಪೋಲೆಡ್ ತೆರಿಪಾದೆರ್.

April 3 rd – 7 th : Shri Devi Bhagavathi Amma temple, Melantabettu- Punar pratistan and Brahmakalasha festival ಎ.3-7: ಮೇಲಂತಬೆಟ್ಟು ಶ್ರೀ ದೇವಿ ಭಗವತಿ ಅಮ್ಮನ ದೇವಲ್ಯಡ್ ಪುನರ್ ಪ್ರತಿಷ್ಠೆ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ

ಬೊಲ್ತೇರ್: ಮೇಲಂತಬೆಟ್ಟು ಶ್ರೀ ದೇವಿ ಭಗವತಿ ಅಮ್ಮನ ದೇವಲ್ಯಡ್ ಪುನರ್ ಪ್ರತಿಷ್ಠೆ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಎ.3-7 ಮುಟ್ಟ ನಡಪರೆ ಉಂಡು.

ನಡ್ವಂತಾಡಿ ಶ್ರೀಪಾದ ಪಾಂಗಣ್ಣಾಯ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಅಂಚೆನೆ ಪ್ರತಿದಿನಲ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಬ್ರಹ್ಮಕಲಶ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಶಾಸಕೆರ್ ಹರೀಶ್ ಪೂಂಜ, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಸುರೇಶ್ ಶೆಟ್ಟಿ “ಭ್ರಾಮರಿ” ಮಾಪಲಾಡಿ, ಭಜನಾ ಸಮಿತಿದ ಅಧ್ಯಕ್ಷೆರ್ ತಿಮ್ಮಪ್ಪ ಪೂಜಾರಿ ಮಾಪಲಾಡಿ, ಪೂಜಾ ಸಮಿತಿದ ಅಧ್ಯಕ್ಷೆರ್ ರಮೇಶ್ ಬಂಗೇರ ಅಂಕಾಜೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

April 26-30: Shri Chikkamma Devi temple – Punar pratistan and other rituals ಎ.26-30: ಮಟ್ಟು ಶ್ರೀ ಚಿಕ್ಕಮ್ಮ ದೇವಿ ದೇವಲ್ಯಡ್ ಪುನರ್ ಪ್ರತಿಷ್ಠೆ, ಸಿರಿ ಸಿಂಗಾರದ ನೇಮ

ಕಾಪು: ಕಟಪಾಡಿದ ಮಟ್ಟು ಶ್ರೀ ಚಿಕ್ಕಮ್ಮ ದೇವಿ ದೇವಲ್ಯಡ್ ಪುನರ್ ಪ್ರತಿಷ್ಠೆ ಬೊಕ್ಕ ಸಿರಿ ಸಿಂಗಾರದ ನೇಮ ಎ.26-30 ಮುಟ್ಟ ನಡಪರೆ ಉಂಡು.

ಎ.26 ಬುಧಾರ ಮಧ್ಯಾಹ್ನ ಮಟ್ಟು ಬ್ರಹ್ಮಸ್ಥಾನರ್ದ್ ಚಿಕ್ಕಮ್ಮ ದೇವಿ ದೇವಲ್ಯ ಮುಟ್ಟ ಪುದೆಕಾಣಿಕೆ ಮೆರವಣಿಗೆ ಬರಿಯೆರೆ ಉಂಡು. ಎ.27 ಗುರುವಾರ ಬೊಲ್ಪುಗು ಶ್ರೀ ಚಿಕ್ಕಮ್ಮ ದೇವಿ ಬೊಕ್ಕ ಪರಿವಾರ ಶಕ್ತಿಲೆನ ಪ್ರತಿಷ್ಠಾಪನೆ, ಗಣಹೋಮ, ಶ್ರೀ ಸತ್ಯನಾರಾಯಣ ಪೂಜೆ, ಬಯ್ಯಗ್ ಶ್ರೀ ಚಿಕ್ಕಮ್ಮ ದೇವಿನ ದರ್ಶನ ಸೇವೆ ನಡಪರೆ ಉಂಡು. ಎ.28 ಸುಕ್ರಾರ ಬೊಲ್ಪುಗು ಚಂಡಿಕಾಯಾಗ, ದೇವಿನ ದರ್ಶನ, ಮಧ್ಯಾಹ್ನ ನೇಮದ ಚಪ್ಪರ ಮೂರ್ತ, ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ದೈವೊದ ಭಂಡಾರ ಪ್ರವೇಶ ಆಪುಂಡು. ರಾತ್ರೆ ವರ್ತೆ ಜೋಡಿ ಪಂಜುರ್ಲಿ ದೈವೊದ ನೇಮ ನಡಪರೆ ಉಂಡು. ಎ.29 ಸನಿಯಾರ ಬೊಲ್ಪುಗು ಚೌಂಡಿ, ರಾಹು-ಗುಳಿಗ ದೈವೊದ ನೇಮ ನಡಪರೆ ಉಂಡು. ಎ.30 ಐತಾರ ಶ್ರೀ ಕ್ಷೇತ್ರ ಶುದ್ಧೀಕರಣ ಅವೆರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಚಿಕ್ಕಮ್ಮ ದೇವಿ ದೇವಲ್ಯದ ಆಡಳಿತ ಸಮಿತಿ, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್, ಗೌರವಾಧ್ಯಕ್ಷೆರ್, ಪದಾಧಿಕಾರಿಲು, ಸರ್ವಸದಸ್ಯೆರ್ ಬೊಕ್ಕ ಕುಟುಂಬಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.

March 25 th-27 th: Shri Ayyappa Swami Bhajana Mandira, Perigeri-Punar pratista rituals ಮಾ.25-27: ಪೆರಿಗೇರಿ ಶ್ರೀ ಅಯ್ಯಪ್ಪ ಸ್ವಾಮಿ ಭಜನಾ ಮಂದಿರಡ್ ಪುನರ್ ಪ್ರತಿಷ್ಠಾ ಉಚ್ಚಯ

ಪುತ್ತೂರ್: ಬಡಗನ್ನೂರು ಗ್ರಾಮದ ಪೆರಿಗೇರಿ ಶ್ರೀ ಅಯ್ಯಪ್ಪ ಸ್ವಾಮಿ ಭಜನಾ ಮಂದಿರಡ್ ಪುನರ್ ಪ್ರತಿಷ್ಠಾ ಉಚ್ಚಯ ಮಾ.25-27 ಮುಟ್ಟ ನಡಪರೆ ಉಂಡು.

ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ ವೀರೇಂದ್ರ ಹೆಗ್ಗಡೆ ಮೆರೆನ ಆಶೀರ್ವಾದೊಟ್ಟಿಗೆ, ಕುಂಟಾರು ವಾಸುದೇವ ತಂತ್ರಿಲೆನ ಮಾರ್ಗದರ್ಶನಡ್, ಕುಂಟಾರು ರವೀಶ್ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಮಂದಿರದ ಗುರುಸ್ವಾಮಿ ಐ. ಮೋಹನ್ ಗೌಡ ಪೆರಿಗೇರಿ, ಅರ್ಚಕೆರ್ ರವಿ ಉಳಿತ್ತಾಯ, ಪ್ರತಿಷ್ಠಾ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಶ್ರೀನಿವಾಸ ಗೌಡ ಕನ್ನಯ, ಗೌರವಾಧ್ಯಕ್ಷೆರ್ ಕೆ‌. ಪಾಂಡುರಂಗ ಭಟ್ ಪುತ್ತೂರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.