ಪನ್ವೇಲ್ ಶ್ರೀ ಕಾಳಿಕಾಂಬಾ ವಿನಾಯಕ ದೇವಲ್ಯಡ್ ಸೆ.17 ಐತಾರ ಕನ್ಯಾ ಸಂಕ್ರಾಂದಿಗ್ ಶ್ರೀ ವಿಶ್ವಕರ್ಮ ಪೂಜೆ ನಡತ್ಂಡ್.
ಈ ಲೇಸ್ ಕಟಪಾಡಿದ ಪೀಠಾಧೀಶ್ವರ ಕಾಳಹಸ್ತೇಂದ್ರ ಸರಸ್ವತೀ ಮಹಾಸ್ವಾಮಿಲೆನ ಆಶೀರ್ವಾದದೊಟ್ಟಿಗೆ, ಕ್ಷೇತ್ರದ ತಂತ್ರಿಲಾಯಿನ ಅಕ್ಷಯ ಶರ್ಮರೆನ ಪೌರೋಹಿತ್ಯಡ್ ಬೊಲ್ಪುಗು ವಿಶ್ವಕರ್ಮ ಹೋಮ, ಪೂಜೆ, ಭಜನೆ, ದೇವೆರೆಗ್ ಮಹಾಪೂಜೆ, ನುಪ್ಪು ಪ್ರಸಾದ ಸೇವೆ ನಡತ್ಂಡ್ ಪಂದ್ ಪನ್ವೇಲ್ ಶ್ರೀ ಕಾಳಿಕಾಂಬಾ ವಿಶ್ವಕರ್ಮ ಸೇವಾ ಸಂಘದ ಅಧ್ಯಕ್ಷೆರ್ ಬೊಕ್ಕ ಸರ್ವಸಮಿತಿಲೆನ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಕಾರ್ಲ: ಶ್ರೀ ಕ್ಷೇತ್ರ ಈದು ಶ್ರೀ ಮುಜಿಲ್ನಾಯ ದೈವೊಲ್ಯಡ್, ಈದು ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ಮುತಾಲಿಕೆಡ್ 20 ವರ್ಷೊದ ಚೌತಿ ಉತ್ಸವ ಸೆ.19 ಅಂಗಾರೆ ನಡಪರೆ ಉಂಡು.
ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ತೀರ್ಥ ಪ್ರಸಾದ ದೆತೊಂದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಈದು ಸಾರ್ವಜನಿಕ ಗಣೇಶೋತ್ಸವ ಸಮಿತಿದಕುಲು ಬೊಕ್ಕ ಗ್ರಾಮಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಕುಡ್ಲ: ಸಾಂಪ್ರದಾಯಿಕ ಕಸುಬುದ ಮುಖೇನ ಸಮಾಜೊಗು ಮಲ್ಲ ಕೊಡುಗೆ ಕೊರ್ನ ಕರ ಕುಶಲಕರ್ಮಿಲೆನ್ ಮುನ್ನೆಲೆಗ್ ಕನಪುನ ದಿಟ್ಟಿಡ್ ಭಗವಾನ್ ವಿಶ್ವಕರ್ಮ ಜಯಂತಿದಾನಿ “ಪಿಎಂ ವಿಶ್ವಕರ್ಮ” ಯೋಜನೆನ್ ಪ್ರಧಾನಿ ನರೇಂದ್ರ ಮೋದಿ ಮೇರ್ ಜಾರಿ ಮಲ್ದೆರ್ ಪಂದ್ ಶಾಸಕೆರ್ ವೇದವ್ಯಾಸ್ ಕಾಮತ್ ಪಂಡೆರ್.
ಮೇರ್ ಕೇಂದ್ರ ಸರ್ಕಾರದ “ಪಿಎಂ ವಿಶ್ವಕರ್ಮ” ಯೋಜನೆದ ಉದಿಪನ ಲೇಸ್ ಡ್ ಪಾಲ್ ಪಡೆದ್ ಪಾತೆರಿಯೆರ್. ಕೇಂದ್ರ ಸಚಿವೆರ್ ಪರ್ಷೋತ್ತಮ್ ರೂಪಾಲ ಮೆರೆನೊಟ್ಟಿಗೆ ಪೇಂಟೆದ ಕಾರ್ ಸ್ಟ್ರೀಟ್ ಭಾಗಡ್ ಇಪ್ಪುನ ಕಾಳಿಕಾಂಬಾ ದೇವಲ್ಯಗ್ ಭೇಟಿ ಕೊರ್ನ ಬೊಕ್ಕ ಜಿಲ್ಲಾಡಳಿತದ ಮುತಾಲಿಕೆಡ್ ನಡತಿನ ಭಗವಾನ್ ವಿಶ್ವಕರ್ಮ ಜಯಂತಿ ಲೇಸ್ ಡ್ ಪಾಲ್ ಪಡೆಯೆರ್.
