June 2022

ಅಶೋಕ ವಿದ್ಯಾಲಯ ಇಂಗ್ಲಿಷ್ ಮಾಧ್ಯಮ ಶಾಲೆ : ಶಾಲಾ ನಾಯಕೆರ್ನ ಆಯ್ಕೆ

ಅಶೋಕನಗರ : ಎಡ್ಡೆ ಆಡಳಿತಗ್ ಶಿಸ್ತುಬದ್ಧ ನಾಯಕೆರ್ ಬೋಡು ಪನ್ಪಿನ ನೆಲೆಟ್ಟ್ ಆಶೋಕ ವಿದ್ಯಾಲಯ ಆಂಗ್ಲ ಮಾಧ್ಯಮ ಪ್ರೌಢ ಶಾಲೆಡ್ ಶಾಲಾ ಸಂಸತ್ತ್ ರಚನೆ ಬೊಕ್ಕ ಪ್ರಮಾಣ ವಚನ ಸ್ವೀಕಾರ ಲೇಸ್ ನಡತ್ಂಡ್. ಶಾಲಾ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಸುಜಾತ ಸಂತೋಷ್ ಮೆರ್ನ ಮುತಾಲಿಕೆಡ್ ಶಾಲಾ ಪ್ರತಿನಿಧಿನಕುಲು ಪ್ರಮಾಣವಚನ ಸ್ವೀಕಾರ ಮಲ್ತೆರ್. ಐರ್ದ್ ಬೊಕ್ಕ ಈ ಸಭೆನ್ ಉದ್ದೇಶಿಸಾದ್ ಪಾತೆರ್ದ್ ಶಾಲಾ ಸಂಸತ್ತ್ ದ ಅವಶ್ಯಕತೆ ಬೊಕ್ಕ ಐತ ಕರ್ತವ್ಯದ ಬಗ್ಗೆ ಮಾಹಿತಿ ಕೊರಿಯೆರ್ .

ವಿದ್ಯಾರ್ಥಿ ನಾಯಕಿಯಾದ್ 10 ನೇ ಕ್ಲಾಸ್ ದ ಕೃತಿ

ಅಂಚೆನೆ ಉಪನಾಯಕೆಯಾದ್ 10 ಕ್ಲಾಸ್ ದ ನಾಗರಾಜ್ ಆಯ್ಕೆ ಆಯೆರ್.

ಇರುವೈಲು ಶಾಲೆದ ಪೊಸ ಕಟ್ಟಡದ ಶಿಲಾನ್ಯಾಸ ಬೊಕ್ಕ ಸಭಾ ಲೇಸ್

ಇರುವೈಲು ಶಾಲೆದ ಪೊಸ ಕಟ್ಟಡದ ಶಿಲಾನ್ಯಾಸ ಬೊಕ್ಕ ಸಭಾ ಲೇಸ್

ಬೆದ್ರ : ಸ. ಹಿ. ಪ್ರಾ ಶಾಲೆ ಇರುವೈಲ್ ಡ್ ನಡತಿನ ಪೊಸ ಕಟ್ಟಡದ ಶಿಲಾನ್ಯಾಸ, ಬೊಕ್ಕ ಸಭಾ ಲೇಸ್ ನ್ ಉದಿಪನ ಮಲ್ತ್ , ವಿಜ್ಞಾನ ಪತ್ರನ್ ಶಾಸಕ ಉಮಾನಾಥ್ ಕೋಟ್ಯಾನ್ ಬುಡುಗಡೆ ಮಲ್ತೆರ್ .ಐರ್ದ್ ಬೊಕ್ಕ ಪಾತೆರಿನ ಆರ್ ಒಂಜಿ ಕಾಲಘಟ್ಟಡ್ ಮಾತಾ ಕನ್ನಡ ಶಾಲೆ ಮುಚ್ಚಿದ್ ಪೊಪುಂಡ ಪನ್ಪಿ ಪೋಡಿಗೆ ಉಂಡು ಅಂಡ ಇತ್ತೆ ಪ್ರತಿಯೊಂಜಿ ಶಾಲೆಲಾ ಅಭಿವೃದ್ಧಿ ಆವೊಂದು ಉಂಡು ಕನ್ನಡ ಮಾಧ್ಯಮ ಶಾಲೆಡ್ ಜೋಕ್ಲೆನ ಸಂಖ್ಯೆ ಜಾಸ್ತಿ ಆತುಂಡು ಪಂದ್ ಪಂಡೆರ್.

ಪೊಸ ಕಟ್ಟಡ ನಿರ್ಮಾಣಗ್ , ತನ್ನೆರ್ದ್ ಆಪಿನಾತ್ ಶಾಲಾ ಕಟ್ಟಡ ನಿರ್ಮಾಣಗ್ ಸಹಕಾರ ಕೊರ್ಪೆ ಪಂದ್ ಭರವಸೆ ಕೊರಿಯೆರ್ .