ಈ ಪೊರ್ತುಡು ಕೇಂದ್ರ ಸಚಿವೆರ್ ಪರ್ಷೋತ್ತಮ್ ರೂಪಾಲ ಮೇರ್ ಲೇಸ್ ಡ್ ಪಾಲ್ ಪಡೆಯಿನವು ಇಸೇಸ ಆತ್ಂಡ್. ಆಂಡ ಮುಖ್ಯವಾದ್ ಪಾಲ್ ಪಡೆವೊಡಾಯಿನಾರ್ ಜಿಲ್ಲೆದ ಉಸ್ತುವಾರಿ ಸಚಿವೆರೇ ಇಜ್ಜಂಡ್. ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಅಧಿಕಾರಿಲು ಬುಡುಂಡ ಸರ್ಕಾರದ ಬೇತೆ ಒವ್ವೇ ಪ್ರತಿನಿಧಿಲು ಇಜ್ಜಂಡ್. ಶಿಷ್ಟಾಚಾರದ ಪ್ರಕಾರ ಜಿಲ್ಲಾಡಳಿತದ ಉಸ್ತುವಾರಿಡ್ ನಡಪೊಡಾಯಿನ ಲೇಸ್ ಡ್ ಸರ್ಕಾರದ ಬೇಜಾಬ್ದಾರಿ ತೋಜುಂಡು. ಉಂದು ಮಸ್ತ್ ಬೇಜಾರ್ ದ ಸಂಗತಿ ಪಂದ್ ಪಂಡೆರ್.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಯೋಗ ಸುಯೋಗ ಸರಣಿ ಲೇಸ್ ದ 25ನೇ ಸಂಚಿಕೆ ಸೆ.18 ಸೋಮಾರ ಬಯ್ಯಗ್ 4.15ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಒಡಿಪು ಚಿಟ್ಪಾಡಿದ ಶ್ರೀ ಗುರುಕೃಪಾ ಯೋಗ ವಿದ್ಯಾ ಪ್ರತಿಷ್ಠಾನಡ್ ಯೋಗ ಶಿಕ್ಷಕೆರಾಯಿನ ಆರ್ ಶಿವಕುಮಾರ್ ಪಾಲ್ ಪಡೆಯೆರೆ ಉಲ್ಲೆರ್. ಸೆ.19 ಕ್ಕ್ ಮಧ್ಯಾಹ್ನ 12.15 ಕ್ಕ್ ಕುಡೊರ ಪ್ರಸಾರ ಆಪುಂಡು. ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಡ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ ಆಪ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
ಮುಲ್ಕಿ : ಇಂಚೊಗು ದೇವೆರೆ ಪಾದ ಸೇರಿನ ಲಲಿತ್ ಮಹಲ್ ದ ಧಣಿ ಹರಿಶ್ಚಂದ್ರ ವಿ.ಕೋಟ್ಯಾನ್ ಮೆರೆಗ್ ಮುಲ್ಕಿ ಬಿಲ್ಲವ ಸಮುದಾಯ ಭವನಡ್ ಐತಾರ ಸಾರ್ವಜನಿಕೆರೆರ್ದ್ ನುಡಿ ನಮನ ಲೇಸ್ ನಡತ್ಂಡ್.
ಬಿಲ್ಲವ ಸಮಾಜ ಸೇವಾ ಸಂಘ ಮುಲ್ಕಿ ಸಂಘ ದ ಅಧ್ಯಕ್ಷೆರ್ ಪ್ರಕಾಶ್ ಸುವರ್ಣ ನುಡಿ ನಮನ ಲೇಸ್ ಉದಿಪನ ಮಲ್ತೆರ್.
ಮುಲ್ಕಿ ನಾಲ್ಕು ಪಟ್ಣ ಮೊಗವೀರ ಮಹಾಸಭಾದ ಅಧ್ಯಕ್ಷೆರ್ ಸುಜಿತ್ ಸಾಲ್ಯಾನ್, ಮುಲ್ಕಿ ನಗರ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ಅಬ್ದುಲ್ ರಜಾಕ್, ಪ್ರಿಯದರ್ಶಿನಿ ಕೋ ಆಪರೇಟಿವ್ ಸಂಘದ ಅಧ್ಯಕ್ಷೆರ್ ವಸಂತ ವಿ ಬೆರ್ನಾಡ್, ಮುಲ್ಕಿ ಲಯನ್ಸ್ ಅಧ್ಯಕ್ಷೆರ್ ಶೀತಲ್ ಸುಶೀಲ್, ಜೇಸಿಐ ದ ಲೋಕೇಶ್ ಹೆಜಮಾಡಿ, ಬಿಲ್ಲವ ಮಹಾಮಂಡಲದ ಗೌರವ ಪ್ರಧಾನ ಕಾರ್ಯದರ್ಶಿ ಗಂಗಾಧರ ಪೂಜಾರಿ ಚೇಳಾಯಿರು, ನಾರಾಯಣ ಗುರು ಶಿಕ್ಷಣ ಸಂಸ್ಥೆದ ಪ್ರಿನ್ಸಿಪಾಲ್ ಯತೀಶ್ ಪೂಜಾರಿ, ಹರ್ಷರಾಜ್ ಶೆಟ್ಟಿ, ಹಳೆಯಂಗಡಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ಚಂದ್ರಶೇಖರ ನಾನಿಲ್, ಕೆ.ಎಸ್.ರಾವ್ ನಗರ ನಾರಾಯಣ ಗುರು ಸಂಘದ ಜನಾರ್ಧನ ಬಂಗೇರ, ಮುಲ್ಕಿ ರೋಟರಿ ಅಧ್ಯಕ್ಷೆರ್ ಭುಜಂಗ ಕವತಾರ್, ವಾಮನ ಕೋಟ್ಯಾನ್ ನಡಿಕುದ್ರು, ಡಾ. ಹರಿಶ್ಚಂದ್ರ ವಿ. ಸಾಲ್ಯಾನ್, ಪ್ರಕಾಶ್ ಸುವರ್ಣ ಮೊಕುಲು ನುಡಿ ನಮನ ಸಂದಾಯೆರ್.
ಕಡೆಕ್ಕ್ ಎಚ್ ವಿ ಕೋಟ್ಯಾನ್ ರೆನ ಆತ್ಮೊಗು ಶಾಂತಿ ತಿಕ್ಕಡ್ ಪಂದ್ ಮೌನ ಪ್ರಾರ್ಥನೆ ಮಲ್ತ್ ದ್ ಅರೆನ ಭಾವಚಿತ್ರೊಗು ಪುಷ್ಪಾರ್ಚನೆ ಮಲ್ತೆರ್.
ಎಚ್ ವಿ ಕೋಟ್ಯಾನ್ ರೆನ ಮಗೆ ಅವಿನಾಶ್, ಪ್ರಮಲ್ ಕಾರ್ಕಳ ಬೊಕ್ಕ ಇಲ್ಲದಕುಲು ಇತ್ತೆರ್. ಸಂಘದ ಮಾಜಿ ಅಧ್ಯಕ್ಷೆರ್ ರಾಘು ಸುವರ್ಣ, ರಮೇಶ್ ಅಮೀನ್ ಕೊಕ್ಕರಕಲ್, ಪರಮಾನಂದ ಸಾಲ್ಯಾನ್, ಕಿಶೋರ್ ಸಾಲ್ಯಾನ್, ವಿಜಯ ಕುಮಾರ್ ಕುಬೆವೂರು, ಚಿತ್ರಾಪು ವಾಸು ಪೂಜಾರಿ, ಮಾಧವ ಕಿಲ್ಪಾಡಿ ಮೊಕುಲು ಮಾತ ಇತ್ತೆರ್. ಚಂದ್ರಶೇಖರ್ ಸುವರ್ಣ ಮೇರ್ ನುಡಿ ನಮನ ಕೊರ್ದು ಸೊಲ್ಮೆ ಸಂದಾಯೆರ್. ನರೇಂದ್ರ ಕೆರೆಕಾಡು ಸಭೆ ಸುಧಾರಿಕೆ ಮಲ್ತೆರ್.
ಮುಲ್ಕಿ : ಹಿಂದೂ ಯುವ ಸೇನೆ ಬೊಕ್ಕ ಮಹಿಳಾ ಮಂಡಳಿ ಮುಲ್ಕಿ ಘಟಕದ ಮುತಾಲಿಕೆಡ್ ಅಕ್ಟೋಬರ್ 10 ಕ್ಕ್ ಮುಲ್ಕಿಡ್ ನಡಪರೆ ಉಪ್ಪುನ 25 ನೇ ವರ್ಷದ ಸಾರ್ವಜನಿಕ ಶ್ರೀ ಶಾರದಾ ಮಹೋತ್ಸವದ ಲೆಪ್ಪೋಲೆ ಬುಡುಗಡೆ ಲೇಸ್ ಐತಾರ ಪುನರೂರು ಕಾಂಪ್ಲೆಕ್ಸ್ ದ ಚಾವಡಿಡ್ ನಡತ್ಂಡ್.
ಉದ್ಯಮಿ ವಾಸು ಪೂಜಾರಿ ಚಿತ್ರಾಪು ಮೇರ್ ಲೆಪ್ಪೋಲೆ ಬುಡುಗಡೆ ಮಲ್ತೆರ್. ರಂಜನ್ ವಿ. ಶೆಟ್ಟಿ ಮೇರ್ ಲಕ್ಕಿಡಿಪ್ ಬುಡುಗಡೆ ಮಲ್ತೆರ್.