ಈ ಪೊರ್ತುಡು ಶಿಕ್ಷಣ ಇಲಾಖೆಯ ಜಂಟಿ ನಿರ್ದೇಶಕ ಸಿಪ್ರಿಯನ್ ಮೊಂಟೆರೊ, ಎಸ್.ಡಿ.ಸಿ.ಸಿ ಬ್ಯಾಂಕ್ ದ ನಿವೃತ್ತ ವ್ಯವಸ್ಥಾಪನಾ ನಿರ್ದೇಶಕ ರಘರಾಮ್ ರಾವ್, ಮೂಡುಬಿದಿರೆ ಕ್ಷೇತ್ರ ಶಿಕ್ಷಣಾಧಿಕಾರಿ ದೇವರಾಜ್, ಶಾಲಾ ಸಂಸ್ಥಾಪಕ ಕುಟುಂಬದ ಸದಸ್ಯೆ ಅನುರಾಧ ಭಟ್, ಶತಮಾನೋತ್ಸವ ಸಮಿತಿದ ಗೌರವಾಧ್ಯಕ್ಷ ಬೊಕ್ಕ ಕರ್ನಾಟಕ ಉಚ್ಚ ನ್ಯಾಯಾಲಯದ ನಿರ್ದೇಶಿತ ಪೆರಿಯ ನ್ಯಾಯವಾದಿ ಐ ತಾರಾನಾಥ್ ಪೂಜಾರಿ, ಶಾಲಾ ಶತಮಾನೋತ್ಸವ ಸಮಿತಿದ ಗೌರವಾಧ್ಯಕ್ಷ ಬೊಕ್ಕ ಹೈಕಮಾಂಡ್ ವಕೀಲ ಐ ಚಂದ್ರಹಾಸ ಶೆಟ್ಟಿ, ನನೊಂಜಿ ಶಾಲಾ ಶತಮಾನೋತ್ಸವ ಗೌರವಾಧ್ಯಕ್ಷ ದಿವಾಕರ ಪ್ರಭು, ಶ್ರೀ ಕ್ಷೇತ್ರ ಇರುವೈಲ್ ದೇವಲ್ಯದ
ವ್ಯವಸ್ಥಾಪನ ಸಮಿತಿ ಗುರ್ಕಾರ್ಲಾಯಿನ ಐ. ಕುಮಾರ್ ಶೆಟ್ಟಿ, ಗ್ರಾ. ಪಂ ಗುರ್ಕಾರ್ಲಾಯಿನ ವಲೇರಿಯನ್ ಕುಟಿನ್ಹಾ, ಮಾಜಿ ತಾಲೂಕು ಪಂಚಾಯತ್ ಸದಸ್ಯ ರುಕ್ಕಯ್ಯ ಪೂಜಾರಿ ಅಳಿಯೂರು, ಉದ್ಯಮಿಲಾಯಿನ ಸತೀಶ್ಚಂದ್ರ ಸಾಲ್ಯಾನ್ ಪಾಣಿಲ, ಭುಜಂಗ ಆ‌ ಶೆಟ್ಟಿ ದೊಡ್ಡಗುತ್ತು, ಬಾರ್ದಿಲ ರೆಹಮಾನ್ ಮಸೀದಿ ಗುರ್ಕಾರ್ಲಾಯಿನ ಪಿ. ಎಂ ಆಲಿ, ಸದಾನಂದ ಹೆಗಡೆ ಸುಗ್ಗೋಣಿ, ಬ್ರಹ್ಮಶ್ರೀ ನಾರಾಯಣ ಗುರು ಸಂಘದ ಗುರ್ಕಾರ್ಲಾಯಿನ ಕುಮಾರ್ ಪೂಜಾರಿ, ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರ್ಲಾಯಿನ ನಾರಾಯಣ ದೇವಾಡಿಗ, ಶಾಲಾಭಿವೃದ್ಧಿ ಸಮಿತಿ ಗುರ್ಕಾರ್ಲಾಯಿನ ಶೇಖರ್ ಪೂಜಾರಿ, ಶಾಲಾ ಮುಖ್ಯೋಪಾಧ್ಯಾಯಿನಿ ಕುಶಲ ಬೊಕ್ಕ ಜೋಕುಲು , , ಶಿಕ್ಷಕ ವೃಂದ ಸೇರಿನoಚ ಮಸ್ತ್ ಜನ ಪಾಲ್ ಪಡೆದಿತ್ತೆರ್ .

ಶಾಲಾ ಶತಮಾನೋತ್ಸವ ಸಮಿತಿದ ಗುರ್ಕಾರ್ಲು ಬೊಕ್ಕ ಮೆಸ್ಕಾಂದ ಸಹಾಯಕ ಕಾರ್ಯನಿರ್ವಾಹಕ ಇಂಜಿನಿಯರ್ ಮೋಹನ್ ಟಿ ಎದುಕೊಂಡೆರ್ , ಆರ್. ಜೆ ಪ್ರಸನ್ನ ಲೇಸ್ ನಡಪಾದ್ ಕೊರಿಯೆರ್ ಸತೀಶ್ ತಂಗಿಲ ಸೊಲ್ಮೆ ಸಂದೈತ ಮಲ್ತೆರ್ .