ಲೇಸ್ ಡ್ ಘಟಕದ ಗೌರವ ಸಲಹೆಗಾರೆರಾಯಿನ
ಮಹಿಮ್ ಹೆಗ್ಡೆ, ಹರ್ಷರಾಜ್ ಶೆಟ್ರ್ ಪಾತೆರ್ದ್ ಎಡ್ಡೆಪ್ಪು ಬಯಕಿಯೆರ್. ಹಿಂದೂ ಯುವ ಸೇನೆದ ಅಧ್ಯಕ್ಷೆರ್ ದಿನೇಶ್ ಕೊಲ್ನಾಡ್, ಪಾತೆರ್ದ್ ಈ ವರ್ಷ ಉತ್ಸವದ ಬೊಳ್ಳಿ ಪರ್ಬದ ಆಚರಣೆ ನಿಲೆಟ್ಟ್ ಶೋಭಾಯಾತ್ರೆಡ್ 25 ಟ್ಯಾಬ್ಲೊ ಮಲ್ಪುನ ಉದ್ದೇಶ ಉಂಡು. ಉತ್ಸವೊಗು ಮಾತೆರ್ಲ ಸಹಕಾರ ಮಲ್ಪೊಡು ಪಂದ್ ಬಿನ್ನಾಪು ಮಲ್ತೆರ್.
ಮಹಿಳಾ ಮಂಡಳಿದ ಅಧ್ಯಕ್ಷೆರ್ ಲತಾ ಶೇಖರ್, ಉಪಾಧ್ಯಕ್ಷೆರ್ ಸುಲತಾ, ಕಾರ್ಯದರ್ಶಿ ಯಶೋದಾ, ಹಿಂದೂ ಯುವ ಸೇನೆದ ಪ್ರಧಾನ ಕಾರ್ಯದರ್ಶಿ ನಿತಿನ್ ದೇವಾಡಿಗ, ಕೋಶಾಧಿಕಾರಿ ಸತೀಶ್ ಬಂಗೇರ ಚಿತ್ರಾಪು, ಕಿಶೋರ್ ಸಾಲ್ಯಾನ್ ಇತ್ತೆರ್.
ಅಧ್ಯಕ್ಷೆರ್ ದಿನೇಶ್ ಕೊಲ್ನಾಡು ಸ್ವಾಗತ ಮಲ್ತೆರ್. ಉಪಾಧ್ಯಕ್ಷೆರ್ ಶಂಕರ ಪಡಂಗ ಲೇಸ್ ಸುಧಾರಿಕೆ ಮಲ್ತೆರ್.
ಬೆಂಗಳೂರು : ಬೆಂಗಳೂರುದ “ಕರ್ನಾಟಕ ಚಲನ ಚಿತ್ರ ಕಲಾವಿದರ ಸಂಘ”ದ “ರಾಜ್ ಕುಮಾರ್ ಭವನಡ್ ಸೆ.3 ಐತಾರ ತುಳು ಸಿನೆಮಾದ ಸುವರ್ಣ ಪಯಣ” ವಿಶೇಷ ಲೇಸ್ ನಡತ್ತ್ಂಡ್.
ತುಳು ಚಿತ್ರರಂಗದ ಸವ್ಯಸಾಚಿ, ಹಿರಿಯ ರಂಗಕರ್ಮಿ ‘ತಮ್ಮಲಕ್ಷ್ಮಣ’ ಮೆರೆನ ಮುತಾಲಿಕೆಡ್, ದೃಶ್ಯಾಲಯ ಮಂಗಳೂರು ಬೊಕ್ಕ ಸ್ವಯಂಪ್ರಭ ಟಾಕೀಸ್ ಯಾಪ್ ಬೆಂಗಳೂರು ಮೊಕಲ್ನ ಕೂಡ್ ಕಟ್ಟ್ ಡ್ 50 ವರ್ಸದ ತುಳು ಸಿನೆಮಾದ ಚರಿತ್ರೆನ್ ಬೊಲ್ಪುಗು ಕನಪಿನ, ಪೊಸ ಪೀಳ್ಯೊಗು ಮುಟ್ಟಾವುನ ಮಹತ್ವಾಕಾಂಕ್ಷೆದ ಕಾರ್ಯಕ್ರಮ ನಡತ್ತ್ಂಡ್.
ಸಿನೆಮಾ ಬೊಕ ಸಾಹಿತ್ಯ ಕ್ಷೇತ್ರದ ದಿಗ್ಗಜೆರಾಯಿನ ಡಾ. ಗಿರೀಶ್ ಕಾಸರವಳ್ಳಿ, ಡಾ. ಜಯಮಾಲ, ಡಾ. ಸತೀಶ್ ಕುಮಾರ್ ಎಸ್. ಹೊಸಮನಿ, ಭಾ.ಮಾ. ಹರೀಶ್, ವಿ. ಮನೋಹರ್ ಮುಖ್ಯ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್. ತುಳುಕೂಟ, ತುಳುವೆರೆಂಕುಲು, ತುಳುವೆರೆ ಚಾವಡಿ, ಐ-ಲೇಸಾ, ತುಳುನಾಡ ಜವನೆರ್, ಜೈ ತುಳುನಾಡ್ ಸಂಘಟನೆದ ಪ್ರಮುಖೆರ್ ಪಾಲ್ ಪಡೆದಿತ್ತೆರ್. ಅಂಚನೆ ಅನೇಕ ಚಲನಚಿತ್ರ ರಂಗದ ಕಲಾವಿದೆರ್, ತಾಂತ್ರಿಕೆರ್ ಪಾಲ್ ಪಡೆದಿತ್ತೆರ್.
ಬೆಂಗಳೂರುದ ಸಂಘಟಕೆ ಪಳ್ಳಿ ವಿಶ್ವನಾಥ್ ಶೆಟ್ಟಿ ಮಾತೆರೆನ್ಲಾ ಮೋಕೆಡ್ ಮಾನಾದಿಗೆಡ್ ಎದುಕೊಂಡೆರ್. ಪ್ರಾಸ್ತಾವಿಕವಾದ್ ಪಾತೆರ್ನ್ಯ ತಮ್ಮಲಕ್ಷ್ಮಣ ಮೇರ್, 50 ವರ್ಸದ ತುಳು ಸಿನೆಮಾ ರಂಗದ ಚರಿತ್ರೆನ್ ಮಹತ್ವಾಕಾಂಕ್ಷೆಡ್ ಪೊಸ ಪೀಳಿಗೆಗ್ ತೆರಿಪಾವುನ ಪ್ರಯತ್ನ ಮಲ್ದೆಂದ್ ತೆರಿಪಾಯೆರ್. ಈ ಸಂದರ್ಬಡ್ ತಮ್ಮಲಕ್ಷ್ಮಣ ಮೇರ್ ಬರೆತಿನ “ತುಳು ಬೆಳ್ಳಿ ತೆರೆಯ ಸುವರ್ಣಯಾನ” ಪುಸ್ತಕೊನು ಮಲ್ಲ ಬಿನ್ನೆರ್ ಬುಡುಗಡೆ ಮಲ್ತೆರ್.
ಕರಿನ 50 ವರ್ಸೊಲೆಡ್ ಬೊಳ್ಳಿ ಪರ್ದೆಗ್ ಬತ್ತಿನ ಜನ ಮೆಚ್ಚಿನ ತುಳು ಸಿನೆಮೊಲ್ನ ಬಗ್ಗೆಡ್, ಹಿರಿಯ ನಟ ನಟಿ, ಕಲಾ ವಿದೆರ್, ತಾಂತ್ರಿಕೆರೆನ ಬಗ್ಗೆಡ್ ಮಾಹಿತಿ ಇಪ್ಪುನ ವಿಶೇಷ ಕೃತಿನ್ ಗಣ್ಯೆರ್ ಕೊಂಡಾಡಿಯೆರ್. ತುಳು ರಂಗಭೂಮಿಗಾದ್, ಚಿತ್ರ ರಂಗೊಗಾದ್ ಸುಮಾರ್ 50 ವರ್ಸ ಸೇವೆ ಮಲ್ದಿನ ಶ್ರೀ ‘ತಮ್ಮ ಲಕ್ಷ್ಮಣ’ ಮೇರ್ ಪೊಸ ಪೀಳಿಗೆಗ್ ಆದರ್ಶಂದ್ ಪಂಡೆರ್.
ಕರಿನ 50 ವರ್ಸೊಡ್ದಿಂಚಿ ಬೊಳ್ಳಿ ಪರ್ದೆಗ್ ಬಯ್ದಿನ ತುಳು ಸಿನೆಮೊಲ್ನ ಕಿರು ಸಾಕ್ಷ್ಯ ಚಿತ್ರ “ಸುವರ್ಣ ತುಳು ಚಿತ್ರಮಾಲಾ” ಸಿನೆಮಾ ಪ್ರದರ್ಶನ ಯಶಸ್ ಡ್ ನಡತ್ತ್ಂಡ್. ಮಾನಾದಿಗೆದ ಬಿನ್ನೆರ್ನ ಒಟ್ಟುಗು ಅಪಾರ ಅಭಿಮಾನಿಲು, ತುಳು ಬಂಧುಲು ಚಿತ್ರಮಾಲಾ ಪ್ರದರ್ಶನ ತೂದು ಮೆಚ್ಚಿಗೆ ಕೊರಿಯೆರ್. ಪಳ್ಳಿ ವಿಶ್ವನಾಥ್ ಶೆಟ್ಟಿ ಬೊಕ್ಕ ಶ್ರೀತಿಕಾ ಶೆಟ್ಟಿ ಲೇಸ್ ಸುಧಾರಿಕೆ ಮಲ್ತೆರ್. ಗೋಪಾಲ್ ಪೂಜಾರಿ ಪಟ್ಟೆ, ನಿಧೀಶ್ ಶೆಟ್ಟಿ, ಸದಾನಂದ ಕಾರ್ಲ ಲೇಸ್ ಸುಧಾರ್ಮೆ ಮಲ್ತೆರ್. ತಮ್ಮಲಕ್ಷ್ಮಣ ಮಾತೆರೆಗ್ಲಾ ಸೊಲ್ಮೆ ಸಂದಾಯೆರ್.
*ವರದಿ : ಪಳ್ಳಿ ವಿಶ್ವನಾಥ್ ಶೆಟ್ಟಿ, ಬೆಂಗಳೂರು*
ಬೆಂಗಳೂರು-ಮೈಸೂರು- ಕುಡ್ಲ ಸೆಂಟ್ರಲ್ ಎಕ್ಸ್ಪ್ರೆಸ್ ರೈಲ್ ಪುಣ್ಯಕ್ಷೇತ್ರ ಮುರ್ಡೇಶ್ವರ ಮುಟ್ಟ ವಿಸ್ತರಣೆ ಆಪಿನ ಮೂಲಕ ರಾಜಧಾನಿ, ಸಾಂಸ್ಕೃತಿಕ ರಾಜಧಾನಿ, ಕರಾವಳಿ ಬೊಕ್ಕ ಪುಣ್ಯಕ್ಷೇತ್ರದ ಪ್ರಯಾಣಿಕೆರ್ನ ಕೆಲವ್ ದಿನತ ಬೇಡಿಕೆ ಈಡೇರ್ದ್ಂಡ್ ಪಂದ್ ಶಾಸಕ ವೇದವ್ಯಾಸ ಕಾಮತ್ ಪಂತೆರ್.
ಸಂಸದೆರ್ ನಳಿನ್ ಕುಮಾರ್ ಕಟೀಲ್, ರೈಲ್ವೆ ಸಚಿವೆರಾಯಿನ ಅಶ್ವಿನಿ ವೈಷ್ಣವ್ ಅರೆಡ ಪಾತೆರ್ದ್ ನಿರಂತರ ಪ್ರಯತ್ನದ ಮೂಲಕ ಜನತೆಗ್ ಅನುಕೂಲ ಆಪುಲೆಕ ಮಲ್ಪುನೆಟ್ ಯಶಸ್ವಿಯಾತೆರ್.
ಪ್ರಧಾನಿ ನರೇಂದ್ರ ಮೋದಿನ ನವ ಭಾರತದ ಕನ ದೇಶದ ಮೂಲೆ ಮೂಲೆಡ್ ಬುಲೆಯೊಂದು ಉಂಡು ಪಂದ್ ಪಂಡಿನ ಮೊಕ್ಲೆಗ್ ಮಾತಾ ಸೊಲ್ಮೆ ಸಂದಾವೆ ಪಂದ್ ಶಾಸಕೆರ್ ಪಂಡೆರ್.
ಎಂಜಿನಿಯರ್ಸ್ ಬೊಕ್ಕ ಸರ್ಕಾರದ ಸಹಕಾರೊಡು ಅಭಿವೃದ್ಧಿ ಸಾಧ್ಯ: ರಾಜೇಂದ್ರ ಕಲ್ಬಾವಿ
ಮುಲ್ಕಿ : ಎಂಜಿನಿಯರ್ ನಕುಲು ಬೊಕ್ಕ ಸರಕಾರ ಅಂಚೆನೆ ಸಾರ್ವಜನಿಕೆರ್ನ ಒಟ್ಟುಸೇರಿಗೆಡ್ ಕೆಲಸ ಮಲ್ತ್ಂಡ ಅಭಿವೃದ್ಧಿ ಸಾಧ್ಯ. ಕುಡ್ಲದ ಮಹಾನಗರಪಾಲಿಕೆಡ್ ಉಂದು ಸಾಧ್ಯ ಆತ್ಂಡ್.ಅವ್ವೇ ರೀತಿಡ್ ಮೂಲ್ಕಿ ಪೇಂಟೆಲ ನವ ನಿರ್ಮಾಣ ಆವಡ್ ಪಂದ್ ಎಸಿಸಿಇಐದ ಪ್ರಧಾನ ಕಾರ್ಯದರ್ಶಿ, ಹಿರಿಯ ಎಂಜಿನಿಯರ್ ರಾಜೇಂದ್ರ ಕಲ್ಬಾವಿ ತೆರಿಪಾಯೆರ್.
ಆರ್ ಮುಲ್ಕಿದ ಸುಂದರ ರಾಮ್ ಶೆಟ್ಟಿ ಕನ್ವೆನ್ಷನ್ ಹಾಲ್ ಡ್ ಶನಿವಾರ ನಡತಿನ ಅಸೋಸಿಯೇಷನ್ ಆಫ್ ಸಿವಿಲ್ ಎಂಜಿನಿಯರ್ಸ್ ಮುಲ್ಕಿ (ಎಸಿಇಎಂ) ಉದಿಪನದ ಲೇಸ್ ಡ್ ಪಾತೆರಿಯೆರ್.
ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟಗರ್ ಬೊಕ್ಕ ಮಾತ ಬಿನ್ನೆರ್ ಸೇರ್ದ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್.
ಅಂಚೆನೆ ಈ ಪೊರ್ತುಡು ಎಸಿಇಎಂದ ಪೊಸ ಪದುಕೆರ್ನ ಪದಗ್ರಹಣ ವಿಧಿ ನಡತ್ಂಡ್ .
ಎಸಿಇಎ ಅಧ್ಯಕ್ಷೆರ್ ಜೀವನ್ ಕೆ. ಶೆಟ್ರ್ ಪಾತೆರ್ದ್, ಮುಲ್ಕಿದ ಸಮಗ್ರ ಅಭಿವೃದ್ಧಿದ ಉದ್ದೇಶಡ್ ಎಸಿಇಎಂ ಉದಿಪನ ಆಂಡ್, ಸಸಿಹಿತ್ಲು ಟು ಬಪ್ಪನಾಡು ಟೂರಿಸಂ ಕಾರಿಡಾರ್, ಕಾರ್ನಾಡ್ ಜಂಕ್ಷನ್ ರ್ದ್ ಬಪ್ಪನಾಡ್ ಜಂಕ್ಷನ್ ಮುಟ್ಟದ ಡೇಂಜರ್ ಝೋನ್ ಗ್ ಪರಿಹಾರ ಇಂಚಿನ ಕೆಲವು ಯೋಜನೆಲು ಕಾರ್ಯಗತ ಆವೊಡು. ನೆಕ್ಕ್ ನಿಕುಲು ಮಾತೆರ್ನಲ ಸಹಕಾರ ಬೋಡು ಪಂಡೆರ್.
ಈ ಪೊರ್ತುಡು ಹಿರಿಯೆರಾಯಿನ ಇಂಜಿನಿಯರ್ ಪ್ರೊಫೆಸರ್ ಜಿ.ಆರ್. ರೈ ಮೆರೆನ್ ಮಾನಾದಿಗೆ ಮಲ್ತೆರ್.
ಮಲ್ಲ ಬಿನ್ನೆರಾದ್ ಇಂಜಿನಿಯರ್ ವಿಜಯ ವಿಷ್ಣು ಮಯ್ಯ, ವಿಧಾನ ಪರಿಷತ್ ಸದಸ್ಯೆರ್ ಎಸ್.ಎಲ್. ಭೋಜೇಗೌಡ, ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಜೈನ್, ಕ್ರೆಡೈ ಉಡುಪಿ ಅಧ್ಯಕ್ಷೆರ್ ಕೆ. ಮನೋಹರ ಶೆಟ್ಟಿ, ಕುಡ್ಲ ಕ್ರೆಡೈ ಅಧ್ಯಕ್ಷೆರ್ ವಿನೋದ್ ಎ.ಆರ್.ಪಿಂಟೊ,
ಲೆಕ್ಸಾ ಲೈಟ್ಸ್ ದ ರೊನಾಲ್ಡ್ ಡಿಸೋಜ, ಪಾಂಡುರಂಗ ಆಚಾರ್ಯ, ಶಿವಪುತ್ರಪ್ಪ, ಉಜ್ವಲ್ ಡಿಸೋಜ, ಮಹಾಬಲ ಎಂ., ಬಾಲಸುಬ್ರಮಣ್ಯ ಎಂ. ಮೊಕುಲು ಮಾತ ಇತ್ತೆರ್.
ಎಸಿಇಎಂ ಕಾರ್ಯದರ್ಶಿ ಸುಜಿತ್ ಸಾಲಿಯಾನ್ ಬಿನ್ನೆರೆನ್ ಎದ್ಕೊಂಡೆರ್. ವರುಣ್ ದೇವೆರೆನ್ ಸುಗಿತೆರ್. ಸೌಜನ್ಯ ಹೆಗ್ಡೆ ಲೇಸ್ ಸುಧಾರಿಕೆ ಮಲ್ತೆರ್.
ಎಂಜಿನಿಯರ್ಸ್ ಬೊಕ್ಕ ಸರ್ಕಾರದ ಸಹಕಾರೊಡು ಅಭಿವೃದ್ಧಿ ಸಾಧ್ಯ: ರಾಜೇಂದ್ರ ಕಲ್ಬಾವಿ
ಮುಲ್ಕಿ : ಎಂಜಿನಿಯರ್ ನಕುಲು ಬೊಕ್ಕ ಸರಕಾರ ಅಂಚೆನೆ ಸಾರ್ವಜನಿಕೆರ್ನ ಒಟ್ಟುಸೇರಿಗೆಡ್ ಕೆಲಸ ಮಲ್ತ್ಂಡ ಅಭಿವೃದ್ಧಿ ಸಾಧ್ಯ. ಕುಡ್ಲದ ಮಹಾನಗರಪಾಲಿಕೆಡ್ ಉಂದು ಸಾಧ್ಯ ಆತ್ಂಡ್.ಅವ್ವೇ ರೀತಿಡ್ ಮೂಲ್ಕಿ ಪೇಂಟೆಲ ನವ ನಿರ್ಮಾಣ ಆವಡ್ ಪಂದ್ ಎಸಿಸಿಇಐದ ಪ್ರಧಾನ ಕಾರ್ಯದರ್ಶಿ, ಹಿರಿಯ ಎಂಜಿನಿಯರ್ ರಾಜೇಂದ್ರ ಕಲ್ಬಾವಿ ತೆರಿಪಾಯೆರ್.
ಆರ್ ಮುಲ್ಕಿದ ಸುಂದರ ರಾಮ್ ಶೆಟ್ಟಿ ಕನ್ವೆನ್ಷನ್ ಹಾಲ್ ಡ್ ಶನಿವಾರ ನಡತಿನ ಅಸೋಸಿಯೇಷನ್ ಆಫ್ ಸಿವಿಲ್ ಎಂಜಿನಿಯರ್ಸ್ ಮುಲ್ಕಿ (ಎಸಿಇಎಂ) ಉದಿಪನದ ಲೇಸ್ ಡ್ ಪಾತೆರಿಯೆರ್.
ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟಗರ್ ಬೊಕ್ಕ ಮಾತ ಬಿನ್ನೆರ್ ಸೇರ್ದ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್.
ಅಂಚೆನೆ ಈ ಪೊರ್ತುಡು ಎಸಿಇಎಂದ ಪೊಸ ಪದುಕೆರ್ನ ಪದಗ್ರಹಣ ವಿಧಿ ನಡತ್ಂಡ್ .
ಎಸಿಇಎ ಅಧ್ಯಕ್ಷೆರ್ ಜೀವನ್ ಕೆ. ಶೆಟ್ರ್ ಪಾತೆರ್ದ್, ಮುಲ್ಕಿದ ಸಮಗ್ರ ಅಭಿವೃದ್ಧಿದ ಉದ್ದೇಶಡ್ ಎಸಿಇಎಂ ಉದಿಪನ ಆಂಡ್, ಸಸಿಹಿತ್ಲು ಟು ಬಪ್ಪನಾಡು ಟೂರಿಸಂ ಕಾರಿಡಾರ್, ಕಾರ್ನಾಡ್ ಜಂಕ್ಷನ್ ರ್ದ್ ಬಪ್ಪನಾಡ್ ಜಂಕ್ಷನ್ ಮುಟ್ಟದ ಡೇಂಜರ್ ಝೋನ್ ಗ್ ಪರಿಹಾರ ಇಂಚಿನ ಕೆಲವು ಯೋಜನೆಲು ಕಾರ್ಯಗತ ಆವೊಡು. ನೆಕ್ಕ್ ನಿಕುಲು ಮಾತೆರ್ನಲ ಸಹಕಾರ ಬೋಡು ಪಂಡೆರ್.
ಈ ಪೊರ್ತುಡು ಹಿರಿಯೆರಾಯಿನ ಇಂಜಿನಿಯರ್ ಪ್ರೊಫೆಸರ್ ಜಿ.ಆರ್. ರೈ ಮೆರೆನ್ ಮಾನಾದಿಗೆ ಮಲ್ತೆರ್.
ಮಲ್ಲ ಬಿನ್ನೆರಾದ್ ಇಂಜಿನಿಯರ್ ವಿಜಯ ವಿಷ್ಣು ಮಯ್ಯ, ವಿಧಾನ ಪರಿಷತ್ ಸದಸ್ಯೆರ್ ಎಸ್.ಎಲ್. ಭೋಜೇಗೌಡ, ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಜೈನ್, ಕ್ರೆಡೈ ಉಡುಪಿ ಅಧ್ಯಕ್ಷೆರ್ ಕೆ. ಮನೋಹರ ಶೆಟ್ಟಿ, ಕುಡ್ಲ ಕ್ರೆಡೈ ಅಧ್ಯಕ್ಷೆರ್ ವಿನೋದ್ ಎ.ಆರ್.ಪಿಂಟೊ,ಲೆಕ್ಸಾ ಲೈಟ್ಸ್ ದ ರೊನಾಲ್ಡ್ ಡಿಸೋಜ, ಪಾಂಡುರಂಗ ಆಚಾರ್ಯ, ಶಿವಪುತ್ರಪ್ಪ, ಉಜ್ವಲ್ ಡಿಸೋಜ, ಮಹಾಬಲ ಎಂ., ಬಾಲಸುಬ್ರಮಣ್ಯ ಎಂ. ಮೊಕುಲು ಮಾತ ಇತ್ತೆರ್.
ಎಸಿಇಎಂ ಕಾರ್ಯದರ್ಶಿ ಸುಜಿತ್ ಸಾಲಿಯಾನ್ ಬಿನ್ನೆರೆನ್ ಎದ್ಕೊಂಡೆರ್. ವರುಣ್ ದೇವೆರೆನ್ ಸುಗಿತೆರ್. ಸೌಜನ್ಯ ಹೆಗ್ಡೆ ಲೇಸ್ ಸುಧಾರಿಕೆ ಮಲ್ತೆರ್.
